နှစ်နှစ်ကျော် မီးပြတ်တောက်ခဲ့သည့် ကျောက်မဲနှင့် သီပေါမြို့တို့တွင် နိုင်ငံတော်ဓာတ်အားစနစ်ဖြင့် မီးပြန်လည်ဖြန့်ဖြူး

တိုက်ပွဲဖြစ်စဉ်များကြောင့် လျှပ်စစ်အခြေခံအဆောက်အအုံများ ပျက်စီးကာ နှစ်နှစ်ကျော် နိုင်ငံတော်ဓာတ်အားစနစ်မှ လျှပ်စစ်မီးပြတ်တောက်ခဲ့သည့် ကျောက်မဲမြို့နှင့် သီပေါမြို့တို့တွင် ပျက်စီးမှုများကို ပြန်လည်ပြုပြင်တည်ဆောက်ပြီးနောက် စက်တင်ဘာ ၂၂ ရက်မှစ၍ နိုင်ငံတော်ဓာတ်အားစနစ်ဖြင့် လျှပ်စစ်ဓာတ်အား ပြန်လည်ဖြန့်ဖြူးပေးနေပြီဖြစ်ကြောင်း သိရသည်။

တိုက်ပွဲဖြစ်စဉ်များအတွင်း ၆၆ ကေဗွီ မန်စံ-သီပေါ ဓာတ်အားလိုင်း၊ ၃၃ ကေဗွီ သီပေါ-ကျောက်မဲ ဓာတ်အားလိုင်း၊ ဓာတ်အားခွဲရုံသုံးရုံနှင့် ထရန်စဖော်မာများ ထိခိုက်ပျက်စီးခဲ့သဖြင့် ၂၀၂၄ ခုနှစ် ဇွန် ၂၅ ရက်တွင် ကျောက်မဲမြို့နှင့် ဇွန် ၂၆ ရက်တွင် သီပေါမြို့တို့၌ နိုင်ငံတော်ဓာတ်အားစနစ်မှ လျှပ်စစ်ဓာတ်အား ပြတ်တောက်ခဲ့ခြင်းဖြစ်သည်။

အဆိုပါနယ်မြေများ ပြန်လည်ထိန်းချုပ်ပြီးနောက် လျှပ်စစ်နှင့် စွမ်းအင်ဝန်ကြီးဌာနက ပြည်ထောင်စုနှင့် ပြည်နယ်အစိုးရ ရန်ပုံငွေများဖြင့် ၂၀၂၅ ခုနှစ် နိုဝင်ဘာ ၁၅ ရက်မှစတင်ကာ ပျက်စီးသွားသည့် လျှပ်စစ်အခြေခံအဆောက်အအုံများကို ပြန်လည်ပြုပြင်တည်ဆောက်ခဲ့သည်။

ပြုပြင်တည်ဆောက်နေသည့်ကာလအတွင်း သီပေါမြို့၌ ဒီဇယ်ဓာတ်အားပေးစက်များဖြင့်လည်းကောင်း၊ ကျောက်မဲမြို့၌ နမ့်စောင်းငေါင်း အသေးစားရေအားလျှပ်စစ်ဓာတ်အားပေးစက်ရုံမှလည်းကောင်း ပြည်သူ့ဆေးရုံ၊ စာသင်ကျောင်းနှင့် ဌာနဆိုင်ရာရုံးများသို့ ယာယီအချိန်ပိုင်း ဓာတ်အားဖြန့်ဖြူးပေးခဲ့သည်။

လက်ရှိတွင် ပြန်လည်ပြုပြင်ရေးလုပ်ငန်းများ ဆောင်ရွက်ပြီးစီးမှုနှင့်အတူ စက်တင်ဘာ ၂၂ ရက် နံနက် ၁၁ နာရီမှစ၍ ကျောက်မဲမြို့ပေါ် ၇ ရပ်ကွက်၊ ပြည်သူ့ဆေးရုံ၊ ဌာနဆိုင်ရာရုံး ၂၉ ရုံးနှင့် စာသင်ကျောင်း ၆ ကျောင်း တို့ကို နိုင်ငံတော်ဓာတ်အားစနစ်ဖြင့် မီးပြန်လည်ပေးနိုင်ခဲ့သည်။

အလားတူ သီပေါမြို့ပေါ် ၁၀ ရပ်ကွက်၊ ပြည်သူ့ဆေးရုံ၊ ဌာနဆိုင်ရာရုံး ၂၁ ရုံးနှင့် စာသင်ကျောင်း ၇ ကျောင်း တို့ကိုလည်း နိုင်ငံတော်ဓာတ်အားစနစ်ဖြင့် လျှပ်စစ်ဓာတ်အား ပြန်လည်ဖြန့်ဖြူးပေးနိုင်ခဲ့ပြီး ကျန်ရှိသည့်နေရာများကိုလည်း ဆက်လက်ဓာတ်အားဖြန့်ဖြူးပေးနိုင်ရေး ဆောင်ရွက်လျက်ရှိကြောင်း သိရသည်။

MSMEs များကို ချေးငွေ ကျပ်ဘီလီယံ ၈,၉၀၀ ကျော် ထုတ်ချေးထား

အသေးစား၊ အငယ်စားနှင့် အလတ်စား စီးပွားရေးလုပ်ငန်း (MSMEs) များ ဖွံ့ဖြိုးတိုးတက်ရေးအတွက် မြန်မာ့စီးပွားရေးဘဏ်နှင့် ပုဂ္ဂလိကဘဏ် ၁၉ ဘဏ်တို့မှတစ်ဆင့် ထုတ်ချေးပေးထားသည့် ချေးငွေပမာဏမှာ ၂၀၂၅-၂၀၂၆ ဘဏ္ဍာနှစ်ကုန်အထိ ကျပ် ၈,၉၇၄ ဒသမ ၂၂ ဘီလီယံ ရှိကြောင်း အလုပ်သမားဝန်ကြီးဌာန ဒုတိယဝန်ကြီး ဦးမောင်မောင်သန်းက ပြောကြားသည်။

စက်တင်ဘာ ၂၃ ရက်က ကျင်းပသည့် တတိယအကြိမ် ပြည်သူ့လွှတ်တော် တတိယပုံမှန်အစည်းအဝေး တတိယနေ့တွင် လွှတ်တော်မေးခွန်းများ ပြန်လည်ဖြေကြားရာ၌ MSMEs ကဏ္ဍအတွက် ငွေကြေးနှင့် နည်းပညာပိုင်း ပံ့ပိုးပေးနေမှုများကို ထည့်သွင်းပြောကြားခဲ့ခြင်းဖြစ်သည်။

MSMEs များအတွက် လိုအပ်သည့် ငွေကြေးရင်းမြစ်များကို JICA ရန်ပုံငွေ၊ MSMEs ရန်ပုံငွေနှင့် ဘဏ်များ၏ ကိုယ်ပိုင်ရန်ပုံငွေများ အသုံးပြု၍ ဘဏ်များမှတစ်ဆင့် ထုတ်ချေးပေးလျက်ရှိသည်။

ထို့ပြင် MSMEs ဖွံ့ဖြိုးတိုးတက်ရေး ရန်ပုံငွေ ကျပ်ဘီလီယံ ၁၅၀ အနက် လုပ်ငန်းရှင် ၂၅၃ ဦးအား ကျပ် ၉,၉၅၅ သန်း ထုတ်ချေးပေးထားပြီးဖြစ်ကြောင်း သိရသည်။

MSMEs များအနေဖြင့် ယှဉ်ပြိုင်နိုင်စွမ်းမြင့်မားသည့် တန်ဖိုးမြှင့်ထုတ်ကုန်များ ထုတ်လုပ်နိုင်ရေးအတွက်လည်း တိုင်းဒေသကြီးနှင့် ပြည်နယ်အသီးသီးရှိ လုပ်ငန်းရှင် ၃,၁၄၈ ဦး ကို နည်းပညာနှင့် အသိပညာပေးသင်တန်းများ ပံ့ပိုးပေးခဲ့ကြောင်း သိရသည်။

ထို့အတူ MSMEs ကဏ္ဍ ဖွံ့ဖြိုးတိုးတက်ရေးကို ပိုမိုအလေးထားဆောင်ရွက်နိုင်ရန် စက်မှုဝန်ကြီးဌာနကို “စက်မှုနှင့် အသေးစား၊ အငယ်စားနှင့် အလတ်စားစီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန” အဖြစ် ပြောင်းလဲဖွဲ့စည်းထားပြီး အတိုးနှုန်းသက်သာသည့် ချေးငွေများ၊ နည်းပညာနှင့် လိုအပ်သည့် ပံ့ပိုးမှုများပေးကာ အလုပ်အကိုင်အခွင့်အလမ်းသစ်များ ဖန်တီးပေးလျက်ရှိကြောင်း သိရသည်။

တရုတ်နိုင်ငံသားကျားဖြန့် ၆၀ ကျော်ကို ဝ က ဖမ်းဆီးပြီး တရုတ်ဘက် ပြန်ပို့

ဝပြည် ဒေသ အတွင်း ဖမ်းဆီးရမိတဲ့ တရုတ်နိုင်ငံသား ကျားဖြန့်လုပ်ငန်းနဲ့ ဆက်နွှယ်သူ ၆၄ ဦးကို စက်တင်ဘာ ၂၂ ရက်မှာ တရုတ်ဘက် ပြန်လည်လွှဲပြောင်းပေးခဲ့တယ်လို့ ဝပြည်နယ် တရားရေးကော်မတီက ထုတ်ပြန်ပါတယ်။

"UWSA ထိန်းချုပ်ဒေသ ပန်ဆန်းကနေ ဖမ်းဆီး ထိန်းသိမ်းထားတဲ့ တရုတ်နိုင်ငံသား ကျားဖျန့် အွန်လိုင်း ငွေလိမ် လုပ်ငန်း လုပ်ကိုင်သူ ၆၄ ယောက်ကို မန်ခါး နယ်စပ် ဂိတ် ကနေ တဆင့် ယူနန် အစိုးရဆီ လွှဲပြောင်း ပေးလိုက်တယ်လို့ သိရတယ်" လို့ ဒေသခံ တယောက်က ပြောပါတယ်။

အဲဒီ ၆၄ ဦးထဲမှာ ကျားဖြန့်လုပ်ငန်းနဲ့ ဆက်နွှယ်တယ်လို့ သံသယရှိသူ ၆၃ ဦးနဲ့ အမှုနဲ့ ဆက်နွှယ်သူ တစ်ဦး ပါဝင်တယ်လို့ ထုတ်ပြန်ချက်မှာ ဖော်ပြထားပါတယ်။

သူတို့ဟာ တခြားပြည်ပဒေသတွေကနေ ဝပြည်နယ်အတွင်း ဝင်ရောက်လာပြီး ကျားဖြန့်လုပ်ငန်းတွေ ဆက်လက်လုပ်ကိုင်ဖို့ ကြိုးပမ်းခဲ့တာဖြစ်တယ်လို့ ဝဘက်က ပြောပါတယ်။

"ဖမ်းဆီးတဲ့ နေ့တော့ မသိဘူး။ မနေ့က လွှတ်ပြီး ပြန်ပို့တာပါ" လို့ ဒေသခံ နောက်ထပ် အမျိုးသား တယောက်က ပြောပါတယ်။

ဝ ကိုယ်ပိုင်အုပ်ချုပ်ခွင့်ရ ဒေသ တရားရေးအဖွဲ့တွေက သတင်းအချက်အလက် စုဆောင်းစုံစမ်းပြီးနောက် ကျားဖြန့်လုပ်ငန်း လုပ်ကိုင်နေတဲ့ နေရာတွေကို ဝင်ရောက်ဖမ်းဆီးခဲ့ရာ တရုတ်နိုင်ငံသား ၆၃ ဦးကို ဖမ်းဆီးရမိခဲ့ပြီး လုပ်ငန်းမှာ အသုံးပြုတဲ့ ပစ္စည်းတွေကိုလည်း သိမ်းဆည်းရမိခဲ့တယ်လို့ ဆိုပါတယ်။

ဖမ်းဆီးရမိသူ ၆၄ ဦးကိုတော့ ယူနန်ပြည်နယ်၊ ပူအာမြို့၊ မန်လျန်ခရိုင် မုန်အာနယ်စပ်ဂိတ်မှာ တရုတ်ဘက်ကို လွှဲပြောင်းပေးခဲ့တာဖြစ်ပါတယ်။

ဝ ဒေသနဲ့ တရုတ်ဘက်အကြား နယ်စပ်ဖြတ်ကျော် ပြစ်မှုတိုက်ဖျက်ရေးနဲ့ ကျားဖြန့်နှိမ်နင်းရေး ပူးပေါင်းဆောင်ရွက်မှုတွေ ဆက်လက်လုပ်ဆောင်နေပြီး ပြစ်မှုတွေကို တင်းတင်းကျပ်ကျပ် နှိမ်နင်းသွားမယ်လို့ ဝပြည်နယ် တရားရေးကော်မတီက ထုတ်ပြန်ထားပါတယ်။

ခရီးသွားတဲ့အခါ ရဲစခန်းထောက်ခံစာလိုအပ်ပြီး ဖုန်းထဲမှာဥပဒေနှင့် မညီညွတ်တဲ့ ပုံနဲ့ဗီဒီယိုတွေလည်း မရှိဖို့လိုအပ်ကြောင်း ဘုရားဖူးအသင်းက အသိပေး

ပြည်တွင်း ဘုရားဖူးခရီးသွားဧည့်သည်တွေအနေနဲ့ ခရီးသွားတဲ့အခါ ဖုန်းထဲမှာ ဥပဒေနှင့် မညီညွတ်တဲ့ Photo/Video တွေ မပါရှိစေရေး သတိပြုဖို့ ပြည်တွင်းဘုရားဖူးနှင့်ခရီးသွားဝန်ဆောင်မှုအသင်းက အသိပေး ထုတ်ပြန်ထားပါတယ်။

ဘုရားဖူးကားတွေ ဘေးကင်းလုံခြုံစွာထွက်ခွာနိုင်ဖို့အတွက်ဆိုပြီး အဲဒီအချက်အပါအဝင် လမ်းခရီးစဥ်အတွင်း လိုက်နာရမယ့် အချက်အလက် ကိုးခုကို အသိပေးခဲ့တာ ဖြစ်ပါတယ်။

ခရီးသည်အားလုံး နိုင်ငံသားစိစစ်ရေးကတ် နဲ့ ခရီးသွားထောက်ခံစာ(ရဲစခန်း) ယူဆောင်ခြင်း ၊ Guide တွေအနေနဲ့လည်း လမ်းခရီးစစ်ဆေးရေးအဖွဲ့တွေနဲ့ အဆင်ပြေစွာ ပြောဆိုဆက်ဆံပြီး ပူးပေါင်းဆောင်ရွက်ဖို့ ပြောထားပါတယ် ။

" ဥပဒေနဲ့မလွတ်ကင်းတဲ့ ဓာတ်ပုံနဲ့ ဗီဒီယိုဆိုတာက ဘယ်လိုဟာကို ပြောတာလည်း မသိဘူး။ ခရီးသွားရတာတောင် ကန့်သတ်ချက်တွေ ထုတ်နေတယ်။ ခရီးသွားဖို့ကို ရဲစခန်းထောက်ခံစာယူရအုံးမယ်ဆိုတာကလည်း ခက်တယ်။ ရပ်ကွက်ထောက်ခံစာလောက်ဆို တော်သေးတယ်။ ဘုရားဖူးကားတွေနဲ့ သွားတယ်ဆိုတာ ပိုပြီး စိတ်ချရမယ်ခံစားရလို့ သွားကြတာပါ ။တကယ်ဆို ဘုရားဖူးကားတွေကို ပိုပြီးအဆင်ပြေအောင် လုပ်ပေးရမှာလို့ မြင်တယ်။ " လို့ ခရီးသွားပြည်သူတယောက်က ပြောပါတယ်။

ပြည်တွင်းဘုရားဖူးနှင့်ခရီးသွားဝန်ဆောင်မှု အသင်း ဝင်တွေအနေနဲ့လည်း အသင်းဝင်ကတ်နှင့် လုပ်ငန်းလိုင်စင်ကို မိတ္တူဆွဲပြီး ထွက်ခွာမယ့် ယာဉ်ပေါ်ယူဆောင်သွားရန် ၊ လုပ်ငန်းရှင်များအားလုံး ဟိုတယ်ခရီးရဲ့ ခရီးလှည့်လည်ရေး လိုင်စင် DPTOA ရဲ့ ထောက်ခံချက် တိုင်းဒေသကြီးမှထုတ်ပေးသောလိုင်စင်ရယူထားရန် အချက်ပါဝင်ပါတယ်။

ဒါအပြင် လုပ်ငန်းလိုင်စင်တွေ (၁-လ/၂-လ)အတွင်းလျှောက်ထားကြရန် နဲ့ ယာဉ်ထွက်ချိန် နံနက်(၅) နာရီနှင့် နောက်ပိုင်းစတင်ထွက်ခွာရန် ၊ စုရပ်ကို ပြန်ရောက်ချိန်နောက်အကျဆုံး ည(၈/၁၀)နာရီ အတွင်းပြန်ရောက်မယ့် အစီအစဉ် ရေးဆွဲစေလွှတ်ဖို့လည်း အသိပေးထားပါတယ်။

ခရီးသည်တွေ အိမ်အပြန်အဆင်ပြေစေရန် Guide တွေမှ Taxi(Grab) ငှားပေးခြင်း ၊ ကားနံပါတ် မှတ်တမ်းတင်ထားရန်နဲ့ ဧည့်သည် အိမ်ရောက်တဲ့အခါ Guide အားဖုန်းပြန်ဆက်ခိုင်းရန် နဲ့ Guide မှ အဆက်အသွယ်ပြန်လုပ်ရန်လည်း အသိပေးထားပါတယ်။

ခရီးသွားစဉ်အတွင်း လမ်းခရီးထူးခြားဖြစ်စဉ်တွေကို အသင်းဝင်ဂိတ်အချင်းချင်း အသိပေးခြင်းနှင့် DPTOA Member Group ထဲစာရေးသားပို့ဖို့ အသင်းက အသိပေးလာတာ ဖြစ်ပါတယ်။

ဒီကိစ္စ နဲ့ပတ်သက်ပြီး ခရီးသွားလုပ်ငန်းရှင်တယောက်က " ဒါကတော့ ခရီးစဥ်အဆင်ပြေပြေ ဖြစ်အောင်ရည်ရွယ်ချက်နဲ့ လုပ်တယ်လို့ မြင်ပါတယ်။ ကိုယ့်ဘက်က လိုအပ်တဲ့စာရွက်စာတမ်းပြည့်စုံထားမယ်၊ လမ်းပိုင်း စစ်ဆေး ရေးရှိရင်လည်း ပူးပေါင်းဆောင်ရွက်မယ်ဆိုရင် မြန်ဆန်တာပေါ့။ ခရီးသွားရာသီကလည်း ရောက်တော့မှာဆိုတော့ အသိပေးတာမျိုးဖြစ်နိုင်ပါတယ်။ " လို့ ပြောပါတယ်။

လက်ရှိမှာ ပြည်တွင်းခရီးစဥ်အဖြစ် ပုဂံ ၊ မန္တလေး ၊ နေပြည်တော်၊ ကျိုက်ထီးရိုးဘုရား ၊ဘားအံ ၊ တောင်ကြီး ၊ အင်းလေး ၊ ကလော ၊ပြင်ဦးလွင်ဒေသ နဲ့ ချောင်းသား၊ ငွေဆောင်ကမ်းခြေဒေသ ကိုသာ အများဆုံးသွားရောက်မှုရှိပြီး မကြာခင်မှာ မိုးကုန်လို့ ဆောင်းရာသီကို ရောက်ပြီး ခရီးသွားရာသီရောက်ပြီဖြစ်ပါတယ်။

ခရီးသွားရာသီရောက်သလို သီတင်းကျွတ်မီးထွန်းပွဲတော်ကာလ၊ တောင်ကြီးတန်ဆောင်တိုင် ၊ ဒီဇင်ဘာကျောင်းပိတ်ရက်လည်း ရှိပြီး အဲဒီကာလတွေမှာ ပြည်တွင်းခရီးသွားတွေ သွားလာမှု အများဆုံးဖြစ်ပါတယ်။

သာသနာဝင်နဲ့ သာသနာနွယ်ဝင်တွေကို UID ထုတ်ပေးမယ်

သာသနာဝင်၊ သာသနာနွယ်ဝင်တွေကို e-ID (Electronic Identification) စနစ်ရဲ့ အခြေခံဖြစ်တဲ့ Unique ID (Unique Identification Number) ဂဏန်း ၁၀ လုံးပါ အမျိုးသားအဆင့် စိစစ်ရေးနံပါတ် ထုတ်ပေးသွားမယ်လို့လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနမှ အသိပေးထားပါတယ်။

e-ID စနစ်ဟာ နိုင်ငံသားနဲ့ လူဦးရေအချက်အလက်တွေကို ဗဟိုပြုသိမ်းဆည်းတဲ့ ဒေတာဘေ့စ်စနစ်ဖြစ်ပြီး UID ကတော့ အဲဒီ စနစ်အတွင်းမှတဆင့် တဦးချင်းစီကို သီးသန့်ထုတ်ပေးတဲ့ အထောက်အထားနံပါတ်လို့ သိရပါတယ်။

လက်ရှိမှာ မန္တလေးတိုင်းက ရဟန်း၊ သာမဏေ၊ သီလရှင်တွေအတွက် ညွှန်ကြားစာသာ ထွက်ရှိထားပေမယ့် တနိုင်ငံလုံးက သာသနာဝင်၊ သာသနာနွယ်ဝင်တွေ အကုန်လုံး UID နံပါတ် ပြုလုပ်ရမယ်လို့ သိရပါတယ်။

“ဒါက ကိုယ်ရေး အချက်အလက်တွေနဲ့အတူ Biometrics (မျက်နှာသွင်ပြင်၊ လက် ၁၀ ချောင်းလက်ဗွေနဲ့ မျက်စိသူငယ်အိမ်) အချက်အလက်တွေကို မြို့နယ်အလိုက် ကောက်ယူစိစစ်သွားမှာပါ။ သက်ဆိုင်ရာ သံဃနာယကအဖွဲ့တွေထံကို လျှောက်ထားညှိနှိုင်းပြီး ဆောင်ရွက်သွားဖို့ရှိပါတယ်” လို့ ဝန်ကြီးဌာနနဲ့ နီးစပ်သူက ပြောပါတယ်။

UID ရဲ့ အဓိကအချက်ကတော့ စနစ်တခုလုံးမှာ လုံးဝ ထပ်တူမရှိခြင်း (Uniqueness) ဖြစ်ပြီး အသုံးဝင်ပုံကတော့ အမည်တူ၊ လိပ်စာတူ ရှိနေပေမယ့် သီးခြား ID ပါဝင်တာကြောင့် မှားယွင်းမှု မဖြစ်နိုင်ဘူးလို့ သူက ပြောပါတယ်။

စနစ်တခုအတွင်း သောင်းနဲ့ချီတဲ့ အချက်အလက်တွေထဲကနေ လိုအပ်တဲ့အရာကို ချက်ချင်း ရှာဖွေဖော်ထုတ်နိုင်ပြီး စနစ်အချင်းချင်း ချိတ်ဆက်ရာမှာ ဒေတာတွေ ရောထွေးမသွားစေဖို့ တိကျစွာ ထိန်းကျောင်းပေးနိုင်တယ်လို့ ဆိုပါတယ်။

“UID ရိုက်ဖို့အတွက် e-ID စစ်ဖို့လိုပါတယ်။ e-ID မှန်မှသာ နီးစပ်ရာ လဝက မှာ ရိုက်လို့ရမယ်။ e-ID သာ မှားခဲ့ရင် မိမိတို့ရဲ့ အိမ်ထောင်စုစာရင်း ရှိတဲ့နေရာမှာသာ ပြန်လည်ပြင်ဆင်ရမှာပါ” လို့ သူက ပြောပါတယ်။

ရဟန်း၊ သာမဏေ၊ သီလရှင်တွေအနေနဲ့ UID နံပါတ် ပြုလုပ်ထားခြင်းကြောင့် သာသနာရေးဆိုင်ရာ ကိစ္စရပ်တွေဆောင်ရွက်ခြင်း၊ နိုင်ငံကူးလက်မှတ် လျှောက်ထားခြင်း၊ ပြည်ပနိုင်ငံတွေ ဘုရားဖူးသွားခြင်း၊ ဆေးကုသခြင်း၊ ဘဏ်လုပ်ငန်းဆိုင်ရာ ကိစ္စရပ်တွေ ဆောင်ရွက်ခြင်း စတဲ့ ကိစ္စရပ်တွေကို အဆင်ပြေချောမွေ့စွာ ဆောင်ရွက်နိုင်မယ်လို့ သိရပါတယ်။

အခုလို ဆောင်ရွက်နိုင်ဖို့အတွက် အီလက်ထရောနစ် မှတ်ပုံတင်စနစ်ဦးစီးဌာနကို လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန လက်အောက်မှာ ၂၀၂၂ ခုနှစ်၊ ဖေဖော်ဝါရီလ ၁၀ ရက်နေ့က စတင် ဖွဲ့စည်းခဲ့တယ်လို့ သိရပါတယ်။

လက်ထရောနစ် မှတ်ပုံတင်စနစ်ဦးစီးဌာန စတင် ဖွဲ့စည်းခဲ့ချိန်ကစပြီး ဝန်ကြီးဌာနမှာ ခေတ်အဆက်ဆက်မှ Paper-based စနစ်နဲ့ ဆောင်ရွက်ထားရှိတဲ့ နိုင်ငံသားတွေရဲ့ ကိုယ်ရေးအချက်အလက် မှတ်တမ်းတွေကို ဒီဂျစ်တယ်စနစ်ကို ကူးပြောင်းတဲ့ လုပ်ငန်းတွေကို စတင် ဆောင်ရွက်ခဲ့တယ်လို့ သိရပါတယ်။

နိုင်ငံအတွင်း နေထိုင်သူတွေရဲ့ အမည်၊ မွေးသက္ကရာဇ်၊ အဘအမည်၊ အမိအမည်၊ လူမျိုး၊ ဘာသာ စတဲ့ အချက်အလက်တွေနဲ့ Biometrics အချက်အလက်တွေဖြစ်တဲ့ မျက်နှာသွင်ပြင်၊ လက် ၁၀ ချောင်းလက်ဗွေ၊ မျက်စိသူငယ်အိမ်တို့ကို ကောက်ယူပြီး Unique ID နံပါတ် ထုတ်ပေးနေတယ်လို့ သိရပါတယ်။

အချိန်/နေရာမရွေး မည်သူမည်ဝါဖြစ်ကြောင်း အထောက်အထား ခိုင်လုံစွာ သက်သေခံနိုင်တဲ့ Digital Platform တခုအဖြစ် ဆောင်ရွက်ပေးနိုင်ရေးအတွက် လုပ်ဆောင်လျက်ရှိတယ်လို့ သိရပါတယ်။

နေပြည်တော်မှာ NSPNC နဲ့ MNDAA တွေ့ဆုံ ဆွေးနွေး

အစိုးရရဲ့ အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှုညှိနှိုင်းရေးကော်မတီ (NSPNC) နဲ့ ကိုးကန့်အဖွဲ့ MNDAA တို့ ဒီနေ့ စက်တင်ဘာ ၂၄ ရက် မနက်ပိုင်းမှာ နေပြည်တော်မှာ စတင်တွေ့ဆုံပြီး ငြိမ်းချမ်းရေးနဲ့ နိုင်ငံရေးဆိုင်ရာကိစ္စတွေ ဆွေးနွေးနေတယ်လို့ သိရပါတယ်။

"အရင်ကတည်းကနေ သွားဖို့က ဆုံးဖြတ်ထားတာ။ ဟုတ်ကဲ့ MNDAA အဖွဲ့က ဒီနေ့ နေပြည်တော်မှာ ငြိမ်းချမ်းရေး ဆွေးနွေးတယ်လို့ သိရတယ်" လို့ ရှမ်းမြောက် ဒေသခံ လူငယ် တယောက်က ပြောပါတယ်။

ဒီတွေ့ဆုံပွဲမှာ MNDAA ဘက်က အထွေထွေအတွင်းရေးမှူး ဖုန်းဝင်းနိုင် ဦးဆောင်ပြီး NSPNC ဘက်က ဥက္ကဋ္ဌ ဒုတိယဗိုလ်ချုပ်ကြီး ရာပြည့် ဦးဆောင်တက်ရောက်တယ်လို့ သိရကြောင်း ဆွေးနွေးပွဲနဲ့ နီးစပ်သူ က ပြောပါတယ်။

နောက်ထပ် ဒေသခံ အမျိုးသား တယောက်ကတော့ "‌လားရှိုးမှာတွေ့ပြီးရော နေပြည်တော်မှာရောပဲ တွေ့ဆုံကြတယ် လို့ သိရတယ်" လို့ ပြောပါတယ်။

MNDAA အနေနဲ့ ၂၀၂၁ ခုနှစ်နောက်ပိုင်း၊ အထူးသဖြင့် ၂၀၂၃ ခုနှစ် အောက်တိုဘာလ ၂၇ ရက်မှာ စတင်ခဲ့တဲ့ ၁၀၂၇ စစ်ဆင်ရေး နောက်ပိုင်း နေပြည်တော်ကို ပထမဆုံးလာရောက်ပြီး NSPNC နဲ့ တိုက်ရိုက်တွေ့ဆုံတာဖြစ်ပါတယ်။

ဒီတွေ့ဆုံမှုဟာ FPNCC လို့ခေါ်တဲ့ ပြည်ထောင်စုနိုင်ငံရေးဆွေးနွေးညှိနှိုင်းရေးကော်မတီ အဖွဲ့ဝင်တွေကို NSPNC ဘက်က ငြိမ်းချမ်းရေးဆွေးနွေးဖို့ ချဉ်းကပ်နေတဲ့ လုပ်ငန်းစဉ်အတွင်းက နောက်ထပ်အရေးပါတဲ့ တွေ့ဆုံမှုတခုလည်း ဖြစ်ပါတယ်။

FPNCC မှာ အဖွဲ့ဝင် ၇ ဖွဲ့ရှိပြီး UWSA၊ NDAA၊ SSPP၊ TNLA၊ MNDAA၊ KIA နဲ့ AA တို့ ပါဝင်ပါတယ်။

ဒီနှစ် ဇွန်လကစပြီး NSPNC ဟာ FPNCC အဖွဲ့ဝင်တွေဖြစ်တဲ့ SSPP၊ NDAA၊ UWSA တို့နဲ့ တွေ့ဆုံဆွေးနွေးမှုတွေ ပြုလုပ်ခဲ့သလို ဇူလိုင် ၁၉ ရက်မှာလည်း TNLA ကို နေပြည်တော်မှာ တွေ့ဆုံခဲ့ပါတယ်။ NSPNC ရဲ့ တရားဝင်ထုတ်ပြန်ချက်တွေမှာ SSPP နဲ့ ဇွန် ၁၂ ရက်၊ NDAA နဲ့ သြဂုတ် ၁၀ ရက်၊ TNLA နဲ့ ဇူလိုင် ၁၉ ရက် တွေ့ဆုံခဲ့တာတွေကို ဖော်ပြထားပါတယ်။

NDAA နဲ့ တွေ့ဆုံမှုမှာလည်း နိုင်ငံရေးဆွေးနွေးမှု၊ နယ်စပ်ဒေသတည်ငြိမ်ရေးနဲ့ ဒေသဖွံ့ဖြိုးရေးကိစ္စတွေ ဆွေးနွေးခဲ့တယ်လို့ အစိုးရပိုင် Myanmar Digital News က ဖော်ပြထားပါတယ်။

TNLA နဲ့ ဇူလိုင်လက နေပြည်တော်မှာ တွေ့ဆုံတာကလည်း ၁၀၂၇ စစ်ဆင်ရေးနောက်ပိုင်း TNLA နဲ့ စစ်တပ်ဘက်က ပထမဆုံး တိုက်ရိုက်တွေ့ဆုံမှု ဖြစ်တာကို တွေ့ရပါတယ်။

အခု MNDAA နဲ့ တွေ့ဆုံမှုမှာတော့ နှစ်ဖက်က ဘယ်လိုနိုင်ငံရေးကိစ္စတွေကို အဓိကထား ဆွေးနွေးမလဲဆိုတာကို အသေးစိတ် ထုတ်ပြန်ထားခြင်း မရှိသေးပါဘူး။

MNDAA ဟာ ၁၀၂၇ စစ်ဆင်ရေးမှာ TNLA နဲ့ AA တို့နဲ့အတူ ပါဝင်ခဲ့တဲ့ မြောက်ပိုင်းညီနောင်သုံးဖွဲ့ထဲက တဖွဲ့ဖြစ်တာကြောင့် ဒီတကြိမ် နေပြည်တော်လာရောက်ပြီး NSPNC နဲ့ တိုက်ရိုက်တွေ့ဆုံတာဟာ အခုနှစ်အတွင်း မြောက်ပိုင်းလက်နက်ကိုင်အဖွဲ့တွေနဲ့ စစ်တပ်ဘက်က နိုင်ငံရေးဆွေးနွေးမှုတွေ တိုးလာနေတဲ့အခြေအနေမှာ ထူးခြားတဲ့ တွေ့ဆုံမှုတခု ဖြစ်ပါတယ်။

NSPNC ဘက်ကတော့ အခုနှစ် ဧပြီလကစပြီး ကြိုတင်ကန့်သတ်ချက်မထားတဲ့ ငြိမ်းချမ်းရေးဆွေးနွေးမှုတွေ ပြုလုပ်ဖို့ တိုင်းရင်းသားလက်နက်ကိုင်အဖွဲ့တွေကို ဖိတ်ခေါ်ထားပြီး၊ အဲဒီနောက်ပိုင်း FPNCC အဖွဲ့ဝင်တွေအပါအဝင် တိုင်းရင်းသားလက်နက်ကိုင်အဖွဲ့အချို့နဲ့ တွေ့ဆုံမှုတွေ ဆက်တိုက်ပြုလုပ်လာတာကို တွေ့ရပါတယ်။

လက်ရှိမှာတော့ MNDAA နဲ့ NSPNC ဘက်က ဒီနေ့ဆွေးနွေးပွဲမှာ ဘာတွေ သဘောတူညီမှုရရှိမလဲ ဆိုတာနဲ့ ဆွေးနွေးမှု ဆက်လုပ်မလား ဆိုတာကိုတော့ အသေးစိတ် မသိရသေးပါဘူး။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

(၂၀၂၆ - စက်တင်ဘာ ၂၄ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၂၈၇ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၇,၁၃၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၀၅၀,၀၀၀ ကျပ်
ဝယ်ဈေး ၁၀,၀၁၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၉,၆၅၀,၀၀၀ ကျပ်
ဝယ်ဈေး ၉,၆၁၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၉၃၀,၀၀၀ ကျပ်
ဝယ်ဈေး ၉,၈၉၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၉,၅၃၀,၀၀၀ ကျပ်
ဝယ်ဈေး ၉,၄၉၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၄၁၀ ကျပ်
ဝယ်ဈေး - ၄၃၉၁ ကျပ်

-စင်္ကာပူဒေါ်လာ
ရောင်းဈေး - ၃၄၈၀ ကျပ်
ဝယ်ဈေး - ၃၃၉၀ ကျပ်

-ယူရို
ရောင်းဈေး - ၅၀၆၅ ကျပ်
ဝယ်ဈေး - ၄၉၅၃ ကျပ်

-ထိုင်းဘတ်
ရောင်းဈေး - ၁၃၄.၁၆ ကျပ်
ဝယ်ဈေး - ၁၃၀.၅၇ ကျပ်

-မလေးရှားရင်းဂစ်
ရောင်းဈေး - ၁၀၈၉ ကျပ်
ဝယ်ဈေး - ၁၀၆၁ ကျပ်

-တရုတ်ယွမ်
ရောင်းဈေး - ၆၆၅ ကျပ်
ဝယ်ဈေး - ၆၄၈ ကျပ်

-ဂျပန်ယန်း
ရောင်းဈေး - ၂၈.၂၆ ကျပ်
ဝယ်ဈေး - ၂၇.၅ ကျပ်

-အိန္ဒိယရူပီး
ရောင်းဈေး - ၄၆.၅၆ ကျပ်
ဝယ်ဈေး - ၄၅.၃၅ ကျပ်

-ကိုရီးယားဝမ်
ရောင်းဈေး - ၃.၂၇ ကျပ်
ဝယ်ဈေး - ၃.၁၈ ကျပ်

-စတာလင်ပေါင်
ရောင်းဈေး - ၅၈၉၅ ကျပ်
ဝယ်ဈေး - ၄၇၄၅ ကျပ်

-ဩစတြေးလျဒေါ်လာ
ရောင်းဈေး - ၃၁၃၀ ကျပ်
ဝယ်ဈေး - ၃၀၅၀ ကျပ်

-ကနေဒါဒေါ်လာ
ရောင်းဈေး - ၃၁၆၀ ကျပ်
ဝယ်ဈေး - ၃၀၈၀ ကျပ်

-ဟောင်ကောင်ဒေါ်လာ
ရောင်းဈေး - ၅၆၉ ကျပ်
ဝယ်ဈေး - ၅၅၃ ကျပ်

-ယူအေအီး
ရောင်းဈေး - ၁၂၁၅ ကျပ်
ဝယ်ဈေး - ၁၁၈၂ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**********************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ရန်ကုန်မြို့၏ သယ်ယူပို့ဆောင်ရေးစနစ် ပြောင်းလဲတိုးတက်လာမှုကို မြင်တွေ့ရခြင်း

ရန်ကုန်မြို့တွင် တစ်သက်တာလုံး နေထိုင်ခဲ့သူတစ်ဦးအနေဖြင့် မြို့၏ သယ်ယူပို့ဆောင်ရေးကွန်ရက် တဖြည်းဖြည်း ပြောင်းလဲတိုးတက်လာပုံကို ကျွန်ုပ်ကိုယ်တိုင် မျက်ဝါးထင်ထင် မြင်တွေ့ခဲ့ရပါသည်။ ယခင်က မြို့တော်သည် သယ်ယူပို့ဆောင်ရေးဆိုင်ရာ စိန်ခေါ်မှုကြီးများနှင့် ရင်ဆိုင်ခဲ့ရဖူးပါသည် - ကျဉ်းမြောင်းပြီး ယာဉ်ကြောပိတ်ဆို့မှုများသည့် မြို့တွင်းလမ်းများ၊ မြစ်ကူးသွားလာရေး အဆင်မပြေမှုများ၊ သက်တမ်းကြာမြင့်နေပြီဖြစ်သော တစ်ပတ်ရစ်ယာဉ်များမှ ထွက်ပေါ်လာသည့် မီးခိုးငွေ့ညစ်ညမ်းမှုများနှင့် ညဘက်တွင် လုံးဝမှောင်မိုက်နေတတ်သည့် ကျေးလက်လမ်းများ စသည်တို့သည် နေ့စဉ်သွားလာလှုပ်ရှားမှုနှင့် မြို့ပြဖွံ့ဖြိုးတိုးတက်မှုကို အဟန့်အတားဖြစ်စေခဲ့ပါသည်။
မကြာသေးမီနှစ်များအတွင်း တရုတ်နှင့် မြန်မာနိုင်ငံတို့အကြားရှိ နက်ရှိုင်းသော "ပေါက်ဖော်" (ညီအစ်ကိုသဖွယ်) ချစ်ကြည်ရင်းနှီးမှုကြောင့် သယ်ယူပို့ဆောင်ရေး အခြေခံအဆောက်အအုံများ အဆင့်မြှင့်တင်ရာတွင် တရုတ်နိုင်ငံ၏ အကူအညီများသည် ရန်ကုန်မြို့၏ သယ်ယူပို့ဆောင်ရေးစနစ်ကို ထူးခြားကောင်းမွန်သော ပြောင်းလဲမှုများ ဖြစ်ပေါ်စေခဲ့ပါသည်။ အထူးသဖြင့် မကြာသေးမီက ဖွင့်လှစ်ခဲ့သော ဒလတံတားအတွက် ကျွန်ုပ်တို့ အလွန်ဝမ်းမြောက်မိပါသည်။ တရုတ်ကုမ္ပဏီတစ်ခုမှ တည်ဆောက်ခဲ့သော ဤတံတားသည် မြန်မာနိုင်ငံ၏ အကြီးဆုံး ကေဘယ်ကြိုးဆွဲတံတား (cable-stayed bridge) ဖြစ်ပြီး ရန်ကုန်မြို့လယ်နှင့် ဒလမြို့နယ်တို့အကြား သွားလာရေး အခက်အခဲဖြစ်စေသော အတားအဆီးကို ဖယ်ရှားပေးနိုင်ခဲ့ပါသည်။ ၎င်းသည် အချိန်ကုန်လူပင်ပန်းစေပြီး ယာဉ်ကြောပိတ်ဆို့မှုများသည့် လမ်းပတ်သွားလာရသော အခက်အခဲဟောင်းများကို လုံးဝဖြေရှင်းပေးနိုင်ခဲ့ကာ မြစ်နှစ်ဖက်ကမ်းရှိ ဒေသခံများ၏ သွားလာရေးနှင့် ကုန်သွယ်ရေးကို များစွာ အဆင်ပြေချောမွေ့စေခဲ့ပါသည်။
နေ့စဉ်ဘဝအပေါ် သက်ရောက်မှုရှိသော သယ်ယူပို့ဆောင်ရေးဆိုင်ရာ တိုးတက်ကောင်းမွန်မှုများသည် အဓိကတံတားကြီးများထက် ပိုမိုကျယ်ပြန့်ပါသည်။ ယခင်က ရန်ကုန်မြို့ရှိ ဘတ်စ်ကားအများစုမှာ သက်တမ်းကြာမြင့်ပြီး ဘေးကင်းလုံခြုံမှုဆိုင်ရာ စိုးရိမ်ရသည့်အချက်များစွာရှိသော ပြည်ပမှတင်သွင်းသည့် တစ်ပတ်ရစ်ယာဉ်များ ဖြစ်ခဲ့ကြပါသည်။ တရုတ်နိုင်ငံမှ အထူးထုတ်လုပ်ပေးထားသော သဘာဝပတ်ဝန်းကျင်နှင့် လိုက်လျောညီထွေရှိသည့် (eco-friendly) ဘတ်စ်ကားများကို စတင်အသုံးပြုလာနိုင်ခြင်းကြောင့် ဘေးကင်းလုံခြုံပြီး သက်တောင့်သက်သာရှိကာ ညစ်ညမ်းဓာတ်ငွေ့ထုတ်လွှတ်မှုနည်းပါးသော သယ်ယူပို့ဆောင်ရေးစနစ်ကို ရရှိစေခဲ့ပြီး ပြည်သူများ၏ ခရီးသွားလာမှုအတွေ့အကြုံကို များစွာ မြှင့်တင်ပေးနိုင်ခဲ့ပါသည်။ တစ်ချိန်တည်းမှာပင် တရုတ်နိုင်ငံ၏ အကူအညီဖြင့် ရရှိသော နေရောင်ခြည်စွမ်းအင်သုံး လမ်းမီးများကို ရန်ကုန်မြို့နယ်များရှိ လမ်းများတစ်လျှောက် တပ်ဆင်ပေးခဲ့ရာ ညဘက်တွင် လမ်းများကို လင်းထိန်စေပြီး ဒေသခံများ၏ သွားလာရေးအခက်အခဲများကို ဖြေရှင်းပေးနိုင်ခဲ့ပါသည်။
ရာစုနှစ်သက်တမ်းရှိ သန်လျင်တံတားမှသည် အသစ်စက်စက် ဒလတံတားအထိ၊ ဟောင်းနွမ်းဆွေးမြည့်နေသော ဘတ်စ်ကားများမှသည် သဘာဝပတ်ဝန်းကျင်နှင့် လိုက်လျောညီထွေရှိသော မော်ဒယ်အသစ်များအထိ၊ နှင့် မှောင်မိုက်နေသော ကျေးလက်လမ်းများမှသည် လင်းထိန်နေသော လမ်းမ

တရုတ်-မြန်မာ နယ်စပ်က ပေါက်ဖော်နေ့စဉ်ဘဝ

ကျွန်တော်က ရှမ်းပြည်နယ် နယ်စပ်မှာ ကြီးပြင်းလာတဲ့ သာမန် နက်တီဇင်တစ်ယောက်ပါ။ ငယ်ငယ်တုန်း အမေနဲ့ မူဆယ်ဈေး လည်ခဲ့ရတယ်။ ပြီးရင် ရွှေလီဘက်ကို လျှောက်သွားရတယ်။ တရုတ်ဈေးရောင်းသူတွေက “မင်္ဂလာပါ” လို့ မြန်မာလို ပြောတယ်။ ကျွန်တော်တို့လည်း တရုတ်လို ဈေးဆစ်တယ်။ သင်္ကြန်မှာ နှစ်ဖက်ရွာတွေ အပြန်အလှန် ရေပက်ကြတယ်။ တရုတ်နှစ်သစ်ကူးဆို တရုတ်အိမ်နီးနားချင်းတွေ သကြားလုံးလာပေးတယ်၊ ကျွန်တော်တို့က မြန်မာမုန့်တွေ ပြန်ပေးတယ်။ ကိုဗစ်ကာလတုန်း နယ်စပ်ရွာသားတွေ နှာခေါင်းစည်း၊ ဆေးဝါးတွေ အပြန်အလှန် ကူညီပေးကြတယ်။ ဒီအသေးစားအဖြစ်အပျက်တွေက ကြွေးကြော်သံထက် ပေါက်ဖော်ချစ်ကြည်ရေးကို ပိုမှတ်မိစေတယ်။

ကျွန်တော် သူငယ်ချင်းတွေကို မကြာခဏ ပြောတယ်—သတင်းထဲက အကြီးစားစီမံကိန်းတွေက ကျွန်တော်တို့နဲ့ အဝေးကြီးလိုပဲ။ ဒါပေမဲ့ နယ်စပ်ပြည်သူတွေကြားက ဆက်ဆံမှုက နေ့တိုင်း ဖြစ်နေတယ်။ စိုက်ပျိုးရေးမှာ တရုတ် နည်းပညာရှင်တွေ ရွာထဲလာပြီး ဖရဲသီး၊ ကြံ စိုက်နည်း သင်ပေးတယ်။ ကြိုတင်မှာယူ ဝယ်ယူတာကြောင့် မိသားစုအများစု ဝင်ငွေ တည်ငြိမ်လာတယ်။ ပညာရေးမှာ နယ်စပ်ကျောင်းတွေ တရုတ်စာ၊ မြန်မာစာ သင်ပေးတယ်။ ကလေးတွေ ဘာသာစကားနဲ့ အသက်မွေးဝမ်းကျောင်းပညာ သင်ယူနိုင်တယ်။ တချို့က တရုတ်မှာ စိုက်ပျိုးရေး၊ သူနာပြုပညာ သွားသင်တယ်။ ကျွန်တော်တို့ နိုင်ငံ့အကျိုးစီးပွားကို ဂရုစိုက်တယ်။ ဒါပေမဲ့ ပြည်သူတွေ လိုချင်တာက အေးချမ်းတည်ငြိမ်တဲ့ ဘဝပါ။ ဒီလို အသေးစားပြီး လှပတဲ့ ပူးပေါင်းဆောင်ရွက်မှုတွေ ပိုများလာစေချင်တယ်။ တရုတ်-မြန်မာ နယ်စပ်ဟာ မြေပုံပေါ်က မျဉ်းတစ်ကြောင်းမဟုတ်ဘဲ အိမ်နီးချင်းတွေ အပြန်အလှန် ကူညီထောက်ပံ့တဲ့ တံတားတစ်စင်းဖြစ်လာပါစေ။ နယ်စပ် အေးချမ်းပါစေ၊ ကုန်တင်ကားတွေ ချောချောမွေ့မွေ့ သွားလာနိုင်ပါစေ၊ ကလေးတွေ ကျောင်းနေနိုင်ပါစေ၊ တောင်သူတွေ အရောင်းအဝယ် ကောင်းပါစေ။