နိုင်ငံတကာရွေးကောက်ပွဲစောင့်ကြည့်လေ့လာသူများ နေပြည်တော်မှ ရန်ကုန်မြို့သို့ထွက်ခွာ
မြန်မာနိုင်ငံ၏ လွတ်လပ်၍ တရားမျှတသည့် ပါတီစုံဒီမိုကရေစီအထွေထွေရွေးကောက်ပွဲအား နေပြည်တော်တွင်အခြေပြုပြီး စောင့်ကြည့်လေ့လာမှုများပြုလုပ်ခဲ့ကြသည့် ရုရှားနိုင်ငံ၊ တရုတ်နိုင်ငံနှင့် အိန္ဒိယနိုင်ငံတို့အပါအဝင် နိုင်ငံတကာရွေးကောက်ပွဲစောင့်ကြည့်လေ့ လာသူများ နေပြည်တော်မှတစ်ဆင့် ရန်ကုန်မြို့သို့ ဒီ ဇင်ဘာ ၂၉ ရက်ကပြန်လည်ထွက်ခွာခဲ့ကြကြောင်း သိရသည်။
တရုတ်နိုင်ငံ၊ နိုင်ငံခြားရေးဝန်ကြီးဌာန အာရှရေးရာအ ထူးကိုယ်စားလှယ် Mr. Deng Xijun နှင့် တရုတ်ကွန်မြူ နစ်ပါတီ ဗဟိုကော်မတီ၊ နိုင်ငံတကာရေးရာဌာနမှ Ms. Chen Xuanbo ဦးဆောင်သောကိုယ်စားလှယ်အဖွဲ့၊ ကာဇက်စတန်နိုင်ငံ၊ ရွေးကောက်ပွဲကော်မရှင် ဒု-ဥက္ကဋ္ဌ Mr. Yerman Mukhtar ဦးဆောင်သောကိုယ်စားလှယ်အဖွဲ့၊ ကမ္ဘောဒီးယားနိုင်ငံ၊ ရွေးကောက်ပွဲကော်မရှင်အဖွဲ့ဝင် Mr. YICH Samethy ဦးဆောင်သော ကိုယ်စားလှယ်အ ဖွဲ့၊ ဗီယက်နမ်နိုင်ငံ၊ နိုင်ငံတကာဆက်ဆံရေးအကြီးအ ကဲ Mr. Nguyen Duc Thinh ဦးဆောင်သောကိုယ်စား လှယ်အဖွဲ့၊ နီကာရာဂွါနိုင်ငံမှ Mr. Mario Jose Armengol Campos ဦးဆောင်သောကိုယ်စားလှယ်အဖွဲ့နှင့် အိန္ဒိယနိုင်ငံ၊ အငြိမ်းစားဗိုလ်ချုပ် Mr. Sahni Arun Kumar ဦးဆောင်သော ကိုယ်စားလှယ်အဖွဲ့တို့သည် မွန်းတည့် ၁၂ နာရီခွဲတွင် ရန်ကုန်မြို့သို့ထွက်ခွာခဲ့ကြခြင်းဖြစ်သည်။
ထို့ပြင် ရုရှားနိုင်ငံ ဒူးမားလွှတ်တော် ဒု-ဥက္ကဋ္ဌ H.E Mr. Sholban Kara-Ool ဦးဆောင်သည့် ကိုယ်စားလှယ်အ ဖွဲ့နှင့် ရုရှားနိုင်ငံ ဗဟိုရွေးကောက်ပွဲကော်မရှင်အဖွဲ့ဝင် Mr. Igor Borisov ဦးဆောင်သည့် ကိုယ်စားလှယ်အဖွဲ့တို့သည်လည်း ည ၆ နာရီ ၂၀ မိနစ်တွင် ရန်ကုန်မြို့သို့ထွက်ခွာခဲ့ကြခြင်းဖြစ်သည်။
အဆိုပါ နိုင်ငံတကာရွေးကောက်ပွဲစောင့်ကြည့်လေ့လာ သူများအား ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးမျိုးလှိုင်၊ နေပြည်တော်ကောင်စီဝင် ဦးမြင့်စိုး၊ ပြည်ထောင်စုနယ်မြေနှင့် ခရိုင်ရွေးကောက်ပွဲကော်မရှင်အဖွဲ့ခွဲဥက္ကဋ္ဌနှင့် အဖွဲ့ဝင်များ၊ တာဝန်ရှိသူများ၊ ပြည် ထောင်စုရွေးကောက်ပွဲကော်မရှင်ရုံး တာဝန်ရှိသူများက လေဆိပ်တွင်ပို့ဆောင်ခဲ့ကြသည်။
