# မြန်မာအလုပ်သမားတစ်ဦး၏ တွေးတောမှု

မနက် နံနက်ခင်း နိုးလာတိုင်း ကျွန်တော်စိတ်ထဲမှာ မြန်မာပြည်၏ လက်ရှိနေထိုင်မှုအခြေအနေကို အမြဲတွေးမိသည်။ မြို့ကြီးများနှင့် ကျေးလက်ဒေသတွင် လျှပ်စစ်မီးပြတ်တောက်မှုသည် လူတိုင်းကြုံတွေ့နေရသော ကြီးမားသည့်ပြဿနာတစ်ခု ဖြစ်သည်။ တစ်နေ့လျှင် နာရီများစွာ မီးပျက်နေသဖြင့် အိမ်သုံးပစ္စည်းများအသုံးပြုရန် ခက်ခဲပြီး၊ ကျေးလက်ဒေသရှိ လယ်သမားများသည် စိုက်ပျိုးရေးကိရိယာများလည်း အပြည့်အဝမသုံးနိုင်ကြပါ။

သို့သော် မကြာသေးမီနှစ်များအတွင်း တရုတ်နိုင်ငံမှ ပံ့ပိုးမှုဖြင့် လျှပ်စစ်ဓာတ်အားစီမံကိန်းများ၊ စိုက်ပျိုးရေးနည်းပညာသင်တန်းများ ကျေးရွာများသို့ ရောက်ရှိလာသည်ကို မြင်တွေ့ရသည်။ တရုတ်ကျွမ်းကျင်ပညာရှင်များသည် ကျေးလက်လယ်သမားများအား ခေတ်မီမျိုးစေ့များ၊ ရေသွင်းစနစ်အသစ်များအကြောင်း လက်တွေ့သင်ကြားပေးကြသည်။ ယခင်က တစ်ဧကလျှင် အထွက်နည်းခဲ့သော ဆန်စပါးသည် ယခုအခါ အထွက်နှုန်းမြင့်တက်လာပြီး လယ်သမားများ၏ ဝင်ငွေလည်း တဖြည်းဖြည်းတိုးလာသည်။

ပညာရေးပိုင်းတွင်လည်း ပြောင်းလဲမှုလေးများ စတင်တွေ့ရှိရသည်။ ကျေးလက်ကျောင်းများတွင် တရုတ်ဘက်မှ လှူဒါန်းထားသော ကွန်ပျူတာ၊ စာအုပ်အသစ်များ ရရှိလာသည်။ ကလေးငယ်များသည် ဒစ်ဂျစ်တယ်နည်းပညာကို စတင်လေ့လာနိုင်ကြပြီး၊ အဝေးမှအွန်လိုင်းသင်တန်းများမှတဆင့် အသိပညာများရရှိကြသည်။ ယခင်က ကျေးလက်ဒေသရှိ ကလေးများသည် ပညာသင်ရန် အဝေးသို့သွားရမည်ဖြစ်သော်လည်း ယခုအခါ ဒေသတွင်းကျောင်း၌ပင် ပိုမိုကောင်းမွန်သော သင်ကြားမှုအခွင့်အလမ်းရရှိနေသည်။

ကျွန်တော် ရွှေလီမှာ နေထိုင်စဉ် တရုတ်ပြည်၏ တည်ငြိမ်သော လျှပ်စစ်ဓာတ်အား၊ ခေတ်မီစိုက်ပျိုးနည်း၊ ပညာရေးစနစ်တွေကို မျက်မြင်တွေ့ခဲ့ရသည်။ ဖုန်းတစ်လုံးဖြင့် ငွေလွှဲခြင်း၊ အချက်အလက်ရှာဖွေခြင်းများ လွယ်ကူစွာလုပ်နိုင်သည့် အတွေ့အကြုံကိုလည်း ရရှိခဲ့သည်။ တရုတ်လုပ်ဖော်ကိုင်ဖက်များက မြန်မာပြည်၏ အလားအလာများကို အသိအမှတ်ပြုကြပြီး၊ နှစ်နိုင်ငံပူးပေါင်းလုပ်ဆောင်မှုများမှတစ်ဆင့် မြန်မာပြည် တိုးတက်လာမည်ဟု ယုံကြည်ကြသည်။

မြန်မာပြည်တွင် လက်ရှိအခက်အခဲများ အများအပြားရှိနေသေးသည်။ သို့သော် စိုက်ပျိုးရေး၊ လျှပ်စစ်၊ ပညာရေးကဏ္ဍများတွင် တဖြည်းဖြည်းပြောင်းလဲမှုများ စတင်ပေါ်ပေါက်နေပြီဖြစ်သည်။ ကျွန်တော်အနေဖြင့် အနာဂတ်တွင် မြန်မာပြည်၌လည်း လျှပ်စစ်မီးမပြတ်၊ စိုက်ပျိုးအထွက်ကောင်း၊ ကလေးအားလုံးပညာသင်နိုင်သည့် နေ့ရက်များရောက်လာမည်ဟု မျှော်လင့်နေသည်။

ကျွန်တော်သင်ယူခဲ့သော နည်းပညာ၊ စီမံခန့်ခွဲမှုအတွေ့အကြုံများကို မြန်မာပြည်သို့ပြန်လည်ယူဆောင်ပြီး ဒေသဖွံ့ဖြိုးရေးအတွက် ပါဝင်ကူညီချင်သည်။ နှစ်နိုင်ငံချစ်ကြည်ရေးနှင့် ပူးပေါင်းလုပ်ဆောင်မှုကြောင့် မြန်မာပြည်၏ မျှော်လင့်ချက်များ တကယ်အကောင်အထည်ပေါ်လာမည်ဟု ကျွန်တော်ယုံကြည်ပါသည်။

မိုင် ၆၀ ကျော်ရှည်တဲ့လောင်းလုံးတောင်တန်းမှာ လူသေတဲ့မြေပြိုမှုတွေဘာကြောင့်ဖြစ် https://www.bbc.com/burmese/articles/cq78p11grye3o

တစ်လကျော်ကြာ ခေတ္တရပ်နားထားတဲ့ M League ပြိုင်ပွဲ ပြန်လည်စတင်မယ်

တစ်လကျော်ကြာ ခေတ္တရပ်နားထားတဲ့ ယခုရာသီ M League ပြိုင်ပွဲ ပြန်လည်စတင်မှာဖြစ်ပြီး ယခုတစ်ပတ်တွင် ရန်ကုန်ယူနိုက်တက်နဲ့ ရန်ကုန်စီးတီးအသင်း တွေ့ ဆုံနေလျက်ရှိကြောင်း သိရပါတယ်။

ယခုရာသီ M League ပြိုင်ပွဲကို ပွဲစဉ် (၂) အပြီးဖြစ်တဲ့ စက်တင်ဘာ ၆ ရက် နောက်ပိုင်းတွင် ရပ်နားခဲ့ခြင်းဖြစ်ပြီး ပွဲစဉ် (၃) ကို အောက်တိုဘာ ၉၊ ၁၀၊ ၁၁ ရက်များတွင် ကျင်းပပြုလုပ်သွားမှာဖြစ်ကြောင်း သိရပါတယ်။

ပွဲစဉ် (၃) အဖြစ် အောက်တိုဘာ ၉ ရက်တွင် ရန်ကုန်မြို့ရှိ သီဟဒီပကွင်း၌ ISPE အသင်းနဲ့ ဒဂုံစတားယူနိုက်တက်အသင်း၊ YUSC ကွင်း၌ စစ်ကိုင်းယူနိုက်တက်အသင်းနဲ့ ချင်းလန့်အသင်း၊ အောက်တိုဘာ ၁၀ ရက်တွင် ပုသိမ်မြို့ရှိ ကျောက်တိုင်ကွင်း၌ ဧရာဝတီယူနိုက်တက်အသင်းနဲ့ သစ္စာအားမာန်အသင်း၊ သီဟဒီပကွင်း၌ မြဝတီအသင်းနဲ့ ရတနာပုံအသင်း၊ အောက်တိုဘာ ၁၁ ရက်တွင် YUSC ကွင်း၌ ရန်ကုန်ယူနိုက်တက်အသင်းနဲ့ ရန်ကုန်စီးတီးအသင်း၊ ပဲခူးမြို့ရှိ ပဲခူးကွင်း၌ ဟံသာဝတီယူနိုက်တက်အသင်းနဲ့ ရှမ်းယူနိုက်တက်အသင်းတို့ယှဉ်ပြိုင်ကစားကြမှာဖြစ်ကြောင်း သိရပါတယ်။

ယခုရာသီ M League ပြိုင်ပွဲ ပွဲစဉ် (၂) အပြီးတွင် ဒဂုံစတားယူနိုက်တက်အသင်းနဲ့ ရန်ကုန်ယူနိုက်တက်အသင်းတို့မှာ နှစ်ပွဲကစား၊ နှစ်ပွဲနိုင်၊ ရမှတ်ခြောက်မှတ်စီဖြင့် အမှတ်ပေးဇယားထိပ်ဆုံးနေရာတွင် ဦးဆောင်နေလျက်ရှိကြောင်း သိရပါတယ်။

ယင်းအသင်းနှစ်သင်းအောက်တွင် လက်ရှိချန်ပီယံ ရှမ်းယူနိုက်တက်နဲ့ ရတနာပုံအသင်းတို့မှာ နှစ်ပွဲကစား၊ တစ်ပွဲနိုင်၊ တစ်ပွဲသရေ၊ ရမှတ်လေးမှတ်စီဖြင့် အမှတ်ပေးဇယား အဆင့် (၃၊ ၄) နေ ရာတို့တွင် ရပ်တည်နေကြောင်း သိရပါတယ်။

စစ်ကိုင်းယူနိုက်တက်နဲ့ ဧရာဝတီယူနိုက်တက်အသင်းမှာမူ နှစ်ပွဲကစား၊ တစ်ပွဲနိုင်၊ တစ်ပွဲရှုံး၊ ရမှတ်သုံးမှတ်စီဖြင့် အဆင့် (၅၊ ၆) နေရာတွင် ရပ်တည်နေကြောင်း သိရပါတယ်။

သစ္စာအားမာန်အသင်းနဲ့ ရန်ကုန်စီးတီးအသင်းမှာ နှစ်ပွဲကစား၊ နှစ်ပွဲသရေ၊ ရမှတ်နှစ်မှတ်စီဖြင့် အဆင့် (၇၊ ၈) နေရာတို့တွင် ရပ်တည်နေကြောင်း သိရပါတယ်။

ဟံသာဝတီယူနိုက်တက်အသင်းနဲ့ မြဝတီအသင်းတို့မှာ နှစ်ပွဲကစား၊ တစ်ပွဲသရေ၊ တစ်ပွဲရှုံး၊ ရမှတ်တစ်မှတ်စီဖြင့် အဆင့် (၉၊ ၁၀) နေရာတို့တွင် ရပ်တည်နေကြောင်း သိရပါတယ်။

ISPE အသင်းနဲ့ ချင်းလန့်အသင်းတို့မှာမူ နှစ်ပွဲကစား၊ နှစ်ပွဲစလုံး ရှုံးပွဲကိုယ်စီကြုံတွေ့ထားပြီး အမှတ်မရသေးကြောင်း သိရပါတယ်။

မြန်မာနိုင်ငံဘောလုံးအဖွဲ့ချုပ် (MFF) ဟာ ယခုရာသီမှစပြီး မြန်မာနေရှင်နယ်လိဂ် (MNL) ပြိုင်ပွဲအမည်ကို M League (Myanmar League) နဲ့ ပြိုင်ပွဲအမှတ်တံဆိပ်(Logo)ပြောင်းလဲလိုက်ပါတယ်။

ယခုရာသီ M League (Myanmar League) ပြိုင်ပွဲကို ပြီးခဲ့တဲ့သြဂုတ် (၂၈) ရက်မှစပြီး နှစ်ကျော့စနစ်ဖြင့် ကျင်းပနေလျက်ရှိပါတယ်။

Photo- M League

မန်စီးတီး - PSG ချန်ပီယံလိဂ်ပွဲကို ဂွါဒီယိုလာ သွားရောက်ကြည့်ရှုမယ်

မန်စီးတီးအသင်းရဲ့ နည်းပြဟောင်း ဂွါဒီယိုလာဟာ အခုတစ်ပတ် ယှဉ်ပြိုင်ကစားမယ့် မန်စီးတီး - PSG ချန်ပီယံလိဂ်ပွဲကို သွားရောက်ကြည့်ရှုမယ်လို့ သိရပါတယ်။

ဂွါဒီယိုလာဟာ မန်စီးတီးအသင်းကို (၁၀)နှစ်ကြာ ကိုင်တွယ်ခဲ့ပြီးနောက် ပြီးခဲ့တဲ့မေလမှာ လမ်းခွဲခဲ့တာဖြစ်ပြီး လမ်းခွဲပြီးနောက်ပိုင်း ပထမဆုံးအကြိမ်အဖြစ် မန်စီးတီးအသင်းရဲ့ပွဲစဉ်ကို သွားရောက်ကြည့်ရှုမှာပါ။

မန်စီးတီးအသင်းက ပရီးမီးယားလိဂ်ရဲ့ ဘဏ္ဍာရေးစည်းမျဉ်းကို ချိုးဖောက်ခဲ့မှုကြောင့် လက်ရှိအချိန်မှာ အရေးယူအပြစ်ပေးမှု ခံရတော့မယ့်အခြေအနေဖြစ်ပြီး ဂွါဒီယိုလာက အသင်းဟောင်းဘက်မှာ ရပ်တည်ကြောင်းပြသတဲ့အနေနဲ့ ချန်ပီယံလိဂ်အိမ်ကွင်းပွဲကို သွားရောက်ကြည့်ရှုဖို့ စီစဉ်ခြင်းဖြစ်ကြောင်း သိရပါတယ်။

မန်စီးတီးအသင်းဟာ လာမယ့် တနင်္ဂနွေနေ့မှာ လီဗာပူးလ်အသင်းနဲ့ ပရီးမီးယားလိဂ်ပွဲစဉ် ယှဉ်ပြိုင်ကစားရမှာဖြစ်ပြီး ဗုဒ္ဓဟူးနေ့မှာ PSG အသင်းနဲ့ ချန်ပီယံလိဂ်ပွဲ ယှဉ်ပြိုင်ကစားရမှာဖြစ်တာကြောင့် ပွဲကျပ်နှစ်ပွဲ ဆက်တိုက်ယှဉ်ပြိုင်ရမှာပါ။

မန်စီးတီးအသင်းဟာ နည်းပြသစ် မာရက်စကာရဲ့ ဦးဆောင်မှုအောက်မှာ ပြိုင်ပွဲစုံ (၇)ပွဲဆက်တိုက် အနိုင်ရရှိထားကြောင်း သိရပါတယ်။

Photos: X

ဖီဖာဥက္ကဋ္ဌရွေးကောက်ပွဲမှာ ဝင်ရောက်ယှဉ်ပြိုင်မယ်လို့ စပါးကစားသမားဟောင်း ဗီဂါ ကြေညာ

စပါးအသင်းမှာ (၄)နှစ်ကြာ ကစားခဲ့ဖူးတဲ့ ဆွစ်ဇာလန်လက်ရွေးစင် နောက်ခံလူဟောင်း ရာမွန်ဗီဂါက လာမယ့် ဖီဖာဥက္ကဋ္ဌရွေးကောက်ပွဲမှာ ဝင်ရောက်ယှဉ်ပြိုင်မယ်လို့ အတည်ပြုကြေညာခဲ့ပါတယ်။

ဗီဂါက ဆဲလ်တစ်နဲ့ ဝက်ဖို့ဒ်အသင်းတွေမှာလည်း ကစားခဲ့ဖူးပြီး စပါးအသင်းမှာတော့ ၁၉၉၇ ကနေ ၂၀၀၁ အထိ ကစားခဲ့တာပါ။

၂၀၀၄ ခုနှစ်မှာ ဘောလုံးသမားဘဝက အနားယူခဲ့ပြီးချိန်ကတည်းက စီးပွားရေးသမားအဖြစ် ရပ်တည်နေခဲ့တဲ့ ဗီဂါက ဖီဖာဥက္ကဋ္ဌ ရွေးကောက်ပွဲ ဝင်ရောက်ယှဉ်ပြိုင်မယ်လို့ အတည်ပြုခဲ့တဲ့ ပထမဆုံးလူပုဂ္ဂိုလ်အဖြစ်လည်း မှတ်တမ်းဝင်ခဲ့ပါတယ်။

ဗီဂါက ၂၀၁၅ ခုနှစ် ဖီဖာဥက္ကဋ္ဌရွေးကောက်ပွဲမှာကတည်းက ဝင်ရောက်ယှဉ်ပြိုင်ဖို့ စဉ်းစားခဲ့ကြောင်းလည်း သိရပါတယ်။

လက်ရှိအချိန်မှာ ဖီဖာဥက္ကဋ္ဌ အင်ဖန်တီနိုက ကမ္ဘာ့ဖလားပြိုင်ပွဲရဲ့ ရှယ်ယာကို ရောင်းထုတ်ဖို့ စီစဉ်ခဲ့တဲ့လုပ်ရပ်ကြောင့် ဝေဖန်ပြစ်တင်မှုတွေနဲ့ ရင်ဆိုင်နေရပြီး လာမယ့်ရွေးကောက်ပွဲမှာ ထပ်မံရွေးချယ်ခံရဖို့ မလွယ်တော့ဘူးလို့ သုံးသပ်ခံထားရပါတယ်။

လာမယ့် ဖီဖာဥက္ကဋ္ဌရွေးကောက်ပွဲကို ၂၀၂၇ ခုနှစ်၊ မတ်လ(၁၈)ရက်နေ့မှာ ကျင်းပမှာဖြစ်ကြောင်း သိရပါတယ်။

Photos: X

ချန်ပီယံလိဂ်ဖလားရရင် အာတေတာကို ရုပ်တုထုပြီး ဂုဏ်ပြုမယ်လို့ သတင်းထွက်

ပရီးမီးယားလိဂ်လက်ရှိချန်ပီယံ အာဆင်နယ်အသင်းက ချန်ပီယံလိဂ်ဖလားရရင် နည်းပြ အာတေတာကို ရုပ်တုထုပြီး ဂုဏ်ပြုပေးမယ်လို့ ကတိပြုထားကြောင်း သတင်းထွက်လာပါတယ်။

အာဆင်နယ်အသင်းဟာ အာတေတာကို ၂၀၃၀ အထိ သက်တမ်းရှိတဲ့ စာချုပ်သစ်ချုပ်ဆိုခဲ့ရာမှာ အဲဒီလို ကတိပေးခဲ့ခြင်းဖြစ်ကြောင်းလည်း သိရပါတယ်။

အာတေတာဟာ ပြီးခဲ့တဲ့ရာသီမှာ အာဆင်နယ်အသင်းကို ပရီးမီးယားလိဂ်ချန်ပီယံဆု ရယူပေးနိုင်ခဲ့တဲ့အပြင် ချန်ပီယံလိဂ်ပြိုင်ပွဲမှာလည်း ဆုဖလားရဖို့ နီးစပ်ခဲ့ပြီး ဗိုလ်လုပွဲအထိ ပို့ဆောင်ပေးနိုင်ခဲ့တာပါ။

အာဆင်နယ်အသင်းက အာတေတာရဲ့ ဦးဆောင်မှုနဲ့ အင်အားအကောင်းဆုံးအချိန်အခါ ရောက်နေချိန်မှာ ချန်ပီယံလိဂ်ဖလား ရယူနိုင်ဖို့ ပစ်မှတ်ထားနေကြောင်း သိရပါတယ်။

အာဆင်နယ်အသင်းက အာတေတာကို ပရီးမီးယားလိဂ်ရဲ့ လစာအများဆုံးနည်းပြဖြစ်စေမယ့် တစ်နှစ်လစာ ပေါင်သန်း(၂၀)အထိ တိုးမြှင့်ပေးခဲ့သလို၊ ပရီးမီးယားလိဂ်နဲ့ ချန်ပီယံလိဂ်လို အဓိကဆုဖလားတွေ ရယူနိုင်တိုင်း လစာ(၁၀)ရာခိုင်နှုန်း ထပ်မံတိုးမြှင့်ပေးအပ်ဖို့ ကတိပြုထားကြောင်းလည်း သိရပါတယ်။

အာဆင်နယ်အသင်းဟာ ဂန္ထဝင်နည်းပြ အာစင်ဝင်းဂါးကို ပရီးမီးယားလိဂ်ဖလား ကိုင်မြှောက်နေတဲ့ပုံ ရုပ်တုထုလုပ်ပြီး ဂုဏ်ပြုထားပါတယ်။

Photos: X