အခုတလော အကောင့်ထဲက မိတ်တွေတချိုလည်းရေးလာတယ် ဝိုင်းမော်မြိုကြီးပြန်လည်တည်ငြိမ်အေးချမ်းလာကြလို။လျှက်စစ်မီး၂၄နာရီရလာပြီး ကျောင်းသားကျောင်းသူတွေ မြိုသူမြိုသားတွေ စိတ်အေးချမ်းကြရတယ်ဆိုတဲ့စာတွေ့တွေ့လာရတယ်။ပြီးခဲ့တဲ့သီတင်းကျွတ်မှာလည်း စည်ကားသိုက်မြိုက်နေတဲ့ ဝိုင်းမော်မြိုကြီးကိုမြင်ရတာ တကယ်ဝမ်းသာပါတယ်။

ဒါပေမယ့် ဒီလိုအခြေအနေတွေဖြစ်လာဖို အဓိကအခန်းကဏ္ဍတခုအဖြစ် အရေးပါခဲ့တဲ့သူတွေကိုတော့ ဘယ်သူမှရေးတာမတွေ့လို ကျွန်တော်ပြောသင့်တယ်ထင်လို ပြောပါရစေ။

ဝိုင်းမော်ပြည်သူ့စစ်/လီဆူပြည်သူ့စစ်/ဦးရွှေမင်းပြည်သူ့စစ်လိုခေါ်ကြတဲ့ ဝိုင်းမော်ပြည်သူ့စစ် ဌာနေအဖွဲအကြောင်းပါပဲ။

၂၀၂၄ မေလမှာပေါ့။ ရွှေညောင်ပင်၃၂၁ တပ်ရင်းကျတုန်းက ထင်မထားခဲ့ဘူး။ ဒီလောက်မြန်မြန်ကျသွားမယ်လို။ KIAရဲ့ထိုးစစ်အင်မတန်ပြင်းထန်နေခဲ့ချိန်မှာ KIAအဖွဲဟာ ဝိုင်းမော်မြိုထဲရောက်မလာခဲ့ပဲ ထိုးစစ်တန့်ခဲ့ရတဲ့၂နေရာရှိပါတယ်။ အဲ့ဒီ၂နေရာကတော့ လီဆူပြည်သူ့စစ်စခန်း၂ခုဖြစ်တဲ့ ဝိုင်းမော်မြိုရဲ့တောင်ဘက် စန်းကားစခန်းနဲ့ ဝိုင်းမော်မြိုရဲ့အရှေ့မြောက်ဘက်က ဝူယန်စခန်းပါပဲ။ အခုချိန်ထိလည်း အဆိုပါနေရာတွေဟာ KIAနဲ့ရင်ဆိုင်ထားဆဲပါပဲ။

၃၂၁တပ်ရင်းကျတာနဲ့ဝိုင်းမော်ကျပြီလိုပိုင်သေတွက်ခဲ့ကြချိန်။ ဝိုင်းမော်မြိုမှာ ပြည်သူမရှိတော့ဘူး။ အစိုးရရုံးတွေအကုန်မရှိ။ ရှိသင့်ရှိနေထိုက်တဲ့လက်နက်ကိုင်အဖွဲအချိုတောင် ရှောင်ကုန်ကြချိန်။ ဝိုင်းမော်မြိုရယ် တပ်မတော်တပ်ရင်းအချိုရယ် ဝိုင်းမော်ပြည်သူ့စစ်အဖွဲရယ်ဟာ ဒီမြိုကြီးနဲ့အတူ ထီးထီးကြီးကျန်ခဲ့ကြတာပါ။

အဲ့ဒီအချိန်မှာ ဝိုင်းမော်ပြည်သူ့စစ်တပ်ဖွဲဆီမှာ ဂျန်ဘာမရှိ drone gunမရှိပဲ KIAရဲ့လက်နက်ကြီးဒဏ် drone ဒဏ်တွေကြားမှာ လက်နက်တွေသယ် ကျည်တွေပို နေ့ရောညပါ မရပ်မနားပြန်ခံချခဲ့ကြတာ ဝိုင်းမော်ပြည်သူ့စစ်ပါ။ တကယ်အမှောင်မိုက်ဆုံးညတွေထဲမှာ အလင်းလက်ဆုံးကြယ်တွေတောက်ပခဲ့ကြတာပါပဲ။

သတင်းတွေကလည်းအများကြီး ဝိုင်းမော်ကိုKIAသိမ်းမယ် ပြီးရင်မြစ်ကြီးနားသိမ်းမယ်။ ဗန်းမော်ကလည်းအခြေအနေမကောင်း တအိအိနဲ့ပြိုကျတော့မလား ရောယောင်ပူပန်နေကြချိန်။လူတွေက နေမလား ရှောင်မလား ပြေးမလားရွေးချယ်နေကြချိန် ဝိုင်းမော်ပြည်သူ့စစ်အတွက်တော့ လမ်းကတလမ်းပဲရှိခဲ့ပါတယ်။ မပြေးဘူး မဆုတ်ဘူး သေချင်သေ ပြန်ချမယ်။ အမိန့်ကဒါပါပဲ။ ဒီအမိန့်အောက်မှာ အားလုံးဟာတစည်းတရုံးထဲရှိခဲ့ကြတယ်။ တသွေမတိမ်းလိုက်နာခဲ့ကြတယ်။

အံ့ဩစရာအကောင်းဆုံးတခုကိုပြောပြရရင် အဲ့လောက်ဆိုးရွားတဲ့အကျပ်အတည်းအန္တရယ်နဲ့ကြုံတွေ့နေကြရချိန်မှာ ဝိုင်းမော်ပြည်သူ့စစ်အဖွဲထဲမှာ တပ်ပြေးမရှိခဲ့ကြတာပါပဲ။အခက်ခဲဆုံးအချိန်မှာ ကိုယ့်တာဝန်ကိုယ်ကြေအောင် အားလုံးပူးပေါင်းတာဝန်ထမ်းဆောင်ခဲ့ကြတယ်။ စစ်ကြီးဖြစ်နေတဲ့အချိန်မှာ အားလုံးကပိုပြီးစည်းလုံးနေခဲ့ကြတာက ထူးခြားချက်တခုပါပဲ။

တချိန်ကြရင်ဝိုင်းမော်ပြည်သူ့စစ်အဖွဲရဲ့ ဝူယန်စခန်းကို လိုက်ပြချင်ပါတယ်။ စခန်းခေါင်မိုးမှန်သမျှ droneဒဏ် ကျည်ဒဏ်ကြောင့် အပေါက်ရာဗရဗျွနဲ့ပါ။ စခန်းမှာရှိတဲ့အဆောက်အဦးရဲ့နံရံတိုင်းမှာ ကျည်ပေါက်တွေမွစာကျဲနေတာပါ။ ဒီလူအုပ်လေးတစုဟာ ဘယ်လောက်ထိခံချခဲ့ကြသလဲဆိုတဲ့သက်သေကို ဝူယန်စခန်းမှာတွေ့ရလိမ့်ပါမယ်။ ဝူယန်စခန်းဟာ KIAအကြိမ်ကြိမ်တက်လုံးတာခံခဲ့ရတဲ့စခန်းဖြစ်ပေမယ့် အခုချိန်ထိရန်သူလက်ထဲမကျခဲ့တဲ့စခန်းတခုဖြစ်နေဆဲပါ။ KIAအကြိမ်ကြိမ်မတိုက်နိုင်ခဲ့တဲ့ဝူယန်စခန်းက ပြည်သူ့စစ်တပ်ရင်းမှူးဟာ အသက်၂၀ကျော် လူငယ်လေးတစ်ယောက်ဖြစ်နေခဲ့တာကလည်း ထူးခြားမှုတခုပါပဲ။

ဒီလိုအခြေအနေတွေထိ ပြန်ထိမ်းထားလာခဲ့တာ တပ်မတော်ရဲ့ အခန်းကဏ္ဌကလည်း အင်မတန်အရေးကြီးခဲ့ပါတယ်။ အဓိက တပ်မတော်နဲ့ဝိုင်းမော်ပြည်သူ့စစ် လက်တွဲညီခဲ့ကြတဲ့အကျိုးပါပဲ။ တပ်မတော်မရှိပဲလဲ ကျန်တဲ့တဖွဲထဲနဲ့ခံနိုင်မှာမဟုတ်တာ အမှန်ပါပဲ။

ဝိုင်းမော်မြိုလေးကိုအခုချိန်ပြန်ကြည့်တဲ့အခါ ကျောင်းစိမ်းကျောင်းဖြူနဲ့ကျောင်းသားကျောင်းသူလေးတွေ ကျောင်းခေါင်းလောင်းသံတညံညံအောက်မှာ စာတွေသင်နေကြပြီ။ မြိုအတွက်လိုအပ်တဲ့ ကျန်းမာရေး ပညာရေး အခြေခံစနစ်တွေပြန်လည်ပါတ်လာပြီ။ အုပ်ချုပ်ရေးယန္တယား ပြန်လည် လည်ပါတ်လာပြီ။ ဘုရားကျောင်းတွေ ဘုန်းကြီးကျောင်းတွေ သက်ဆိုင်ရာရာသီအလိုက် ပွဲလမ်းသဘင်တွေနဲ့ မြိုလေးဟာ အေးချမ်းတဲ့အရသာကို ခံစားနေကြရပြီ။

ဒါတွေကိုမြင်ရတဲ့အခါ တကယ်ဝမ်းသာရတယ်။ ကြည်နူးရတယ်။ ဒါဟာသမိုင်းပါ။ ဝိုင်းမော်ပြည်သူ့စစ်ရဲ့သမိုင်းဖြစ်သလို ဝိုင်းမော်မြိုရဲ့သမိုင်းလည်းဖြစ်ပါတယ်။ နောင်တချိန် ဝိုင်းမော်မြိုအကြောင်းပြောကြရင် ချန်ထားလိုမရတဲ့ ဝိုင်းမော်ဌာနေပြည်သူ့စစ်အကြောင်းပေါ့။ ဒီသမိုင်းကိုရေးကြတဲ့ညီအကိုတွေ တချိုအသက်တွေပေးခဲ့ကြရတယ်။ တချိုကိုယ်လက်အင်္ဂါတွေစတေးခဲ့ကြရတယ်။ လွယ်လွယ်နဲ့ရခဲ့ကြတဲ့ရလာဒ်တွေတော့မဟုတ်ခဲ့ကြပါဘူး။

အခုချိန်ထိ ဝိုင်းမော်မြိုကြီးပါတ်ပါတ်လည် ရှေ့တန်းနေရာတွေမှာ ဝိုင်းမော်ပြည်သူ့စစ်ညီအကိုတွေ တာဝန်ထမ်းဆောင်လျှက်ရှိဆဲပါ။ဝိုင်းမော်မြိုကြီး အေးချမ်းနေဖို သူတိုတာဝန်တွေကျေပွန်လျှက်ရှိနေဆဲပါ။ အမြဲလေးစားဦးညွှတ်လျှက်ပါညီအကိုတိုရေ🫡🫡🫡။

Indian Tanks
အိန္ဒိယ-တရုတ် နယ်စပ်အရေးအခင်းအတွက် အိန္ဒိယက အပေါ့စားတင့်ကားသစ်များကို အလျင်အမြန်ထုတ်လုပ်လျက်ရှိ

အိန္ဒိယ၏ အပေါ့စားတင့်ကားသစ် ဇိုရာဝါ “Zorawar” မှာ အလေးချိန် ၂၅ မက်ထရစ်တန်ခန့်ရှိပြီး အိန္ဒိယနှင့် တရုတ်တို ထိန်းချုပ်ထားသော နယ်မြေများကို ပိုင်းခြားထားသည့်မျဉ်းကြောင်း Line of Actual Control (LAC) ကဲ့သိုသော မြင့်မားသည့် တောင်တန်းဒေသများတွင် စစ်ဆင်ရေးဆောင်ရွက်နိုင်ရန် အထူးဒီဇိုင်းထုတ်ထားခြင်းဖြစ်သည်။

ဇိုရာဝါ တင့်ကားသည် အိန္ဒိယတပ်မတော်၏ ပိုမိုလေးလံသော တင့်ကားများထက် စွမ်းဆောင်ရည် ပိုမိုကောင်းမွန်မည်ဟု မျှော်လင့်ရပြီး တရုတ်၏ Type 15 အပေါ့စားတင့်ကားများကိုလည်း ကောင်းစွာယှဉ်ပြိုင်နိုင်စွမ်း ရှိမည်ဖြစ်သည်။

အဆိုပါတင့်ကားတွင် ဘယ်လ်ဂျီယံဒီဇိုင်း အမျိုးအစား Cockerill ဆုံလည် နှင့် ၁၀၅ မမ အမြောက်ကို တပ်ဆင်ထားသည်။

တင့်ကား၏ သံချပ်ကာအကာအကွယ်မှာ လက်နက်ငယ်ပစ်ခတ်မှုများနှင့် ဗုံးစ၊ လက်နက်စများကို ခုခံနိုင်သော်လည်း အိန္ဒိယစစ်ဗိုလ်ချုပ်များက ၂၅ မမ နှင့် ၃၀ မမ သံချပ်ကာဖောက် ကျည်ဆန်များကိုပါ ခုခံနိုင်ရန် အဆင့်မြှင့်တင်ဖို စဉ်းစားလျက်ရှိကြသည်။

ထိုအပြင် တင့်ကား၏ အင်ဂျင်ကို မြင်းကောင်ရေ ၁,၀၀၀ ရှိ ပိုမိုအားကောင်းသော အင်ဂျင်အဖြစ် အဆင့်မြှင့်တင်သွားမည်ဖြစ်ရာ ပင်လယ်ရေမျက်နှာပြင်အထက် မီတာ ၄,၅၀၀ ကျော် မြင့်မားသော ဒေသများတွင် စွမ်းဆောင်ရည်ကျဆင်းမှု မရှိစေရန် အာမခံနိုင်မည်ဖြစ်သည်။

အိန္ဒိယ ကာကွယ်ရေးသုတေသနနှင့် ဖွံဖြိုးရေးအဖွဲ (DRDO) နှင့် Larsen & Toubro ကုမ္ပဏီတို ပူးပေါင်းဒီဇိုင်းထုတ်ထားသည့် ဇိုရာဝါ တင့်ကားများကို ၂၀၂၈ ခုနှစ်ဝန်းကျင်တွင် တပ်တော်ဝင် အသုံးပြုနိုင်မည်ဟု မျှော်လင့်ရသည်။

Line of Actual Control (LAC) နယ်စပ်ဒေသသည် ၁၉၆၂ ခုနှစ် အိန္ဒိယ-တရုတ် စစ်ပွဲမှစ၍ တင်းမာမှုများ ရှိနေခဲ့ပြီး ယနေ့ထက်တိုင် နှစ်ဖက်တပ်များအကြား မကြာခဏ ပဋိပက္ခများ ဖြစ်ပွားရာနေရာလည်း ဖြစ်သည်။

ကနောင်မြို၊ ရွှေမြန်မာထီဆိုင်ကြီးမှ ရောင်းချခဲ့သော (၉၂) ကြိမ်မြောက် အောင်ဘာလေထီဖွင့်ပွဲ၏ ကျပ်သိန်း (၂၀၀၀) ဆုကြီး ကံထူးရှင် ပေါ်ထွက်

MyDay-​၁ နိုဝင်ဘာ ၂၀၂၆

​(၉၂) ကြိမ်မြောက် အောင်ဘာလေထီဖွင့်ပွဲတွင် ကျပ်သိန်း (၂၀၀၀) ဆုကြီးကို ကနောင်မြိုမှ ကံထူးရှင်တစ်ဦးက ဆွတ်ခူးရရှိသွားခဲ့ကြောင်း သိရသည်။

​ကနောင်မြိုရှိ "ရွှေမြန်မာထီဆိုင်ကြီး" မှ ရောင်းချပေးခဲ့သည့် ထီလက်မှတ်အနက်မှ အကျော့ (၉၂) ၏ ကျပ်သိန်း (၂၀၀၀) ဆုရှင်ဖြစ်သော ဏ ၅၄၇၆၉၅ ပါ ထီလက်မှတ်မှာ ကနောင်မြိုမှပင် ဆွတ်ခူးရရှိသွားခဲ့ခြင်း ဖြစ်သည်။ အဆိုပါ ကျပ်သိန်း (၂၀၀၀) ဆုကြီး ကံထူးရှင်အတွက် "မေဇင်ဖက်ရှင်နှင့် စတိုး" နှင့် ရွှေမြန်မာထီဆိုင်ကြီးတိုမှ ထိုက်တန်စွာ ချီးမြှင့်ဂုဏ်ပြုပေးအပ်နိုင်ခဲ့ကြောင်း သိရှိရသည်။

ရုရှားဓာတ်ငွေ့ကို ထား၀ယ်ကနေတဆင့် ထိုင်းအထိဖြန့်ဖို့ နေပြည်တော်ဆွေးနွေး

နိုဝင်ဘာ ၁

ရုရှားကနေ တင်သွင်းလာတဲ့ LNG ဓာတ်ငွေ့ကို တနင်္သာရီတိုင်း၊ ထား၀ယ်ဒေသကနေတဆင့် ထိုင်းနိုင်ငံအထိ တင်ပို့နိုင်ဖို့ မြန်မာ- ထိုင်း- ရုရှား ၃ နိုင်ငံ ပူးပေါင်းနိုင်မယ့်အကြောင်း နေပြည်တော် လျှပ်စစ်နဲ့ စွမ်းအင်၀န်ကြီး ဦးကိုကိုလွင်က ပြောပါတယ်။

ရုရှားဓာတ်ငွေ့ကို ထား၀ယ်ကနေတဆင့် ထိုင်းနဲ့ တရုတ်တို့အပြင် အရှေ့တောင်အာရှတလွှား ပို့နိုင်တဲ့အခွင့်အလမ်းရှိတယ်လို့ဆိုပြီး ရုရှားသမ္မတ ဗလာဒီမာ ပူတင်က ပြောပြီး လပိုင်းအကြာမှာပဲ နေပြည်တော်ဘက်က ထပ်ပြောလာတာဖြစ်ပါတယ်။

အိမ်နီးချင်း ထိုင်းနိုင်ငံဟာ မြန်မာဓာတ်ငွေ့ကို မှီခိုနေပြီး ၂၀၂၁ ခုနှစ် မြန်မာက စစ်အာဏာသိမ်းမှုနောက်ပိုင်း စီးပွားရေးဒဏ်ခတ်ပိတ်ဆို့မှုတွေကြောင့် အနောက်နဲ့ ဥရောပကုမ္ပဏီတွေ ထွက်ခွာသွားတဲ့အခါ ထိုင်းဟာ လက်ရှိမှာ မြန်မာက ဓာတ်ငွေ့တူးဖော်လုပ်ငန်းတွေမှာ အများဆုံး ရင်းနှီးမြှုပ်နှံသူ ဖြစ်နေပါတယ်။

လျှပ်စစ်နဲ့ စွမ်းအင်၀န်ကြီး ဦးကိုကိုလွင်ကတော့ ထားဝယ်ဒေသမှာ သဘာဓာတ်ငွေ့အရည်ပျော်အခြေစိုက်စခန်း (LNG Terminal) တည်ဆောက်မယ်ဆိုရင် စွမ်းအင်အခက်အခဲကို ကျော်ဖြတ်မယ်လို့ဆိုပြီးပြောပါတယ်။

LNG အပါအဝင် လောင်စာဆီ တင်ပို့နိုင်ဖို့ မြန်မာနဲ့ ရုရှားကြား နှစ်နိုင်ငံသဘောတူစာချုပ် (MoU) ထိုးပြီးဖြစ်သလို ထိုင်းနဲ့ မြန်မာကလည်း လျှပ်စစ်နဲ့စွမ်းအင်ကဏ္ဍပူးပေါင်းဖို့ MoU ထိုးဖို့ ရှိနေတာကြောင့် သုံးနိုင်ငံပူးပေါင်းလုပ်ဖို့ အချိန်ကောင်းဖြစ်တယ်လို့လည်း သူက ပြောပါတယ်။

ဦးကိုကိုလွင်ဟာ မနေ့တုန်းက ထိုင်းနိုင်ငံကို ရောက်ချိန် ထိုင်းနိုင်ငံစွမ်းအင်ဝန်ကြီး Mr. Akanat Promphan နဲ့ ရုရှားနိုင်ငံစီးပွားရေးဖွံ့ဖြိုးတိုးတက်ရေးဝန်ကြီး Mr. Maxim Reshetnikov တို့နဲ့ သီးသန့်တွေ့ပြီး သုံးနိုင်ငံပူးပေါင်းဖို့ ဆွေးနွေးခဲ့တာလို့ နေပြည်တော်က သတင်းထုတ်တာဖြစ်ပါတယ်။

အထူးသဖြင့် ရုရှား သဘာဝဓာတ်ငွေ့ရည် (LNG) ကို မြန်မာကိုသယ်ပြီး ထိုင်းနဲ့ မျှဝေသုံးကာ မြန်မာ - ထိုင်း နှစ်နိုင်ငံစွမ်းအင်အခက်အခဲကို ဖြေရှင်းနိုင်မယ်လို့ နေပြည်တော်ဘက်က ဆွေးနွေးခဲ့ပါတယ်။

ထားဝယ်ဒေသကနေတဆင့် မြန်မာနိုင်ငံအတွင်းနဲ့၊ ထိုင်းနိုင်ငံအတွင်းကို သဘာဝဓာတ်ငွေ့ ပိုက်လိုင်းတွေ သွယ်တန်းပြီးဖြစ်လို့ အဲဒါကို အသုံးချပြီး ထားဝယ်မှာ သဘာဓာတ်ငွေ့အရည်ပျော်အခြေစိုက်စခန်း (LNG Terminal) တည်ဆောက်မယ်လို့ပါ ထည့်ပြောခဲ့ပါတယ်။

နေပြည်တော်ခေါင်းဆောင် ဦးမင်းအောင်လှိုင်ဟာ သူ့ရဲ့ နိုင်ငံတကာခရီးစဉ်တိုင်းမှာ ထားဝယ်အထူးစီးပွားရေးဇုန်မှာ ရင်းနှီးမြှုပ်နှံဖို့ ဖိတ်ခေါ်လေ့ရှိပြီး တဖက်မှာလည်း ဆယ်စုနှစ်ချီကြာအောင် ရှေ့မဆက်နိုင်တဲ့ ဒီစီမံကိန်းကို ရှေ့တိုးနိုင်ဖို့ ရုရှားနဲ့ အဓိကပူးပေါင်းရေး အကောင်အထည်ဖော်နေပါတယ်။

မြန်မာမှာသုံးပြီး လူသိများတဲ့ အလှကုန်နဲ့ အားဖြည့်စာ အတုတွေကို ထိုင်းမှာဖမ်းမိ

နိုဝင်ဘာ ၁

လူသိများပြီး မြန်မာမှာလည်း သုံးစွဲနေကြတဲ့ အားဖြည့်စာ၊ အလှကုန်အတုတွေ အပါအ၀င် ရေမွှေးအတုတွေလည်း သိုလှောင်ထားတဲ့ ဘန်ကောက်မြို့က ဂိုထောင်တစ်ခုကို ထိုင်းရဲတပ်ဖွဲ့က မနေ့ ၀င်ရောက်စစ်ဆေးပြီး ဖမ်းဆီးလိုက်ပါတယ်။

ဖမ်းဆီးရမိတဲ့အထဲ မြန်မာအွန်လိုင်းဈေးကွက်မှာ နာမည်ကျော်တဲ့ အားကစားသမားနဲ့လေ့ကျင့်ခန်းလုပ်သူတွေ သောက်ဆုံးတဲ့ ပရိုတင်းဖြည့်စွက် Whey ပရိုတင်း၊ Blackmores ငါးကြီးဆီ၊ Cetaphil အလှကုန်ပစ္စည်းတွေအပြင် Lancôme Paris၊ La Mer၊ Dior တို့လို ကမ္ဘာကျော် အမှတ်တံဆိပ်တွေပါ ပါဝင်ပါတယ်။

ဒီပစ္စည်းအတုပေါင်း ၂၆,၁၁၇ ခုကို အာဏာပိုင်က သိမ်းမိခဲ့ပြီး စုစုပေါင်းတန်ဖိုးဟာ ဘတ်ငွေ ၅ သန်းကျော်အထိ ရှိတယ်လို့လည်းသိရပါတယ်။

တရုတ်လုပ်ငန်းရှင်တစ်ဦးက လုပ်ကိုင်ပြီး ထိုင်းဈေးကွက်အတွင်းကို အွန်လိုင်းကနေဖြန့်ချီ ရောင်းချတဲ့ ပစ္စည်းအတုတွေကို သိမ်းဆည်းရမိတာလို့အာဏာပိုင်တွေကပြောကြောင်း ထိုင်းသတင်းတွေက ဖော်ပြပါတယ်။

"အခု အတုမိတယ်ဆိုတဲ့တံဆိပ်တွေက ပြည်တွင်းမှာ သုံးနေကြတာပဲလေ။ အဲဒီ အားဖြည့်ဆေးတွေဆိုရင် နာမည်ရှိပြီးသား တံဆိပ်ဆိုတော့ ၀ယ်သောက်နေကြတာပဲ'' လို့ ရန်ကုန်မြို့မှာနေတဲ့ နေလူငယ်တစ်ဦးက ပြောပါတယ်။

ထိုင်းအာဏာပိုင်တွေ ဖမ်းမိတဲ့ ကုန်ပစ္စည်းအတုဆိုတာတွေထဲ အသက်အရွယ်ကြီးရင့်သူတွေလည်း အားဖြည့်စာအနေနဲ့သောက်သုံးတဲ့အမှတ်တံဆိပ်တွေ ပါဝင်နေတာကြောင့် အတုအပတွေကို ပိုပြီး သတိထားဖို့ လိုအပ်လာတယ်လို့ ပြည်တွင်းနေ လူမှုကွန်ရက် အသုံးပြုသူတွေက အွန်လိုင်းမှာ မှတ်ချက်ပြုရေးသားနေကြပါတယ်။

အခုဖြစ်စဉ်ကတော့ ဘန်ကောက်မြို့ နွန်ခမ်း (Nong Khaem) ခရိုင်က ဂိုဒေါင်မှာ အတုပြုလုပ်ထားတဲ့ အားဖြည့်စာနဲ့ အလှကုန်တွေကို သိုလှောင်ရောင်းချနေကြောင်း တိုင်ကြားစာ ရရှိတာကြောင့် ရှာဖွေရာကနေ ဘတ်သန်းနဲ့ ချီတန်တဲ့ပစ္စည်းတွေကို သိမ်းဆည်းရမိခဲ့တာလို့ ထိုင်းသတင်းတွေက ဖော်ပြပါတယ်။

ထိုင်းမှာ နာမည်ကြီး အလှကုန်တံဆိပ်နဲ့ ဆေး၀ါးအတုတွေကို သိုလှောင်ရောင်းချတာတွေကို အာဏာပိုင်တွေက နှိမ်နင်းနေပေမဲ့ ကုန်ပစ္စည်းအတုတွေကို ဖမ်းဆီးမှုတွေလည်း ဆက်ရှိနေဆဲဖြစ်ပါတယ်

Credit - BBC

လက်မခံနိုင်စရာ စော်ကားမှုအတွက် ကာရေဂါကို အက်စတွန်ဗီလာ တရားစွဲမည်

နိုဝင်ဘာ ၁

အက်စတွန်ဗီလာက ကလပ်အား လက်မခံနိုင်စရာ စော်ကားမှု ပြုလုပ်ခဲ့တဲ့ ဂျေမီကာရေဂါကို တရားစွဲဆိုသွားမည်ဖြစ်ကြောင်း ကြေညာလာပါတယ်။

သောကြာနေ့တုန်းက ဗီလာက ဆိုရှယ်မီဒီယာတွင် ဥက္ကဌနာဆက်ဆာဝီရစ်လက်မှတ်ထိုးထားတဲ့ ထုတ်ပြန်ချက်တစ်ခု ပြုလုပ်လာပြီး ကာရေဂါက ကလပ်နှင့် ပရိသတ်များကို စော်ကားထားကြောင်း စွပ်စွဲထားပါတယ်။

ဒါ့အပြင် ကလပ်က အင်္ဂလန်နှင့် ဥရောပဘောလုံးလောကတွင် မိမိတို့ရဲ့ တိုးတက်မှုအား မည်သူ့ရဲ့ ဟန့်တားမှုကိုမျှ ခွင့်ပြုသွားမည်မဟုတ်ကြောင်းလည်း ထပ်လောင်း ပြောကြားထားပါသေးတယ်။

Stick to Football အစီအစဉ်တွင် ကာရေဂါက ဗီလာနည်းပြအူနိုင်းအမ်မရီမှာ ယူရိုပါလိဂ်ပြိုင်ပွဲတွင် အောင်မြင်မှုများစွာ ရယူထားနိုင်ပေမယ့် ချန်ပီယံလိဂ်တွင်လည်း အောင်မြင်နိုင်တဲ့ နည်းပြဖြစ်ကြောင်း သက်သေပြလိုပါက ယူနိုက်တက်အား ကိုင်တွယ်ရန် လိုအပ်ကြောင်း ပြောဆိုထားခဲ့သလို ဗီလာမှာ ယူနိုက်တက်ကဲ့သို့ မည်သည့်အခါတွင်မျှ ဖြစ်လာမှာ မဟုတ်ကြောင်း ဆိုခဲ့ဖူးပါတယ်။

ကာရေဂါက "ဗီလာက မန်ချက်စတာယူနိုက်တက် ဘယ်တော့မှ ဖြစ်လာမှာ မဟုတ်ဘူး။ သူလည်း ထိပ်သီးကလပ်တစ်ခုကို ကိုင်တွယ်ဖို့ နောက်ထပ် အခွင့်အ‌ရေး ရချင်မှာပါ။ ခင်ဗျားတို့ ကြိုက်သည် ဖြစ်စေ မကြိုက်သည်ဖြစ်စေ ဒါက ဘောလုံးလောက သံသရာပါ။ ဒီတော့ ရီးရဲလ်မက်ဒရစ်က ယူနိုက်တက်ရဲ့အကောင်းဆုံးကစားသမား(ခရစ္စတီယာနိုရော်နယ်ဒို)ကို ခေါ်သွားခဲ့တယ်။ ပြီးတော့ ဗီလာအောက်မှာ အသင်းတွေ ရှိကြမယ်။ သူတို့(ဗီလာ)က အဲဒီကလပ်တွေက ကစားသမားတွေ သို့မဟုတ် မန်နေဂျာကို ခေါ်ယူမယ်။ အက်စတွန်ဗီလာပရိသတ်တို့ရေ xxx ပါးစပ်ပိတ်ထား။ အက်စတွန်ဗီလာက ဘယ်တော့မှ မန်ချက်စတာယူနိုက်တက် ဖြစ်လာမှာ မဟုတ်ဘူး"လို့ ပြောကြားသွားပါတယ်"လို့ ပြောကြားခဲ့ပါတယ်။

Sky Sports နှင့် အမေရိကန်ရုပ်သံဌာန CBS တို့တွင် ဘောလုံးဝေဖန်သူအဖြစ် လုပ်ဆောင်နေတဲ့ ကာရေဂါဟာ ဗီလာပရိသတ်များကို ပါးစပ်ပိတ်ထားဖို့ ပြောဆိုမှုအတွက် အပြင်းအထန် ဝေဖန်မှုများနှင့် ကြုံရပြီး ဖြစ်ပါတယ်။

ယင်းနှင့်ပတ်သက်ပြီး ကာရေဂါက အမ်မရီမှာ ယူနိုက်တက်အား ကိုင်တွယ်လိုလိမ့်မယ်လို့ ပြောဆိုမှုအတွက် ဗီလာပရိသတ်များက ဝေဖန်လာမှုအပေါ် ဟာသနှော တုံ့ပြန်ခြင်းမျှသာ ဖြစ်ကြောင်း ရှင်းလင်းခဲ့ပါတယ်။

ယင်းနောက် ကာရေဂါဟာ Overlap Daily အစီအစဉ်တွင် အသေးစိတ်ပြောကြားမှု ပြုလုပ်လာပါတော့တယ်။

ကာရေဂါက "အူနိုင်းအမ်မရီက ဒီလိဂ်မှာ အကောင်းဆုံးမန်နေဂျာပါ။ ခင်ဗျားသာ ယူနိုက်တက်ဆိုပါစို့ အကောင်းဆုံးကို ရဖို့ လုပ်နိုင်မလဲ ကြည့်မှာပဲလေ။ သူ သွားမယ်လို့ ပြောခဲ့တာ မဟုတ်ဘူး။ ကျွန်တော်သာဆိုရင်ကော ဆိုပြီး မေးခွန်းထုတ်ခဲ့တာလေးပါ။ ထိပ်တန်းနည်းပြတွေက ထိပ်တန်းကလပ်တွေမှာ ကောင်းကြတယ်။ ဒါက အမ်မရီပါ။ သူ့ကို ကြည့်ပြီး ရာဖာ(ဘင်နီတက်ဇ်)ကို သွားသတိရစေတယ်။ ကိုယ့်အတ္တကို တွေးကြည့်တဲ့အခါ ဒါက မင်းအဆင့်လို့ ပြောလာရင် ကျုပ်ကတော့ လက်ခံလာမှာ မဟုတ်ဘူး။ ဒါက ကျွန်တော့်အမြင်ပါ။ ဒါက လက်တံ ခြေတံ ကြီးလာတာပါ။ သူတို့ကို ပါးစပ်ပိတ်ထားဖို့ ပြောခဲ့တာမျိုး မပြောခဲ့သင့်တာလည်း ဖြစ်နိုင်တယ်။ ဒါပေမယ့် ဒါက သူတို့ ကျွန်တော့်ကို ဆိုရှယ်မီဒီယာမှာ လာပြောနေကြလို့ ဟာသလုပ်လိုက်တာပါ။ ကျွန်တော့်ဆိုရှယ်မီဒီယာမှာ လာမပြောကြနဲ့လို့ ပြောတာပါ"လို့ ထပ်မံ ရှင်းလင်းသွားပါတယ်။