Sell your mobile phone in Dubai quickly and get instant cash at the best price. Enjoy free pickup, secure payment, and a smooth process. Turn your used phone into cash today without any hassle.

Visit us: https://gadzy.ae/sell

#sellmobilephonedubai #dubaiphones #selloldphone #instantcashdubai #phoneresale #usedmobiledubai #cashforphone #dubaimarketplace #techresale #quickcashuae #sellsmartphone #mobileselling #dubaideals #onlinephonesale #easyselling #gadzy

Merlot Wine Market to Exceed $18.6 Billion by 2032 at 5.9% CAGR: Production, Consumption, and Regional Insights

The global Merlot Wine market was valued at approximately $11.2 billion in 2023, increasing from $10.5 billion in 2022, reflecting a year-over-year (YoY) growth of 6.7%. Rising global wine consumption and premiumization trends are driving demand. The market is projected to reach $18.6 billion by 2032, expanding at a CAGR of 5.9% from 2024 to 2032. Total consumption volume reached 3.9 billion liters in 2023, up from 3.5 billion liters in 2021, marking an 11.4% increase.

Read More -> https://marketintelo.com/report/merlot-wine-market

ရတနာပုံအသင်း တိုက်စစ်ပိုင်းအတွက် အားဖြည့်ရန် တိုက်စစ်မှူး ဆွင်းလမ်မန်ကိုခေါ်ယူ

ရတနာပုံအသင်း၏ တိုက်စစ်ပိုင်းအတွက် အားဖြည့်ရန် မြန့်မာ့လက်ရွေးစင်ဟောင်း တိုက်စစ်မှူး ဆွင်းလမ်မန်ကိုအသင်းက ခေါ်ယူလိုက်ပြီဖြစ်ကြောင်း သိရသည်။

ဆွင်းလမ်မန်သည် ပြည်တွင်းနှင့် ပြည်ပကလပ်အသင်းများတွင် ကစားခဲ့သည့် အတွေ့အကြုံရင့်သူဖြစ်သလို ဂိုးသွင်းယူနိုင်စွမ်း မြင့်မားပြီး အသင်းအတွက် အစွမ်းကုန် ပေးဆပ်ကစားတတ်သည့် ကစားသမားတစ်ဦး ဖြစ်သည်ဟု အသင်းက ဖော်ပြထားသည်။

ရတနာပုံအသင်းအနေဖြင့် နည်းပြချုပ် ဦးမင်းထွန်းလင်းကို ခန့်အပ်ခဲ့ပြီးနောက် ပထမဆုံး ကစားသမားခေါ်ယူမှုအဖြစ် ဒဂုံစတားယူနိုက်တက် အသင်းခေါင်းဆောင် ဆွမ်လန်မန်ကို ခေါ်ယူခဲ့ခြင်းလည်းဖြစ်သည်။

ဆွမ်လန်မန်သည် လက်ရွေးစင်ဟောင်း တစ်ဦးဖြစ်သလို ထိုင်းလိဂ်ကလပ်များတွင် ကစားခဲ့သူဖြစ်ကာ မြန်မာနေရှင်နယ်လိဂ်ကလပ်များဖြစ်သည့် ဇွဲကပင်၊ ချင်းယူနိုက်တက်၊ ရန်ကုန်ယူနိုက်တက်၊ ရှမ်းယူနိုက်တက် စသည့်အသင်းများတွင် ကစားခဲ့ဖူးသည့် ဝါရင့်ကစားသမား တစ်ဦးလည်း ဖြစ်သည်။

ဘိုင်ယန်မြူးနစ်အား ရှုံးနိမ့်တဲ့ ချန်ပီယံလိဂ်ပွဲမတိုင်မီ ကိုယ်လုံးတီး ပရိသတ်တစ်ဦးရဲ့ နှောင့်ယှက်မှုနှင့် ရင်ဆိုင်ခဲ့ရတဲ့ ရီးရဲလ်မက်ဒရစ်
======================
ရီးရဲလ်မက်ဒရစ်စတားများဟာ မနေ့ညတုန်းက ဘိုင်ယန်မြူးနစ်အား ရှုံးနိမ့်တဲ့ ချန်ပီယံလိဂ်ကွာတားဖိုင်နယ်ပထမအကျော့ပွဲစဉ်မတိုင်မီ ဘာနေဗျူးကွင်းသို့ သွားရာလမ်းတွင် ပရိသတ်တစ်ဦးရဲ့ ကြိုဆိုခြင်းခံရပေမယ့်လည်း ကြိုဆိုရာ မရောက်ဘဲ နှောင့်ယှက်ခံရသလို ဖြစ်ခဲ့ရပါတယ်။

ရီးရဲလ်မက်ဒရစ်ပရိသတ်များဟာ ဘိုင်ယန်မြူးနစ်နှင့်ပွဲအတွက် ဘာနေဗျူးကွင်းသို့ လာရောက်တဲ့ အသင်းဘတ်စ်ကားကို ကြိုဆိုခဲ့ကြပါတယ်။

ဒါပေမယ့် အဝတ်ဗလာဖြင့် ပရိသတ်တစ်ဦးဟာ ရီးရဲလ်မက်ဒရစ်အသင်းဘတ်စ်ကားရှေ့မှ ပြေးလွှားနေမှုနှင့်အတူ အနှောင့်အယှက်ဖြစ်ခဲ့ရပါတယ်။

ပိုပြီးတော့ ဆိုးရွားတာက လုံခြုံရေးရဲတပ်ဖွဲ့တစ်ဦးက ယင်းပရိသတ်ကို ကန်ကျောက်ရန် ရွယ်ခဲ့သေးတာ တွေ့ရပါတယ်။

ရီးရဲလ်မက်ဒရစ်အသင်းသားများ လိုက်ပါလာတဲ့ ဘတ်စ်ကားဟာ ယင်းအဖြစ်အပျက်ကြောင့် နှေးကွေးစွာသာ မောင်နှင်ခဲ့ရပါတယ်။

တဖက်တွင် ရီးရဲလ်မက်ဒရစ်ပရိသတ်များဟာ လမ်းတွင် စီတန်းကာ အသင်းရဲ့ သီချင်းများကို သီဆိုပြီး ကြိုဆိုခဲ့ကြပါတယ်။

ချန်ပီယံလိဂ်သမိုင်းတွင် အအောင်မြင်ဆုံးအသင်းဖြစ်တဲ့ ရီးရဲလ်မက်ဒရစ်ဟာ မနေ့ညတုန်းက ဘာနေဗျူးကွင်းပွဲစဉ်တွင် လူးဝစ်ဇ်ဒီယာ့ဇ်နှင့် ဟယ်ရီကိန်းတို့ရဲ့ ဂိုးကြောင့် ၂-၁ ဖြင့် အရေးနိမ့်ခဲ့ရပါတယ်။

ပီအက်စ်ဂျီနှင့် ချန်ပီယံလိဂ်ကွာတားဖိုင်နယ်ပွဲစဉ်မတိုင်မီ လီဗာပူးစတားများကို ပြင်းထန်စွာ သတိပေးလာတဲ့ အန်းဆလော့
====================
လီဗာပူးနည်းပြအန်းဆလော့က စနေနေ့တုန်းက မန်စီးတီးနှင့်ပွဲစဉ်တုန်းက ခြေစွမ်းမျိုးဖြင့် ဆက်လက်ကစားလာမည်ဆိုပါက ပီအက်စ်ဂျီနှင့် ချန်ပီယံလိဂ်ကွာတားဖိုင်နယ်ပထမအကျော့ပွဲစဉ်တွင် နောက်ထပ် ၄ ဂိုးသွင်းခြင်းခံရလိမ့်မယ်လို့ လီဗာပူးစတားများကို သတိပေးပြောကြားလာပါတယ်။

ဆလော့ဦးဆောင်တဲ့ လီဗာပူးဟာ စနေနေ့တုန်းက အက်ဖ်အေဖလားကွာတားဖိုင်နယ်တွင် မန်စီးတီးအား ၄-၀ ဂိုးဖြင့် အရေးနိမ့်ခဲ့ပြီး ယင်း ၄ ဂိုးမှာ ပွဲချိန် ၅၈ မိနစ်အတွင်း ပေးခဲ့ရတာလည်း ဖြစ်ပါတယ်။

ယင်းပွဲအပြီးတွင် လီဗာပူးအသင်းခေါင်းဆောင်ဗာဂယ်ဗန်ဒိုက်က လီဗာပူးကစားသမားများမှာ ပထမပိုင်းနှင့် ဒုတိယပိုင်းတို့တွင် ပွဲချိန် မိနစ် ၂၀ တွင် ဆိုးရွားစွာ ကစားမှုနှင့်အတူ ၄ ဂိုးပေးလိုက်ရတာလို့ ဆိုသွားပါတယ်။

ယခုအခါ အန်းဆလော့က လီဗာပူးအနေဖြင့် မန်စီးတီးနှင့်ပွဲစဉ်တုန်းက ပထမဆုံး ၃၅ မိနစ်တုန်းကကဲ့သို့ ကစားမည်ဆိုပါက ပီအက်စ်ဂျီကို ကျော်ဖြတ်ကာ ချန်ပီယံလိဂ်ဆီမီးဖိုင်နယ်သို့ တက်နိုင်စွမ်း ရှိကြောင်း ဆိုလာပါတယ်။

ယနေ့ည Parc des Princes ပွဲစဉ်မတိုင်မီ အန်းဆလော့က "မန်စီးတီးနဲ့ပွဲတုန်းက မိနစ် ၂၀ မျိုးသာ ကစားရင် ကျုပ်တို့ နောက်ထပ် လေးဂိုးထပ်ပေးရပါလိမ့်မယ်။ ကျုပ်တို့သာ အဲဒီလို မိနစ် ၂၀ မျိုး ကစားလာရင် ဒီပီအက်စ်ဂျီကစားသမားတွေက ဘာလုပ်ရမလဲဆိုတာ သိကြပါတယ်။ ဒီတော့ ပထမမိနစ်ကနေ နောက်ဆုံးစက္ကန့်အထိ မန်စီးတီးနဲ့ပွဲတုန်းက ၃၅ မိနစ်တုန်းက ခြေစွမ်းနဲ့ကစားဖို့က စိန်ခေါ်မှု ဖြစ်နေပါတယ်။ အဲဒီလိုသာ မကစားနိုင်ရင် ခက်ခဲတဲ့ ညတစ်ညထပ်ကြုံလာပါမယ်။ ပြီးခဲ့တဲ့နှစ်တုန်းက ဒီမှာ ကျုပ်တို့ ၄-၀ နဲ့တောင် ရှုံးဖို့ ထိုက်တန်ခဲ့တယ်။ ဒီထက်လည်း ပေးရနိုင်တယ်။ ဒါပေမယ့် ဘောလုံးရဲ့အလှအပတရားဆိုတာ ၈၅ မိနစ်မှာ ဂိုးသွင်းလိုက်ပြီဆိုတာနဲ့ အခိုးခံလိုက်ရတယ်လို့ ပြောတတ်ကြတယ်"လို့ ပြောကြားသွားပါတယ်။

လီဗာပူးဟာ ပြီးခဲ့တဲ့ရာသီတုန်းက ဂိုးသမားအလစ်ဆင်ရဲ့ လက်စွမ်းပြမှုကြောင့် ပီအက်စ်ဂျီကို အဝေးကွင်းမှာ ၁-၀ ဖြင့် အနိုင်ရခဲ့ပေမယ့် ဒုတိယအကျော့ အန်ဖီးလ်ပွဲစဉ်တွင် ၁-၀ ဖြင့်ပင် ရှုံးနိမ့်ပြီးနောက် ပင်နယ်တီအဆုံးအဖြတ်တွင် အရေးနိမ့်ခဲ့ပါတယ်။

နှလုံးဖောက်ပြီး ရက်အနည်းငယ်အကြာတွင် ရိုမေးနီးယားနည်းပြဟောင်းလူဆက်ကူ ကွယ်လွန်
=====================
မာစီယာလူဆက်စ်ကူဟာ ရိုမေးနီးယားနည်းပြရာထူးမှ နုတ်ထွက်ပြီး ၅ ရက်အကြာတွင်ပင် ကွယ်လွန်လာခဲ့ပါတယ်။

အသက် ၈၀ နှစ်ရှိ ဝါရင့်နည်းပြကြီးဟာ လက်ရွေးစင်အသင်းတွေ့ဆုံဆွေးနွေးပွဲတစ်ခုတွင် နှလုံးဖောက်ကာ မေ့လဲကျပြီးနောက် ဧပြီလ ၂ ရက်နေ့တုန်းက ရိုမေးနီးယားနည်းပြရာထူးမှ နုတ်ထွက်ခဲ့ပါတယ်။

ယင်းနောက် လူဆက်စ်ကူဟာ နောက်တစ်နေ့တွင် နှလုံးရောဂါဝေဒနာထပ်မံ ခံစားရပြီး ဘူခါရက်ရှိ University Hospital တွင် တက်ရောက်ကုသခဲ့ရပြီး ပြန်လည်ကောင်းမွန်လာခြင်းမရှိဘဲ ကွယ်လွန်လာခဲ့ပြီ ဖြစ်ပါတယ်။

လူဆက်စ်ကူဟာ ဘောလုံးသမိုင်းတွင် တတိယအအောင်မြင်ဆုံးနည်းပြအဖြစ် ရပ်တည်နေသူ ဖြစ်ပါတယ်။

သူဟာ ဆုဖလား ၃၈ လုံးဖြင့် ဆာအဲလက်စ်ဖာဂူဆန် (၄၉)၊ ပက်ဂွါဒီယိုလာ(၄၁)တို့ပြီးလျင် တတိယအအောင်မြင်ဆုံးနည်းပြအဖြစ် ရပ်တည်နေတာပါ။

လူဆက်စ်ကူဟာ မတ်လ ၂၆ ရက်နေ့တုန်းက တူရကီကို ရှုံးနိမ့်တဲ့ ကမ္ဘာ့ဖလားပလေးအော့ဖ်ဆီမီးဖိုင်နယ်ပွဲကို နောက်ဆုံးကိုင်တွယ်ခဲ့တာပါ။

လူဆက်စ်ကူဟာ နည်းပြဘဝအတွင်းတွင် ရိုမေးနီးယားအား ၂ ကြိမ် ကိုင်တွယ်ခဲ့သလို အင်တာမီလန်၊ ရှက်တာဒိုးနက်စ်၊ ဂါလာတာစာရေး၊ ဘီဆစ်တပ်စ်တို့ကိုလည်း ကိုင်တွယ်ခဲ့ပါတယ်။

ဘူခါရက်ဖွားနည်းပြဟာ ၂၀၁၅ ခုနှစ်တုန်းက ချန်ပီယံလိဂ်ပွဲ ၁၀၀ ပြည့်ကိုင်တွယ်နိုင်ခဲ့တဲ့ ပဥ္စမြောက်နည်းပြအဖြစ် သမိုင်းမှတ်တမ်းရေးထိုးခဲ့သူလည်း ဖြစ်ပါတယ်။

လာမယ့်ရာသီ ချန်ပီယံလိဂ်ဝင်ခွင့် ၅ သင်းရဖို့ သေချာသွားပြီဖြစ်တဲ့ ပရီးမီးယားလိဂ်
=====================
ပရီးမီးယားလိဂ်ဟာ European Performance Spot အရ လာမယ့် ရာသီတွင် အနည်းဆုံး ချန်ပီယံလိဂ်ဝင်ခွင့် ၅ သင်း ၂ နှစ်ဆက် ရရှိဖို့ သေချာသွားပြီ ဖြစ်ပါတယ်။

အာဆင်နယ်ဟာ အင်္ဂါနေ့တုန်းက စပို့တင်းလစ္စဘွန်းကို ကွာတားဖိုင်နယ်ပထမအကျော့တွင် ၁-၀ ဂိုးဖြင့် အနိုင်ရရှိပြီးနောက် ပရီးမီးယားလိဂ်ဟာ ချန်ပီယံလိဂ်ဝင်ခွင့် အနည်းဆုံး ၅ နေရာရရှိဖို့ သေချာသွားခဲ့တာပါ။

ယူအီးအက်ဖ်အေဟာ ဥရောပပြိုင်ပွဲ သုံးရပ်မှ စွမ်းဆောင်ရည်အပေါ် မူတည်ပြီး ထိပ်ဆုံးလိဂ် ၂ ခုအား ထပ်ဆောင်းနေရာပေးနေတာပါ။

ပရီးမီးယားလိဂ်ဟာ European Performance Spot အဆင့်တွင် ထိပ်ဆုံးမှ ရပ်တည်နေတာ ဖြစ်ပြီး ထိပ်ဆုံး ၂ နေရာတွင် ရပ်တည်နိုင်ရန် သေချာသွားခဲ့တာလည်း ဖြစ်ပါတယ်။

၂၀၂၄-၂၅ ရာသီတုန်းက European Performance Spot အရ နယူးကာဆယ်တို့ ပရီးမီးယားလိဂ်တွင် အဆင့် ၅ နေရာမှာသာ ရပ်တည်နိုင်ပေမယ့်လည်း ချန်ပီယံလိဂ်ဝင်ခွင့် ရခဲ့ပြီးလည်း ဖြစ်ပါတယ်။

တဖက်တွင် စပိန်ကလည်း ဂျာမနီ၊ ပေါ်တူဂီတို့ရဲ့အပေါ်တွင် ရပ်တည်နေကာ European Performance Spot ရဲ့ အဆင့် ၂ နေရာမှာ ရပ်တည်ရေး အခြေအနေကောင်းနေပါတယ်။

ဒါပေမယ့် အင်္ဂါနေ့တုန်းက ဘိုင်ယန်မြူးနစ်က ရီးရဲလ်မက်ဒရစ်အား ၂-၁ ဖြင့် အနိုင်ရခဲ့သလို ဖရိုင်းဘတ်ကလည်း ဆဲလ်တာဗီဂိုနှင့် ရင်ဆိုင်ရမှာ ဖြစ်လို့ နောက်ပိုင်းတွင် အပြောင်းအလဲ ဖြစ်လာနိုင်ပါသေးတယ်။

လက်ရှိ ပရီးမီးယားလိဂ်အမှတ်ပေးဇယားအဆင့် ၅ နေရာတွင် လီဗာပူးက ၄၉ မှတ်ဖြင့် ရပ်တည်နေပေမယ့်လည်း အဆင့် ၁၃ နေရာမှ ဘုန်းမောက်နှင့် ရမှတ် ၇ မှတ်သာ ကွာဟနေမှုကြောင့် လက်ကျန်ပွဲစဉ်များတွင် ပြိုင်ဆိုင်မှု ပိုမို ပြင်းထန်လာဖို့ သေချာနေပါတယ်။

ချန်ပီယံလိဂ်ဝင်ခွင့်အဆင့် ၅ နေရာအတွက် ချဲလ်ဆီး၊ ဘရန့်ဖို့ဒ်၊ အဲဗာတန်၊ ဖူလ်ဟမ်၊ ဘရိုက်တန်၊ ဆန်းဒါးလန်း၊ နယူးကာဆယ်၊ ဘုန်းမောက်တို့ ယှဉ်ပြိုင်နေပါတယ်။

တကယ်လို့များ အဆင့် ၄ နေရာတွင် ရပ်တည်နေတဲ့ အက်စတွန်ဗီလာက ယူရိုပါလိဂ်ချန်ပီယံ ဖြစ်လာပြီး ထိပ်ဆုံး ၅ သင်းစာရင်း မဝင်လာပါက ပရီးမီးယားလိဂ်မှ အသင်း ၆ သင်းအထိ ချန်ပီယံလိဂ်ဝင်ခွင့်ရလာပါမယ်။

ဒါ့အပြင် လီဗာပူးက ချန်ပီယံလိဂ်ဖလား ဆွတ်ခူးပြီး အဆင့် ၅ နေရာတွင် ရပ်တည်လာပါကလည်း အသင်း ၆ သင်း ချန်ပီယံလိဂ်ဝင်ခွင့်ရလာပါမယ်။

တကယ်လို့များ ဗီလာနှင့် လီဗာပူးတို့ ဥရောပဖလားကိုယ်စီ ရရှိပြီး အဆင့် ၅ နှင့် အဆင့် ၆ တွင် ရပ်တည်လာပါကလည်း အဆင့် ၇ တွင် ရပ်တည်တဲ့ကလပ်က ချန်ပီယံလိဂ်ဝင်ခွင့်ရလာပါမယ်။

ယူနိုက်တက်နှင့် တစ်နှစ်စာချုပ်သစ်ဆိုလာတဲ့ ဟယ်ရီမက်ဂွိုင်းယား
===================
အသင်းခေါင်းဆောင်ဟောင်းဟယ်ရီမက်ဂွိုင်းယားဟာ ယူနိုက်တက်နှင့် တစ်နှစ်သက်တမ်းတိုးနိုင်မယ့် အချက်ပါ တစ်နှစ်စာချုပ်သစ်အား ချုပ်ဆိုလာပါတယ်။

အသက် ၃၃ နှစ်ရှိ ဗဟိုနောက်ခံလူရဲ့ ယခင်စာချုပ်က ယခုရာသီအကုန်မှာ ကုန်ဆုံးလာမှာလည်း ဖြစ်ပါတယ်။

မက်ဂွိုင်းယားဟာ ၂၀၁၉ ခုနှစ်တွင် လက်စတာမှ ကမ္ဘာ့စံချိန်တင် ဗဟိုနောက်ခံလူ ပြောင်းရွှေ့ကြေးအဖြစ် ပေါင်သန်း ၈၀ ဖြင့် ပြောင်းလာခဲ့သူ ဖြစ်ပါတယ်။

သူဟာ ယူနိုက်တက်အတွက် ၂၆၆ ပွဲကစားထားကာ ခါရာဘောင်ဖလားနှင့် အက်ဖ်အေဖလားတို့ ရယူထားနိုင်ပါတယ်။

မက်ဂွိုင်းယားက "မန်ချက်စတာယူနိုက်တက်ကိုယ်စားပြုကစားခွင့်ရကတော့ အဆုံးစွန်သောဂုဏ်ယူမှု ဖြစ်ပါတယ်။ ကျွန်တော်ကိုယ်တိုင်ရော မိသားစုတွေပါ နေ့စဉ်နေ့တိုင်း ဂုဏ်ယူစေတဲ့ တာဝန်ယူမှုပါ။ ဒီအံ့မခန်းကလပ်မှာ အနည်းဆုံး ၈ နှစ်အထိ ကျွန်တော့်ခရီးကို ရှည်လာစေမှာ ဖြစ်လို့ ဝမ်းသာပါတယ်။ ပြီးတော့ ကျွန်တော်တို့ရဲ့ စပါယ်ရှယ်ပရိသတ်တွေရဲ့ရှေ့မှောက်မှာ ဆက်ကစားပြီး အံ့ဩစရာကောင်းတဲ့ အခိုက်အတန့်တွေ အတူတကွ ဖန်တီးလာနိုင်တော့မှာလည်း ဖြစ်ပါတယ်"လို့ ပြောကြားသွားပါတယ်။

မက်ဂွိုင်းယားဟာ အဲရစ်တန်ဟက်လက်အောက်တွင် ရုန်းကန်ခဲ့ရပြီးနောက် အသင်းခေါင်းဆောင်အဖြစ်မှ ဖယ်ရှားခြင်းခံခဲ့ရတဲ့အပြင် ၂၀၂၃ ခုနှစ် ဩဂုတ်လတုန်းက ဝက်စ်ဟမ်းသို့ ပြောင်းမယ်လို့ သတင်းထွက်ခဲ့သူလည်း ဖြစ်ပါတယ်။ ဝက်စ်ဟမ်းသို့ ပြောင်းရန် သဘောတူညီမှု ရရှိပြီးမှ ပျက်ပြယ်ခဲ့တာပါ။

ဒါပေမယ့် သူဟာ ရူဘင်အမိုရမ်လက်အောက်မှာတော့ အကောင်းဆုံးပုံစံ ပြန်လည် ရရှိလာတဲ့အပြင် မိုက်ကယ်ကာရစ်လက်ထက်တွင်လည်း အကောင်းဆုံးပုံစံဖြင့် ဆက်လက် ကစားလာနိုင်ခဲ့ပါတယ်။ သူဟာ ၂၀၂၆ ခုနှစ် ဇန်နဝါရီလလယ်ပိုင်းမှ စတင်ကာ ယူနိုက်တက်ရဲ့ ၁၀ ပွဲဆက်ပွဲထွက်ကစားခွင့်ရခဲ့ပါတယ်။