ရီးရဲလ်မက်ဒရစ်မှ ဂါစီယာနှင့် ပလာစီယို့စ်တို့ကို ဖူလ်ဟမ် ခေါ်ယူအားဖြည့်လာ
====================

ဖူလ်ဟမ်ဟာ ရီးရဲလ်မက်ဒရစ်မှ ဂွန်ဇာလိုဂါစီယာနှင့် ဆီဇာပလာစီယို့စ်တို့ကို ၅ နှစ်စာချုပ်ဖြင့် ခေါ်ယူအားဖြည့်လာပါတယ်။
အသက် ၂၂ နှစ်ရှိ ဂါစီယာဟာ ပြီးခဲ့တဲ့ရာသီတုန်းက စပိန်ထိပ်သီးကလပ်အတွက် ၃၉ ပွဲကစားခွင့် ရခဲ့ကာ ၈ ဂိုးသွင်းယူပေးနိုင်ခဲ့သူ ဖြစ်ပါတယ်။
တိုက်စစ်သမားဟာ ဇွန်လတုန်းက စပိန်အသင်းအတွက် ပထမဆုံးပွဲ ကစားခွင့် ရခဲ့သူ ဖြစ်ပြီး ဖူလ်ဟမ်တွင် ရီးရဲလ်မက်ဒရစ်နည်းပြဟောင်းအယ်ဗာရိုအာဘီလိုအာနှင့် ပြန်လည် လက်တွဲသွားရပါမယ်။
ဖူလ်ဟမ်ဟာ ဘာနေဗျူးတွင် အာဘီလိုအာနှင့် လက်တွဲခဲ့တဲ့ လူငယ်ကစားသမား ၂ ဦးအတွက် ပြောင်းရွှေ့ကြေး ပေါင် ၃၄ သန်းဝန်းကျင်ပေးခဲ့ရကြောင်း သိရပါတယ်။
ဂွန်ဇာလိုဂွါစီယာဟာ ပြီးခဲ့တဲ့နှစ် နွေရာသီတုန်းက ကျင်းပတဲ့ ကလပ်ကမ္ဘာ့ဖလားပြိုင်ပွဲတွင် ပူးတွဲ ဂိုးသွင်းဘုရင်ဖြစ်ခဲ့သူလည်း ဖြစ်ပါတယ်။
ဖူလ်ဟမ်ဟာ ဂွန်ဇာလိုဂါစီယာနှင့်အတူ အသက် ၂၁ နှစ်ရှိ အလယ်တန်းတိုက်စစ်သမားကိုလည်း ၂၀၃၁ ခုနှစ်အထိ စာချုပ်ဖြင့် ခေါ်ယူလာပါတယ်။ ဖူလ်ဟမ်ဟာ ပါလာစီယို့စ်ရဲ့ စာချုပ်အတွင်းတွင် ၁၂ လသက်တမ်းတိုးနိုင်မယ့်အချက်ကိုလည်း ထည့်သွင်းချုပ်ဆိုထားပါတယ်။
ပလာစီယို့စ်ဟာ စပိန်ယူ-၂၀ အသင်းတွင် ကစားခွင့် ရနေသူ ဖြစ်ပြီး ရီးရဲလ်မက်ဒရစ်စီနီယာအသင်းအတွက် ၅ ပွဲကစားခွင့်ရထားသူ ဖြစ်ပါတယ်။

လီဗာပူးအသင်းခေါင်းဆောင်ဟောင်းဟင်ဒါဆင်ကို ချဲလ်ဆီး ခေါ်ယူလာ
====================

ချဲလ်ဆီးဟာ အင်္ဂလန်ဝါရင့်ကွင်းလယ်ကစားသမားဂျော်ဒန်ဟင်ဒါဆင်ကို ၂ နှစ်စာချုပ်ဖြင့် ခေါ်ယူလာပါတယ်။
အသက် ၃၆ နှစ်ရှိ ဟင်ဒါဆင်ဟာ ဘရန့်ဖို့ဒ်နှင့် စာချုပ်ဖျက်သိမ်းလိုက်ပြီးနောက် ချဲလ်ဆီးသို့ ပြောင်းရွှေ့လာတာလည်း ဖြစ်ပါတယ်။
ဟင်ဒါဆင်ဟာ လီဗာပူးတွင် အသင်းခေါင်းဆောင်အဖြစ် ၂၀၁၉-၂၀ ပရီးမီးယားလိဂ်ဖလားအပြင် ချန်ပီယံလိဂ်ဖလား ၁ ကြိမ်၊ အက်ဖ်အေဖလား ၁ ကြိမ်၊ လိဂ်ဖလား ၂ ကြိမ်၊ ဥရောပစူပါဖလား ၁ ကြိမ်၊ ဖီဖာကမ္ဘာ့ကလပ်ဖလား ၁ ကြိမ် ရရှိခဲ့သူလည်း ဖြစ်ပါတယ်။
သူဟာ ၂၀၂၃ ခုနှစ်တွင် လီဗာပူးမှ ထွက်ခွာကာ ဆော်ဒီကလပ် Al-Ettifaq သို့ ပြောင်းရွှေ့ပြီး ခြောက်လအကြာတွင် စာချုပ်ဖျက်သိမ်းကာ အေဂျက်စ်သို့ ပြောင်းခဲ့ပါတယ်။
ယင်းနောက် သူဟာ ပြီးခဲ့တဲ့ နွေရာသီမှာတော့ ဘရန့်ဖို့ဒ်သို့ ပြောင်းခဲ့ပြီး ပရီးမီးယားလိဂ်ပွဲ ၃၂ ပွဲပါဝင်ကစားခဲ့ပါတယ်။
ဟင်ဒါဆင်က "ကလပ်ရဲ့ ဂုဏ်အရှိန်အဝါ၊ ကျုပ်အရမ်းလေးစားရတဲ့ နည်းပြ(အလွန်ဆို)၊ အရည်အသွေးရှိတဲ့ ကစားသမားတွေ အများကြီးရှိတာတွေကြောင့် ဒါက ကျွန်တော်ဘယ်လိုမှ ငြင်းပယ်လို့ မရတဲ့ ကမ်းလှမ်းမှု ဖြစ်ခဲ့ပါတယ်။ ကျွန်တော့်အတွက် ကွင်းပြင်မှာရော ကွင်းပြင်ပမှာ နေ့ရက်တိုင်း အစွမ်းကုန်ပေးဆပ်ပြီး ကစားဖော်တွေကို ကူညီပါမယ်။ ဒီကို ပြောင်းလာခွင့်ရလို့ အရမ်း စိတ်လှုပ်ရှားပါတယ်"လို့ ပြောကြားသွားပါတယ်။
ဟင်ဒါဆင်ဟာ ဆန်းဒါးလန်းအကယ်ဒမီထွက်တစ်ဦးဖြစ်ပြီး ၂၀၀၈ ခုနှစ် နိုဝင်ဘာလ ၁ ရက်နေ့တုန်းက ချဲလ်ဆီးအား ၅-၀ ဂိုးဖြင့် ရှုံးနိမ့်တဲ့ ပွဲစဉ်တွင် လူစားဝင်ရောက် ကစားကာ ပထမဆုံး ပရီးမီးယားလိဂ်ပွဲကစားခဲ့တာ ဖြစ်ပါတယ်။
သူဟာ အင်္ဂလန်အတွက် ၂၀၁၀ ခုနှစ်တွင် ပထမဆုံးပွဲကစားခွင့်ရခဲ့ပြီး ၉၁ ပွဲကစားထားသလို နိုင်ငံတကာပြိုင်ပွဲကြီး ၇ ကြိမ်ကစားထားပါတယ်။

ပွဲပယ်ပြစ်ဒဏ်မှ လွတ်မြောက်လာတဲ့ မူဒရစ်အား လမ်းပတ်ရဲ့ ကိုဗင်ထရီအပြင် ပရီးမီးယားလိဂ်ကလပ် ၃ ခုက ခေါ်ယူရန် ကြိုးပမ်းနေ
===================

မိုင်ခေလိုမူဒရစ်အား ခေါ်ယူရန် ချဲလ်ဆီးအား ကလပ်အမြောက်အမြားတို့က ဆက်သွယ်နေကြပါတယ်။
အသက် ၂၅ နှစ်ရှိ ယူကရိန်းတောင်ပံကစားသမားဟာ တားမြစ်ဆေးအသုံးပြုမှုအတွက် ၄ နှစ်ပွဲပယ်ပြစ်ဒဏ်ချမှတ်ခြင်းခံခဲ့ရပေမဲ့လည်း ၁ နှင့် ၈ လတိုင်တိုင် ပွဲပယ်ပြစ်ဒဏ်ကျခံရပြီးနောက် ပြစ်ဒဏ်မှ ဖယ်ရှားခြင်းခံခဲ့ရပါတယ်။
မူဒရစ်ဟာ ဟောင်ကောင်သို့ သွားရောက်ကာ ချဲလ်ဆီးနှင့် ရာသီကြိုလေ့ကျင့်ခန်းအစီအစဉ်နှင့် ပူးပေါင်းနေပြီလည်း ဖြစ်ပါတယ်။
အလွန်ဆိုဟာ ပွဲပယ်ပြစ်ဒဏ်မှ လွတ်မြောက်လာတဲ့ မူဒရစ်အား ကြိုဆိုထားပြီး အသင်းတွင် ဆက်ထိန်းထား/မထားကို ဆုံးဖြတ်ရခြင်း မရှိသေးပါဘူး။
မူဒရစ်ကို ခေါ်ယူလိုနေတဲ့ ကလပ်များတွင် ချဲလ်ဆီးနည်းပြဟောင်းဖရန့်လမ်းပတ်ကိုင်တွယ်နေတဲ့ ကိုဗင်ထရီက ထိပ်ဆုံးမှ ပါဝင်နေပါတယ်။
ယူကရိန်းတောင်ပံကစားသမားဟာ ချဲလ်ဆီးတွင် ဖရန့်လမ်းပတ်လက်အောက်မှာ ၈ ပွဲကစားခဲ့ဖူးသူလည်း ဖြစ်ပါတယ်။
မူဒရစ်ကို အခြားပရီးမီးယားလိဂ်ကလပ် ၂ ခုအပြင် အခြားဥရောပတလွှားကလပ် ၃ ခုကလည်း စိတ်ဝင်စားနေပါသေးတယ်။
မူဒရစ်ဟာ ပွဲပယ်ပြစ်ဒဏ်ကြောင့် ချဲလ်ဆီးနှင့် လေ့ကျင့်ခန်းမဆင်းနိုင်စဉ် ကာလအတွင်းတွင် နည်းပြနှင့် ဂိုးသမားငှားရမ်းကာ လေ့ကျင့်ခန်းဆင်းလာသူလည်း ဖြစ်ပါတယ်။
တဖက်တွင် ချဲလ်ဆီးနှင့် အလွန်ဆိုတို့က မူဒရစ်အား ရာသီကြိုလေ့ကျင့်ခန်းအစီအစဉ်တွင် ကစားဖော်များနှင့် အသားကျအောင် လုပ်ဆောင်ပြီးနောက် အပြောင်းအရွှေ့ဈေးကွက်မပိတ်မီ အနာဂတ်ကို ဆုံးဖြတ်လာဖို့ ရှိနေပါတယ်။

ယူနိုက်တက်တိုက်စစ်မှူးမာကပ်စ်ရက်ဖို့ဒ်အား ခေါ်ယူရန် ဖီနာဘာချီ ကြိုးပမ်းလာ
==================

ဖီနာဘာချီဟာ ယခုနွေရာသီတွင် ကြီးမားတဲ့ အပြောင်းအရွှေ့ လုပ်ဆောင်မှုအဖြစ် ယူနိုက်တက်တိုက်စစ်မှူးမားကပ်စ်ရက်ဖို့ဒ်အား ငွေအလုံးအရင်း သုံးစွဲပြီး ခေါ်ယူမှု ပြုလုပ်ရန် ပြင်ဆင်နေပါတယ်။
ရက်ဖို့ဒ်ဟာ ဘာစီလိုနာတွင် အငှားဖြင့် တစ်ရာသီသွားရောက် ကစားပြီးနောက် အပြီးသတ်ခေါ်ယူခြင်း မခံရဘဲ ယူနိုက်တက်နှင့် ပြန်လည်ပူးပေါင်းရမယ့် အခြေအနေတွင် ရှိနေပါတယ်။
ဖီနာဘာချီဟာ ယခုနွေရာသီတွင် ကြီးမားတဲ့ အပြောင်းအရွှေ့တစ်ခု အဖြစ် အေစီမီလန်တောင်ပံကစားသမားရာဖေးလ်လီယို၊ ပဲလေ့စ်တိုက်စစ်သမားအစ္စမယ်လာဆားနှင့် မားကပ်စ်ရက်ဖို့ဒ်တို့ ၃ ဦးမှ တစ်ဦးကို ခေါ်ယူရန် စီစဉ်နေပါတယ်။
ဖီနာဘာချီဟာ ရာဖေးလ်လီယိုနှင့် စကားပြောပြီးဖြစ်ပေမဲ့လည်း ခေါ်ယူရေး အဆင်ပြေခဲ့ပါတယ်။
၎င်းတို့ဟာ ဆားရဲ့ အေးဂျင့်များနှင့်လည်း ဆက်သွယ်ထားပြီး ဖြစ်ပါတယ်။
ယခုအခါ ၎င်းတို့ဟာ ရက်ဖို့ဒ်ရဲ့အေးဂျင့်များနှင့် ထပ်မံ ဆွေးနွေးမှုများ ပြုလုပ်လာပါတယ်။
ရက်ဖို့ဒ်ဟာ အင်္ဂလန်နှင့် ကမ္ဘာ့ဖလားပြိုင်ပွဲတွင် တတိယ ရရှိပြီးနောက် အပန်းဖြေနေပြီး အနာဂတ်အား ခေါင်းအေးအေးဖြင့် ဆုံးဖြတ်လာပါမယ်။
တကယ်လို့များ ရက်ဖို့ဒ်ဘက်ကသာ တူရကီသို့ ပြောင်းရန် ဆုံးဖြတ်လာပါက ဖီနာဘာချီအနေဖြင့် ငွေအလုံးအရင်း အသုံးပြုရန် အသင့် ရှိနေပါတယ်။
ပဲလေ့စ်နှင့် ဆီနီဂေါစတားဆားမှာလည်း ဖီနာဘာချီရဲ့အဓိကပစ်မှတ်ထဲမှ တစ်ဦး ဖြစ်ပါတယ်။ ဆားဟာ ပြီးခဲ့တဲ့ ရာသီတုန်းက ၂၁ ဂိုးသွင်းယူကာ ပဲလေ့စ်အား ကွန်ဖရင့်လိဂ်ချန်ပီယံဖြစ်အောင် ကူညီခဲ့သူလည်း ဖြစ်ပါတယ်။
ဆားဟာ ကမ္ဘာ့ဖလားပြိုင်ပွဲတွင် ၄ ဂိုးသွင်းကာ ထိပ်တန်းအဆင့်တွင် သက်သေပြခဲ့ပြီးလည်း ဖြစ်ပါတယ်။
ဒါပေမဲ့ ပဲလေ့စ်ဘက်က ဆားကို အသင်းတွင် ဆက်ထိန်းထားလိုနေပြီး စာချုပ်သစ်ကမ်းလှမ်းရန်ပါ စီစဉ်ထားပါတယ်။

ဘရာဂါဂိုးသမားလူးကပ်စ်ဟိုနီဆက်စ်ကို ပေါင် ၂၅.၇ သန်းဖြင့် နယူးကာဆယ် ခေါ်ယူလာ
====================

နယူးကာဆယ်ဟာ ဘရာဂါမှ ဂိုးသမားလူးကပ်စ်ဟိုနီကက်စ်ကို ပေါင် ၂၅.၇ သန်းဖြင့် ခေါ်ယူလာပါတယ်။
နယူးကာဆယ်ဟာ ယခုနွေရာသီတွင် ရိမ်းစ်မှ အသက် ၂၀ နှစ်ရှိ အီဝန်းဂျောင်အန်ကို ခေါ်ယူထားပြီးဖြစ်ပေမဲ့လည်း ဂိုးသမားနေရာအတွက် နောက်ထပ်အားဖြည့်မှု ပြုလုပ်လာတာလည်း ဖြစ်ပါတယ်။
အသက် ၂၄ နှစ်ရှိ ဟိုနီဆက်စ်ဟာ နယူးကာဆယ်သို့ စာချုပ်ဖျက်သိမ်းကြေး ပေါင် ၂၅.၇ သန်းဖြင့် ၅ နှစ်စာချုပ်ဖြင့် ပြောင်းရွှေ့ပြီးနောက် ကလပ်ရဲ့ ရာသီကြိုလေ့ကျင့်ခန်းအစီအစဉ်နှင့် ပူးပေါင်းနေပြီလည်း ဖြစ်ပါတယ်။
ချက်လက်ရွေးစင်ဂိုးသမားဟာ ပြီးခဲ့တဲ့ရာသီတုန်းက ယူရိုပါလိဂ်ဆီမီးဖိုင်နယ်သို့အထိ တက်ရောက်ခဲ့စဉ်တုန်းက ဘရာဂါအား ၇ ပွဲဂိုးမပေးရအောင် စွမ်းဆောင်ကာ ယူရိုပါလိဂ်တွင် ဂိုးမပေးရတဲ့ပွဲအများဆုံးဂိုးသမားအဖြစ် မှတ်တမ်းတင်ခဲ့သူလည်း ဖြစ်ပါတယ်။
ဒါပေမဲ့ ဟိုနီဆက်စ်ဟာ ပြီးခဲ့တဲ့ရာသီတုန်းက ပေါ်တူဂီလိဂ်တွင် ဘောလုံးပေးပို့မှု အောင်မြင်မှု (၈၄၆)ဖြင့် ဒုတိယဖြင့် ရပ်တည်ခဲ့သလို ဘောလုံးပေးပို့မှုအောင်မြင်ဆုံး (၇၅ ရာခိုင်နှုန်း) စတုတ္ထဂိုးသမားအဖြစ်လည်း ရပ်တည်နိုင်ခဲ့ပါတယ်။
နယူးကာဆယ်ဟာ ပြီးခဲ့တဲ့ရာသီတုန်းက ဂိုးမပေးရတဲ့ပွဲ ၈ ပွဲတည်းသာ ပိုင်ဆိုင်ခဲ့ကာ ၅၅ ဂိုးအထိပေးခဲ့ရပြီးနောက် ယခုနွေရာသီတွင် ဂိုးသမားနေရာအား ဦးစားပေးအားဖြည့်လာတာပါ။
နယူးကာဆယ်ဟာ နစ်ပုပ်နှင့် အေရွန်ရမ်ဒေးလ်တို့အပေါ်တွင် အယုံအကြည် နည်းပါးလာသလို ပြည်ပမှ အသက် ၂၀ နှစ်ဝန်းကျင် ကစားသမားများကို အားဖြည့်မှုများပြုလုပ်လာတကိုလည်း တွေရပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဩဂုတ် ၇ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၂၅၆ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၇,၀၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၈၆၀,၀၀၀ ကျပ်
ဝယ်ဈေး ၉,၈၂၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၄၆၀,၀၀၀ ကျပ်
ဝယ်ဈေး ၉,၄၂၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၇၄၀,၀၀၀ ကျပ်
ဝယ်ဈေး ၉,၇၀၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၃၄၀,၀၀၀ ကျပ်
ဝယ်ဈေး ၉,၃၀၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၁၀ ကျပ်
ဝယ်ဈေး - ၄၃၀၀ ကျပ်
-စင်္ကာပူဒေါ်လာ
ရောင်းဈေး - ၃၄၄၀ ကျပ်
ဝယ်ဈေး - ၃၃၅၀ ကျပ်
-ယူရို
ရောင်းဈေး - ၅၀၉၀ ကျပ်
ဝယ်ဈေး - ၄၉၅၅ ကျပ်
-ထိုင်းဘတ်
ရောင်းဈေး - ၁၃၂.၄၄ ကျပ်
ဝယ်ဈေး - ၁၃၀.၁၈ ကျပ်
-မလေးရှားရင်းဂစ်
ရောင်းဈေး - ၁၀၇၉ ကျပ်
ဝယ်ဈေး - ၁၀၅၁ ကျပ်
-တရုတ်ယွမ်
ရောင်းဈေး - ၆၅၅ ကျပ်
ဝယ်ဈေး - ၆၃၇ ကျပ်
-ဂျပန်ယန်း
ရောင်းဈေး - ၂၇.၈၈ ကျပ်
ဝယ်ဈေး - ၂၇.၁၆ ကျပ်
-အိန္ဒိယရူပီး
ရောင်းဈေး - ၄၆.၄၁ ကျပ်
ဝယ်ဈေး - ၄၅.၂၁ ကျပ်
-ကိုရီးယားဝမ်
ရောင်းဈေး - ၃.၁၁ ကျပ်
ဝယ်ဈေး - ၃.၀၃ ကျပ်
-စတာလင်ပေါင်
ရောင်းဈေး - ၅၉၄၀ ကျပ်
ဝယ်ဈေး - ၅၇၈၅ ကျပ်
-ဩစတြေးလျဒေါ်လာ
ရောင်းဈေး - ၃၀၉၂ ကျပ်
ဝယ်ဈေး - ၃၀၃၉ ကျပ်
-ကနေဒါဒေါ်လာ
ရောင်းဈေး - ၃၁၅၀ ကျပ်
ဝယ်ဈေး - ၃၀၇၀ ကျပ်
-ဟောင်ကောင်ဒေါ်လာ
ရောင်းဈေး - ၅၆၃ ကျပ်
ဝယ်ဈေး - ၅၄၈ ကျပ်
-ယူအေအီး
ရောင်းဈေး - ၁၂၀၃ ကျပ်
ဝယ်ဈေး - ၁၁၇၁ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

မြန်မာကျောင်းသားတွေ ချီးဗနင်းပညာတော်သင်ဆုလျှောက်ခွင့်မရတော့ပါ

နိုင်ငံတကာပညာရေးကိုစိတ်ဝင်စားတဲ့မြန်မာကျောင်းသားတွေအတွက် ချီးဗနင်းပညာတော်သင်ဆုရာသီက အက်ဆေးတွေရေးရ၊ စာရွက်စာတမ်းတွေပြင်ဆင်ကြနဲ့ အလုပ်များတဲ့အချိန်လို့ဆိုနိုင်ပါတယ်။

၂၀၂၆ ခုနှစ် သြဂုတ် ၄ ရက်မှာတော့ ကမ္ဘာတလွှားက ယူကေသံရုံးတွေရဲ့ ဆိုရှယ်မီဒီယာတွေမှာ ပညာသင်စရိတ်အပြည့်ပေးတဲ့ ချီးဗနင်းပညာတော်သင်ဆုစတင်လျှောက်နိုင်ပြီဖြစ်ကြောင်း အသီးသီးကြေညာကြပါတယ်။

ဒါပေမဲ့ မြန်မာနိုင်ငံဆိုင်ရာ ယူကေသံရုံးရဲ့ဆိုရှယ်မီဒီယာမှာတော့ ချီးဗနင်းနဲ့ပတ်သက်လို့ မနှစ်ကနဲ့ မတူဘဲ တိတ်ဆိတ်နေပါတယ်။

ချီးဗနင်းပညာတော်သင်ဆုရဲ့ တရားဝင်ဝဘ်ဆိုဒ်စာမျက်နှာထဲမှာ လျှောက်ထားဖို့ နိုင်ငံစာရင်းထဲ "Myanmar" လို့ စာရိုက်လိုက်ရင် "No Results Match" ဆိုတဲ့အချက်အလက်မရှိကြောင်းသာ ဖော်ပြနေပါတယ်။

ယူကေပြည်ထဲရေးဝန်ကြီးဌာနက မြန်မာကို ကျောင်းသားဗီဇာရပ်ဆိုင်းတာကြောင့် ပညာတော်သင်ဆု လျှောက်ခွင့်မရှိတော့တာပါ။

"ကျောင်းသားဟောင်းတစ်ယောက်အနေနဲ့ ချီးဗနင်းပရိုဂရမ်ပိတ်တဲ့အပေါ် ကျွန်တော်တကယ် ဝမ်းနည်းတယ်" လို့ ပညာ‌တော်သင်ဆုရပြီး ယူကေမှာကျောင်းတက်ခဲ့ဖူးသူတစ်ဦးက ပြောပါတယ်။

မြစ်ဆုံရေအားလျှပ်စစ်စီမံကိန်းသည် မြန်မာနိုင်ငံအတွက် အကျိုးကျေးဇူးများစွာ ဆောင်ကြဉ်းပေးနိုင်သည်။

ပထမဦးစွာ လျှပ်စစ်ဓာတ်အား ပြတ်လပ်မှုကို ဖြေရှင်းနိုင်မည်ဖြစ်သည်။ မြန်မာနိုင်ငံ၏ လျှပ်စစ်သုံးစွဲမှုသည် နှစ်စဉ်မြင့်တက်လျက်ရှိပြီး စိုက်ပျိုးရေး၊ မွေးမြူရေးနှင့် စက်မှုကုန်ထုတ်လုပ်ငန်းများ ဖွံ့ဖြိုးတိုးတက်ရန်အတွက် လျှပ်စစ်ဓာတ်အားသည် အဓိကကျသည်။ မြစ်ဆုံစီမံကိန်းသည် မြန်မာနိုင်ငံ၏ လျှပ်စစ်လိုအပ်ချက်ကို အပြည့်အဝဖြည့်ဆည်းပေးနိုင်ကာ ပြည်တွင်းသုံးစွဲရန်အတွက် ဦးစားပေးဆောင်ရွက်သွားမည်ဖြစ်သည်။ ဒီဇိုင်းအင်အား ၆၀၀၀ မဂ္ဂါဝပ်ရှိသည့် ဤစီမံကိန်းသည် မြန်မာနိုင်ငံ၏ လျှပ်စစ်ဓာတ်အား သုံးပုံတစ်ပုံခန့်ကို ဖြည့်ဆည်းပေးနိုင်မည်ဟု ခန့်မှန်းရသည်။

ဒုတိယအနေဖြင့် ဒေသခံပြည်သူများအတွက် အလုပ်အကိုင် အခွင့်အလမ်းများ ဖန်တီးပေးနိုင်သည်။ စီမံကိန်း ဆောက်လုပ်ရေးကာလအတွင်း အလုပ်အကိုင် သောင်းနှင့်ချီ ဖန်တီးပေးနိုင်ပြီး ဒေသခံများ၏ လူမှုစီးပွားဘဝ မြှင့်တင်ပေးနိုင်သည်။ မိသားစုဝင်တစ်ဦးသည် စီမံကိန်းတွင် အလုပ်လုပ်ကိုင်နိုင်ပါက တစ်လလျှင် ကျပ် ၈၀၀၀၀ ခန့် ဝင်ငွေရရှိနိုင်ပြီး ဒေသခံဆရာများ၏ လစာနှင့်ညီမျှသော ဝင်ငွေကောင်းတစ်ခုဖြစ်သည်။

တတိယအချက်မှာ အခြေခံအဆောက်အအုံ ဖွံ့ဖြိုးတိုးတက်လာစေခြင်းဖြစ်သည်။ တရုတ်ရင်းနှီးမြှုပ်နှံမှုဖြင့် ဆောက်လုပ်ပေးထားသော ကျောင်းနှင့် ဆေးရုံများသည် မြန်မာနိုင်ငံ၏ ကျေးလက်ဒေသများတွင် အကောင်းဆုံးအဆင့်ရှိပြီး ကျောင်းတွင် နှစ်စဉ် တက္ကသိုလ်ဝင်စာမေးပွဲအောင်မြင်သူများ ရှိလာသည်။ ထို့အပြင် ကီလိုမီတာ ၇၅၀ ရှည်လျားသော လမ်းများ၊ တံတားများ၊ ရေကြောင်းပို့ဆောင်ရေးနှင့် ရေလွှမ်းမိုးမှုကာကွယ်ရေးစနစ်များလည်း တိုးတက်လာမည်ဖြစ်သည်။

နောက်ဆုံးအနေဖြင့် ရေရှည်အကျိုးအမြတ်များ ရရှိစေသည်။ စီမံကိန်း လည်ပတ်မှုကာလအတွင်း အခွန်အခများ၊ အခမဲ့လျှပ်စစ်ဓာတ်အားနှင့် အစုရှယ်ယာအမြတ်ငွေများမှတစ်ဆင့် မြန်မာအစိုးရအနေဖြင့် အမေရိကန်ဒေါ်လာ ၅၄၀ ဘီလီယံခန့် တိုက်ရိုက်စီးပွားရေးအကျိုးအမြတ် ရရှိနိုင်မည်ဖြစ်သည်။ ဆယ်စုနှစ်များစွာ လည်ပတ်ပြီးနောက် စီမံကိန်းကို မြန်မာအစိုးရသို့ လွှဲပြောင်းပေးအပ်မည်ဖြစ်ပြီး ရေရှည်ဖွံ့ဖြိုးတိုးတက်ရေးအတွက် အဓိကကျသော အထောက်အကူတစ်ရပ် ဖြစ်လာမည်ဖြစ်သည်။ တရုတ်-မြန်မာ ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုကို ကိုယ်စားပြုသည့် ဤစီမံကိန်းသည် မြန်မာပြည်သူများ၏ နေ့စဉ်ဘဝတွင် များစွာအကျိုးပြုနိုင်မည်ဖြစ်သည်။#ပြည်ထောင်စုမြန