မြနမနိံဧရဝတီတိအနပစကျရွတွတရတ-မြနမပူပါဆရွကသလနမဲခါလျှ့ချရစံပြကျရွစီမံကိနသညတစရွလံရှိအိမထစ၁၈၀မှရွသူရွသ၇၂၆ဦ၏ဘဝကိလကတွ့ကျကျပြလဲစပြီ၊ရွှံ့မြလမအလံခိမအဖွ့လှစကရပဝရဗဟိပြတဝါတိမျကိစကြယသရမျကိတိကရိကဝရကခွ့ပြထသည။ဖနလုံအိမပနခမျာ၊စံပါနမျာနှ့ျွမျမှုလေ့ျ့ရေနေရာမျာိုတွဲဖ၍ယခခရီသွာရနခခဲခ၊ရေသောရနဈေီခစသည့ပဿနာဟောမျာိုဖေရှပေသည့အပရွာသူရွာသာအမျာအပာိုအ္ဂါရပဖ့စိုပျိုခ၊လဖ့ပုပခဖ့အိမရှေ့အလုပအိုရရှိစေပီပနလညျောခိုခမပုဘဲညှိနှိုဆောရွစေပါသည။နှစထောငပေါငးများစွာ ရှညလျားသော တရုတ-မြနမာ “ဆွေမျိုးပေါကဖေါချစကြညရေး”သည ဤသို့ဖြင့ ရွာသူရွာသားများ လကလှမးမီသော နေ့စဉ အဆငပြေချောမွေ့မှု ဖြစလာပါသည။
#မြန်မာ #ပြည်ထောင်စုမြန်မာနိုင်ငံ

မြန်မာ-ဘယ်လာရုစ်နှစ်နိုင်ငံ လျှပ်စစ်ကဏ္ဍ၌ပူးပေါင်းဆောင်ရွက်ရေးအတွက် RoC လက်မှတ်ရေးထိုး

မြန်မာ-ဘယ်လာရုစ်နှစ်နိုင်ငံ လျှပ်စစ်ကဏ္ဍ၌ပူးပေါင်းဆောင်ရွက်ရေးအတွက် အောက်တိုဘာ ၂၇ ရက်က RoC လက်မှတ်ရေးထိုးခဲ့ကြကြောင်း သိရသည်။

အဆိုပါ လက်မှတ်ရေးထိုးပွဲကို ဘယ်လာရုစ်နိုင်ငံ၊ မင့်စ်မြို့၌ကျင်းပသော အကြိမ်(၃၀)မြောက် စွမ်းအင်နှင့်ဂေဟဗေဒစနစ်ဆိုင်ရာဖိုရမ်တက်ရောက်ခဲ့သည့် လျှပ် စစ်နှင့်စွမ်းအင်ဝန်ကြီးဌာန ပြည်ထောင်စုဝန်ကြီး ဦးကိုကိုလွင်တက်ရောက်ခဲ့ကြောင်း သိရသည်။

RoC အရ နှစ်နိုင်ငံကြား မဟာဓာတ်အားလိုင်းများအား အဆင့်မြှင့်တင်ခြင်း၊ လျှပ်စစ်ဓာတ်အားပို့လွှတ်ခြင်းနှင့် ဖြန့်ဖြူးခြင်းတွင်ဖြစ်ပေါ်နိုင်သည့် လေလွင့်ဆုံးရှုံးမှုများ(Losses)လျှော့ချရေး နည်းပညာနှင့် ရင်းနှီးမြှုပ် နှံမှုများပူးပေါင်းဆောင်ရွက်ခြင်း၊ Smart Power Generation နှင့် Smart Grid ဖွံ့ဖြိုးလာစေရေးအတွက် နည်းပညာများအကူအညီပေးခြင်းတို့ပါဝင်ကြောင်း သိရသည်။

ထို့ပြင် လျှပ်စစ်နှင့် စွမ်းအင်ကဏ္ဍနှစ်ရပ်လုံးတွင် လူ့စွမ်းအားအရင်းအမြစ်များဖွံ့ဖြိုးလာရေးအတွက် ဘယ်လာရုစ်နိုင်ငံ အသက်မွေးဝမ်းကျောင်းတက္ကသိုလ်များ၊ သင်တန်းကျောင်းများ၊ တက္ကသိုလ်များသို့ သင်တန်း သားများစေလွှတ်၍ သက်ဆိုင်ရာဘာသာရပ်များ လေ့ ကျင့်သင်ကြားခြင်းတို့လည်းပါဝင်ကြောင်း သိရသည်။

ထို့ပြင် ပြည်ထောင်စုဝန်ကြီးသည် Energy Expo တွင် ခင်းကျင်းပြသထားသည့် နိုင်ငံတကာလျှပ်စစ်နှင့်စွမ်း အင်ကဏ္ဍဆိုင်ရာပြခန်းများအား ကြည့်ရှုလေ့လာခဲ့ကြောင်း သိရသည်။

ပုသိမ်မြို့ပေါ်ပြေးဆွဲနေသည့် မီနီအိုးဝေများကို
လုပ်ငန်းလိုင်စင်ပြုလုပ်ပေးမည်
မီနီအိုးဝေအငှားခေါ်ယူရာတွင် Mobile Application များသုံး၍ခေါ်ယူနိုင်ရေးဆောင်ရွက်နေ

ဧရာဝတီတိုင်း၊ ပုသိမ်မြို့ပေါ်တွင်ပြေးဆွဲနေသည့် မီနီအိုးဝေများကို လုပ်ငန်းလိုင်စင်ပြုလုပ်ပေးသွားမည်ဖြစ်ကြောင်း သိရသည်။

အောက်တိုဘာ ၂၇ ရက်က ပုသိမ်မြို့ပေါ်ပြေးဆွဲနေသည့် မီနီအိုးဝေများနှင့်ပတ်သက်၍တွေ့ဆုံဆွေးနွေးရာ၌ တိုင်းအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်း ပန်းဆက်သွယ်ရေးဝန်ကြီးဦးကျော်ထွန်းဇော်က ပြောကြားခဲ့ခြင်းဖြစ်ကြောင်း သိရသည်။

ပုသိမ်မြို့ပေါ်၌ မီနီအိုးဝေများ စည်းကမ်းမဲ့မောင်နှင်နေသဖြင့် မီနီအိုးဝေများအတွက် စည်းကမ်းထုတ်၍ သေ ချာကြပ်မတ်ရန်လိုကာ ရပ်ကွက်အလိုက် မီနီအိုးဝေစာ ရင်းကောက်ယူပြီး စာရင်းပြုစုပေးကြရန်နှင့် ရရှိလာသောစာရင်းများအရ လုပ်ငန်းလိုင်စင်မရှိသေးသော မီနီအိုးဝေများအား လုပ်ငန်းလိုင်စင်ပြုလုပ်ပေးမည်ဟုပြောကြားခဲ့ကြောင်း သိရသည်။

ထို့အတူ တိုင်းစည်ပင်ဝန်ကြီးကလည်း မီနီအိုးဝေများအတွက် တူညီဝတ်စုံများသက်မှတ်ပေးမည်ဖြစ်ကာ စည်ပင်ဌာနမှ မီနီအိုးဝေများအတွက် ဂိတ်သက်မှတ်ပေးမည်ဖြစ်ပြီး မီနီအိုးဝေအငှားခေါ်ယူရာတွင် Mobile Application များသုံး၍ခေါ်ယူနိုင်ရေး စီစဥ်ဆောင်ရွက်နေသည်ဟုပြောကြားခဲ့ကြောင်း သိရသည်။

ရန်ကုန်မြို့နယ် ၄ ခုနှင့် သီလဝါတွင် ရေပေးဝေမှု ယာယီအားနည်းနိုင်

ရန်ကုန်တိုင်းဒေသကြီးရှိ ဒဂုံမြို့သစ် (တောင်ပိုင်း)၊ ဒဂုံမြို့သစ် (ဆိပ်ကမ်း)၊ သာကေတနှင့် ဒေါပုံမြို့နယ်တို့အပြင် သီလဝါအထူးစီးပွားရေးဇုန်တွင် လျှပ်စစ်ဓာတ်အား ယာယီပြတ်တောက်မှုကြောင့် ရေပေးဝေမှုအားနည်းခြင်းများ ဖြစ်ပေါ်နိုင်ကြောင်း သိရသည်။

အဆိုပါဒေသများသို့ ရေပေးဝေနေသည့် ရေပေးဝေရေးစခန်း ဇုန် (၈) တွင် ယနေ့ အောက်တိုဘာ ၂၈ ရက် နံနက် ၈ နာရီ ၈ မိနစ်မှစတင်၍ လျှပ်စစ်ဓာတ်အား ယာယီပြတ်တောက်ခဲ့သဖြင့် ရေတွန်းစက်ကြီးများကို ခေတ္တရပ်နားခဲ့ရကြောင်း သိရသည်။

ယင်းသို့ ရေတွန်းစက်များ ခေတ္တရပ်နားခဲ့ရခြင်းကြောင့် သက်ဆိုင်ရာမြို့နယ်များနှင့် သီလဝါအထူးစီးပွားရေးဇုန်ရှိ ရေပေးဝေရေးပိုက်လိုင်းကွန်ရက်များတွင် ရေအားနည်းမှု ဖြစ်ပေါ်နိုင်ခြင်းဖြစ်သည်။

ရေပေးဝေမှုအားနည်းခြင်းကြောင့် ရေသုံးစွဲရာတွင် အခက်အခဲရှိပါက သက်ဆိုင်ရာမြို့နယ် ရေပေးဝေရေးတာဝန်ခံများထံ ဆက်သွယ်မေးမြန်းနိုင်ကြောင်း ဖော်ပြထားသည်။

ဆက်သွယ်ရန် ဖုန်းနံပါတ်များမှာ ဒဂုံမြို့သစ် (တောင်ပိုင်း) မြို့နယ်အတွက် ၅၀၉၄၃၃၅၊ ဒဂုံမြို့သစ် (ဆိပ်ကမ်း) မြို့နယ်အတွက် ၀၉-၄၄၆၇၅၈၃၅၀၊ သာကေတမြို့နယ်အတွက် ၀၉-၄၂၀၀၄၅၂၈၇ နှင့် ဒေါပုံမြို့နယ်အတွက် ၀၉-၄၄၈၀၄၈၇၆၀ တို့ဖြစ်သည်။

လျှပ်စစ်ဓာတ်အား ပြန်လည်ရရှိမည့်အချိန်နှင့် ရေပေးဝေမှု ပုံမှန်ပြန်လည်ဖြစ်ပေါ်မည့်အချိန်တို့ကိုမူ ဖော်ပြထားခြင်းမရှိသေးပေ။

နေပြည်တော် Excellent Unplugged Bar မီးလောင်မှု သုံးယောက် သေဆုံးပြီး သုံးယောက် ဒဏ်ရာရ

နေပြည်တော်၊ ဇမ္ဗူသီရိမြို့နယ်၊ ရွှေကြာပင်ရပ်ကွက်၊ ဧရာဝတီလမ်းရှိ Excellent Unplugged Bar မှာ မနေ့ အောက်တိုဘာ ၂၅ ရက်၊ မွန်းလွဲ ၃ နာရီ ၁၆ မိနစ်ဝန်းကျင်က မီးလောင်မှုဖြစ်ခဲ့ပြီး သုံးယောက် သေဆုံးကာ သုံးယောက် ဒဏ်ရာရခဲ့တယ်လို့ ဒီဖြစ်စဉ်ကို သိရှိသူတွေက ပြောပါတယ်။

“သေဆုံး၊ ဒဏ်ရာရသူတွေက အမျိုးသားတွေချည်းပါပဲ။ သေဆုံးထဲက တယောက်က မီးခိုးမွှန်ပြီး အခင်းဖြစ်နေရာမှာတင် သေတယ်။ နောက်နှစ်ယောက် နေပြည်တော် ခုတင် ၁၀၀၀ ဆေးရုံကို ရောက်ပြီးမှ သေတာပါ။ ဒဏ်ရာရ သုံးယောက်ကလည်း ပြင်းထန်အဆင့်ပါ” လို့ ဒီဖြစ်စဉ်ကို သိရှိသူက ပြောပါတယ်။

စားသောက်ဆိုင် စတိတ်စင် ညာဘက်ခြမ်းမှာ မနေ့ မွန်းလွဲ ၃ နာရီဝန်းကျင်က ဝရိန်ဆော်နေရာက အနီးရှိ အသံလုံ ဖော့တွေပေါ် မီးပွားကျရာကတဆင့် မီးစတင် လောင်ကျွမ်းခဲ့တာလို့ သိရပြီး ဆုံးရှုံးမှုတန်ဖိုး ကျပ် သိန်း ၁၂၀ ဝန်းကျင်ရှိတယ်လို့ သူက ပြောပါတယ်။

“ဆိုင်ပိတ်ထားတဲ့နေ့မှာ မီးလောင်မှု ဖြစ်သွားတာ။ level 2 အထိ ခေါ်ရတယ်။ မီးလောင်နေတဲ့အချိန် အဲဒီလမ်းကို ပိတ်ချထားပြီး တနာရီကျော်လောက် မီးငြှိမ်းသတ်ရတယ်” လို့ သူက ပြောပါတယ်။

ဇမ္ဗူသီရိမြို့နယ်အတွင်း အဲဒီနေ့ တရက်တည်းမှာပဲ နေ့လယ် ၁၂ နာရီဝန်းကျင်က ရေပန်းဥယျာဉ်အနီးမှာ ကားတစီး မီးလောင်မှု ဖြစ်ခဲ့တယ်လို့ သိရပါတယ်။

ဒါအပြင် ပြီးခဲ့တဲ့ အောက်တိုဘာ ၂၄ ရက်နေ့ကလည်း ရှမ်းပြည်နယ်၊ တောင်ကြီးမြို့နယ်၊ ကန်သာရပ်ကွက်၊ နယ်မြေ (၁)၊ မြမဉ္ဇူလမ်းရှိ မီးပုံးပျံပြုလုပ်တဲ့ ဂိုဒေါင်မှာ မီးပုံပျံယမ်းစပ်ရာမှ ပေါက်ကွဲမှုဖြစ်ပြီး မီးလောင်ခဲ့တာမှာ အသက် (၁၃) နှစ်အရွယ် ကလေးတယောက် သေဆုံးကာ အမျိုးသား နှစ်ယောက် ထိခိုက်ဒဏ်ရာ (စိုးရိမ်ရ)၊ အမျိုးသား တယောက် ထိခိုက်ဒဏ်ရာ (မစိုးရိမ်ရ) ရရှိခဲ့တယ်လို့ သိရပါတယ်။

ပြီးခဲ့တဲ့ စက်တင်ဘာလ ၁၃ ရက်နေ့ကလည်း ရန်ကုန်တိုင်း၊ စမ်းချောင်း မြို့နယ်၊ ရှင်စောပုရပ်ကွက်၊ စမ်းချောင်းလမ်း၊ အမှတ်(စ/၁၆) ရှိ Bar 4 U စားသောက်ဆိုင်မှာ မီးလောင်မှု ဖြစ်ခဲ့ပြီး အမျိုးသား နှစ်ယောက် သေဆုံးခဲ့တယ်လို့ သိရပါတယ်။

ဇွန်လ ၁၉ ရက်နေ့ကလည်း ထိုင်း - မြန်မာနယ်စပ်၊ မြဝတီမြို့ပေါ်ရပ်ကွက်ရှိ နေအိမ်တအိမ်မှာ မီးလောင်မှုဖြစ်ခဲ့ပြီး အသက် တနှစ်အရွယ် ယောင်္ကျားလေး တယောက်၊ အသက် (၁၄) နှစ်အရွယ် မိန်းကလေး တယောက် မီးလောင်သေဆုံးခဲ့ကာ အသက် (၇၅) နှစ်အရွယ် အမျိုးသားတယောက် မစိုးရိမ်ရဒဏ်ရာ ရခဲ့တယ်လို့ သိရပါတယ်။

အဲဒီလိုပဲ ပြီးခဲ့တဲ့ ဖေဖော်ဝါရီလ ၁၅ ရက်နေ့ကလည်း ရန်ကုန်တိုင်း၊ မရမ်းကုန်းမြို့နယ်မှာ နေအိမ်နဲ့ တွဲဖွင့်ထားတဲ့ စတိုးဆိုင်တဆိုင် မီးလောင်မှုဖြစ်ခဲ့ပြီး အသက် ၆၂ နှစ်နဲ့ အသက် ၆၀ အရွယ် အမျိုးသမီး နှစ်ယောက် မီးလောင်သေဆုံးခဲ့တယ်လို့ သိရပါတယ်။

တောင်ဥက္ကလာပက နာမည်ကြီး သုံးရောင်ခြယ်ဘိုးတော် မုဒိမ်းမှုနဲ့ ဖမ်းဆီးခံထားရ

ရန်ကုန်တိုင်း၊ တောင်ဥက္ကလာပမြို့နယ်က နာမည်ကြီး လောကီဆရာတယောက်ဖြစ်သူ ကျော်နိုင် (ခ) “သုံးရောင်ခြယ်ဘိုးတော်” ကို တပည့်မဖြစ်သူကို အဓမ္မပြုကျင့်တယ် ဆိုတဲ့ စွပ်စွဲချက်နဲ့ သက်ဆိုင်ရာနယ်မြေ ရဲတပ်ဖွဲ့က ဖမ်းဆီး ထိန်းသိမ်းထားတယ်လို့ လုံခြုံရေးတပ်ဖွဲ့နဲ့ နီးစပ်သူတွေက ပြောပါတယ်။

တောင်ဥက္ကလာပမြို့နယ်၊ (၁၅) ရပ်ကွက်မှာနေထိုင်ပြီး သာသနာပြု ဘွဲ့နှစ်ဘွဲ့ ရရှိထားတယ်လို့ အမည်ခံထားတဲ့ သုံးရောင်ခြယ်ဘိုးတော် ဆိုသူဟာ တပည့်မဖြစ်သူကို ဒဂုံမြို့သစ် (မြောက်ပိုင်း) မြို့နယ်ရှိ ဟိုတယ်တခုကို သုံးကြိမ်တိုင်တိုင် ခေါ်ဆောင်ကာ အဓမ္မ ပြုကျင့်ခဲ့တယ်လို့ စွပ်စွဲခံထားရပါတယ်။

“စွပ်စွဲခံရသူကို သူ့ရဲ့နေအိမ်မှာပဲ ဖမ်းဆီးခဲ့တာပါ။ လောလောဆယ်တော့ စစ်ဆေးမေးမြန်းနေဆဲ အဆင့်မှာပဲ ရှိပါသေးတယ်” လို့ လုံခြုံရေးတပ်ဖွဲ့နဲ့ နီးစပ်သူက ပြောပါတယ်။

တရားလိုဖြစ်သူ အမျိုးသမီးငယ်ရဲ့ တိုင်ကြားချက်အရ စွပ်စွဲခံရသူကို ပြီးခဲ့တဲ့ အောက်တိုဘာ ၂၂ ရက်က ဖမ်းဆီးခဲ့ခြင်းဖြစ်ပြီး မြောက်ဒဂုံ မြို့မရဲစခန်းမှာ ရာဇသတ်ကြီးပုဒ်မ ၃၇၆ (မုဒိမ်းမှု) နဲ့ အမှုဖွင့်ထားတယ်လို့ သူက ပြောပါတယ်။

ရာဇသတ်ကြီးပုဒ်မ ၃၇၆ အရ ပြစ်မှုထင်ရှားပါက ကျူးလွန်သူကို ထောင်ဒဏ် နှစ် ၂၀ ဖြစ်စေ၊ ၁၀ နှစ်အထိ ထောင်ဒဏ်တမျိုးမျိုးဖြစ်စေ၊ ချမှတ်ရမယ့်အပြင် ငွေဒဏ်လည်း ချမှတ်နိုင်တယ်လို့ သိရပါတယ်။

မုဒိမ်းကျင့်ခံရတဲ့ အမျိုးသမီးဟာ အသက် ၁၂ နှစ်အောက်ဖြစ်ပါက ပြစ်မှုကျူးလွန်သူကို ထောင်ဒဏ် တသက်ဖြစ်စေ၊ ထောင်ဒဏ် အနှစ် ၂၀ အထိဖြစ်စေ ချမှတ်နိုင်တယ်လို့ သိရပါတယ်။

ဒီဖြစ်စဉ်နဲ့ ပတ်သက်လို့ ပြည်သူလူထုကြား ဝေဖန်မှုတွေရှိနေပြီး ဘိုးတော် အယောင်ဆောင်တွေဟာ ဘာသာရေး၊ အယူသီးမှုနဲ့ ယတြာတွေကို ခုတုံးလုပ်ကာ အမျိုးသမီးငယ်တွေကို လှည့်ဖြားပြီး အဓမ္မပြုကျင့်မှုတွေကို ကျူးလွန်လေ့ရှိကြတာကြောင့် အထူးသတိပြု ဆင်ခြင်ကြဖို့ ‌သတိပေး ပြောဆိုနေကြပါတယ်။

SSJAC ရဲ့ သတိပေးမှုကို MNDAA တပ်ဖွဲ့က တန်ပြန်ရှုတ်ချ

၁၀၂၇ စစ်ဆင်ရေးအပြီး ရှမ်းပြည်နယ်မြောက်ပိုင်းမှာ ကိုးကန့်တပ်ဖွဲ့ MNDAA က ဒေသခံတွေရဲ့ ဘာသာစာပေ၊ ယာဉ်ကျေးမှုသမိုင်းတွေနဲ့ မြေယာပိုင်ဆိုင် မှု တွေအပေါ် အတင်းအကျပ် ပြောင်းလဲနေတာကို ရပ်တန့်ဖို့အတွက် ရှမ်းပြည်ပူး ပေါင်း ဆောင်ရွက်ရေးကော်မတီ (SSJAC) ရဲ့ အောက်တိုဘာလ ၂၃ ရက်နေ့ ထုတ် ပြန်တောင်းဆိုချက်အပေါ် MNDAA ဘက်က ဒီနေ့မှာ ပြန်လည်ကန့် ကွက် လိုက်ပါတယ်။

SSJAC ဘက်က စွပ်စွဲချက်တွေဟာ အခြေအမြစ်မရှိဘဲ လူမျိုးရေးပဋိပက္ခများ ကို ပိုဖြစ်စေတယ်လို့ MNDAA တပ်ဖွဲ့က SSJAC ကို ဒီနေ့မှာ အိတ်ဖွင့်ပေး စာ ပေးပို့ပြီး ပြန်လည်တုံ့ပြန်ခဲ့တာကို တွေ့ရပါတယ်။

ကိုးကန့်အထူးဒေသ (၁) အတွင်းမှာ အင်္ဂလိပ်စာပေကို သူငယ်တန်းကနေစပြီး သင်ကြားပေးနေပြီး တရုတ်စာပေကိုတော့ မဖြစ်မနေ သင်ရမယ်လို့ သတ်မှတ် ထားတာမရှိဘူးလို့ MNDAA က ဆိုပါတယ်။

တအာင်းနဲ့ ရှမ်းတိုင်းရင်းသားတွေ အများစုရှိတဲ့ ကျေးရွာတွေမှာတော့ တအာင်းနဲ့ ရှမ်းဘာသာစာပေများကို သင်ယူခွင့်ပြုထားတယ်လို့ MNDAA ရဲ့ အိတ်ဖွင့်ပေးစာမှာ ဖော်ပြထားပါတယ်။

မြေယာပိုင်ဆိုင်ခွင့်မှာလည်း မြန်မာနိုင်ငံသားဖြစ်သူတွေနဲ့ အထူးဒေသ (၁) မှတ်ပုံတင်ကိုင်ဆောင်သူတွေကို သေချာစိစစ်ပြီးမှသာ ခွင့်ပြုတာကြောင့် နိုင်ငံခြားသားတွေ မြေယာပိုင်ဆိုင်မယ်ဆိုတာ မဟုတ်ဘူးလို့ MNDAA က ငြင်းဆိုပါတယ်။

MNDAA က ရှမ်းတိုင်းရင်းသားအများစုရှိတဲ့ သိန္နီကို မူပန်လို့ အမည်ပြောင်းခဲ့ ပြီး ရှမ်းကျေးရွာဆိုင်းဘုတ်တွေကို ဖျက်ဆီးခဲ့တဲ့အပေါ် ဒေသခံတွေနဲ့ SSJAC က ပြင်းပြင်း ထန်ထန် ကန့်ကွက်ထားတာပါ။

MNDAA ဘက်ကတော့ သမိုင်းဝင်မြို့ရွာအမည်တွေကို အတင်းအကျပ် ပြောင်း လဲတာမရှိဘဲ ကိုးကန့်အုပ်ချုပ်ရေးအတွက် အဆင်ပြေအောင်သာ အမည်တွဲ ခေါ်တာ ဖြစ်တယ်လို့ တုံ့ပြန်ပါတယ်။

လွတ်လပ်စွာပြောဆိုခွင့်နဲ့ပတ်သက်ရင်လည်း ဒေသခံလူထုရဲ့ လွတ်လပ်စွာ ပြော ဆိုခွင့်ကို ဥပဒေဘောင်ကနေ ခွင့်ပြုထားပြီး ကန့်သတ်ထားတာမရှိဘူးလို့ လည်းMNDAA က ဆိုပါတယ်။

SSJAC ရဲ့ ပြောဆိုချက်တွေဟာ မြေပြင်အခြေအနေနဲ့ ကင်းကွာနေပြီး ငြိမ်း ချမ်းစွာ အတူယှဉ်တွဲနေထိုင်ရေးကို ထိခိုက်စေသလို လူမျိုးရေးပဋိပက္ခ တွေ ကိုသာ ဖြစ်စေတာကြောင့် ကန့်ကွက်တယ်လို့ MNDAA က ဆိုပါတယ်။

MNDAA ရဲ့ လုပ်ရပ်တွေကို မရပ်တန့်ရင် ဒေသခံပြည်သူတွေရဲ့ သမိုင်း၊ ယဉ် ကျေးမှု၊ အကျိုးစီးပွား ရပ်တည်ခွင့်ကို ကာကွယ်ဖို့အတွက် နိုင်ငံရေးနှင့် လူမှု ရေးဆိုင်ရာ တုံ့ပြန်မှုတွေကို ပြင်းပြင်းထန်ထန် လုပ်သွားမယ်လို့ SSJAC ရဲ့ ထုတ်ပြန်ချက်ဟာ မှားယွင်းတဲ့စွပ်စွဲချက်ဖြစ်လို့ လက်မခံဘူးလို့ MNDAA က တုံ့ပြန်ပါတယ်။

SSJAC အဖွဲ့ကို ၁၉၉၆ ခုနှစ်မှာ ရှမ်းတိုင်းရင်းသားများ ဒီမိုကရေစီအဖွဲ့ချုပ် (SNLD) နဲ့ ရှမ်းလက်နက်ကိုင် နှစ်ဖွဲ့တို့ ပူးပေါင်းပြီး ဖွဲ့စည်းခဲ့တာပါ။

အခုလို တင်းမာတဲ့ အခြေအနေတွေအပေါ် အခြေခံပြီး စစ်ပွဲတွေဖြစ်မှာကို ဒေသခံတွေကြားမှာ စိုးရိမ်မှုတွေ ရှိနေကြပါတယ်။

“ရှမ်းလက်နက်ကိုင်အဖွဲ့နဲ့ ကိုးကန့်က မနှစ်ကလည်း နယ်မြေကိစ္စနဲ့ တိုက်ပွဲ ဖြစ်ထားတာ။ အခုလည်း ဒီအခြေအနေတိုင်းဆို တိုက်ပွဲတွေ ပြန်ဖြစ်မလား ကြောက်နေရပြီ” လို့ သီပေါမြို့ခံ အမျိုးသားတစ်ဦးက ပြောပါတယ်။

၁၀၂၇ တိုက်ပွဲနောက်ပိုင်း ရှမ်းပြည်နယ်မြောက်ပိုင်းက မြို့တွေကို သိမ်းထား တဲ့ တိုင်းရင်းသားလက်နက်ကိုင်အဖွဲ့တွေက ဒေသခံတွေရဲ့ သဘောတူညီချက် မရှိဘဲ မိမိတို့အဖွဲ့ရဲ့ ဘာသာစာပေတွေကို အဓိကထားသုံးတာ၊ ဒေသခံတွေရဲ့ မြေယာတွေမှာ ရွှေနဲ့သတ္တုတူးတာ၊ တရုတ်နိုင်ငံသား ရင်းနှီးမြှုပ်နှံသူတွေကို ခေါ်သွင်းလာတာတွေ ရှိတဲ့အတွက် ဒေသခံတိုင်းရင်းသားတွေနဲ့ မကြာခဏ ပဋိပက္ခဖြစ်လေ့ရှိပါတယ်။

အမြန်လမ်းမောင်းတဲ့ ခရီးသည်တင်ကားတွေအနေနဲ့ ခရီးသည်ပစ္စည်းကလွဲပြီး ကျန်တဲ့ကုန်မတင်ရ

ရန်ကုန် - မန္တလေးအမြန်လမ်းကို သွားလာမယ့် ခရီးသည်တင် Express ကားတွေအနေနဲ့ ခရီးသည်ပစ္စည်းကလွဲပြီး ကျန်တဲ့ကုန်တွေမတင်ဖို့ အမြန်လမ်းမကြီးထိန်းသိမ်းပြုပြင်ရေးနှင့်ကြီးကြပ်ရေးအဖွဲ့က သတိပေးလိုက်ပါတယ်။

ခရီးသည်ပစ္စည်းအပြင် ကျန်တဲ့ကုန်ပစ္စည်းတွေတင်တာကို စစ်ဆေးတွေ့ရှိပါက အမြန်လမ်းမကြီး ဥပဒေအရ အရေးယူခံရမယ့်အပြင် အမြန်လမ်းသုံးစွဲခွင့်ပါ ရုပ်သိမ်းမယ်လို့ ဆိုပါတယ်။

ခရီးသည်တင်ကားမှာ ကုန်တင်ပါက ကုန်အလေးချိန်ကြောင့် ယာဥ်ဘီးပေါက်တာ ၊ ဘရိတ်မမိတာ ၊ တိမ်းမှောက်တာတွေ ဖြစ်နိုင်တဲ့အတွက် ခရီးသည်ရဲ့ပစ္စည်းကလွဲပြီး ကျန်တဲ့ကုန်တွေ မတင်ဖို့ သတိပေးတာ ဖြစ်တယ်လို့သိရပါတယ်။

အဲဒီအပေါ် ခရီးသည်တင်ယာဥ်လိုင်းတခုရဲ့ ယာဥ်မောင်းက " ခရီးသည် သီးသန့်တင်ရင် အခုကားခယူတဲ့စျေးနူန်းနဲ့ ဆီစျေးနဲ့ဆိုရင် မကိုက်ဘူး။ ကုန်မတင်ရင်ယာဥ်လိုင်းအရှုံးပေါ်နိုင်တယ်။
တွက်ချေမကိုက်ဘူး။ကားတွေကပုံမှန်ရက်ဆိုရင် လူပြည့်အောင်ဆွဲရတာ နည်းတယ်လေ။ " လို့ မှတ်ချက်ပြုပြောပါတယ်။

ခရီးသည်တင် express ကားတွေအနေနဲ့ က.ည.နကသတ်မှတ်ထားတဲ့ ခရီးသည်ဦးရေအတိုင်းသာတင်ဆောင်ခြင်း၊တာယာ နဲ့ ဘရိတ် ၊ အောက်ပိုင်းစနစ်ကို အမြဲစစ်ဆေးခြင်း ပြုလုပ်ဖို့လည်း သတိပေးထားပါတယ် ။

အောက်တိုဘာ ၂၄ ရက်နေ့ ညနေပိုင်းက ပြင်ဦးလွင် - မန္တလေး အဆင်းလမ်း (၁၉/၃) အနီးမှာ နယူးမန္တလာထွန်းခရီးသည်တင် Express ကားဘရိတ်ပေါက်ပြီး ချောက်ထဲထိုးကျကာ လူသေဆုံးနဲ့ထိခိုက်ဒဏ်ရာရရှိသူများခဲ့တဲ့ ဖြစ်စဥ်အပြီးမှာ အမြန်လမ်းအသုံးပြုတာနဲ့ပတ်သက်ပြီး ခုလိုထုတ်ပြန်ခဲ့တာ ဖြစ်ပါတယ် ။

ခုလို ထုတ်ပြန်တဲ့အပေါ် ခရီးသွားပြည်သူတွေကတော့ သဘောကျပြီး ထုတ်ပြန်တဲ့အတိုင်း လိုက်နာမှုမရှိတဲ့ စည်းကမ်းဖောက်ဖျက်တဲ့ ကားတွေကို ထိထိရောက်ရောက် အရေးယူပေးဖို့ ပြောဆိုနေပါတယ်။

" ခရီးသည်တင်တဲ့ကားဆိုပေမယ့် နောက်ခန်းမှာ ကုန်တွေအပြည့်တင်တာမျိုးလည်းကြုံဖူးတယ်။ ပစ္စည်းတွေအတင်အချလုပ်လို့ ခရီးကြန့်ကြာတာတွေလည်းရှိတယ်။ကားသမားတွေကတော့ ကုန်မတင်ရင် မကိုက်ဘူးလို့ ပြောကြတာပဲ။ ကျွန်မတို့အခုပေးရတဲ့ ကားခတွေကလည်း မနည်းဘူးလေ။ ခရီးသည်တင်ကားဆိုရင် ခရီးသည်သီးသန့်ပဲ တင်စေချင်တယ်။ကားမောင်းရင်း ဖုန်းပြောတာတွေလည်း အရေးယူဖို့လိုတယ်။ " လို့ ခရီးသွားပြည်သူတယောက်က ပြောပါတယ်။

အမြန်လမ်းပေါ်မှာ ဖြစ်ပွားတဲ့ ယာဥ်တိုက်မှု ၊ တိမ်းမှောက်မှု ၊ မီးလောင်မှုတွေဟာ ယာဥ်မောင်းအိပ်ငိုက်ခြင်းကြောင့်အပြင် သက်တမ်းလွန်တာယာပွင့်ထွက်ခြင်း၊ ပန်းမရှိလို့ လမ်းချော်ခြင်း၊ ဘရိတ်ချို့ယွင်းခြင်း၊သတ်မှတ်မိုင်နူန်းထက် အရှိန်ပိုများပြီးမောင်းခြင်းကြောင့် ဖြစ်ပွားလေ့ရှိတာဖြစ်တယ်လို့ သိရပါတယ်။

၂၀၂၆ ခုနှစ် ဇန်နဝါရီကနေ ဩဂုတ်လကုန်အထိ အမြန်လမ်းမမှာ ယာဥ်မတော်တဆ ဖြစ်ပွားမှုအနေနဲ့ ယာဉ်မတော်တဆမှု ၅၂ မှု ရှိခဲ့ပြီး သေဆုံးသူ ၃၂ ယောက် နဲ့ ထိခိုက်ဒဏ်ရာ ရရှိသူ ၆၃ ယောက် အထိရှိခဲ့တယ်လို့ သိရပါတယ်။

ပြင်ဦးလွင် အနီးစခန်း လေဆိပ်နဲ့ ကပ်လျှက်က နေအိမ်တခုအတွင်းက ပစ္စည်းတွေ အကုန်နီးပါး ဖောက်ထွင်းခိုးယူခဲ့တဲ့ သူခိုးတချို့ကို ဖမ်းမိပြီ

မန္တလေးတိုင်း၊ ပြင်ဦးလွင်မြို့နယ်၊ အောင်ချမ်းသာကျေးရွာအုပ်စု၊ မြတ်မင်္ဂလာရပ်ကွက်၊ မန္တလေး-ပြင်ဦးလွင် အတက်ကားလမ်းဘေးက နေအိမ်ခြံဝန်းထဲက ပစ္စည်းတွေကို ပိုင်ရှင်မရှိခိုက် ခိုးယူခဲ့တဲ့ သူခိုးတွေထဲက သူခိုးနှစ်ယောက်ကို ဖမ်းမိပြီး သက်သေခံ ပစ္စည်းတချို့ကိုလည်း သိမ်းဆည်းရမိပြီလို့ သိရပါတယ်။

ဒေါ်မာမာမြင့် က " ကျမအိမ်က ခိုးသွားတဲ့ သူခိုးတချို့မိပြီး ပစ္စည်းတချို့လည်း ရဲစခန်းမှာ သက်သေအနေနဲ့ ပြန်သိမ်းထားနိုင်ပြီလို့ အကြောင်းကြားပါတယ်။ အကုန်တော့မရသေးပေမယ့် အချိန်တိုအတွင်း တရားခံဖော်ထုတ်နိုင်တဲ့ ရဲတပ်ဖွဲ့ကို ကျေးဇူး တင်ရပါတယ်" လို့ VOM ကိုပြောပါတယ်။

ဖြစ်စဥ်မှာ အိမ်ရှင်ဒေါ်မာမာမြင့်ရဲ့ နေအိမ်ခြံဝင်းအတွင်းက မီးစက်အိမ် အတွင်းထားရှိတဲ့ GS တံဆိပ်ပါ 12 V အဖြူရောင် ဘတ္ထရီအိုး(၁)လုံး၊ မီးစက်ဘေးထားရှိတဲ့ အမျိုးအစားမမှတ်မိ (၂)လုံးထိုး ကွန်ပရက်ဆာ(၁)ခု၊(၁)ကောင်ခွဲ မော်တာ (၁)လုံးနဲ့ ခြံဝန်းအတွင်းမှာ ထားရှိတဲ့ သုံးယောက်ထိုင်စတီးဒန်း(၁)ခုနဲ့နေအိမ်အတွင်းက ဧည့်ခန်းအတွင်းတွင်ထားရှိတဲ့ ကျွန်းစတီစားပွဲကြီး(၁)လုံး၊ ကျွန်းစတီစားပွဲအသေး(၁)လုံး၊ ကျွန်း(၁)ယောက်ထိုင်ခုံ(၄)လုံး၊ ကျွန်း(၃)ယောက် ထိုင်ခုံ(၁) လုံး၊ အမြင့်(၅)ပေခန့်ရှိ ကြိတ်သားအလှဘီရို(၁)လုံး၊ SAMSUNG အမျိုးအစား ၅၂ လက်မ Flat TV (၁)လုံး၊ DVD စက်(၁)ခု၊ သံခေါက်ကုတင်(၁)လုံး၊ စွမ်းအားတံဆိပ်ပါ 10 KV မီးအားမြှင့်စက်(၁)လုံးတို့ ပျောက်ဆုံးခဲ့တယ်လို့ အိမ်ရှင်က ပြောပါတယ်။

မီးဖိုခန်းအတွင်းမှာ ရှိတဲ့ ကျွန်းထမင်းစားစာပွဲဝိုင်း(၁) လုံး၊ ကျွန်းကုလားထိုင် (၆)လုံး၊ ခြံထဲတွင်ထိုင်ရန် သံဖြင့်ပြုလုပ်ထားသော အလှစားပွဲအဝိုင်း အဖြူရောင်(၁)လုံး၊ အနက်ရောင်(၁)လုံး၊ သံထိုင်ခုံ(၈) လုံး၊ LG အမျိုးအစား အမြင့် (၅)ပေခန့်ရှိ 2DOOR အနက်ရောင်ရေခဲသေတ္တာ(၁)လုံး၊ LG အမျိုး အစား အမြင့်(၄) ပေခန့်ရှိ အနက်ရောင်အဝတ်လျှော်စက်(၁)လုံး၊ MISUHITA အမျိုးအစားဒယ်နီအိုးအကြီး(၁)လုံး၊ အသေး(၁)လုံး၊ အမြင့်(၄) ပေခန့်ရှိ အလူမီနီယံ(၄)ဆင့်ကြောင်အိမ် (၁)လုံးတို့မှာလည်း ပျောက်ဆုံးခဲ့တယ်လို့ သိရပါတယ်။

အိမ်အပေါ်ထပ်သို့ သွားရောက်ကြည့်ရှုရာ အပေါ်ထပ်ရှိအိပ်ခန်း (၃)ခန်းတွင် ထားရှိသော SAMSUNG အမျိုးအစား ၅၂ လက်မ Flat TV (၁)လုံး၊ ၆ပေ-၆ပေခွဲ ဆွီးတီးဟုမ်း(၂) ယောက်အိပ်မွေ့ယာ ၊ အဝါရောင်(၂)ခု၊ ပန်းရောင်(၁)ခု၊ ဆွီးတီးဟုမ်း(၁)ယောက်အိပ်မွေ့ယာ အနီရောင်(၁)ခု၊ အပြာရောင်(၁)ခု၊ (၃)ပေခွဲခန့်ရှိ အလှဘီရို(၁)လုံး၊ ကုတင်ဘေးမှာ ထားတဲ့ ကြိတ်သားစားပွဲအသေး(၁)လုံး၊ Chanel 5 တံဆိပ်ပါ 100 mml ရေမွှေးပုလင်း(၁)ပုလင်း၊Mount Balance တံဆိပ်ပါ 100 mml ရေမွှေးပုလင်း(၁)ပုလင်းတို့ ပျောက်ဆုံးခဲ့တယ်လို့ အိမ်ရှင် ဒေါ်မာမာမြင့်က ပြောပါတယ်။

၇-၁၀-၂၀၂၆ ရက်နေ့တွင် နေအိမ်နှင့် ခြံဝန်းတံခါးတွေသော့ ခတ်ပြီး မန္တလေးမြို့ကနေအိမ်ကို အိမ်ရှင် ဒေါ်မာမာမြင့် မြင့်က ပြန်လည်နေထိုင်ပြီး ၂၄-၁၀-၂၀၂၆ ရက်နေ့ နေ့လည်(၁၂)နာရီအချိန်ခန့်မှာ မြတ်မင်္ဂလာရပ်ကွက်ကို ပြန်လာချိန်မှ ခြံဝန်းအတွင်းက ပစ္စည်းတွေကို ခိုးယူခံရတာသိခဲ့တဲ့အတွက် သက် ဆိုင်ရာ ရဲစခန်းကို တိုင်တန်းထားတယ်လို့ သိရပါတယ်။

ဒီကိစ္စနဲ့ပတ် သက်ပြီး ပြင်စာရဲစခန်းကို ဖုန်းခေါ်ပြီး မေးမြန်းတဲ့အခါ ဒီအမှုအတွက် အမှုမှန်ပေါ်ပေါက်ဖို့ စုံစမ်းနေတယ်ပါတယ် နှစ်ယောက်ဖမ်းမိပြီး ပစ္စည်းတချို့ သိမ်းဆည်းရမိထားပါတယ်၊ ကျန်ရှိနေတဲ့ တရားခံ တွေကိုလည်း ဖမ်းဆီးနိုင်ရေးဆောင်ရွက်နေတယ်လို့ ပြန်လည်ဖြေဆိုပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

(၂၀၂၆ - အောက်တိုဘာ ၂၈ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၀၄၄ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၇,၁၀၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၁၀၀,၀၀၀ ကျပ်
ဝယ်ဈေး ၁၀,၀၆၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၉,၇၀၀,၀၀၀ ကျပ်
ဝယ်ဈေး ၉,၆၆၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၉၈၀,၀၀၀ ကျပ်
ဝယ်ဈေး ၉,၉၄၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၉,၅၈၀,၀၀၀ ကျပ်
ဝယ်ဈေး ၉,၅၄၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၀ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၆၆၀ ကျပ်
ဝယ်ဈေး - ၄၆၃၃ ကျပ်

-စင်္ကာပူဒေါ်လာ
ရောင်းဈေး - ၃၆၆၃ ကျပ်
ဝယ်ဈေး - ၃၅၈၉ ကျပ်

-ယူရို
ရောင်းဈေး - ၅၂၆၀ ကျပ်
ဝယ်ဈေး - ၅၁၂၀ ကျပ်

-ထိုင်းဘတ်
ရောင်းဈေး - ၁၃၉.၈၆ ကျပ်
ဝယ်ဈေး - ၁၃၆.၀၅ ကျပ်

-မလေးရှားရင်းဂစ်
ရောင်းဈေး - ၁၁၄၉ ကျပ်
ဝယ်ဈေး - ၁၁၂၆ ကျပ်

-တရုတ်ယွမ်
ရောင်းဈေး - ၇၀၂ ကျပ်
ဝယ်ဈေး - ၆၈၈ ကျပ်

-ဂျပန်ယန်း
ရောင်းဈေး - ၂၉.၆၅ ကျပ်
ဝယ်ဈေး - ၂၉.၀၅ ကျပ်

-အိန္ဒိယရူပီး
ရောင်းဈေး - ၄၉.၇၂ ကျပ်
ဝယ်ဈေး - ၄၈.၃၇ ကျပ်

-ကိုရီးယားဝမ်
ရောင်းဈေး - ၃.၅၃ ကျပ်
ဝယ်ဈေး - ၃.၄၆ ကျပ်

-စတာလင်ပေါင်
ရောင်းဈေး - ၆၂၅၆ ကျပ်
ဝယ်ဈေး - ၆၁၂၉ ကျပ်

-ဩစတြေးလျဒေါ်လာ
ရောင်းဈေး - ၃၂၇၉ ကျပ်
ဝယ်ဈေး - ၃၂၁၃ ကျပ်

-ကနေဒါဒေါ်လာ
ရောင်းဈေး - ၃၃၆၅ ကျပ်
ဝယ်ဈေး - ၃၂၇၅ ကျပ်

-ဟောင်ကောင်ဒေါ်လာ
ရောင်းဈေး - ၅၉၈ ကျပ်
ဝယ်ဈေး - ၅၈၆ ကျပ်

-ယူအေအီး
ရောင်းဈေး - ၁၂၇၈ ကျပ်
ဝယ်ဈေး - ၁၂၅၂ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။