ထိန်းချုပ်ဓာတုပစ္စည်းများနှင့် စိတ်ကြွဆေးပြားများ သာစည်နှင့် ကျိုင်းတုံတွင် ဖမ်းမိ

နိုဝင်ဘာ ၃

ထိန်းချုပ်ဓာတုပစ္စည်းများနှင့် စိတ်ကြွဆေးပြားများ သာစည်နှင့် ကျိုင်းတုံတွင် ဖမ်းမိခဲ့ကြောင်း မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ သိရသည်။

ဖြစ်စဥ်များမှာ သာစည်မြို့နယ်၊ ကျွဲတပ်ဆုံကျေးရွာအနီးတွင် ခရီးသည်တင်မော်တော်ယာဉ်အားစစ်ဆေးရှာဖွေစဉ် ခရီးသည်တစ်ဦးထံမှ ခြင်းဖြင့်သယ်ဆောင်လာသည့် သိန်း ၁၀၀၀ တန်ဖိုးရှိ စိတ်ကြွဆေးပြားများ ဖမ်းဆီးရမိခဲ့ကြောင်း သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များသည် အောက်တိုဘာ ၃၀ ရက်၊ မွန်းလွဲ ၃ နာရီ ၁၅ မိနစ်ခန့်တွင် သက်သေများနှင့်အတူ သာစည်မြို့နယ်၊ ကျွဲတပ်ဆုံကျေးရွာအနီး၌ မော်တော်ယာဉ်များအား စစ်ဆေးရှာဖွေစဉ် ရှမ်းပြည်နယ်၊ ဆီဆိုင်မှ မန္တလေးဘက်သို့ မောင်းနှင်လာသည့် ခရီးသည်တင် မော်တော်ယာဉ်အား ရပ်တန့်စစ်ဆေးရှာဖွေခဲ့ကြောင်း သိရသည်။

ထို့နောက် ခရီးသည်တင်ယာဉ်ပေါ်တွင် လိုက်ပါလာသောခရီးသည် ကျော်ကျော်ဇင် သယ်ဆောင်လာသော ခြင်းအတွင်းမှ စိတ်ကြွဆေးပြား ၅၀,၀၀၀ ပြား(ဒေသကာလတန်ဖိုးငွေကျပ်သိန်း ၁,၀၀၀)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့သဖြင့် ကျော်ကျော်ဇင်(၃၂)နှစ်အား သာစည်မြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့် အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း သိရသည်။

ထို့ပြင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် အောက်တိုဘာ ၃၁ ရက်၊ ည ၉ နာရီခွဲခန့်တွင် သတင်းအရ သက်သေများနှင့်အတူ ကျိုင်းတုံမြို့၊ အမှတ်(၁)ရပ်ကွက်နေ စိုင်းဝင်းအောင်ဆွေ၏ နေအိမ်အား ဝင်ရောက်ရှာဖွေရာ နေအိမ်အတွင်းမှ ထိန်းချုပ်ဓာတုပစ္စည်းများဖြစ်သည့် ကဖင်း အလေးချိန် ၆၂၅ ကီလို(ဒေသကာလတန်ဖိုးငွေကျပ် ၆၂၅ သိန်း)၊ ဆူဒိုအက်ဖီဒရင်းဆေးပြား ၄၀၀ ပြား (ဒေသကာလတန်ဖိုးငွေကျပ် ၂ သိန်း)၊ Ethyl Vanillin အလေးချိန် ၁၀၀ ကီလို(ဒေသကာလတန်ဖိုးငွေကျပ်သိန်း ၅၀၀)နှင့် လက်ကိုင်ဖုန်း ၁ လုံးတို့အား တွေ့ရှိသိမ်းဆည်းရမိခဲ့ကြောင်း သိရသည်။

ထို့ကြောင့် စိုင်းဝင်းအောင်ဆွေ(၃၄)နှစ်အား ကျိုင်းတုံမြို့မရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားရှိပြီး ကွင်းဆက်များ ဆက်လက်ဖော်ထုတ်လျက်ရှိကြောင်း သိရသည်။

Credit - Myanmar Transparency News Agency

#သတင်းဟင်းလေးအိုးကြီး

နိုင်ငံတကာအဆင့်မီ အနုပညာဗဟိုဌာန (ရန်ကုန်) တည်ဆောက်လျက်ရှိပြီး နိုင်ငံတကာဖျော်ဖြေပွဲများ၊ ကပွဲများ ကျင်းပပြုလုပ်နိုင်သည်အထိ အဆင့်အတန်းမီစွာ ဆောင်ရွက်ရန်နှင့် သတ်မှတ်ကာလအမီ တည်ဆောက်ရန် ပြည်ထောင်စုဝန်ကြီး မှာကြား

နိုဝင်ဘာ ၃

နိုင်ငံတကာအဆင့်မီအနုပညာဗဟိုဌာန (ရန်ကုန်) (Myanmar Arts Center-Yangon) တည်ဆောက်လျက်ရှိရာ ယဉ်ကျေးမှု၊ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးခင်မောင်စိုးသည် အောက်တိုဘာ ၃၁ ရက်၊ နံနက်ပိုင်းက တည်ဆောက်ရေးလုပ်ငန်းများပြီးစီးမှု အခြေအနေကို သွားရောက်ကြည့်ရှုစစ်ဆေးခဲ့ကြောင်း သိရသည်။

ထိုသို့ကြည့်ရှုစစ်ဆေးစဉ် ပြည်ထောင်စုဝန်ကြီး ဦးခင်မောင်စိုးက အရည်အသွေးကောင်းမွန်စွာ ဆောင်ရွက်ရန်၊ သဘာဝဘေးအန္တရာယ်ဒဏ်ခံနိုင်ရေး လျာထားတည်ဆောက်ရန်၊ ပြည်တွင်းပြည်ပ ပညာရှင်များ၏အကြံဉာဏ်ရယူ၍ နိုင်ငံတကာဖျော်ဖြေပွဲများ၊ ကပွဲများ ကျင်းပပြုလုပ်နိုင်သည်အထိ အဆင့်အတန်းမီစွာ ဆောင်ရွက်သွားရန်နှင့် သတ်မှတ်ကာလအမီတည်ဆောက်သွားရန် ဆွေးနွေးမှာကြားခဲ့ကြောင်း သိရသည်။

အဆိုပါ အနုပညာဗဟိုဌာန (ရန်ကုန်) တည်ဆောက်ပြီးစီးပါက နိုင်ငံတကာမှလာရောက်သော ယဉ်ကျေးမှုပဒေသာကပွဲများ၊ ကဇာတ်၊ ပြဇာတ်နှင့် တေးဂီတသံစုံဖျော်ဖြေတီးခတ်မှုများ၊ တေးဂီတဆိုင်ရာဖျော်ဖြေမှုများ၊ အနုပညာနှင့်ဆက်စပ်သော ပန်းချီ၊ ပန်းပုဆိုင်ရာပြပွဲများ၊ အလုပ်ရုံဆွေးနွေးပွဲများ၊ အနုပညာဆိုင်ရာ ပညာပေးဟောပြောမှုများကို ဆောင်ရွက်နိုင်မည်ဖြစ်ကြောင်း သိရသည်။

နိုင်ငံတကာအဆင့်မီအနုပညာဗဟိုဌာန (ရန်ကုန်) (Myanmar Arts Center-Yangon)သည် ရန်ကုန်တိုင်းဒေသကြီး အင်းစိန်မြို့နယ်၊ မင်းဓမ္မလမ်းမီးပွိုင့် လမ်းဆုံအနီးတွင် တည်ရှိကြောင်း သိရသည်။

#အနုပညာဗဟိုဌာန #နိုင်ငံတကာအဆင့် #ခရီးသွား #ဖျော်ဖြေရေး #အင်းစိန် #မင်းဓမ္မလမ်း #မီးပွိုင့် #mt #mtnews #myanmartransparency

ဖလမ်း-ဟားခါးလမ်းပေါ်၌ အကြမ်းဖက်များက အိုးဝေယာဉ်တစ်စီးကို သေနတ်ဖြင့် ပစ်ခတ်မှုကြောင့် မိသားစုဝင်သုံးဦးနှင့် ယာဉ်မောင်းတစ်ဦး သေဆုံး

နိုဝင်ဘာ ၃

ချင်းပြည်နယ်၊ ဖလမ်းမြို့နယ်၊ ဖလမ်း-ဟားခါးသွားလမ်းပေါ်ရှိ လုံပီးကျေးရွာနှင့် တလန်ယောကျေးရွာကြားတွင် CDF အမည်ခံ အကြမ်းဖက်အဖွဲ့က အရပ်သားများ မောင်းနှင်စီးနင်းလာသော အိုးဝေယာဉ်တစ်စီးကို သေနတ်ဖြင့် ပစ်ခတ်မှုကြောင့် မိသားစုဝင်သုံးဦးနှင့် ယာဉ်မောင်းတစ်ဦး သေဆုံးခဲ့သည့် ဖြစ်စဥ်တစ်ခု အောက်တိုဘာ ၃၁ ရက် နံနက် ၁၀ နာရီခန့်တွင် ဖြစ်ပွားခဲ့ကြောင်း ရဲတပ်ဖွဲ့သတင်းအရ သိရသည်။

သတ်ဖြတ်ခံရသူများမှာ ဒေါ်ဟရန်ကျဲရ်ထွေး (၃၆) နှစ်၊ သမီးဖြစ်သူ မကျဲရ်စင်မွှေးလဲင်းချိုင် (၁၇) နှစ်၊ မနိုအဲယ်ပါမ်ချိုင် (၁၂) နှစ်နှင့် အိုးဝေယာဉ်မောင်း ဦးအောင်လေး (ခ) အောင်ကျော်ထွေး (၃၀) နှစ်တို့ဖြစ်ကြသည်ဟု သိရပြီး ၎င်းတို့သည် ဟားခါးမြို့မှ ကလေးမြို့သို့ သွားရောက်စဉ် ပစ်ခတ်ခံခဲ့ရခြင်းဖြစ်သည်ဟုဆိုသည်။

အဆိုပါ သေဆုံးသူများ၏ ရုပ်အလောင်းများကို ဖလမ်းခရိုင်ပြည်သူ့ဆေးရုံကြီးသို့ ပို့ဆောင်ထားသည်ဟု သိရပြီး ဖြစ်စဥ်နှင့်ပတ်သက်၍ လုံခြုံရေးတပ်ဖွဲ့ဝင်များက စုံစမ်းစစ်ဆေးမှုများ ပြုလုပ်လျှက်ရှိကြောင်းလည်း သိရသည်။

သက်တမ်း ၁၅ နှစ်ပြည့် CNG ဆလင်ဒါအိုးများ အစားထိုးလဲလှယ်ရန် သတ်မှတ်ရက်ကျော်ပါက ဓာတ်ငွေ့ဝယ်ယူခွင့် ပိတ်သိမ်းမည်

နိုဝင်ဘာ ၃

ရန်ကုန်တိုင်းဒေသကြီးအတွင်း ပြေးဆွဲနေသည့် CNG ယာဉ်များတွင် တပ်ဆင်အသုံးပြုထားသော သက်တမ်း ၁၅ နှစ်ပြည့် CNG ဆလင်ဒါအိုးများကို ၂၀၂၆ ခုနှစ်၊ နိုဝင်ဘာ ၁၅ ရက် နောက်ဆုံးထား၍ အသစ်လဲလှယ်တပ်ဆင်ရန်နှင့် စစ်ဆေးမှုခံယူရန် လျှပ်စစ်နှင့်စွမ်းအင်ဝန်ကြီးဌာနက အသိပေးထားပြီး သတ်မှတ်ရက်အတွင်း အစားထိုးခြင်းမရှိသည့် ယာဉ်များကို CNG ဝယ်ယူခွင့် ပိတ်သိမ်းမည်ဖြစ်ကြောင်း သိရသည်။

သက်တမ်းလွန် CNG ဆလင်ဒါအိုးများ အသုံးပြုခြင်းကြောင့် ဖြစ်ပေါ်လာနိုင်သည့် ဘေးအန္တရာယ်များကို ကာကွယ်ရန် ယခုကဲ့သို့ သတ်မှတ်ခြင်းဖြစ်ပြီး ဆလင်ဒါအိုးအသစ် လဲလှယ်တပ်ဆင်ပြီးနောက် မော်တော်ယာဉ်သုံး သဘာဝဓာတ်ငွေ့ဌာနသို့ လာရောက်စစ်ဆေးမှုခံယူရမည်ဖြစ်သည်။ စစ်ဆေးမှုအောင်မြင်မှသာ CNG ဝယ်ယူခွင့်ကို ပြန်လည်ခွင့်ပြုပေးမည်ဖြစ်သည်။

မော်တော်ယာဉ်သုံး သဘာဝဓာတ်ငွေ့ (CNG) သည် လေထုဖိအား၏ အဆ ၂၀၀ ဖြင့် ဖိသိပ်ထားသည့် ဖိအားမြင့်ဓာတ်ငွေ့ဖြစ်သဖြင့် ဆလင်ဒါအိုးပေါက်ကွဲမှုဖြစ်ပွားပါက ယာဉ်ပေါ်ပါသူများသာမက အနီးပတ်ဝန်းကျင်ရှိ ပြည်သူများ၏ အသက်အိုးအိမ်စည်းစိမ်များကိုပါ ထိခိုက်ပျက်စီးစေနိုင်ကြောင်း ဝန်ကြီးဌာနက ထုတ်ပြန်ထားသည်။

ထို့ကြောင့် မြန်မာ့ရေနံနှင့် သဘာဝဓာတ်ငွေ့လုပ်ငန်း၊ မော်တော်ယာဉ်သုံး သဘာဝဓာတ်ငွေ့ဌာနအနေဖြင့် CNG ယာဉ်များ၏ ဆလင်ဒါအိုးနှင့် ဆက်စပ်ပစ္စည်းများ ဘေးကင်းလုံခြုံမှုရှိ၊ မရှိကို နှစ်စဉ်စစ်ဆေးပေးလျက်ရှိပြီး စစ်ဆေးမှုအောင်မြင်သည့် ယာဉ်များကိုသာ CNG အသုံးပြုခွင့်စာအုပ်နှင့် ကတ်များ ထုတ်ပေးကာ ဓာတ်ငွေ့ဖြန့်ဖြူးရောင်းချခြင်းဖြစ်သည်။

ထို့အပြင် CNG Retest Factory တွင် ဆလင်ဒါအိုးများ၏ ထုတ်လုပ်သည့်ခုနှစ်အလိုက် သက်တမ်း ၅ နှစ်ပြည့်ပါက ပထမအကြိမ်၊ ၁၀ နှစ်ပြည့်ပါက ဒုတိယအကြိမ် စစ်ဆေးမှုခံယူစေပြီး ၁၅ နှစ်ပြည့်ပါက သတ်မှတ်စံချိန်စံညွှန်းများအရ သက်တမ်းကုန်ဆုံးသည့်အိုးအဖြစ် သတ်မှတ်ကာ အသစ်လဲလှယ်တပ်ဆင်စေခြင်းဖြစ်ကြောင်း သိရသည်။

#centralnewsnaypyitaw

လက်ရှိတွင် လျှပ်စစ်နှင့်စွမ်းအင်ဝန်ကြီးဌာနသည် ရန်ကုန်တိုင်းဒေသကြီးအတွင်း အများပြည်သူသယ်ယူပို့ဆောင်ရေး အဆင်ပြေချောမွေ့စေရန်နှင့် ခရီးသွားလာစရိတ် သက်သာစေရန် ရည်ရွယ်၍ CNG ကို တစ်ကီလိုဂရမ်လျှင် ၂၇၃ ကျပ် ၂၅ ပြားနှုန်းဖြင့် ဖြန့်ဖြူးရောင်းချလျက်ရှိကြောင်း ထုတ်ပြန်ချက်တွင် ဖော်ပြထားသည်။

ရွှေကုက္ကိုလ်နယ်မြေ ဒုတိယပိုင်းရှိ အွန်လိုင်းလိမ်လည်မှုလုပ်ငန်းများ၌ အသုံးပြုခဲ့သည့် အဆောက်အအုံ ၈ လုံး ဖြိုချဖျက်ဆီးပြီး၊ ၅၅ လုံး ဆက်လက်ဖျက်သိမ်းမည်

နိုဝင်ဘာ ၃
ရွှေကုက္ကိုလ်နယ်မြေ ဒုတိယပိုင်းအတွင်း အွန်လိုင်းလိမ်လည်လောင်းကစားမှုလုပ်ငန်းများ၌ အသုံးပြုခဲ့သည့် တရားမဝင်အဆောက်အအုံ ၈ လုံးကို ဖြိုချဖျက်ဆီးပြီးဖြစ်ကာ ကျန်ရှိသည့် အဆောက်အအုံ ၅၅ လုံးကိုလည်း ဆက်လက်ဖျက်သိမ်းသွားမည်ဖြစ်ကြောင်း သိရသည်။

အဆိုပါနယ်မြေအတွင်း ဖြိုချဖျက်ဆီးရန် သတ်မှတ်ထားသည့် အဆောက်အအုံ ၆၃ လုံးအနက် ဖောက်ခွဲဖျက်ဆီးသည့် အဆောက်အအုံ ၄ လုံးနှင့် ယာဉ်ယန္တရားများအသုံးပြု၍ ဖြိုချသည့် အဆောက်အအုံ ၄ လုံးတို့ကို ဖျက်သိမ်းပြီးဖြစ်ကြောင်း သိရသည်။

လက်ရှိတွင် ယာဉ်ယန္တရားများဖြင့် ဖြိုချဖျက်ဆီးလျက်ရှိသည့် ခြောက်ထပ်အဆောက်အအုံတစ်လုံးမှာ ၇၀ ရာခိုင်နှုန်း ပြီးစီးနေပြီဖြစ်ပြီး အခြားခြောက်ထပ်အဆောက်အအုံတစ်လုံးမှာလည်း ၄၀ ရာခိုင်နှုန်း ပြီးစီးပြီဖြစ်ကြောင်း သိရသည်။

အွန်လိုင်းလိမ်လည်မှုနှင့် အွန်လိုင်းလောင်းကစားမှုများ ထပ်မံလုပ်ကိုင်နိုင်ခြင်းမရှိစေရန် ရည်ရွယ်၍ ရွှေကုက္ကိုလ်နယ်မြေအတွင်းရှိ အဆိုပါလုပ်ငန်းများ လုပ်ကိုင်ခဲ့သည့် တရားမဝင်အဆောက်အအုံများကို အပြီးတိုင်ဖြိုချဖျက်ဆီးလျက်ရှိခြင်းဖြစ်သည်။

နိုင်ငံတော်အစိုးရအနေဖြင့် အွန်လိုင်းလိမ်လည်မှုနှင့် အွန်လိုင်းလောင်းကစားမှုများ ပပျောက်ရေးအတွက် အိမ်နီးချင်းနိုင်ငံများ၊ ဒေသတွင်းနိုင်ငံများနှင့် ပူးပေါင်းဆောင်ရွက်လျက်ရှိပြီး ယင်းလုပ်ငန်းစဉ်များကို အမျိုးသားရေးတာဝန်တစ်ရပ်အဖြစ် သတ်မှတ်ကာ ဆက်လက်နှိမ်နင်းလျက်ရှိကြောင်း သိရသည်။

#centralnewsnaypyitaw

တောင်ကြီးမြို့၌ တန်ဆောင်တိုင်ပွဲတော်ကို
နိုဝင်ဘာ ၁၆ ရက်မှ နိုဝင်ဘာ ၂၄ ရက်အထိ
စည်ကားသိုက်မြိုက်စွာ ကျင်းပသွားမည်

#centralnewsnaypyitaw

အငယ်တန်းစာရေးနဲ့ ဒုလ/ထ ကွန်ပျူတာ
လုပ်ဆောင်​ရေးမှူးရာထူးကို တက္ကသိုလ်ဝင်တန်းအောင်တွေ ခေါ်တာ ရှားပါတယ်။

စီး/ကူးက အမှုထမ်းရာထူး ၇၅ နေရာ
အလုပ်ခေါ်စာ

#govjob

လျှောက်ထားလိုသူများအတွက်
ရေဆင်းစိုက်ပျိုးရေးတက္ကသိုလ်က
နည်းပြ/သရုပ်ပြ ရာထူး ၁၅ နေရာ
အလုပ်ခေါ်စာ

#govjob

စွန့်ပစ်အမှိုက်မှ လျှပ်စစ်နဲ့ CNG ဓါတ်ငွေ့
ထုတ်ယူခြင်းလုပ်ငန်းအတွက် အကျိုးတူ
လုပ်ငန်းဆောင်ရွက်ရန် တင်ဒါခေါ်စာ

#govjob

မြေငှားရမ်းလိုသူများအတွက်

#givjob