နိုင်ငံတော်သမ္မတ ဦးမင်းအောင်လှိုင် ရာဂျာစတန်ပြည်နယ် ဆေးဝါးနှင့်ကျန်းမာရေးဝန်ကြီးနှင့်တွေ့ဆုံ၊ မြန်မာ-အိန္ဒိယ ပူးပေါင်းဆောင်ရွက်မှုနှင့် နယ်စပ်ကုန်သွယ်ရေး တိုးမြှင့်ရေးဆွေးနွေး

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ရုရှားဖက်ဒရေးရှင်းနိုင်ငံသို့ တရားဝင်ခရီးစဉ် သွားရောက်ရန် ယနေ့နံနက်ပိုင်းတွင် နေပြည်တော်လေဆိပ်မှ အထူးလေယာဉ်ဖြင့် ထွက်ခွာခဲ့ပြီး အိန္ဒိယသမ္မတနိုင်ငံ၊ ရာဂျာစတန်ပြည်နယ်၊ ဂျေပူရ်မြို့၌ ခေတ္တရပ်နားစဉ် ရာဂျာစတန်ပြည်နယ် ဆေးဝါးနှင့်ကျန်းမာရေးဝန်ကြီး ဂါဂျန်ဒရာဆင်းနှင့် တွေ့ဆုံ၍ မြန်မာ-အိန္ဒိယ ချစ်ကြည်ရင်းနှီးမှု၊ ကဏ္ဍစုံပူးပေါင်းဆောင်ရွက်မှုနှင့် နယ်စပ်ကုန်သွယ်ရေး တိုးမြှင့်နိုင်ရေးတို့ကို ရင်းရင်းနှီးနှီး ဆွေးနွေးခဲ့သည်။
နိုင်ငံတော်သမ္မတ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် အိန္ဒိယသမ္မတနိုင်ငံ၊ ရာဂျာစတန်ပြည်နယ်၊ ဂျေပူရ်မြို့ အပြည်ပြည်ဆိုင်ရာလေဆိပ်သို့ ဒေသစံတော်ချိန် နံနက် ၁၀ နာရီတွင် ရောက်ရှိခဲ့ရာ ရာဂျာစတန်ပြည်နယ် ဆေးဝါးနှင့်ကျန်းမာရေးဝန်ကြီး ဂါဂျန်ဒရာဆင်း၊ ပြည်နယ်အစိုးရအဖွဲ့မှ တာဝန်ရှိသူများ၊ မြန်မာစစ်သံ (ကြည်း၊ ရေ၊ လေ) ဗိုလ်မှူးချုပ် ဇော်မိုးလွင်နှင့် တာဝန်ရှိသူများက လေဆိပ်၌ ကြိုဆိုနှုတ်ဆက်ကြသည်။
ထို့နောက် နိုင်ငံတော်သမ္မတသည် လေဆိပ်ဧည့်ခန်းမဆောင်၌ ရာဂျာစတန်ပြည်နယ် ဆေးဝါးနှင့်ကျန်းမာရေးဝန်ကြီးနှင့် တွေ့ဆုံ၍ မြန်မာ-အိန္ဒိယ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှုဆိုင်ရာ ကိစ္စရပ်များကို ဆွေးနွေးခဲ့ကြသည်။
တွေ့ဆုံစဉ် နိုင်ငံတော်သမ္မတအနေဖြင့် အိန္ဒိယသမ္မတနိုင်ငံ ဝန်ကြီးချုပ် ရှရီ နာရန်ဒရာ မိုဒီ၏ ဖိတ်ကြားချက်အရ ဇွန်လအတွင်း အိန္ဒိယနိုင်ငံသို့ တရားဝင်ခရီးစဉ် သွားရောက်ခဲ့မှုနှင့် အဆိုပါခရီးစဉ်အတွင်း မြန်မာနိုင်ငံနှင့် အိန္ဒိယနိုင်ငံတို့အကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးတက်ကောင်းမွန်စေရေး ဆွေးနွေးဆောင်ရွက်နိုင်ခဲ့မှု အခြေအနေများကို အမြင်ချင်းဖလှယ်ခဲ့ကြသည်။
ထို့ပြင် နှစ်နိုင်ငံပြည်သူများအကြား ကာလရှည်ကြာ ကူးလူးဆက်ဆံမှုများရှိခဲ့မှု၊ နှစ်နိုင်ငံဆက်ဆံရေး ကောင်းမွန်လျက်ရှိမှုနှင့် ရှိပြီးသား ချစ်ကြည်ရင်းနှီးမှုကို အခြေခံ၍ ကဏ္ဍစုံပူးပေါင်းဆောင်ရွက်မှုများ ဆက်လက်တိုးမြှင့်သွားနိုင်မည့် အခြေအနေများကို ဆွေးနွေးခဲ့ကြသည်။
အလားတူ နှစ်နိုင်ငံအကြား နယ်စပ်ကုန်သွယ်မှု ပိုမိုတိုးတက်လာစေရေး ကြိုးပမ်းဆောင်ရွက်လျက်ရှိမှုနှင့် ကုန်သွယ်ရေးနှင့် စီးပွားရေးပူးပေါင်းဆောင်ရွက်မှုများ ဆက်လက်မြှင့်တင်နိုင်ရေးဆိုင်ရာ အခြေအနေများကိုလည်း ရင်းရင်းနှီးနှီး ဆွေးနွေးခဲ့ကြသည်။
တွေ့ဆုံပွဲအပြီးတွင် နိုင်ငံတော်သမ္မတ ဦးမင်းအောင်လှိုင်နှင့် ရာဂျာစတန်ပြည်နယ် ဆေးဝါးနှင့်ကျန်းမာရေးဝန်ကြီး ဂါဂျန်ဒရာဆင်းတို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ခဲ့ကြသည်။
ယင်းနောက် နိုင်ငံတော်သမ္မတ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ဂျေပူရ်မြို့ အပြည်ပြည်ဆိုင်ရာလေဆိပ်မှတစ်ဆင့် ရုရှားဖက်ဒရေးရှင်းနိုင်ငံသို့ ဆက်လက်ထွက်ခွာခဲ့ရာ ရာဂျာစတန်ပြည်နယ် ဆေးဝါးနှင့်ကျန်းမာရေးဝန်ကြီး၊ ပြည်နယ်အစိုးရအဖွဲ့မှ တာဝန်ရှိသူများ၊ မြန်မာစစ်သံ (ကြည်း၊ ရေ၊ လေ) နှင့် တာဝန်ရှိသူများက လေဆိပ်၌ ပို့ဆောင်နှုတ်ဆက်ခဲ့ကြကြောင်း သတင်းရရှိသည်။

နိုင်ငံတော်သမ္မတ ဦးမင်းအောင်လှိုင် အာမတီဒေသပြည်နယ်အုပ်ချုပ်ရေးမှူးနှင့်တွေ့ဆုံ၊ မြန်မာ-ကာဇက်စတန် ကုန်သွယ်ရေး၊ ပညာရေး၊ ယဉ်ကျေးမှုနှင့် ခရီးသွားကဏ္ဍ ပူးပေါင်းဆောင်ရွက်မှုတိုးမြှင့်ရေး ဆွေးနွေး

ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးမင်းအောင်လှိုင်သည် ရုရှားဖက်ဒရေးရှင်းနိုင်ငံသို့ တရားဝင်ခရီးစဉ် သွားရောက်ရန်အတွက် ယနေ့နံနက်ပိုင်းတွင် နေပြည်တော်လေဆိပ်မှ အထူးလေယာဉ်ဖြင့် ထွက်ခွာခဲ့ပြီး ဒေသစံတော်ချိန် မွန်းလွဲ ၁ နာရီ ၂၅ မိနစ်တွင် ကာဇက်စတန်သမ္မတနိုင်ငံ အာမတီမြို့ အပြည်ပြည်ဆိုင်ရာလေဆိပ်သို့ ရောက်ရှိခဲ့သည်။
နိုင်ငံတော်သမ္မတနှင့်အဖွဲ့အား အာမတီဒေသပြည်နယ်အုပ်ချုပ်ရေးမှူး မစ္စတာ ဒါရ်ခန် ဆာတီဘယ်လ်ဒီ (Darkhan Satybaldy) နှင့် တာဝန်ရှိသူများက လေဆိပ်၌ ကြိုဆိုနှုတ်ဆက်ခဲ့ကြပြီး ယင်းနောက် နိုင်ငံတော်သမ္မတနှင့် အာမတီဒေသပြည်နယ်အုပ်ချုပ်ရေးမှူးတို့သည် လေဆိပ်ဧည့်ခန်းမဆောင်၌ တွေ့ဆုံဆွေးနွေးခဲ့ကြသည်။
တွေ့ဆုံစဉ် မြန်မာနိုင်ငံ၌ လွတ်လပ်၍ တရားမျှတသည့် ပါတီစုံဒီမိုကရေစီ အထွေထွေရွေးကောက်ပွဲကို အောင်မြင်စွာကျင်းပနိုင်ခဲ့ပြီး ပြည်သူများက ရွေးကောက်တင်မြှောက်ထားသည့် နိုင်ငံတော်အစိုးရအနေဖြင့် နိုင်ငံဖွံ့ဖြိုးတိုးတက်ရေးနှင့် ပြည်တွင်းငြိမ်းချမ်းရေးရရှိရေး ကြိုးပမ်းဆောင်ရွက်လျက်ရှိသည့် အခြေအနေများကို ဆွေးနွေးခဲ့ကြသည်။
ထို့ပြင် နိုင်ငံတော်သမ္မတအနေဖြင့် နိုင်ငံတော်တာဝန်များ စတင်ထမ်းဆောင်ချိန်မှစ၍ ပြည်ပနိုင်ငံများသို့ နိုင်ငံတော်အဆင့် ချစ်ကြည်ရေးခရီးစဉ်များ သွားရောက်ခဲ့ကာ နိုင်ငံတကာနှင့် ဒေသတွင်းနိုင်ငံများနှင့် ဆက်ဆံရေးတိုးမြှင့်ဆောင်ရွက်လျက်ရှိသည့် အခြေအနေများကိုလည်း ဆွေးနွေးခဲ့ကြသည်။
အလားတူ မြန်မာနိုင်ငံနှင့် ကာဇက်စတန်နိုင်ငံတို့အကြား နိုင်ငံတော်အဆင့် ချစ်ကြည်ရေးခရီးစဉ်များ အပြန်အလှန်သွားရောက်ခြင်းဖြင့် နှစ်နိုင်ငံအကြား ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများ ပိုမိုတိုးမြှင့်နိုင်ရေး၊ ကုန်သွယ်ရေး၊ ပညာရေး၊ ယဉ်ကျေးမှုနှင့် ခရီးသွားကဏ္ဍများတွင် လက်တွေ့ကျသည့် ပူးပေါင်းဆောင်ရွက်မှုများ တိုးမြှင့်ဖော်ဆောင်သွားနိုင်ရေး တို့နှင့်ပတ်သက်၍ ရင်းရင်းနှီးနှီး အမြင်ချင်းဖလှယ်ဆွေးနွေးခဲ့ကြသည်။
တွေ့ဆုံဆွေးနွေးမှုအပြီးတွင် အာမတီဒေသပြည်နယ်အုပ်ချုပ်ရေးမှူးက နိုင်ငံတော်သမ္မတထံ အမှတ်တရလက်ဆောင်ပစ္စည်း ပေးအပ်ခဲ့ပြီး နိုင်ငံတော်သမ္မတကလည်း အာမတီဒေသပြည်နယ်အုပ်ချုပ်ရေးမှူးနှင့် အဖွဲ့ဝင်များအား အမှတ်တရလက်ဆောင်ပစ္စည်းများ ပြန်လည်ပေးအပ်ခဲ့သည်။
ယင်းနောက် နိုင်ငံတော်သမ္မတ ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် အာမတီမြို့ အပြည်ပြည်ဆိုင်ရာလေဆိပ်မှ ရုရှားဖက်ဒရေးရှင်းနိုင်ငံသို့ ဆက်လက်ထွက်ခွာခဲ့ရာ အာမတီဒေသပြည်နယ်အုပ်ချုပ်ရေးမှူးနှင့် တာဝန်ရှိသူများက လေဆိပ်၌ ရင်းရင်းနှီးနှီး ပို့ဆောင်နှုတ်ဆက်ခဲ့ကြကြောင်း သတင်းရရှိသည်။

ထိုင်းနိုင်ငံတွင် လုပ်ငန်းခွင်မတော်တဆမှုကြောင့်‌ေ-သဆုံးခဲ့သည့် မြန်မာနိုင်ငံသားအတွက် အလုပ်ရှင်က ဂရု ဏာကြေးဘတ်(၁)သိန်းပေးအပ်

ထိုင်းနိုင်ငံ၊ ချွန်ဘူရီခရိုင်ရှိ ဆောက် လုပ်ရေးလုပ်ငန်းခွင်တွင် အလုပ်လုပ် ကိုင်နေသည့် မြန်မာနိုင်ငံသား ဦးနေဇာကျော်သည် ဇူလိုင် ၁၅ ရက်က လုပ်ငန်းခွင်၌မတော်တဆမှုဖြစ်ပွားကာ ‌ေ-သဆုံးခဲ့သည်ဟု မြန်မာအလုပ်သမားသံအရာရှိရုံးထံမှ သိရသည်။
ထိုသို့ ‌ေ-သဆုံးခဲ့ရခြင်းအတွက် ၎င်း၏ အလုပ်ရှင်ဖြစ်သူက ဝမ်းနည်းကြေကွဲရပြီး မိသားစုဝင်များအပေါ် စာနာထောက်ထားသည်ဟုပြောကြားပြီး မိသားစုဝင်များ၏ အခက်အခဲများကိုအထောက်အကူပြုနိုင်ရေးအတွက် ကရုဏာကြေးအဖြစ် ဘတ်(၁)သိန်းကို ထောက်ပံ့ပေးအပ်ခဲ့ကြောင်း သိရသည်။
အဆိုပါ ဂရုဏာကြေးကို ယနေ့ သြဂုတ် ၁၇ ရက်တွင် မြန်မာအလုပ်သမားသံအရာရှိရုံး၌ ‌ေ-သဆုံးသူ ဦးနေဇာကျော်၏ ဇနီးဖြစ်သူထံပေးအပ်ခဲ့ကြောင်း သိရသည်။
ထို့ပြင် အစိုးရလူမှုဖူလုံရေးအာမခံမှရသင့်ရထိုက်သည့် နစ်နာကြေးငွေများကိုလည်း မိသားစုဝင်ထံသို့ အပြည့်အဝထုတ်ယူပေးနိုင်ရေးအတွက် အလုပ် သမားသံအရာရှိရုံးကကူညီဆောင်ရွက်ပေးသွားမည်ဖြစ်ကြောင်း သိရသည်။

ဟော်မုဇ်ရေလက်ကြားကို အမေရိကန်ပိုင်နက်အဖြစ် ကြေညာမယ့်အကြံကို သဘောကျကြောင်း ထရမ့်ပြော

​ပြီးခဲ့တဲ့အပတ်က သူထုတ်ပြောခဲ့တဲ့ ဟော်မုဇ်ရေလက်ကြားကို အမေရိကန်ပိုင်နက်အဖြစ် ကြေညာမယ့် အကြံအစည်ကို သူပိုပြီး သဘောကျလာပြီလို့ အမေရိကန်သမ္မတ ဒေါ်နယ်ထရမ့်က ပြောလိုက်ပါတယ်။
​ဟော်မုဇ်ရေလက်ကြားကို မကြာခင်မှာ "အမေရိကန်ပိုင်နက်" အဖြစ် ကြေညာမယ်ဆိုတဲ့ သူ့ရဲ့မှတ်ချက်နဲ့ပတ်သက်ပြီး ရှင်းပြပေးဖို့ သတင်းထောက်တွေက တောင်းဆိုတဲ့အခါမှာတော့ "ဒါက တကယ့်ကို ကောင်းတဲ့အကြံပဲလို့ ကျွန်တော်ထင်တယ်" လို့ သူက ပြန်ဖြေခဲ့ပါတယ်။ "ကျွန်တော်တို့က ပိတ်ဆို့မှုတွေနဲ့ အဲဒီနေရာကို ထိန်းချုပ်ထားတာလေ။ အဲဒါကို ကိုယ့်ပိုင်နက်အဖြစ် ကြေညာမယ့်အကြံကို ကျွန်တော်သဘောကျတယ်။ ရေလက်ကြားတစ်ခုလုံးက ကျွန်တော်တို့ရဲ့ အပြည့်အဝ ထိန်းချုပ်မှုအောက်မှာ ရှိနေတာပါ" လို့ သူက ဆက်ပြောပါတယ်။
​"ရေလက်ကြားကြီးက ပွင့်နေတာပဲလေ" လို့ ထရမ့်က ဆက်ပြောပါတယ်။ "ဒါကို ရပ်လိုက်တာမျိုးလည်း ဖြစ်နိုင်သလို၊ ဒီထက်ပိုပြီး ဖွင့်ပေးလိုက်တာမျိုးလည်း ဖြစ်နိုင်ပါတယ်။ ဒါပေမဲ့ ကျွန်တော်တို့က တစ်ပတ်ကို ရေနံစည်ပေါင်း သန်းနဲ့ချီပြီး ထုတ်ယူနေတာလေ။"
​အမေရိကန်အနေနဲ့ "ဒီထက်ပိုပြီး ပြင်းထန်တဲ့" တစ်ခုခုကို လုပ်ဖို့ မဆုံးဖြတ်မချင်း ရေနံဈေးတွေက ကျဆင်းနေမှာဖြစ်ပြီး ဆက်ပြီးတော့လည်း ကျနေဦးမယ်လို့ ထရမ့်က ထပ်လောင်းပြောဆိုခဲ့ပါတယ်။ သူဘာကိုဆိုလိုတာလဲ ဆိုတာကိုတော့ တိတိကျကျ ပြောသွားခဲ့တာ မရှိပါဘူး။

စစ်ကိုင်းမြို့နယ်အတွင်းရှိ ဧရာဝတီမြစ်ရေဝင်ရောက်ခဲ့သော ရေတွင်း၊ ရေကန်၊ လက်နှိပ်တွင်းများအား ကလိုရင်းခတ်

စစ်ကိုင်းတိုင်း၊ စစ်ကိုင်းမြို့နယ်အတွင်း၌ ရေကြီးရေလျှံမှုဖြစ်စဥ်အတွင်း ဧရာဝတီမြစ်ရေဝင်ရောက်ခဲ့သော ရေတွင်း၊ ရေကန်၊ လက်နှိပ်တွင်းများအား ကလိုရင်းခတ်ပေးခဲ့ကြကြောင်း သိရသည်။
စစ်ကိုင်းခရိုင်ပြည်သူ့ကျန်းမာရေးဦးစီးဌာန၏ ကျန်းမာရေးဝန်ထမ်းများက သြဂုတ် ၁၇ ရက်တွင် စစ်ကိုင်းမြို့ နယ်အတွင်း ရေကြီးရေလျှံစဥ် အိမ်ခြေ(၁၈၄)အိမ်ရှိ ဧရာဝတီမြစ်ရေဝင်ရောက်ခဲ့သော ရေတွင်း၊ ရေကန်၊ လက်နှိပ်တွင်း(၄၈)တွင်းအား ရေမှတစ်ဆင့်ကူးစက်တတ်သောရောဂါများဖြစ်ပွားမှုကို ကာကွယ်တားဆီးနိုင်ရေးနှင့် သောက်သုံးရေသန့်ရှင်းစိတ်ချရမှုရှိစေရေးအတွက် ကလိုရင်းခတ်ပေးခဲ့ကြကြောင်း သိရသည်။
ထို့ပြင် ရေသန့်ဆေးပြားများဝေခြင်း၊ ပတ်ဝန်းကျင်သန့်ရှင်းရေး၊ ကူးစက်ရောဂါနှင့် မြွေအန္တရာယ်အကြောင်းတို့ကိုလည်း ကျန်းမာရေးအသိပညာပေးဟောပြောခဲ့ကြကြောင်း သိရသည်။

ပျ-က်စီးခဲ့သောမိုးသီးနှံစိုက်ဧကများပြန်လည်ဖြစ်ထွန်းအောင်မြင်ရန် တိုင်းအစိုးရအဖွဲ့က ပူးပေါင်းဆောင်ရွက်ပေးမည်ဟု စစ်ကိုင်းတိုင်းဝန်ကြီးချုပ်ပြော

စစ်ကိုင်းတိုင်းတွင် မိုးသည်းထန်စွာရွာသွန်းမှုကြောင့် ရေကြီးရေလျှံမှုများဖြစ်ပေါ်ကာ မိုးသီးနှံစိုက်ဧကအ များအပြားပျ-က်စီးခဲ့သဖြင့် ယင်း ထိခိုက်မှုများအပေါ် လိုအပ်ချက်များပြန်လည်ဖြည့်ဆည်းဆောင်ရွက်နိုင်ရေးလုပ်ငန်းညှိနှိုင်းအစည်းအဝေးကို တိုင်းဝန်ကြီးချုပ် ဦးကိုလေး ဦးဆောင်ကာ သြဂုတ် ၁၇ ရက်ကပြုလုပ်စဥ် အထက်ပါအတိုင်းပြောကြားခဲ့ခြင်းဖြစ်သည်။
စစ်ကိုင်းတိုင်းအတွင်း မိုးသည်းထန်စွာရွာသွန်းမှုကြောင့် ခရိုင်/မြို့နယ်များရှိ ကျေးရွာများ၌ စိုက်ပျိုးလျက်ရှိသည့် စပါး၊ ပဲစဉ်းငုံ၊ ပြောင်း၊ ဆီထွက်သီးနှံ၊ မြေပဲ၊ နှမ်း၊ နေကြာ၊ ပဲအမျိုးမျိုးနှင့် စက်မှုကုန်ကြမ်းသီးနှံဖြစ်သည့် ဝါစိုက်ခင်းများထိခို-က်ခဲ့သည်ဟု ပြောသည်။
ထို့ကြောင့် ရေကြီးနစ်မြုပ်ခဲ့သည့် မိုးသီးနှံများအချိန်မီပြန်လည်အစားထိုးစိုက်ပျိုးရေး၊ စိုက်ပျိုးမြေများ ပြန်လည်သမန်းနိုးခြင်းများဆောင်ရွက်ရေးနှင့် ဒေသခံတောင်သူများလိုအပ်သည့် မျိုးများ၊ လယ်ယာသုံးစက် မောင်းဆီများ၊ သွင်းအားစုဓါတ်မြဩဇာများ စနစ်တကျထည့်သွင်းစိုက်ပျိုးနိုင်ရေးတို့အတွက် စိုက်ပျိုးရေးဦးစီးဌာနနှင့်ဆက်စပ်ဌာများပူးပေါင်းပြီး လိုအပ်သည်များကိုပံ့ပိုးကူညီပေးရမည်ဟု ပြောသည်။
" ဓာတ်မြေဩဇာတွေကို အသင့်စုဖွဲ့ထားပြီး စက်သုံးဆီလိုအပ်ချက်အပေါ် ခွင့်ပြုပေးထားပါတယ်။ စိုက်ပျိုးထားတဲ့ မိုးသီးနှံတွေ ပန်းတိုင်အထွက်နှုန်းရရှိစေဖို့နဲ့ သီးနှံအထွက်နှုန်းလျော့နည်းမှုမရှိအောင် ဌာနဆိုင်ရာတွေ၊ တောင်သူတွေကအလေးထားချိတ်ဆက်ပူးပေါင်း ဆောင်ရွက်ရပါမယ်"ဟု တိုင်းဝန်ကြီးချုပ်က ပြော သည်။
ထို့ပြင် တိုင်းအစိုးရအဖွဲ့အနေဖြင့်လည်း မိုးသည်းထန်စွာရွာသွန်းမှုကြောင့် မိုးသီးနှံစိုက်ဧကများထိခို-က်မှုများအပေါ် ပြန်လည်ဖြစ်ထွန်းအောင် မြင်စေရေးအတွက် ဝိုင်းဝန်းပူးပေါင်းဆောင်ရွက်ပေးသွားမည်ဟု တိုင်းဝန်ကြီးချုပ်က ပြောကြားခဲ့သည်။

ဗီလာနောက်ခံလူကွန်ဆာကို ခေါ်ယူ‌ရေး အာဆင်နယ် ဆွေးနွေးမှု ပြုလုပ်လာ
==================

အာဆင်နယ်ဟာ အက်စတွန်ဗီလာမှ ဗဟိုနာက်ခံလူအီဇရီကွန်ဆာကို ခေါ်ယူရေး ပူပူနွေးနွေး ဆွေးနွေးမှုများ ပြုလုပ်လာပါတယ်။
အာဆင်နယ်ဟာ အင်္ဂလန်လက်ရွေးစင်နောက်ခံလူအား ကနဦး ကမ်းလှမ်းမှုအနေဖြင့် ပေါင်သန်း ၃၀ ဝန်းကျင်ဖြင့် ကမ်းလှမ်းခဲ့ရာ ပယ်ချခြင်းခံခဲ့ရပြီးလည်း ဖြစ်ပါတယ်။
ဒါပေမယ့် အာဆင်နယ်ဟာ လက်လျှော့ခြင်း မရှိသေးဘဲ ကွန်ဆာကို ခေါ်ယူရေး နောက်ထပ် ဆွေးနွေးမှုများ ပြုလုပ်လာတာပါ။
အက်စတွန်ဗီလာဘက်က ကွန်ဆာအတွက် ပြောင်းရွှေ့ကြေး ပေါင်သန်း ၆၀ အထိ တောင်းဆိုထားရာ အာဆင်နယ်ရဲ့ ယခင်ကမ်းလှမ်းမှုက များစွာ အလှမ်းဝေးနေဆဲ ဖြစ်ပါတယ်။
ဒါ့အပြင် ဗီလာက ကွန်ဆာအတွက် ၎င်းတို့ သတ်မှတ်တန်ကြေး ပေါင်သန်း ၆၀ အောက် ကမ်းလှမ်းမှုကို လုံးဝ စဉ်းစားလာမှာ မဟုတ်ဘူးလို့လည်း ယုံကြည်ရပါတယ်။
အသက် ၂၈ နှစ်ရှိ ကွန်ဆာဟာ အင်္ဂလန်နှင့်အတူ ကမ္ဘာဖ့လားတွင် တတိယရရှိအောင် စွမ်းဆောင်ပေးခဲ့ပြီးနောက် အပန်းဖြေနေဆဲ ဖြစ်ပါတယ်။
နယူးကာဆယ်အသင်းခေါင်းဆောင်ဂွီမာရေးစ်ကို ပေါင် ၇၅ သန်းဖြင့် ဝယ်ယူထားပြီးဖြစ်တဲ့ အာဆင်နယ်ဟာ ခံစစ်ကိုလည်း အားဖြည့်နေလိုပြီး ကွန်ဆာမှာ နောက်တန်းတွင် နေရာစုံကစားနိုင်ရာ အာတီတာ အကြိုက်တွေ့တဲ့ ကစားသမားမျိုး ဖြစ်နေပါတယ်။
ကွန်ဆာဟာ ပြီးခဲ့တဲ့ရာသီတုန်းက ဗီလာအတွက် ပြိုင်ပွဲအရပ်ရပ်တွင် ၄၈ ပွဲကစားကာ ယူရိုပါလိဂ်ဖလား ရရှိအောင် ကူညီပေးနိုင်ခဲ့ပါတယ်။

မာတင်နယ်လီနှင့် နဝမ်နရီတို့အတွက် ကမ်းလှမ်းမှုများအပေါ် အာဆင်နယ် တံခါးဖွင့်ပေးထား
====================

အာဆင်နယ်ဟာ ယခုနွေရာသီ အပြောင်းအရွှေ့ဈေးကွက်အတွင်းတွင် အသင်းရှိ ကစားသမားများအား ဂါလာတာစာရေးထံ ရောင်းချရေး ဆွေးနွေးမှုများ ပြုလုပ်ခဲ့ပါတယ်။
အာဆင်နယ်က ရောင်းချရေး ကမ်းလှမ်းမှု တံခါးဖွင့်ပေးထားတဲ့ ကစားသမားများထဲမှာ ဂါဘရီရယ်မာတင်နယ်လီနှင့် အီသန်နဝမ်နရီတို့လည်း ပါဝင်နေပါတယ်။
ဘရာဇီးလက်ရွေးစင်ကို ယူရို ၄၅ သန်းဖြင့် ကမ်းလှမ်းမှု ပြုလုပ်ခဲ့ပေမယ့်လည်း ကစားသမားဘက်က တူရကီသို့ ပြောင်းရေး စိတ်အားထက်သန်နေခြင်း မရှိပါဘူး။
အာဆင်နယ်ဟာ မာတင်နယ်လီရဲ့ အပြောင်းအရွှေ့အတွက် ဆွေးနွေးရာတွင် ဂါလာတာစာရေးရဲ့ တိုက်စစ်မှူးဗစ်တာအိုဆီမမ်ကို အမ်းမရိတ်သို့ ခေါ်ဆောင်ရေးကိုပါ ဆွေးနွေးမှု ပြုလုပ်ထားကြောင်း သိရပါတယ်။
မာတင်နယ်လီဟာ ပြီးခဲ့တဲ့ ရက်သတ္တပတ်များအတွင်းက ပီအက်စ်ဂျီရဲ့ ပစ်မှတ်ထားခြင်းခံခဲ့ရပေမယ့်လည်း နောက်ပိုင်းတွင် လီဂူး ၁ ထိပ်သီးက အခြားပစ်မှတ်ကိုသာ ခေါ်ယူရေး ကြိုးပမ်းလာခဲ့ပါတယ်။
တဖက်တွင် အာဆင်နယ်ဟာ အသက် ၁၉ နှစ်ှရိ အင်္ဂလန်ယူ-၂၁ လက်ရွေးစင်နဝမ်နရီအတွက် ကမ်းလှမ်းမှုများကိုလည်း တံခါးဖွင့်ပေးလာပါတယ်။
နဝမ်နရီကို အေစီမီလန်၊ ဖူလ်ဟမ်၊ ရက်ဘူးလ်လိုက်ဇစ်နှင့် ဒေါ့မွန်တို့က ခေါ်ယူရေး စိတ်ဝင်စားနေတယ်လို့ သတင်းထွက်ထားပါတယ်။
အာဆင်နယ်အားကစားဒါရိုက်တာအင်ဒရီယာဘာတာနှင့် လက်ထောက်မူရီဇီယိုမီချယ်လီတို့ဟာ ယခုနွေရာသီတွင် ကစားသမားများ ခေါ်ယူအားဖြည့်မှုများ ပြုလုပ်နေသလို တဖက်တွင် အသင်းရှိ ကစားသမားများကို ရောင်းချရေး ကြိုးပမ်းနေပါတယ်။
အာဆင်နယ်ဟာ ယခုနွေရာသီတွင် လီယန်ဒရိုထရိုဆတ်၊ ဂျာကော့ကီဝီယာ၊ ခရစ္စတီယန်နော်ဂတ်နှင့် ကားလ်ဟိန်းတို့အား ရောင်းချထားပြီးလည်း ဖြစ်ပါတယ်။
ဒါ့အပြင် အာဆင်နယ်ဟာ တောင်ပံကစားသမားရိုက်စ်နယ်ဆင်ကို ဝက်စ်ဟမ်းသို့ ပေါင် ၃ သန်းဖြင့် ရောင်းချရန်လည်း ဆွေးနွေးနေပါတယ်။
အာဆင်နယ်ဟာ ဘရာဇီးတိုက်စစ်မှူးဂါဘရီရယ်ဂျေဆူး၊ ပေါ်တူဂီအလယ်တန်းကစားသမားဖေဘီယိုဗီအဲရာကိုလည်း ရောင်းချရန် လုပ်ဆောင်နေသလို စပိန်ကွင်းလယ်ကစားသမားဇူဘီမန်ဒီကိုလည်း ရီးရဲလ်မက်ဒရစ်က စိတ်ဝင်စားနေပါတယ်။

ဘာစီလိုနာရဲ့ တောရက်စ်အား ခေါ်ယူရန် ပီအက်စ်ဂျီ သဘောတူညီမှု ရရှိလာ
===================

ပီအက်စ်ဂျီဟာ ဘာစီလိုနာတိုက်စစ်သမားဖာရန်တောရက်စ်အား ခေါ်ယူရန် သဘောတူညီမှု ရရှိလာပြီ ဖြစ်ပါတယ်။
ပြင်သစ်ထိပ်သီးကလပ်ဟာ စပိန်လက်ရွေးစင်တိုက်စစ်သမားအတွက် ပြောင်းရွှေ့ကြေး ယူရိုသန်း ၅၀ ဝန်းကျင်အသုံးပြုလာရဖို့ ရှိပါတယ်။
အသက် ၂၆ နှစ်ရှိ တောရက်စ်ဟာ အပြောင်းအရွှေ့အပြီးသတ်ရေး လုပ်ဆောင်နိုင်ရန်အတွက် ဘာစီလိုနာရဲ့ လေ့ကျင့်ခန်းအစီအစဉ်မှ နုတ်ထွက်ခွင့် ရရှိခဲ့ပါတယ်။
သူဟာ နွေရာသီတုန်းက ကမ္ဘာ့ဖလားဗိုလ်လုပွဲတွင် အာဂျင်တီးနားဘက်သို့ တစ်လုံးတည်းသော အနိုင်ဂိုးကို သွင်းယူပေးခဲ့သူလည်း ဖြစ်ပါတယ်။
သူဟာ ပြီးခဲ့တဲ့ရာသီတုန်းက ပြိုင်ပွဲအရပ်ရပ်တွင် ၄၉ ပွဲကစားခဲ့ရာမှာ ၂၁ ဂိုးသွင်းပြီး ၃ ကြိမ် ဖန်တီးကာ လာလီဂါဖလား ရရှိအောင် ကူညီပေးနိုင်ခဲ့ပါတယ်။
ပီအက်စ်ဂျီအား ကိုင်တွယ်နေတဲ့ လူးဝစ်အန်းနရစ်မှာ ဘာစီလိုနာကို ကိုင်တွယ်စဉ်တုန်းက မန်စီးတီးမှ ဖာရန်တောရက်စ်အား နူးကမ့်သို့ ခေါ်ဆောင်ပေးခဲ့သူ ဖြစ်ပါတယ်။
ပီအက်စ်ဂျီဟာ ယခုနွေရာသီတွင် ပြင်သစ်တောင်ပံကစားသမားဘာကိုလာအား လီဗာပူးသို့ ဆုံးရှုံးရနိုင်ခြေ ရှိနေပါတယ်။
မန်စီးတီးတွင် ၂ ရာသီကစားခဲ့ဖူးတဲ့ တောရက်စ်ဟာ စပိန်အတွက် ၆၅ ပွဲကစားထားရာမှာ ၂၅ ဂိုးသွင်းပေးထားပါတယ်။

လက်စတာကို ပေါင်သန်း ၂၀၀ ကျော်ဖြင့် ရောင်းချလာတော့မယ့် ထိုင်းပိုင်ရှင်
====================

ထိုင်းပိုင်ရှင် King Power ဟာ လက်စတာကို ၁၆ နှစ်ကြာ ပိုင်ဆိုင်လာပြီးနောက် ပေါင်သန်း ၂၀၀ ကျော်ဖြင့် ရောင်းချရေး ကြိုးပမ်းလာပါတယ်။
ပရီးမီးယားလိဂ်ဖလားအား ၁ ကြိမ် ရရှိခဲ့ဖူးတဲ့ လက်စတာကို ရောင်းချရေးအတွက် အမေရိကန်ရင်းနှီးမြှပ်နှံရေးဘဏ်တစ်ခုက လုပ်ဆောင်ပေးနေတာလည်း ဖြစ်ပါတယ်။
လက်စတာအား ရောင်းချမှုတွင် အမျိုးသားအသင်း၊ အမျိုးသမီးအသင်း၊ ပရိသတ် ၃၂၀၀၀ ဆန့် King Power ကွင်း၊ ဆီးဂရော့ဗ်လေ့ကျင့်ရေးကွင်းလည်း ပါဝင်ပါတယ်။
ဒါ့အပြင် လက်စတာကပင် ပိုင်ဆိုင်တဲ့ ဘယ်ဂျီယံကလပ် OH Leuven ကိုလည်း အရောင်းစာရင်းတင်ထားပါတယ်။
လက်စတာကို ပေါင်သန်း ၂၀၀ ကျော်ဖြင့် အရောင်းစာရင်းတင်လာတာ ဖြစ်ပြီး ငွေကြေးအတိအကျတော့ မသိရသေးပါဘူး။
လက်စတာဟာ ၂၀၁၆ ခုနှစ်တုန်းက ဘွတ်ကီဖွင့်ကြေး ၅၀၀၀/၁ အနေအထားမှာ ရှိခဲ့ပေမယ့် အံ့ဩသင့်ဖွယ် ပရီးမီးယားလိဂ်ဖလား ရယူနိုင်ခဲ့သလို ၅ နှစ်အကြာတွင် အက်ဖ်အေဖလားလည်း ရယူနိုင်ခဲ့ပါတယ်။
ဒါပေမယ့် လက်စတာဟာ နောက်ပိုင်းနှစ်များတွင် ဘဏ္ဍာရေးပြဿနာများနှင့် ရုန်ကန်ခဲ့ရပြီး ၂ ကြိမ်ဆက် တန်းဆင်းခဲ့ရကာ လိဂ် ၁ သို့ ကျရောက်နေပါတယ်။
လက်စတာဟာ ပြီးခဲ့တဲ့ သုံးနှစ်အတွင်းတွင်း ပေါင်သန်း ၁၈၀ ကျော်အထိ ငွေကြေးအရှုံးပေါ်ခဲ့ပါတယ်။
King Power ဟာ ၂၀၁၀ ခုနှစ်တုန်းက လက်စတာကို မီလန်မန်ဒရစ်ထံမှ ပေါင် ၃၅ သန်းဖြင့် ဝယ်ယူခဲ့တာ ဖြစ်ပါတယ်။
၂၀၁၉ ခုနှစ်တွင် ထိုင်းပိုင်ရှင်ခွန်ဗီချိုင်း ရဟတ်ယာဉ်ပျက်ကျကာ သေဆုံးသွားပြီးနောက် သားဖြစ်သူ ခွန်အေဘာဝတ်ဆရီဗတ်ဒါနာပရာဟာက ဥက္ကဌအဖြစ် ဆောင်ရွက်လာခဲ့ပါတယ်။