စစ်ကိုင်းတိုင်းမှာ ၈၅နှစ်နဲ့အထက် ဘိုးဘွားတွေလူမှုရေးပင်စင်နဲ့ သက်သေခံကဒ်ထုတ်ပေးဖို့ စီစဥ်

အသက်(၈၅)နှစ်နဲ့ အထက်ဘိုးဘွား အားလုံးကို လူမှုရေး ပင်စင်ရရှိနိုင်ဖို့နဲ့ သက်သေခံကဒ်ပြားတွေ ထုတ်ပေးနိုင်ဖို့ လူမှုဝန်ထမ်းဦးစီးဌာနအနေ
နဲ့ဆောင်ရွက်ပေးနေပြီဖြစ်တယ်လို့ စစ်ကိုင်းတိုင်းဝန်ကြီးချုပ် ဦးကိုလေးက အောက်တိုဘာလ ၁ရက်နေ့က အပြည်ပြည်ဆိုင်ရာ သက်ကြီးပုဂ္ဂိုလ်များနေ့အခမ်းအနားမှာပြောကြားလိုက်ပါတယ်။

"အသက်(၈၅)နှစ်နဲ့ အထက်ဘိုးဘွားတွေ အားလုံး လူမှုရေး ပင်စင်ရ ရှိနိုင်ရေးနဲ့ သက်သေခံကဒ်ပြားတွေ ထုတ်ပေးနိုင်ရေးကို လူမှုဝန်ထမ်းဦးစီးဌာနအနေ နဲ့ဆောင်ရွက်ပေးနေပြီဖြစ်တဲ့ အတွက် အကျိုးခံစားခွင့်ရှိသူ အဘိုးအဘွားတွေအားလုံး စာရင်း မကျန်ဖို့ ဝိုင်းဝန်းကူညီဖော်ထုတ် ဆောင်ရွက်ပေးသွားကြဖို့ လိုအပ်ပါတယ်"လို့ ဝန်ကြီးချုပ်ဦးကိုလေးက ပြောကြားပါတယ်။

အခမ်းအနားကို တိုင်း ဝန်ကြီးချုပ် ဦးကိုလေး၊ တိုင်းတရားသူကြီးချုပ်၊ တိုင်း အစိုးရအဖွဲ့ဝင်တွေ၊ တိုင်း/ခရိုင်/မြို့နယ်အဆင့် ဌာနဆိုင်ရာတွေနဲ့သက်ကြီး အဘိုး၊အဘွားတွေ တက်ရောက်ကြပါတယ်။

မြန်မာနိုင်ငံရဲ့ လူဦးရေးသန်းခေါင်စာရင်းကောက်ယူမှုအရ သက်ကြီးရွယ်အို အရေ အတွက်ဟာ ပိုများလာတာကို တွေ့ရပြီး သက်ကြီးရွယ်အိုတွေအတွက် လူမှုရေးနဲ့ ကျန်းမာရေးကဏ္ဍတွေကို တိုးမြှင့် စောင့်ရှောက်နိုင်ဖို့ဟာ လိုအပ်လာပြီ ဖြစ်တယ်လို့ ဝန်ကြီးချုပ်ကအမှာစကားမှာထည့်ပြောပါတယ်။

နိုင်ငံတော်အနေနဲ့ လည်း ဘဏ္ဍာရန်ပုံငွေပေါ်မူတည်ပြီး အသက်ကြီးပုဂ္ဂိုလ်သတ်မှတ် ထောက်ပံ့ပေးသွားနိုင်ဖို့ လူမှု ကာကွယ်စောင့်ရှောက်ဖို့အမျိုးသားအဆင့် မဟာဗျူစီမံချက်(၂၀၁၄)မှာ ရေးဆွဲထား ပြီးပြီလို့ပြောခဲ့သလို အသက်(၈၅)နှစ်နဲ့ အထက်ဘိုးဘွားအားလုံး လူမှုရေး ပင်စင်ရ ရှိနိုင်ဖို့နဲ့သက်သေခံကတ်ပြားတွေထုတ်ပေးနိုင်ဖို့ကို လူမှုဝန်ထမ်းဦးစီးဌာနအနေ နဲ့ဆောင်ရွက်ပေးနေပြီဖြစ်တဲ့ အတွက် အကျိုးခံစားခွင့်ရှိသူ အဘိုးအဘွားအားလုံး မကျန်ရှိစေဖို့ ဝိုင်းဝန်းကူညီဖော်ထုတ် ဆောင်ရွက်ပေးသွားကြဖို့လိုအပ်တယ်လို့ ထည့်သွင်းပြောကြားခဲ့တာပါ။

၂၀၂၆-၂၀၂၇ ဘဏ္ဍာရေး နှစ်အတွက် နိုင်ငံတော်ကလှူဒါန်းတဲ့ စစ်ကိုင်းတိုင်းအတွင်းက ဘိုးဘွားရိပ်သာ (၉)ခုကို ထောက်ပံ့တဲ့ ဆန်၊ စားစရိတ်၊
ဝတ်စရိတ် ထောက်ပံ့ငွေကျပ် - ၃၆,၆၃၆,၀၀၀ (သုံးရာခြောက် ဆယ်ခြောက်သိန်း သုံးသောင်းခြောက်ထောင်)ကျပ်ကို တိုင်းဝန်ကြီးချုပ်နဲ့အခမ်းအနားတက်ရောက်လာသူတွေက ရိပ်သာတာဝန်ခံ ၂ ဦးကိုပေးအပ်ပါတယ်။

အခန်းအနားကိုတက် ရောက်လာကြတဲ့ အဘိုး၊အဘွားတွေကို ဂါရဝလက်ဆောင်ပစ္စည်းတွေ ပေးအပ်ကြပြီး အဘိုး၊အဘွားတွေကိုယ်စား အဘိုးတဦးက ကျေးဇူးတင်စကား ပြောကြားခဲ့ပါတယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
***************************************

🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ရာသီကုန်မှာ ကစားသမားဘဝက အနားယူဖွယ်ရှိကြောင်း ဂျရူး ပြောကြား

ပြင်သစ်တိုက်စစ်မှူး ဂျရူးက ရာသီကုန်မှာ ကစားသမားဘဝက အနားယူဖွယ်ရှိကြောင်း ထုတ်ဖော်ပြောကြားခဲ့ပါတယ်။

အာဆင်နယ်အသင်းရဲ့ တိုက်စစ်မှူးဟောင်းဖြစ်တဲ့ ဂျရူးဟာ အသက်(၄၀)ရှိပြီဖြစ်ပြီး လက်ရှိအသင်းကတော့ လိုင်လီ ဖြစ်ပါတယ်။

''ကစားသမားတစ်ယောက်အနေနဲ့ ဒီရာသီက ကျွန်တော့်ရဲ့နောက်ဆုံးရာသီဖြစ်လာဖို့ အရမ်းနီးစပ်နေပြီလို့ ထင်ပါတယ်။ ဒါကြောင့် အခိုက်အတန့်တိုင်းကို ပျော်ရွှင်အောင် ကျွန်တော် ကြိုးစားနေပါတယ်'' လို့ ဂျရူးက ပြောကြားခဲ့ပါတယ်။

ဂျရူးက ချယ်လ်ဆီးနဲ့ အေစီမီလန်အသင်းတွေမှာလည်း ကစားခဲ့သူဖြစ်ပြီး ချယ်လ်ဆီးနဲ့ ချန်ပီယံလိဂ်ဖလား၊ အေစီမီလန်နဲ့ စီးရီးအေချန်ပီယံဆုတွေ ရယူနိုင်ခဲ့သူပါ။

ဒါပေမဲ့ အာဆင်နယ်အသင်းမှာ ပြိုင်ပွဲစုံ (၂၅၃)ပွဲနဲ့ ပွဲအများဆုံးကစားခဲ့ပြီး ပြင်သစ်လက်ရွေးစင်အသင်းအတွက်တော့ (၁၃၇)ပွဲကစားပြီး (၅၇)ဂိုး သွင်းယူခဲ့ပါတယ်။

ပြီးခဲ့တဲ့နွေရာသီမှာ လိုင်လီအသင်းနဲ့ တစ်နှစ်သက်တမ်းတိုးခဲ့တာဖြစ်ပြီး သက်တမ်းကုန်ချိန်မှာ ကစားသမားဘဝက အနားယူဖို့ ရည်မှန်းထားခြင်းဖြစ်ကြောင်း သိရပါတယ်။

Asian Games MLBB တွင် Gold Medal ကို ရယူနိုင်ခဲ့တဲ့ မြန်မာ့လက်ရွေးစင်အသင်း Team Zanaka

မြန်မာ့လက်ရွေးစင်အသင်း Team Zanaka ဟာ Asian Games MLBB ဗိုလ်လုပွဲမှာ အင်ဒိုနီးရှားကို အနိုင်ယူပြီး ရွှေတံဆိပ်ဆု ရယူနိုင်ခဲ့ပါတယ်။

Photos: Facebook

၂၀၂၆ အာရှအားကစားပြိုင်ပွဲမှာ ရွှေ၊ ငွေ၊ ကြေးဆုတံဆိပ် ရရှိခဲ့တဲ့ နိုင်ငံ့ဂုဏ်ဆောင် မြန်မာတက်ဂ်ဘောအားကစားအဖွဲ့ကို ဂုဏ်ပြုပွဲ ပြုလုပ်

အကြိမ် ၂၀ မြောက်အာရှအားကစားပြိုင်ပွဲနဲ့ (၆)ကြိမ်မြောက် အာရှသဲသောင်ပြင်အားကစားပြိုင်ပွဲမှာ ရွှေ၊ ငွေ၊ ကြေး ရခဲ့တဲ့ နိုင်ငံ့ဂုဏ်ဆောင် မြန်မာ့လက်ရွေးစင် တက်ဂ်ဘောကစားသမားများအား ဂုဏ်ပြုပွဲကို စက်တင်ဘာ ၃၀ ရက်က ရန်ကုန်မြို့၊ Novotel Hotel မှာ ပြုလုပ်ခဲ့ပါတယ်။

အကြိမ် ၂၀ မြောက်အာရှအားကစားပြိုင်ပွဲမှာ ရွှေ၊ ငွေ၊ ကြေး ရရှိိခဲ့တဲ့ မြန်မာတက်ဂ်ဘောကစားသမားများအား ဆုကြေးငွေကျပ် သိန်း ၂၉၀၀ နဲ့ (၆)ကြိမ်မြောက် ဆုတံဆိပ်ရရှိခဲ့တဲ့ မြန်မာတက်ဂ်ဘောကစားသမားများကို ဆုကြေးငွေကျပ် သိန်းသုံးရာတို့ ချီးမြှင့်ခဲ့ပါတယ်။

အကြိမ် ၂၀ မြောက်အာရှအားကစားပြိုင်ပွဲတွင် Women's Single မှာ ရွှေတံဆိပ်ဆုကို ခင်နှင်းဝေ၊ Women's Double မှာ ဆုမွန်အောင်နဲ့ ဖြူဖြူသန်းတို့က ငွေတံဆိပ်ဆု၊ Men's Single မှာ စောဖရိုက်ဒေးက ကြေးတံဆိပ်ဆု ရရှိခဲ့ပါတယ်။

မြန်မာအမျိုးသမီးလိဂ်ပြိုင်ပွဲ ဒုတိယအကျော့ အောက်တိုဘာ ၁၉ ရက် ကျင်းပမယ်

ယခု ၂၀၂၆-၂၀၂၇ ရာသီ မြန်မာအမျိုးသမီးလိဂ်ပြိုင်ပွဲ ဒုတိယအကျော့ကို လာမယ့်အောက်တိုဘာ ၁၉ ရက်မှာ ကျင်းပပြုလုပ်သွားမှာဖြစ်ကြောင်း သိရပါတယ်။

ယခု ၂၀၂၆-၂၀၂၇ ရာသီ မြန်မာအမျိုးသမီးလိဂ်ပြိုင်ပွဲကို အသင်း ၁၀ သင်းဖြင့် ပြီးခဲ့တဲ့ဇွန် ၁၅ ရက်မှစ၍ နှစ်ကျော့စနစ်ဖြင့် ကျင်းပသွားမှာဖြစ်ပါတယ်။

ပြိုင်ပွဲကို ဝင်ရောက်ယှဉ်ပြိုင်နေတဲ့ အသင်း ၁၀ သင်းမှာ ရှမ်းယူနိုက်တက်အသင်း၊ ISPE အသင်း၊ Young Lionesses အသင်း၊ မြ၀တီအသင်း၊ ရန်ကုန်ယူနိုက်တက်အသင်း၊ ရတနာပုံအသင်း၊ ရန်ကုန်စီးတီးအသင်း၊ ဇွဲကပင်ယူနိုက်တက်အသင်း၊ သစ္စာအားမာန်အသင်းနဲ့ ဧရာဝတီအသင်းတို့ဖြစ်ကြောင်း သိရပါတယ်။

ယခု ၂၀၂၆-၂၀၂၇ ရာသီ မြန်မာအမျိုးသမီးလိဂ်ပြိုင်ပွဲကို ပထမအကျော့အပြီးဖြစ်သည့် ပွဲစဉ် ၉ အပြီးတွင် ခေတ္တရပ်နားခဲ့ပြီး ရပ်နားထားစဉ် အချိန်တွင် ISPE အသင်းက အမှတ်ပေးဇယားကို ဦးဆောင်နေလျက်ရှိကြောင်း သိရပါတယ်။

ပထမအကျော့အပြီးတွင် ISPE အသင်းက ၉ ပွဲကစား၊ ၈ ပွဲနိုင်၊ တစ်ပွဲသရေ၊ ရမှတ် ၂၅ မှတ်ဖြင့် အမှတ်ပေးဇယားထိပ်ဆုံးမှာ ဦးဆောင်နေပြီး လက်ရှိချန်ပီယံဧရာဝတီအသင်းက ရမှတ် ၂၂ မှတ်ဖြင့် ဒုတိယနေရာတွင် ရပ်တည်နေပါတယ်။

အဆင့် ၃ နေရာတွင် ရန်ကုန်ယူနိုက်တက်က ရမှတ် ၁၉ မှတ်၊ အ ဆင့် ၄ နေရာတွင် ရှမ်းယူနိုက်တက်အသင်းက ရမှတ် ၁၇ မှတ်၊ အဆင့် ၅ နေရာတွင် သစ္စာ အားမာန်အသင်းက ရမှတ် ၁၆ မှတ်တို့ဖြင့် အစဉ်လိုက်ရပ်တည်နေကြောင်း သိရပါတယ်။

ပြန်လည်စတင်မယ့် ဒုတိယအကျော့တွင် ရတနာပုံအသင်းက မန္တလေးမြို့ရှိ ဗထူးကွင်းတွင် အိမ်ကွင်းနှစ်ပွဲ၊ ဧရာဝတီအသင်းက ပုသိမ်မြို့ရှိ ကျောက်တိုင်ကွင်းတွင် အိမ်ကွင်း နှစ်ပွဲ၊ ရှမ်းယူနိုက်တက်အသင်းက တောင်ကြီးမြို့ရှိ ပြည်နယ်အားကစားကွင်းတွင် အိမ် ကွင်းနှစ်ပွဲ လက်ခံကျင်းပသွားမှာဖြစ်ကြောင်း သိရပါတယ်။

ရန်ကုန်ယူနိုက်တက်အသင်းမှာမူ ၎င်းတို့ရဲ့ YUSC ကွင်းတွင် အိမ်ကွင်းပွဲများ လက်ခံကျင်းပသွားမှာဖြစ်ပြီး အခြားပွဲစဉ်များကိုမူ ပဒုမ္မာကွင်း၊ စတားစီး တီးကွင်းနဲ့ သုဝဏ္ဏကွင်းတို့တွင် ကျင်းပပြုလုပ်သွားမှာဖြစ်ကြောင်း သိရပါတယ်။

ရာသီကုန် အဆင့်ရပ်တည်မှုအပေါ်မူတည်၍ အ မှတ်ပေးချန်ပီယံအသင်းကို ကျပ်သိန်း ၁၀၀၀၊ ဒုတိယဆုရအသင်းကို ကျပ်သိန်း ၇၀၀၊ တတိယဆုရအသင်းကို ကျပ် သိန်း ၅၀၀၊ အဆင့် ၄ နေရာရအသင်းကို ကျပ်သိန်း ၃၀၀၊ အဆင့် ၅ နေရာရအသင်းကို ကျပ်သိန်း ၂၀၀၊ အဆင့် ၆ နေရာရအသင်းကို ကျပ် ၁၇၅ သိန်း၊ အဆင့် ၇ နေရာရအသင်းကို ကျပ်သိန်း ၁၅၀၊ အဆင့် ၈ နေရာရအသင်းကို ကျပ် ၁၂၅ သိန်း၊ အဆင့် ၉ နေရာရအသင်းကို ကျပ်သိန်း ၁၀၀၊ အဆင့် ၁၀ နေရာရအသင်း ကို ကျပ် ၇၅ သိန်း အသီးသီး ထောက်ပံ့ပေးသွားမှာဖြစ်ကြောင်း သိရပါတယ်။

အဂွဲရိုးရဲ့ နာမည်ကျော်သွင်းဂိုး အမည်းစက်စွန်းထင်းသွားခဲ့ပြီလို့ အလန်ရှီးယား ပြောကြား

ပရီးမီးယားလိဂ်ပြိုင်ပွဲမှာ သမိုင်းတစ်လျှောက် ဂိုးအများဆုံးသွင်းယူထားတဲ့ အင်္ဂလန်တိုက်စစ်မှူး အလန်ရှီးယားက မန်စီးတီးတိုက်စစ်မှူးဟောင်း အဂွဲရိုးရဲ့ နာမည်ကျော်သွင်းဂိုးဟာ လက်ရှိအချိန်မှာ အမည်းစက်စွန်းထင်းသွားပြီလို့ ပြောကြားခဲ့ပါတယ်။

အာဂျင်တီးနားတိုက်စစ်မှူး အဂွဲရိုးက မန်စီးတီးအသင်းမှာ (၁၀)နှစ်ကြာ ကစားခဲ့သူဖြစ်ပြီး ပွဲပေါင်း(၃၉၀)ကစားကာ ဂိုးပေါင်း(၂၆၀) သွင်းယူခဲ့တာပါ။

မန်စီးတီးနဲ့အတူ ပရီးမီးယားလိဂ်ချန်ပီယံဆု (၅)ကြိမ်ရယူနိုင်ခဲ့ပြီး ပထမဆုံးပရီးမီးယားလိဂ်ချန်ပီယံဆု ရရှိခဲ့တဲ့ ၂၀၁၁-၁၂ ရာသီမှာ သွင်းယူခဲ့တဲ့ နောက်ဆုံးဂိုးက နာမည်ကျော်ခဲ့တာပါ။

အဲဒီရာသီမှာ နောက်ဆုံးပွဲစဉ်အထိ မန်ယူအသင်းနဲ့ အမှတ်တူနေခဲ့ပြီး နောက်ဆုံးပွဲမှာ မန်ယူက ဆန်းဒါးလန်းကို အနိုင်ရခဲ့ချိန်၊ မန်စီးတီးအသင်းက QPR ကို မိနစ်(၉၀)ပြည့်တဲ့အထိ ရှုံးနိမ့်နေခဲ့ပြီးမှ နာကျင်အချိန်ပိုမှာ ဂျက်ကိုက ချေပဂိုးနဲ့ အဂွဲရိုးက အနိုင်ဂိုး သွင်းယူခဲ့တာ ဖြစ်ပါတယ်။

ဒါကြောင့် ချန်ပီယံဆုအတွက် အဆုံးအဖြတ်ဖြစ်စေခဲ့တဲ့ အဂွဲရိုးရဲ့ အနိုင်ဂိုးက ပရီးမီးယားလိဂ်ရဲ့ နာမည်ကျော် ဂိုးတစ်ဂိုး ဖြစ်ခဲ့တာပါ။

ဒါပေမဲ့ အဲဒီရာသီက မန်စီးတီးအသင်း ဘဏ္ဍာရေးစည်းမျဉ်းချိုးဖောက်မှုတွေ ပြုလုပ်ခဲ့တဲ့ ကာလအတွင်း ပါဝင်နေခဲ့တာကြောင့် အလန်ရှီးယားက အဂွဲရိုးရဲ့သွင်းဂိုး အမည်းစက်စွန်းထင်းသွားပြီလို့ ပြောကြားခဲ့ခြင်း ဖြစ်ပါတယ်။

''အဂွဲရိုးဂိုးသွင်းတာကို မာတင်တိုင်လာ ကြေညာခဲ့တဲ့ အဲဒီအခိုက်အတန့်က ကျွန်တော့်အတွက်တော့ ပရီးမီးယားလိဂ်ရဲ့ သမိုင်းဝင်အခိုက်အတန့်ပါပဲ။ အခုတော့ အမည်းစက်စွန်းထင်းသွားခဲ့ပါပြီ။ ဒီလို ထိပ်တန်းကစားသမားတွေကိုသာ မခေါ်ယူနိုင်ခဲ့ရင် အဲဒီအဖြစ်အပျက် ဖြစ်လာမှာမဟုတ်ဘူးဆိုတာ သေချာပါတယ်'' လို့ အလန်ရှီးယားက ပြောကြားခဲ့ပါတယ်။

မြန်မာဘီယာနဲ့ ဒဂုံဘီယာတို့ ရရှိထားတဲ့ အရည်အသွေးဆုတွေကို ဘယ်လ်ဂျီယံကုမ္ပဏီက ပြန်ရုပ်သိမ်း

မြန်မာဘီယာနဲ့ ဒဂုံဘီယာတို့ ရရှိထားတဲ့ အရည်အသွေးဆုတွေကို ဘယ်လ်ဂျီယံကုမ္ပဏီ Monde Selection က ပြန်လည် ရုပ်သိမ်းလိုက်ပြီး အဲဒီ အမှတ်တံဆိပ်တွေကိုပါ သူတို့ရဲ့ ဝက်ဘ်ဆိုက်ကနေ ဖယ်ရှားလိုက်ပြီလို့ Justice For Myanmar (JFM) က အသိပေး ထုတ်ပြန်ထားပါတယ်။

ဘယ်လ်ဂျီယံကုမ္ပဏီ Monde Selection ဟာ လူသုံးကုန်ပစ္စည်းတွေရဲ့ အရည်အသွေးကို ဆန်းစစ် အကဲဖြတ်တဲ့အဖွဲ့ဖြစ်ပြီး ပြင်သစ်နိုင်ငံ၊ ပါရီမြို့ရှိ ဥရောပနဲ့ နိုင်ငံခြားရေးဝန်ကြီးဌာန ရုံးချုပ် Quai d’Orsay မှာ ကျင်းပပြုလုပ်ခဲ့တဲ့ ၂၀၂၆ ခုနှစ် Monde Selection ဆုပေးပွဲအခမ်းအနားမှာ ဒဂုံအဖျော်ယမကာ ကုမ္ပဏီလီမိတက် (Dagon Beverages Company Limited) ကို ဆုအများအပြား ပေးအပ် ချီးမြှင့်ခဲ့တာပါ။

အဲဒီလို ချီးမြှင့်အပြီးမှာပဲ Justice For Myanmar နဲ့ Info Birmanie တို့က အဲဒီ ကုမ္ပဏီအပေါ် ဒဏ်ခတ်ပိတ်ဆို့မှုနဲ့ လူ့အခွင့်အရေးဆိုင်ရာ အကြောင်းပြချက်တွေ ဖော်ပြပြီး ဆုတွေ ပြန်လည်ရုပ်သိမ်းဖို့နဲ့ Monde Selection Quality Award လိုဂိုကို ဆက်လက် အသုံးပြုခွင့်မပေးဖို့ ပြီးခဲ့တဲ့ သြဂုတ်လအတွင်းမှာ Monde Selection ဆီ လိပ်မူကာ စာရေးသားပေးပို့ တောင်းဆိုခဲ့တယ်လို့ သိရပါတယ်။

အဲဒီ တောင်းဆိုမှုအပြီးမှာပဲ Monde Selection ဘက်က ဒီကုမ္ပဏီတွေဟာ အစိုးရတပ်နဲ့ ဆက်နွယ်နေတယ် ဆိုတာကို ၎င်းတို့အနေနဲ့ ကြိုတင် သိရှိထားခြင်းမရှိခဲ့ဘူးလို့ အသိပေးပြီး ဆုတွေကို ပြန်လည် ရုပ်သိမ်းခဲ့တာဖြစ်ပါတယ်။

ဒီအကြောင်းအရာနဲ့ ပတ်သက်လို့ Info Birmanie ရဲ့ ညှိနှိုင်းရေးမှူးဖြစ်သူ Johanna Chardonnieras က “ဒီဖြစ်ရပ်က ငြိမ်းချမ်းရေးနဲ့ စစ်ဖြစ်နေတဲ့အချိန်တွေမှာ တကယ့်စီးပွားရေးလောကနဲ့ ဘယ်လောက်ထိ ဆက်စပ်နေလဲဆိုတာကို ကုမ္ပဏီတိုင်းအတွက် သတိပေးစရာတခု ဖြစ်သင့်တယ်” လို့ ပြောပါတယ်။

Dagon Lager Beer, Dagon Extra Strong, Dagon Royal Rum, Dagon Malta Fresh နဲ့ Dagon Fresh Lemon Sparkling အစရှိတဲ့ အမှတ်တံဆိပ်တွေကို ထုတ်လုပ်တဲ့ Dagon Beverages ဟာ မြန်မာ့စီးပွားရေးကော်ပိုရေးရှင်း (MEC) ရဲ့ ရာနှုန်းပြည့်ပိုင် လက်အောက်ခံကုမ္ပဏီလို့ သိရပါတယ်။

ဒါအပြင် မြန်မာ့စီးပွားရေးဦးပိုင်လီမိတက် (MEHL) ရဲ့ လက်အောက်ခံ Myanmar Brewery ကုမ္ပဏီထုတ် Myanmar Beer, Black Shield နဲ့ Andaman Gold အစရှိတဲ့ ဘီယာတွေဟာလည်း Monde Selection က ပေးအပ်တဲ့ဆုတွေကို ပြီးခဲ့တဲ့ ၂၀၂၃ ခုနှစ်အတွင်းမှာ နောက်ဆုံးအကြိမ် ရရှိထားခဲ့တယ်လို့ JFM က ထုတ်ပြန်ထားပြီး MEC နဲ့ MEHL တို့ကို အီးယူ၊ ယူကေ၊ အမေရိကန်ပြည်ထောင်စု၊ ကနေဒါနဲ့ ဩစတြေးလျနိုင်ငံတို့က ဒဏ်ခတ်ပိတ်ဆို့ အရေးယူထားတယ်လို့ သိရပါတယ်။

လက်ရှိမှာ မြန်မာဘီယာနဲ့ ဒဂုံဘီယာတို့ရဲ့ အရည်အသွေးဆုတွေ ရုပ်သိမ်းခံထားရပေမယ့် ပြည်တွင်းဈေးကွက်အတွင်းမှာတော့ အဲဒီဘီယာတွေရဲ့ ရောင်းအားပမာဏ သိသာစွာ ကျဆင်းသွားခြင်း မရှိသေးဘဲ ပုံမှန်အတိုင်း ဆက်လက်ဖြန့်ချိ ရောင်းချနေရဆဲ ဖြစ်တယ်လို့ သိရပါတယ်။