ဧရာဝတီတိုင်းဒေသကြီး ဝန်ကြီးချုပ်အဖြစ် ပုသိမ်မြို့နယ်အမှတ် ၁ တိုင်းဒေသကြီးလွှတ်တော်ကိုယ်စားလှယ် ဦးအေးကျော်ကို တာဝန်​ပေး

နိုင်ငံတော်သမ္မတက တိုင်းဒေသကြီးဝန်ကြီးချုပ်အဖြစ် ခန့်အပ် တာဝန်ပေးဖို့ အဆိုပြုချက်အရ ပုသိမ်မြို့နယ်အမှတ် ၁ တိုင်းဒေသကြီးလွှတ်တော်ကိုယ်စားလှယ် ဦးအေးကျော်ကို လွှတ်တော်သဘောထားရယူတင်မြှောက်ခဲ့ကြောင်း သိရပါတယ်။

ရဲမှူးချုပ်ဟောင်း ဦးအောင်နိုင်သူကို ရန်ကုန်တိုင်းဒေသကြီး ဝန်ကြီးချုပ်ဖြစ်

ဒီက​နေ့ကျင်းပတဲ့ ရန်ကုန်တိုင်းဒေသကြီးလွှတ်တော်မှာ နိုင်ငံတော်သမ္မတအဖြစ် ရွေးချယ်တင်မြှောက်ခံထားရသူက ရွေးချယ်ပေးပို့တဲ့ ရန်ကုန်တိုင်းဒေသကြီး ဝန်ကြီးချုပ်အဖြစ် ကိုကိုးကျွန်းက လွှတ်တော် ကိုယ်စားလှယ် ရဲမှူးချုပ်ဟောင်း ဦးအောင်နိုင်သူကို အမည်စာရင်းတင်သွင်းခဲ့တာမှာ ကန့်ကွက်သူမရှိတာကြောင့် ဦးအောင်နိုင်သူဟာ ရန်ကုန်တိုင်းဒေသကြီး ဝန်ကြီးချုပ်အဖြစ် လွှတ်တော်က သဘောတူခဲ့ပါတယ်။

မွန်ပြည်နယ်ဝန်ကြီးချုပ်အဖြစ် တပ်မတော်သား ကိုယ်စားလှယ် ဗိုလ်မှူးချုပ် အောင်ဝင်းသန်းကို သမ္မတက အဆိုပြုထားပါတယ်။

ကချင်ပြည်နယ် ဝန်ကြီးချုပ်လောင်းအဖြစ် လက်ရှိကချင်ပြည်နယ်ဝန်ကြီးချုပ် ဦးခက်ထိန်နန်ကိုပဲ နိုင်ငံ​တော်သမ္မတအဖြစ် အဆိုပြုထားသူက ကချင်ပြည်နယ်လွှတ်​တော်မှာ အဆိုပြုတင်သွင်းထားပါတယ်။

ကရင်ပြည်နယ် ဝန်ကြီးချုပ်လောင်းအဖြစ် လက်ရှိကရင်ပြည်နယ်ဝန်ကြီးချုပ် ဦး​စောမြင့်ဦးကိုပဲ နိုင်ငံ​တော်သမ္မတအဖြစ် အဆိုပြုထားသူက ကရင်ပြည်နယ်လွှတ်​တော်မှာ အဆိုပြုတင်သွင်းထားပါတယ်။

ORTP စနစ်ဖြင့်လက်မှတ်ဝယ်ယူရာတွင် စနစ်အခက်အခဲဖြစ်ပေါ်နေ၍ အမြန်ဆုံးပြန်လည်ပြင်ဆင်နေ

ငွေပေးချေပြီးလက်မှတ်မရရှိသူများကို လက်မှတ်ခပြန်ပေးမည်

ရထားဖြင့်ခရီးသွားလာမည့်သူများ ရထားလက်မှတ်ဝယ်ယူရာ၌အဆင်ပြေစေရန် မြန်မာ့မီးရထားမှ ORTP (Online Railways Ticketing & Payment) စနစ်ကို အသုံးပြုလျက်ရှိကြောင်း သိရသည်။

ထိုသို့ အသုံးပြုလျက်ရှိရာမှ ယနေ့ ဧပြီ ၅ ရက်နံနက် ၁၂ နာရီခန့်မှစတင်ကာ သင်္ကြန်ကာလရုံးပိတ်ရက်များအတွက်ခရီးသွားလာရန် စနစ်အတွင်းသို့ဝင်ရောက်၍ ရထားလက်မှတ်ဝယ်ယူသူ အလွန်များပြားခဲ့ရာ စနစ် Delay ဖြစ်ခြင်းနှင့် ငွေပေးချေပြီးသော်လည်း လက်မှတ်မရရှိခြင်းများ ဖြစ်ပေါ်ခဲ့သည့် ဖြစ်စဥ်များဖြစ်ပေါ်ခဲ့ကြောင်း သိရသည်။

"ပိုက်ဆံကဖြတ်သွားတယ်။ E-ticket ကျမရဘူးဖြစ်နေတယ်။ အခုစုံစမ်းကြည့်ရသလောက်တော့ ပိုက်ဆံပြန်အမ်းပေးမယ်ပြောပါတယ်။ "ဟု ORTP စနစ်ဖြင့် ရထားလက်မှတ်ဝယ်ယူရာတွင်အဆင်မပြေဖြစ်ခဲ့သူ ကိုအောင်မျိုးက ပေါ်ပြူလာနယူးစ်ကို ပြောသည်။

လက်ရှိအချိန်၌ မြန်မာ့မီးရထား၏ ORTP Team မှ စနစ်ပိုင်းဆိုင်ရာကြောင့်ဖြစ်သည့် System Error များကိုအမြန်ဆုံးပြင်ဆင်လျက်ရှိကာ ငွေပေးချေမှုအောင်မြင်ပြီး လက်မှတ်မရရှိသူများ၊ အကြိမ်ကြိမ်ငွေပေးချေမှုပြုလုပ်ပြီး လက်မှတ်မရရှိသူအားလုံးကို ပြန်လည်ငွေပေးချေခြင်းတို့အား အမြန်ဆုံးစိစစ်ဆောင်ရွက်ပေးသွားမည်ကြောင်း သိရသည်။

အာဖဂန်မြောက်ပိုင်းတွင် မြေငလျင်လှုပ်ခတ်မှုကြောင့် လူ ၈ ဦး ‌ေ-သဆုံး

အာဖဂန်နစ္စတန်နိုင်ငံမြောက်ပိုင်းတွင် သောကြာနေ့ညနေပိုင်းက လှုပ်ခတ်ခဲ့သော အင်အား ၅.၈ အဆင့် ရှိ မြေငလျင်ကြောင့် လူ ၈ ဦး ထက်မနည်း ‌ေ-သဆုံးခဲ့ကြောင်း အာဖဂန်နစ္စတန် နိုင်ငံတော်သဘာဝဘေးအန္တရာယ် စီမံခန့်ခွဲမှုအာဏာပိုင်အဖွဲ့ ပြောရေးဆိုခွင့်ရှိသူ မိုဟာမက် ယူဆွတ် ဟမ်မဒ် က ပြောကြားခဲ့သည်။

ကဘူးလ်ပြည်နယ်ရှိ နေအိမ်တစ်လုံးသည် ငလျင်လှုပ်ခတ်ပြီးနောက် ပြိုကျပျက်စီးခဲ့ရာ အိမ်တွင်း၌ ရှိနေသူ ၈ ဦး ‌ေ-သဆုံးခဲ့ပြီး ကလေးငယ်တစ်ဦး ဒ-ဏ်ရာရရှိခဲ့ကြောင်း ဟမ်မဒ် က သောကြာနေ့ညနှောင်းပိုင်းတွင် အတည်ပြုပြောကြားခဲ့သည်။

ငလျင်၏ ပြင်းထန်သော တုန်ခါမှုများကို မြို့တော်ကဘူးလ်တွင်ပါ ခံစားခဲ့ရသည်။ ငလျင်ဗဟိုချက်သည် မြေအောက်အနက် ၁၈၆.၄ ကီလိုမီတာ တွင်ရှိပြီး မြောက်လတ္တီတွဒ် ၃၆.၅၅ ဒီဂရီနှင့် အရှေ့လောင်ဂျီတွဒ် ၇၀.၈၅ ဒီဂရီတွင် တည်ရှိကြောင်း ကနဦး သိရှိရသည်။

Ref: ဆင်ဟွာ

ASEAN ဆန်ကုန်သွယ်ရေး ထိပ်သီးအစည်းအဝေး 2026 ကျင်းပခဲ့

ရန်ကုန်မြို့ lotte Hotel တွင် ASEAN ဆန်ကုန်သွယ်ရေး ထိပ်သီးအစည်းအဝေး 2026 ကို ဧပြီ ၄ ရက်နေ့က ကျင်းပခဲ့သည်။

အဆိုပါပွဲသို့ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းနှင့် အစိုးရအဖွဲ့ဝန်ကြီးများ၊ ဆန်စပါးလုပ်ငန်းနှင့်သက်ဆိုင်သည့် လုပ်ငန်းရှင်များနှင့် ဖိတ်ကြားထားသည့် ဧည့်သည်တော်များတတ်ရောက်ခဲ့ကြသည်။

ယနေ့ ဆန်လုပ်ငန်းကဏ္ဍသည် ရာသီဥတုပြောင်းလဲမှု၊ ထုတ်လုပ်ရေးစရိတ်မြင့်တက်မှု၊ ထောက်ပံ့ရေးကွင်းဆက်ပြတ်တောက်မှုနှင့် စျေးကွက်မတည်ငြိမ်မှုများကဲ့သို့သော စိန်ခေါ်မှုများကို ရင်ဆိုင်နေရကြောင်း ၊ ယင်းပြဿနာများသည် တစ်နိုင်ငံတည်းအတွက်သာ မဟုတ်ဘဲ ASEAN ဒေသတစ်လျှောက် မျှဝေခံစားနေရသည့် စိန်ခေါ်မှုများဖြစ်သည်” ဟု မြန်မာနိုင်ငံဆန်စပါးအသင်းချုပ် ဥက္ကဌ ဦးရဲမင်းအောင်ကပြောသည်။

ထို့ကြောင့် ASEAN အဖွဲ့ဝင်နိုင်ငံများအနေဖြင့် အတွေ့အကြုံများ မျှဝေခြင်း၊ လက်တွေ့ဖြေရှင်းချက်များ ဖလှယ်ခြင်းနှင့် ပူးပေါင်းဆောင်ရွက်မှုများကို တိုးမြှင့်ရန် လိုအပ်ကြောင်းလည်း ၎င်းက အလေးပေးပြောကြားခဲ့သည်။

ထို့ပြင် ဆန်သည် ကုန်ပစ္စည်းတစ်ခုသာမက အစားအသောက်လုံခြုံရေးနှင့် လယ်သမားများ၏ အသက်မွေးဝမ်းကျောင်းနှင့် တိုက်ရိုက်ဆက်နွယ်နေသည့် အရေးပါသော ကဏ္ဍတခုဖြစ်ကြောင်း ထောက်ပြခဲ့သည်။

ထို့ကြောင့် စျေးကွက်နှင့် နည်းပညာဆိုင်ရာ ဆွေးနွေးမှုများအပြင် လယ်သမားများ၏ ဝင်ငွေတည်ငြိမ်မှုနှင့် ခံနိုင်ရည်အား တိုးမြှင့်ရေးကိုလည်း အလေးထားဆောင်ရွက်ရန် လိုအပ်ကြောင်း ၄င်းကဆိုသည်။

အစည်းအဝေးတွင် ASEAN ဆန်လုပ်ငန်း ဖွံ့ဖြိုးတိုးတက်ရေးအတွက် ရည်ရွယ်ချက်များအဖြစ် ဒေသတွင်း ပူးပေါင်းဆောင်ရွက်မှု တိုးမြှင့်ခြင်း၊ တည်တံ့သော ဆန်ထုတ်လုပ်မှုနှင့် ကုန်သွယ်ရေးကို မြှင့်တင်ခြင်းနှင့် ဒေသတွင်း အစားအသောက်လုံခြုံရေးကို ခိုင်မာစေရန် ဆွေးနွေးခဲ့ကြသည်။

ASEAN ဆန်ကုန်သွယ်ရေး ထိပ်သီးအစည်းအဝေးသည် ဒေသတွင်း ဆန်ထုတ်လုပ်သူများနှင့် ကုန်သွယ်ရေးလုပ်ငန်းရှင်များအကြား ဆက်သွယ်မှု တိုးမြှင့်ရန်နှင့် ကမ္ဘာ့စျေးကွက်တွင် ASEAN ၏ အခန်းကဏ္ဍကို အားကောင်းစေရန် ရည်ရွယ်၍ ကျင်းပခြင်းဖြစ်ကြောင်း သိရသည်။

နိုင်ငံတကာအဆင့်မှီသင်ရိုးညွှန်းတမ်းများ အလုပ်သင်လေယာဥ်မှူးလေ့ကျင့်ရေးအစီအစဥ်ကို MAI နှင့် အင်ဒိုနီးရှားနိုင်ငံ Perkasa Flight School တို့ပူးပေါင်းဖွင့်လှစ်

နိုင်ငံတကာအဆင့်မှီသင်ရိုးညွှန်းတမ်းများဖြင့်သင်ကြားပေးသည့် အလုပ်သင်လေယာဥ်မှူးလေ့ကျင့်ရေးအစီအစဥ်ကို မြန်မာအပြည်ပြည်ဆိုင်ရာလေကြောင်း (MAI) နှင့် အင်ဒိုနီးရှားနိုင်ငံအခြေစိုက် Perkasa Flight School တို့ပူးပေါင်းဖွင့်လှစ်ခဲ့ကြောင်း သိရသည်။

အဆိုပါ အစီအစဥ်အား လေကြောင်းလုပ်ငန်းကဏ္ဍတွင်ဝါသနာပါပြီး ကျွမ်းကျင်လေယာဉ်မှူးတစ်ဦးအဖြစ်ရပ်တည်လိုသူများအတွက်ရည်ရွယ်ဖွင့်လှစ်ခြင်းဖြစ်ကာ စာတွေ့၊ လက်တွေ့ပျံသန်းမှုလေ့ကျင့်ခန်းနှင့် ပျံသန်းမှုသရုပ်ပြလေ့ကျင့်စက်၊ နည်းစနစ်ကျသော လေယာဉ်မှူးလေ့ကျင့်ရေးအစီအစဉ်များ၊ နိုင်ငံတကာအဆင့်မီသင်ရိုးညွှန်းတမ်းများဖြင့် စနစ်တကျသင်ကြားပေးသွားမည်ဖြစ်ကြောင်း သိရသည်။

ထို့ပြင် သင်တန်းကာလအတွင်း စွမ်းဆောင်ရည်ထူးချွန်ကောင်းမွန်သော သင်တန်းသားများကို MAI လေ ကြောင်းလိုင်း၏ သတ်မှတ်ထားသော အလုပ်ခန့်အပ်ခြင်းဆိုင်ရာစည်းမျဉ်းစည်း ကမ်းများနှင့်အညီ လေယာဉ်မှူးအဖြစ်ခန့်အပ်ရန် ဦးစားပေးစဉ်းစားသွားမည်ဖြစ်ကြောင်း သိရသည်။

အပူဒါ-ဏ်အန္တရာယ် လူနာများအား အရေးပေါ်ကုသပေးရန် မန္တလေးအထွေထွေရောဂါကုဆေးရုံကြီးတွင် အရှိန်အဟုန်မြှင့်တင် ဆောင်ရွက်

အပူဒါ-ဏ်အန္တရာယ် လူနာများအား အရေးပေါ်ကုသပေးရန် မန္တလေးအထွေထွေရောဂါကုဆေးရုံကြီးတွင် အရှိန်အဟုန်မြှင့်တင် ဆောင်ရွက်ပေးလျက်ရှိသည်ဟု ကျန်းမာရေးဝန် ကြီးဌာနက ယနေ့တွင် အသိပေးထားသည်။

ထို့ကြောင့် မန္တလေးအထွေထွေရောဂါကု ဆေးရုံကြီးတွင် လူနာများ လက်ခံကုသပေးမည့်နေရာ ကြိုတင်စီစဉ်ခြင်း၊ ဆေးနှင့်ဆေးပစ္စည်းများ ကြိုတင်ဖြည့်ဆည်းပြင်ဆင်ထားရှိခြင်း၊ ဘာသာရပ်ဆိုင်ရာ ကျွမ်းကျင်မှုရှိစေရေးအတွက် အပူဒါ-ဏ် အန္တရာယ်လူနာများအား အရေးပေါ်ကုသမှုပေးရာတွင် ကုသမှုလုပ်ငန်းလမ်းညွှန်နှင့် အညီဆောင်ရွက်ရန်အတွက် လေ့ကျင့်မှုများဆောင်ရွက်ခြင်းအပါအဝင် အပူဒဏ်အန္တရာယ်နှင့် ပတ်သက်သော ကျန်းမာရေးပြဿနာများ ကာကွယ်ကုသရေးအတွက် လုပ်ငန်းများအား အရှိန်အဟုန်မြှင့်တင် ဆောင်ရွက်လျက်ရှိကြောင်း ဆိုသည်။

ယခုအခါ ပူပြင်းသည့် နွေရာသီကာလသို့ ရောက်ရှိနေပြီဖြစ်သဖြင့် အပူဒါဏ်အန္တရာယ်ဖြစ်ပွားမှုအများဆုံး တိုင်းဒေသကြီး/ ပြည်နယ်များတွင် အပူဒါ-ဏ်ကြောင့် ဖြစ်ပေါ်တတ်သော ရောဂါများဖြင့် ပြည်သူ့ဆေးရုံများသို့ လာရောက်ပြသသော လူနာများအား လိုအပ်သော ကျန်းမာရေးစောင့်ရှောက်မှုပေးနိုင်ရေးအတွက် ကြိုတင်ပြင်ဆင်မှုများဆောင်ရွက်လျက်ရှိကြောင်း သိရသည်။