ခရိုအေးရှားရဲ့ ကမ္ဘာ့ဖလားလူစာရင်းတွင် အသက် ၄၀ နှစ်ရှိ လူကာမိုဒရစ် ပါဝင်လာ
==================

ဝါရင့်ကွင်းလယ်ကစားသမားလူကာမိုဒရစ်ဟာ ခရိုအေးရှားရဲ့ ကမ္ဘာ့ဖလားလူစာရင်းတွင် ပါဝင်လာမှုနှင့်အတူ မေးရိုးအက်ဒဏ်ရာမှ ကမ္ဘာ့ဖလားပြိုင်ပွဲအမီ ပြန်လည်ကောင်းမွန်လာမယ်လို့ ယုံကြည်နေရပါတယ်။
အသက် ၄၀ နှစ်ရှိ အေစီမီလန်ကွင်းလယ်ကစားသမားဟာ ဧပြီလနှောင်းပိုင်းတုန်းက ဂျူဗင်တပ်နှင့်ပွဲစဉ်တွင် ခေါင်းချင်းဆောင့်မိကာ မေးရိုးအက်ဒဏ်ရာရရှိခဲ့တာလည်း ဖြစ်ပါတယ်။
၂၀၁၈ ခုနှစ် Ballon d'Or ဆုရှင်ဟာ ဒဏ်ရာကို ခွဲစိတ်ကုသမှု ပြုလုပ်ခဲ့ရပါတယ်။ ဒါပေမဲ့ ယခုအခါမှာတော့ သူဟာ နည်းပြဇလက်ကိုဒါလစ်ရဲ့ ၂၆ ဦးလူစာရင်းတွင် ရွေးချယ်ခြင်းခံလာရပါတယ်။
ဒါလစ်က "သူက မျက်နှာဖုံးစွပ်ပြီး လေ့ကျင့်ခန်းဆင်းနေတယ်။ အားလုံးလည်း ကောင်းတယ်။ အခုလို နားနေရတာ သူ့အတွက် ကောင်းလာနိုင်တယ်။ သူ့အခြေအနေ ဘယ်လို ရှိနေမလဲ ကြည့်ရဦးမယ်။ ဒါပေမဲ့ သူ့အပေါ် သံသယမဝင်ပါဘူး။ သူအခြေအနေကောင်းနေမှာပါ"လို့ ပြောကြားသွားပါတယ်။
စပါးစ်နှင့် ရီးရဲလ်မက်ဒရစ်ကွင်းလယ်ကစားသမားဟောင်းဟာ ခရိုအေးရှားအား ၂၀၁၈ ကမ္ဘာ့ဖလားတွင် တတိယနှင့် ၂၀၂၂ ကမ္ဘာ့ဖလားပြိုင်ပွဲတွင် ဆီမီးဖိုင်နယ်သို့ တက်ရောက်အောင် အဓိကနေရာမှ ကူညီခဲ့သူ ဖြစ်ပြီး ၅ ကြိမ်မြောက် ကမ္ဘာ့ဖလားပြိုင်ပွဲ ကစားလာပါမယ်။
ဇန်နဝါရီလကတည်းက ခြေသလုံးရိုးအက်ဒဏ်ရာကြောင့် အနားယူလာခဲ့ရတဲ့ မန်စီးတီးနောက်ခံလူဂျို့စ်ကိုဂဗာဒီယော်မှာလည်း ခရိုအေးရှားလူစာရင်းတွင် ပါဝင်လာပါတယ်။
ခရိုအေးရှားနည်းပြဒါလစ်က ဂဗာဒီယော်မှာ ကမ္ဘာ့ဖလားမတိုင်မီ ခြေစမ်းပွဲများတွင် ပါဝင်လာနိုင်ကြောင်း အတည်ပြုထားပါတယ်။
ခရိုအေးရှားလူစာရင်းတွင် မန်စီးတီးကွင်းလယ်ကစားသမားကိုဗာဆစ်၊ ဟားလ်စီးတီးဂိုးသမားအိုင်ဗော်ပန်ဒူ၊ အဲဗာတန်နှင့် ဝက်စ်ဟမ်းကွင်းလယ်ကစားသမားဟောင်းနီကိုလာဗလာဆစ်၊ စပါးစ်တောင်ပံကစားသမားဟောင်းအိုင်ဗန်ပီရီဆစ်တို့လည်း ရွေးချယ်ခံထားရပါတယ်။
ခရိုအေးရှားဟာ ဇွန်လ ၁၇ ရက်နေ့တွင် အင်္ဂလန်နှင့် အုပ်စုအဖွင့်ပွဲ ကစားရမှာ ဖြစ်ပြီး ပနားမား၊ ဂါနာတို့နှင့်လည်း ထိပ်တိုက်ကစားရပါမယ်။

အသင်းမှ ထွက်ခွာလာမဲ့ ဂွါဒီယိုလာကို အီတီဟတ်ပွဲကြည့်စင်အမည်ပေးကာ ဂုဏ်ပြုရေး မန်စီးတီး ဆွေးနွေးနေ
=====================

မန်စီးတီးဟာ ရာသီအကုန်တွင် အသင်းမှ ထွက်ခွာလာမဲ့ ပက်ဂွါဒီယိုလာရဲ့အမည်အား အီတီဟတ်ကွင်းပွဲကြည့်စင်အမည်ပေးကာ ဂုဏ်ပြုရန် ဆွေးနွေးနေပါတယ်။
ဂွါဒီယိုလာဟာ လာမဲ့ တနင်္ဂနွေနေ့ အက်စတွန်ဗီလာနှင့် ပရီးမီးယားလိဂ်ရာသီသိမ်းပွဲအပြီးတွင် မန်စီးတီးမှ ထွက်ခွာမယ်လို့ ကြေညာလာမယ်လို့ ယုံကြည်ရပါတယ်။
မန်စီးတီးဟာ တနင်္ဂနွေနေ့တွင် အသစ်တိုးချဲ့အဆင့်မြှင့်တည်ဆောက်မှု ပြုလုပ်ထားတဲ့ မြောက်ဘက်ပွဲကြည့်စင်အား ဖွင့်လှစ်လာပါမယ်။
မန်စီးတီးဟာ ကလပ်ဂန္ထဝင်များဖြစ်ကြတဲ့ ဆာဂျီယိုအဂွဲရိုး၊ ဗင်းဆင့်ကွန်ပနီ၊ ဒေးဗစ်ဆေးလ်ဗား၊ ကီဗင်ဒီဘရိုင်းတို့အား ရုပ်ထု ထုလုပ်ဂုဏ်ပြုထားပြီး ဖြစ်ပါတယ်။
ဂွါဒီယိုလာက မန်စီးတီးတွင် ၁ နှစ်ကျန် စာချုပ်အတိုင်း လာမဲ့ရာသီအထိ ရှိနေမယ်လို့ ပြောကြားထားပေမဲ့ ရာသီအကုန်တွင် ထွက်ခွာလာမယ်လို့ ယုံကြည်ရပါတယ်။
မန်စီးတီးဟာ ပက်ဂွါဒီယိုလာရဲ့ လက်ထောက်နည်းပြဟောင်းအန်ဇိုမာရက်စ်ကာအား နည်းပြသစ်အဖြစ် ခန့်အပ်ရေး‌ ဆွေးနွေးမှုများ ပြုလုပ်ထားပြီးလည်း ဖြစ်ပါတယ်။
လာမဲ့ တနင်္ဂနွေနေ့ ဗီလာနှင့် အိမ်ကွင်းပွဲစဉ်မှာ ဂွါဒီယိုလာရဲ့ နောက်ဆုံးပွဲဖြစ်လာမှာ ဖြစ်သလို ဘာနာဒိုဆေးလ်ဗား၊ ဂျွန်စတုန်းတို့အတွက်လည်း နောက်ဆုံးပွဲ ဖြစ်လာပါမယ်။

ဘရာဇီးရဲ့ ကမ္ဘာ့ဖလားလူစာရင်း ၂၆ ဦးတွင် နေမာ ပါဝင်လာ
===================

ဘရာဇီးတိုက်စစ်မှူးနေမာဟာ ကာလိုအန်ဆယ်လော့တီရဲ့လာမဲ့ ၂၀၂၆ ကမ္ဘာ့ဖလားပြိုင်ပွဲအတွက် ဘရာဇီး ၂၆ ဦးစာရင်းတွင် ရွေးချယ်ခြင်းခံလာရပါတယ်။
ဆန်းတို့စ်တွင် ကစားနေတဲ့ အသက် ၃၄ နှစ်ရှိ နေမာဟာ ဘရာဇီးအတွက် ၁၂၈ ပွဲကစားကာ ၇၉ ဂိုးသွင်းယူပေးထားသူ ဖြစ်ပြီး ဒဏ်ရာပြဿနာကြောင့် ၂၀၂၃ ခုနှစ်ကတည်းက လက်ရွေးစင်အတွက် ကစားခွင့်မရလာသူ ဖြစ်ပါတယ်။
သူဟာ ဘရာဇီးရဲ့ အပြီးသတ်လူစာရင်းတွင် ရွေးချယ်လာမှုနှင့်အတူ ၄ ကြိမ်ဆက် ကမ္ဘာ့ဖလားပြိုင်ပွဲအား ကစားလာပါတော့မယ်။
အီတလီလူမျိုးနည်းပြအန်ဆယ်လော့တီဟာ ရီယိုဒီဂျနဲလ်ရိုးတွင် ဘရာဇီးလူစာရင်းအား ကြေညာခဲ့ရာ နေမာအမည်အား ကြေညာလာချိန်တွင် ပရိသတ်များက လက်ခုပ်တီး ကြိုဆိုခဲ့ကြပါတယ်။
အသက် ၆၆ နှစ်ရှိ အန်ဆယ်လော့တီက "ကျွန်တော်တို့ ပြီးခဲ့တဲ့ တစ်နှစ်လုံး နေမာကို ဆန်းစစ်လေ့လာမှု ပြုလုပ်ခဲ့ကြတယ်။ နောက်ဆုံးကာလမှာ သူ့ခြေစွမ်း ပိုမိုတည်ငြိမ်ပြီး ကြံ့ခိုင်မှုပိုင်းလည်း ကောင်းမွန်လာတာ တွေ့ခဲ့ရတယ်"လို့ ပြောကြားသွားပါတယ်။
ဒဏ်ရာကြောင့် လီဗာပူးရဲ့ နောက်ဆုံး ၁၀ ပွဲကို လွဲချော်လာခဲ့တဲ့ အလစ်ဆင်ဘက်ကာမှာလည်း ယူနိုက်တက်ရဲ့ ကက်စ်မီရို၊ မားသီးယပ်စ်ကူညာ၊ နယူးကာဆယ်ကွင်းလယ်ကစားသမားဘရူနိုဂူမာရေးစ်၊ အာဆင်နယ်နောက်ခံလူဂါဘရီရယ်၊ ဘရန့်ဖို့ဒ်တိုက်စစ်မှူးအိုင်ဂေါ်တီယာဂို၊ ဘုန်းမောက်တိုက်စစ်သမားရာယန်တို့နှင့်အတူ ရွေးချယ်ခြင်းခံခဲ့ရပါတယ်။
ဒါပေမဲ့ ချဲလ်ဆီးတိုက်စစ်သမားပီဒရိုကတော့ ယခုရာသီတွင် ၁၅ ဂိုးသွင်းကာ ၅ ကြိမ်ဖန်တီးပြီး ချဲလ်ဆီးရဲ့ ဂိုးအများဆုံးသွင်းယူထားသူအဖြစ် ရပ်တည်ခဲ့ပေမဲ့ ရွေးချယ်ခြင်းမခံလာရပါဘူး။
ဘရာဇီးလူစာရင်းတွင် ဘာစီလိုနာစတားရာဖင်ညာ၊ ရီးရဲလ်မက်ဒရစ်စူပါစတားဗီနီရှပ်စ်နှင့် လိုင်ယွန်တွင် အငှားဖြင့် သွားကစားနေတဲ့ အန်းဒရစ်တို့လည်း ရွေးချယ်ခြင်းခံလာရပါတယ်။
ကမ္ဘာ့ဖလား ၅ ကြိမ် ချန်ပီယံဘရာဇီးဟာ ဇွန်လ ၁၃ ရက်နေ့တွင် မော်ရိုကိုနှင့် ကမ္ဘာ့ဖလားအဖွင့်ပွဲကစားရမှာ ဖြစ်ပြီး ဇွန်လ ၂၀ ရက်နေ့တွင် ဟေတီ၊ ဇွန်လ ၂၄ ရက်နေ့တွင် စကောတ့လန်တို့နှင့် အုပ်စုပွဲ အသီးသီး ကစားရပါမယ်။

ဂွါဒီယိုလာ ထွက်ခွာမှုအတွက် မန်စီးတီး ပြင်ဆင်ထား
=====================

မန်စီးတီးဟာ လာမဲ့ တနင်္ဂနွေနေ့ အက်စတွန်ဗီလာနှင့် ပရီးမီးယားလိဂ်ရာသီသိမ်းပွဲစဉ်အပြီးတွင် ပက်ဂွါဒီယိုလာ ထွက်ခွာလာနိုင်မှုအတွက် ပြင်ဆင်နေပြီ ဖြစ်ပါတယ်။
ဂွါဒီယိုလာဟာ ရာသီအကုန်တွင် အီတီဟတ်မှ ထွက်ခွာမယ်လို့ ယုံကြည်ရသူ ဖြစ်ပါတယ်။
မန်စီးတီးကတော့ ဂွါဒီယိုလာမှာ တစ်နှစ်စာချုပ်ကျန်နေသေးမှုနှင့်အတူ လာမဲ့ရာသီအထိ အသင်းအား ဆက်လက် ကိုင်တွယ်ရန် မျှော်လင့်နေပါတယ်။
ဒါပေမဲ့ မန်စီးတီးအသင်းတာဝန်ရှိသူများ၊ နည်းပြအဖွဲ့ဝင်များ၊ ကစားသမားများဟာ ဂွါဒီယိုလာမှာ ကလပ်မှ ထွက်ခွာလာမယ်လို့ ယုံကြည်နေကြပါတယ်။
လက်ရှိအချိန်တွင် အသက် ၅၅ နှစ်ရှိ ဂွါဒီယိုလာရဲ့ နေရာကို ဆက်ခံရန် လက်ထောက်နည်းပြအဖြစ် တာဝန်ထမ်းဆောင်ခဲ့ဖူးတဲ့ ချဲလ်ဆီးနည်းပြအန်ဇိုမာရက်စ်ကာက ထိပ်ဆုံးမှ ရေပန်းစားနေပါတယ်။
ဂွါဒီယိုလာဟာ မန်စီးတီးကို ၁၀ နှစ်ကြာ ကိုင်တွယ်စဉ်အတွင်း ပရီးမီးယားလိဂ်ဖလား ၆ ကြိမ်၊ ချန်ပီယံလိဂ်ဖလား ၁ ကြိမ်၊ အက်ဖ်အေဖလား ၃ ကြိမ်၊ လိဂ်ဖလား ၅ ကြိမ်အပါအဝင် ဆုဖလား ၁၇ လုံး ရယူပေးထားသူ ဖြစ်ပါတယ်။
ဂွါဒီယိုလာရဲ့ အနာဂတ်နှင့်ပတ်သက်ပြီး ကောလာဟလသတင်းများ ထွက်ပေါ်လာခဲ့တာ လအတန်ကြာပြီလည်း ဖြစ်ပါတယ်။
ဂွါဒီယိုလာဟာ သတင်းစာရှင်းလင်းပွဲများတွင် အနာဂတ်နှင့်ပတ်သက်ပြီး မကြာခဏ မေးမြန်းခံလာရပါတယ်။
ပြီးခဲ့တဲ့ သောကြာနေ့တုန်းက သတင်းစာရှင်းလင်းပွဲတွင် ဂွါဒီယိုလာက မန်စီးတီးနှင့် တစ်နှစ်စာချုပ်ကျန်နေသေးကြောင်း ပြောကြားခဲ့သလို စနေနေ့တုန်းက အက်ဖ်အေဖလားဗိုလ်လုပွဲမတိုင်မီတုန်းကလည်း မန်စီးတီးတွင် ဆက်ရှိနေမလားလို့ မေးမြန်းလာချိန်တွင် 'ဟုတ်တယ်'လို့သာ တိုတိုတုတ်တုတ် ဖြေကြားခဲ့ပါတယ်။

ဆော်ဒီပရိုလိဂ်တစ်နှစ်တာအကောင်းဆုံးကစားသမားဆုအတွက် ဆန်ကာတင်စာရင်းတွင် ခရစ္စတီယာနိုရော်နယ်ဒိုနှင့် အိုင်ဗန်တိုနေးတို့ ပါဝင်နေ
====================

ဆော်ဒီပရိုလိဂ်ဟာ ၂၀၂၅-၂၆ ရာသီအတွက် တစ်နှစ်တာအကောင်းဆုံးကစားသမားဆုအတွက် ဆန်ကာတင်ကစားသမား ၅ ဦးစာရင်းကို ကြေညာလာပါတယ်။
Al-Nassr အသင်းခေါင်းဆောင်ဟာ ကစားဖော်ဂျိုအာဖီးလစ်၊ အိုင်ဗန်တိုနေး၊ ဂျူလီယန်ကွီနိုနက်စ်၊ ရူဘင်နီဗက်စ်တို့နှင့်အတူ ရွေးချယ်ခြင်းခံထားရပါတယ်။
ခရစ္စတီယာနိုရော်နယ်ဒိုဦးဆောင်တဲ့ Al-Nassr ဟာ လာမဲ့ ကြာသပတေးနေ့မှာ ရာသီသိမ်းပွဲအဖြစ် ဒါမစ်နှင့် ရင်ဆိုင်ကစားရမှာ ဖြစ်ပြီး ယင်းပွဲတွင် အနိုင်ရရှိလာပါက ချန်ပီယံဖြစ်လာပါမယ်။
ခရစ္စတီယာနိုရော်နယ်ဒိုဟာ ယခုရာသီတွင် ၂၆ ဂိုးသွင်းယူထားကာ ချန်ပီယံဖြစ်ရေး အခြေအနေကောင်းအောင် ကူညီထားပါတယ်။
သူဟာ မော်ဒန်ခေတ်တွင် ဆော်ဒီပရိုလိဂ်ဂိုး ၁၀၀ ပြည့်အောင် သွင်းထားတဲ့ တတိယမြောက်ကစားသမားအဖြစ် သမိုင်းမှတ်တမ်းရေးထိုးထားသလို ယခုရာသီတွင် ပွဲစဉ်အလိုက်အကောင်းဆုံးကစားသမားဆု ၇ ကြိမ်အထိလည်း ဆွတ်ခူးထားရာ တစ်နှစ်တာအကောင်းဆုံးကစားသမားဆုအတွက် ရေပန်းအစားဆုံး ဖြစ်နေပါတယ်။
အလယ်တန်းကစားသမားဂျိုအာဖီးလစ်မှာလည်း ဟက်ထရစ် ၃ ကြိမ် ရရှိထားကာ ၁၂ ကြိမ်ဖန်တီးထားပါတယ်။
အင်္ဂလန်တိုက်စစ်ှမှူးအိုင်ဗန်တိုနေးမှာလည်း Al-Ahli အတွက် လိဂ်ပွဲ ၃၁ ပွဲတွင် ၃၂ ဂိုးအထိ သွင်းထားနိုင်ပါတယ်။ သူဟာ ဟက်ထရစ် ၄ ကြိမ်အထိ သွင်းထားနိုင်သလို ပွဲစဉ်အလိုက်အကောင်းဆုံးကစားသမားဆု ၉ ကြိမ်အထိ ရရှိထားပါတယ်။
ဒါ့အပြင် ဆော်ဒီပရိုလိဂ်တစ်နှစ်တာအကောင်းဆုံးနည်းပြဆုအတွက် ဆန်ကာတင်စာရင်းတွင် Al-Nassr နည်းပြဂျီးဆပ်စ်၊ Al-Ahli နည်းပြမားသီးယပ်စ်ဂျိုင်ဆယ်၊ Al-Hilal နည်းပြဆီမြွန်နီအင်ဇာဂီ၊ Al-Qadiash နည်းပြဘရန်ဒန်ရော်ဂျာ၊ Al Ettifaq နည်းပြဆာဒ်အယ်လ်ရှီးရီတို့က ရွေးချယ်ခြင်းခံထားရပါတယ်။

ချန်ပီယံလိဂ်ဗိုလ်လုပွဲအား ပီအက်စ်ဂျီစူပါစတားဒမ်ဘီလီ လွဲချော်လာဖွယ်ရှိနေ
===================

အူစမာနီဒမ်ဘီလီဟာ မြို့ခံပြိုင်ဘက် ပဲရစ်အက်ဖ်စီအား ရှုံးနိမ့်တဲ့ပွဲစဉ်တွင် ဒဏ်ရာရရှိကာ လူစားလဲလှယ်မှု ပြုလုပ်လိုက်ရပြီးနောက် အာဆင်နယ်နှင့်ကစားရမဲ့ ချန်ပီယံလိဂ်ဗိုလ်လုပွဲတွင် ပါဝင်ကစားရေး မရေမရာ ဖြစ်လာပါတယ်။
Ballon d'Or ဆုရှင်ဟာ ပဲရစ်အက်ဖ်စီကို ၂-၁ ဖြင့် ရှုံးနိမ့်တဲ့ပွဲစဉ်ရဲ့ ပွဲချိန် ၂၈ မိနစ်တွင် ဂွန်ကာလိုရာမို့စ်နှင့် လူစားလဲလှယ်ခြင်းခံခဲ့ရတာလည်း ဖြစ်ပါတယ်။
သူဟာ လူစားလဲလှယ်ခြင်းခံခဲ့ရပြီးနောက် ဥမင်လှိုဏ်ခေါင်းသို့ တန်းဆင်းသွားခဲ့ပါတယ်။
ဒမ်ဘီလီဟာ ယခုရာသီတွင် ဒဏ်ရာပြဿနာများကြောင့် လီဂူး ၁ တွင် ၁၁ ပွဲတည်းသာ ပွဲထွက်ကစားထားနိုင်ပေမဲ့လည်း လီဂူး ၁ တစ်နှစ်တာအကောင်းဆုံးကစားသမားဆုအား ဆွတ်ခူးထားနိုင်ပါတယ်။
သူဟာ ပီအက်စ်ဂျီအတွက် လိဂ်ပွဲ ၂၂ ပွဲကစားထားရာမှာ ၁၀ ဂိုးသွင်းကာ ၇ ကြိမ် ဖန်တီးထားပါတယ်။
ပီအက်စ်ဂျီဟာ ပြီးခဲ့တဲ့အပတ်ဗုဒ္ဓဟူးနေ့ကတည်းက လန်းစ်ကို အနိုင်ယူကာ လီဂူး ၁ ဖလား ၅ ကြိမ်ဆက် ဆွတ်ခူးထားနိုင်ပါတယ်။
သူဟာ ယခုရာသီတွင် ချန်ပီယံလိဂ်မှာ ၇ ဂိုးသွင်းထားပြီး ၆ ဂိုးကို ရှုံးထွက်အဆင့်ပွဲစဉ်များမှာ သွင်းယူထားတာပါ။

ဘွန်ဒက်စ်လီဂါသို့ တန်းတက်ခွင့်ရလာတဲ့ လူဦးရေ ၁၃၀၀၀ သာရှိတဲ့ မြို့အခြေစိုက်ကလပ်
=================

အယ်ဗာ့စ်ဘတ်ဟာ တန်းဆင်းသွားရပြီဖြစ်တဲ့ ပရူဆင်မန်စတာကို ၃-၀ ဂိုးဖြင့် အနိုင်ရရှိကာ တန်းတက်ခွင့် ရရှိလာပြီးနောက် ဘွန်ဒက်စ်လီဂါရဲ့ အသေးငယ်ဆုံးကလပ် ဖြစ်လာတော့မှာ ဖြစ်ပါတယ်။
အယ်ဗာ့စ်ဘတ်ဟာ လူဦးရေ ၁၃၀၀၀ သာ တည်ရှိတဲ့ စပီးဆင်အယ်ဗာ့စ်ဘတ်မြို့တွင် အခြေစိုက်တဲ့ကလပ်ဖြစ်ပြီး ဘွန်ဒက်စ်လီဂါရဲ့ အသေးငယ်ဆုံးမြို့ ဖြစ်လာပါမယ်။
ငါးနှစ်အတွင်း တတိယအကြိမ်မြောက် တန်းတက်ခွင့် ရရှိပြီးနောက် အယ်ဗာ့စ်ဘတ်ပရိသတ်များဟာ ပရိသတ် ၁၀၀၀၀ ဆန့် Waldstadion ကွင်းသို့ ဆင်းကာ အကြီးအကျယ် အောင်ပွဲခံခဲ့ကြပါတယ်။
အယ်ဗာ့စ်ဘတ်ဟာ ပြီးခဲ့တဲ့ရာသီတုန်းကလည်း ဘွန်ဒက်စ်လီဂါသို့ တန်းတက်ရန် နီးစပ်ခဲ့ပေမဲ့လည်း ပလေးအော့ဖ်တွင် ဟိုင်ဒန်ဟိမ်းကို ရှုံးနိမ့်ကာ တန်းတက်နိုင်မဲ့ အခွင့်အရေး လက်လွှတ်ခဲ့ရတာပါ။
အယ်ဗာ့စ်ဘတ်ကို ၁၉၀၇ ခုနှစ်တွင် တည်ထောင်ခဲ့တာ ဖြစ်ပြီး ဂျာမနီအနောက်တောင်ပိုင်း အသေးငယ်ဆုံး ဆားလန်းပြည်နယ်တွင် တည်ရှိပါတယ်။ ၎င်းတို့ဟာ စတုတ္ထတန်းတွင်သာ ကျင်လည်လာခဲ့တဲ့ ကလပ်ဖြစ်ပြီး ၂၀၂၃-၂၄ ရာသီတွင် ပထမဆုံးအကြိမ်အဖြစ် ဒုတိယတန်းသို့ တန်းတက်ခွင့်ရခဲ့ပါတယ်။
အယ်ဗာ့စ်ဘတ်ဟာ ဘွန်ဒက်စ်လီဂါရဲ့ စံချိန်စံညွန်းနှင့် ကိုက်ညီစေရန်အတွက် Waldstadion ကွင်းကို အဆင့်မြှင့်တင်မှု ပြုလုပ်နေပြီး ၂၀၂၇ ခုနှစ်တွင် ပရိသတ် ၁၅၀၀၀ အထိ တိုးမြှင့်တည်ဆောက်ရန် စီစဉ်ထားပါတယ်။
အယ်ဗာ့စ်ဘတ်ဟာ လာမဲ့ရာသီတွင် ရှော်လ်ကေးနဲ့အတူ ဘွန်ဒက်စ်လီဂါသို့ တန်းတက်ခွင့်ရလာတာပါ။
တန်းတက်/တန်းဆင်းပလေးအော့ဖ်တစ်နေရာအတွက် ဝုဖ်ဘတ်နှင့် ပါဒါဘွန်းတို့အပြင် ဒုတိယတန်းမှ အဆင့် ၃ ရရှိတဲ့အသင်းတို့က ယှဉ်ပြိုင်ကစားရပါမယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - မေ ၂၀ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၄၅၈ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၇,၁၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၃၀၀,၀၀၀ ကျပ်
ဝယ်ဈေး ၁၀,၂၆၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၉၀၀,၀၀၀ ကျပ်
ဝယ်ဈေး ၉,၈၆၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၁၈၀,၀၀၀ ကျပ်
ဝယ်ဈေး ၁၀,၁၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၇၈၀,၀၀၀ ကျပ်
ဝယ်ဈေး ၉,၇၄၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၂၇၀ ကျပ်
ဝယ်ဈေး - ၄၂၂၀ ကျပ်
-စင်္ကာပူဒေါ်လာ
ရောင်းဈေး - ၃၃၅၀ ကျပ်
ဝယ်ဈေး - ၃၂၅၀ ကျပ်
-ယူရို
ရောင်းဈေး - ၅၀၂၀ ကျပ်
ဝယ်ဈေး - ၄၈၉၀ ကျပ်
-ထိုင်းဘတ်
ရောင်းဈေး - ၁၃၁.၈၃ ကျပ်
ဝယ်ဈေး - ၁၂၈.၃၄ ကျပ်
-မလေးရှားရင်းဂစ်
ရောင်းဈေး - ၁၀၈၄ ကျပ်
ဝယ်ဈေး - ၁၀၅၆ ကျပ်
-တရုတ်ယွမ်
ရောင်းဈေး - ၆၃၅ ကျပ်
ဝယ်ဈေး - ၆၁၉ ကျပ်
-ဂျပန်ယန်း
ရောင်းဈေး - ၂၇.၀၉ ကျပ်
ဝယ်ဈေး - ၂၆.၃၇ ကျပ်
-အိန္ဒိယရူပီး
ရောင်းဈေး - ၄၄.၆၁ ကျပ်
ဝယ်ဈေး - ၄၃.၄၃ ကျပ်
-ကိုရီးယားဝမ်
ရောင်းဈေး - ၂.၈၇ ကျပ်
ဝယ်ဈေး - ၂.၇၉ ကျပ်
-စတာလင်ပေါင်
ရောင်းဈေး - ၅၇၃၀ ကျပ်
ဝယ်ဈေး - ၅၅၇၉ ကျပ်
-ဩစတြေးလျဒေါ်လာ
ရောင်းဈေး - ၃၀၆၉ ကျပ်
ဝယ်ဈေး - ၂၉၈၈ ကျပ်
-ကနေဒါဒေါ်လာ
ရောင်းဈေး - ၃၁၃၁ ကျပ်
ဝယ်ဈေး - ၃၀၅၀ ကျပ်
-ဟောင်ကောင်ဒေါ်လာ
ရောင်းဈေး - ၅၄၉ ကျပ်
ဝယ်ဈေး - ၅၃၄ ကျပ်
-ယူအေအီး
ရောင်းဈေး - ၁၁၇၉ ကျပ်
ဝယ်ဈေး - ၁၁၄၈ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
******************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ကော့သောင်းလေဆိပ်၌ လေကြောင်းလိုင်းများ တိုးချဲ့ပျံသန်းနိုင်ရေး ဆောင်ရွက်နေ

တနင်္သာရီတိုင်းဒေသကြီး၊ ကော့သောင်းမြို့၊ ကော့သောင်းလေဆိပ်၌ လေကြောင်းလိုင်းများ တိုးချဲ့ပျံသန်းနိုင်ရေး ဆောင်ရွက်နေသည်။
လေကြောင်းလိုင်းများ တိုးချဲ့ပျံသန်းနိုင်ရေးအတွက် လက်ရှိ လေယာဉ်ပြေးလမ်း (အရှည် ၆၀၀၀ ပေ × အကျယ် ၁၅၀ ပေ) မှ (အရှည် ၈၀၀၀ ပေ × အကျယ် ၁၅၀ ပေ) အထိ တိုးချဲ့ဆောင်ရွက်နေခြင်း ဖြစ်သည်။
ထိုသို့ဆောင်ရွက်နေမှုကို တနင်္သာရီတိုင်းဒေသကြီးဝန်ကြီးချုပ် ဦးဇော်နိုင်ဦးက ကွင်းဆင်းကြည့်ရှုစစ်ဆေးခဲ့ကြောင်း သိရသည်။
ထိုသို့ ကြည့်ရှုစစ်ဆေးရာတွင် တာဝန်ရှိသူများက ကော့သောင်းလေဆိပ် ကုန်စည်အဆောက်အဦ တည်ဆောက်နေမှုနှင့် ဆက်စပ်လုပ်ငန်းများ ဆောင်ရွက်နေမှုအခြေအနေများကို ရှင်းလင်းတင်ပြခဲ့သည်။
ရှင်းလင်းတင်ပြမှုများအပေါ် တိုင်းဒေသကြီးဝန်ကြီးချုပ်က လုပ်ငန်းများကို သတ်မှတ်ကာလအတွင်း စံချိန်စံညွှန်းများနှင့်အညီ အချိန်မီပြီးစီးအောင် ဆောင်ရွက်ကြရန် လမ်းညွှန်မှာကြားခဲ့ကြောင်း သိရသည်။