မိုးသည်းထန်စွာရွာသွန်းမှုကြောင့် မဟာအောင်မြေမြို့နယ်ရှိ ရွှေတချောင်းဘောင်ကျိုးကာ အနိမ့်ပိုင်းရပ်ကွက်များအတွင်းရေဝင်

မန္တလေးတိုင်း၊ မဟာအောင်မြေမြို့နယ်၌ မေ ၂၂ ရက်ညပိုင်းက မိုးသည်းထန်စွာရွာသွန်းမှုကြောင့် ရွှေတချောင်းဘောင်ကျိုးကာ အနိမ့်ပိုင်းရပ်ကွက်များအတွင်းသို့ ရေဝင်ရောက်မှုများဖြစ်ပေါ်ခဲ့ကြောင်း ဒေသခံလူမှုကူညီရေးအသင်းများထံမှ သိရသည်။
အဆိုပါ ရွှေတချောင်းဘောင်သည် မဟာအောင်မြေမြို့နယ်၊ ၃၆ လမ်းနှင့် ၈၆ လမ်းထောင့်တွင်ရှိကာ မိုး သည်းထန်စွာရွာသွန်းပြီး မိုးရေစီးဆင်းမှုကြောင့် ကျိုးကျခဲ့ခြင်းဖြစ်ပြီး အနိမ့်ပိုင်းရပ်ကွက်ဖြစ်သော သီရိမာလာအရှေ့ရပ်ကွက်ရှိ နေအိမ်များ၊ ရုံးများအတွင်းသို့ ရေဝင်ရောက်မှုနှင့် လမ်းများပေါ်သို့ ရေကျော်မှုများဖြစ်ပွားခဲ့ကြောင်း သိရသည်။
ထို့ကြောင့် မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ သက်ဆိုင်ရာအဖွဲ့အစည်းများ၊ လူမှုကူညီရေးအသင်းဝင်များက ကူညီပေးခဲ့ကြကြောင်း သိရသည်။

ပြင်ဦးလွင် ဒီဇင်ဘာခြံရှေ့ရှိ လယ်ယာသုံးစက်နှင့် စက်ပစ္စည်းအရောင်းဆိုင်တွင် တစ်နာရီကျော်ကြာငြှိမ်းသတ်ခဲ့ရ

မန္တလေးတိုင်း၊ ပြင်ဦးလွင်မြို့နယ်၊ ဒီဇင်ဘာခြံရှေ့ရှိ လယ်ယာသုံးစက်နှင့် စက်ပစ္စည်းအရောင်းဆိုင်တွင် မေ ၂၂ ရက်ည ၈ နာရီ ၅၀ မိနစ်ခန့်က မီးလေ-ာင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။
ပြင်ဦးလွင်မြို့၊ ထုံးဘို‌ကျေးရွာအုပ်စု၊ ဒီဇင်ဘာခြံ‌ရှေ့၊ မန္တလေး-လားရှိုးသွားကားလမ်းဘေးရှိ လယ်ယာသုံးစက်နှင့်စက်ပ္စည်းအရောင်းဆိုင်တွင် မီးလေ-ာင်မှုဖြစ်ပွား ၍ ခရိုင်/မြို့နယ်မီးသတ်စခန်းတို့မှတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ သန္တိသုခလူမှုကူညီ‌ရေးအသင်း၊ ပြင်ဦးလွင်လူမှုကူညီ‌ရေးအသင်း၊ တပ်မတော်နည်းပညာတက္ကသိုလ်၊ တပ်နယ်တို့မှပူးပေါင်းငြှိမ်းသတ်ခဲ့ကြကြောင်း သိရသည်။
ထို့ကြောင့် ည ၁၀ နာရီ ၅ မိနစ်တွင်မီးငြိမ်းသွားခဲ့သဖြင့် စတင်လေ-ာင်ကျွမ်းရသည့်အကြောင်းရင်းနှင့် ပျ-က်စီးဆုံးရှုံးမှုတန်ဖိုးကို သက်ဆိုင်ရာမီးသတ်တပ်ဖွဲ့ဝာာဝန်ရှိသူများကစစ်ဆေးခဲ့ကြကြောင်း သိရသည်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - မေ ၂၃ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၅၀၆ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၇,၁၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၃၀၀,၀၀၀ ကျပ်
ဝယ်ဈေး ၁၀,၂၆၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၉၀၀,၀၀၀ ကျပ်
ဝယ်ဈေး ၉,၈၆၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၁၈၀,၀၀၀ ကျပ်
ဝယ်ဈေး ၁၀,၁၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၇၈၀,၀၀၀ ကျပ်
ဝယ်ဈေး ၉,၇၄၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၃၀၀ ကျပ်
ဝယ်ဈေး - ၄၂၀၀ ကျပ်
-စင်္ကာပူဒေါ်လာ
ရောင်းဈေး - ၃၃၄၄ ကျပ်
ဝယ်ဈေး - ၃၂၅၂ ကျပ်
-ယူရို
ရောင်းဈေး - ၅၀၂၀ ကျပ်
ဝယ်ဈေး - ၄၈၉၀ ကျပ်
-ထိုင်းဘတ်
ရောင်းဈေး - ၁၃၂.၀၂ ကျပ်
ဝယ်ဈေး - ၁၂၈.၇ ကျပ်
-မလေးရှားရင်းဂစ်
ရောင်းဈေး - ၁၀၉၁ ကျပ်
ဝယ်ဈေး - ၁၀၆၂ ကျပ်
-တရုတ်ယွမ်
ရောင်းဈေး - ၆၃၃ ကျပ်
ဝယ်ဈေး - ၆၁၇ ကျပ်
-ဂျပန်ယန်း
ရောင်းဈေး - ၂၇.၁၉ ကျပ်
ဝယ်ဈေး - ၂၆.၄၉ ကျပ်
-အိန္ဒိယရူပီး
ရောင်းဈေး - ၄၄.၉၅ ကျပ်
ဝယ်ဈေး - ၄၃.၇၉ ကျပ်
-ကိုရီးယားဝမ်
ရောင်းဈေး - ၂.၈၆ ကျပ်
ဝယ်ဈေး - ၂.၇၉ ကျပ်
-စတာလင်ပေါင်
ရောင်းဈေး - ၅၇၇၁ ကျပ်
ဝယ်ဈေး - ၅၆၂၃ ကျပ်
-ဩစတြေးလျဒေါ်လာ
ရောင်းဈေး - ၃၀၈၉ ကျပ်
ဝယ်ဈေး - ၃၀၀၉ ကျပ်
-ကနေဒါဒေါ်လာ
ရောင်းဈေး - ၃၁၃၆ ကျပ်
ဝယ်ဈေး - ၃၀၅၅ ကျပ်
-ဟောင်ကောင်ဒေါ်လာ
ရောင်းဈေး - ၅၅၂ ကျပ်
ဝယ်ဈေး - ၅၃၈ ကျပ်
-ယူအေအီး
ရောင်းဈေး - ၁၁၇၈ ကျပ်
ဝယ်ဈေး - ၁၁၄၇ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
*****************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ဆော်ဒီပရိုလိဂ်မှာ အယ်လ်နာဆာအသင်း ဗိုလ်စွဲခဲ့ပြီး ဆော်ဒီအမှတ်ပေးချန်ပီယံဆုကို စီရော်နယ်လ်ဒို ပထမဆုံးအကြိမ်ရရှိ

ဆော်ဒီကလပ် အယ်လ်နာဆာအသင်းဟာ မနေ့က ယှဉ်ပြိုင်ခဲ့တဲ့ ဆော်ဒီပရိုလိဂ်နောက်ဆုံးပွဲစဉ်မှာ ဒါးမက်အသင်းကို (၄-၁)ဂိုးနဲ့ အနိုင်ရခဲ့တာကြောင့် ၂၀၂၅-၂၆ ရာသီ ဆော်ဒီပရိုလိဂ်ပြိုင်ပွဲမှာ ဗိုလ်စွဲခဲ့ပါတယ်။
အယ်လ်နာဆာအသင်းက ဒုတိယနေရာက အယ်လ်ဟီလာအသင်းကို (၂)မှတ်ဖြတ်ကာ ချန်ပီယံဆု ရယူနိုင်ခဲ့တာဖြစ်ပြီး ရှုံးနိမ့်ခဲ့တဲ့ ဒါးမက်အသင်းကတော့ တန်းဆင်းသွားခဲ့ရပါတယ်။
နောက်ဆုံးအဆုံးအဖြတ်ပွဲမှာ အယ်လ်နာဆာအသင်းခေါင်းဆောင် စီရော်နယ်လ်ဒိုက သွင်းဂိုးနှစ်ဂိုးနဲ့အတူ ခြေစွမ်းပြခဲ့ပြီး အယ်လ်နာဆာကစားသမားဘဝမှာ ပထမဆုံးအမှတ်ပေးချန်ပီယံဆုနဲ့ ပထမဆုံးသော မေဂျာဖလား ရယူနိုင်ခဲ့ပါတယ်။
ပေါ်တူဂီလက်ရွေးစင်အသင်းခေါင်းဆောင်လည်းဖြစ်တဲ့ စီရော်နယ်လ်ဒိုဟာ ၂၀၂၃ ဇန်နဝါရီကတည်းက အယ်လ်နာဆာအသင်းကို ရောက်ရှိခဲ့သူဖြစ်ပြီး ပြီးခဲ့တဲ့ (၃)ရာသီအတွင်း အာရပ်ကလပ်ချန်ပီယံဖလား တစ်ခုသာ ရယူနိုင်ခဲ့တဲ့အတွက် လှောင်ပြောင်မှုတွေနဲ့ ရင်ဆိုင်ခဲ့ရပါတယ်။
အခုတော့ ဆော်ဒီလိဂ်ရဲ့ အမြင့်ဆုံးအမှတ်ပေးချန်ပီယံဆု ရယူနိုင်ခဲ့ပြီဖြစ်ပြီး အယ်လ်နာဆာအသင်းအတွက်တော့ (၁၁)ကြိမ်မြောက် အမှတ်ပေးချန်ပီယံဆုဖြစ်ကြောင်း သိရပါတယ်။
အယ်လ်နာဆာအသင်း ဆုဖလားနဲ့အတူ အောင်ပွဲခံချိန်မှာ စီရော်နယ်လ်ဒိုရဲ့ မိသားစုလည်း ဝင်ရောက်ဆင်နွှဲခဲ့ကြောင်း သိရပါတယ်။
စီရော်နယ်လ်ဒိုဟာ ဒီရာသီဆော်ဒီပရိုလိဂ်မှာ (၂၈)ဂိုးသွင်းယူနိုင်ခဲ့ပေမဲ့ ဂိုးသွင်းဘုရင်ဆုနဲ့တော့ လွဲချော်ခဲ့ပြီး အယ်လ်ကတ်ဆီယာတိုက်စစ်မှူး ဂျူလီယန်ကွီနိုနက်စ်က (၃၃)ဂိုးနဲ့ ရရှိသွားခဲ့ပါတယ်။

၂၀၂၅-၂၆ ရာသီ ယူရိုပါလိဂ်ပြိုင်ပွဲရဲ့ အကောင်းဆုံးကစားသမားအဖြစ် မော်ဂန်ရော်ဂျာစ် ရွေးချယ်ခံရ

အက်စတွန်ဗီလာအသင်းရဲ့ ကွင်းလယ်တိုက်စစ်ကစားသမား မော်ဂန်ရော်ဂျာစ်ဟာ ၂၀၂၅-၂၆ ရာသီ ယူရိုပါလိဂ်ပြိုင်ပွဲရဲ့ အကောင်းဆုံးကစားသမားအဖြစ် ရွေးချယ်ခံခဲ့ရကြောင်း သိရပါတယ်။
အင်္ဂလန်ကစားသမား မော်ဂန်ရော်ဂျာစ်ဟာ ဒီရာသီ ယူရိုပါလိဂ်ပြိုင်ပွဲမှာ (၁၅)ပွဲစလုံး ကစားခွင့်ရခဲ့သူဖြစ်ပြီး (၃)ဂိုးသွင်းကာ ဂိုးဖန်တီးမှု(၅)ကြိမ် ပြုလုပ်ခဲ့ပါတယ်။
ပွဲကစားချိန်စုစုပေါင်း (၁၀၈၈)မိနစ်ရှိခဲ့ပြီး အက်စတွန်ဗီလာကစားသမားတွေထဲမှာ ပွဲချိန်အများဆုံးကစားခဲ့ရသူပါ။
အက်စတွန်ဗီလာအသင်း ယူရိုပါလိဂ်ချန်ပီယံဆု ရရှိခဲ့ရာမှာ အရေးအပါဆုံးကစားသမားအဖြစ် ခြေစွမ်းပြခဲ့တာကြောင့် အကောင်းဆုံးကစားသမားအဖြစ် ရွေးချယ်ခံခဲ့ရခြင်းဖြစ်ပါတယ်။
အကောင်းဆုံးလူငယ်ကစားသမားဆုကိုတော့ ဖရိုင်းဘတ်ကွင်းလယ်ကစားသမား မန်ဇမ်ဘီက ရရှိခဲ့ပါတယ်။
UEFA က ယူရိုပါလိဂ်အကောင်းဆုံးအသင်းကိုလည်း ရွေးချယ်ခဲ့ပြီး ချန်ပီယံ အက်စတွန်ဗီလာအသင်းက မာတီနက်ဇ်၊ မက်ဂင်း၊ ဘူယန်ဒီယာနဲ့ မော်ဂန်ရော်ဂျာစ်တို့ ရွေးချယ်ခံခဲ့ရပါတယ်။

ချန်ပီယံလိဂ်ဗိုလ်လုပွဲမှာ ကြံ့ခိုင်မှုအပြည့်ရှိနေမယ်လို့ ဒမ်ဘီလီ ပြောကြား

PSG အသင်းရဲ့ ပြင်သစ်တိုက်စစ်မှူး ဒမ်ဘီလီက လာမယ့်ချန်ပီယံလိဂ်ဗိုလ်လုပွဲမှာ ကြံ့ခိုင်မှုအပြည့်ရှိနေမယ်လို့ ကတိပေးပြောကြားခဲ့ပါတယ်။
ဒမ်ဘီလီဟာ ပါရီ FC အသင်းကို ရှုံးနိမ့်ခဲ့တဲ့ ပြင်သစ်လီဂူးနောက်ဆုံးပွဲစဉ်မှာ ကြွက်သားဒဏ်ရာပြဿနာနဲ့ ရင်ဆိုင်ခဲ့ရတာကြောင့် ပွဲကစားချိန် မိနစ်(၃၀)မပြည့်ခင်မှာပဲ လူစားလဲခံခဲ့ရပါတယ်။
PSG နည်းပြ အင်နရီကေးက ဒမ်ဘီလီရဲ့ဒဏ်ရာ ပြင်းထန်ဖွယ်မရှိကြောင်း ပြောကြားခဲ့ပေမဲ့ ချန်ပီယံလိဂ်ဗိုလ်လုပွဲ နီးကပ်နေချိန်ဖြစ်တာကြောင့် ပရိသတ်တွေက စိုးရိမ်ခဲ့ကြပါတယ်။
အခု ပြင်သစ်ရုပ်သံ RMC Sport နဲ့ တွေ့ဆုံရာမှာ ဒမ်ဘီလီက '' ပါရီ FC နဲ့ပွဲမှာ နည်းနည်းစိုးရိမ်စရာဖြစ်ခဲ့ပေမဲ့ ကျွန်တော် ကောင်းနေပါပြီ။ ဗိုလ်လုပွဲအတွက် ကျွန်တော် အသင့်ဖြစ်မှာပါ။ ဗိုလ်လုပွဲအတွက် ကျွန်တော် (၁၀၀)ရာခိုင်နှုန်းဖြစ်မှာလားဆိုရင် ကျွန်တော် အဲဒီလိုပဲ ထင်ပါတယ်။ ဒါကို ကျွန်တော် သံသယမရှိပါဘူး။ မေ(၃၀)မှာ ကွင်းထဲမှာရှိနေဖို့ ကျွန်တော် မျှော်လင့်ပါတယ်'' လို့ ပြောကြားခဲ့ပါတယ်။
ဒမ်ဘီလီက ဒီရာသီမှာ PSG အသင်းအတွက် ပြိုင်ပွဲစုံ(၃၉)ပွဲကစားကာ (၁၉)ဂိုးသွင်းယူပြီး ပြင်သစ်လိဂ်အကောင်းဆုံးကစားသမားဆု ရရှိထားတာကြောင့် ချန်ပီယံလိဂ်ဗိုလ်လုပွဲနဲ့ လွဲချော်မှာကို PSG ပရိသတ်တွေက စိုးရိမ်ခဲ့ကြခြင်းလည်းဖြစ်ပါတယ်။
ဒမ်ဘီလီက သူ့အနေနဲ့ ဆုဖလားအောင်ပွဲများစွာ ထပ်မံရယူသွားနိုင်ဖို့ ဆန္ဒပြင်းပြနေဆဲဖြစ်ကြောင်းလည်း ပြောကြားခဲ့ပါတယ်။

ဒီနေ့ည ထိုးသတ်ခဲ့တဲ့ ONE Friday Fights 155 ပြိုင်ပွဲမှာ မြန်မာဖိုက်တာ ဘရော်နီကာက ဂျပန်ဖိုက်တာ ကာနာကို အမှတ်နဲ့ အနိုင်ရရှိခဲ့ကြောင်း သိရပါတယ်။

ဘောလုံးကနေ ခေတ္တအနားယူမယ်လို့ ဂွါဒီယိုလာ အတည်ပြု

မန်စီးတီးနည်းပြရာထူးကနေ နုတ်ထွက်တော့မယ့် ဂွါဒီယိုလာက အသင်းနဲ့ လမ်းခွဲတော့မယ်လို့ ကြေညာပြီးနောက် ဘောလုံးကနေ ခေတ္တ
အနားယူမယ်လို့ အတည်ပြုခဲ့ပါတယ်။
ဂွါဒီယိုလာ(၅၅ နှစ်)ဟာ မန်စီးတီးအသင်းနဲ့ ၁၀ နှစ်ကြာလက်တွဲမှုကို အဆုံးသတ်တော့မယ်လို့ ယနေ့က ကြေညာခဲ့ပါတယ်။
၎င်းအနေနဲ့ မနက်ဖြန် အက်စတွန်ဗီလာနဲ့ကစားရမယ့် ပရီးမီးယားလိဂ်ရာသီပိတ် အိမ်ကွင်းပွဲကို နောက်ဆုံးကိုင်တွယ်မှာပါ။
ဂွါဒီယိုလာအနေနဲ့ လက်ရွေးစင်အသင်းနည်းပြအလုပ်တချို့အတွက် ချိတ်ဆက်မှုတွေ ရှိခဲ့ပါတယ်။
ဒါပေမဲ့ ဂွါဒီယိုလာက နောက်ထပ်ဘာလုပ်မလဲ မဆုံးဖြတ်ခင် အချိန်ကာလတစ်ခုကြာ အနားယူမယ်လို့ ပြောခဲ့ပါတယ်။
မန်စီးတီးအသင်းပိုင်ရှင် City Football Group (CFG)ရဲ့ ကမ္ဘာလုံးဆိုင်ရာ ဘောလုံးသံတမန်နဲ့ CFG ပိုင်ဆိုင်ထားတဲ့ ကလပ်တွေကို
နည်းစနစ်အကြံပေးအဖြစ်လည်း လုပ်ကိုင်လာနိုင်တယ်လို့ သတင်းတွေက ရေးသားခဲ့ပါတယ်။
ဒါဟာ လက်ရှိမှာ လီဗာပူးလ်နည်းပြဟောင်း ယာဂန်ကလော့ပ် ရက်ဘူးလ်အုပ်စုမှာ အလားတူအခန်းကဏ္ဍနဲ့ လုပ်ဆောင်နေတာ ဖြစ်ပါတယ်။

မန်ယူနိုက်တက်အသင်းဟာ အကြီးမားဆုံးအောင်မြင်မှုတွေအတွက် စိန်ခေါ်နိုင်ခွင့်နဲ့ ထိုက်တန်တယ်လို့ ကာရစ် ပြောကြား

မန်ယူနိုက်တက်အသင်း အမြဲတမ်းနည်းပြဖြစ်လာတဲ့ မိုက်ကယ်ကာရစ်က သူ့ရဲ့အသင်းဟာ အကြီးမားဆုံးအောင်မြင်မှုတွေအတွက် စိန်ခေါ်နိုင်ခွင့်နဲ့
ထိုက်တန်တယ်လို့ ပြောကြားခဲ့ပါတယ်။
၎င်းက အခုချိန်ဟာ ပြင်းပြတဲ့ ဆန္ဒ၊ ရှင်းလင်းပြတ်သားတဲ့ ရည်ရွယ်ချက်နဲ့အတူ ရှေ့ကို အတူတကွ ထပ်မံလျှောက်လှမ်းရတော့မယ်လို့
မှတ်ချက်ပြုခဲ့ပါတယ်။
ဒါ့အပြင် ပြီးခဲ့တဲ့ငါးလတာအတွင်း အသင်းကစားသမားတွေရဲ့ စွမ်းဆောင်ရည်ကိုလည်း အသိအမှတ်ပြု ချီးကျူးခဲ့ပါတယ်။
ကာရစ်ဟာ ယမန်နေ့က မန်ယူနိုက်တက်အသင်းနဲ့ နှစ်နှစ်စာချုပ် ချုပ်ဆိုခဲ့ပြီး တစ်နှစ်သက်တမ်းတိုးခွင့်လည်း ပါဝင်ခဲ့ပါတယ်။
မန်ယူနိုက်တက်အသင်းဟာ ကာရစ်လက်ထက် ၁၆ ပွဲမှာ ၁၁ ပွဲအထိ အနိုင်ရခဲ့လို့ (ကျန် ငါးပွဲမှာ သုံးပွဲသရေ နှစ်ပွဲရှုံး) အနိုင်ရာခိုင်နှုန်း
၆၈.၈ ရာခိုင်နှုန်း ရှိခဲ့ပါတယ်။
အခုရာသီ ပရီးမီးယားလိဂ်မှာ ပျမ်းမျှရမှတ်အများဆုံး နည်းပြအဖြစ် ၂.၂၅ မှတ်နဲ့ ထိပ်ဆုံးက ရပ်တည်ခဲ့ပြီး ဖာဂူဆန်လက်ထက် ၂၀၁၂-၁၃
ရာသီက ၂.၃၄ မှတ် ရှိခဲ့ပြီးနောက်ပိုင်း မန်ယူနိုက်တက်နည်းပြတွေထဲ ပျမ်းမျှရမှတ်အများဆုံး ဖြစ်လာခဲ့တယ်။
ကာရစ်ဟာ သူကိုင်တွယ်တဲ့ ငါးလတာအတွင်း မန်ယူနိုက်တက်အနေနဲ့ ပရီးမီးယားလိဂ်မှာ နိုင်ပွဲအများဆုံးနဲ့ ရမှတ်အများဆုံးအသင်းအဖြစ်
မှတ်တမ်းဝင်ခဲ့ပါတယ်။