အစိုးရအဖွဲ့၏ ရက်ပေါင်း(၁၀၀)အတွင်း ဦးစားပေးဆောင်ရွက်မည့် လုပ်ငန်းစီမံချက်များ

အစိုးရအဖွဲ့၏ ရက်ပေါင်း(၁၀၀)အတွင်း ဦးစားပေးဆောင်ရွက်မည့် လုပ်ငန်းစီမံချက်များနှင့်ပတ်သက်၍ ယနေ့ ဧပြီ ၂၀ ရက်တွင်ကျင်းပခဲ့သည့် ပြည်ထောင်စုအစိုးရအဖွဲ့အစည်းအဝေး၌ နိုင်ငံတော်သမ္မတ ဦးမင်းအောင်လှိုင်ကပြောကြားခဲ့သည်။

ရက်ပေါင်း(၁၀၀)အတွင်း ဘဏ္ဍာရေးနှင့်အခွန်ဝန်ကြီးဌာနမှ တောင်သူလယ်သမားများကို ချေးငွေနှုန်းထားတိုးမြှင့်ရေးစီမံချက်အနေဖြင့် ချေးငွေများတိုးမြှင့်ထုတ် ပေးမည်ဖြစ်ကာ စပါး၊ ဂျုံ၊ ချည်မျှင်ရှည်ဝါတို့အား (၃) သိန်းကျပ်အထိ၊ အခြားသီးနှံ (၁၈)မျိုးကို (၂)သိန်းခွဲကျပ်အထိ၊ ပန်းနှမ်း၊ ဆီ မုန်ညှင်း၊ ဂုံလျှော် တို့အား (၁) သိန်းခွဲကျပ်အထိတိုးမြှင့်ချေးပေးမည်ဖြစ်ပြီး လယ်ယာသုံးစက်ကိရိယာချေးငွေအား ကျပ်သိန်း (၃,၀၀၀)အထိတစ်ကဏ္ဍ၊ ကျပ်သိန်း(၃,၀၀၀)အထက်ဖြစ်ပါက တစ်ကဏ္ဍပေးမည်ဖြစ်သည်။

လမ်းပန်းဆက်သွယ်ရေးတွင် အနီးစခန်းလေဆိပ်အ ဆင့်မြှင့်တင်ခြင်းကို ပြီးပြတ်အောင်ဆောင်ရွက်ခြင်း၊ ပို့ကုန်နှစ်ဆတိုးမြှင့်ရန် ပို့ဆောင်ရေးဝန်ကြီးဌာန၊ မြန်မာ့ဆိပ်ကမ်းအာဏာပိုင်၏ သိုလှောင်ရုံများကို ဦးစားပေးတည်ဆောက်ခြင်း၊ ရထားလမ်းများအားလုံးကိုအဆင့်မြှင့်တင်ရာ၌ လတ်တလောတွင် ရန်ကုန်-မန္တလေးလမ်း၊ ရန်ကုန်-မော်လမြိုင်လမ်း၊ ရန်ကုန် -ပြည်လမ်းတို့အ ဆင့်မြှင့်တင်ခြင်း၊ မြစ်ကြီးနား-မိုးကောင်း-မိုးညှင်းရ ထားလမ်း၌ တံတားပြင်ဆင်ခြင်းများ၊ လမ်းပြင်ဆင်ခြင်းများ၊ ရထားစက်ခေါင်းများ၊ တွဲများ၊ စက်ရုံများအ ဆင့်မြှင့်တင်ခြင်းတို့ကိုဆောင်ရွက်သွားမည်ဖြစ်သည်။

ဆက်သွယ်ရေးကဏ္ဍတွင် မိုဘိုင်းစခန်းအသစ်(၂၇)ခုတိုးချဲ့၍ စခန်း(၉)ခု၌ 4 G LTE အဆင့်မြှင့်တင်ခြင်း၊ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနမှ ကျေးလက်ရေရရှိရေးလုပ်ငန်း၊ ဆိုလာရေတင်စနစ်ဖြင့် သောက်သုံးရေနှင့် စိုက်ပျိုးရေရရှိရေးလုပ်ငန်း၊ ပညာ ရေးဝန်ကြီးဌာနမှ သုတေသနစွမ်းရည်မြှင့်တင်သည့် ရှေ့ပြေးတက္ကသိုလ်များအဖြစ် Nay Pyi Taw State Academy ၊ ရန်ကုန်တက္ကသိုလ်၊ မန္တလေးတက္ကသိုလ်တို့တွင် Research and Activation များကိုရှေ့ပြေးတက္က သိုလ်များအဖြစ်သတ်မှတ်ဆောင်ရွက်ခြင်းတို့ကိုပြု လုပ်သွားမည်ဖြစ်သည်။

၂၀၂၆- ၂၀၂၇ ပညာသင်နှစ်မှစ၍ အလယ်တန်းတန်းပညာအ ဆင့်တွင် စက်မှု၊ စိုက်ပျိုးရေးနှင့် မွေးမြူရေးပညာရပ်များထည့်သွင်းသင်ကြားပေးခြင်း၊ ပြည်သူ့နီတိနှင့် စာရိတ္တပညာရပ်များကို အခြေခံပညာကျောင်းများတွင် အဓိကအနေဖြင့် လူငယ်များအကျင့်စာရိတ္တမြင့်မားစေရေးအတွက် ထည့်သွင်းသင်ကြားပေးခြင်း၊ ဗလငါးတန်နှင့်ပြည့်ဝသည့် ကျောင်းများဖြစ်စေရန် အ ခြေခံပညာကဏ္ဍတွင် Smart School နှင့် Football for School Program ကို အားကစားနှင့် လူငယ်ရေးရာဝန် ကြီးဌာန၊ မြန်မာနိုင်ငံဘောလုံးအဖွဲ့ချုပ်တို့နှင့် ပေါင်း စပ်၍ ရက်ပေါင်း(၁၀၀)အတွင်း ရန်ကုန်တိုင်း၊ မန္တလေးတိုင်း၊ ဧရာဝတီတိုင်း၊ ပဲခူးတိုင်းနှင့် ရှမ်းပြည်နယ်တို့ရှိ ကျောင်းများ၌ Pilot Project အနေဖြင့်ဆောင်ရွက်ခြင်း ၊ မူကြိုကျောင်းများကို အဆင့်မြှင့်တင်ခြင်းများပြုလုပ်သွားမည်ဖြစ်သည်။

ကျန်းမာရေးဝန်ကြီးဌာနမှ ပြည်နယ်နှင့် တိုင်း/ခရိုင်/မြို့ နယ်(၅၀)တွင် ဒု-ကျန်းမာရေးဦးစီးမှူးများခန့်အပ်၍ ကျန်းမာရေးမြှင့်တင်ခြင်း၊ နေပြည်တော်၊ ရန်ကုန်၊ မန္တ လေးမြို့တို့ရှိ နှလုံးဆေးကုသရေးဌာနများတွင် လူနာတစ်သိန်းအတွက် နှလုံးရောဂါကာကွယ်ရေးအန္တရာယ် အကဲဖြတ်ပေးသည့် ဆေးကုသမှုများကို တရုတ်နိုင်ငံနှင့်ပူးပေါင်းဆောင်ရွက်ခြင်း၊ တိုင်းနှင့် ပြည်နယ်များရှိသူနာပြုကျောင်းများကို သူနာပြုသိပ္ပံများအဖြစ် အ ဆင့်မြှင့်တင်ခြင်၊ အခြားကဏ္ဍပေါင်းစုံတိုးတက်ရေးဆောင်ရွက်ခြင်းတို့ကိုလည်းပြုလုပ်သွားမည်ဖြစ် သည်။

ထို့အတူ ပညာရေး၊ ကျန်းမာရေး၊ လမ်းပန်းဆက်သွယ် ရေးကဏ္ဍများအပြင် သဘာဝဘေးအန္တရာယ်နှင့် ပဋိပ က္ခများကြောင့် ထိခိုက်ပျက်စီးခဲ့ရသော အစိုးရအ ဆောက်အအုံ၊ လမ်း၊ တံတား၊ ဆက်သွယ်ရေးအခြေခံအဆောက်အဦများကို ပြန်လည်ထူထောင်ပေးသွားမည်ဖြစ်ကာ ငလျင်ကြောင့်ပျက်စီးသွားသည့် နိုင်ငံ့ဝန်ထမ်းအိမ်ရာအဆောက်အဦများ အမြန်ဆုံးပြီးစီးအောင်ဆောင်ရွက်ရန်၊ နိုင်ငံတော်၏ဘဏ္ဍာငွေများကိုအလေ အလွင့်မရှိ ထိရောက်အကျိုးရှိအောင်စနစ်တကျသုံးစွဲရန် နိုင်ငံတော်သမ္မတက မှာကြားသည်။

ထို့ပြင် အစိုးရအဖွဲ့အနေဖြင့် တိုင်းပြည်အတွက်ကောင်းအောင်ဆောင်ရွက်ရာ၌ တစ်ဦးချင်း၏ဖြတ်သန်းလာခဲ့သည့်အတွေ့အကြုံများပေါင်းစပ်၍ အကောင်းဆုံးဖြစ်အောင်ဆောင်ရွက်ပြီး နိုင်ငံနှင့်ပြည်သူ့အကျိုးအတွက် ဖော်ဆောင်ပေးနိုင်ရန်လိုကာ တိုင်းပြည်အတွက်ကောင်းအောင်ဆောင်ရွက်မည်ဟူသည့် စိတ်ဖြင့် ကြံ စည်လုပ်ကိုင်ဆောင်ရွက်ကြစေလိုပြီး ဖွံ့ဖြိုးမှုနောက် ကျနေသည့် ပြည်နယ်နှင့် တိုင်းများကိုဦးစားပေး၍ ထူ ထောင်ရေးလုပ်ငန်းများ၊ ဖွံ့ဖြိုးရေးလုပ်ငန်းများဆောင်ရွက်ရန် နိုင်ငံတော်သမ္မတက တိုက်တွန်းပြောကြားခဲ့သည်။

နိုင်ငံ၏ပညာရေးကဏ္ဍကိုမြှင့်တင်ပြီး နိုင်ငံသူ၊ နိုင်ငံသားများ၏ စိတ်နေစိတ်ထား(Mind Set)မြင့်မားလာအောင်ဆောင်ရွက်ရမည်ဟု နိုင်ငံတော်သမ္မတပြော

နိုင်ငံ၏ပညာရေးကဏ္ဍမြှင့်တင်ရေးနှင့်ပတ်သက်၍ နိုင်ငံတော်သမ္မတ ဦးမင်းအောင်လှိုင်က ယနေ့ ဧပြီ ၂၀ ရက်တွင်ကျင်းပသည့် ပြည်ထောင်စုအစိုးရအဖွဲ့အစည်းအဝေး၌ ပြောကြားခဲ့ခြင်းဖြစ်သည်။

ပညာရေးအားနည်းမှုများကြောင့် အသိပညာအားနည်းမှုများဖြစ်ပေါ်လာရာမှတစ်ဆင့် နိုင်ငံရေးပြဿနာများ ဖြစ်ပေါ်လာကာ မြန်မာနိုင်ငံ၏ ပညာရေးအားနည်း ချက်ကိုအသုံးချ၍ ပြည်တွင်း၊ ပြည်ပမှ နိုင်ငံရေးသမားများက ၎င်းတို့အကျိုးအတွက် သွေးထိုးလှုံ့ဆော်အသုံးချလုပ်ဆောင်ခဲ့သဖြင့် နိုင်ငံ၏ပညာရေးကဏ္ဍကိုမြှင့်တင်ပြီး နိုင်ငံသူ၊ နိုင်ငံသားများ၏ စိတ်နေစိတ်ထား (Mind Set)မြင့်မားလာအောင်ဆောင်ရွက်ရမည်ဟု ပြောသည်။

ထို့ပြင် မြန်မာနိုင်ငံ၏ ပညာရေးကဏ္ဍသည် လွတ်လပ် ရေးမရမှီနှင့် လွတ်လပ်ရေးရပြီးချိန်တို့၌ ပညာရေးအား နည်းချက်များရှိခဲ့၍ "အ"သုံးလုံးလှုပ်ရှားမှုများဆောင် ရွက်ခဲ့ရမှု၊ ကျောင်းပညာသင်ကြားရေးမှာ လူများစုပညာရေးဖြစ်ခဲ့သော်လည်းကောင်းမွန်ခဲ့မှု၊ နိုင်ငံတကာအဆင့်မီ ပညာရှင်များထွက်ပေါ်ခဲ့မှုတို့ကိုရှင်းလင်းပြောကြားခဲ့သည်။

ယခုအချိန်၌ သက်ဆိုင်ရာဘာသာရပ်များအလိုက် ပြည်ပနိုင်ငံများမှမဟုတ်ဘဲ ပြည်တွင်း၌ပင်အောင်မြင်သော ကျွမ်းကျင်ပါရဂူဘွဲ့ရရှိသူများစွာရှိမှု၊ ပြည်ပနိုင်ငံများ၌ ပညာတော်သင်သွားရောက်ပြီး D.Sc ဘွဲ့ရရှိသူ များလည်းရှိ၍ လူအများစုပညာရေးများတိုးတက်လာစေရန် ပညာရေးနှင့်ပတ်သက်၍ ပြုပြင်ပြောင်းလဲမှုများဆောင်ရွက်မြှင့်တင်ပေးရန်လည်း ရှင်းလင်းပြောကြားသည်။

" မိမိတို့အနေနဲ့ နိုင်ငံတော်ဘဏ္ဍာငွေတွေကို ပညာရေးကဏ္ဍမှာပိုမိုတိုးမြှင့်ရင်းနှီးမြှုပ်နှံရပါမယ်။ ပညာရေးကဏ္ဍတိုးတက်ဖို့ ၂၀၂၆ ဘဏ္ဍာရေးနှစ်မှာ ပညာရေးဝန်ကြီးဌာနအတွက် နိုင်ငံတော်ဘဏ္ဍာငွေရဲ့ (၆ ဒသမ ၉၂)ရာခိုင်နှုန်း၊ တခြားဝန်ကြီးဌာနတွေက ပညာရေးကဏ္ဍတွေပါဝင်ရင် နိုင်ငံတော်ဘဏ္ဍာငွေက (၉ ဒသမ ၂၂)ရာခိုင်နှုန်းကိုအသုံးပြုသွားမှာပါ။ လာမယ့် ဘဏ္ဍာ ရေးနှစ်မှာလည်း ပညာရေးကဏ္ဍအတွက် နိုင်ငံတော်ဘ ဏ္ဍာငွေရဲ့ (၁၀)ရာခိုင်နှုန်းထက်မနည်းတိုးမြှင့်အသုံးပြုသွားမှာပါ။ လာမည့်တစ်နှစ်ကျော်မှာ နိုင်ငံတော်ဘဏ္ဍာငွေရဲ့ (၁၅)ရာခိုင်နှုန်းအထိတိုးမြှင့်မယ်။ မိမိတို့အစိုးရ အဖွဲ့တာဝန်ယူဆောင်ရွက်တဲ့ ငါးနှစ်တာကာလအတွင်းမှာ (၂၀)ရာခိုင်နှုန်းအထိ တိုးမြှင့်ဆောင်ရွက်သွားပါမယ်" ဟု နိုင်ငံတော်သမ္မတက ပြောသည်။

ထို့ကြောင့် ပညာရေးကဏ္ဍတွင် ရင်းနှီးမြှုပ်နှံခြင်းသည် နိုင်ငံတော်၏အနာဂတ်ဖွံ့ဖြိုးတိုးတက်ရေးအတွက် ရင်း နှီးမြှုပ်နှံခြင်း၊ နိုင်ငံအတွက် တန်ဖိုးအရှိဆုံးသော ရင်း နှီးမြှုပ်နှံခြင်းပင်ဖြစ်၍ ပညာရေးကဏ္ဍမြှင့်တင်ရန် တိုင်းနှင့် ပြည်နယ်များအလိုက် ကျောင်းနေရာခိုင်နှုန်းများမြင့်တက်လာစေရေး၊ တန်းစဉ်ကူးပြောင်းမှုများ လျော့နည်းမှုမရှိစေရေးဆောင်ရွက်ရန်လိုကာ "အမျိုးသားစည်းကမ်းအစ စာသင်ကျောင်းက”ဆိုသည့်အ တိုင်းမျိုးချစ်စိတ်ဓာတ်ရှိသည့်၊ စည်းကမ်းကောင်းမွန်မှုရှိသည့် လူငယ်များကိုအခြေခံပညာကျောင်းများမှမွေးထုတ်ပေးရန်လိုသည်ဟု နိုင်ငံတော်သမ္မတက ပြောကြားခဲ့သည်။

PDF များ ရက်ပေါင်း(၁၀၀)အတွင်း အလင်းဝင်ရန်ဖိတ်ခေါ်ခဲ့သည့် နိုင်ငံတော်သမ္မတ ဦးမင်းအောင်လှိုင်

လာမည့် ဇူလိုင် ၃၁ ရက်တွင်ပြည့်မည့် အစိုးရအဖွဲ့ရက်ပေါင်း(၁၀၀)အတွင်း PDF များအလင်းဝင်ကြရန် နိုင်ငံ တော်သမ္မတ ဦးမင်းအောင်လှိုင်က ယနေ့ ဧပြီ ၂၀ ရက်တွင်ကျင်းပသည့် ပြည်ထောင်စုအစိုးရအဖွဲ့အစည်းအ ဝေး၌ ဖိတ်ခေါ်ခဲ့ခြင်းဖြစ်သည်။

PDF များနှင့်ပတ်သက်၍ တွေ့ဆုံဆွေးနွေးခြင်းနှင့် ငြိမ်း ချမ်းရေးအတွက်အလင်းဝင်ရန်ပြောထားကာ လက်ရှိအချိန်တွင်လည်း အလင်းဝင်လာသူအများအပြားရှိပြီး အလင်းဝင်ရန်တောင်းဆိုခြင်းများရှိရာ မိမိတို့အနေဖြင့်ကြိုဆိုသည်ဟု ပြောသည်။

" PDF နဲ့ပတ်သက်ပြီး ရက်ပေါင်း ၁၀၀ အတွင်းမှာလာပြီးငြိမ်းချမ်းရေးအတွက်လာကြပါ။ ဒီကာလအတွင်းမှာ ဥပဒေဘောင်အတွင်းဝင်လာကြဖို့ဖိတ်ခေါ်ပါတယ်။ နိုင် ငံရေးအရလည်း ဘာမှခိုင်လုံတဲ့အကြောင်းပြချက်မဟုတ်ပါဘူး။ PDF တွေအနေနဲ့ အသုံးချမခံရအောင်နေကြဖို့ပြောလိုပါတယ်"ဟု နိုင်ငံတော်သမ္မတက ပြော သည်။

ထို့ပြင် ငြိမ်းချမ်းရေးအတွက် NCA လက်မှတ်ရေးထိုးထားသည့်အဖွဲ့များ၊ NCA လက်မှတ်ရေးထိုးထားခြင်းမရှိသည့်အဖွဲ့များကို ဇူလိုင် ၃၁ ရက်နေ့မတိုင်မီတွေ့ဆုံဆွေးနွေးရန်ဖိတ်ခေါ်ကာ မိမိတို့အနေဖြင့် ငြိမ်းချမ်းရေးလိုချင်ပြီး တိုင်းပြည်တည်ငြိမ်အေးချမ်းမှုမရှိပါက ဖွံ့ ဖြိုးရေးကိစ္စများကို လုပ်ဆောင်နိုင်မည်မဟုတ်ဟု ပြောသည်။

" ငြိမ်းချမ်းရေးလုပ်မှသာ တည်ငြိမ်အေးချမ်းမှုရှိမှသာ ဖွံ့ဖြိုးရေးလုပ်ငန်းကလုပ်လို့ရတယ်။ ရှေ့ကတည် ဆောက်ရေးလုပ်ငန်းလုပ်သွား နောက်ကအဖျက်လုပ် ငန်းတွေပါလာရင် သမင်မွေးရင်း၊ ကျားစားရင်း ဆိုသလိုဖြစ်နေမှာပါ။ ဒါကြောင့် ကျွန်တော်တို့အနေနဲ့ ငြိမ်းချမ်းရေးမှာလည်း မဖြစ်နိုင်တာတွေလျှောက်တောင်းဆိုပြီး ကိုယ့်အဖွဲ့အစည်းတည်တံ့ခိုင်မြဲရေးအတွက်လုပ်နေတယ်ဆိုရင် မှားသွားမယ်။ ကျွန်တော်တို့အနေနဲ့လည်းလုပ်သင့်လုပ်ထိုက်တာတွေကိုတော့ နိုင်ငံတော်အနေနဲ့လုပ်ရမှာတွေရှိလာပါလိမ့်မယ်"ဟု နိုင်ငံတော်သမ္မတက ပြောသည်။

ထို့ပြင် လက်မှတ်ရေးထိုးထားပြီး သဘောတူညီချက်ယူထားခြင်းများရှိကာ ဥပမာအနေဖြင့် (၄၃)ချက်သ ဘောတူညီထားခြင်း၊ NCA လက်မှတ်ရေးထိုးဆွေးနွေးခဲ့သည့် Union Accord ရထားသောသဘောတူညီချက်များကို လာမည့် ပြည်ထောင်စုလွှတ်တော်များ၌တင်ပြ ၍ အပိုင်းလိုက်ဆောင်ရွက်သွားမည်ဟု နိုင်ငံတော်သမ္မ တ ဦးမင်းအောင်လှိုင်က ပြောကြားခဲ့သည်။

ပဲခူးတိုင်း၏ ဆဋ္ဌမအကြိမ်မြောက် မြန်မာ့နှစ်သစ်ကူးတရားအလှူတော်(တတိယည)တွင် ပဲခူးမြို့၊ သာသနာ့ဇောတိကစာသင်တိုက် ပဓာနနာယကဆရာတော်တရားဟောကြားတော်မူ

ပဲခူးတိုင်းဒေသကြီးအစိုးရအဖွဲမှကြီးမှူးကျင်းပသည့် ဆဋ္ဌမအကြိမ်မြောက် မြန်မာနှစ်သစ်ကူးတရားအလှူတော် ဓမ္မသဘင်ပွဲ(တတိယည)ကို ဧပြီ ၁၉ ရက်က ဆင်ယင်ကျင်းပခဲ့သည်။

ပဲခူးတိုင်းဝန်ကြီးချုပ်ဦးမျိုးဆွေဝင်းနှင့် ဇနီး၊ တိုင်းလွှတ်တော်ဥက္ကဋ္ဌနှင့် ဇနီး၊ တာဝန်ရှိသူများနှင့် တရားနာပရိသတ်များအား ပဲခူးမြို့၊ သာသနာ့ဇောတိကစာသင်တိုက်ပဓာနနာယကဆရာတော် ဘဒ္ဒန္တဇနိတ (အဂ္ဂမဟာဂန္ထဝါစကပဏ္ဍိတ)က "သြဝါဒကထာ"ခေါင်းစဥ်ဖြင့် နိဗ္ဗာန်ရောက်ကြောင်းတရားတော်များကို ဟောကြားတော်မူခဲ့သည်။

ထို့နောက် ပဲခူးတိုင်းဝန်ကြီးချုပ် ဦးမျိုးဆွေဝင်းက ဓမ္မပူဇာအလှူငွေကျပ်(၇၅)သိန်းနှင့် လှူဖွယ်ပစ္စည်းများကို ဆရာတော်ထံဆက်ကပ်လှူဒါန်းပြီး လှူဒါန်းမှုအစုစုအတွက် ရေစက်သွန်ချအမျှအတမ်းပေးဝေခဲ့ကြသည်။

ရေနံကုန်သွယ်မှုတွင် ဒေါ်လာအစား ယွမ်ကို အသုံးပြုလာနိုင်ကြောင်း UAE က အမေရိကန်အား သတိပေး

အီရန်ပဋိပက္ခ ကြာရှည်လာပါက မိမိတို့၏ ဒေါ်လာအရန်ငွေများအပေါ် ဖိအားဖြစ်စေနိုင်ကြောင်း အာရပ်စော်ဘွားများပြည်ထောင်စု (UAE) က အမေရိကန်အား သတိပေးလိုက်ပြီးနောက် တရုတ်ယွမ်ငွေကဲ့သို့သော အခြားရွေးချယ်စရာ ငွေကြေးများဖြင့် ရေနံကုန်သွယ်ရန် လမ်းဖွင့်ပေးလိုက်ခြင်းဖြစ်ကြောင်းဆိုသည်။

ပင်လယ်ကွေ့ဒေသ၏ အဓိက ဘဏ္ဍာရေးဗဟိုချက်တစ်ခုဖြစ်သည့် UAE ထံမှ ထွက်ပေါ်လာသော ဤအရိပ်အယောင်သည် ဒေသတွင်း တင်းမာမှုများ မြင့်တက်လာခြင်းကြောင့် ကမ္ဘာ့စွမ်းအင်စျေးကွက်တွင် ဒေါ်လာကို စွန့်ခွာရန် အရှိန်အဟုန် မြန်ဆန်လာနိုင်သည်ဟူသော စိုးရိမ်မှုကို မီးမောင်းထိုးပြနေသည်။ လက်ရှိဖြစ်ပွားနေသော တင်းမာမှုများကြားတွင် ဒေါ်လာအသုံးပြုမှု လျှော့ချရေး ကြိုးပမ်းမှုမှာ အရှိန်အဟုန်သစ် ရရှိလာဖွယ် ရှိနေသည်။

အကယ်၍ ပဋိပက္ခကြောင့် စီးပွားရေးအကျပ်အတည်း ပိုမိုနက်ရှိုင်းလာပါက ဘဏ္ဍာရေးဆိုင်ရာ ဘေးကင်းလုံခြုံရေးကွန်ရက် တစ်ခု ဖော်ဆောင်ပေးရန် UAE အာဏာပိုင်များက ဝါရှင်တန်သို့ တောင်းဆိုထားကြောင်းကိုလည်း အမေရိကန်အရာရှိများကို ကိုးကား၍ The Wall Street Journal က ရေးသားထားသည်။

အဆိုပါ ဆွေးနွေးမှုများအရ ဆက်တိုက်ဖြစ်ပွားနေသော ရန်လိုမှုများသည် ကမ္ဘာ့ဘဏ္ဍာရေးဗဟိုချက်အဖြစ် UAE ၏ ရပ်တည်မှုကို အားနည်းစေခြင်း၊ နိုင်ငံခြားအရန်ငွေများ လျော့နည်းလာခြင်းနှင့် နိုင်ငံအား တည်ငြိမ်သော ရင်းနှီးမြှုပ်နှံမှုနယ်မြေအဖြစ် ရှုမြင်ထားကြသော ရင်းနှီးမြှုပ်နှံသူများကို လက်တွန့်သွားစေခြင်းတို့ ဖြစ်လာနိုင်သည်ဟု စိုးရိမ်နေကြကြောင်း သိရသည်။

UAE အနေဖြင့် ယခုအချိန်အထိ စစ်ပွဲ၏ အဆိုးရွားဆုံး စီးပွားရေးရိုက်ခတ်မှုများကို ရှောင်လွှဲနိုင်ခဲ့သော်လည်း အရင်းအနှီးစီးဆင်းမှုနှင့် ဘဏ္ဍာရေးတည်ငြိမ်မှုကို အနှောင့်အယှက်ဖြစ်စေနိုင်သည့် ဖြစ်နိုင်ခြေရှိသော တုန်လှုပ်မှုများအတွက် ကြိုတင်ပြင်ဆင်မှုများ ပြုလုပ်နေကြောင်း အမေရိကန်အရာရှိများက ပြောကြားခဲ့သည်။

ပြီးခဲ့သည့်သီတင်းပတ်အတွင်း ဝါရှင်တန်တွင် ပြုလုပ်ခဲ့သော အစည်းအဝေးများ၌ UAE ဗဟိုဘဏ်အုပ်ချုပ်ရေးမှူး Khaled Mohamed Balama သည် အမေရိကန်ဘဏ္ဍာရေးဝန်ကြီး Scott Bessent အပါအဝင် အမေရိကန်ဘဏ္ဍာရေးဝန်ကြီးဌာနနှင့် ဗဟိုဘဏ် အရာရှိများနှင့် တွေ့ဆုံစဉ် ငွေကြေးအစားထိုးအလဲအလှယ်ပြုလုပ်သည့် အစီအစဉ်တစ်ရပ် ဖြစ်လာနိုင်ခြေကို တင်ပြခဲ့ကြောင်း အစီရင်ခံစာတွင် ဖော်ပြထားသည်။

အကယ်၍ ဒေါ်လာပြတ်လပ်မှု ဖြစ်ပေါ်လာပါက နိုင်ငံအနေဖြင့် ရေနံရောင်းချမှုများနှင့် အခြားသော အရောင်းအဝယ်များကို တရုတ်ယွမ်ငွေ အပါအဝင် အခြားရွေးချယ်စရာ ငွေကြေးများဖြင့် လုပ်ဆောင်ရန် ဖိအားပေးခံရနိုင်ကြောင်း UAE အရာရှိများက ၎င်းတို့၏ အမေရိကန်အရာရှိများအား ပြောကြားခဲ့သည်။ ထိုသို့သော အပြောင်းအလဲသည် ဒေါ်လာက လွှမ်းမိုးထားသည့် ကမ္ဘာ့ရေနံကုန်သွယ်မှုစနစ်မှ သိသာထင်ရှားသော ခွဲထွက်မှုတစ်ခု ဖြစ်လာမည်ဖြစ်သည်။

မြန်မာသံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးထားခြင်းမရှိဟု ဆိုးလ်မြို့ရှိ မြန်မာသံရုံးထုတ်ပြန်

ကိုးရီးယားနိုင်ငံ၊ ဆိုးလ်မြို့ရှိ မြန်မာသံရုံးအနေဖြင့် သံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးထားခြင်းမရှိဟု ယနေ့ (ဧပြီ ၂၀) တွင် ထုတ်ပြန်သည်။

သံရုံးဆိုင်ရာ ကိစ္စရပ်များကို သံရုံးကသာ ဆောင်ရွက်ပေးလျက်ရှိနေခြင်းဖြစ်ကာ ယင်းသို့ဆောင်ရွက်ရာ၌ လျှောက်ထားသူများက ပူးတွဲတင်ပြလာသော အထောက်အထား၊ အချက်အလက်များ ပြည့်စုံမှန်ကန်မှုရှိမရှိ စိစစ်ပြီး အချိန်မကြန့်ကြာစေရန် ဆောင်ရွက်လျက်ရှိသည်ဟုလည်း ဆိုသည်။

ထို့ကြောင့် မြန်မာ သံရုံး၏ လုပ်ငန်းဆောင်တာများကို မည်သည့်လူပုဂ္ဂိုလ်၊ အဖွဲ့အစည်းကိုမှ ကြားခံဆောင်ရွက်ရန် တာဝန်ပေးခြင်းမရှိပါကြောင်း ထုတ်ပြန်ထားခြင်း ဖြစ်သည်။

ပွင့်ဖြူနှင့် စလင်းမြို့နယ်တို့မှ လေဘေးသင့်သူများကို အိမ်‌ဆောက်ပစ္စည်းဖိုးထောက်ပံ့ငွေနှင့် ကယ်ဆယ်ရေးပစ္စည်း (၁၆) မျိုး ထောက်ပံ့

သဘာဝဘေးဖြစ်ပွားလာပါက ကြိုတင်ကာကွယ်ရေးလုပ်ငန်းများကို သက်ဆိုင်ရာဌာနများနှင့်ပေါင်းစပ်၍ အမြဲတစေလေ့ကျင့်ကြရန် မကွေးတိုင်းဝန်ကြီးချုပ်မှာကြား

မကွေးတိုင်း၊ ပွင့်ဖြူမြို့နယ်နှင့် စလင်းမြို့နယ်တို့၌ ယမန်နေ့ ဧပြီ ၁၉ ရက်ညနေ ၅ နာရီခန့်က မိုးသက်လေပြင်းတို-က်ခတ်၍ နေအိမ်ပျ-က်စီးမှုများဖြစ်ပေါ်ခဲ့သဖြင့် မကွေးတိုင်းဝန်ကြီးချုပ်ဦးတင်ကိုကိုမှ ယနေ့ ဧပြီ ၂၀ ရက်နံနက်ပိုင်းက လေဘေးသင့်သူများကို အိမ်‌ဆောက်ပစ္စည်းဖိုးထောက်ပံ့ငွေနှင့် ကယ်ဆယ်ရေးပစ္စည်း (၁၆) မျိုးထောက်ပံ့ပေးအပ်ခဲ့ကြောင်း သိရသည်။

စလင်းမြို့နယ်အတွင်း မိုးသက်လေပြင်းတို-က်ခတ်မှုကြောင့် ရပ်ကွက်(၁)ခုနှင့် ကျေးရွာ(၆)ရွာရှိ နေအိမ် (၄၈)လုံးမှာလုံးဝပျ-က်စီး၊ နေအိမ်(၂၃၈)လုံးမှာ တစ်စိတ်တစ်ပိုင်းပျ-က်စီးတို့အတွက် အိမ်ဆောက်ပစ္စည်းဖိုး ထောက်ပံ့ငွေကျပ်(၁၆,၇၀၀,၀၀၀)သိန်း၊ လေဘေးသင့်သူ(၇၈၇)ဦးအတွက် နှစ်ပတ်စာစားနပ်ရိက္ခာဆန်ဖိုးငွေကျပ် (၃,၉၃၅,၀၀၀) သိန်း၊ ထိခိုက်ဒ-ဏ်ရာရသူ(၁)ဦးအတွက် ငွေကျပ်(၅၀,၀၀၀)တို့ကိုထောက်ပံ့ပေးခဲ့ကြောင်း သိရသည်။

ထို့ပြင် အိမ်ထောင်စု(၄၈)စုစာအတွက် ငွေကျပ် (၅,၀၆၈,၅၄၄)သိန်းတန်ဖိုးရှိ ကယ်ဆယ်ရေးပစ္စည်း (၁၆)မျိုးကိုလည်း လေဘေးသင့်သူများကိုထောက်ပံ့ပေးခဲ့ကြောင်း သိရသည်။

ထို့အတူ တိုင်းဝန်ကြီးချုပ်က ဒေသခံများအနေဖြင့် သဘာဝဘေးဖြစ်ပွားလာပါက အလျင်အမြန်တုံ့ပြန်နိုင်ရန် ကြိုတင်ကာကွယ်ရေးလုပ်ငန်းများကို သက်ဆိုင်ရာဌာနများနှင့်ပေါင်းစပ်၍ အမြဲတစေလေ့ကျင့်ဆောင်ရွက်ထားကြရန်တိုက်တွန်းပြောကြားခဲ့ကြောင်း သိရသည်။

ထို့နောက် တိုင်းဝန်ကြီးချုပ်က ပွင့်ဖြူမြို့နယ်အတွင်း လေပြင်းတို-က်ခတ်မှုကြောင့် ထိခိုက်ပျ-က်စီးမှုများနှင့် ရှင်းလင်းနေကြမှုများ၊ ဒေသခံတောင်သူများအား ပြည်တွင်းထုတ်ဒီဇယ်ဆီများ လယ်ယာလုပ်ငန်းခွင်အရောက်အထူးသက်သာသောဈေးနှုန်းဖြင့် တို-က်ရို-က်ဖြန့်ဖြူးရောင်းချပေးနေမှုတို့ကို ကြည့်ရှုအားပေးခဲ့ကြောင်း သိရသည်။

အထူးဒေသ(၁)ရှိ ပြည်ထောင်စုလမ်းမကြီး၏ ကွတ်ခိုင်-နမ့်ဖတ်ကာသွားလမ်းပိုင်းတွင် မြေပြိုကျနေမှုများကိုပြန်လည်ပြုပြင်

အထူးဒေသ(၁)၊ ကွတ်ခိုင်ခရိုင်ရှိ ပြည်ထောင်စုလမ်းမကြီး၏ ကွတ်ခိုင်-နမ့်ဖတ်ကာသွားလမ်းပိုင်း နေရာ(၃) ခုတွင် မြေပြိုမှုများဖြစ်ပွားခြင်း၊ အချို့မြေပြိုသည့်နေရာများ၌ လမ်းမျက်နှာပြင်အက်ကွဲမှုများဖြစ်ပေါ်ခြင်းများရှိနေ၍ အထူးဒေသအုပ်ချုပ်ရေးကော်မတီမှ ဦးဆောင်ကာ ဧပြီ ၁၇ ရက်မှစပြီးပြန်လည်ပြုပြင်လျက်ရှိကြောင်း သိရသည်။

လုပ်ငန်းသုံးစက်ယန္တရားများ၊ အလုပ်သမားများနှင့်ပြန်လည်ပြုပြင်မှုများကို လမ်းပန်းဆက်သွယ်ရေးအမြန်ဆုံးပြန်လည်ကောင်းမွန်စေရန်နှင့် သွားလာရေး ဘေးကင်းစေရန်အတွက် ကြိုးပမ်းဆောင်ရွက်လျက်ရှိကြောင်း သိရသည်။

ထို့ကြောင့် လမ်းအသုံးပြုသူများအနေဖြင့် ပြုပြင်ထိန်းသိမ်းရေးဆောင်ရွက်နေသည့် လမ်းပိုင်းများသို့ရောက်ရှိချိန်၌ အရှိန်လျှော့မောင်းနှင်ရန်၊ ဂရုစိုက်ရန်နှင့် လုပ်ငန်းခွင်ရှိ လမ်းစည်းကမ်းထိန်းသိမ်းရေးညွှန်ကြားချက်များကိုလိုက်နာကာ ဘေးကင်းလုံခြုံသောသွားလာမှုဖြစ်စေရန်၊ ယာဉ်မတော်တဆဖြစ်မှုများလျှော့ချနိုင်ရေးအတွက် ဝိုင်းဝန်းပူးပေါင်းဆောင်ရွက်ကြရန်လည်း အထူးဒေသ(၁)အုပ်ချုပ်ရေးကော်မတီက နှိုးဆော်ထားကြောင်း သိရသည်။

ဝက်စ်ဟမ်းကို ဂိုးပြတ်ရှုံးနိမ့်တဲ့ပွဲအပြီးတွင် အဝတ်အစားလဲခန်းအတွင်းမှာ ဝုဗ်ကစားသမား ၂ ဦး လက်ပါတဲ့အထိ ခိုက်ရန်ဖြစ်ပွား
====================
ဝုဗ်စတားများဖြစ်ကြတဲ့ တိုလူအေရိုကိုဒါရီနှင့် မာတီယပ်စ်မာနေးတို့ဟာ ဝက်စ်ဟမ်းအား ၄-၀ ဂိုးဖြင့် ရှုံးနိမ့်တဲ့ပွဲအပြီးတွင် အဝတ်အစားလဲခန်းအတွင်းမှာ လက်ပါတဲ့အထိ ခိုက်ရန်ဖြစ်ပွားခဲ့ကြကြောင်း သတင်းထွက်ပေါ်နေပါတယ်။

ဝုဗ်ဟာ ပရီးမီးယားလိဂ်အမှတ်ပေးဇယားကြမ်းခင်းတွင် ရပ်တည်နေပြီး ချန်ပီယံရှစ်သို့ တန်းဆင်းရရန် သေချာသလောက်ရှိနေတဲ့အနေအထားတွင် ရှိပါတယ်။

Express & Star ရဲ့ ဖော်ပြလာမှုအရ ပွဲအပြီး အဝတ်အစားလဲခန်းအတွင်းတွင် ယင်းပွဲစဉ်မှာ လူစားဝင်ရောက်ကစားခဲ့ကြတဲ့ အသက် ၂၅ နှစ်ရှိ အေရိုကာဒါရီနှင့် အသက် ၁၈ နှစ်ရှိ မာနေးတို့ ခိုက်ရန် ဖြစ်ပွားခဲ့ကြကြောင်း သိရပါတယ်။

အစောပိုင်းတုန်းက ယင်းကစားသမားနှစ်ဦးတို့ဟာ နှုတ်ဖြင့်သာ အပြန်အလှန် ပြောဆိုနေခဲ့ကြတာပါ။

ဒါပေမယ့် နောက်ပိုင်းတွင် လက်ပါလာခဲ့ပြီး အေရိုကာဒါရီက ပိုမိုရန်လိုတဲ့ အပြုအမူ ပြုလုပ်ခဲ့ကြောင်း သိရပါတယ်။

အေရိုကိုဒါရီဟာ ယင်းဖြစ်ရပ်ကြောင့် ဝုဗ်ရဲ့ ဒဏ်ရိုက်ခြင်းခံခဲ့ရပြီး စနေနေ့တုန်းက လိဒ်အား ၃-၀ ဂိုးဖြင့် ရှုံးနိမ့်တဲ့ပွဲတွင် ပါဝင်ကစားခွင့်မရဘဲ အရေးယူခံခဲ့ရပါတယ်။

တိုက်စစ်မှူးအေရိုကာဒါရီဟာ နွေရာသီတုန်းက ဂျန့်မှ ၄ နှစ်စာချုပ်ဖြင့် ပြောင်းလာပြီးနောက် ၃၃ ပွဲကစားထားရာမှာ ၆ ဂိုးသွင်းပြီး ၂ ကြိမ်ဖန်တီးထားပါတယ်။

ကွင်းလယ်ဖန်တီးရှင်မာနေးက ရော့ဒယ်မှ ဝုဗ်အကယ်ဒမီသို့ ပြောင်းလာပြီးနောက် ပြီးခဲ့တဲ့ရာသီမှ စတင်ကာ ဝုဗ်ပထမအသင်းသို့ တက်လှမ်းခွင့်ရရှိကာ ၂၆ ပွဲတွင် ၂ ဂိုးသွင်းပြီး ၂ ကြိမ်ဖန်တီးထားပါတယ်။

မာနေးဟာ နွေရာသီတွင် အသင်းပြောင်းမယ်လို့ ယုံကြည်ရသူ ဖြစ်ပြီး နိုင်ငံပြောင်းကစားဖို့ ရှိနေသူလည်း ဖြစ်ပါတယ်။

သူဟာ အင်္ဂလန်ယူ-၁၈ အတွက် ကစားခဲ့ပေမယ့်လည်း နောက်ပိုင်းတွင် ပေါ်တူဂီယူ-၂၁ အသင်းအတွက် ပြောင်းကစားနေသူ ဖြစ်ပါတယ်။

မန်စီးတီးကို ရှုံးနိမ့်ပေမယ့် အာဆင်နယ်တွင် ပရီးမီးယားလိဂ်ဖလား ဆွတ်ခူးနိုင်ခြေ ၇၃ ရာခိုင်နှုန်းရှိနေသေးတယ်လို့ စူပါကွန်ပျူတာဟောကိန်းထုတ်လာ
===================
အာဆင်နယ်ဟာ မနေ့ညတုန်းက မန်ချက်စတာတိုက်ပွဲမှာ ကျရှုံးခဲ့ပေမယ့်လည်း မီခေးလ်အာတီတာတို့ရဲ့ အုပ်စုကို ဒီစစ်ပွဲမှာ အနိုင်ရမယ်လို့ မှတ်တမ်းအချက်အလက်ဂုရုOpta ရဲ့ စူပါကွန်ပျူတာက ဟောကိန်းထုတ်နေတုန်း ဖြစ်ပါတယ်။

မန်စီးတီးဟာ တနင်္ဂနွေနေ့ညတုန်းက အီတီဟတ်ကွင်းမှာ ၂-၁ ဖြင့် အနိုင်ရပြီးနောက် အာဆင်နယ်နှင့် ၃ မှတ်အကွာသို့ ချဉ်းကပ်လာနိုင်ခဲ့ပါတယ်။

မန်စီးတီးဟာ ကြားရက် ဘန်လေနှင့်ပွဲစဉ်မှာ အနိုင်ရလာမယ်ဆိုရင် အာဆင်နယ်ကို ဂိုးကွာခြားချက်အသာဖြင့် အမှတ်ပေးဇယားထိပ်ဆုံးနေရာကို လွဲပြောင်းရယူလာပါမယ်။

တဖက်မှာ Opta ရဲ့ စူပါကွန်ပျူတာကတော့ အာဆင်နယ်ကို ပရီးမီးယားလိဂ်ချန်ပီယံဖြစ်နိုင်ခြေများစွာရှိနေသေးတယ်လို့ ဆိုလာပါတယ်။

အာဆင်နယ်ဟာ မန်စီးတီးနှင့်ပွဲမတိုင်မီတုန်းက ပရီးမီးယားလိဂ်ချန်ပီယံဖြစ်နိုင်ခြေ ၈၅.၂ ရာခိုင်နှုန်းအထိ ရရှိထားပြီး မန်စီးတီးကတော့ ၁၄.၈ ရာခိုင်နှုန်းပဲ ရှိထားပါတယ်။

အီတီဟတ်တိုက်ပွဲအပြီးမှာတော့ အပြောင်းအလဲတော့ ဖြစ်လာပါတယ်။ Opta က အာဆင်နယ်ကို ၂၂ နှစ်အတွင်း ပထမဆုံးပရီးမီးယားလိဂ်ချန်ပီယံဖြစ်နိုင်ခြေ ၇၃ ရာခိုင်နှုန်းပေးထားဆဲ ဖြစ်ပါတယ်။ မန်စီးတီးကလည်း ချန်ပီယံဖြစ်နိင်ခြေ ၂၇ ရာခိုင်နှုန်းသို့ မြင့်တက်လာပါတယ်။

မန်စီးတီးဟာ လက်ကျန် ပရီးမီးယားလိဂ်ပွဲစဉ်တွေမှာ အာဆင်နယ်နှင့် နှိုင်းယှဉ်လျှင် ပွဲကြပ်တွေ ပိုကစားရပါမယ်။

မန်စီးတီးဟာ ပရီးမီးယားလိဂ် လက်ကျန် ၆ ပွဲအဖြစ် ဘန်လေ(အဝေး)၊ အဲဗာတန်(အဝေး)၊ ဘရန့်ဖို့ဒ်(အိမ်)၊ ဘုန်းမောက်(အဝေး)၊ ပဲလေ့စ်(အိမ်)၊ ဗီလာ(အိမ်)တို့ ကစားရပါမယ်။

အာဆင်နယ်က လက်ကျန် ၅ ပွဲမှာ နယူးကာဆယ်(အိမ်)၊ ဖူလ်ဟမ်(အိမ်)၊ ဝက်စ်ဟမ်း(အဝေး)၊ ဘန်လေ(အိမ်)၊ ပဲလေ့စ်(အဝေး)တို့ ဖြစ်ပါတယ်။

ဒါကို ကြည့်ရင် အာဆင်နယ်ရင်ဆိုင်ရမယ့် အသင်းတွေက ဇယားအောက်ပိုင်းက အသင်းတွေ ဖြစ်ပြီး မန်စီးတီးရင်ဆိုင်ရမယ့်အသင်းတွေက လာမယ့်ရာသီ ဥရောပဝင်ခွင့်အတွက် တိုက်ပွဲဝင်နေတဲ့အသင်းတွေ ဖြစ်နေပါတယ်။

တကယ်လို့များ လက်ကျန်ပွဲအားလုံးကို နှစ်သင်းလုံး အနိုင်ရလာမယ်ဆိုရင်တောင် အာဆင်နယ်က အသင်းငယ်တွေနှင့် ရင်ဆိုင်ရတာ ဖြစ်လို့ ဂိုးပိုသွင်းပြီး ဂိုးကွာခြားချက်အသာစီး ရလာနိုင်ပါသေးတယ်။