Gojek Clone App Development for Super Apps

Build your multi-service platform with Gojek clone app development featuring taxi booking, food delivery, payments, and scalable solutions. Visit our site for more details: https://whitelabelfox.com/gojek-clone-app/

#gojekclone #gojekcloneapp #gojekclonescript #applikegojek #gojeklikeapp #gojekcloneappdevelopment #gojekclonesolution #multiserviceapp #appdevelopment #superapp #ondemandapp #ondemandappdevelopment

Launch your own taxi business in the UAE with a powerful Uber Clone App 🚖
Smart booking, live tracking, multiple payment options & Arabic-friendly interface — everything your business needs to grow in Dubai, Abu Dhabi & across the UAE. 🇦🇪
Visit: https://www.trioangle.com/uber-clone/
WhatsApp - +91 63796 30152
Email ID - sales@trioangle.com
Telegram- https://t.me/Trioangle_Technologies



#uberclone #uberclonescript #ubercloneapp #ubercloneappdevelopment #taxiappclone #uberlikeapp #applikeuber

မြန်မာလုပ်သား (၇၀) ကျော်ကို ဂျပန်ကခေါ်ယူ

ဂျပန်နိုင်ငံရှိ စက်ရုံ၊ အလုပ်ရုံများတွင် ဝင်ရောက်လုပ်ကိုင်ရန်အတွက် မြန်မာလုပ်သား (၇၀) ကျော်ကို ခေါ်ယူထားသည်။
မြန်မာသံရုံး၊ တိုကျိုမြို့အနေဖြင့် အလုပ်သမားဝန်ကြီးဌာနက နိုင်ငံခြားရေးဝန်ကြီးဌာနမှတဆင့် ပေးပို့လာသည့် အ လုပ်ကမ်းလှမ်းစာ (Demand Letter) များကို စိစစ်ဆောင်ရွက်ပေးလျက်ရှိသည်။
ထိုသို့ စိစစ်ဆောင်ရွက်ရာတွင် ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ/ ကုမ္ပ ဏီများသည် ဂျပန်နိုင်ငံတွင် တရားဝင်တည်ထောင်ထားခြင်း ရှိ/ မရှိ စာရွက်စာတမ်း အထောက်အထားများစိစစ်ပြီး စိစစ်တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီး ဌာနမှတဆင့် အလုပ်သမားဝန်ကြီးဌာနသို့ ပြန်လည်ပေးပို့လျက်ရှိကြောင်း သိရသည်။
မြန်မာသံရုံး၊ တိုကျိုမြို့အနေဖြင့် Demand Letter များကို ဂျပန်ကုမ္ပဏီများထံမှ ပြန်ကြားစာလက်ခံရရှိသည့် ရက်စွဲအလိုက် အစဉ်အတိုင်း စိစစ်ပေးလျက်ရှိရာ ၂၀၂၆ ခုနှစ်၊ မေလ (၁) ရက်မှ မေလ (၁၅) ရက်အထိ လက်ခံရရှိ၍ စိစစ်ပြီးစီးကြောင်း နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည်။
ယင်းတွင် အလုပ်ကမ်းလှမ်းစာ (၇၂) ခုရရှိခဲ့ပြီး မကြာခင်အလုပ်သမားများကို စေလွှတ်သွားမည်ဖြစ်ကြောင်း သိရသည်။

ရန်ကုန် ကြက်ဘဲဈေးသို့ နေ့စဉ် ကြက်ပိဿာ ၈၀,၀၀၀ ဝင်ရောက်၊ အသားတိုးကြက် အများဆုံးဖြစ်

ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်ရှိ ကြက်၊ ဘဲဈေးသို့ နေ့စဉ် ကြက်အဝင် ပိဿာ ၈၀,၀၀၀ ခန့် ဝင်ရောက်လျက်ရှိပြီး ယင်းအနက် အသားတိုးကြက် ဝင်ရောက်မှုအများဆုံးဖြစ်ကြောင်း ကြက်၊ ဘဲ ရောင်းဝယ်ရေးလုပ်ငန်း လုပ်ကိုင်သူများထံမှ သိရသည်။
နေ့စဉ် ဝင်ရောက်လာသည့် ကြက်အမျိုးအစားများတွင် အသားတိုးကြက်၊ ဒံပေါက်ကြက်၊ ဥစားကြက်၊ ဥနှုန်းကျဆင်း၍ ရောင်းထုတ်သည့် ဥတုံးကြက် (ကြက်နီမ) နှင့် မြန်မာကြက်များ ပါဝင်ပြီး အသားတိုးကြက်မှာ အများဆုံးဖြစ်ကြောင်း သိရသည်။
“မင်္ဂလာတောင်ညွန့် ကြက်၊ ဘဲဈေးကို နေ့စဉ် ကြက်အဝင်က ပိဿာ ရှစ်သောင်းလောက် ဝင်ပါတယ်။ အရင်လတွေကလည်း ဒီပမာဏလောက်ပဲ ဝင်နေပါတယ်။ အသားတိုးကြက်က အများဆုံးဖြစ်ပြီး တစ်ရက်ကို ပိဿာခြောက်သောင်းလောက် ရှိတယ်။ စားသုံးသူတွေကလည်း အသားတိုးကြက်ကို ပိုစားသုံးကြတယ်။ ဈေးနှုန်းသက်သာတာကြောင့် ဝယ်ယူမှုများတယ်” ဟု ကြက်၊ ဘဲ ရောင်းဝယ်ရေးလုပ်ငန်း လုပ်ကိုင်သူတစ်ဦးက ပြောသည်။
အဆိုပါ ကြက်၊ ဘဲဈေးသို့ ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ပဲခူးတိုင်းဒေသကြီးရှိ မွေးမြူရေးခြံများမှ ကြက်များ ဝင်ရောက်လာပြီး ယင်းမှတစ်ဆင့် ရန်ကုန်တိုင်းဒေသကြီးအတွင်း မြို့နယ်အချို့သို့ ပြန်လည်ဖြန့်ဖြူး ရောင်းချလျက်ရှိကြောင်း သိရသည်။
ပြည်တွင်း မွေးမြူရေးလုပ်ငန်းများတွင် အသားတိုးကြက်ကို အများဆုံး မွေးမြူနေကြပြီး ဒံပေါက်ကြက်၊ ဥစားကြက်နှင့် ဥတုံးကြက်များကိုလည်း မွေးမြူလျက်ရှိကာ တိုင်းရင်းကြက်ခေါ် မြန်မာကြက်များကိုလည်း အသင့်အတင့် မွေးမြူနေကြကြောင်း သိရသည်။

ရွှေပြည်သာမြိုနယ်တွင် နှစ်စဉ်ရေကြီးရေလျှံမှု လျှော့ချနိုင်ရေးအတွက် အနုပညာရှင်များနှင့် ပရဟိတအဖွဲ့များ စုပေါင်းသန့်ရှင်းရေးပြုလုပ်

ရန်ကုန်တိုင်း၊ ရွှေပြည်သာမြို့နယ်တွင် မိုးရာသီကာလ၌ နှစ်စဉ်ကြုံတွေ့နေရသည့် ရေကြီးရေလျှံမှု ပြဿနာများကို လျှော့ချနိုင်ရန်နှင့် ရေစီးရေလာကောင်းမွန်စေရန် ရည်ရွယ်၍ အနုပညာရှင်များနှင့် ပရဟိတအဖွဲ့များ ပူးပေါင်းကာ ရေမြောင်းသန့်ရှင်းရေး လှုပ်ရှားမှုတစ်ရပ်ကို ယနေ့တွင် ဆောင်ရွက်ခဲ့ကြကြောင်း သိရသည်။
ပြည်သူများ ရေဘေးအန္တရာယ် ကင်းဝေးစေရန်အတွက် ရွှေမေတ္တာလူမှုကူညီရေးအသင်း၊ Yangon OK အဖွဲ့နှင့် ပရ ဟိတညီနောင်များစုပေါင်း၍ ရေမြောင်းအတွင်းရှိ အမှိုက်များနှင့် ပိတ်ဆို့မှုများကို ဖယ်ရှားခဲ့ကြခြင်း ဖြစ်သည်။
သန့်ရှင်းရေးလုပ်ငန်းသို့ ရွှေပြည်သာမြို့နယ် လွှတ်တော်ကိုယ်စားလှယ် ဦးသိန်းနိုင် အပါအဝင် မြို့နယ်အထွေထွေအုပ်ချုပ်ရေးမှူး၊ မီးသတ်ဦးစီးဌာန၊ မြို့နယ်ရဲတပ်ဖွဲ့နှင့် စည်ပင်သာယာရေးအဖွဲ့များကလည်း တက်ကြွစွာ ပူးပေါင်းပါဝင်ကူညီပေးခဲ့ကြကြောင်း သိရသည်။
ထို့ပြင် အနုပညာရှင်များနှင့် ရွှေပြည်သာအခြေစိုက် ပရဟိတအဖွဲ့များကလည်း လုပ်အားဒါနဖြင့် ပါဝင်အားဖြည့်ခဲ့ကြကြောင်း သိရသည်။
မြို့နယ်သန့်ရှင်းသာယာရန်နှင့် ရေကြီးသည့်ဒုက္ခသက်သာစေရန် ဝိုင်းဝန်းကူညီပေးကြသည့် တာဝန်ရှိသူများ၊ အနုပ ညာရှင်များနှင့် ပရဟိတမောင်နှမများ အားလုံးကို အထူးကျေးဇူးတင်ရှသည်ဟု ရွှေမေတ္တာလူမှုကူညီရေးအသင်းတာဝန်ခံ မရွှေလဲ့က အသိပေးထားသည်။

မြန်မာနိုင်ငံထွေအုပ်ဝန်ထမ်းဟောင်းများအသင်း (၁၀) ကြိမ်မြောက်သက်ကြီးပူဇော်

မြန်မာနိုင်ငံအထွေထွေအုပ်ချုပ်ရေးဝန်ထမ်းဟောင်းများအသင်း၏ (၁၀) ကြိမ်မြောက် သက်ကြီးပူဇော်ပွဲနှင့် အသင်းသားများတွေ့ဆုံပွဲကို ယနေ့ မေ ၁၇ ရက်က ရန်ကုန်တိုင်း၊ ဒဂုံမြို့နယ်၊ တိပိဋကနိကာယကျောင်းတိုက်၌ကျင်းပခဲ့သည်။
ရန်ကုန်တိုင်းဝန်ကြီးချုပ် ဦးအောင်နိုင်သူနှင့် တာဝန်ရှိသူများတက်ရောက်၍ ကန်တော့ခံ ဝန်ထမ်းဟောင်းကြီးများကို ကန်တော့ပြီး ကန်တော့ပစ္စည်းများပေးအပ်ပြီးနောက် မြန်မာနိုင်ငံအထွေထွေ အုပ်ချုပ်ရေးဝန်ထမ်းဟောင်းများအသင်းသို့ အလှူငွေနှင့် စာအုပ်များကိုပေးအပ်လှူဒါန်းခဲ့သည်။
ကန်တော့ခံဝန်ထမ်းဟောင်းကြီးများကိုယ်စား ပြည်ထဲရေးဝန်ကြီးဌာန ဗိုလ်မှူးကြီးဦးတင်လှိုင်(ငြိမ်း)နှင့် ဆရာလယ်တွင်းသားစောချစ် (ဦးတင်လှိုင်) တို့က ဆုပေးမေတ္တာစကားများပြောကြားခဲ့ကြသည်။

မြဝတီမြို့တွင် ကျောင်းအပ်နှံရေးလက်ကမ်းစာစောင်များဖြန့်ဝေ

၂၀၂၆ -၂၀၂၇ ပညာသင်နှစ်၌ ကျောင်းအပ်နှံရေးရက် သတ္တပတ်အတွင်း ကျောင်းအပ်နှံ​နိုင်မည့်လုပ်ငန်းစဥ်များကိုသိရှိနားလည်စေရန်နှင့် ရပ်ရွာဒေသများအတွင်း ကျောင်းအပ်နှံနိုင်မည့် ကလေးများအားလုံးကျန်ရှိမှုမရှိစေရန်ရည်ရွယ်၍ ကျောင်းအပ်နှံရေးလက်ကမ်းစာစောင်များကို ကရင်ပြည်နယ်၊ မြဝတီမြို့၌ မေ ၁၆ ရက်က Campaign ပြုလုပ်၍ဖြန့်ဝေခဲ့ကြသည်။
မြဝတီမြို့၊ အမှတ်(၁)ရပ်ကွက်ရှိ အ.ထ.က(ခွဲ)(၁)၊ အ မှတ်(၃)ရပ်ကွက်ရှိ အ.ထ.က(ခွဲ)(၃)၊ အမှတ်(၄)ရပ်ကွက်ရှိ အောင်မြေရွှေဘုံ အထက်တန်းကျောင်းတစ်ဝိုက်တို့တွင် ဖြတ်သန်းသွားလာသူများအား ကျောင်းအပ်နှံရေးလက်ကမ်းစာစောင်များကို ဖြန့်ဝေပေးခဲ့ကြသည်။