အကောင်းဆုံး Ballon d'Or ဆုအတွက် ပရိသတ်များ၏မဲပေးမှုတွင် စီရော်နယ်လ်ဒို မဲအများဆုံးရရှိနေ

နာမည်ကျော် Ballon d'Or ဆုကို နှစ်စဥ်ချီးမြှင့်နေသည့် ပြင်သစ်ဘောလုံးမဂ္ဂဇင်း France Football သည် ယခုနှစ်တွင် သမိုင်းတစ်လျှောက်အကောင်းဆုံး Ballon d'Or ဆုကို ပရိသတ်များ၏ ဆန္ဒမဲဖြင့် ရွေးချယ်ချီးမြှင့်သွားမည်ဖြစ်ကြောင်း သိရသည်။

ယင်းဆုကို Ballon d'Or of All Time ( B.O.A.T) ဟုအမည်ပေးထားပြီး Ballon d'Or ဆုကို နှစ်ကြိမ်နှင့်အထက် ရရှိဖူးသည့် ကစားသမား ၁၀ ဦးထဲမှ ရွေးချယ်ရမည်ဖြစ်သည်။

အဆိုပါကစားသမားများမှာ မက်ဆီ၊ စီရော်နယ်လ်ဒို၊ ပလာတီနီ၊ ယိုဟန်ခရိုက်ဖ်၊ ဗန်ဘက်စတန်၊ ဘက်ကင်ဘောင်ဝါ၊ ရော်နယ်လ်ဒို၊ ဒီစတီဖာနို၊ ကီဗင်ကီးဂန်းနှင့် ရူမင်နစ်ဂီတို့ ဖြစ်သည်။

ပရိသတ်များအနေဖြင့် ယင်းကစားသမားများ Ballon d'Or ဆုရရှိခဲ့သည့် ခုနှစ်တစ်ခုချင်းစီကို မိမိတို့နှစ်သက်ရာ မဲပေးရမည်ဖြစ်ပြီး လက်ရှိအချိန်၌ ၂၀၀၈ ခုနှစ်က စီရော်နယ်လ်ဒို Ballon d'Or ရရှိခဲ့ခြင်းမှာ သမိုင်းတစ်လျှောက် အကောင်းဆုံးအဖြစ် ပရိသတ် ၆၂ ရာခိုင်နှုန်းက မဲပေးထားကြောင်း သိရသည်။

၂၀၁၂ ခုနှစ်တွင် မက်ဆီ ရရှိခဲ့ခြင်းက ဆန္ဒမဲ ၁၃ ရာခိုင်နှုန်းဖြင့် ဒုတိယမဲအများဆုံးဖြစ်နေပြီး မဲပေးမှုကို အောက်တိုဘာ ၂၇ ရက် သန်းခေါင်ယံတွင် ပိတ်သိမ်း၍ ဆုရရှိသူကို အောက်တိုဘာ ၂၈ တွင် ကြေညာမည်ဟု သိရသည်။

B.O.A.T ဆုအတွက် မဲပေးရာတွင် ပရိသတ်များအနေဖြင့် ကစားသမားတစ်ဦးတည်းကို အကြိမ်ကြိမ်မဲပေးခွင့်ရှိသော်လည်း မဲပေးမှုတစ်ကြိမ်လျှင် ၁ ယူရို ပေးရမည်ဖြစ်ကြောင်း သိရသည်။

စီရော်နယ်လ်ဒိုသည် Ballon d'Or ဆု ၅ ကြိမ်ရရှိခဲ့သည့်အနက် မန်ယူကစားသမားဘဝ ၂၀၀၈ ခုနှစ်တွင် ပထမဆုံးအကြိမ်ရရှိခဲ့ခြင်းဖြစ်သည်။

စီရော်နယ်လ်ဒိုအား ရက် ၃၀ ပိတ်ပင်မှုနှင့် ဒဏ်ငွေ ၂၁၅ ပေါင် ပေးဆောင်ရမည့်ပြစ်ဒဏ် FPF ချမှတ်

ပေါ်တူဂီဘောလုံးအဖွဲ့ချုပ်(FPF)က လေ့ကျင့်ရေးစခန်းမှ ထွက်ခွာသွားသည့် စီရော်နယ်လ်ဒိုအား ရက် ၃၀ ပွဲကစားခွင့် ပိတ်ပင်မှုနှင့် ဒဏ်ငွေ ၂၁၅ ပေါင် ပေးဆောင်ရမည့်ပြစ်ဒဏ် ချမှတ်ခဲ့သည်။

စီရော်နယ်လ်ဒို(၄၁ နှစ်)သည် ပြီးခဲ့သည့်နိုင်ငံတကာရက်သတ္တပတ်အတွင်း နော်ဝေနှင့်ပွဲတွင် လူစားဝင်ကစားခွင့်မရမှု၊ ဒိန်းမတ်နှင့်ပွဲတွင် ပွဲထွက်ကစားခွင့်မရသည်ကို သိရပြီးနောက် အသင်းလေ့ကျင့်ရေးစခန်းမှ ထွက်ခွာသွားခဲ့ခြင်း
ဖြစ်သည်။

စီရော်နယ်လ်ဒို၏ပြစ်ဒဏ်သည် ဒိန်းမတ်နှင့်ကစားသည့် အောက်တိုဘာလ ၁ ရက်ပွဲကတည်းက စတင်သက်ရောက်မည်ဖြစ်သောကြောင့် ပြစ်ဒဏ်ကို ၁၉ ရက်ကြာ ကျခံပြီးလည်းဖြစ်သည်။

ပေါ်တူဂီအသင်းသည် အုပ်စုတွင်းတွင် လေးပွဲကစား လေးပွဲစလုံး အနိုင်ရထားပြီး လက်ကျန်နှစ်ပွဲအလိုမှာပင် ကွာတားဖိုင်နယ်သို့ တက်ရောက်ထားခဲ့သည်။

ထို့ပြင် ယခုပြစ်ဒဏ်အရ ပေါ်တူဂီအသင်း၏ပွဲများကို သက်ရောက်မှုရှိမည်မဟုတ်ကြောင်း သိရသည်။

ပေါ်တူဂီအသင်းသည် UEFA Nations League ပွဲစဉ်များအဖြစ် နိုဝင်ဘာလ ၁၄ ရက်တွင် ဒိန်းမတ်အသင်းနှင့်အိမ်ကွင်း၊ နိုဝင်ဘာလ ၁၇ ရက်တွင် ဝေးလ်စ်အသင်းနှင့်အဝေးကွင်းပွဲစဉ်များ ကစားရမည်ဖြစ်သည်။

FPF စည်းကမ်းထိန်သိမ်းရေးကော်မတီက စီရော်နယ်လ်ဒိုအား သက်ညှာစွာပြစ်ဒဏ်ချမှတ်ခဲ့မှုအပေါ် ကစားသမားအနေဖြင့် နောင်တရမိကြောင်း သူ၏ထုတ်ပြန်ချက်တွင် ဖော်ပြခဲ့သည်ဟု ပြောကြားခဲ့သည်။

ဘောလုံးအတွက် ကူညီဆောင်ရွက်မှု၊ အားကစားဆိုင်ရာစွမ်းဆောင်ရည်အတွက် အသိအမှတ်ပြုခံရခြင်းများအပြင် စီရော်နယ်လ်ဒိုကိုယ်တိုင်ကလည်း ဆုများ၊ အောင်မြင်မှုများအပါအဝင် ကိုယ်ရေးအကျဉ်း(CV)ကို ခုခံကာကွယ်မှု
အစိတ်အပိုင်းအဖြစ် တင်ပြခဲ့ကြောင်း FPF က ဖော်ပြခဲ့သည်။

အစောပိုင်းကတည်းက ၎င်းအနေဖြင့် FPF ၏အရေးယူမှုကို လက်ခံမည်ဖြစ်ပြီး အသင်းဖော်များနှင့် ပရိသတ်များကိုလည်း တောင်းပန်ထားခဲ့သည်။

ပေါ်တူဂီအသင်းနည်းပြ ဟော်ဟဲဂျီးဇက်စ်က စီရော်နယ်လ်ဒိုနှင့် မည်သည့်သဘောတူညီချက်မျှ မရှိကြောင်း၊ သူပြန်လာမှုကို အမြဲတံခါးဖွင့်ထားကြောင်း ပြောကြားထားသည်။

FPF ဥက္ကဋ္ဌ ပတ်ဒရိုပရိုအန်ဆာကလည်း ကိစ္စရပ် ဖြေရှင်းပြီးသွားလျှင် နိုင်ငံလက်ရွေးစင်အသင်းသို့ စီရော်နယ်လ်ဒို ပြန်လာရန်အတွက် မိမိအနေဖြင့် ဆန္ဒပြင်းပြနေကြောင်း ပေါ်တူဂီမီဒီယာ Record သို့ ပြောကြားထားပြီးဖြစ်ကြောင်း
သိရသည်။

Ballon d'Or ငါးကြိမ်ဆုရှင် စီရော်နယ်လ်ဒိုသည် ပေါ်တူဂီအသင်းအတွက် ၂၃၄ ပွဲကစား ၁၄၆ ဂိုး သွင်းထားပြီး ယင်းမှာ အမျိုးသားလက်ရွေးစင်အသင်းသမိုင်းမှာ ဂိုးအများဆုံးနှင့် ပွဲအများဆုံး စံချိန်တင်ထားလျက်ရှိသည်။

၎င်းသည် ပေါ်တူဂီအသင်းအတွက် ယူရို-၂၀၁၆ ချန်ပီယံဆုနှင့် Nations League ချန်ပီယံဆု နှစ်ကြိမ် ရယူပေးထားခဲ့သည်။

၂၀၂၂ ခုနှစ် ဒီဇင်ဘာလက ဆော်ဒီကလပ် အယ်လ်နာဆာအသင်းထံ ပြောင်းရွှေ့ခဲ့ပြီး ပြီးခဲ့သည့်နှစ်က စာချုပ်သက်တမ်းတိုးထားကာ တစ်နှစ် ပေါင် ၁၇၇ သန်း ရရှိနေကြောင်း သတင်းများက ဖော်ပြခဲ့သည်။

အင်ဖန်တီနိုအား အဓိကစာရွက်စာတမ်းများ ထုတ်ပြန်ရန် UEFA နှစ်ပတ်အချိန်ပေးထား

ဥရောပဘောလုံးအဖွဲ့ချုပ်(UEFA)က ကမ္ဘာ့ဘောလုံးအဖွဲ့ချုပ်(FIFA)နှင့် ဥက္ကဋ္ဌ အင်ဖန်တီနိုအား အဓိကစာရွက်စာတမ်းများ ထုတ်ပြန်ရန်နှင့် အုပ်ချုပ်မှု၊ ဆုံးဖြတ်ခြင်းဆိုင်ရာကိစ္စများနှင့် ဆက်စပ်သည့် မေးခွန်းအားလုံး ဖြေကြားရန်
ရက်သတ္တပတ် နှစ်ပတ် အချိန်ပေးခဲ့သည်။

UEFA က FIFA အား နိုဝင်ဘာလ ၂ ရက် နောက်ဆုံးထားဖြေရှင်းရန် တောင်းဆိုထားခြင်းဖြစ်သည်။

ပြီးခဲ့သည့်ကြာသပတေးနေ့က ပြုလုပ်ခဲ့သော FIFAကောင်စီအစည်းအဝေးတွင် ဥက္ကဋ္ဌ အင်ဖန်တီနိုက ကမ္ဘာ့ဖလားပြိုင်ပွဲအပါအဝင် မေဂျာပြိုင်ပွဲများအား ရှယ်ယာပိုင်အဖြစ်ပြုလုပ်မည့်ကိစ္စအတွက် ပြန်လည်တောင်းပန်ခဲ့သည်။

သို့သော် ယင်းအဆိုပြုချက်အတွက် မည်သို့ရေးဆွဲခဲ့သည်ကို အပြည့်အစုံ ရှင်းလင်းဖော်ပြရန် ပျက်ကွက်ခဲ့သည်။

BBC Sport မှ တွေ့မြင်ခဲ့သည့်စာတွင် UEFA အထွေထွေအတွင်းရေးမှူး သီယိုဒေါ်ရီဒစ်က FIFA အနေဖြင့် အခြေခံကျသော မေးခွန်းများစွာကို ဖြေကြားခြင်းမရှိကြောင်း ပြောကြားခဲ့သည်။

ယင်းစာတွင် Fifa Forward Enterprise (FFE) ရင်းနှီးမြှုပ်နှံမှုကုမ္ပဏီတည်ထောင်မှု၊ Fifa Peace Prize ဆုနှင့် အမေရိကန်တိုက်စစ်မှူး ဘာလိုဂန်၏ အနီကတ်ပြစ်ဒဏ်အား ဆိုင်းငံ့ပေးမှုများအား ဖြေရှင်းချက်ပေးရန် တောင်းဆိုထားပြီး
မေးခွန်းပေါင်း ၄၂ ခုနှင့် စာမျက်နှာ ရှစ်မျက်နှာ ပါရှိသည်။

UEFA သည် FIFA အနေဖြင့် နောက်ဆုံးရက်အမီ မဖြေရှင်းလျှင် မည်သို့ဆက်လက်လုပ်ဆောင်မည်ကိုမူ မဖော်ပြထားကြောင်း သိရသည်။

သို့သော် လာမည့်မတ်လတွင် ပြုလုပ်မည့် FIFA ဥက္ကဋ္ဌရွေးကောက်ပွဲအတွက် ကိုယ်စားလှယ်လောင်း စာရင်းပိတ်မည့် နိုဝင်ဘာလ ၁၈ ရက်အထိ အင်ဖန်တီနိုအား ဖိအားပေးမှုများ ဆက်လက်လုပ်ဆောင်မည်ဟု မျှော်လင့်ရသည်။

FIFA ဒုဥက္ကဋ္ဌနှင့် အင်္ဂလန်ဘောလုံးအဖွဲ့ချုပ် ဥက္ကဋ္ဌဖြစ်သူ ဒက်ဘီဟျူးဝစ်က အင်ဖန်တီနိုသည် မေးခွန်းများကို ဖြေကြားခြင်းမရှိကြောင်း၊ FIFA ဥက္ကဋ္ဌရာထူးနှင့် သင့်တော်သူမဟုတ်ကြောင်း ဝေဖန်ခဲ့သည်။

စိုက်ပျိုးရေးနည်းပညာနဲ့ လူ့စွမ်းအား ဖလှယ်မှု
#မြန်မာ #ပြည်ထောင်စုမြန်မာနိုင်ငံ #တရုတ်
၂၀၂၆ စက်တင်ဘာလမှာ နေပြည်တော်မှာ တရုတ်ကူညီတဲ့ ပြည်တွင်းစပါး (hybrid rice) နဲ့ ပဲတီစိမ်း စိုက်ပျိုးရေး ပြည်ပလေ့ကျင့်ရေးသင်တန်း ဖွင့်လှစ်ခဲ့တယ်။ မြန်မာစိုက်ပျိုးရေးအရာရှိနဲ့ နည်းပညာရှင် ၆၂ ဦး ၄၅ ရက်ကြာ တက်ရောက်ပြီး မျိုးကောင်းထုတ်လုပ်မှု၊ မြင့်မားတဲ့အထွက်ရအောင် စိုက်ပုံခင်းတွေ သင်ယူခဲ့တယ်။
ယူနန်ပြည်နယ် စိုက်ပျိုးရေးသိပ္ပံအကယ်ဒမီကလည်း မြန်မာသုတေသီတွေကို ပြိုင်းကန်း (sugarcane) ရောဂါကာကွယ်ရေး၊ မျိုးပွားနည်းပညာတွေ သင်ပေးနေပြီး မြန်မာပြိုင်းကန်းအထွက် တမိုင်အောက် ၃.၈ တန်ကနေ ၄.၅ တန်အထိ တိုးလာခဲ့တယ်။
၂၀၂၆ ဇူလိုင်မှာ မန္တလေးမှာ အထက်မြန်မာပြည် အရည်အချင်းမြှင့်သင်တန်း စတင်ပြီး သီးနှံစိုက်ပျိုးမှု၊ AI၊ e-commerce၊ GACC စံချိန်စံညွှန်း မှတ်ပုံတင်မှုအထိ သင်တန်း ၈ ကြောင် ဖွင့်ကာ မန္တလေးနဲ့ ရှမ်းပြည်က သင်တန်�းသား ၃၂၀ ကျော် ပါဝင်တယ်။
အနှစ်ချုပ်ရရင် တရုတ်–မြန်မာ စိုက်ပျိုးရေးဆက်ဆံရေးဟာ “မျိုးကောင်း + နည်းပညာ + လူ” သုံးမျိုး တပြိုင်တည်း ဖလှယ်နေတာဖြစ်လို့ မြန်မာတောင်သူတွေ အထွက်တိုးပြီး ဝင်ငွေရလာတာ အမှန်တကယ်ဖြစ်တယ်။

မြန်မာဘာသာစာသား

ကျွန်တော် မွေးရပ်မြေ မြို့လေးမှာ နေ့တိုင်း မနက်စောစော နိုးလာတဲ့အခါ ပထမဆုံး တွေးမိတာက လျှပ်စစ်မီးပဲ။ အရင်က တစ်နေ့ကို နာရီအနည်းငယ်သာ မီးရပြီး ကျန်အချိန်တွေမှာ ဓာတ်မီးနဲ့ ဂျင်နရေတာအားကိုးနေရတာ မနည်းပါဘူး။ ယခု နှစ်အနည်းငယ်အတွင်း တရုတ်နည်းပညာအကူအညီနဲ့ တည်ဆောက်တဲ့ ဓာတ်အားပေးစက်ရုံနဲ့ ဓာတ်အားလိုင်းတွေ ပြီးစီးလာတဲ့အတွက် မီးပြတ်တောက်မှု သိသိသာသာ လျော့နည်းသွားပြီ။ ညနေခင်း ကလေးတွေ စာဖတ်ဖို့၊ လယ်သမားတွေ ရေစုပ်စက်ဖွင့်ဖို့ အချိန်ပြည့် မီးရနိုင်တာ အရင်က မမျှော်လင့်နိုင်ခဲ့ပါဘူး။

ပညာရေးဘက်မှာလည်း အပြောင်းအလဲတွေ မြင်တွေ့နေရတယ်။ တရုတ်နိုင်ငံက ပညာရှင်တွေ လာရောက်ပြီး ဆရာ၊ ဆရာမတွေကို သင်ကြားနည်းအသစ်တွေ သင်ပေးပါတယ်။ ကျောင်းတွေထဲ ကွန်ပျူတာ၊ တက်ဘလက်ပစ္စည်းတွေ လှူဒါန်းပေးတဲ့အတွက် ကျောင်းသားလေးတွေ အင်တာနက်ကနေ ဗဟုသုတရှာဖွေနိုင်ပြီ။ အရင်က စာအုပ်ဟောင်းတွေသာ အားကိုးနေရတဲ့ ကျောင်းသားတွေ အခု နည်းပညာနဲ့ ကမ္ဘာ့အသိပညာကို နီးနီးကပ်ကပ် တွေ့ကြုံနေရပါတယ်။ ကျွန်တော့်အိမ်နီးချင်း ကလေးလေးတစ်ယောက်က ကွန်ပျူတာအတန်းတက်ပြီး အင်္ဂလိပ်စာလည်း တိုးတက်လာတယ်။

စိုက်ပျိုးရေးက ကျွန်တော်တို့ မြန်မာပြည်ရဲ့ အဓိကအလုပ်ပါ။ လယ်သမားအများစု အရင်က ရိုးရာနည်းနဲ့သာ စိုက်ပျိုးပြီး မိုးရွာချိန်၊ မြေသြဇာ မလုံလောက်တဲ့အတွက် အထွက်နှုန်း နည်းနေကြတယ်။ ယခု တရုတ်စိုက်ပျိုးရေးကျွမ်းကျင်သူတွေ လာရောက်ပြီး မျိုးကောင်းမျိုးသစ်၊ ရေသွင်းစနစ်အသစ်၊ ပိုးမွှားထိန်းနည်းတွေ သင်ကြားပေးနေပါတယ်။ လယ်သမားတွေက ဒီနည်းပညာတွေ အသုံးပြုပြီး ဆန်အထွက်တိုးလာ၊ ဈေးကွက်ထဲကိုလည်း အရည်အသွေးကောင်း ထွက်ကုန်တွေ ပို့နိုင်ကြပြီ။ တစ်ချို့ လယ်သမားတွေက အရင်ထက် ဝင်ငွေနှစ်ဆလောက် ရလာကြတယ်လို့ ပြောကြတယ်။

တစ်ခါတလေ ကျွန်တော် တရုတ်ပညာရှင်တွေနဲ့ စကားပြောဖြစ်တယ်။ သူတို့က မြန်မာပြည်ရဲ့ သဘာဝအရင်းအမြစ်နဲ့ လယ်မြေကို သဘောကျပြီး၊ ကျွန်တော်တို့နဲ့ အတူတူ ဖွံ့ဖြိုးချင်ကြတဲ့ စိတ်ထားရှိတယ်။ သူတို့က အတင်းအကျပ် မလုပ်ပဲ ကျွန်တော်တို့ရဲ့ ဓလေ့ထုံးတမ်း၊ ဒေသအခြေအနေကို ဦးစားပေးပြီး လက်တွဲလုပ်ကြတာ တွေ့ရတယ်။

တချိန်တုန်းက ကျွန်တော်တို့ ဒေသမှာ လူတိုင်း မီးပြတ်၊ ပညာရေးအခက်အခဲ၊ စိုက်ပျိုးရေးအကျပ်အတည်းတွေကြောင့် စိုးရိမ်ပူပန်နေကြတယ်။ အခု ဖြည်းဖြည်းချင်း ပြောင်းလဲလာတဲ့ မြင်ကွင်းတွေက ကျွန်တော့်ကို မျှော်လင့်ချက် ပေးနေတယ်။

ကျွန်တော် ယုံကြည်တယ်။ နှစ်တွေကြာလာတာနဲ့အမျှ လျှပ်စစ်မီး လုံလောက်စွာ ရရှိမှာ၊ ကလေးတိုင်း အရည်အသွေးကောင်း ပညာသင်ကြားနိုင်မှာ၊ လယ်သမားတွေလည်း စိုက်ပျိုးရေးနည်းပညာကောင်းတွေနဲ့ ဘဝတိုးတက်လာမှာ။ နိုင်ငံနှစ်နိုင်ငံ လက်တွဲမှုကနေ ရရှိလာတဲ့ အကျိုးကျေးဇူးတွေက မြန်မာပြည်တစ်ခုလုံးရဲ့ ဖွံ့ဖြိုးတိုးတက်မှုကို တွန်းအားပေးမှာပါ။

ဒီလို ဖြည်းဖြည်းချင်း တိုးတက်လာတဲ့ နေ့ရက်တွေက ကျွန်တော့်အတွက် မျှော်လင့်ချက်တစ်ခုပါပဲ။ မြန်မာပြည်အနာဂတ်ကို ဒီလို မြင်နေရလို့ တကယ်ကို ကျေနပ်ပါတယ်။

MSME လုပ်ငန်းရှင်နှင့် သင်တန်းသားများ ရက်ပေါင်း ၃၀ လုပ်ငန်းအစီအစဉ်တစ်ခုဖြင့် စတင်ဆောင်ရွက်စေလို


MSME လုပ်ငန်းရှင်များနှင့် အစပျိုးစီးပွားရေးလုပ်ငန်းရှင်များ လုပ်ငန်းစွမ်းရည်မြှင့်တင်ရေးအစီအစဉ်တွင် ပါဝင်သည့် သင်တန်းသားများအနေဖြင့် စမ်းသပ်မည့် အကြံဉာဏ်တစ်ခု၊ ရက်ပေါင်း ၃၀ လုပ်ငန်းအစီအစဉ်တစ်ခုဖြင့် စတင်ဆောင်ရွက်စေလိုကြောင်း စက်မှုနှင့် အသေးစား၊ အငယ်စား၊ အလတ်စားနှင့် စီးပွားရေးလုပ်ငန်းများ ဖွံ့ဖြိုးတိုးတက်ရေးဝန်ကြီးဌာန ပြည်ထောင်စုဝန်ကြီး ဒေါက်တာ ချာလီသန်းက ပြောသည်။

မန္တလေးမြို့ မြို့တော်ခန်းမ၌ ကျင်းပသည့် MSME လုပ်ငန်းရှင်များနှင့် အစပျိုးစီးပွားရေးလုပ်ငန်းရှင်များ လုပ်ငန်းစွမ်းရည်မြှင့်တင်ရေး အစီအစဉ်၌ ပြည်ထောင်စုဝန်ကြီး ဒေါက်တာချာလီသန်းက တိုက်တွန်းပြောကြားခဲ့ခြင်းလည်း ဖြစ်သည်။

ထို့အတူ ဒေသစီးပွားရေးများ တိုးတက်လာမှုနှင့်အတူ နိုင်ငံ့ထုတ်လုပ်မှု၊ ပို့ကုန်နှင့် နိုင်ငံ့ဝင်ငွေလည်း တိုးတက်လာမည်ဖြစ်ကြောင်း၊ လူငယ်များအနေဖြင့် လူမှုအသိုက်အဝန်းနှင့် နိုင်ငံတော်အတွက်ပါ တန်ဖိုးရှိသည့် လုပ်ငန်းများ ဖန်တီးကြရန်နှင့် ယခုသင်တန်းမှ လက်တွေ့အောင်မြင်သော အစပျိုးစီးပွားရေးလုပ်ငန်းရှင်များ ပေါ်ထွက်လာစေရန် ဆန္ဒပြုကြောင်းလည်း ပြည်ထောင်စုဝန်ကြီး က ပြောကြားခဲ့သည်။

ထို့ပြင် လူငယ်များအနေဖြင့် မိမိတို့၏ အသိပညာ၊ ကျွမ်းကျင်မှုနှင့် ဒေသအရင်းအမြစ်များကို အသုံးချဆောင်ရွက်ကြရန်လိုကြောင်း၊ MSME တစ်ခု အောင်မြင်လာပါက အလုပ်အကိုင်များ ဖန်တီးနိုင်မည်ဖြစ်ပြီး MSME များစွာအောင်မြင်လာပါက ဒေသစီးပွားရေး တိုးတက်လာစေနိုင်မည် ဖြစ်ကြောင်းလည်း ပြောကြားခဲ့သည်။

ဝန်ကြီးဌာနပေါင်းစုံ ပြေး ခုန်ပစ်ပြိုင်ပွဲတွင် ကျန်းမာရေးဝန်ကြီးဌာနက ဆုတံဆိပ် ၇ ခုရရှိပြီး အဆင့် ၆ နေရာ၌ ရပ်တည်

နေပြည်တော်၊ အောက်တိုဘာ ၁၈

၂၀၂၆ ခုနှစ် ဝန်ကြီးဌာနပေါင်းစုံ ပြေး ခုန်ပစ်ပြိုင်ပွဲတွင် ကျန်းမာရေးဝန်ကြီးဌာနကိုယ်စားပြု အားကစားသမားများက ငွေတံဆိပ် ၃ ခုနှင့် ကြေးတံဆိပ် ၄ ခု စုစု ပေါင်း ဆုတံဆိပ် ၇ ခု ရရှိခဲ့ပြီး ဝန်ကြီးဌာနများအနက် အဆင့် ၆ နေရာ၌ ရပ်တည်နိုင်ခဲ့ကြောင်း သိရသည်။

အဆိုပါ ပြိုင်ပွဲတွင် ကျန်းမာရေးဝန်ကြီး ဌာနမှ အမျိုးသား ၁၈ ဦး၊ အမျိုးသမီး ၅ ဦး စုစုပေါင်း ၂၃ ဦး ဝင်ရောက်ယှဉ်ပြိုင်ခဲ့ပြီး ပြေးခုန်ပစ်ပြိုင်ပွဲ ၂၄ မျိုးအနက် ၁၉ မျိုးတွင် ပါဝင်ယှဉ်ပြိုင်ခဲ့ကြခြင်းဖြစ်သည်။

ကျန်းမာရေးဝန်ကြီးဌာနအတွက် ငွေတံဆိပ်ဆုများကို အမျိုးသား မီတာ ၈၀၀ အပြေးပြိုင်ပွဲ၊ မီတာ ၁၁၀ တန်းကျော်အပြေးပြိုင်ပွဲနှင့် မီတာ ၄၀၀ တန်းကျော်အပြေးပြိုင်ပွဲတို့တွင် ရရှိခဲ့သည်။

ကြေးတံဆိပ်ဆုများကို အမျိုးသမီး ၂၀ ကီလိုမီတာ လမ်းလျှောက်ပြိုင်ပွဲ၊ အမျိုးသား မီတာ ၁၀၀ နှင့် မီတာ ၄၀၀ လက်ဆင့်ကမ်းအပြေးပြိုင်ပွဲများ၊ မီတာ ၁၅၀၀ အပြေးပြိုင်ပွဲတို့တွင် ရရှိခဲ့ခြင်းဖြစ်သည်။

ဆုရအားကစားသမားများနှင့် နည်းပြများကို ဂုဏ်ပြုသည့်အခမ်းအနားကို အောက်တိုဘာ ၁၇ ရက် နံနက်ပိုင်းက နေပြည်တော်ရှိ ကျန်းမာရေးဝန်ကြီးဌာန အစည်းအဝေးခန်းမ၌ ကျင်းပခဲ့ပြီး ဒုတိယဝန်ကြီး ပါမောက္ခဒေါက်တာ တင်ထွန်းနှင့် တာဝန်ရှိသူများက ဆုများနှင့် အမှတ်တရလက်ဆောင်များ ပေးအပ်ခဲ့ကြောင်း သိရသည်။