စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

အီစတယ်ဗိုကို အငှားချရန် ဆွေးနွေးခြင်းမရှိကြောင်း အလွန်ဆို ပြောကြား

ချယ်လ်ဆီးအသင်းနည်းပြ ရှာဘီအလွန်ဆိုက အသင်းကစားသမား အီစတယ်ဗိုကို အငှားချရန် ဆွေးနွေးခြင်းမရှိကြောင်း ပြောကြားခဲ့သည်။
အီစတယ်ဗို(၁၉ နှစ်)သည် ပြီးခဲ့သည့်ရာသီက အသင်း၏အဓိကအစိတ်အပိုင်းတစ်ခု ဖြစ်ခဲ့သည်။
သို့သော် အလွန်ဆိုလက်ထက်တွင် ပွဲကစားချိန် ၁၇၂ မိနစ်သာ ရှိထားပြီး ပရီးမီးယားလိဂ် ပွဲထွက်ကစားခွင့်မရသေးကြောင်း သိရသည်။
လီဗာပူးလ်အသင်းအား အရေးနိမ့်ခဲ့သည့် လိဂ်ဖလားပွဲစဉ်တွင်လည်း အီစတယ်ဗိုကို အရန်ခုံတွင်သာ ထိုင်ခိုင်းထားခဲ့သည်။
အလွန်ဆိုက အီစတယ်ဗိုအနေဖြင့် အင်္ဂလိပ်ဘောလုံးနှင့်အသားကျရန် လိုအပ်နေသေးကြောင်း မှတ်ချက်ပြုခဲ့သည်။
အလွန်ဆိုလက်ထက် ချယ်လ်ဆီးတိုက်စစ်ပိုင်း၌ မော်ဂန်ရော်ဂျာစ်၊ ကိုးပါလ်မာနှင့် ဂျော်အိုပတ်ဒရိုတို့ကို အဓိကပွဲထွက်ကစားသမားအဖြစ် အသုံးပြုလျက်ရှိသည်။
ယင်းကစားသမားထဲမှ တစ်ဦးဦး မကစားနိုင်လျှင်လည်း အီစတယ်ဗိုထက် အခြားသူများကို အခွင့်အရေးပေးနေကြောင်း သိရသည်။

FC-1 မြန်မာ့ရိုးရာလက်ဝှေ့ပြိုင်ပွဲအတွက် လက်မှတ်များကို စတင်ရောင်းချနေပြီဖြစ်ပြီး အနိမ့်ဆုံး ကျပ် (၄၅၀၀၀) မှ အမြင့်ဆုံး ကျပ် (၄၀၀၀၀၀) အထိ သတ်မှတ်ထား

LFC (Lethwei Fighting Championship) အဖွဲ့အစည်းသည် LFC-1 မြန်မာ့ရိုးရာလက်ဝှေ့ပြိုင်ပွဲအတွက် လက်မှတ်များကို စတင်ရောင်းချနေပြီဖြစ်ပြီး အနိမ့်ဆုံး ကျပ် (၄၅၀၀၀) မှ အမြင့်ဆုံး ကျပ် (၄၀၀၀၀၀) အထိ သတ်မှတ်ထားကြောင်း သိရသည်။
LFC (Lethwei Fighting Championship) အဖွဲ့အစည်းသည် LFC-1 မြန်မာ့ရိုးရာလက်ဝှေ့ပြိုင်ပွဲအတွက် လက်မှတ်ဈေးနှုန်းများအဖြစ် ကျပ် (၄၅၀၀၀၊ ၆၉၀၀၀၊ ၉၀၀၀၀၊ ၁၂၅၀၀၀၊ ၂၅၀၀၀၀၊ ၃၀၀၀၀၀၊ ၃၅၀၀၀၀၊ ၄၀၀၀၀၀) ဟူ၍ အမျိုးအစား ၈ မျိုး သတ်မှတ်ကာ အွန်လိုင်းမှတစ်ဆင့် စတင်ရောင်းချနေပြီဖြစ်ကြောင်း သိရသည်။
LFC (Lethwei Fighting Championship) အဖွဲ့အစည်းသည် LFC-1 မြန်မာ့ရိုးရာလက်ဝှေ့ပြိုင်ပွဲကို လာမည့်နိုဝင်ဘာ ၁၄ ရက်တွင် ရန်ကုန်မြို့ရှိ Hexagon Complex ၌ ကျင်းပပြုလုပ်မည်ဖြစ်ကြောင်း သိရသည်။ LFC (Lethwei Fighting Championship) အဖွဲ့အစည်းသည် မူလက LFC-1 မြန်မာ့ရိုးရာလက်ဝှေ့ပြိုင်ပွဲကို အောက်တိုဘာ ၂၄ ရက်တွင် ကျင်းရန်စီစဉ်ထားခဲ့သော်လည်း ပရိသတ်များအတွက် ပိုမိုကောင်းမွန်သည့်တွဲဆိုင်းများ ထည့်သွင်းကျင်းပနိုင်ရန် နိုဝင်ဘာ ၁၄ ရက်သို့ နောက်ဆုတ်ကျင်းပရခြင်းဖြစ်ကြောင်း သိရသည်။ LFC-1 မြန်မာ့ရိုးရာလက်ဝှေ့ပြိုင်ပွဲတွင် တွဲဆိုင်း ၉ ဆိုင်းပါဝင်မည်ဖြစ်ပြီး အမျိုးသမီးတွဲဆိုင်းနှစ်ဆိုင်းထည့်သွင်းထားကြောင်းလည်း သိရသည်။ LFC-1 မြန်မာ့ရိုးရာလက်ဝှေ့ပြိုင်ပွဲကို မြန်မာဖိုက်တာများက တစ် ဖက်၊ နိုင်ငံတကာဖိုက်တာများက တစ်ဖက်အနေဖြင့် ယှဉ်ပြိုင်ထိုးသတ်ရန် စီစဉ်ထားခြင်း ဖြစ်ကြောင်း သိရသည်။ LFC (Lethwei Fighting Championship) အဖွဲ့အစည်းသည် LFC-1 မြန်မာ့ရိုးရာလက်ဝှေ့ပြိုင်ပွဲကို မြန်မာနိုင်ငံရိုးရာလက်ဝှေ့အဖွဲ့ချုပ်က ထုတ်ပြန်ထားသည့် မြန်မာ့ရိုးရာလက်ဝှေ့စည်းမျဉ်းစည်းကမ်းများအတိုင်း ကျင်းပသွား မည်ဖြစ်ကြောင်း သိရသည်။ သို့သော် အလဲထိုးစနစ်ဖြင့် ကျင်းပမည်မဟုတ်ဘဲ အမှတ်ပေးစည်းမျဉ်းဖြင့်သာ ကျင်းပသွားမည်ဖြစ်ကြောင်း သိရသည်။

ISPE အမျိုးသမီးအသင်း ပွဲစဉ်- ၁၁ အပြီးတွင် လက်ရှိချန်ပီယံ ဧရာဝတီအမျိုးသမီးအသင်းကို ၅ မှတ်အထိဖြတ်ပြီး အမှတ်ပေးဇယားထိပ်ဆုံးနေရာကနေ ဦးဆောင်

ယခုရာသီ မြန်မာအမျိုးသမီးလိဂ်ပြိုင်ပွဲ ပွဲစဉ်- ၁၁ အပြီးတွင် ISPE အမျိုးသမီးအသင်းသည် လက်ရှိချန်ပီယံ ဧရာဝတီအမျိုးသမီးအသင်းကို ရမှတ် ၅ မှတ်အထိဖြတ်ပြီး အမှတ်ပေးဇယားထိပ်ဆုံးနေရာကနေ ဦးဆောင်နေလျက်ရှိကြောင်း သိရသည်။
မြန်မာအမျိုးသမီးလိဂ်ပြိုင်ပွဲ ပွဲစဉ်- ၁၁ ကို ပြီးခဲ့သည့်အောက်တိုဘာ ၂၆၊ ၂၇၊ ၂၈ ရက်များက ကျင်းပပြုလုပ်ခဲ့ခြင်းဖြစ်ကြောင်း သိရသည်။ ပွဲစဉ်- ၁၁ တွင် ISPE အသင်းက ရန်ကုန်ယူနိုက်တက်အသင်းကို (၆-ဝ) ဂိုး၊ ဧရာဝတီအသင်းက ဇွဲကပင်ယူနိုက်တက်အသင်းကို (၁၁-ဝ) ဂိုး၊ သစ္စာအားမာန်အသင်းက ရန်ကုန်စီးတီးအသင်းကို (၁-ဝ) ဂိုး၊ ရတနာပုံအသင်းက မြဝတီအသင်းကို (၃-၁) ဂိုး၊ ရှမ်းယူနိုက်တက်အသင်းက Young Lionesses အသင်းကို (၄-၁) ဂိုးတို့ဖြင့် အသီးသီးအနိုင်ရရှိခဲ့ကြကြောင်း သိရသည်။
မြန်မာအမျိုးသမီးလိဂ်ပြိုင်ပွဲ ပွဲစဉ်- ၁၁ အပြီးတွင် ISPE အမျိုးသမီးအသင်းက ၁၀ ပွဲနိုင်၊ တစ်ပွဲသရေ၊ ရှုံးပွဲမရှိ၊ ရမှတ် ၃၁ မှတ်ဖြင့် အမှတ်ပေးဇယားထိပ်ဆုံးနေရာကနေ ဦးဆောင်နေလျက်ရှိ သည်။ ISPE အသင်းအောက်တွင် လက်ရှိချန်ပီယံဧရာဝတီအသင်းက ၈ ပွဲနိုင်၊ ၂ ပွဲသရေ၊ တစ်ပွဲရှုံး၊ ရမှတ် ၂၆ မှတ်ဖြင့် အဆင့် ၂၊ သစ္စာအားမာန်အသင်းက ၇ ပွဲနိုင်၊ တစ်ပွဲသရေ၊ ၃ ပွဲရှုံး၊ ရမှတ် ၂၂ မှတ်ဖြင့် အဆင့် ၃ နေရာတို့တွင် ရပ်တည်နေလျက်ရှိသည်။

မက္ကဆီကိုလက်ဝှေ့အကျော်အမော် ကာနီလိုအယ်လ်ဗာရက်ဇ် WBC စူပါမစ်ဒယ်ဝိတ်တန်း ချန်ပီယံခါးပတ် ပြန်လည်ရယူ

မက္ကဆီကိုလက်ဝှေ့အကျော်အမော် ကာနီလိုအယ်လ်ဗာရက်ဇ်သည် ကနေဒါလက်ဝှေ့သမား ခရစ္စတီယန်အမ်ဘီလီကို အမှတ်ဖြင့် အနိုင်ယူကာ WBC စူပါမစ်ဒယ် ဝိတ်တန်းချန်ပီယံခါးပတ် တစ်ကျော့ပြန်ရယူနိုင်ခဲ့ကြောင်း သိရသည်။
အယ်လ်ဗာရက်ဇ်နှင့် အမ်ဘီလီတို့၏ WBC စူပါမစ်ဒယ်ဝိတ်တန်း ချန်ပီယံခါးပတ် စိန်ခေါ်ပွဲကို အောက်တိုဘာ ၃၁ ရက် ညပိုင်းတွင် ဆော်ဒီအာရေဗျနိုင်ငံ၊ ရီယာ့ဒ်မြို့ရှိ Kingdom Arena ၌ ကျင်းပခဲ့ပြီး အယ်လ်ဗာ ရက်ဇ်က ဒိုင်သုံးဦးစလုံး၏ အမှတ်ပေးမှုဖြင့် အနိုင်ရခဲ့သည်။
အယ်လ်ဗာရက်ဇ် (၃၆ နှစ်)သည် စူပါမစ်ဒယ်ဝိတ်တန်းတွင် WBA (စူပါ)၊ WBC၊ IBF၊ WBO စသည့် အငြင်းပွားဖွယ်မရှိ ချန်ပီယံခါးပတ်လေးခုစလုံး ရရှိခဲ့ဖူးသူဖြစ်ပြီး ပြီးခဲ့သည့်နှစ် စက်တင်ဘာတွင် အမေရိကန်လက်ဝှေ့သမား တဲရန့်စ်ခရောဖို့ဒ်ကို အမှတ်ဖြင့် ရှုံးနိမ့်ကာ ချန်ပီယံခါးပတ်များ လက်လွှတ်ခဲ့ရခြင်းဖြစ်သည်။
အမ်ဘီလီ (၃၀ နှစ်)မှာမူ WBC စူပါမစ်ဒယ်ဝိတ်တန်း၏ ကြားဖြတ်ချန်ပီယံဖြစ်ပြီး ဒီဇင်ဘာတွင် ခရောဖို့ဒ်၏ ခါးပတ်ကို WBC က ရုပ်သိမ်းပြီးနောက် ဇန်နဝါရီတွင် အမ်ဘီလီအား ချန်ပီယံအဖြစ် ပြောင်းလဲသတ်မှတ်ပေးခဲ့သည်။
ယခုပွဲမှာ အမ်ဘီလီအတွက် ပထမဆုံး ချန်ပီယံခါးပတ်ကာကွယ်ပွဲဖြစ်ပြီး အစပိုင်းတွင် အယ်လ်ဗာရက်ဇ်ကို ဖိအားပေးထိုးသတ်နိုင်ခဲ့သည်။ သို့သော် အမ်ဘီလီ၏ ထိုးချက်အများစုမှာ ထိရောက်မှုမရှိဘဲ အယ်လ်ဗာရက်ဇ်၏ တန်ပြန်တိုက်စစ်လက်သီးချက်များက အားပါပြင်းထန်၍ ထိရောက်မှုပိုရှိခဲ့သည်။ ၁၂ ချီပြီးဆုံးပြီးနောက် အမှတ်ဖြင့်ဆုံးဖြတ်ရာ ဒိုင်သုံးဦးစလုံးက အယ်လ်ဗာရက်ဇ်ကို ၁၁၅- ၁၁၂၊ ၁၁၆-၁၁၁၊ ၁၁၇-၁၁၀ မှတ်ဖြင့် အနိုင်ပေးခဲ့ခြင်းဖြစ်သည်။
"ဒီခံစားချက်ကိုရှင်းပြဖို့ အရမ်းခက်ပါတယ်။ ပရော်ဖက်ရှင်နယ်လက်ဝှေ့သမားဘဝကို ကျွန်တော်ဖြတ်သန်းလာတာ ၃၁ နှစ်ရှိပါပြီ။ လွန်ခဲ့တဲ့ ၁၆ နှစ်က ကျွန်တော့်ရဲ့ ပထမဆုံး ချန်ပီယံခါးပတ်ကို ရယူနိုင်ခဲ့တယ်။ အခုတော့ ချန်ပီယံခါးပတ်ကို နောက်တစ်ကြိမ်ရယူနိုင်ခဲ့ပါပြီ။ ကိုယ့်ကိုယ်ကိုယ် အရမ်းပဲဂုဏ်ယူပါတယ်" ဟု အယ်လ်ဗာရက်ဇ်က ဆိုခဲ့သည်။

အန်ဖီးလ်ကွင်းတွင် ယှဥ်ပြိုင်ကစားသည့် ပရီးမီးယားလိဂ်ပွဲ၌ ဂိုးပေါက်တည့်အခွင့်အရေး မရခဲ့ခြင်းမှာ လီဗာပူးလ်အသင်းအတွက် ပထမဆုံးအကြိမ်ဖြစ်

လီဗာပူးလ်အသင်းသည် မနေ့ညက ယှဥ်ပြိုင်ခဲ့သည့် ပရီးမီးယားလိဂ်ပွဲစဥ်တွင် အိမ်ကွင်း၌ အာဆင်နယ်အသင်းကို ၀-၁ ဂိုးဖြင့် ရှုံးနိမ့်ခဲ့ပြီး မှတ်တမ်းဆိုးတစ်ခုကိုလည်း ပိုင်ဆိုင်ခဲ့ရသည်။
ယင်းမှတ်တမ်းမှာ အန်ဖီးလ်ကွင်းတွင် ယှဥ်ပြိုင်ကစားသည့် ပရီးမီးယားလိဂ်ပွဲ၌ ပထမဆုံးအကြိမ်အဖြစ် ဂိုးပေါက်တည့်အခွင့်အရေး တစ်ကြိမ်မျှ မရရှိခဲ့ခြင်းဖြစ်သည်။
လီဗာပူးလ်အသင်းသည် အန်ဖီးလ်ကွင်း၌ အာဆင်နယ်အသင်းကို ဖိအားပေးကစားနိုင်ခဲ့သော်လည်း ဂိုးပေါက်တည့်အောင် မစွမ်းဆောင်နိုင်ခဲ့ခြင်းဖြစ်သည်။
Opta မှ အချက်အလက်မှတ်တမ်းများ စတင်ရယူသည့် ၂၀၀၃-၀၄ ရာသီမှ စတွက်ပါက လီဗာပူးလ်အသင်းအနေဖြင့် အန်ဖီးလ်ကွင်းတွင် ပရီးမီးယားလိဂ်ပွဲပေါင်း ၄၂၂ ပွဲ ယှဥ်ပြိုင်ကစားခဲ့ကြောင်း သိရသည်။
လီဗာပူးလ်အသင်းသည် ဇန်နဝါရီလက အာဆင်နယ်နှင့် ဆုံတွေ့ခဲ့သည့်ပွဲတွင်လည်း ဂိုးပေါက်တည့်အခွင့်အရေးမရခဲ့သည့်အတွက် အာဆင်နယ်အသင်းကို ဂိုးပါက်တည့်အခွင့်အရေးရရှိအောင် နှစ်ပွဲဆက်မစွမ်းဆောင်နိုင်ခဲ့ခြင်းလည်းဖြစ်သည်။
အာဆင်နယ်အသင်းမှာမူ လီဗာပူးလ်အသင်းကို အန်ဖီးလ်ကွင်း၌ ၂၀၁၂ နောက်ပိုင်း ပထမဆုံးအကြိမ် အနိုင်ရရှိခဲ့ခြင်းဖြစ်ပြီး ပရီးမီးယားလိဂ်၌ အဝေးကွင်းနိုင်ပွဲ ၃၀၀ ပြည့်မြောက်ခဲ့သည်။
ထို့ကြောင့် မန်ယူ ( ၃၂၈ ပွဲ) ၏နောက် ပရီးမီးယားလိဂ်အဝေးကွင်းနိုင်ပွဲ ၃၀၀ ပြည့်သည့် ဒုတိယမြောက်အသင်းအဖြစ် မှတ်တမ်းဝင်ခဲ့ကြောင်းလည်း သိရသည်။

အန်ဖီးလ်ကွင်းတွင် ယှဥ်ပြိုင်ကစားသည့် ပရီးမီးယားလိဂ်ပွဲ၌ ဂိုးပေါက်တည့်အခွင့်အရေး မရခဲ့ခြင်းမှာ လီဗာပူးလ်အသင်းအတွက် ပထမဆုံးအကြိမ်ဖြစ်

လီဗာပူးလ်အသင်းသည် မနေ့ညက ယှဥ်ပြိုင်ခဲ့သည့် ပရီးမီးယားလိဂ်ပွဲစဥ်တွင် အိမ်ကွင်း၌ အာဆင်နယ်အသင်းကို ၀-၁ ဂိုးဖြင့် ရှုံးနိမ့်ခဲ့ပြီး မှတ်တမ်းဆိုးတစ်ခုကိုလည်း ပိုင်ဆိုင်ခဲ့ရသည်။
ယင်းမှတ်တမ်းမှာ အန်ဖီးလ်ကွင်းတွင် ယှဥ်ပြိုင်ကစားသည့် ပရီးမီးယားလိဂ်ပွဲ၌ ပထမဆုံးအကြိမ်အဖြစ် ဂိုးပေါက်တည့်အခွင့်အရေး တစ်ကြိမ်မျှ မရရှိခဲ့ခြင်းဖြစ်သည်။
လီဗာပူးလ်အသင်းသည် အန်ဖီးလ်ကွင်း၌ အာဆင်နယ်အသင်းကို ဖိအားပေးကစားနိုင်ခဲ့သော်လည်း ဂိုးပေါက်တည့်အောင် မစွမ်းဆောင်နိုင်ခဲ့ခြင်းဖြစ်သည်။
Opta မှ အချက်အလက်မှတ်တမ်းများ စတင်ရယူသည့် ၂၀၀၃-၀၄ ရာသီမှ စတွက်ပါက လီဗာပူးလ်အသင်းအနေဖြင့် အန်ဖီးလ်ကွင်းတွင် ပရီးမီးယားလိဂ်ပွဲပေါင်း ၄၂၂ ပွဲ ယှဥ်ပြိုင်ကစားခဲ့ကြောင်း သိရသည်။
လီဗာပူးလ်အသင်းသည် ဇန်နဝါရီလက အာဆင်နယ်နှင့် ဆုံတွေ့ခဲ့သည့်ပွဲတွင်လည်း ဂိုးပေါက်တည့်အခွင့်အရေးမရခဲ့သည့်အတွက် အာဆင်နယ်အသင်းကို ဂိုးပါက်တည့်အခွင့်အရေးရရှိအောင် နှစ်ပွဲဆက်မစွမ်းဆောင်နိုင်ခဲ့ခြင်းလည်းဖြစ်သည်။
အာဆင်နယ်အသင်းမှာမူ လီဗာပူးလ်အသင်းကို အန်ဖီးလ်ကွင်း၌ ၂၀၁၂ နောက်ပိုင်း ပထမဆုံးအကြိမ် အနိုင်ရရှိခဲ့ခြင်းဖြစ်ပြီး ပရီးမီးယားလိဂ်၌ အဝေးကွင်းနိုင်ပွဲ ၃၀၀ ပြည့်မြောက်ခဲ့သည်။
ထို့ကြောင့် မန်ယူ ( ၃၂၈ ပွဲ) ၏နောက် ပရီးမီးယားလိဂ်အဝေးကွင်းနိုင်ပွဲ ၃၀၀ ပြည့်သည့် ဒုတိယမြောက်အသင်းအဖြစ် မှတ်တမ်းဝင်ခဲ့ကြောင်းလည်း သိရသည်။

ဒါဟာ တကယ်ကို ကောင်းမွန်တဲ့ ပွဲကောင်းတစ်ပွဲဖြစ်ပြီး နှစ်သင်းစလုံးအတွက် အများကြီး အကျိုးရလဒ်တွေ ရယူသွားနိုင်ပါတယ်။ လီဗာပူးအနေနဲ့ လုံလောက်အောင် မစွမ်းဆောင်နိုင်ခဲ့တာ မှန်ပေမဲ့ ခံစစ်ပိုင်းအရ ဒီနိုင်ငံမှာ အကောင်းဆုံး၊ ဥရောပမှာပါ အကောင်းဆုံးလို့ ငြင်းမရအောင် ကောင်းတဲ့ အသင်းနဲ့ ကစားခဲ့ရတာပါ။ ဒါတောင် ကမ္ဘာ့အကောင်းဆုံး ဗဟိုနောက်ခံလူဖြစ်တဲ့ ဆာလီဘာ (Saliba) မပါဝင်သေးတဲ့ အခြေအနေမှာ ဖြစ်ပါတယ်။

​“အာဆင်နယ်အသင်း ဆုဖလားတွေ ရယူခဲ့တဲ့ကာလတွေ၊ အထူးသဖြင့် တိုနီ အဒမ်စ် (Tony Adams) နဲ့ နာမည်ကျော် နောက်တန်းလေးယောက် ပါဝင်ခဲ့တဲ့ ၁၉၈၉ နဲ့ ၁၉၉၁ ခုနှစ်တွေကို ပြန်စဉ်းစားကြည့်ရင် အခုလက်ရှိ နောက်တန်း ၄ ယောက်ဟာလည်း အဲဒီခေတ်က နောက်တန်းနဲ့ ရင်ပေါင်တန်း နှိုင်းယှဉ်ပြောဆိုလို့ရမယ့် အဆင့်နီးပါးကို ရောက်လာနေပြီလို့ ကျွန်တော် ထင်ပါတယ်။

​“အန်ဖီးလ် (Anfield) ကို လာကစားပြီး ဒီလောက် ဖိအားတွေ အများကြီးပေးခံရတဲ့ကြားက ပြိုင်ဘက်ကို ဂိုးပေါက်တည့်ကန်ချက် (shot on target) လုံးဝ ခွင့်မပြုခဲ့ရတာ၊ ဒါမှမဟုတ် တိုက်စစ်အတွက် ငွေကြေးအမြောက်အမြား အကုန်အကျခံ တည်ဆောက်ထားတဲ့ လီဗာပူးအသင်းကို အပိုင်ဂိုးသွင်းခွင့် (big chance) တစ်ကြိမ်မှ မရသွားစေတာကတော့ တကယ်ကို အံ့မခန်း ထူးချွန်လွန်းပါတယ်။”