Spa Services Market to Reach USD 185 Billion by 2032, Expanding at 10.4% CAGR Driven by Wellness Tourism and Luxury Hospitality

The global Spa Services market is witnessing rapid expansion as wellness tourism and personal health spending continue to rise worldwide. In 2023, the Spa Services market was valued at approximately USD 96.8 billion, increasing to nearly USD 104.5 billion in 2024, representing a 7.9% year-over-year growth rate. With rising demand for wellness therapies, luxury hospitality services, and stress-relief treatments, the Spa Services market is projected to reach USD 185 billion by 2032, growing at a compound annual growth rate (CAGR) of 10.4% from 2024 to 2032.

Read More -> https://marketintelo.com/repor....t/spa-services-marke

ထိုင်းအဲရ်‌ဝေးစ်က လက်မှတ်ခကို ၁၀ မှ ၁၅ ရာခိုင်နှုန်း မြှင့်မည်

ထိုင်းအဲရ်‌ဝေးစ်သည် အရှေ့အလယ်ပိုင်းမှ ဥရောပခရီးစဉ်သို့ ရွှေ့ပြောင်းကြသည့် ဖောက်သည်များ၏ အလွန်ကျွံဝယ်လိုအားနှင့် ရင်ဆိုင်နေရချိန်တွင် ရေနံဈေးနှုန်းမြင့်တက်မှုကို ကာမိစေရန်အတွက် လက်မှတ်ခများကို ၁၀ မှ ၁၅ ရာခိုင်နှုန်း မြှင့်တင်မည်ဟု ဘဏ္ဍာရေးအရာရှိချုပ် ချာ့ဒ်ချွမ် ထက်ဆာထီရာဆက်က ပြောကြားခဲ့သည်။

လေကြောင်းလိုင်း၏ ယခုလအတွက် ဥရောပသို့ ခရီးစဉ်အများစုသည် ထိုင်ခုံအရေအတွက်၏ ၉၀ ရာခိုင်နှုန်းခန့်သို့ ရောက်ရှိခဲ့ကြောင်း မစ္စချာ့ဒ်ချွမ်က ရင်းနှီးမြှုပ်နှံသူဆိုင်ရာ ဗီဒီယိုကွန်ဖရင့်တစ်ခုတွင် ပြောကြားခဲ့သည်။ ရေနံဈေးနှုန်းများ ဆက်လက်မြင့်တက်နေပါက ထိုင်းလေကြောင်းလိုင်းသည် လောင်စာဆီအပိုဆောင်းကြေးကို ထပ်မံတိုးမြှင့်ရန် အစီအစဉ်ရှိသည်ဟု သူက ဆက်လက်ပြောကြားခဲ့သည်။

ခရီးသွားရန် စီစဉ်ထားသော ခရီးသည်များအနေဖြင့် လက်မှတ်ဈေးနှုန်းများ ထပ်မမြင့်တက်မီ ၎င်းတို့အတွက် လက်မှတ်များကို အမြန်ဆုံးဝယ်ထားကြရန် သူက ပြောခဲ့သည်။ “လာမယ့်နှစ်ပတ်အတွင်းမှာ ဥရောပလမ်းကြောင်းတွေနဲ့ အခြားဒေသတွေအတွက် လက်မှတ်တွေက အရမ်းအကန့်အသတ်ရှိလာလိမ့်မယ်” ဟု သူက ပြောကြားခဲ့သည်။

Ref: ဘန်ကောက်ပို့စ်

ရေနံဈေးတစ်စည်ဒေါ်လာ၂၀၀ဖြစ်မည်--အီရန်

ပိတ်ဆို့ထားသော ပင်လယ်ကွေ့တွင် သင်္ဘောသုံးစင်း ထပ်မံတို-က်ခို-က်ခံခဲ့ရပြီးနောက် ရေနံဈေးသည် တစ်စည်လျှင် ဒေါ်လာ ၂၀၀ ဖြစ်လာမည့်အရေးအတွက် ပြင်ဆင်ထားကြရန် အီရန်စစ်ဘက် ကွပ်ကဲမှုဌာနက ဗုဒ္ဓဟူးနေ့တွင် သတိပေးလိုက်သည်။

အမေရိကနှင့် အစ္စရေးသည် စစ်ပွဲတလျှောက် အပြင်းထန်ဆုံးတို-က်ခို-က်မှုကို လုပ်ဆောင်ခဲ့သည်ဟု ပင်တဂွန်က ပြောဆိုခဲ့သော်ငြားလည်း အီရန်သည် ဗုဒ္ဓဟူးနေ့တွင် အစ္စရေးနှင့် အရှေ့အလယ်ပိုင်းတစ်ခွင်ရှိ ပစ်မှတ်များကို ပစ်ခတ်ခဲ့ကာ ၎င်းတို့အနေဖြင့် တုန့်ပြန်တို-က်ခို-က်နိုင်ဆဲဖြစ်ကြောင်းနှင့် စွမ်းအင်ထောက်ပံ့မှုများကို အနှောင့်အယှက်ပြုနိုင်ဆဲဖြစ်ကြောင်းကို ပြသခဲ့သည်။

အမေရိကန်သမ္မတဒေါ်နယ်ထရမ့်ပ်သည် ပြီးခဲ့သည့် သီတင်းနှစ်ပတ်နီးပါးခန့်က အစ္စရေးနှင့်အတူ စတင်ဆင်နွှဲခဲ့သောစစ်ပွဲကို အမြန်အဆုံးသတ်စေမည့်နည်းလမ်းတစ်ခု ရှာဖွေလိမ့်မည်ဟု ရင်းနှီးမြှုပ်နှံသူများက ယုံကြည်သဖြင့် မြင့်တက်ခဲ့သော ရေနံဈေးနှုန်းများသည် ယခုသီတင်းပတ်အစောပိုင်းတွင် ပြန်ကျလာသကဲ့သို့ ရှယ်ယာဈေးကွက်များ ပြန်ကောင်းမွန်လာခဲ့သည်။

သို့သော် လက်ရှိအထိတွင်မူ မြေပြင်တွင် တင်းမာမှုများလျော့ကျခြင်း သို့မဟုတ် ဟော်မုဇ်ရေလက်ကြားကို သင်္ဘောများ ဘေးကင်းစွာဖြတ်သန်းသွားလာနိုင်သည့် လက္ခဏာတစ်စုံတရာ မတွေ့ရှိရသေးပေ။

“ရေနံဈေးနှုန်းဟာ ဒေသတွင်းလုံခြုံရေးပေါ်မှာ မူတည်ပြီး မတည်မငြိမ်ဖြစ်စေတဲ့အတွက် ရေနံတစ်စည်ကို ဒေါ်လာ ၂၀၀ ဖြစ်လာမယ့်အရေး အတွက် ကြိုပြင်ထားပါ” ဟု အီရန်စစ်ဘက်ကွပ်ကဲရေးဌာန ပြောရေးဆိုခွင့်ရှိသူ အီဘရာဟင် ဇိုလ်ဖာကာရီက အမေရိကန်ပြည်ထောင်စုကို ပြောကြားခဲ့သည်။

တေရန်ရှိ ဘဏ်တစ်ခု၏ ရုံးများကို ညပိုင်းအချိန်တွင် တိုက်ခိုက်ခံခဲ့ရပြီးနောက် အီရန်သည် အမေရိက သို့မဟုတ် အစ္စရေးနှင့် စီးပွားရေးလုပ်ကိုင်သော ဘဏ်များကို လက်တုန့်ပြန်တိုက်ခိုက်မည်ဟုလည်း ဇိုလ်ဖာကာရီက ပြောကြားခဲ့သည်။ အရှေ့အလယ်ပိုင်းဒေသတစ်လွှားရှိ လူများအနေဖြင့် ဘဏ်များနှင့် မီတာ ၁,၀၀၀ အကွာအဝေးတွင် နေထိုင်သင့်ကြောင်း ၎င်းက ဆက်လက်ပြောကြားခဲ့သည်။

Ref: Asharq Al-Awsat

နေပြည်တော် စက်ခေါင်းသစ်တပ်ဆင်ထုတ်လုပ်ရေးစက်ရုံ၌ ဘက်ထရီလျှပ်စစ်ရထားတွဲဆိုင်းများ တည်ဆောက်နေ

ဘက်ထရီလျှပ်စစ်ရထားတွဲဆိုင်း (BEMU)များကို နေပြည်တော် စက်ခေါင်းသစ်တပ်ဆင်ထုတ်လုပ်ရေးစက်ရုံ၌
တည်ဆောက်နေကြောင်း ပို့ဆောင်ရေးနှင့်ဆက်သွယ်ရေးဝန်ကြီးဌာနမှ သိရသည်။

ထိုသို့တည်ဆောက်နေမှုကို ပို့ဆောင်ရေးနှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဦးမြထွန်းဦးက သွားရောက်ကြည့်ရှူစစ်ဆေးခဲ့ကြောင်း သိရသည်။

လက်ရှိ တည်ဆောက်နေသော ယင်း ဘက်ထရီလျှပ်စစ် ရထားတွဲဆိုင်း (BEMU)များကို ရန်ကုန်မြို့ပတ်နှင့် ခရီးတိုလမ်းပိုင်းများ၌ အသုံးပြုမည်ဟုလည်း သိရသည်။

ထို့ကြောင့် တည်ဆောက်နေသည့် ဘက်ထရီလျှပ်စစ်ရထားတွဲဆိုင်းများ၊ ဘက်ထရီလျှပ်စစ်စက်ခေါင်းသစ်၊ ဘက်ထရီတွဲများကို အရည်အသွေးပြည့်မီရေးနှင့် သတ်မှတ်ကာလအတွင်း အချိန်မီပြီးစီးရေး အထူးကြိုးပမ်း ဆောင်ရွက်ရန်လည်း ပြည်ထောင်စုဝန်ကြီး ဦးမြထွန်းဦးက မှာကြားခဲ့သည်။

နှစ်နိုင်ငံပိုမိုပူးပေါင်းမည်ဟု ကမ္ဘောဒီးယားနှင့် စင်ကာပူကတိပြု

ကမ္ဘောဒီးယားနှင့် စင်ကာပူနိုင်ငံတို့သည် နိုင်ငံရေးအရ ထိတွေ့ဆက်ဆံမှုမှသည် စီးပွားရေးဆိုင်ရာ ပူးပေါင်းဆောင်ရွက်မှုနှင့် ပြည်သူအချင်းချင်း ချိတ်ဆက်မှုများအထိ နယ်ပယ်အစုံအလင်တွင် နှစ်နိုင်ငံပူးပေါင်းဆောင်ရွက်မှုများကို မြှင့်တင်ရန် ကတိပြုခဲ့ကြကြောင်း ကမ္ဘောဒီးယား နိုင်ငံခြားရေးဝန်ကြီးဌာန၏ ကြာသပတေးနေ့ က သတင်းထုတ်ပြန်ချက်အရ သိရသည်။

ကမ္ဘောဒီးယား နိုင်ငံခြားရေးဝန်ကြီး ပရတ်ဆိုခွန်း၏ မတ်လ ၁၀ ရက် နေ့မှ ၁၁ ရက် နေ့ အထိ စင်ကာပူနိုင်ငံသို့ သွားရောက်ခဲ့သော နိုင်ငံတော်ခရီးစဉ်အတွင်း စင်ကာပူနိုင်ငံခြားရေးဝန်ကြီး ဗီဗီယန် ဘာလာခရစ်ရှ်နန် နှင့် တွေ့ဆုံစဉ် ယခုကဲ့သို့ ကတိပြုခဲ့ကြခြင်း ဖြစ်သည်ဟု သတင်းထုတ်ပြန်ချက်တွင် ဖော်ပြထားသည်။

“နှစ်နိုင်ငံစလုံးဟာ ကုန်သွယ်ရေးနဲ့ စီးပွားရေး ပူးပေါင်းဆောင်ရွက်မှုတွေကို တိုးချဲ့ဖို့အတွက် ကျယ်ပြန့်တဲ့ အလားအလာတွေ ရှိနေတယ်ဆိုတာကို အသိအမှတ်ပြုခဲ့ကြပြီး အထူးသဖြင့် စားနပ်ရိက္ခာနဲ့ စွမ်းအင်ဖူလုံရေး စတဲ့ နယ်ပယ်တွေမှာ ဖြစ်ပါတယ်” ဟု သတင်းထုတ်ပြန်ချက်တွင် ပါရှိသည်။

ထို့အပြင် ဝန်ကြီးနှစ်ဦးသည် ရေရှည်တည်တံ့သော ဖွံ့ဖြိုးတိုးတက်မှုနှင့် ဘုံသာယာဝပြောရေးကို မြှင့်တင်ရန်အတွက် နှစ်နိုင်ငံစီးပွားရေး၏ အပြန်အလှန်ဖြည့်ဘက်ဖြစ်မှုကို အသုံးချရန် အရေးကြီး ကြောင်းကိုအလေးပေး ပြောကြားခဲ့ကြသည်။

ဒေသတွင်း ငြိမ်းချမ်းရေး၊ လုံခြုံရေးနှင့် တည်ငြိမ်ရေးတို့ကို မြှင့်တင်ရန်အတွက် နီးကပ်စွာ လက်တွဲဆောင်ရွက်သွားမည့် ၎င်းတို့၏ ဘုံကတိကဝတ်ကိုလည်း ဝန်ကြီးနှစ်ဦးစလုံးက ထပ်လောင်း အတည်ပြုခဲ့ကြကြောင်း သတင်းထုတ်ပြန်ချက်တွင် ဖော်ပြထားသည်။

အစ္စရေး၏ဒရုန်းများကို တို-က်ဖျ-က်ရန် အီရန်က တရုတ်ဂြိုဟ်တုများကိုသုံး

အီရန်နိုင်ငံသည် ဒရုန်းများနှင့် ဒုံးကျည်များကို လမ်းညွှန်ရန်အတွက် အမေရိက၏ ဂျီပီအက်စ် ဂြိုဟ်တုကွန်ရက်အပေါ် မှီခိုမှုကို စွန့်လွှတ်လိုက်ပြီး တရုတ်နိုင်ငံ၏ ဘိုက်ဒူး ဂြိုဟ်တုလမ်းညွှန်စနစ်သို့ ပြောင်းလဲအသုံးပြုခဲ့ရာ အစ္စရေး၏ လေကြောင်းကာကွယ်ရေး လုပ်ငန်းစဉ်များကို ပိုမိုခက်ခဲရှုပ်ထွေးစေခဲ့သည်။

ပြီးခဲ့သည့် ဇွန်လက အစ္စရေးနှင့် ၁၂ ရက်ကြာ ဖြစ်ပွားခဲ့သော စစ်ပွဲနောက်ပိုင်းတွင် အီရန်နိုင်ငံသည် ၎င်း၏ ဂြိုဟ်တုထောက်လှမ်းရေးစနစ်ကို မြှင့်တင်ခဲ့ရာ ပြီးခဲ့သည့် နွေရာသီစစ်ပွဲအတွင်း အီရန်ဒရုန်းများနှင့် ဒုံးကျည်များကို အနှောင့်အယှက်ဖြစ်စေခဲ့သည့် အစ္စရေး၏ အီလက်ထရွန်နစ်စစ်ဆင်ရေး နည်းဗျူဟာများ၏ ထိရောက်မှုကို လျော့နည်းစေလိမ့်မည်ဟု စစ်ရေးလေ့လာသူများက ပြောကြားလိုက်သည်။

ပြီးခဲ့သည့်နှစ်တွင် အစ္စရေးသည် အနောက်နိုင်ငံထုတ် အီလက်ထရွန်နစ်စစ်ဆင်ရေးစနစ်များကို အလွန်ထိရောက်စွာ အသုံးပြုနိုင်ခဲ့ပြီး အမေရိကန် ဂျီပီအက်စ်အချက်ပြမှုများအပေါ် မှီခိုနေရသော အီရန်ဒရုန်းများနှင့် ဒုံးကျည်အုပ်စုများကို အောင်မြင်စွာ နှောင့်ယှက်နိုင်ခဲ့သည်။ သို့သော် ပြီးခဲ့သည့်နှစ်အတွင်း အီရန်သည် တရုတ်၏ ပိုမိုခေတ်မီဆန်းသစ်သော ဘိုက်ဒူး-၃ (ဘီဒီအက်စ်-၃) လမ်းညွှန်ကွန်ရက်သို့ ပြောင်းလဲခဲ့သည်။

သမိုင်းတစ်လျှောက်တွင် အစ္စရေးက အသုံးပြုလေ့ရှိသော အီလက်ထရောနစ်စစ်ဆင်ရေးစနစ်များသည် ဝင်ရောက်လာသော ဒရုန်းများထံသို့ တည်နေရာ အမှားများပေးပို့ကာ လမ်းကြောင်းလွဲသွားစေရန် သို့မဟုတ် ပျက်ကျသွားစေရန် ကြိုးပမ်းလေ့ရှိသည်။ ဘိုက်ဒူး စနစ်တပ်ဆင်ထားသော ဒရုန်းများသည် ယင်းကဲ့သို့သော နှောင့်ယှက်မှုများကို စစ်ထုတ်ပစ်နိုင်စွမ်းရှိသည်။

ယခုလမ်းညွှန်စနစ်သည် ပစ်မှတ်တိကျမှုကိုလည်း မြှင့်တင်ပေးနိုင်မည်ဖြစ်သည်။ ဘိုက်ဒူး-၃ သည် လေထု၏ အနှောင့်အယှက်များကို အနည်းဆုံးဖြစ်အောင် ဒီဇိုင်းထုတ်ထားသည့် ကြိမ်နှုန်း သုံးမျိုး အသုံးပြုသော စနစ်ဖြင့် အလုပ်လုပ်ပေသည်။

"ဒါဟာ အီရန်ဒုံးကျည်တွေကို လေထုအတွင်းက အမှားအယွင်းတွေကို အချိန်နဲ့တပြေးညီ ဖယ်ရှားပေးနိုင်စေပြီး ၅ မီတာအောက် တိကျမှု ကို ရရှိစေပါတယ်။ ဒါဟာ အီရန်ရဲ့ တိုက်ခိုက်မှုဗျူဟာကို နယ်မြေအလိုက် အလုံးအရင်းနဲ့ ပစ်ခတ်မှုကနေ စစ်ဘက်ဆိုင်ရာ အခြေခံအဆောက်အအုံတွေကို ပိုမိုတိကျစွာ ပစ်မှတ်ထားတိုက်ခိုက်တဲ့ဘက်ကို ပြောင်းလဲစေနိုင်ပါတယ်" ဟု မာရင်းစ် က ဆိုသည်။

အခြားထူးခြားချက်တစ်ခုမှာ ဘိုက်ဒူး ၏ စာတိုပေးပို့မှု စွမ်းရည်ဖြစ်ပြီး ယင်းသည် ကွန်ရက်အသုံးပြုထားသော ကိရိယာများနှင့် နှစ်ဖက်အပြန်အလှန် ဆက်သွယ်နိုင်စေသည်။ “ ဘီဒီအက်စ်-၃ ဟာ လမ်းညွှန်ပေးရုံတင်မဟုတ်ဘဲ နှစ်ဖက်အပြန်အလှန် ဆက်သွယ်နိုင်တဲ့ နည်းဗျူဟာမြောက် အချက်အလက်ချိတ်ဆက်မှု တစ်ခုပါ" ဟု မာရင်းစ် က ပြောကြားခဲ့သည်။ ယင်းသည် ကီလိုမီတာ ၂,၀၀၀ အကွာအဝေးအထိ ပျံသန်းနေသော ဒရုန်း သို့မဟုတ် ဒုံးကျည်များကို ထိန်းချုပ်သူများက ဆက်သွယ်နိုင်စေသည်။

“တရုတ်ရဲ့ 'မျက်စိ' (ဂြိုဟ်တုထောက်လှမ်းရေး) နဲ့ အီရန်ရဲ့ 'လက်သီး' (စစ်ရေးအင်အား) ကို ပေါင်းစပ်လိုက်ခြင်းဖြင့် တေရန်ဟာ အနောက်အုပ်စုရဲ့ နည်းပညာသာလွန်မှုကို ကျော်လွှားနိုင်တဲ့ စစ်ဆင်ရေးစနစ်တစ်ခုကို တည်ဆောက်နိုင်ခဲ့ပါတယ်" ဟု ဆိုသည်။

အချို့သော ဝေဖန်သူများက ဤတိုးတက်မှုသည် စစ်ဘက်နည်းပညာတွင် ပိုမိုကျယ်ပြန့်သော အပြောင်းအလဲကို ဖော်ပြနေသည်ဟု ဆိုသည်။ "အမေရိကန်နဲ့ အစ္စရေးတို့က ၁၉၉၀ ပြည့်နှစ်တွေက 'ကန္တာရမုန်တိုင်း' စစ်ပွဲပုံစံအတိုင်း တိုက်နေတုန်းမှာ အီရန်က ၂၁ ရာစုရဲ့ အာကာသထောက်လှမ်းရေးနဲ့ နည်းပညာမြင့် စစ်ပွဲပုံစံကို လက်နက်တိုင်းမှာ ထည့်သွင်းတိုက်ခိုက်နေတာပါ" ဟု မာရင်းစ် က ပြောကြားခဲ့သည်။

တရုတ်၏ ဂြိုဟ်တုထောက်လှမ်းရေးစနစ်သည် အီရန်စစ်ပွဲတွင် ပိုမိုအရေးပါသော အခန်းကဏ္ဍမှ ပါဝင်လာပြီး အမေရိကန်၏ ယခင်က တစ်ဦးတည်းမူပိုင်ဖြစ်ခဲ့သော အချိန်နဲ့တပြေးညီ ဂြိုဟ်တုထောက်လှမ်းရေး စွမ်းရည်ကို ယှဉ်ပြိုင်နိုင်လာခဲ့သည်။

အတည်မပြုနိုင်သေးသော သတင်းများအရ ရုရှားသည်လည်း အီရန်အား ဂြိုဟ်တုထောက်လှမ်းရေး အချက်အလက်များ ပံ့ပိုးပေးနေသည်ဟု ဆိုသော်လည်း ခိုင်လုံသောအထောက်အထား မရှိသေးပေ။ ရုရှားသည် ယခင်က အီရန်၏ ကင်းထောက်ဂြိုဟ်တုများကို လွှတ်တင်ပေးခဲ့ဖူးပြီး ဂြိုဟ်တုဓာတ်ပုံများကို အီရန်နှင့် ၎င်း၏ မဟာမိတ်များထံ မျှဝေခဲ့ဖူးသည်။

တစ်ဖက်တွင်လည်း အီရန်ဒရုန်းနှင့် ဒုံးကျည်တိုက်ခိုက်မှုများကို ရင်ဆိုင်နေရသော ပင်လယ်ကွေ့နိုင်ငံအချို့မှာမူ ၎င်းတို့၏ ပက်ဒရီရော့ ဒုံးကျည်များ လျော့နည်းလာသောကြောင့် ယူကရိန်း၏ အဆင့်မြင့် ကြားဖြတ်ဒရုန်းစနစ်များကို ဝယ်ယူရန် ကြိုးပမ်းလာကြသည်။ ယူကရိန်းသည် လစဉ် ကြားဖြတ်ဒရုန်းပေါင်း ၅၀,၀၀၀ ခန့် ထုတ်လုပ်နိုင်ပြီး ၎င်းတို့၏ ကိုယ်ပိုင်ကာကွယ်ရေးလိုအပ်ချက်ကို မထိခိုက်စေဘဲ ယူနစ်ပေါင်း ၅,၀၀၀ မှ ၁၀,၀၀၀ ကြားကို တင်ပို့နိုင်ကြောင်း ယူကရိန်းလေတပ်မှ ဗိုလ်မှူးကြီး ပါဗလို ယယ်လီဇာရော့ဖ် က ပြောကြားခဲ့သည်။

Ref : ဘီအန်အီးအင်တယ်လီနယူး

လူတိုင်းလက်လှမ်းမီနိုင်သည့် အရည်အသွေး ပြည့်ဝသော ကျန်းမာရေးစောင့်ရှောက်မှုကို ၂၀၃၀ တွင် ပြည့်မီရန် ရည်ရွယ်ထား

လူတိုင်းလက်လှမ်းမီနိုင်သည့် အရည်အသွေး ပြည့်ဝသော ကျန်းမာရေးစောင့်ရှောက်မှုကို ၂၀၃၀ တွင် ပြည့်မီရန် ရည်ရွယ်ထားကြောင်း ကျန်းမာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်ခိုင်ဝင်းက ယမန်နေ့ (မတ်လ ၁၁ရက်) က ကျင်းပသော မြန်မာနိုင်ငံတွင် မကူးစက်နိုင်သောရောဂါများ ဖြစ်ပွားနိုင်ခြေများကို လေ့လာခြင်း သုတေသနအစီရင်ခံစာ အသိပေးတင်ပြခြင်းအခမ်းအနားတွင် ပြောသည်။

ကျန်းမာရေးအတွက် ငွေကြေးစိုက်ထုတ်သုံးစွဲရမှု ကုန်ကျစရိတ်များ ကာကွယ်နိုင်ရန် စီစဉ်ဆောင်ရွက်နေပြီး လူတိုင်းလက်လှမ်းမီနိုင်သည့် အရည်အသွေး ပြည့်ဝသော ကျန်းမာရေးစောင့်ရှောက်မှုကို ၂၀၃၀ တွင်ပြည့်မီရန် ရည်ရွယ်ဆောင်ရွက်နေကြောင်း ၎င်းက ဆက်လက်ပြောကြားခဲ့သည်။

ထိုသို့ဆောင်ရွက်ခြင်းဖြင့် ပြည်သူလူထုမှ လိုအပ်လျက်ရှိသည့် လူမှုစီးပွားဘဝ ထိခိုက်လာသည်အထိ ကျန်းမာရေးအတွက် ငွေကြေးစိုက်ထုတ်သုံးစွဲရမှု ကုန်ကျစရိတ်များကို ကာကွယ်နိုင်မည်ဟုလည်း ၎င်းက ဆိုသည်။

ထို့ပြင် နိုင်ငံတွင်း၌ ၂၀၁၄ ခုနှစ် နှင့် ၂၀၂၅ ခုနှစ် သုတေသနရလဒ်များနှင့် နှိုင်းယှဉ်ပါက သွေးတွင်းသကြားဓာတ်နှင့် သွေးတွင်းအဆီ ဓာတ်များခြင်း ကဲ့သို့ ရောဂါဖြစ်ပွားနိုင်ခြေ ပိုမိုမြင့်တက်လာနေကြောင်းလည်း ပြည်ထောင်စုဝန်ကြီးက ပြောကြားခဲ့သည်။

တင်သွင်းအစားအသောက် အမှတ်တံဆိပ်တွင် ထပ်ဆောင်းဖြည့်စွက်ဖော်ပြ ရာ၌ စတစ်ကာ ကပ်နှိပ်ဖော်ပြခြင်းကို ခွင့်မပြု

ပြည်ပမှ အသင့်ထုပ်ပိုးထားသော အစားအသောက်များ တင်သွင်းသည့် လုပ်ငန်းများအနေဖြင့် တင်သွင်း အစားအသောက်၏ အမှတ်တံဆိပ်တွင် ထပ်ဆောင်းဖြည့်စွက်ဖော်ပြရာ၌ စတစ်ကာ ကပ်နှိပ်ဖော်ပြခွင့်ပြုမည် မဟုတ်ကြောင်း ကျန်းမာရေးဝန်ကြီးဌာန အစားအသောက်နှင့်ဆေးဝါးကွပ်ကဲရေးဦးစီးဌာနFDA က ယနေ့ တွင် အသိပေးထုတ်ပြန်ထားသည်။

တင်သွင်းအစားအသောက်၏ အမှတ်တံဆိပ်သည် စားသုံးသူများ ဖတ်ရူနားလည်လက်ခံနိုင်သည့် ဘာသာစကား သို့မဟုတ် မြန်မာဘာသာစကားဖြင့် ဖော်ပြထားခြင်းမရှိ၍ အမှတ်တံဆိပ်တွင် မဖြစ်မနေ ဖော်ပြရမည့် အချက်အလက်များကို လိုအပ်သော ဘာသာစကားဖြင့် ထပ်ဆောင်းဖြည့်စွက်ဖော်ပြရာတွင် စတစ်ကာ ကပ်နှိပ်ဖော်ပြခွင့်ပြုမည်မဟုတ်ကြောင်း FDA က ထုတ်ပြန်ချက်တွင် ညွှန်ကြားထားသည်။

မြန်မာနိုင်ငံအတွင်းရှိ အသင့်ထုပ်ပိုးထားသော စားသောက်ကုန်အမှတ်တံဆိပ်များတွင် စားသောက်ကုန်သတ်မှတ်နံပါတ် (Food Product Code) ကို မဖြစ်မနေ ထည့်သွင်းဖော်ပြရန် လည်း အစားအသောက်နှင့်ဆေးဝါးကွပ်ကဲရေးဦးစီးဌာန (FDA) က မတ်လ ၄ ရက်နေ့တွင် ညွှန်ကြားထားသည်။

လောင်စာဆီအကျပ်အတည်းကို ဖြေရှင်းရန် အာရှနိုင်ငံများတွင် အရေးပေါ်အစီအစဉ်များပြုလုပ်‌နေကြရ

အီရန်စစ်ပွဲကြောင့် ဖြစ်ပေါ်လာသည့် လောင်စာဆီအကျပ်အတည်းကို ဖြေရှင်းရန် အာရှနိုင်ငံများတွင် အရေးပေါ်အစီအစဉ်အဖြစ် တစ်ပတ်လျှင် လေးရက်လုပ်ငန်းခွင်နှင့် အိမ်မှနေ၍ အလုပ်လုပ်ခြင်း (WFH) စနစ်များကို ကျင့်သုံးလာကြသည်။

အရှေ့အလယ်ပိုင်းဒေသမှ ရေနံတင်ပို့မှုအပေါ် အလွန်အမင်း မှီခိုနေရသော အာရှအစိုးရများသည် ရေနံစျေးနှုန်းမြင့်တက်လာခြင်းနှင့် ဟော်မုဇ်ရေလက်ကြား ပိတ်ဆို့မှုကြောင့် ဖြစ်ပေါ်လာသည့် လောင်စာဆီ ပြတ်လပ်မှုကို ကိုင်တွယ်ဖြေရှင်းရန် ရုန်းကန်နေကြရသည်။ ဂျပန်နိုင်ငံသည် ၎င်း၏ ရေနံလိုအပ်ချက် ၉၀ ရာခိုင်နှုန်းနှင့် တောင်ကိုရီးယားနိုင်ငံသည် ၇၀ ရာခိုင်နှုန်းကို အရှေ့အလယ်ပိုင်းမှ တင်သွင်းနေရခြင်းဖြစ်သည်။

စွမ်းအင်အကျပ်အတည်းကြောင့် အစိုးရများသည် လောင်စာဆီချွေတာရန် ပြင်းထန်သော အစီအမံများကို ချမှတ်ဆောင်ရွက်နေရသည်။

မတ်လ ၁၀ ရက်နေ့တွင် ထိုင်းနိုင်ငံက အစိုးရဝန်ထမ်းများကို ဓာတ်လှေကားအစား လှေကားကိုသာ အသုံးပြုရန်နှင့် အကျပ်အတည်းကာလအတွင်း အိမ်မှနေ၍ အလုပ်လုပ်ကြရန် ညွှန်ကြားခဲ့သည်။ ထို့အပြင် လေအေးပေးစက် အပူချိန်ကို ၂၇ ဒီဂရီစင်တီဂရိတ်တွင်သာထားရန် သတ်မှတ်ခဲ့ပြီး ဝန်ထမ်းများကို ဝတ်စုံပြည့်ဝတ်ဆင်မည့်အစား လက်တိုရှပ်အင်္ကျီများ ဝတ်ဆင်ရန် တိုက်တွန်းသွားမည်ဖြစ်သည်။ (ရိုက်တာသတင်းဌာန၏ အဆိုအရ ထိုင်းနိုင်ငံတွင် ၉၅ ရက်စာ စွမ်းအင်အရန်သင့် ရှိနေသေးကြောင်း သိရသည်။)

ဗီယက်နမ်နိုင်ငံကလည်း သွားလာမှုနှင့် သယ်ယူပို့ဆောင်ရေး လိုအပ်ချက်များကို လျှော့ချရန်အတွက် စီးပွားရေးလုပ်ငန်းရှင်များအနေဖြင့် ဝန်ထမ်းများကို အိမ်မှနေ၍ အလုပ်လုပ်ခွင့်ပြုရန် တောင်းဆိုထားသည်။

ဖိလစ်ပိုင်နိုင်ငံတွင်လည်း တစ်ပတ်လျှင် လေးရက်သာ အလုပ်လုပ်သည့်စနစ်ကို တွန်းအားပေးနေပြီး အစိုးရတာဝန်ရှိသူများကိုလည်း "မဖြစ်မနေ လိုအပ်သည့်ကိစ္စ" များမှလွဲ၍ ခရီးသွားလာခြင်း မပြုရန် အမိန့်ထုတ်ထားသည်။

တောင်အာရှနိုင်ငံများမှာလည်း အခြေအနေဆိုးရွားလျက်ရှိသည်။ ဘင်္ဂလားဒေ့ရှ်နိုင်ငံသည် လောင်စာဆီချွေတာရန်အတွက် အိဒ် (Eid-al-fitr) အားလပ်ရက်ကို ရှေ့တိုးသတ်မှတ်ကာ တက္ကသိုလ်များကို စောစီးစွာ ပိတ်ထားခဲ့သည်။

ပါကစ္စတန်နိုင်ငံသည်လည်း အစိုးရရုံးများအတွက် တစ်ပတ်လျှင် လေးရက်လုပ်ငန်းခွင်စနစ်ကို ကျင့်သုံးပြီး ကျောင်းများကို ပိတ်ထားခဲ့သည်။

အိန္ဒိယနိုင်ငံတွင် အိမ်ထောင်စုများအတွက် ဦးစားပေးထောက်ပံ့နိုင်ရန် စီးပွားဖြစ်လုပ်ငန်းရှင်များထံသို့ LPG ပေးပို့မှုကို ရပ်ဆိုင်းထားရာ လောင်စာဆီမရရှိပါက ဟိုတယ်နှင့် စားသောက်ဆိုင်များ ပိတ်လိုက်ရနိုင်ကြောင်း စိုးရိမ်မှုများ မြင့်တက်နေသည်။

တောင်ကိုရီးယားသမ္မတ လီဂျေမြောင်က တနင်္လာနေ့တွင် ရေနံထွက်ကုန်ပစ္စည်းများအပေါ် စျေးနှုန်းကန့်သတ်ချက် ထုတ်ပြန်မည်ဟု ပြောကြားခဲ့ပြီး လက်ရှိအကျပ်အတည်းသည် နိုင်ငံ၏စီးပွားရေးအပေါ် "ကြီးမားသောဝန်ထုပ်ဝန်ပိုး" ဖြစ်စေကြောင်း သတိပေးခဲ့သည်။ ပဋိပက္ခကြောင့် တောင်ကိုရီးယားသို့ ဦးတည်သည့် ရေနံစည်ပေါင်း ၁.၇ သန်းခန့် နေ့စဉ် တင်ပို့နိုင်ခြင်းမရှိဘဲ ကြန့်ကြာနေကြောင်း သမ္မတ၏ မူဝါဒရေးရာအကြံပေး ကင်ယုန်‌‌ဗျောင်းက မတ်လ ၉ ရက် သတင်းစာရှင်းလင်းပွဲတွင် ပြောကြားခဲ့သည်။

ဂျပန်စက်မှုဝန်ကြီး ရိုဆေအာကာဇာဝါ က ဗုဒ္ဓဟူးနေ့တွင် ပြောကြားရာ၌ နိုင်ငံ၏ အမျိုးသားအရန်ရေနံများကို ထုတ်ယူသုံးစွဲရန် ဖြစ်နိုင်ခြေရှိကြောင်းနှင့် စွမ်းအင်တည်ငြိမ်စွာ ရရှိစေရေးအတွက် ဖြစ်နိုင်သမျှ နည်းလမ်းအားလုံးကို ကျင့်သုံးသွားမည်ဖြစ်ကြောင်း ပြောကြားခဲ့သည်။

တနင်္လာနေ့တွင် အင်ဒိုနီးရှား ဘဏ္ဍာရေးဝန်ကြီးက စွမ်းအင်ထောက်ပံ့ကြေးအတွက် ရူပီးယား ၃၈၁.၃ ထရီလီယံ (အမေရိကန်ဒေါ်လာ ၂၂.၆ ဘီလီယံ) လျာထားကြောင်းနှင့် ပြည်သူများအတွက် လောင်စာဆီနှင့် လျှပ်စစ်စျေးနှုန်း သက်သာစေရန် Pertamina ကဲ့သို့သော နိုင်ငံပိုင်စွမ်းအင်ကုမ္ပဏီများကို ငွေကြေးစိုက်ထုတ်ပေးမည်ဖြစ်ကြောင်း ပြောကြားခဲ့သည်။

ထိုင်းနိုင်ငံသည် မီးဖိုဂက်စ်စျေးနှုန်းကို မေလအထိ ထိန်းချုပ်ထားရန် စီစဉ်နေပြီး စားသုံးသူများကို ဘိုင်အိုဒီဇယ်နှင့် ဘင်ဇင်းကဲ့သို့သော အစားထိုးစွမ်းအင်များ အသုံးပြုရန် တိုက်တွန်းနေသည်။

ဗီယက်နမ်နိုင်ငံသည်လည်း လောင်စာဆီတင်သွင်းမှုအပေါ် ကောက်ခံသည့် အခွန်အခများကို ပယ်ဖျက်ရန် စဉ်းစားနေသည်။

ပြီးခဲ့သည့် ရက်အနည်းငယ်အတွင်း ရေနံစျေးနှုန်းမှာ အတက်အကျ အလွန်ကြမ်းခဲ့သည်။ WTI ရေနံစိမ်းစျေးနှုန်းသည် တနင်္လာနေ့တွင် တစ်စည်လျှင် ၁၁၅ ဒေါ်လာကျော်အထိ မြင့်တက်ခဲ့ပြီး ဝါရှင်တန်မှ ထွက်ပေါ်လာသည့် ထုတ်ပြန်ချက်များကြောင့် ပြန်လည်ကျဆင်းကာ ဗုဒ္ဓဟူးနေ့ညနေပိုင်းတွင် တစ်စည်လျှင် ၉၀ ဒေါ်လာကျော်တွင် ရှိနေသည်။

မတ်လ ၁၁ ရက်နေ့တွင် အပြည်ပြည်ဆိုင်ရာ စွမ်းအင်အေဂျင်စီ (IEA) အဖွဲ့ဝင် ၃၂ နိုင်ငံက ၎င်းတို့၏ အရေးပေါ် အရန်ရေနံစည်ပေါင်း သန်း ၄၀၀ ကို ထုတ်ပေးရန် တညီတညွတ်တည်း သဘောတူညီခဲ့ကြသည်။

အရှေ့အလယ်ပိုင်းမှ ရေနံစီးဆင်းမှုမှာ ဟော်မုဇ်ရေလက်ကြား ပိတ်ဆို့နေဆဲဖြစ်သဖြင့် အကန့်အသတ်များ ရှိနေသေးသည်။ Wood Mackenzie မှ လေ့လာဆန်းစစ်သူ ဆိုင်မွဖလားဝါးစ်က "၂၀၂၂ ရုရှား-ယူကရိန်း အကျပ်အတည်းတုန်းက ရေနံစျေးဟာ ငွေကြေးဖောင်းပွမှုနဲ့ တွက်ချက်ရင် တစ်စည်ကို ၁၅၀ ဒေါ်လာအထိ ရှိခဲ့ပေမဲ့ အခုအခြေအနေက ပိုပြီးတော့ ပြင်းထန်နိုင်ပါတယ်။ ဒီတစ်ခါ စွန့်စားနေရတဲ့ ရေနံပမာဏက ပိုများပြီး လက်တွေ့ကျတဲ့ အန္တရာယ်ဖြစ်ပါတယ်။ ကျွန်တော်တို့ရဲ့ အမြင်အရ ၂၀၂၆ မှာ ရေနံတစ်စည်ကို ဒေါ်လာ ၂၀၀ အထိ ဖြစ်လာနိုင်ခြေရှိပါတယ်" ဟု ရေးသားခဲ့သည်။

ဧရာဝတီတစ်ဝန်း နေကြာလွှမ်းစေဖို့ ဖြစ်ထွန်းအောင်မြင်သ ည့် နေရာများတွင် အထွက်ကောင်းမျိုးများကို အသုံးပြု၍ တိုးချဲ့စိုက်ပျိုးကြရန် လိုအပ်

တိုင်းဒေသကြီး ဝန်ကြီးချုပ် ဦးတင်မောင်ဝင်းသည် မော်လမြိုင်ကျွန်းမြို့နယ်၊ မရဲ့အုန်းပင်စုကျေးရွာတွင် ပြုလုပ်သည့် ၂၀၂၅ - ၂၀၂၆ ခုနှစ်၊ နွေစပါးကန်သင်းဘောင်ပေါ်တွင် ကျ င်းစနစ်ဖြင့် စိုက်ပျိုးသော နေကြာရိတ်သိမ်းပွဲနှင့် နွေစပါးနယူးဧရာ(၁၁)ရိတ်သိမ်းပွဲသို့ တက်ရောက်ခဲ့ကြောင်း သိရသ ည်။

ဦးစွာ တိုင်းဒေသကြီးဝန်ကြီးချုပ်က"တောင်သူလယ်သမားနေ့တွင် တိုင်းဒေသကြီးဆီဖူလုံရေးအတွက် “ ဧရာဝတီတစ်ဝှမ်း နေကြာလွှမ်းရမည်" ဟူသော ခေါင်းစဉ်ဖြင့် ဆွေးနွေးမှုများပြုလုပ်ခဲ့ကြောင်းနှင့် ရလဒ်များကို အကောင်အထည် ဖော်ဆောင်ရွက်ကြရမည်ဖြစ်ကြောင်း ပြောကြားခဲ့သည်။

ထို့ပြင် တိုင်းဒေသကြီး၏ စိုက်ပျိုးသီးနှံများ ပန်းတိုင်အထွ က်နှုန်းရောက်ရှိရေးအတွက် မျိုး၊ မြေ၊ ရေ၊ နည်း စသည့် နည်းလမ်း(၄)သွယ်ကို အခြေခံ ဆောင်ရွက်လျက်ရှိပြီး ဆီဖူလုံရေးအတွက် မြေပဲ၊ နှမ်း၊ နေကြာနှင့် ပဲပုပ်များအား ဖြစ် ထွန်းအောင်မြင်အောင် ဆောင်ရွက်လျက်ရှိပါကြောင်း၊ ဆီဖူလုံရေးအတွက် နေကြာစိုက်ပျိုးမှုကို နှစ်အလိုက် ပိုမို တိုးချဲ့ စိုက်ပျိုးသွားရမည်ဖြစ်ရာ နွေစပါး ကန်သင်းဘောင် ပေါ်တွင် ကျင်းစနစ်ဖြင့် စိုက်ပျိုးခြင်းကို ဧရာဝတီတစ်ဝန်း နေ ကြာ လွှမ်းစေဖို့ နေကြာဖြစ်ထွန်းအောင်မြင်သည့် နေရာများတွင် အထွက်ကောင်းမျိုးများကို အသုံးပြု၍ တိုးချဲ့စိုက်ပျိုးကြရန်လည်း လိုအပ်မည်ဖြစ်ကြောင်း ထည့်သွင်းပြောကြား သည်။