ဒု-ဗိုလ်ချုပ်မှူးကြီးစိုးဝင်းဦးဆောင်၍ သူရဲကောင်းဗိ မာန်(နေပြည်တော်)၌ ဂုဏ်ပြုပန်းခြင်းချအလေးပြု

နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်(ကိုယ်စား) ဒု-ဗိုလ်ချုပ်မှူးကြီးစိုးဝင်းဦးဆောင်၍ (၈၁)နှစ်မြောက် တပ်မတော်နေ့အထိမ်းအမှတ်အဖြစ် ယနေ့ မတ် ၂၇ ရက်နံနက်ပိုင်းက သူရဲကောင်းဗိမာန်(နေပြည်တော်)၌ ဂုဏ်ပြုပန်းခြင်းချ အလေးပြုခဲ့ကြသည်။

ဒု-ဗိုလ်ချုပ်မှူးကြီးစိုးဝင်းနှင့် တပ်မတော်အရာရှိကြီးများက နိုင်ငံတော်ကာကွယ်ရေးနှင့် လုံခြုံရေးတာဝန်များထမ်းဆောင်စဉ် အသက်စွန့်လွှတ်ပေးလှူခဲ့ရသည့် သူရဲကောင်းစစ်သည်များအား ဂုဏ်ပြုပန်းခြင်းချအလေးပြုခဲ့ကြပြီးနောက် သူရဲကောင်းဗိမာန်(နေပြည်တော်)အတွင်းကြည့်ရှုခဲ့ကြသည်။

သူရဲကောင်းစစ်သည်ဗိမာန်(နေပြည်တော်)ကို နိုင်ငံ တော်၏ လွတ်လပ်ရေးနှင့် အချုပ်အခြာအာဏာတည်တံ့ခိုင်မြဲရေးအတွက် အသက်စွန့်လွှတ်ခဲ့ရသည့် မြန်မာသူရဲကောင်းများကိုဂုဏ်ပြုရန်၊ အချုပ်အခြာအာဏာနှင့် လွတ်လပ်စွာအုပ်ချုပ်ခွင့်ရရှိပြီးသည့်နောက် အသိအမှတ်ပြုဖွယ်ရာ ရဲစွမ်းသတ္တိရှိစွာကြိုးစားအားထုတ်မှုများပြုလုပ်ရာတွင် အသက်ကိုစွန့်လွှတ်ခဲ့သည့် သူရဲကောင်းများကိုဂုဏ်ပြုရန်၊ ယင်းသူရဲကောင်းများအား နောင်လာနောက်သားများ အမြဲအမှတ်ရနေစေရန်နှင့် မျိုးဆက်သစ်လူငယ်များ၏ စိတ်ထဲတွင် နိုင်ငံတော်ကိုချစ်သည့် စိတ်နှင့် နိုင်ငံတော်အတွက် စွန့်လွှတ်စွန့်စားလိုသည့် စိတ်ဓာတ်များရှင်သန်ကိန်းအောင်းလာစေရန်ရည်ရွယ်၍ ၂၀၁၇ ခုနှစ်၊ မတ် ၂၇ ရက်ကဖွင့်လှစ်ခဲ့ခြင်းဖြစ်သည်။

ဗိမာန်အတွင်းနံရံများ၌ နိုင်ငံတော်ကာကွယ်ရေးတာဝန်များထမ်းဆောင်ရင်း အသက်စွန့်လွှတ်ပေးလှူခဲ့ရသည့် အောင်ဆန်းသူရိယဘွဲ့ရရှိခဲ့သူ၊ သီဟသူရဘွဲ့ရရှိခဲ့သူ သူရဘွဲ့ရရှိခဲ့သူ၊ သူရဲကောင်းမှတ်တမ်းဝင်တံဆိပ်ရရှိခဲ့သူများ၏ အမည်များကို ဂရင်းနိုက်ကျောက်ပြားပေါ်၌ ရွှေစာလုံးများဖြင့် ရေးထွင်းမှတ်တမ်းတင်ဂုဏ်ပြုထားပြီး ဗိမာန်အပြင်ဘက်တွင်လည်း အောင်ဆန်းသူရိယဘွဲ့ရရှိခဲ့သူ စစ်သည်(၅)ဦးနှင့် အရပ်သား(၁)ဦးတို့၏ ပုံတူများကိုဂုဏ်ပြုစိုက်ထူထားသည်။

တပ်မတော်သည် နိုင်ငံ့အရေးအတွက်အမြဲအသင့်ရှိနေမည်ဟု တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်ပြော

တပ်မတော်သည် နိုင်ငံ့အရေးအတွက်အမြဲအသင့်ရှိနေမည် နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်မှ မတ် ၂၇ ရက်တွင်ကျရောက်သည့် (၈၁)နှစ်မြောက်တပ်မတော်နေ့စစ်ရေးပြအခမ်းအနားတွင်ပြောကြားခဲ့ခြင်းဖြစ်သည်။

အမျိုးသားကာကွယ်ရေးနှင့် လုံခြုံရေးကောင်စီအနေဖြင့် ခိုင်မာသည့်အစိုးရတစ်ရပ်ပေါ်ပေါက်ပြီး နိုင်ငံရေးခရီးလမ်း၌ ခိုင်ခိုင်မာမာလျှောက်လှမ်းနိုင်သည်အထိ ဆောင်ရွက်ပေးမည်ဖြစ်ကာ တပ်မတော်အနေဖြင့်လည်း နိုင်ငံ့အရေးအတွက်အမြဲအသင့်ရှိနေမည်ဟု ပြောသည်။

" အခုချိန်မှာ ရွေးကောက်ပွဲကြီးကတစ်ဆင့် ပြည်သူ့ဆန္ဒကို လက်တွေ့ကျကျအကောင်အထည်ဖော်ဆောင်ရွက်ပေးနိုင်မယ့် ပြည်သူ့ကိုယ်စားလှယ်တွေထွက်ပေါ်ခဲ့ပြီး လွှတ်တော်အသီးသီးရဲ့အစည်းအဝေးတွေစတင်ကျင်းပနေပြီဖြစ်ပါတယ်"ဟု ဗိုလ်ချုပ်မှူးကြီးမင်းအောင်လှိုင်က ပြောသည်။

ထို့ကြောင့် ပြည်သူတစ်ဦးချင်းစီမှ စက်ခလုတ်နှိပ်ပြီးပေးခဲ့ကြသည် မဲတစ်မဲစီသည် ပြည်သူတစ်ဦးချင်းစီ၏ ဦးနှောက်နှင့်နှလုံးသားများဖြစ်၍ ပေါ် ထွက်လာခဲ့သော ပြည်သူ့ကိုယ်စားလှယ်များမှလည်း နိုင်ငံ့အရေးကို အမြော်အမြင်ရှိရှိ၊ သစ္စာရှိရှိနှင့် အလေးအနက်ထားကြိုးပမ်းထမ်းရွက်ရန်လိုသည်ဟု မှာကြားသည်။

မြန်မာနိုင်ငံ၏ နိုင်ငံရေးစနစ်အရ ဒီမိုကရေစီစနစ်ကို ကျင့်သုံးနေခြင်းဖြစ်ပြီး နိုင်ငံတော်ဖွဲ့စည်းတည်ဆောက်ပုံစနစ်အရ ဒီမိုကရေစီနှင့် ဖက်ဒရယ်စနစ်ကိုအခြေခံသည့် ပြည်ထောင်စုကြီးခိုင်မာစေရေးကို ဦးတည်လျှောက်လှမ်းနေခြင်းဖြစ်ကာ ဖက်ဒရယ်စနစ်သည် လူပုဂ္ဂိုလ်၊ လူမျိုးအတွက်ရည်ညွှန်းခြင်းမဟုတ်ဘဲ ဒေသတစ်ခု၊ နယ်မြေတစ်ခုအပေါ် ရည်ညွှန်းဆောင်ရွက်ခြင်းဖြစ်ရာ မြန်မာနိုင်ငံနှင့်ကိုက်ညီသော ဒေသကိုအခြေခံသော ဖက်ဒရယ်စနစ်ကိုကျင့်သုံးသွားမည်ဟု ဗိုလ်ချုပ်မှူးကြီးမင်းအောင်လှိုင်က ပြောကြားခဲ့သည်။

နီပေါနိုင်ငံ၏ (၄၃)ဦးမြောက်ဝန်ကြီးချုပ်သစ် ကျမ်းသစ္စာဆို

မြန်မာသံအမတ်ကြီးတက်ရောက်၍ မြန်မာ-နီပေါနှစ်နိုင်ငံဆက်ဆံရေးတိုးမြှင့်မည်ဖြစ်ဟု ကတိပြုပြောကြား

နီပေါနိုင်ငံဝန်ကြီးချုပ်သစ် Right Honourable Mr. Balendra Shah ၏ကျမ်းသစ္စာဆိုခြင်းအခမ်းအနားကို သမ္မတအိမ်တော်၌ မတ် ၂၇ ရက်ကကျင်းပရာ နီပေါနိုင်ငံဆိုင်ရာ မြန်မာသံအမတ်ကြီးဦးသန့်စင်သည် နီပေါနိုင် ငံအစိုးရ၏ဖိတ်ကြားချက်အရတက်ရောက်ခဲ့သည်။

ဝန်ကြီးချုပ်သစ် Right Honourable Mr. Balendra Shah မှ နီပေါနိုင်ငံသမ္မတ Right Honourable Ram Chandra Paudel ရှေ့မှောက်တွင် နီပေါနိုင်ငံ၏ (၄၃) ဦးမြောက်ဝန်ကြီးချုပ်အဖြစ်ကျမ်းသစ္စာဆိုခဲ့သည်။

အခမ်းအနားအပြီးတွင် မြန်မာသံအမတ်ကြီးသည် ဝန်ကြီးချုပ်သစ်နှင့်တွေ့ဆုံနှုတ်ဆက်၍ ဝမ်းမြောက် ကြောင်းဂုဏ်ပြုစကားပြောကြားပြီး မြန်မာ-နီပေါနှစ်နိုင်ငံဆက်ဆံရေးတိုးမြှင့်သွားမည်ဟု ကတိပြုပြောကြားခဲ့သည်။

ပဲခူး-မော်လမြိုင်ရထားလမ်းပိုင်းအဆင့်မြှင့်တင်နေ

မြန်မာ့မီးရထားမှ ရထားစီးခရီးသည်များသွားလာမှုအဆင်ပြေစေရေးနှင့် ကုန်စဥ်ပို့ဆောင်မှုများလွယ်ကူချောမွေ့စေရေးအတွက် ပဲခူး-မော်လမြိုင်ရထားလမ်းပိုင်းအား အဆင့်မြှင့်တင်မှုများပြုလုပ်လျက်ရှိကြောင်း သိရသည်။

ပဲခူး-မော်လမြိုင်ရထားလမ်းပိုင်းရှိ တာပေါင်အကျယ်ကျဉ်းနေသောနေရာများအားမြေဖို့ခြင်း၊ တစ်မိုင်လျှင် ကျင်း(၅၀၀)ကျောက်ဖြည့်တင်းခြင်း၊ လမ်းပိုင်းအား ကျောက်ပက်ကင်ရိုက်ခြင်းလုပ်ငန်းများကို ဆောင်ရွက်လျက်ရှိကြောင်း သိရသည်။

ထို့ပြင် ပဲခူး-မော်လမြိုင်ရထားလမ်းအရှည်မိုင်(၁၃၀) ကို ၂၀၁၄-၂၀၁၅ ဘဏ္ဍာနှစ်မှစတင်၍ ကိုးချောင်းဆက်သံလမ်းလဲလှယ်ခြင်း၊ ကွန်ကရစ်ဇလီဖားတုံးများ ဖြည့်တင်းခြင်း၊ တစ်မိုင်လျှင်ကျင်း(၃၅၀)နှုန်းဖြင့် လမ်းခင်းကျောက်ဖြည့်တင်းခြင်း၊ Auto-matic Levelling Lining & Tamping Machine (ALL-TM) စက်ကြီးဖြင့်လမ်းပက်ကင်ရိုက်ခြင်း၊ လမ်းပိုင်းအချောသတ်ပြုပြင်ခြင်း၊ တံတားများအဆင့်မြှင့်တင်ပြုပြင်ခြင်းတို့ကိုလည်းပြုလုပ်ခဲ့ကြောင်း သိရသည်။

ပဲခူး-မော်လမြိုင်ရထားလမ်းပိုင်းအားလုံးအတွက် ကျောက်ကျင်း(၅,၂၇၉)ကျင်းထပ်မံဖြည့်တင်းသွားမည်ဖြစ်ပြီး လမ်းပိုင်းတစ်ခုလုံးအဆင့်မြှင့်တင်မွမ်းမံပြီးပါက အများဆုံး(၇၅)ကီလိုမီတာနှုန်းဖြင့် ရထားပြေးဆွဲပေးသွားနိုင်မည်ဖြစ်ပြီး ရထားပြေးဆွဲချိန် ထပ်မံလျှော့ချပေးနိုင်မည်ဖြစ်ကြောင်း သိရသည်။

Bar Code/ QR Code စနစ်ဖြင့် စက်သုံးဆီများရောင်း ချမှု Online Monitoring Center ဖြင့်စောင့်ကြည့်ထိန်းကျောင်းကြပ်မတ်နေ

Bar Code/ QR Code စနစ်ဖြင့် ရန်ကုန်၊ နေပြည်တော်၊ မန္တလေးနှင့် တောင်ကြီးမြို့ရှိ စက်သုံးဆီအရောင်းဆိုင်များ၌ စက်သုံးဆီများရောင်းချမှုများကို နေပြည်တော်ရှိ Online Monitoring Center မှတစ်ဆင့် အွန်လိုင်းဖြင့်စောင့်ကြည့်ထိန်းကျောင်းကြပ်မတ်လျက်ရှိကြောင်း သိရသည်။

ထို့ပြင် သက်ဆိုင်ရာတိုင်းနှင့် ပြည်နယ်များရှိ တိုင်း/ပြည်နယ်ကြီးကြပ်စစ်ဆေးရေးအရာရှိရုံးများနှင့် ဆက်စပ်ဌာနများပူးပေါင်း၍ စက်သုံးဆီအရောင်းဆိုင်များကိုမြေပြင်ကွင်းဆင်း၍ လိုအပ်သည်များကူညီဆောင်ရွက်ပေးခြင်းနှင့် စစ်ဆေးကြပ်မတ်ခြင်းများကိုလည်းဆောင်ရွက်ပေးလျက်ရှိကြောင်း သိရသည်။

ထို့ကြောင့် စက်သုံးဆီဝယ်ယူရာတွင်အခက်အခဲများရှိပါက တိုင်ကြားနိုင်ကာ စွမ်းအင်ဝန်ကြီးဌာနအနေဖြင့် အချိန်နှင့်တစ်ပြေးညီဖြေရှင်းပေးနိုင်ရန် Call Center ဖွင့်လှစ်ထားပြီး နည်းပညာဆိုင်ရာအခက်အခဲများနှင့် အခြားတင်ပြတိုင်ကြားလိုမှုများကို Call Center ဖုန်းနံပတ်များဖြစ်သည့် ဖုန်း - ၀၉ ၄၄၀၄၃၃၃၂၄ ၊ ၀၉ ၈၉၉၁၂၉၂၉၆ ၊ Viber - ၀၉ ၄၀၁၇၄၈၅၉၈ တို့သို့ ဆက်သွယ်တိုင်းကြားနိုင်ကြောင်း သိရသည်။

လက်ရှိအချိန်၌ စက်သုံးဆီဝယ်ယူရာတွင် ပိုမိုအဆင်ပြေချောမွေ့စေရေးနှင့် အရောင်းဆိုင်များတွင် ယာဉ်တန်းစီမှုပိုမိုလျှော့ချနိုင်ရေးတို့အတွက် အဆင့်မြှင့်တင်ထားသည့် Bar Code/QR Code စနစ်ဖြင့် ယာဉ်၏ စက်စွမ်းအားအလိုက်ဝယ်ယူခွင့်ပြုထားသည့်အတိုင်း စက်သုံးဆီများစိစစ်ရောင်းချခြင်းကို ရန်ကုန်၊ နေပြည် တော်၊ မန္တလေးနှင့် တောင်ကြီးတို့၌ မတ် ၂၇ ရက်မှစ တင်ဆောင်ရွက်လျက်ရှိကြောင်း သိရသည်။

ထိုသို့ Bar Code/ QR Code စနစ်ဖြင့် စက်သုံးဆီများရောင်းချနေမှုကို Online Monitoring Center ဖြင့်စောင့်ကြည့်ထိန်းကျောင်းကြပ်မတ်နေခြင်းအား စွမ်းအင်ဝန်ကြီးဌာန ဒု-ဝန်ကြီးဦးကျော်နိုင်ဝင်းမှ မတ် ၂၇ ရက်ကကြည့်ရှုစစ်ဆေးခဲ့ကြောင်း သိရသည်။

ပင်လယ်ကွေ့ပဋိပက္ခကြောင့် တစ်နေ့လျှင် ယူရို ၃၄၀ သန်းခန့်အပိုဆောင်းကုန်ကျနေ

ဟော်မုဇ်ရေလက်ကြားတစ်ဝိုက် တင်းမာမှုများကြောင့် ကမ္ဘာတစ်ဝန်း သင်္ဘောလိုင်းများတွင် ကုန်ကျစရိတ်များ မြင့်တက်လျက်ရှိပြီး၊ ကုမ္ပဏီများအနေဖြင့် နေ့စဉ်စက်သုံးဆီအသုံးစရိတ် ယူရို ၃၄၀ သန်း (အမေရိကန်ဒေါ်လာ ၃၉၃ သန်းခန့်) ပိုမိုကုန်ကျနေကြောင်း ဥရောပအခြေစိုက် သယ်ယူပို့ဆောင်ရေးအဖွဲ့အစည်းတစ်ခုက သောကြာနေ့တွင် ပြောကြားခဲ့သည်။

ဖေဖော်ဝါရီလ ၂၈ ရက် နေ့တွင် အမေရိကနှင့် အစ္စရေးတို့က အီရန်ကို အကြီးအကျယ် တိုက်ခိုက်ခဲ့ပြီးနောက်ပိုင်း သင်္ဘောလိုင်းများသည် စက်သုံးဆီအတွက် အပိုဆောင်းကုန်ကျစရိတ် ယူရို ၄.၆ ဘီလျံကျော် အကုန်အကျခံခဲ့ရကြောင်း အဆိုပါအဖွဲ့၏ အစီရင်ခံစာတွင် ဖော်ပြထားသည်။

သင်္ဘောသုံးစက်သုံးဆီဈေးနှုန်းများမှာ သိသိသာသာ မြင့်တက်ခဲ့ပြီး စင်ကာပူနိုင်ငံ၌ ဆာလဖာပါဝင်မှု အလွန်နည်းသော စက်သုံးဆီ (VLSFO) ဈေးနှုန်းမှာ တစ်တန်လျှင် ၉၄၁ ယူရိုအထိ ရှိလာကာ ၂၀၂၆ ခုနှစ်အစပိုင်းနှင့် နှိုင်းယှဉ်ပါက ၂၂၃ ရာခိုင်နှုန်း မြင့်တက်လာခြင်းဖြစ်သည်။ ထို့ပြင် သဘာဝဓာတ်ငွေ့ရည် ဈေးနှုန်းမှာလည်း မတ်လအစပိုင်းမှစ၍ ၇၂ ရာခိုင်နှုန်း မြင့်တက်ခဲ့သဖြင့် သင်္ဘောပိုင်ရှင်များအတွက် လုပ်ငန်းလည်ပတ်မှုစရိတ်များ ပိုမိုများပြားလာစေသည်။

ကမ္ဘာတစ်ဝန်း သင်္ဘောအုပ်စု၏ ၉၉ ရာခိုင်နှုန်းမှာ ရုပ်ကြွင်းလောင်စာကိုသာ အသုံးပြုနေရဆဲဖြစ်သဖြင့် အဆိုပါလုပ်ငန်းကဏ္ဍသည် စက်သုံးဆီဈေးနှုန်း မတည်ငြိမ်မှုနှင့် ထောက်ပံ့မှုပြတ်တောက်မှုဒဏ်ကို တိုက်ရိုက်ခံစားနေရခြင်းဖြစ်သည်ဟု ဆိုသည်။

“ဟော်မုဇ်ရေလက်ကြားက မတည်ငြိမ်မှုတွေဟာ ကမ္ဘာ့ရေကြောင်းကုန်သွယ်ရေးအပေါ် ရို-က်ခတ်နေပြီး အထူးသဖြင့် ရေနံဈေးကွက်ကို အဓိကထိခိုက်စေပါတယ်။ ဒီစစ်ပွဲကြောင့် လုပ်ငန်းရှင်တွေဟာ နေ့စဉ်နဲ့အမျှ သန်းနဲ့ချီပြီး ဆုံးရှုံးနေရပါတယ်” ဟု အဆိုပါအဖွဲ့၏ ရေကြောင်းမူဝါဒဆိုင်ရာအရာရှိ အီလွိုင်း နော့ဒ် က ပြောကြားခဲ့သည်။

လက်ရှိအကျပ်အတည်းသည် ပိုမိုသန့်စင်သော စွမ်းအင်သုံးစွဲမှုတွင် ရင်းနှီးမြှုပ်နှံရန် တွန်းအားဖြစ်စေနိုင်ကြောင်း၊ ယခင်က သန့်စင်စွမ်းအင်သုံး သင်္ဘောများ၏ ကုန်ကျစရိတ်ကြီးမားမှုအပေါ် စိုးရိမ်ခဲ့ကြသော်လည်း ယခုကြုံတွေ့နေရသော အနှောင့်အယှက်များနှင့် နှိုင်းယှဉ်ပါက ထိုကုန်ကျစရိတ်မှာ သိပ်မများတော့ကြောင်း ၎င်းက ဆက်လက်ပြောကြားခဲ့သည်။

ထို့ပြင် အစီရင်ခံစာ၌ စက်သုံးဆီဈေးနှုန်းရိုက်ခတ်မှုကို လျှော့ချနိုင်မည့် နည်းလမ်းများကိုလည်း ဖော်ပြထားသည်။ ကူးတို့သင်္ဘောများနှင့် ကမ်းရိုးတန်းကုန်တင်သင်္ဘောကဲ့သို့သော ခရီးတိုသွားလာသည့် သင်္ဘောများကို လျှပ်စစ်ဓာတ်အားသုံးစနစ်သို့ ပြောင်းလဲခြင်းနှင့် ခရီးဝေးသွား သင်္ဘောများတွင် စက်သုံးဆီချွေတာရန်အတွက် အရှိန်လျှော့မောင်းနှင်ခြင်းနှင့် လေအားကူမောင်းနှင်စနစ်တို့ကို အသုံးပြုခြင်းဖြင့် ထိရောက်မှုကို မြှင့်တင်နိုင်မည်ဖြစ်ကြောင်း အကြံပြုထားပါသည်။

Ref: ရှင်းဟွာ

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
*************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ယနေ့ ရွှေဈေးနဲ့ နိုင်ငံခြားငွေလဲနှုန်းများ

( ၂၀၂၆ - မတ် ၂၇ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၄၃၆ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၇,၀၀၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၅၃၀,၀၀၀ ကျပ်
ဝယ်ဈေး ၁၀,၄၉၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၁၃၀,၀၀၀ ကျပ်
ဝယ်ဈေး ၁၀,၀၉၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၄၁၀,၀၀၀ ကျပ်
ဝယ်ဈေး ၁၀,၃၇၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၀၁၀,၀၀၀ ကျပ်
ဝယ်ဈေး ၉,၉၇၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၇ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၈၀ ကျပ်
ဝယ်ဈေး - ၄၃၆၀ ကျပ်

-စင်္ကာပူဒေါ်လာ
ရောင်းဈေး - ၃၄၀၀ ကျပ်
ဝယ်ဈေး - ၃၃၂၀ ကျပ်

-ယူရို
ရောင်းဈေး - ၅၀၅၀ ကျပ်
ဝယ်ဈေး - ၄၉၅၀ ကျပ်

-ထိုင်းဘတ်
ရောင်းဈေး - ၁၃၅.၅၀ ကျပ်
ဝယ်ဈေး - ၁၃၂.၅၀ ကျပ်

-မလေးရှားရင်းဂစ်
ရောင်းဈေး - ၁၁၁၀ ကျပ်
ဝယ်ဈေး - ၁၀၀၀ ကျပ်

-တရုတ်ယွမ်
ရောင်းဈေး - ၆၄၅ ကျပ်
ဝယ်ဈေး - ၆၂၅ ကျပ်

-ဂျပန်ယန်း
ရောင်းဈေး - ၂၈ ကျပ်
ဝယ်ဈေး - ၂၇.၅ ကျပ်

-အိန္ဒိယရူပီး
ရောင်းဈေး - ၄၇.၃၅ ကျပ်
ဝယ်ဈေး - ၄၆.၀၉ ကျပ်

-ကိုရီးယားဝမ်
ရောင်းဈေး - ၂.၉၇ ကျပ်
ဝယ်ဈေး - ၂.၈၉ ကျပ်

-စတာလင်ပေါင်
ရောင်းဈေး - ၅၉၆၀ ကျပ်
ဝယ်ဈေး - ၅၈၀၀ ကျပ်

-ဩစတြေးလျဒေါ်လာ
ရောင်းဈေး - ၃၀၈၀ ကျပ်
ဝယ်ဈေး - ၃၀၂၀ ကျပ်

-ကနေဒါဒေါ်လာ
ရောင်းဈေး - ၃၁၈၀ ကျပ်
ဝယ်ဈေး - ၃၁၂၀ ကျပ်

-ဟောင်ကောင်ဒေါ်လာ
ရောင်းဈေး - ၅၇၀ ကျပ်
ဝယ်ဈေး - ၅၅၅ ကျပ်

-ယူအေအီး
ရောင်းဈေး - ၁၂၁၆ ကျပ်
ဝယ်ဈေး - ၁၁၈၄ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

Bicycle Tool Market Forecast to Reach $2.8 Billion by 2033 with 19% CAGR

The global Bicycle Tool market has experienced significant growth due to rising cycling participation, growing demand for DIY bicycle maintenance, and expansion of professional repair shops. Valued at USD 0.75 billion in 2023, the market is projected to reach USD 2.8 billion by 2033, registering a compound annual growth rate (CAGR) of 19% during the forecast period 2024–2033.

Read More -> https://marketintelo.com/repor....t/bicycle-tool-marke