Top Japan Antiplatelet Drugs Companies & Market Revenue Share Report
Access full data [TOC, Charts, and Full Insights]: https://www.thereportcubes.com..../report-store/japan-

India JE (Japanese Encephalitis) Vaccine Market Research: Statistics, Growth & Forecasts
Access full data [TOC, Charts, and Full Insights]: https://www.thereportcubes.com..../report-store/india-

Top Light Therapy Companies & Market Revenue Share Report
Access full data [TOC, Charts, and Full Insights]: https://www.thereportcubes.com..../report-store/light-

Hydrofluoric Acid Market Research: Statistics, Growth & Forecasts
Access full data [TOC, Charts, and Full Insights]: https://www.thereportcubes.com..../report-store/hydrof

ဂယ်ရီအိုနေးနှုတ်ထွက်သွားတာကြောင့် ဝုဗ်နည်းပြဖြစ်လာဖို့ တန်ဟတ်ရေပန်းအစားဆုံးဖြစ်လာ
========

ပရီးမီးယားလိဂ်မှာ ရလဒ်တွေဆိုးရွားနေတဲ့ ဝုဗ်အသင်းဟာ နည်းပြပေါ်လိုဖာရဲရားကို ထုတ်ပယ်ပြီးနောက် နည်းပြအသစ်တစ်ယောက် အပူတပြင်းရှာဖွေနေပြီး နည်းပြဟောင်း ဂယ်ရီအိုနေးလ်နဲ့ မန်ယူနည်းပြဟောင်း အဲရစ်တန်ဟတ်တို့ကို တစ်ပြိုင်နက်ဆက်သွယ်ဆွေးနွေးခဲ့ပါတယ်။

အဲရစ်တန်ဟတ်နဲ့ဆွေးနွေးမှုတွေမှာတော့ အပေါင်းလက္ခဏာဆောင်နေပေမယ့်၊ ဂယ်ရီအိုနေးကတော့ ရုတ်တရက်ပြန်လာဖို့ မသင့်တော်ဘူးဆိုတာကြောင့် ဝုဗ်တို့ တန်ဟတ်ကိုပဲ ခန့်အပ်ဖို့ဆုံးဖြတ်ထားပါပြီ။

တန်ဟတ်နဲ့အဆင်မပြေရင် အခြားရွေးချယ်စရာတွေကိုလည်း ဆက်သွယ်နေသေးပေမယ့် ဝုဗ်တို့အတွက်တန်ဟတ်ကသာ ပထမဦးစားပေးဖြစ်ပါတယ်။

အင်္ဂလန်နည်းပြရာထူးမှ ထွက်ခွာရန် ဆုံးဖြတ်ခဲ့တဲ့ နောက်ခံအကြောင်းရင်းကို ဆောက်ဂိတ် ဖွင့်ဟလာ
====================

ဂါရတ်ဆောက်ဂိတ်က ပရိသတ်များက ဘီယာဖြင့် ပစ်ပေါက်ခြင်းခံခဲ့ရမှုကြောင့် အင်္ဂလန်နည်းပြရာထူးမှ ထွက်ခွာရန် ဆုံးဖြတ်ခဲ့ခြင်းဖြစ်ကြောင်း ဖွင့်ဟလာပါတယ်။

ဆောက်ဂိတ်ဟာ အင်္ဂလန်အသင်းကို ၂၀၁၈ ကမ္ဘာ့ဖလားဆီမီးဖိုင်နယ်သို့လည်းကောင်း၊ ယူရို ၂၀၂၀ ဗိုလ်လုပွဲသို့လည်းကောင်း ပို့ဆောင်ပေးနိုင်ခဲ့ပေမယ့်လည်း ယူရို ၂၀၂၄ တွင် ဆလိုဗေးနီးယားနှင့် ဂိုးမရှိသရေကျပြီးချိန်မှာတော့ ပရိသတ်များရဲ့ ပစ်မှတ်ထားခြင်းခံခဲ့ရပါတယ်။

ကိုလုံးတွင် ကစားတဲ့ ယင်းပွဲအပြီးတွင် ဆောက်ဂိတ်ဟာ ပရိသတ်များအား လက်ခုပ်တီး နှုတ်ဆက်ချိန်တွင် ဘီယာခွက်များဖြင့် ပစ်ပေါက်ခြင်းခံခဲ့ရတာ ဖြစ်ပြီး ကစားသမားများရဲ့ မိသားစုဝင်များလည်း ဆိုးဆိုးရွားရွား ဆက်ဆံခြင်းခံခဲ့ရပါတယ်။

ဒါပေမယ့် ဆောက်ဂိတ်ဟာ အင်္ဂလန်အသင်းကို ယူရို ဗိုလ်လုပွဲသို့ ၂ ကြိမ်ဆက် တက်ရောက်နိုင်အောင် စွမ်းဆောင်ပေးနိုင်ခဲ့ပါတယ်။ ဗိုလ်လုပွဲမှာတော့ အင်္ဂလန်ဟာ စပိန်ကို ၂-၁ ဂိုးဖြင့် အရေးနိမ့်ကာ ဒုတိယဖြင့်ပင် ကျေနပ်ခဲ့ရပြန်ပါတယ်။
ယင်းနောက် အသက် ၅၅ နှစ်ရှိ ဆောက်ဂိတ်ဟာ စာချုပ်သက်တမ်းကုန်ဆုံးချိန်မှာတော့ ဆက်လက် တာဝန်မထမ်းဆောင်တော့ဘဲ ထွက်ခွာရန် ဆုံးဖြတ်ခဲ့ပါတယ်။

ဆောက်ဂိတ်က "ကမ္ဘာ့ဖလား (၂၀၂၂)က သွားဖို့ အချိန်ကောင်း ဖြစ်ကောင်းဖြစ်ခဲ့မယ်။ နောက်တော့ ဒီပြိုင်ပွဲ(ယူရို ၂၀၂၄)မှာ ပွဲအပြီး ပရိသတ်တွေကို နှုတ်ဆက်ချိန်မှာ သူတို့က ဘီယာခွက်နဲ့ ပစ်ပေါက်ချိန်မှာ စိတ်ဆုံးဖြတ်ခဲ့တယ်။ ဒါက လမ်းခွဲရဖို့ သင့်တဲ့ အချိန်ရောက်ပြီဆိုတာ နမိတ်ပြလိုက်သလိုပဲ။ ဒီတော့ ဒါက နောက်ဆုံးပွဲဖြစ်လာမယ်လို့လည်း စိတ်ဆုံးဖြတ်လိုက်တယ်။ ဒါပေမယ့် ကျွန်တော်တို့အားလုံး လိုချင်တဲ့ ရလဒ်ရဖို့တော့ မျှော်လင့်ထားခဲ့ကြတာပါ။ ဒါပေမယ့် ပြီးဆုံးသွားချိန်မှာ လုပ်သင့်တာ လုပ်ရပါတော့မယ်။အက်ဖ်အေကို အသိပေးဖို့ လိုလာတယ်။ သူတို့ကို အနာဂတ်အတွက် စီစဉ်ဖို့ အချိန်ပေးရမယ်။ အဲဒီမတိုင်ခင် ရှစ်လတုန်းက အက်ဖ်အေက ကျွန်တော့်ကို စာချုပ်သစ်ကမ်းလှမ်းခဲ့တယ်။ သူတို့ဘက်က အမြင်နဲ့ဆို လုပ်သင့်တာပါ။ ဆက်သွားမယ်။ တည်ငြိမ်နေတယ်။ ပြိုင်ပွဲတစ်ပွဲမှာ ဘာပဲ ဖြစ်လာဖြစ်လာပေါ့။ ဒါက မှန်ကန်တဲ့ ရှေ့လမ်းစဉ်ပါ။ ဒါ‌က ကျွန်တော့်ကို တည်ငြိမ်စေတယ်။ ကျွန်တော်ကိုယ်တိုင်ကလည်း ဘယ်ကို ဦးတည်နေတယ်ဆိုတာ သိနေတယ်။ ဒါပေမယ့် ပရိသတ်တွေအကြား သဘောထားကွဲနေတာလည်း သိတယ်။ ဒီတော့ အဲဒီတုန်းက စာချုပ်သစ်ချုပ်တာ မှန်ကန်တယ်လို့လည်း မခံစားရပါဘူး"လို့ ပြောကြားသွားပါတယ်။

အမေရိကန်ဒေါ်လာ (၅ ဒသမ ၁၉၆) သန်းရှိသည့် နိုင်ငံခြားရင်းနှီးမြှုပ်နှံမှုလုပ်ငန်းအသစ် (၄) ခု YRIC အတည်ပြု

ရန်ကုန်တိုင်းဒေသကြီးအတွင်းရှိ စက်မှုကဏ္ဍ၌ ရင်းနှီးမြှုပ်နှံမည့် နိုင်ငံခြားရင်းနှီးမြှုပ်နှံမှုလုပ်ငန်းအသစ် (၄) ခုကို ရန်ကုန်တိုင်းဒေသကြီး ရင်းနှီးမြှုပ်နှံမှုကော်မတီ(YRIC)က ခွင့်ပြုပေးခဲ့သည်။

ရင်းနှီးမြှုပ်နှံမှု လုပ်ငန်း (၄) ခု၏ မတည်ငွေရင်းပမာဏသည် အမေရိကန်ဒေါ်လာ (၅ ဒသမ ၁၉၆) သန်းဖြစ်သည်။

အဆိုပါ ရင်းနှီးမြုပ်နှံမှုကြောင့် ပြည်တွင်း၌ လုပ်သား (၃၆၉ ၅) ဦးအတွက် အလုပ်အကိုင်အခွင့်အလမ်းများ ဖန်တီးပေးနိုင်မည်ဖြစ်ပြီး CMP စနစ်နှင့် wearing apparel အမျိုးမျိုး ၊ အဝတ်အထည် အမျိုးမျိုးချုပ်လုပ်သည့်လုပ်ငန်းများ ပါဝင်ကြောင်း သိရသည်။

ယင်းလုပ်ငန်းများကို ရန်ကုန်တိုင်းဒေသကြီးရင်းနှီးမြှုပ်နှံမှုကော်မတီ၏ ၁၀/၂၀၂၅ ကြိမ်မြောက် အစည်းအဝေး၌ အတည်ပြုခွင့်ပြုပေးခဲ့ခြင်း ဖြစ်သည်။

အာဖဂန်မှာ အားပြင်းငလျင်လှုပ်၊ ၁၀ ဦးထက်မနည်း ‌ေ-သဆုံး

အာဖဂန်နစ္စတန်မြောက်ပိုင်း Mazar-e Sharif မြို့အနီးတွင် တနင်္လာနေ့မနက်ပိုင်းက ပြင်းအား ၆ ဒဿမ ၃ အဆင့်ရှိ ငလျင်လှုပ်ခတ်ခဲ့သဖြင့် လူ ၁၀ ဦးထက်မနည်း ‌ေ-သဆုံးကာ ၂၆၀ ဦး ခန့်ဒ-ဏ်ရာရှိခဲ့ကြောင်း ဒေသဆိုင်ရာအာဏာပိုင်များကို ကိုးကား၍ ရို-က်တာသတင်းက ဖော်ပြခဲ့သည်။

ငလျင်သည် လူဦးရေ ၅၂၃,၀၀၀ ခန့်ရှိသော Mazar-e Sharif မြို့အနီး အနက် ၁၇ ဒဿမ ၄ မိုင်ခန့်မှ လှုပ်ခတ်သွားခဲ့ခြင်းဟု အမေရိကန်ဘူမိတိုင်းတာရေးဌာနက ပြောဆိုကြောင်းလည်း သတင်းတွင် ဖော်ပြခဲ့သည်။

Balkh နှင့် Samangan ပြည်နယ်များရှိ ဒေသများသည် ထိခို-က်မှုအများဆုံးဖြစ်ခဲ့ပြီး နိုင်ငံသားအများအပြား အသက်ဆုံးရှုံးခဲ့ကြောင်း အာဖဂန်ကာကွယ်ရေးဝန်ကြီးဌာနက ပြောကြားခဲ့သည်။ စစ်တပ် ကယ်ဆယ်ရေးနှင့် အရေးပေါ်အကူအညီပေးရေးအဖွဲ့များသည် ငလျင်ဒ-ဏ်သင့်ဒေသသို့ ချက်ချင်းရောက်ရှိခဲ့ပြီး လူများကို ကယ်တင်ခြင်း၊ ဒ-ဏ်ရာရရှိသူများကို သယ်ယူပို့ဆောင်ခြင်းနှင့် ဘေး-ဒဏ်သင့် မိသားစုများကို အကူအညီပေးခြင်းလုပ်ငန်းများ စတင်ဆောင်ရွက်နေသည်ဟု ဝန်ကြီးဌာနက ထုတ်ပြန်ပြောဆိုခဲ့သည်။

ကျန်းမာရေးဝန်ကြီးဌာန ပြောရေးဆိုခွင့်ရှိသူ ရှာဖတ်ဇာမန်ကလည်း ငလျင်ဒ-ဏ်သင့်ဒေသတွင် ကယ်ဆယ်ရေးအဖွဲ့များ လုပ်ငန်းဆောင်ရွက်လျက်ရှိပြီး ‌ေ-သဆုံးဒ-ဏ်ရာရသူဦးရေ တိုးလာနိုင်သည်ဟု ပြောကြားခဲ့သည်။

အာဖဂန်နစ္စတန်နိုင်ငံသည် ပြတ်ရွေ့နှစ်ခုပေါ်တွင် တည်ရှိသောကြောင့် ငလျင်ဒ-ဏ် ကိုမကြာခဏခံရလေ့ရှိပြီး မြေလွှာအက်ကွဲမှုများနှင့် ကြီးမားသော ထိခို-က်ပျ-က်စီးမှုများဖြစ်စေသည်။

သြဂုတ်လကုန်က နိုင်ငံအရှေ့တောင်ပိုင်းတွင် လှုပ်ခတ်ခဲ့သော ငလျင်နှင့် ပြင်းထန်သော နောက်ဆက်တွဲငလျင်များကြောင့် လူ ၂,၂၀၀ ကျော် ‌ေ-သဆုံးခဲ့ပြီး ထောင်နှင့်ချီ၍ ဒ-ဏ်ရာရရှိခဲ့သည်။

တောင်ကြီး တန်ဆောင်တိုင်ပွဲတော်ရက် (၃)ရက် ထပ်တိုး

ရာသီဥတုအခြေအနေကြောင့် ပြိုင်ပွဲဝင်မီးပုံးပျံများ မလွှတ်တင်နိုင်သေးသည့်အတွက် တောင်ကြီး တန်ဆောင်တိုင်ပွဲတော်ကို (၃)ရက် ထပ်တိုးကျင်းပမည်ဟု သိရသည်။

ယခင်က သတ်မှတ်ထားသည့် ပွဲတော်ရက်မှာ အောက်တို ဘာ (၂၉) ရက်မှ နိုဝင်ဘာ (၄)ရက်အထိ ဖြစ်သော်လည်းနိုဝင်ဘာ ( ၇၊ ၈၊ ၉) ၃ ရက်သည် ပွဲတော်ရက်အတွင်း အကျုံးဝင်မည် ဖြစ်သည်။

တောင်ကြီး တန်ဆောင်တိုင် မီးပုံးပျံပွဲတော်တွင် လွှတ်တင်မည့် နေ့လွှတ် မီးပုံးပျံများပြားသဖြင့် အောက်တိုဘာလ (၂၇) ရက်က စပြီးလွှတ်တင်နေရခြင်း ဖြစ်သည်။

သို့သော်လည်း ရာသီဥတု အခြေအနေကြောင့် မီးပုံးပျံများ လွှတ်တင်နိုင်ရန် အခက်အခဲရှိနေခြင်း ဖြစ်သည်။

ယခုနှစ်တွင် နေ့လွှတ် မီးပုံးပျံ အရုပ်စာရင်းသည် ခြေနှစ်ချောင်း (၁၈၉) လုံး ခြေလေးချောင်း (၁၀၂) လုံး ၊ အုပ်စုအလုံး (၆၆)လုံး ၊ စုစုပေါင်း (၃၅၇) လုံးရှိကာ ညလွှတ်မီးပုံးပျံ စာရင်းသည် စိန်နားပန် (၃၇) လုံး ၊ (၂၂)ပေ (၂၅) လုံး ၊ (၂၅) ပေ (၁၈) လုံး စုစုပေါင်း ညလွှတ် အလုံး (၈၀) ဖြစ်ကြောင်း သိရသည်။