သီရိလင်္ကာနဲ့ အင်ဒို ရေဘေး လူ ၁၅၀ နီးပါးသေပြီး ဒါဇင်များစွာ ပျောက်ဆုံး

သီရိလင်္ကာနဲ့ အင်ဒိုနီးရှားနိုင်ငံတို့မှာ မိုးသည်းထန်စွာရွာသွန်းပြီး ရေကြီးရေလျှံမှုနဲ့ မြေပြိုမှုတွေကြောင့် လူ ၁၅၀ နီးပါး သေဆုံးပြီး ဒါဇင်များစွာ ပျောက်ဆုံးနေတယ်လို့ တာဝန်ရှိသူတွေက အတည်ပြု ပြောပါတယ်။
သီရိလင်္ကာနိုင်ငံ လက်ဖက်စိုက်ပျိုးရာ အလယ်ပိုင်း ဘာဒူလာ ခရိုင်တခုတည်းမှာပင် မြေပြိုမှုကြောင့် သေဆုံးသူ ၂၁ ယောက်အပါအဝင် ရေဘေးအတွင်း လူ ၅၆ ယောက်ထက်မနည်း သေဆုံးခဲ့ကြောင်း သဘာဝဘေးအန္တရာယ် စီမံခန့်ခွဲရေးဌာနက ပြောပါတယ်။
လက်ရှိအခြေအနေဟာ မကြာသေးမီနှစ်များအတွင်း နိုင်ငံရဲ့ အဆိုးရွားဆုံး သဘာ၀ဘေးတခုလည်းဖြစ်ပါတယ်။ ဆိုင်ကလုန်းမုန်တိုင်း ဒစ်ဝါဟာ အရှေ့ဘက်ကမ်းရိုးတန်းတစ်လျှောက် ရွေ့လျားနေတာကြောင့် ဒီကနေ့မှာ ရာသီတု အခြေအနေ ပိုမိုဆိုးရွားလာနိုင်တယ်လို့ အာဏာပိုင်တွေက သတိပေးထားပါတယ်။
မုန်တိုင်းဟာ အရှေ့ဘက်ကမ်းရိုးတန်းမှာ ပြင်းထန်တဲ့ လေဖိအားနည်းရပ်ဝန်းအဖြစ် စတင်ခဲ့ပေမယ့် နောက်ပိုင်းမှာ ဆိုင်ကလုန်းမုန်တိုင်းအဖြစ် ပိုမိုအားကောင်းလာခဲ့ကာ ၎င်းသည် အိန္ဒိယနိုင်ငံ ကုန်းတွင်းပိုင်းကို ဝင်ရောက်ဖွယ်ရှိနေပါတယ်။
အင်ဒိုနီးရှားနိုင်ငံမှာလည်း ယခုသီတင်းပတ်အတွင်း ရေကြီးရေလျှံမှုတွေကြောင့် လူ ၈၀ ထက်မနည်း သေဆုံးပြီး ဒါဇင်များစွာ ပျောက်ဆုံးနေဆဲဖြစ်ပါတယ်။ ဒါပေမယ့် ပြင်းထန်တဲ့ ရာသီဥတုအခြေအနေဟာ အရှေ့တောင်အာရှ တခြာနိုင်ငံတွေမှာလည်း ဖြစ်ပွားနေပါတယ်။
မလေးရှားနဲ့ ထိုင်းနိုင်ငံတို့မှာလည်း ရေကြီးရေလျှံမှုတွေ အကြီးအကျယ်ဖြစ်ပွားနေပြီး လူသန်းနဲ့ချီ ရေဘေးသင့်နေရပါတယ်။ ထိုင်းနိုင်ငံတောင်ပိုင်းမှာတော့ ဆိုးရွားတဲ့ ရေဘေးကြောင့် အကူအညီတွေ ပေးဖို့ လေယာဉ်တင်သင်္ဘော အုပ်စုပါ စေလွှတ် ကူညီနေရကာ လက်ရှိအချိန်ထိ လူ ၃၃ ယောက်ထက်မနည်း သေဆုံးခဲ့ပါတယ်။

ရန်ကုန်တိုင်းဒေသကြီး၊ ပန်းဘဲတန်းမြို့နယ်နှင့် ဒဂုံမြို့သစ်(မြောက်ပိုင်း)မြို့နယ်တို့တွင် မီးလောင်မှုဖြစ်ပွား

ရန်ကုန်တိုင်းဒေသကြီး၊ ပန်းဘဲတန်းမြို့နယ်နှင့် ဒဂုံမြို့သစ်(မြောက်ပိုင်း)မြို့နယ်တို့၌ နိုဝင်ဘာ ၂၇ ရက်တွင် မီးလောင်မှုဖြစ်ပွားခဲ့ကြောင်း သိရသည်။
နိုဝင်ဘာ ၂၇ ရက် ညနေ ၄ နာရီ ၆ မိနစ်ခန့်က ရန်ကုန်တိုင်းဒေသကြီး၊ ပန်းဘဲတန်းမြို့နယ်၊ ၄ ရပ်ကွက်၊ ရွှေဘုံသာလမ်းတွင် မီးလောင်မှုဖြစ်ပွားကြောင်း သတင်းရရှိသဖြင့် ကျောက်တံတားမြို့နယ်မီးသတ်စခန်းမှ မီးငြှိမ်းသတ်ယာဉ်လေးစီးဖြင့် သွားရောက်ငြှိမ်းသတ်ရာ ညနေ ၄ နာရီ ၁၆ မိနစ်တွင် မီးထိန်းနိုင်ပြီး ညနေ ၄ နာရီ ၂၅ မိနစ်တွင် မီးငြှိမ်းသတ်နိုင်ခဲ့ကြောင်း သိရသည်။
ထို့နည်းတူ နိုဝင်ဘာ ၂၇ ရက် ညနေ ၆ နာရီ ၂၁ မိနစ်ခန့်က ရန်ကုန်တိုင်းဒေသကြီး၊ ဒဂုံမြို့သစ်(မြောက်ပိုင်း)မြို့နယ်၊ (၁၆)ရပ်ကွက်၊ ရှင်ထွေးညိုလမ်းတွင် မီးလောင်မှုဖြစ်ပွားကြောင်း သတင်းရရှိသဖြင့် ဒဂုံမြို့သစ်(မြောက်ပိုင်း)မြို့နယ် မီးသတ်စခန်းမှ မီးသတ်ယာဉ်သုံးစီး၊ ဒဂုံမြို့သစ်(အရှေ့ပိုင်း)မြို့နယ်မီးသတ်စခန်းမှ မီးသတ်ယာဉ်တစ်စီး၊ ရေသယ်ယာဉ်တစ်စီးတို့ဖြင့် သွားရောက်ငြှိမ်းသတ်ရာ ညနေ ၆ နာရီ ၂၈ မိနစ်တွင် မီးထိန်းနိုင်ပြီး ညနေ ၆ နာရီ ၃၀ မိနစ်တွင် မီးငြှိမ်းသတ်နိုင်ခဲ့ကြောင်း သိရသည်။
မီးလောင်မှုနှင့်သဘာဝဘေးအန္တရာယ်များ၊ အခြားရုတ်တရက်ဖြစ်ပွားသောဘေးအန္တရာယ်များကြုံတွေ့ပါက မီးသတ်ဦးစီးဌာန၏အရေးပေါ်ဖုန်းနံပါတ် Hotline 191 မြန်မာနိုင်ငံမီးသတ်တပ်ဖွဲ့ဌာနချုပ်(ကွပ်ကဲ) ၀၁၈ ၆၆၆၉၁၂ ၊ ၀၁၈ ၆၆၆၉၁၃ ၊ ရန်ကုန်တိုင်းဒေသကြီးမီးသတ်ဦးစီးမှူးရုံး(ကွပ်ကဲ) ၀၁ ၂၅၂၀၁၁ ၊ ၀၁ ၂၅၂၀၂၂ ၊ ၀၉ ၄၄၅၉၁၈၁၉၁ များသို့ဆက်သွယ်သတင်းပေးပို့အကူအညီတောင်းခံနိုင်ကြောင်း မြန်မာနိုင်ငံ မီးသတ်တပ်ဖွဲ့က သတင်းထုတ်ပြန်ထားသည်။

မန္တလေးသို့ သယ်ဆောင်ရောင်းချမည့် ၈ ဒသမ ၉၉၅ ဘီလျံတန်ဖိုးရှိ ဘိန်းဖြူနှင့် စိတ်ကြွဆေးပြားများ ဖမ်းဆီးရမိ

မန္တလေးသို့ သယ်ဆောင်ရောင်းချမည့် ၈ ဒသမ ၉၉၅ ဘီလျံတန်ဖိုးရှိ ဘိန်းဖြူနှင့် စိတ်ကြွဆေးပြားများ ဖမ်းဆီးရမိခဲ့ကြောင်း မြန်မာနိုင်ငံမူးယစ်ဆေးဝါးတားဆီးနှိမ်နင်းရေးအဖွဲ့ထံမှ သိရသည်။
နိုဝင်ဘာ ၆ ရက် ညနေ ၄ နာရီခွဲခန့်က ပုသိမ်ကြီးမြို့နယ်၊ ကျောက်ချောကျေးရွာအနီးတွင် ပြင်ဦးလွင်မှ မန္တလေးဘက်သို့ကျော်သူထိုက် မောင်းနှင်လာသော TOYOTA DYNA မော်တော်ယာဉ်အား သတင်းအရ စစ်ဆေးရှာဖွေခဲ့ရာ ယာဉ်ပေါ်မှ ဘိန်းဖြူ ၅၅ ကီလို(၎င်းဒေသတန်ဖိုးငွေကျပ် ၁ ဒသမ ၃၇၅ ဘီလျံ)နှင့် စိတ်ကြွဆေးပြား၅ ဒသမ ၈ သန်း(၎င်းဒေသတန်ဖိုးငွေကျပ် ၇ ဒသမ ၆၂ ဘီလီယံ)ဖမ်းဆီးရမိခဲ့သဖြင့် စုစုပေါင်း ၎င်းဒေသတန်ဖိုးငွေကျပ် ၈.၉၉၅ ဘီလီယံတန်ဖိုးရှိ မူးယစ်ဆေးဝါးများ ဖမ်းဆီးရမိခဲ့ကြောင်း သိရသည်။

ရှမ်းပြည်နယ်(တောင်ပိုင်း) မိုင်းနောင်မြို့အနီး၌ အွန်လိုင်းလိမ်လည်လောင်းကစားမှုလုပ်ငန်းများ လုပ်ကိုင်နေသူ တရုတ်နိုင်ငံသား ၂၆ ဦးနှင့် မြန်မာနိုင်ငံသား ရှစ်ဦးကို လုပ်ငန်းသုံးပစ္စည်းများ၊ လက်နက်ခဲယမ်းများနှင့်အတူ ဖမ်းဆီးရမိ

ရှမ်းပြည်နယ်(တောင်ပိုင်း) ​ကျေးသီးမြို့နယ် မိုင်းနောင်မြို့အနီး၌ အွန်လိုင်းလိမ်လည်လောင်းကစားမှု လုပ်ငန်းများ လုပ်ကိုင်နေသူ တရုတ်နိုင်ငံသား ၂၆ ဦးနှင့် မြန်မာနိုင်ငံသား ရှစ်ဦးကို လုပ်ငန်းသုံးပစ္စည်းများ၊ လက်နက်ခဲယမ်းများနှင့်အတူ နိုဝင်ဘာ ၂၄ ရက်၊ ၂၅ ရက်နှင့် ၂၆ ရက်တို့တွင် ဖမ်းဆီးရမိခဲ့​ကြောင်း သိရသည်။
ကျေးသီးမြို့နယ်အတွင်း နယ်မြေလုံခြုံရေးဆောင်ရွက်နေသည့် လုံခြုံရေးတပ်ဖွဲ့ဝင်များသည် နိုဝင်ဘာ ၂၄ ရက်တွင် ကျေးသီးမြို့နယ်၊ မိုင်းနောင်မြို့၏ အရှေ့တောင်ဘက် နောင်တောက်ကျေးရွာ၏ အနောက်မြောက်ဘက်နေရာတစ်ဝိုက်သို့ ရောက်ရှိစဉ် မသင်္ကာဖွယ်ရာ အဆောက်အအုံများကို တွေ့ရှိရသဖြင့် ဝင်ရောက်ရှာဖွေစစ်ဆေးခဲ့ရာ အွန်လိုင်းငွေကြေး လိမ်လည်မှုနှင့် လောင်းကစားမှုများ လုပ်ဆောင်နေသည့်နေရာဖြစ်ကြောင်း တွေ့ရှိရပြီး လုပ်ငန်းလုပ်ကိုင်နေကြသူများကို မတွေ့ ရှိရဘဲ အလျား ၄၀ ပေ၊ အနံ ၂၀ ပေ ရှိ ယာယီလူနေမိုးကာတဲ ငါးလုံး၊ အလျား ၂၀ ပေ၊ အနံ ၁၀ ပေ ရှိ ယာယီလူနေမိုးကာတဲ ​ခြောက်လုံး၊ အလျား ၁၀ ပေ၊ အနံ ၁၀ ပေရှိ ယာယီလူနေမိုးကာတဲ ခုနစ်လုံး၊ အလျား ၁၀ ပေ၊ အနံ ၁၀ ပေ ရှိ ရေကန်သုံးလုံး၊ ဝက်ခြံငါးခြံ၊ ကင်းတဲရှစ်လုံး၊ စားဖိုဆောင် ၂ လုံး၊ ပလပ်စတစ်ထိုင်ခုံ ၁၅ဝ လုံး၊ မှန်တင်ခုံကြီးတစ်လုံး၊ သစ်သားခုံ ၅ ခုံ၊ မော်နီတာနှစ်လုံးနှင့် STARLINK တစ်လုံးတို့ကို တွေ့ရှိသိမ်းဆည်းရမိခဲ့ကြောင်း သိရသည်။

ဆန်ဈေးနှုန်းများ တည်ငြိမ်မှန်ကန်စေရေးအတွက် အိမ်အရောက်ပို့စနစ် (Home Delivery) ဖြင့် ရောင်းချမည့် ဆန်အမျိုးအစားအလိုက် ဈေးနှုန်းများ ထုတ်ပြန်

ရောင်းချမည့် ဆန်သည် ၁၀၈ ပေါင် ၂၄ ပြည်ပါ တစ်အိတ်ဖြစ်ပြီး ဆန်အမျိုးအစားအလိုက် ရောင်းချမည့် စျေးနှုန်းများအနေဖြင့် ရွှေဘိုပေါ်ဆန်းတစ်အိတ်လျှင် ၁၈ဝဝဝဝ ကျပ် (ဆန်ဟောင်း)၊ ဧရာဝတီပေါ်ဆန်း (ကြားပျံ) တစ်အိတ်လျှင် ၁၅ဝဝဝဝ ကျပ် (ဆန်ဟောင်း)၊ ဧရာဝတီပေါ်ဆန်း (ကြားပျံ) တစ်အိတ်လျှင် ၁၃ဝဝဝဝ ကျပ် (ဆန်သစ်)၊ ဧရာဝတီပေါ်ဆန်း (နယ်စုံ) တစ်အိတ်လျှင် ၁၂၅ဝဝဝ ကျပ် (ဆန်ဟောင်း)၊ ဧရာဝတီပေါ်ဆန်း (နယ်စုံ) တစ်အိတ်လျှင် ၁၁၅ဝဝဝ ကျပ် (ဆန်သစ်)၊ ရက် (၉၀) တစ်အိတ်လျှင် ၇၅ဝဝဝ ကျပ်၊ ဧည့်မထ (၁၅ မှတ်) တစ်အိတ်လျှင် ၅ဝဝဝဝ ကျပ် တို့ဖြစ်ကြောင်း သိရသည်။
စားသုံးသူများအနေဖြင့် မြန်မာနိုင်ငံဆန်စပါးအသင်းချုပ်၏ ဖုန်းနံပါတ်များဖြစ်သည့် ဝ၉-၄ဝဝဝ၆၇၂၄၀၊ ဝ၉-၄၀၀၀၆၇၂၅၀၊ ၀၉-၄၀၀၀၆၇၂၆ဝ သို့ ရုံးချိန်အတွင်း ဆက်သွယ်၍ မှာယူလိုသည့် ဆန်အမျိုးအစား၊ နေရပ်လိပ်စာ၊ ဆက်သွယ်ရမည့် ဖုန်းနံပါတ်တို့ကို တိကျစွာဖြင့် SMS or Viber Message ပေးပို့မှာရမည်ဖြစ်ကြောင်း သိရသည်။
အဆိုပါဖုန်းနံပါတ်များမှ အသင်းချုပ်သို့ ငွေကြိုတင်ပေးသွင်းရမည့် KBZ pay နံပါတ်ကို စားသုံးသူ၊ ဝယ်ယူသူထံသို့ ချက်ချင်း ပြန်ကြားပေးမည်ဖြစ်ကြောင်း၊ အဆိုပါဖုန်းများမှ ပြန်ကြားပြောဆိုသည့် KBZ pay Account နံပါတ်များသို့သာ ငွေပေးသွင်းရန်ဖြစ်ကြောင်း၊ ငွေပေးသွင်းပြီးစီးမှုကို Viber ဖြင့် အတည်ပြုပေးပို့ရမည်ဖြစ်ကြောင်း သိရသည်။
ငွေပေးသွင်းသည့်နေ့မှစ၍ ရုံးဖွင့်ရက် သုံးရက်အတွင်း လိပ်စာဖော်ပြပါအတိုင်း ဆန်များကို Delivery အခမဲ့ဖြင့် အရောက်ပို့ဆောင်ပေးမည်ဖြစ်ကြောင်း၊ ပို့ဆောင်မည့် နေ့ရက်နှင့်အချိန်အား ကြိုတင်ဆက်သွယ် ပြန်ကြားပေးမည်ဖြစ်ကြောင်း၊ အထပ်မြင့်သို့ ပို့ရလျှင် ထိုက်သင့်သည့် ဝန်ဆောင်ခ ထပ်မံပေးရမည်ဖြစ်ကြောင်း မြန်မာနိုင်ငံဆန်စပါးအသင်းချုပ်က ထုတ်ပြန်သည်။

နှစ်နိုင်ငံကုန်သည်စက်မှုအသင်းများဖြစ်သည့် UMFCCI နှင့် BelCCI တို့ပူးပေါင်း၍ မြန်မာ-ဘယ်လာရုစ် စီးပွားရေးဖိုရမ် ကျင်းပခဲ့ပြီး နှစ်နိုင်ငံအကြား စီးပွားရေးပူးပေါင်းဆောင်ရွက်မှုဆိုင်ရာစာချုပ် ၁၆ စောင် လက်မှတ်ရေးထိုး

နှစ်နိုင်ငံကုန်သည်စက်မှုအသင်းများဖြစ်သည့် UMFCCI နှင့် BelCCI တို့ပူးပေါင်း၍ မြန်မာ-ဘယ်လာရုစ် စီးပွားရေးဖိုရမ် ကျင်းပခဲ့ပြီး နှစ်နိုင်ငံအကြား စီးပွားရေးပူးပေါင်းဆောင်ရွက်မှုဆိုင်ရာစာချုပ် ၁၆ စောင် လက်မှတ်ရေးထိုးခဲ့ကြောင်း သိရသည်။
နိုဝင်ဘာ ၂၇ ရက်က မြန်မာနှင့် ဘယ်လာရုစ်နှစ်နိုင်ငံအကြား စီးပွားရေးနှင့် ရင်းနှီးမြှုပ်နှံမှုလုပ်ငန်းများ တိုးမြှင့်ဆောင်ရွက်နိုင်ရေးအတွက် နှစ်နိုင်ငံကုန်သည်စက်မှုအသင်းများဖြစ်ကြသော UMFCCI နှင့် BelCCI တို့ပူးပေါင်း၍ မြန်မာ-ဘယ်လာရုစ် စီးပွားရေးဖိုရမ်ကို ရန်ကုန်မြို့ LOTTEE ဟိုတယ်၌ ကျင်းပခဲ့သည်။
မြန်မာ-ဘယ်လာရုစ် နှစ်နိုင်ငံအကြား စီးပွားရေးပူးပေါင်းဆောင်ရွက်မှုဆိုင်ရာကိစ္စရပ်များကို သက်ဆိုင်ရာတာဝန်ရှိသူများက သဘောတူလက်မှတ်ရေးထိုးခြင်း အစီအစဉ်ကို ဆက်လက်ဆောင်ရွက်ခဲ့ပြီး စုစုပေါင်းစာချုပ် ၁၆ စောင်အား အပြန်အလှန်လဲလှယ်ခဲ့ကြကြောင်း၊ ယင်းနောက် မှတ်တမ်းတင်ဓာတ်ပုံရိုက်ခြင်းနှင့် နှစ်နိုင်ငံစီးပွားရေးလုပ်ငန်းရှင်များက ကဏ္ဍအလိုက် Powerpoint Presentation ဖြင့် ဆွေးနွေးခြင်းအစီအစဉ်များကို ဆောင်ရွက်ခဲ့ကြပြီး စီးပွားရေးချိတ်ဆက်ဆွေးနွေးခြင်းများကို ဆောင်ရွက်ကြကြောင်း၊ ဆွေးနွေးပွဲတွင် ဘဏ်နှင့်ငွေကြေးကဏ္ဍ၊ သယ်ယူပို့ဆောင်ရေး၊ စိုက်ပျိုးရေးအခြေခံစက်မှုကုန်ထုတ်လုပ်ငန်း၊ ကျန်းမာရေးဝန်ဆောင်မှုလုပ်ငန်းများကို အဓိကဆွေးနွေးခဲ့ကြကြောင်း သိရသည်။

မြန်မာနိုင်ငံအပါအဝင် တတိယကမ္ဘာ့နိုင်ငံအားလုံးမှ ပြောင်းရွှေ့နေထိုင်သူများကို အမြဲတမ်းရပ်ဆိုင်းမည်ဟု အမေရိကန်သမ္မတ ဒေါ်နယ်ထရန့် ပြောကြား

အမေရိကန်သမ္မတက ဒေါ်နယ်ထရန့် က တတိယကမ္ဘာ့နိုင်ငံများဟု ၎င်းင်းခေါ်သည့် နိုင်ငံများမှ ပြောင်းရွှေ့သူများကို အမြဲတမ်း ရပ်ဆိုင်းရန် စီစဉ်ထားသည်ဟု နိုဝင်ဘာ ၂၇ ရက်တွင် ပြောကြားခဲ့သည်။
အာဖဂန်နစ္စတန်နိုင်ငံသားတစ်ဦးက ၀ါရှင်တန်တွင် အမျိုးသားအစောင့်တပ်သား နှစ်ဦးကို ပစ်ခတ်ခဲ့သည့်ဖြစ်ရပ်ဖြစ်ပွားခဲ့ပြီးနောက် တစ်ရက်အကြာတွင် သမ္မတက အ ထက်ပါအတိုင်း ပြောကြားလိုက်ခြင်းဖြစ်သည်။
“အမေရိကန်စနစ် ပြည့်ဝစွာပြန်ကောင်း လာစေဖို့ (မြန်မာအပါအဝင်၁၉နိုင်ငံ) တတိယကမ္ဘာ့နိုင်ငံအားလုံးကနေ ပြောင်းရွှေ့ သူတွေကို ကျွန်တော်ကအမြဲတမ်းရပ်ဆိုင်း တော့မှာဖြစ်ပါတယ်”ဟု ထရန့်က ဆိုရှယ်မီ ဒီယာတွင် ရေးခဲ့သည်။

နေပြည်တော်ရှိ ကြေးမုံဆေးရုံမှာ လိုင်စင်သက်တမ်းကုန်ဆုံးနေခြင်း၊ တရားဝင်ဆေးကုသခွင့်မရှိသည့် ဆရာဝန်/အထူးကုဆရာဝန်များ ထားရှိသဖြင့် လုပ်ငန်းများ ရပ်ဆိုင်းခံရ

နေပြည်တော်ရှိ ကြေးမုံဆေးရုံမှာ လိုင်စင်သက်တမ်းကုန်ဆုံးနေခြင်း၊ တရားဝင်ဆေးကုသခွင့်မရှိသည့် ဆရာဝန်/အထူးကုဆရာဝန်များ ထားရှိသဖြင့် လုပ်ငန်းများ ရပ်ဆိုင်းခံရခြင်းဖြစ်သည်ဟု ကျန်းမာရေးဝန်ကြီးဌာနက ထုတ်ပြန်သည်။
နေပြည်တောင်ကောင်စီနယ်မြေရှိ ကြေးမုံဆေးရုံကို ပိတ်သိမ်းခံရခြင်းနှင့်ပတ်သက်ပြီး သတင်းဌာနအချို့၏ မေးမြန်းမှုအပေါ် ကျန်းမာရေးဝန်ကြီးဌာနက ပြန်လည်ဖြေကြားခဲ့ခြင်းဖြစ်သည်။
အဆိုပါဆေးရုံမှာ နေပြည်တော်ဒက္ခိဏသီရိမြို့နယ်တွင် တည်ရှိပြီး ယင်းဆေးရုံကို ကျန်းမာရေးဝန်ကြီးဌာနက ရှောင်တခင်ဝင် ရောက်စစ်ဆေးခဲ့ခြင်းဖြစ်သည်။
ယင်းသို့ ရှောင်တခင်ဝင်ရောက်စစ်ဆေးရာတွင် လိုင်စင်သက်တမ်းကုန်ဆုံးနေခြင်း၊ တရားဝင်ဆေးကုသခွင့်မရှိသော ဆရာဝန်/အထူးကုဆရာဝန်များထားရှိခြင်းတို့ တွေ့ရှိရသည့်အတွက် လူနာများအကျိုးဌာ၎င်းင်းဆေးရုံအား လုပ်ငန်းများ ရပ်ဆိုင်းထားရခြင်းဖြစ်သည်ဟု ကျန်းမာရေးဝန်ကြီးဌာနက ထုတ်ပြန်သည်။

ရန်ကုန်တက္ကသိုလ်နှင့် ဘီလာရုစ်နိုင်ငံတက္ကသိုလ်တို့အကြား ပညာရေးဆိုင်ရာပူးပေါင်းဆောင်ရွက်မှု သဘောတူညီမှုလက်မှတ်ရေးထိုး

ရန်ကုန်တက္ကသိုလ်နှင့် Belarusian State University of Informatics and Radioelectronics (BSUIR) တို့အကြား ပညာရေးဆိုင်ရာ ပူးပေါင်းဆောင်ရွက်ရေး သဘောတူညီမှု Letter of Agreement (LoA) ကို နိုဝင်ဘာ (၂၇) ရက်က လက်မှတ်ရေးထိုးခဲ့ကြောင်း သိရသည်။
ရန်ကုန်တက္ကသိုလ်၊ မန္တလေးတက္ကသိုလ်၊ မန္တလေးနိုင်ငံခြားဘာသာတက္ကသိုလ်တိုနှင့် ဘယ်လာရုစ်သမ္မတနိုင်ငံ Belarusian State University (BSU) ၊ Bela-rusian State University of Infor-matics and Radioelectronics (BSUIR) တို့အကြား ပညာရေးဆိုင်ရာ ပိုမိုပူးပေါင်းဆောင်ရွက်နိုင်ရေးအတွက် နှစ်နိုင်ငံတက္ကသိုလ်များအကြား တွေ့ဆုံဆွေးနွေးမှုများ လုပ်ဆောင်ပြီးနောက် လက်မှတ်ရေးထိုးခဲ့ခြင်းလည်း ဖြစ်သည်။
ရန်ကုန်တက္ကသိုလ် ပါမောက္ခချုပ် ဒေါက်တာတင်မောင်ထွန်းက ကြိုဆိုမိတ်ဆက်စကားပြောကြားပြီး BSU ပါမောက္ခချုပ် Prof. Andrei Karol ၊ BSUIR ပါမောက္ခချုပ် Vadim Bogush၊ မန္တလေးတက္ကသိုလ်ပါမောက္ခချုပ် ဒေါက်တာနေဝင်းဦးနှင့် မန္တလေးနိုင်ငံခြားဘာသာ တက္ကသိုလ်ပါမောက္ခချုပ် ဒေါက်တာတင့်တင့်တို့က မိတ်ဆက်စကားများပြောကြားကာ ရန်ကုန်တက္ကသိုလ်နှင့် မန္တလေးတက္ကသိုလ်တို့မှ တာဝန်ရှိသူများက တက္ကသိုလ်များနှင့်ပတ်သက်သည့် အချက်အလက်များကို ရှင်းလင်းပြောကြားခဲ့ကြောင်း သိရသည်။
အဆိုပါ တွေ့ဆုံမှုကို Bela-rusian State University (BSU) မှ ပါမောက္ခချုပ် Andrei Karol ၊ Belarusian State University of Informatics and Radioelectro-nics (BSUIR) မှ ပါမောက္ခချုပ် Vadim Bogush တို့နှင့်အတူ ရန်ကုန်တက္ကသိုလ်၊ မန္တလေးတက္ကသိုလ်၊ မန္တလေးနိုင်ငံခြား ဘာသာတက္ကသိုလ်တို့မှ ပါမောက္ခချုပ်များ၊ ဒုတိယပါမောက္ခချုပ်များ၊ ပါမောက္ခ (ဌာနမှူး) များ တက်ရောက်ခဲ့ခြင်းလည်း ဖြစ်သည်။

ဘယ်လာရုစ်နိုင်ငံသမ္မတ၏ တရားဝင်ခရီးစဥ်ကိုဂုဏ်ပြုသည့်အနေဖြင့် နေပြည်တော်ရှိ လမ်းတစ်ခုကို "မင့်စ်"လမ်းဟုအမည်ပေး

မြန်မာနိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်၏ ဖိတ်ကြားချက်အရ ဘယ်လာရုစ်နိုင်ငံသမ္မတ Η.Ε. Mr. Aleksandr LUKASHENKO သည် မြန်မာနိုင်ငံသို့ တရားဝင်ချစ်ကြည်ရေးခရီးစဥ်အဖြစ်ရောက်ရှိနေသည်။
ထိုသို့ ဘယ်လာရုစ်နိုင်ငံသမ္မတ၏ တရားဝင်ချစ်ကြည် ရေးခရီးစဥ်ကို ဂုဏ်ပြုသည့်အနေဖြင့် နေပြည်တော်ရှိ လမ်းတစ်ခုအား ဘီလာရုစ်နိုင်ငံ၏ မြို့တော်ဖြစ်သော "မင့်စ်" ကိုအစွဲပြု၍ အခမ်းအနားဖြင့် ဂုဏ်ပြုအမည်ပေးခဲ့သည်။