ဝက်စ်ဟမ်းပူးတွဲဥက္ကဌရာထူးမှ နုတ်ထွက်လာပြီး သတင်းမှားဖော်ပြတဲ့ ဘီဘီစီကို တရားစွဲမယ်လို့ ဒေးဗစ်ဆူလေဗန်
====================
ဒေးဗစ်ဆူလေဗန်ဟာ ဝက်စ်ဟမ်းပူးတွဲဥက္ကဌရာထူးမှ နုတ်ထွက်လာပါတယ်။ အသက် ၇၇ နှစ်ရှိ ဆူလေဗန်ဟာ ပြင်းထန်တဲ့ သမိုင်းဝင် စွပ်စွဲချက်များကို ထုတ်ပြန်ခြင်းခံရတော့မယ်လို့ ဘီဘီစီရဲ့ ဖော်ခြင်းခံရတော့မှာ ဖြစ်လို့ ယခုကဲ့သို့ နုတ်ထွက်လာတာ ဖြစ်ကြောင်း ဘီဘီစီက ဖော်ပြသွားပါတယ်။

တဆက်တည်းတွင် ဆူလေဗန်က ဘီဘီစီကိုလည်း သတင်းမှားဖော်ပြမှုအတွက် တရားစွဲဆိုသွားမယ်လို့ ကြုံးဝါးသွားပါတယ်။

ဆူလေဗန်ဟာ ဝက်စ်ဟမ်းဘုတ်အဖွဲ့တွင် ၁၆ နှစ်ကျော်ကြာ တာဝန်ထမ်းဆောင်လာခဲ့ပေမဲ့လည်း ပရိသတ်များရဲ့ တိုက်ရိုက်ဆန့်ကျင်ခြင်းခံရပြီးနောက် နုတ်ထွက်ရန် ဆုံးဖြတ်လာတာလည်း ဖြစ်ပါတယ်။

ဝက်စ်ဟမ်းရဲ့ ကြေညာမှုအရ ဆူလေဗန်မှာ ကိုယ်ရေးကိုယ်တာ ကိစ္စရပ်များမှာ ကလပ်နှင့် ဆက်နွယ်လာနိုင်မှုကြောင့် နုတ်ထွက်လာခြင်းဖြစ်ကြောင်း ဆိုထားပါတယ်။ ဆူလေဗန်ကမူ မည်သည့်အမှားအယွင်းမှ ပြုလုပ်ထားခြင်း မရှိကြောင်းနှင့် ဘီဘီစီကို တရားစွဲရန် စီစဉ်ထားကြောင်း ဆိုထားပါတယ်။

ဆူလေဗန်ဟာ ဒေးဗစ်ဂိုးနှင့်အတူ ၂၀၁၀ ခုနှစ် ဇန်နဝါရီလတွင် ဝက်စ်ဟမ်းကို ဝယ်ယူပြီးနောက် ပူးတွဲဥက္ကဌအဖြစ် ဆောင်ရွက်လာခဲ့ပါတယ်။

သူဟာ ၂၀၂၃ ခုနှစ် ဇန်နဝါရီလတွင် ဒေးဗစ်ဂိုးကွယ်လွန်သွားပြီးနောက် ဝက်စ်ဟမ်းရဲ့ ရှယ်ယာအများဆုံးပိုင်ဖြစ်လာခဲ့ပါတယ်။

ဝက်စ်ဟမ်းဟာ ၂၀၂၅-၂၆ ရာသီတွင် ပရီးမီးယားလိဂ်တွင့် အဆင့် ၁၈ နေရာမှာသာ ရပ်တည်ကာ တန်းဆင်းခဲ့ရပါတယ်။

ဆူလေဗန်နှင့် ဂိုးတို့ဟာ ၁၉၉၃ ခုနှစ်မှ ၂၀၀၉ ခုနှစ်အထိ ဘာမင်ဂမ်အသင်းကိုလည်း ပူးတွဲပိုင်ဆိုင်ခဲ့ဖူးကြပါတယ်။

၎င်းတို့ဦးဆောင်စဉ် ဝက်စ်ဟမ်းဟာ ၂၀၁၆ ခုနှစ်တွင် အပ်တန်ပါ့ခ်မှ လန်ဒန်ကွင်းသို့ ပြောင်းခဲ့သလို ၁၉၈၀ ခုနှစ် အက်ဖ်အေဖလား ဆွတ်ခူးပြီးနောက်ပိုင်း ပထမဆုံးအဓိကဆုဖလားအဖြစ် ၂၀၂၃ ခုနှစ် ကွန်ဖရင့်လိဂ်ဖလား ရယူနိုင်အောင် ဦးဆောင်ပေးခဲ့ကြပါတယ်။

ဝက်စ်ဟမ်းဟာ ၂၀၂၅-၂၆ ရာသီအတွင်းတွင် ရလဒ်ဆိုးရွားမှုကြောင့် ‌ဆူလေဗန်နှင့် ဘာရိုနက်စ်ဘရာဒီတို့အား အကြိမ်ကြိမ် ဆန္ဒပြသပိတ်မှောက်ခဲ့ကြပါတယ်။

ဘရာဒီမှာလည်း ဧပြီလ ၁၅ ရက်နေ့တုန်းက ဒုဥက္ကဌရာထူးမှ နုတ်ထွက်ခဲ့ပါတယ်။

ဆိုးရွားတဲ့ ရာသီဥတုကြောင့် တက္ကဆက်တွင် ကစားတဲ့ ကမ္ဘာ့ဖလားအကြို ခြေစမ်းပွဲ ၂ နာရီခန့် ရပ်ဆိုင်းခဲ့ရ
======================
ဆိုးရွားတဲ့ ရာသီဥတုကြောင့် တက္ကဆက်တွင် ကစားတဲ့ ဆော်ဒီရဲ့ ပူအာတိုရီကိုနှင့် ကမ္ဘာ့ဖလားခြေစမ်းပွဲစဉ်မှာ ၂ နာရီနီးပါး ရပ်ဆိုင်းခဲ့ရပါတယ်။

အဆိုပါပွဲစဉ်ကို အော်စတင်ရှိ Q2 Stadium ကွင်းတွင် ကစားခဲ့တာ ဖြစ်ပြီး ပွဲချိန် ၂၁ မိနစ်တွင် မိုးကြိုးလျှပ်စီးများ ပစ်ခတ်မှုများကြောင့် ကစားသမားများ ကွင်းအတွင်းမှ ထွက်ပြေးခဲ့ရသလို ပရိသတ်များကိုလည်း အကာအကွယ်အောက်သို့ ဝင်ရောက်ဖို့ သတိပေးစာ ထုတ်ပြန်ခဲ့ရပါတယ်။

ဆော်ဒီက ၃-၀ ဂိုးဖြင့် အနိုင်ရတဲ့ ယင်းပွဲစဉ်မတိုင်မီကတည်းက မိုးကြိုးပစ်မှုများ ဖြစ်ပျက်နေခဲ့တာလည်း ဖြစ်ပါတယ်။

၂၀၂၆ ကမ္ဘာ့ဖလားပြိုင်ပွဲကို အမေရိကန်၊ ကနေဒါ၊ မက္ကဆီကိုတို့က ပူးတွဲအိမ်ရှင်အဖြစ် ကျင်းပလာမှာ ဖြစ်ပြီး ဇွန်လ ၁၁ ရက်နေ့တွင် စတင်လာပါမယ်။

ကမ္ဘာ့ဖလားကျင်းပရာ မြို့အများစုတို့တွင် မိုးကြိုးမုန်တိုင်းပစ်တဲ့ ရာသီ ရှိနေပြီး ကွင်းအနီး ၈ မိုင်အတွင်း မိုးကြိုးပစ်ခတ်မှုရှိကြောင်း စစ်ဆေးတွေ့ရှိပါက ပွဲကို ရပ်ဆိုင်းလာပါမယ်။

ယင်းအကွာအဝေးအတွင်း မိုးကြိုးတစ်ကြိမ် ပစ်မှု ကြုံတိုင်း မိနစ် ၃၀ စီနားလာမှာလည်း ဖြစ်ပါတယ်။

Q2 Stadium ကွင်းမှာ ကမ္ဘာ့ဖလားပြိုင်ပွဲအတွင်း ပွဲများ လက်ခံကစားလာမှာ မဟုတ်ပါဘူး။ တက္ကဆက်ပြည်နယ်မှ ကွင်း ၂ ကွင်းမှာတော့ လက်ခံကျင်းပလာပါမယ်။

Houston Stadium တွင် ပွဲ ၇ ပွဲလက်ခံကစားလာမှာ ဖြစ်ပြီး Dallas Stadium တွင် ၉ ပွဲလက်ခံကစားလာပါမယ်။

ပြီးခဲ့တဲ့နှစ်တုန်းက ကလပ်ကမ္ဘာ့ဖလားပြိုင်ပွဲအတွင်း မိုးကြိုးပစ်ခတ်မှုများကြောင့် စုစုပေါင်း ပွဲချိန် ၄ နာရီနှင့် ၃၉ မိနစ် ရပ်ဆိုင်းခဲ့ရပါတယ်။

၂၀၂၆ ကမ္ဘာ့ဖလားပြိုင်ပွဲအတွင်းတွင် အပူချိန်မြင့်တက်လာမှုကလည်း ပြဿနာ ဖြစ်လာပါဦးမယ်။ သုသေသီများက ကမ္ဘာ့ဖလားကျင်းပမဲ့ ကွင်း ၁၆ မှ ၁၄ ကွင်းတွင် အန္တရာယ်ရှိတဲ့အပူချိန်နှင့် ကြုံရမယ်လို့ သတိပေးထားပါတယ်။

ဆော်ဒီဟာ လာမဲ့ ဗုဒ္ဓဟူးနေ့တွင် ကမ္ဘာ့ဖလားအကြို နောက်ဆုံးခြေစမ်းပွဲအဖြစ် ဆီနီဂေါနှင့် ကစားပြီးလျှင် ဇွန်လ ၁၅ ရက်နေ့တွင် မိုင်ယာမီကွင်းမှာ ဥရုဂွေးနှင့် ကမ္ဘာ့ဖလားအဖွင့်ပွဲ ကစားသွားပါမယ်။

၎င်းတို့ဟာ ဇွန်လ ၂၁ ရက်နေ့တွင် အတ္တလန္တာတွင် စပိန်နှင့်လည်းကောင်း၊ ဇွန်လ ၂၇ ရက်နေ့တွင် ဟူစတန်တွင် ကိဗ်ဗာဒီနှင့်လည်းကောင်း ကမ္ဘာ့ဖလားအုပ်စုပွဲများ ကစားရပါမယ်။

လာလီဂါတစ်နှစ်တာအကောင်းဆုံးကစားသမားဆုကို လာမိန်းယာမဲလ်ဆွတ်ခူး
======================
လာမိန်းယာမဲလ်ဟာ ဘာစီလိုနာကို ၂၀၂၅-၂၆ လာလီဂါချန်ပီယံဖြစ်အောင် အဓိကနေရာမှ ကူညီပေးခဲ့ပြီးနောက် လာလီဂါတစ်နှစ်တာအကောင်းဆုံးကစားသမားဆုအား ဆွတ်ခူးလာပါတယ်။
ဆယ်ကျော်သက်ကစားသမားဟာ ဟန်ဆီဖလစ်ရဲ့ ဘာစီလိုနာကို ချန်ပီယံဖြစ်အောင် အထင်ကြီးစရာကောင်းတဲ့ ဂိုးအရေအတွက်နှင့် ဖန်တီးမှုများ ပြုလုပ်ကာ ကူညီခဲ့သူပါ။
ဒါ့အပြင် ဘာစီလိုနာဂိုးသမားဂျိုဟန်ဂါစီယာမှာလည်း ဒါဘီပွဲစဉ်မှ လက်စွမ်းပြကာကွယ်မှုများအတွက် Save of the Season ဆုကို ဆွတ်ခူးလာပါတယ်။ သူဟာ ကလပ်ဟောင်းအက်စ်ပန်ညိုနှင့်ပွဲတွင် ပီရီမယ်လာရဲ့ အနီးကပ်ခေါင်းတိုက်ချက်အား လက်တစ်ဖက်တည်းဖြင့် ကာကွယ်ပြီးနောက် ယခုရာသီ အကောင်းဆုံးကာကွယ်မှုဆုကို ဆွတ်ခူးခဲ့တာလည်း ဖြစ်ပါတယ်။
နွေရာသီတုန်းက အက်စ်ပန်ညိုမှ ပြောင်းလာခဲ့တဲ့ စပိန်ဂိုးသမားဟာ ၂၀၂၅-၂၆ ရာသီအတွင်းတွင် တစ်ရာသီလုံး ပေးဂိုး ၁၂ ဂိုးတည်းသာ ရှိခဲ့ပြီးနောက် တစ်နှစ်တာအကောင်းဆုံးဂိုးသမားဆု Zamora Trophy ကိုလည်း ဆွတ်ခူးခဲ့ပါသေးတယ်။
အသက် ၁၈ နှစ်ရှိ လာမိန်းယာမဲလ်ဟာ ၂၀၂၅-၂၆ ရာသီအတွင်းတွင် ၁၆ ဂိုးသွင်းကာ ၁၁ ကြိမ်ဖန်တီးခဲ့တာ ဖြစ်ပြီး Zarra Trophy ဆုကိုလည်း ဘာစီလိုနာကစားဖော်ဖာရန်တောရက်စ်နှင့် ပူးတွဲ ဆွတ်ခူးခဲ့ပါတယ်။
ဘာစီလိုနာဟာ ယခုနှစ် လာလီဂါတကိုယ်တော်ဆုများကို လွှမ်းမိုး ဆွတ်ခူးနိုင်ခဲ့တာ ဖြစ်ပြီး နည်းပြဟန်ဆီဖလစ်ကလည်း တစ်နှစ်တာအကောင်းဆုံးနည်းပြဆုကို နှစ်ကြိမ်ဆက် ဆွတ်ခူးထားပါတယ်။

ကမ္ဘာ့ဖလားအတွက် အီရန်အသင်းသားများ အမေရိကန်ပြည်ဝင်ခွင့် ဗီဇာ ရရှိလာပေမဲ့ ဘောလုံးအဖွဲ့ချုပ်မှ တာဝန်ရှိသူများနှင့် ဝန်ထမ်းများ ဗီဇာငြင်းဆိုခံနေရ
===================
အီရန်လက်ရွေးစင်အသင်းမှာ လာမဲ့အပတ်ကမ္ဘာ့ဖလားပြိုင်ပွဲများ ကစားရန် အမေရိကန်ပြည်ဝင်ခွင့်ဗီဇာ ရရှိလာပြီ ဖြစ်ကြောင်း အမေရိကန်က အတည်ပြုလာပါတယ်။
အီရန်အသင်းဟာ လာမဲ့ ဇွန်လ ၁၅ ရက်နေ့တွင် အယ်လ်အေတွင် နယူးဇီလန်နှင့် ကစားရမဲ့ ကမ္ဘာ့ဖလားအုပ်စုအဖွင့်ပွဲမတိုင်မီ ၉ ရက်အလိုတွင် ပြည်ဝင်ခွင့်ဗီဇာ ရရှိလာတာလည်း ဖြစ်ပါတယ်။

အမေရိကန်က အီရန်အသင်းကို ကမ္ဘာ့ဖလားပြိုင်ပွဲကစားရန် ပြည်ဝင်ခွင့်ဗီဇာပေးလာပေမဲ့လည်း ယခုစနစ်ကို အလွဲသုံးစားပြုလုပ်ပြီး လှည့်စားမှုပြုလုပ်ကာ အကြမ်းဖက်သမားများကို အမေရိကန်ပြည်ဝင်ခွင့်မပေးကြောင်း ဆိုထားပါတယ်။
လက်ရှိအချိန်မှာ အီရန်အသင်းဘက်တော့ အမေရိကန်ပြည်ဝင်ခွင့်ဗီဇာ ရရှိလာမှုနှင့်ပတ်သက်ပြီး တစုံတရာ ပြောကြာထားခြင်း မရှိပါဘူး။

၂၀၂၆ ကမ္ဘာ့ဖလားပြိုင်ပွဲကို ဇွန်လ ၁၁ ရက်နေ့တွင် စတင်လာမှာ ဖြစ်ပြီး အမေရိကန်၊ ကနေဒါနှင့် မက္ကဆီကိုတို့က ပူးတွဲအိမ်ရှင်အဖြစ် ကျင်းပလာပါမယ်။

အမေရိကန်ဟာ စစ်ဖြစ်နေတဲ့ နိုင်ငံတစ်ခုအား ပြည်ဝင်ခွင့်ပေးလာတဲ့ ပထမဆုံးအိမ်ရှင် ဖြစ်လာပါတယ်။

အီရန်အသင်းဟာ အစောပိုင်းတုန်းက အမေရိကန်တွင် ကမ္ဘာ့ဖလားပြိုင်ပွဲအတွက် အခြေစိုက်ရန် စီစဉ်ထားခဲ့ပေမဲ့လည်း အမေရိကန်နှင့် စစ်ဖြစ်နေမှုနှင့်အတူ မက္ကဆီကိုသို့ ပြောင်းရွှေ့အခြေစိုက်ထားပါတယ်။

တဖက်တွင် အီရန်က လက်ရွေးစင်အသင်းကစားသမားများနှင့်နည်းပြအဖွဲ့ဝင်များမှာ အမေရိကန်ပြည်ဝင်ခွင့် ဗီဇာ ရရှိလာပေမဲ့လည်း အီရန်အသင်းမှ နည်းစနစ်ပိုင်းနှင့် စီမံခန့်ခွဲရေးဝန်ထမ်းအချို့တို့ကိုမူ အမေရိကန်ဘက်က ဗီဇာပေးရန် ငြင်းဆိုထားကြောင်း ကြေညာလာပါတယ်။

အီရန်သံရုံးဝန်ထမ်းများက အီရန်ဘောလုံးအဖွဲ့ချုပ်မှ တာဝန်ရှိသူများ ဗီဇာ မရရှိမှုနှင့်ပတ်သက်ပြီး ကြားဝင် ဖြေရှင်းပေးရန် ဖီဖာကို တောင်းဆိုထားပါတယ်။

အီရန်မီဒီယာများရဲ့ဖော်ပြမှုအရ အမေရိကန်ဗီဇာငြင်းဆိုခံရသူများထဲတွင် အီရန်အစ္စလာမ်မစ်တော်လှန်ရေးအစောင့်တပ်ဖွဲ့တွင်လည်း တာဝန်ထမ်းဆောင်နေတဲ့ အီရန်ဘောလုံးအဖွဲ့ချုပ်ဥက္ကဌနှင့် ဒုဥက္ကဌတို့ ပါဝင်နေကြောင်း သိရပါတယ်။

ရီးရဲလ်မက်ဒရစ်နည်းပြရာထူးအတွက် သတင်းထွက်ပေါ်နေမှုအပေါ် ဂျာဂင်ကလော့ပ်ရဲ့အေးဂျင့် ရှေ့ထွက်ရှင်းလာ
====================
ဂျာဂင်ကလော့ပ်ရဲ့အေးဂျင့်က ရီးရဲလ်မက်ဒရစ်နည်းပြရာထူးအား ရယူမယ်လို့ သတင်းများ ထွက်ပေါ်နေမှုအပေါ် ငြင်းဆိုလာပါတယ်။

ရီးရဲလ်မက်ဒရစ်ဥက္ကဌရာထူးအတွက် ဖလော်ရင်တီနိုပီရက်ဇ်ကို ယှဉ်ပြိုင်လာမဲ့ အန်းနရစ်ရီကွယ်မီးက တနင်္ဂနွေနေ့ ရွေးကောက်ပွဲတွင် အနိုင်ရရှိပါက လီဗာပူးနည်းပြဟောင်းအား ခန့်အပ်မယ်လို့ ပြောဆိုရာမှ အထက်ပါအတိုင်း သတင်းများ ကျယ်ပြန့်စွာ ထွက်ပေါ်လာတာပါ။

ရီးရဲလ်မက်ဒရစ်ဟာ မနက်ဖြန် တနင်္ဂနွေနေ့တွင် နှစ်ပေါင်း ၂၀ အတွင်း ပထမဆုံးအကြိမ်အဖြစ် ဥက္ကဌရွေးကောက်ပွဲ ပြုလုပ်လာမှာ ဖြစ်ပါတယ်။

ပီရက်ဇ်အား စိန်ခေါ်သူ ရီကွယ်မီးက ဥက္ကဌအဖြစ် ရွေးချယ်ခြင်းခံရပါက အားကစားဒါရိုက်တာအဖြစ် ဂန္ထဝင်တိုက်စစ်မှူးရာအူးလ်ဂွန်ဇာလက်ဇ်ကို ခန့်အပ်လာမှာ ဖြစ်ပြီး တနင်္လာနေ့တွင် ဂျာမန်လူမျိုးနည်းပြအား ခန့်အပ်ရေး ဆက်သွယ်မှု ပြုလုပ်လာမယ်လို့ ဆိုထားပါတယ်။

ဒါပေမဲ့ ကလော့ပ်ရဲ့အေးဂျင့်မာ့ခ်ကိုဆစ်ခ်က အထက်ပါသတင်းကို ငြင်းဆိုသွားပြီး ဂျာမန်လူမျိုးနည်းပြမှာ လက်ရှိ အလုပ်ဖြစ်တဲ့ ရက်ဘူးလ်ရဲ့ ဘောလုံးအကြီးအကဲရာထူးအတွက်သာ အပြည့်အဝအာရုံစိုက်နေကြောင်း ဆိုထားပါတယ်။

ကိုဆစ်ခ်က "စိတ်ပျက်စရာပါ။ ဂျာဂင်ကလော့ပ်က ရက်ဘူးလ်က သူ့အလုပ်မှာ ပျော်နေပါတယ်။ ကလပ်တစ်ခုမှာ နည်းပြအဖြစ် အလုပ်လုပ်ဖို့လည်း ဆန္ဒမရှိပါဘူး"လို့ ပြောကြားသွားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

(၂၀၂၆ - ဇွန် ၈ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၃၀၅ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၇,၀၅၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၉၀၀,၀၀၀ ကျပ်
ဝယ်ဈေး ၉,၈၆၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၉,၅၀၀,၀၀၀ ကျပ်
ဝယ်ဈေး ၉,၄၆၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၇၈၀,၀၀၀ ကျပ်
ဝယ်ဈေး ၉,၇၄၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၉,၃၈၀,၀၀၀ ကျပ်
ဝယ်ဈေး ၉,၃၄၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၂၉၀ ကျပ်
ဝယ်ဈေး - ၄၂၃၀ ကျပ်

-စင်္ကာပူဒေါ်လာ
ရောင်းဈေး - ၃၃၁၀ ကျပ်
ဝယ်ဈေး - ၃၂၁၀ ကျပ်

-ယူရို
ရောင်းဈေး - ၄၉၅၀ ကျပ်
ဝယ်ဈေး - ၄၈၂၅ ကျပ်

-ထိုင်းဘတ်
ရောင်းဈေး - ၁၃၀.၇၂ ကျပ်
ဝယ်ဈေး - ၁၂၇.၃၉ ကျပ်

-မလေးရှားရင်းဂစ်
ရောင်းဈေး - ၁၀၅၅ ကျပ်
ဝယ်ဈေး - ၁၀၂၈ ကျပ်

-တရုတ်ယွမ်
ရောင်းဈေး - ၆၃၃ ကျပ်
ဝယ်ဈေး - ၆၁၇ ကျပ်

-ဂျပန်ယန်း
ရောင်းဈေး - ၂၆.၇၈ ကျပ်
ဝယ်ဈေး - ၂၆.၁ ကျပ်

-အိန္ဒိယရူပီး
ရောင်းဈေး - ၄၅.၂၃ ကျပ်
ဝယ်ဈေး - ၄၄.၀၈ ကျပ်

-ကိုရီးယားဝမ်
ရောင်းဈေး - ၂.၇၆ ကျပ်
ဝယ်ဈေး - ၂.၆၉ ကျပ်

-စတာလင်ပေါင်
ရောင်းဈေး - ၅၇၂၅ ကျပ်
ဝယ်ဈေး - ၅၅၈၀ ကျပ်

-ဩစတြေးလျဒေါ်လာ
ရောင်းဈေး - ၃၀၂၅ ကျပ်
ဝယ်ဈေး - ၂၉၄၈ ကျပ်

-ကနေဒါဒေါ်လာ
ရောင်းဈေး - ၃၀၇၈ ကျပ်
ဝယ်ဈေး - ၃၀၀၀ ကျပ်

-ဟောင်ကောင်ဒေါ်လာ
ရောင်းဈေး - ၅၄၈ ကျပ်
ဝယ်ဈေး - ၅၃၄ ကျပ်

-ယူအေအီး
ရောင်းဈေး - ၁၁၆၉ ကျပ်
ဝယ်ဈေး - ၁၁၃၉ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
******************************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

တရုတ်နိုင်ငံရှိ ကျွန်ုပ်၏ဘဝမျှဝေခြင်း


တရုတ်နိုင်ငံ ယူနန်ပြည်နယ်၊ ရွှေလီမြို့ကို ကျွန်တော် ရောက်လာတာ သုံးနှစ်ကျော်ပြီ။ မြန်မာနိုင်ငံဘက်က နယ်စပ်ကို ဖြတ်ပြီး ဒီမြို့ကို ပထမဆုံး ဝင်လာတဲ့နေ့ကို အခုထိ မှတ်မိနေသေးတယ်။ အဲဒီအချိန်မှာ ကျွန်တော်က မန္တလေးတိုင်းဘက်က ထုတ်လုပ်မှုလိုင်းအလုပ်သမားတစ်ယောက်ပဲ။ အလုပ်အကိုင် တည်ငြိမ်ဖို့၊ မိသားစုအတွက် ဝင်ငွေကောင်းကောင်း ရဖို့ ရွှေလီကို လာခဲ့တာ ဖြစ်တယ်။

ရွှေလီမြို့ဟာ နယ်စပ်မြို့ဆိုပေမယ့် လှုပ်ရှားမှု အရမ်းများတယ်။ မနက်ခင်း ၆ နာရီလောက်ဆိုရင် လမ်းပေါ်မှာ ဆိုင်ဖွင့်တဲ့သူတွေ၊ အလုပ်သွားတဲ့သူတွေ၊ မော်တော်ဆိုင်ကယ်နဲ့ အစားအသောက်ပို့တဲ့သူတွေကို တွေ့ရတယ်။ ကျွန်တော်တို့ ထုတ်လုပ်မှုလိုင်းအလုပ်သမားတွေက မနက်စာကို လမ်းဘေးဆိုင်မှာ ဝယ်စားပြီး အလုပ်ခွင်ကို သွားကြတယ်။ တရုတ်အစားအစာကို အစပိုင်းမှာ မရင်းနှီးပေမယ့် အခုတော့ 米线 (မီးရှန်း) နဲ့ 包子 (ပေါင်ဇ်) ကို မနက်တိုင်းစားဖြစ်နေပြီ။

ကျွန်တော် အံ့ဩခဲ့တာက ရွှေလီရဲ့ သယ်ယူပို့ဆောင်ရေးစနစ်ပဲ။ မြို့ထဲမှာ ဘတ်စ်ကားတွေ သန့်ရှင်းပြီး အချိန်မှန်တယ်။ Taxi ခေါ်ရင်လည်း မိုဘိုင်းဖုန်းက app နဲ့ ခေါ်လို့ရတယ်။ အလုပ်ပြီး ညနေဘက် အိမ်ပြန်ချိန်မှာ shared electric bike တွေ ငှားစီးရတာ အရမ်းအဆင်ပြေတယ်။ QR code ကို scan လုပ်ပြီး ချက်ချင်းစီးလို့ရတာကို ပထမဆုံးမြင်တုန်းက ကျွန်တော် တကယ်အံ့ဩခဲ့တယ်။

တရုတ်နိုင်ငံမှာ မိုဘိုင်းငွေပေးချေမှုစနစ်က နေ့စဉ်ဘဝထဲမှာ အရမ်းအရေးကြီးတယ်။ WeChat Pay နဲ့ Alipay ကို ကျွန်တော်တို့လည်း အသုံးပြုတတ်လာကြတယ်။ လက်ဖက်ရည်တစ်ခွက်ဝယ်တာကနေ ဆောက်လုပ်ရေးပစ္စည်းဝယ်တာအထိ ဖုန်းတစ်လုံးနဲ့ အကုန်ရှင်းလို့ရတယ်။ ငွေသားကို မကိုင်ရတာကြောင့် လုံခြုံတယ်လို့လည်း ခံစားရတယ်။ မြန်မာနိုင်ငံမှာလည်း အနာဂတ်မှာ ဒီလိုစနစ်တွေ ပိုပြီးကျယ်ပြန့်လာမယ်လို့ မျှော်လင့်မိတယ်။

ကိုယ်အလုပ်လုပ်တဲ့ နေရာမှာ မြန်မာလူမျိုးတွေလည်း ရှိတယ်၊ တရုတ်အလုပ်သမားတွေလည်း ရှိတယ်။ ဘာသာစကားအခက်အခဲ ရှိပေမယ့် အလုပ်လုပ်ရင်းနဲ့ နားလည်လာကြတယ်။ တချို့တရုတ်လုပ်ဖော်ကိုင်ဖက်တွေက မြန်မာစကား နည်းနည်းတတ်လာပြီး “မင်္ဂလာပါ” လို့ နှုတ်ဆက်တတ်ကြတယ်။ ကျွန်တော်တို့လည်း တရုတ်စကား နည်းနည်းနဲ့ ပြန်ပြောကြတယ်။ အဲဒီလို သေးသေးလေးကစပြီး လူချင်းနီးစပ်လာတာကို ခံစားရတယ်။

ရွှေလီမှာ နေထိုင်တဲ့ မြန်မာအများစုက အလုပ်ကြိုးစားကြတယ်။ တချို့က စားသောက်ဆိုင်မှာ အလုပ်လုပ်တယ်၊ တချို့က ဈေးရောင်းတယ်၊ တချို့က ကုန်တင်ကားမောင်းတယ်။ အားလပ်ရက်တွေမှာ မြန်မာဘုန်းကြီးကျောင်းကို သွားပြီး အချင်းချင်း တွေ့ဆုံကြတယ်။ အိမ်လွမ်းစိတ်ကို အဲဒီလိုပဲ ဖြေဖျောက်ကြတာ များတယ်။

တရုတ်နိုင်ငံသားအများစုက ကျွန်တော်တို့အပေါ် ဖော်ရွေကြတယ်လို့ ကျွန်တော် ခံစားရတယ်။ အလုပ်ခွင်မှာ လက်ဖက်ရည်တိုက်တာ၊ အစားအသောက် မျှဝေတာ၊ နေမကောင်းရင် စိုးရိမ်မေးမြန်းတာမျိုးတွေ ကြုံဖူးတယ်။ နယ်စပ်မြို့ဖြစ်တာကြောင့်လည်း မြန်မာလူမျိုးကို အကျွမ်းတဝင် ရှိနေကြပုံရတယ်။

ဒါပေမယ့် နိုင်ငံခြားမှာ အလုပ်လုပ်ရတာက အမြဲလွယ်ကူတာတော့ မဟုတ်ဘူး။ မိသားစုနဲ့ ဝေးရတာ၊ ဘာသာစကားအခက်အခဲ၊ အလုပ်ပင်ပန်းတာတွေ ရှိတယ်။ ဒါပေမယ့် ကျွန်တော် ရွှေလီမှာ နေထိုင်ရင်း နည်းပညာ၊ စည်းကမ်း၊ မြို့ပြစနစ်တွေက လူနေမှုဘဝကို ဘယ်လောက်ပြောင်းလဲပေးနိုင်တယ်ဆိုတာ မြင်လာရတယ်။

တစ်နေ့နေ့မှာ မြန်မာနိုင်ငံလည်း ငြိမ်းချမ်းပြီး အလုပ်အကိုင်ကောင်းတွေ ပိုများလာမယ်လို့ ကျွန်တော် မျှော်လင့်တယ်။ လူငယ်တွေ နိုင်ငံခြားထွက်ပြီး အလုပ်ရှာဖို့ မလိုတော့ဘဲ ကိုယ့်နိုင်ငံထဲမှာပဲ ဘဝတည်ဆောက်နိုင်မယ့် အခြေအနေ ရောက်လာစေချင်တယ်။ ရွှေလီမှာ ကျွန်တော် သင်ယူခဲ့ရတဲ့ အရာတွေ—အလုပ်ကြိုးစားမှု၊ နည်းပညာအသုံးချမှု၊ မြို့ပြစီမံခန့်ခွဲမှု—တွေက တစ်နေ့ မြန်မာနိုင်ငံအတွက်လည်း အကျိုးရှိလာမယ်လို့ ယုံကြည်နေမိတယ်။

အိုးးး! မိုးရွာတိုင်း သတိထားရမယ့် အိမ်ထဲ ဝင်လာတတ်တဲ့ ဧည့်သည်ဆိုးများနဲ့ အရေးပေါ် ဖြေရှင်းနည်း
မိုးရာသီရောက်ပြီဆိုရင် ရာသီဥတုအေးအေးလေးနဲ့ ထမင်းမြိန်စရာ ဟင်းလျာတွေကို ချက်ပြုတ်ရတာ စိတ်ချမ်းသာစရာ ကောင်းပေမယ့် တဖက်မှာလည်း အိမ်ထဲကို မဖိတ်ခေါ်ဘဲ ဝင်လာတတ်တဲ့ အဆိပ်ရှိ "ဧည့်သည်ဆိုး" တွေကိုတော့ အထူးသတိထားကြရပါမယ်ရှင်။ မိုးရွာလို့ ရေလျှံလာတဲ့အခါ ကင်းခြေများနဲ့ ကင်းမြီးကောက်တွေဟာ အိမ်ထဲကို အမှတ်မထင် ခိုးဝင်ပုန်းအောင်းတတ်ကြပါတယ်။
လွန်ခဲ့တဲ့ရက်ပိုင်းကတင် အိမ်ကလူတစ်ယောက် အမှတ်မထင် ကင်းခြေများ အကိုက်ခံရလို့ တော်တော်လေး စိုးရိမ်တကြီး ဖြစ်သွားခဲ့ရပါသေးတယ်။ ဒါပေမဲ့ အဘွားတို့ လက်ဆင့်ကမ်းပေးခဲ့ဖူးတဲ့ အိမ်တွင်းနည်းလမ်းလေးတစ်ခုကို ချက်ချင်း အသုံးပြုလိုက်တဲ့အခါမှာတော့ အံ့သြစရာကောင်းလောက်အောင် မြန်မြန်ဆန်ဆန် သက်သာသွားခဲ့လို့ အရေးပေါ် ကြုံလာရင် သုံးနိုင်အောင် ဗဟုသုတအဖြစ် ပြန်လည်မျှဝေပေးလိုက်ပါတယ်ဗျာ။
ဓာတ်မတည့်မှု သက်သာစေမယ့် အိမ်တွင်း ရှေးဦးသူနာပြုနည်း
အသုံးပြုတဲ့ နည်းလမ်းလေးကတော့ အိမ်တိုင်းရဲ့ မီးဖိုချောင်ထဲမှာ အလွယ်တကူ ရှိတတ်တဲ့ ပစ္စည်းလေးတွေပါပဲ။
အသုံးပြုပုံ -သံပုရာသီး အနည်းငယ်ကို ညှစ်ပြီးရလာတဲ့ အရည်ထဲကို အချိုမှုန့် လက်ဖက်ရည်ဇွန်း (၁) ဇွန်းခန့်နဲ့ ရောစပ်လိုက်ပါ။
အသုံးပြုနည်း -ပြီးရင် သမအောင် သေချာမွှေပြီး အကိုက်ခံရတဲ့နေရာ (သို့မဟုတ်) အဆိပ်ရှိသတ္တဝါ တစ်ခုခုနဲ့ အထိုးခံရတဲ့နေရာပေါ်မှာ ထူထူလေး အုံပေးထားလိုက်ရုံပါပဲ။
ကျွန်မတို့ ကိုယ်တိုင်လုပ်ကြည့်တဲ့အခါ (၅) မိနစ်တောင် မပြည့်ခင်မှာတင် နာကျင်ကိုက်ခဲတာနဲ့ ရောင်ရမ်းမှုတွေက သိသိသာသာကြီး လျော့ပါးသက်သာသွားပါတယ်။ အဆိပ်တွေကို စုပ်ထုတ်ပစ်လိုက်သလိုမျိုးကို နေသာထိုင်သာ ရှိသွားစေတာပါ။
⚠️ အထူးသတိပြုရန် သတိပေးချက်
ဒါကတော့ အရေးပေါ် အခြေအနေမှာ အဆိပ်အရှိန် သက်သာစေဖို့ ရှေးဦးသူနာပြုစုတဲ့ နည်းလမ်းတစ်ခုသာ ဖြစ်ပါတယ်။ လူတစ်ဦးချင်းစီရဲ့ ခန္ဓာကိုယ် တုံ့ပြန်ပုံချင်း မတူညီနိုင်တာကြောင့် အကိုက်ခံရပြီးနောက်
တစ်ကိုယ်လုံး ရောင်ရမ်းလာခြင်း
နှုတ်ခမ်းနှင့် မျက်နှာများ ထုံကျင်လာခြင်း
နှလုံးခုန် မြန်လာခြင်း၊ အသက်ရှူကျပ်ခြင်း စတဲ့ ပြင်းထန်တဲ့ ဓာတ်မတည့်မှု (Allergic Reaction) လက္ခဏာများ ပြသလာပါက လုံးဝ (လုံးဝ) အချိန်မဆွဲဘဲ နီးစပ်ရာ ဆေးရုံ၊ ဆေးခန်း သို့မဟုတ် ဆရာဝန်ထံ ချက်ချင်း သွားရောက်ပြသ ကုသမှုခံယူရပါမယ်ရှင်။
မိသားစုဝင်တွေ ဘေးကင်းစေဖို့နဲ့ အရေးပေါ်အခြေအနေတွေမှာ အလွယ်တကူ မှတ်သားအသုံးပြုနိုင်ဖို့အတွက် စေတနာအပြည့်နဲ့ ပြန်လည်မျှဝေပေးလိုက်ရပါတယ်ရှင်။ အားလုံးပဲ မိုးရာသီမှာ ဘေးအန္တရာယ်ကင်းဝေးပြီး ကျန်းမာပျော်ရွှင်ကြပါစေ။

ယက္ကန်းစင်တောင်ဆရာတော်ဘုရားကြီး၏
အရဟံ၊ ဗုဒ္ဓေါ ဗုဒ္ဓါနုဿတိ ပွားများတဲ့နည်း🙏🙏🙏
ယက္ကန်းစင်တောင်ဆရာတော်ဘုရားကြီး၏
အရဟံ၊ ဗုဒ္ဓေါ ဗုဒ္ဓါနုဿတိပွားများတဲ့နည်းဖြစ်ပြီး
ဝင်လေ၊ထွက်လေမှတ်ပြီး ပွားများရပါသည်။
အာနာပါနနှင့်ဗုဒ္ဓါနုသဿတိပေါင်းစပ်ထားသောနည်းဖြစ်သည်။
ဝင်လေအရဟံ၊ထွက်လေဗုဒ္ဓေါ၊ ကို
နေ့စစဉ် အချိန်မှန် နေရာမှန်( ၁၈ ) လ တိတိ ၊
အားထုတ်ပါကထူးခြား သည့် တန်ခိုး သိဒ္ဓိတွေရလာမည်ဟုယက္ကန်းစင်တောင်ဆရာတော်ဘုရားကြီးကတပည့်ဖြစ်သူ ဆရာကြွားကိုပေးခဲ့သောနည်းဖြစ်သည်။
ဝင်လေရူသွင်းချိန်၊ စိတ်ထဲကအရဟံဟုဆိုပြီး
ထွက်လေရူထုတ်ချိန်၊ ဗုဒ္ဓေါဟုစိတ်ထဲကဆိုပြီး
တရားထိုင်သကဲ့သို့ ဝင်လေအရဟံ၊ထွက်လေဗုဒ္ဓေါ ပွားကာ နေ့စဉ် ဆယ့်ငါးမိနစ်၊နာရီဝက်ကစပြီတဖြည်းဖြည်းတိုးပြီးအားထုတ်နိုင်ပါသည်။
အလုပ်လုပ်ရင်းသွားရင်လာရင်းအချိန်ရတိုင်းပွားများအားထုတ်နိုင်လို့သတိ တိုင်းအသက်ရူရင်း အတုမရှိတဲ့ကုသိုလ်ဖြစ်စေသည့် ၊ စိတ်ကြည်လင် အေးချမ်း အကျိုးများသည့် နည်းဖြစ်ပါသည်။
ကေလာသတောင် ဆရာတော်၊ ဇင်းကျိုက်ရသေ့၊ ဘိုးသံ သိဗ္ဗ၊သစ်တံခါးဆရာတော် စသည်ပုဂ္ဂိုလ်များကျင့်ကြံသော ဗုဒ္ဓနုဿတိ အာနာပါန ကမ္မဌာန်း ဝင်လေအရဟံ ထွက်လေ ဗုဒ္ဓေါ စိတ်ထဲကမှတ်။သမထကျင့်စဥ် အောင်မြင်လာမည်။
`` အာနာပါန ဗုဒ္ဓါနုသတိ ဘာဝနာကမ္မဌာန်း"
***********************************
(၁) သတ္တဝါတိုင်းအသက်ရှင်ဘို့အသက်ရှူရပါတယ်။
ရှူသွင်းတာကိုဝင်လေ၊ရှူထုတ်တာကိုထွက်လေ။
ရှူသွင်းတဲ့အခါ၊ စိတ်ထဲကနေအရဟံ၊
ပြန်ရှူထုတ်တဲ့အခါ၊ ဗုဒ္ဓေါလို့စိတ်ကမှတ်ရပါမယ်။
ပါးစပ်ကမဆိုရပါဘူး။စိတ်ကပဲဆိုရမှာပါ။
(မျက်စေ့လေးမှိတ်ပီးစမ်းကြည့်လိုက်ပါ..
ဝင်လေ-အရဟံ/ထွက်လေ-ဗုဒ္ဓေါ။
အရဟံ..ဗုဒ္ဓေါ/အရဟံ-ဗုဒ္ဓေါ)
အသက်လည်းရှူရင်း၊မြတ်စွာဘုရားရဲ့ဂုဏ်တော်၂ပါးကိုပူဇော်ပြီးသားတစ်ချက်ခုတ်၂ချက်ပြတ်ပါသည်။
ရတတ်သရွေ့အချိန်လေးတွေကြိုးစားမှတ်ရင်း
လုပ်ကြည့်ကြပါ။
အစားစာတာနဲ့စကားပြောတုံးအဆင်မပြေရင်ကျန်အချိန်အားလုံးပေါ့ပေါ့ပါးပါးမှတ်ရင်းရှူရင်းကုသိုလ်ရနိုင်ကြမယ်။
ဘုရားစင်ရှေ့ထိုင်မှတ်မှမဟုတ်၊
အိပ်ယာဝင်ကာနီးလည်းမှတ်နိုင်ရှူနိုင်ကြတယ်။
(၂) စိတ်၏တည်ကြည်မှုသမာဓိအားကောင်းလာပါမည်။
အရဟံ-ဗုဒ္ဓေါသည်နေ့နံသင့်ဂဏန်းမျာအရ၉နဝင်းဆောင်ပါသည်။
အ+ ရ+ ဟံ+ဗု+ဒ္ဓေါ=၁+၈+၆+၅+၇= ၂၇လုံးနက္ခတ်
၂+၇= ၉နဝင်း။
၉× ၃= ၂၇ဖြစ်တဲ့အတွက်
စေပိုင်၊စမပိုင်၊ဓါတ်ပိုင်၊နက္ခတ်ပိုင်ဖြစ်လာပါမည်။
(၃) အမြဲနှလုံးသွင်းပူဇော်နေကြသူတွေအတွက်
ဂုဏ်တော်အကြီးအမှူး( အရဟံ) နှင့် သစ္စာလေးပါးတရားသိမြင်သော(ဗုဒ္ဓေါ) ဂုဏ်တော်စွမ်းအားကြောင့်
ချမ်းသာကြီးခြင်း၊
ဘုန်းကံကြီးခြင်း၊
အရိယာစခန်းလျှောက်လှမ်းအားထုတ်နိုင်ကြပါမည်။
မည်သည့်အရိယာပုဒ်ဖြင့်မဆိုအသက်ရှင်သူတိုင်းအသက်ရှူရင်းကုသိုလ်များရရှိကြ၍ လိုရာခရီး ပေါက်မြောက်ကြပါမည်။
မျှတတဲ့ ဣရိယာပုထ်နဲ့ဘုရားစင်အောက် မှာငြိမ်သက်စွာထိုင်ပါ။ ပရိကံပြုပြီးနောက်မြတ်စွာ ဘုရားအားအာရုံသက်ဝင်လျက် ကမ္မဋ္ဌာန်းကျင့်စဉ်မြတ်ကိုအာရုံပြုထားပါ။ ထို့နောက်ဝင်လေမှာအရဟံကို စိတ်မှာရှူသွင်းပါ။
ဗုဒ္ဓေါ ကိုတစ်ဖန်ထွက်သက်မှာတင်းပြီးထုတ်ပါ။
ဝင်လေအရဟံ၊ ထွက်လေဗုဒ္ဓေါ ဖြစ်တယ်....
ဒီကျင့်စဉ်ကိုနေ့စဉ်နေ့တိုင်းကျင့်ပေးပါ ။
သွားရင်း၊ လာရင်း၊ ထိုင်ရင်း၊ လျောင်းရင်း၊
အချိန်အားရတိုင်း၊ နှာသီးဝမှာအာရုံထားပြီး
အတွင်း ဖိုထိုးနည်းလို့ခေါ်တဲ့အရဟံ အာနာပါနဓာတ်ကမ္မဋ္ဌာန်းကိုကျင့်ပါ"
" ဝင်လေ - အရဟံ + ထွက်လေ - ဗုဒ္ဓေါ။