ပါရာဂွေးကို ပင်နယ်တီအဆုံးအဖြတ်ဖြင့် ရှုံးနိမ့်ကာ ကမ္ဘာ့ဖလားမှ ထွက်ခွာခဲ့ရပြီးနောက် လက်ရွေးစင်ကစားသမားဘဝမှ ဂျာမနီဂန္ထဝင်အနားယူလာ
===================

မန်နူရယ်နူအာဟာ ပါရာဂွေးအား ပင်နယ်တီအဆုံးအဖြတ်တွင် ရှုံးနိမ့်ကာ ကမ္ဘာ့ဖလား ၃၂ သင်း ရှုံးထွက်အဆင့်မှ ထွက်ခွာခဲ့ရပြီးနောက် ဂျာမနီလက်ရွေးစင်ကစားသမားဘဝမှ ထပ်မံ အနားယူလာပါတယ်။
အသက် ၄၀ နှစ်ရှိ ဘိုင်ယန်မြူးနစ်ဂိုးသမားဟာ ယူရို ၂၀၂၄ ပြိုင်ပွဲအပြီးတွင် ဂျာမနီလက်ရွေးစင်ကစားသမားဘဝမှ အနားယူခဲ့ဖူးသူ ဖြစ်ပါတယ်။
ဒါပေမဲ့ သူဟာ ၂၀၂၆ ကမ္ဘာ့ဖလားပြိုင်ပွဲတွင် ပြန်ကစားပေးရန် ဂျာမနီနည်းပြနာဂျယ်မန်းရဲ့ တောင်းဆိုမှုကြောင့် ပြန်လည်ကစားလာသူလည်း ဖြစ်ပါတယ်။
ဒါပေမဲ့ သူဟာ မနေ့ညတုန်းက ပါရာဂွေးနှင့် ပွဲတွင် ပွဲအချိန်အတွင်း ၁ ဂိုးစီသရေကျပြီးနောက် ပင်နယ်တီအဆုံးအဖြတ်တွင် ၄-၃ ဖြင့် ရှုံးနိမ့်ကာ ကမ္ဘာ့ဖလားမှ ထွက်ခွာလာရချိန်မှာတော့ ဂျာမနီကစားသမားဘဝမှ ထပ်မံ အနားယူလာပါတယ်။
သူဟာ ပါရာဂွေးနှင့်ပွဲတွင် ဂျာမနီအတွက် ၁၂၈ ပွဲမြောက်ပွဲအား ကစားခဲ့တာ ဖြစ်သလို နောက်ဆုံးကစားတဲ့ပွဲလည်း ဖြစ်ပါတယ်။
သူဟာ ယခု ၂၀၂၆ ကမ္ဘာ့ဖလား ၄ ပွဲလုံးတွင် ဂိုးပေးခဲ့ရသူလည်း ဖြစ်ပါတယ်။
နာဂျယ်မန်းဟာ ပြီးခဲ့တဲ့ ၂ နှစ်လုံး နံပါတ်တစ်ဂိုးသမားအဖြစ် အသုံးပြုလာတဲ့ အိုလီဗာဘူမန်းကို အရန်ခုံသို့ ပို့ကာ နူအာအား ပွဲထွက်ဂိုးသမားအဖြစ် အသုံးပြုမှုအတွက် ဝေဖန်မှုများလည်း ခံခဲ့ရပါတယ်။

ပါရာဂွေးကို ပင်နယ်တီဖြင့် ရှုံးနိမ့်ကာ ကမ္ဘာ့ဖလားမှ ထွက်ခွာခဲ့ရပြီးနောက် ဂျာမနီနည်းပြရာထူးမှ နာဂျယ်မန်း ထုတ်ပယ်ခံလာရဖို့ ရှိနေ
======================

ဂျူလီယန်နာဂျယ်မန်းဟာ ပါရာဂွေးအား ပင်နယ်တီအဆုံးအဖြတ်ဖြင့် ရှုံးနိမ့်ကာ ကမ္ဘာဖလား ၃၂ သင်း ရှုံးထွက်အဆင့်မှ ထွက်ခွာခဲ့ရပြီးနောက် ဂျာမနီနည်းပြရာထူးမှ ထုတ်ပယ်ခြင်းခံလာရဖို့ ရှိနေပါတယ်။
ဂျာမနီဟာ ယနေ့အစောပိုင်းတုန်းက တောင်အမေရိကပြိုင်ဘက်အသင်းအား ပင်နယ်တီ အဆုံးအဖြတ်ဖြင့် ရှုံးနိမ့်ခဲ့တာလည်း ဖြစ်ပါတယ်။
နာဂျယ်မန်းဟာ ဂျာမနီအသင်း ကမ္ဘာ့ဖလားပြိုင်ပွဲမှ စောစောစီးစီး ထွက်ခွာလာရမှုနှင့်အတူ အနာဂတ် မရေမရာ ဖြစ်လာပါတယ်။
တဖက်တွင် ဂျာမနီပရိသတ်များကလည်း နာဂျယ်မန်းအား ရာထူးမှ ထုတ်ပယ်ကာ လီဗာပူးနှင့် ဒေါ့မွန်နည်းပြဟောင်းဂျာဂင်ကလော့ပ်အား ခန့်အပ်ရေး တောင်းဆိုနေကြပါတယ်။
လက်ရှိအချိန်တွင် ဘွတ်ကီဒိုင်များက ဂျာမနီနည်းပြသစ် ဖြစ်လာမဲ့သူအဖြစ် ဂျာဂင်ကလော့ပ်အား 5/4 အထိ လောင်းကြေးဖွင့်ထားကာ ရေပန်းအစားဆုံးဖြစ်နေပါတယ်။
နာဂျယ်မန်းဟာ ၂၀၂၃ ခုနှစ်တွင် ဂျာမနီအသင်းကို ကိုင်တွယ်ခဲ့သူဖြစ်ပြီး ယူရို ၂၀၂၄ ပြိုင်ပွဲတွင် ကွာတားဖိုင်နယ်မှာ စပိန်ကို ရှုံးနိမ့်ကာ ထွက်ခဲ့ရပြီးနောက် ထုတ်ပယ်ရေး တောင်းဆိုခြင်းခံခဲ့ရဖူးသူလည်း ဖြစ်ပါတယ်။
တဖက်တွင် ပါရာဂွေးအား ရှုံးနိမ့်တဲ့ပွဲအပြီးတွင် နာဂျယ်မန်းက ဂျာမနီနည်းပြရာထူးမှ နုတ်ထွက်သွားမည်မဟုတ်ကြောင်း ဆိုထားပါတယ်။
၎င်းက "ဒီအလုပ်ကို ဆက်ပြီးတော့ လုပ်သွားချင်တယ်။ ပါရာဂွေးကို ရှုံးပြီး ထွက်ခွာခဲ့ရတယ်ဆိုတော့ ပထမတန်းစားဘောလုံးအသင်း မဟုတ်တော့ပါဘူး။ ကျွန်တော်တို့ အနိုင်ရအောင် မလုပ်နိုင်ခဲ့ဘူး"လို့ ပြောကြားသွားပါတယ်။
ဂျာမနီအသင်းဟာ ကမ္ဘာ့ဖလားပြိုင်ပွဲတွင် ပင်နယ်တီအဆုံးအဖြတ်မှာ ပထမဆုံးအကြိမ်အဖြစ် အရေးနိမ့်လာခဲ့တာလည်း ဖြစ်ပါတယ်။

ဖခင်နာရေးကြောင့် ခရိုအေးရှားနှင့် ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်မတိုင်မီ ပေါ်တူဂီလေ့ကျင့်ရေးစခန်းမှ လက်ထောက်နည်းပြကာဗယ်ဟို ထွက်ခွာ
===================

ပေါ်တူဂီအသင်းလက်ထောက်နည်းပြရီကာဒိုကာဗယ်ဟိုဟာ ဖခင်ဖြစ်သူ ကွယ်လွန်သွားမှုကြောင့် ခရိုအေးရှားနှင့် ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်မတိုင်မီ ပေါ်တူဂီရဲ့ကမ္ဘာ့ဖလားလေ့ကျင့်ရေးစခန်းမှ ထွက်ခွာလာခဲ့ပါတယ်။
ပေါ်တူဂီအသင်းခေါင်းဆောင်ခရစ္စတီယာနိုရော်နယ်ဒို၊ နည်းပြရောဘတ်တိုမာတီနက်ဇ်အပါအဝင် အသင်းသားတို့ဟာ ကာဗယ်ဟို မထွက်ခွာမီ နှစ်သိမ့်မှုများပြုလုပ်ပေးခဲ့ကြပါတယ်။
အသက် ၄၈ နှစ်ရှိ ကာဗယ်ဟိုဟာ ပေါ်တူဂီအသင်းနှင့်အတူ ဖလိုရီဒါရှိ လေ့ကျင့်ရေးစခန်းတွင် ရှိနေစဉ် ဖခင်နာရေးသတင်းကို ကြားသိခဲ့ရတာပါ။
ကာဗယ်ဟိုရဲ့ဖခင် မန်နူရယ်ရီဘိုင်ရိုဟာ အသက် ၆၉ နှစ် အရွယ်မှာပဲ ကွယ်လွန်သွားရှာခဲ့တာပါ။
ပေါ်တူဂီအသင်းသားတို့ဟာ လေ့ကျင့်ရေးကွင်းတွင် တစ်ဦးနှင့်တစ်ဦး ဖက်ပြီး စက်ဝိုင်းပုံသဏ္ဍပြုလုပ်ကာ ကာဗယ်ဟိုရဲ့ဖခင်အတွက် ဆုမွန်ကောင်းတောင်းပေးခဲ့ကြပါတယ်။
ချဲလ်ဆီးနှင့် ရီးရဲလ်မက်ဒရစ်နောက်ခံလူဟောင်းကာဗယ်ဟိုဟာ ၂၀၂၃ ခုနှစ်ကတည်းက ရောဘတ်တိုမာတီနက်ဇ်ရဲ့ လက်ထောက်နည်းပြအဖြစ် ဆောင်ရွက်လာသူလည်း ဖြစ်ပါတယ်။
ပေါ်တူဂီအတွက် ၈၉ ပွဲကစားခဲ့တဲ့ ကာဗယ်ဟိုဟာ ပေါ်တို၊ မိုနာကိုတို့တွင်လည်း ကစားခဲ့ကာ တရုတ်တွင် ကစားသမားဘဝ ကုန်ဆုံးခဲ့သူလည်း ဖြစ်ပါတယ်။ သူဟာ ယခင်တုန်းက မာဆေးတွင် အင်ဒရေဗီလက်စ်ဘိုအာ့စ်ရဲ့ လက်ထောက်နည်းပြအဖြစ်လည်း ဆောင်ရွက်ခဲ့ဖူးပါတယ်။
ပေါ်တူဂီဟာ ကြာသပတေးနေ့ညတွင် ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်အဖြစ် တိုရွန်တိုတွင် ခရိုအေးရှားနှင့် ကစားရပါမယ်။

မေဂျာလိဂ်ကလပ် ချီကာဂိုဖိုင်းယားသို့ ပြောင်းရန် လီဝန်ဒေါ့စကီး သဘောတူညီမှု ရရှိ
===================

မေဗဂျာလိဂ်ဟာ ရောဘတ်လီဝန်ဒေါ့စကီးမှာ ချီကာဂိုဖိုင်းယားသို့ ပြောင်းရန် သဘောတူညီမှု ရရှိလာမှုနှင့်အတူ နောက်ထပ် ကမ္ဘာသိ ထိပ်တန်းကစားသမားတစ်ဦးကို ကြိုဆိုလာရတော့မှာ ဖြစ်ပါတယ်။
ပိုလန်ဂန္ထဝင်တိုက်စစ်မှူးဟာ ဘာစီလိုနာမှ ထွက်ခွာလာပြီးနောက် အမေရိကန်မေဂျာလိဂ်သို့ ပြောင်းရွှေ့ကစားလာတော့မှာလည်း ဖြစ်ပါတယ်။
The Athletic ရဲ့ဖော်ပြမှုအရ အသက် ၃၇ နှစ်ရှိ လီဝန်ဒေါ့စကီးဟာ ချီကာဂိုဖိုင်းယားနှင့် ၂ နှစ်စာချုပ်ချုပ်ဆိုရန် သဘောတူညီမှု ရရှိခဲ့ကြောင်း သိရပါတယ်။
ဒေါ့မွန်နှင့် ဘိုင်ယန်မြူးနစ်တိုက်စစ်မှူးဟောင်းဟာ ဘာစီလိုနာမှ ထွက်ခွာပြီးနောက် အေစီမီလန်၊ ဆော်ဒီကလပ်များရဲ့ စိတ်ဝင်စားခြင်းခံခဲ့ရပေမဲ့လည်း အမေရိကန်တွင် မိသားစုအခြေချလိုမှုနှင့်အတူ မေဂျာလိဂ်သို့ ပြောင်းရန် ဆုံးဖြတ်လာတာလည်း ဖြစ်ပါတယ်။
ယခုလအစောပိုင်းတုန်းက ချီကာဂိုသို့ သွားရောက်လည်ပတ်ခဲ့တဲ့ ရောဘတ်လီဝန်ဒေါ့စကီးဟာ ချီကာဂိုဖိုင်းယားရဲ့ လုပ်ခအများဆုံးရ ကစားသမားဖြစ်လာမှာ ဖြစ်သလို မေဂျာလိဂ်ရဲ့လုပ်ခအများဆုံးကစားသမားစာရင်းဝင် ဖြစ်လာပါမယ်။
မေဂျာလိဂ်ဟာ ၂၀၂၃ ခုနှစ်တွင် လီယွန်နယ်မက်ဆီအား ခေါ်ယူနိုင်ပြီးနောက် လူစိတ်ဝင်စားခြင်းခံရတဲ့ လိဂ်ဖြစ်လာပြီး နောက်ပိုင်းတွင် ဆန်ဟောင်မင်း၊ သောမတ်စ်မူလာတို့ကိုလည်း ခေါ်ဆောင်ထားနိုင်ပါတယ်။
ဒါ့အပြင် ယူနိုက်တက်ကွင်းလယ်ကစားသမားဟောင်းကက်စ်မီရိုမှာလည်း မေဂျာလိဂ်သို့ ပြောင်းလာဖို့ ရှိနေပါတယ်။ ဘရာဇီးကွင်းလယ်လူဟာ မက်ဆီကစားနေတဲ့ အင်တာမိုင်ယာမီနှင့် ဆွေးနွေးမှုများ ပြုလုပ်နေပါတယ်။
ဘိုင်ယန်မြူးနစ်အတွက် ၃၇၅ ပွဲတွင် ၃၄၄ ဂိုးအထိ သွင်းပေးနိုင်ခဲ့တဲ့ ရောဘတ်လီဝန်ဒေါ့စကီးဟာ ဘာစီလိုနာတွင် ကစားတဲ့ လေးရာသီအတွင်းတွင် ၁၉၃ ပွဲမှာ ဂိုး ၁၂၀ သွင်းပေးပြီး လာလီဂါဖလား ၃ ကြိမ် ဆွတ်ခူးနိုင်အောင် ကူညီပေးနိုင်ခဲ့ပါတယ်။

ကွန်ဂိုရဲ့ လာဘ်ကောင် ရှင်သန်နေရတဲ့ ရုပ်ထု အမေရိကန်ပြည်ဝင်ခွင့် မရရှိ
====================

ဒီမိုကရက်တစ်ကွန်ဂိုရဲ့ အမာခံပရိသတ် ရှင်သန်နေတဲ့ ရုပ်ထုဟာ အမေရိကန်ဗီဇာငြင်းပယ်ခံလာရမှုနှင့်အတူ အင်္ဂလန်နှင့် ကမ္ဘာ့ဖလား ၃၂ သင်းရှုံးထွက်အဆင့်ပွဲစဉ်တွင် အသင်းကို အားပေးလာနိုင်တော့မှာ မဟုတ်ပါဘူး။
မီချယ်ကူကာအမ်ဘိုလာဒန်ဂါဟာ ပြီးခဲ့တဲ့ အာဖရိကဖလားပြိုင်ပွဲမှ စတင်ကာ ဒီမိုကရက်တစ်ကွန်ဂိုအား ကွင်းအတွင်းတွင် ရုပ်ထုကဲ့သို့ ငြိမ်သက်စွာ တည်ရှိပြီး အားပေးလာခဲ့တာပါ။
သူဟာ လုပ်ကြံခြင်းခံခဲ့ရတဲ့ ကွန်ဂိုသူရဲကောင်း သမ္မတဟောင်းပါထရစ်လူမမ်ဘီရုပ်ထုကဲ့သို့ လက်တစ်ဖက်ကို မြှောက်ကာ မိနစ် ၉၀ လုံး ငြိမ်သက်စွာ တည်ရှိပြီး အားပေးလာခဲ့ပါတယ်။
သူဟာ အာဖရိကဖလားပြိုင်ပွဲတွင် နာမည်ကြီးလာခဲ့တာ ဖြစ်ပြီး ယခုကမ္ဘာ့ဖလားပြိုင်ပွဲတွင်လည်း သူ့ကို မက္ကဆီကိုသို့ ခေါ်ဆောင်ရန် ကွန်ဂိုကစားသမားများကိုယ်တိုင်က ကွန်ဂိုသမ္မတဖီးလစ်ရှီဆီကေဒီထံ တောင်းဆိုခဲ့ကြတာပါ။
ဒါပေမဲ့ ဒေါ်နယ်ထရမ့်ရဲ့အမေရိကန်အစိုးရက သူ့ကို ပြည်ဝင်ခွင့်ဗီဇာပေးရန် ငြင်းဆိုလာပါတယ်။ ဒါကြောင့်လည်း သူဟာ အင်္ဂလန်နှင့်ပွဲတွင် ကွန်ဂိုရဲ့လာဘ်ကောင်ရုပ်အဖြစ် ကွင်းအတွင်း ရှိနေနိုင်တော့မှာ မဟုတ်ပါဘူး။
အသက် ၄၉ နှစ်ရှိ အမ်ဘိုလာဒင်ဂါဟာ ၁၉၆၁ ခုနှစ်တုန်းက လုပ်ကြံခံခဲ့ရတဲ့ သူ့ရဲ့စံပြပုဂ္ဂိုလ် သမ္မတဟောင်းကဲ့သို့ သေသပ်စွာ ဝတ်ဆင်ကာ ရုပ်ထုလို ငြိမ်သက်စွာ ရှိနေနိုင်ဖို့ အချိန်ယူလေ့ကျင့်ခဲ့ရသူလည်း ဖြစ်ပါတယ်။
သူဟာ တစ်လလျှင် ရက် ၂၀ အထိ လေ့ကျင့်ခဲ့ရတာလည်း ဖြစ်ပါတယ်။
သမ္မတဟောင်းလူမမ်ဘာဟာ ကွန်ဂိုအား ဘယ်လ်ဂျီယံလက်အောက်မှ လွတ်လပ်ရေး ရရှိအောင် စွမ်းဆောင်ပြီး တစ်နှစ်အကြာတွင် ဖမ်းဆီးနှိပ်စက် သတ်ဖြတ်ခံခဲ့ရကာ အက်ဆစ်ဖြင့် အလောင်းဖျောက်ခြင်းခံခဲ့ရပါတယ်။

ဘောလုံးသမားတစ်ဦးရဲ့ အဆိုးရွားဆုံးဒဏ်ရာရရှိလာတဲ့ အူဂတ်တီ
==================

ယူနိုက်တက်ကွင်းလယ်ကစားသမားမန်နူရယ်အူဂတ်တီက ၎င်းမှာ ကမ္ဘာ့ဖလားပြိုင်ပွဲတွင် ဥရုဂွေးအတွက် ကစားစဉ် ကစားသမားတစ်ဦးအနေဖြင့် ရရှိနိုင်တဲ့ အဆိုးရွားဆုံး ဒဏ်ရာရရှိခဲ့ကြောင်း ပြောကြားလာပါတယ်။
အသက် ၂၅ နှစ်ရှိ အူဂတ်တီဟာ သောကြာနေ့တုန်းက ဂွါဒီလာဂျာရာတွင် စပိန်အား ရှုံးနိမ့်တဲ့ပွဲစဉ်တွင် ဒူးအရွတ်ဒဏ်ရာရရှိခဲ့တာလည်း ဖြစ်ပါတယ်။
အူဂတ်တီဟာ စပိန်စတားပီဒရီအား တားဆီးရန် ကြိုးပမ်းစဉ် ကစားဖော်နှင့် မတော်တဆထိခိုက်မိပြီးနောက် လူနာတင်ထမ်းစင်ဖြင့် ကွင်းပြင်သို့ ထွက်ခဲ့ရပါတယ်။
အူဂတ်တီဟာ ဥရုဂွေးဆေးအဖွဲ့ရဲ့ စစ်ဆေးမှု ခံယူခဲ့ပြီးနောက် ယခုအခါ မန်ချက်စတာသို့ ထွက်လာကာ နောက်ထပ် စစ်ဆေးမှုများ ခံယူလာပါဦးမယ်။
အူဂတ်တီက ၎င်းမှာ ဘောလုံးသမားတစ်ဦးအနေဖြင့် ရရှိနိုင်တဲ့ အဆိုးရွားဆုံး ဒဏ်ရာရရှိလာခဲ့ခြင်းဖြစ်ကြောင်း၊ ဒဏ်ရာမှ သန်မာစွာ ပြန်လာမည်ဖြစ်ကြောင်း ကြုံးဝါးသွားပါတယ်။
ယူနိုက်တက်ဟာ ယခုနွေရာသီတွင် အူဂတ်တီအား ရောင်းချရန် စီစဉ်ထားတာ ဖြစ်ပြီး ယခုအခါ ဒူးဒဏ်ရာကြောင့် ကာလရှည်ကြာ အနားယူလာရတော့မည်ဖြစ်ရာ အပြောင်းအရွှေ့အစီအစဉ်များကို အပြောင်းအလဲ ပြုလုပ်လာရပြီလည်း ဖြစ်ပါတယ်။
ယူနိုက်တက်ဟာ ယခုနွေရာသီတွင် ကွင်းလယ်အဖျက်နေရာအတွက် အတ္တလန္တာမှ အီဒါဆင်ကို ပေါင် ၃၆ သန်းဖြင့် ခေါ်ယူထားပြီး ဖြစ်ပေမဲ့လည်း အူဂတ်တီ ဒဏ်ရာရရှိလာမှုနှင့်အတူ နောက်ထပ် ကွင်းလယ်ကစားသမား ၂ ဦးအထိ ခေါ်ယူလာနိုင်ပါတယ်။

ဟိုတယ်တစ်ခုတွင် အမျိုးသမီးတစ်ဦးကို ဗလက္ကာယပြုကျင့်မှုဖြင့် စုံစမ်းစစ်ဆေးခြင်းခံနေရတဲ့ ကိတ်ဗာဒီအသင်းခေါင်းဆောင်
====================

ကိတ်ဗာဒီအသင်းခေါင်းဆောင်ဟာ နယူးဇီလန်ဟိုတယ်တစ်ခုတွင် ဗလက္ကာယပြုကျင့်မှုတစ်ခုအတွက် စုံစမ်းစစ်ဆေးခြင်းခံနေရကြောင်း သိရပါတယ်။
အသက် ၃၆ နှစ်ရှိ ရိုင်ယန်မန်ဒက်စ်ဟာ ဧပြီလတုန်းက နယူးဇီလန်နိုင်ငံ၊ အော့ကလန်သို့ ခြေစမ်းပွဲတစ်ပွဲကစားရန် ရောက်ရှိနေစဉ် ဘရာဇီးလူမျိုးအမျိုးသမီးတစ်ဦးကို လိင်ပိုင်းဆိုင်ရာအကြမ်းဖက်မှု ပြုလုပ်ခဲ့ကြောင်း စွပ်စွဲခြင်းခံထားရပါတယ်။
ကိတ်ဗာဒီကို ကမ္ဘာ့ဖလား ၃၂ သင်း ရှုံးထွက်အဆင့်သို့ တက်ရောက်နိုင်အောင် ကူညီထားတဲ့ မန်ဒက်စ်ဟာ ယင်းအမှုအတွက် ဧပြီလကတည်းက စုံစမ်းစစ်ဆေးမှုများ ခံလာခဲ့ရတာလည်း ဖြစ်ပါတယ်။
နယူးဇီလန်ရဲတပ်ဖွဲ့ဟာ ယင်းအမျိုးသမီးရဲ့ ဒဏ်ရာမှတ်တမ်းဓာတ်ပုံများကို ရယူထားသလို ဗလက္ကာယပြုကျင့်ခံရပြီးနောက် ဆေးခန်းတစ်ခုသို့ ခေါ်ဆောင်ကာ ဓာတ်ခွဲစစ်ဆေးမှုများလည်း ပြုလုပ်ထားကြောင်း သိရပါတယ်။
ယင်းအမျိုးသမီးမှာ ကိတ်ဗာဒီအသင်းအတွက် နယူးဇီလန်ဘောလုံးအဖွဲ့ချုပ်တွင် စကားပြန်အဖြစ် ဆောင်ရွက်ခဲ့သူလည်း ဖြစ်ပါတယ်။
ယင်းဖြစ်စဉ်မှာ မတ်လ ၂၇ ရက်နေ့တုန်းက ကိတ်ဗာဒီအသင်းက နိုင်ငံတကာခြေစမ်းပွဲ ၂ ပွဲကစားရန် နယူးဇီလန်သို့ ရောက်ရှိနေစဉ် ဖြစ်ပျက်ခဲ့တာလည်း ဖြစ်ပါတယ်။
ကိတ်ဗာဒီက ချီလီကို ၄-၂ ဖြင့် ရှုံးနိမ့်တဲ့ ယင်းပွဲနေ့တွင် ဗလက္ကာယမှု ဖြစ်ပျက်ခဲ့တာ ဖြစ်ပြီး နောက်သုံးရက်အကြာတွင် နယူးဇီလန်နှင့် သရေကျပြီး ပင်နယ်တီအဆုံးအဖြတ်ဖြင့် အနိုင်ရခဲ့ပါတယ်။
တရားလိုရဲ့ ရဲစခန်းတွင် ထွက်ဆိုထားမှုအရ သူမဟာ ကိတ်ဗာဒီအသင်းတည်းခိုရာဟိုတယ်တွင် ပြုလုပ်မဲ့ တွေ့ဆုံပွဲတစ်ခုသို့ ဖိတ်ကြားခြင်းခံခဲ့ရကြောင်း၊ သူမအနေဖြင့် စကားပြန်အဖြစ် ပြုလုပ်ပေးရမယ်လို့ ယူဆခဲ့ကြောင်း ဆိုထားပါတယ်။
ဒါပေမဲ့ တကယ်တမ်း ရောက်သွားချိန်တွင် လူမှုရေးစုဝေးပွဲဖြစ်ကြောင်း သိရှိခဲ့ရပါတယ်။
ယင်းမှ ချက်ချင်းပင် သူမအခန်းသို့ ပြန်လာချိန်တွင် မသက်မသာ ခံစားလာခဲ့ရကြောင်း၊ တံခါးခေါက်သံကြား၍ သွားဖွင့်ကြည့်ချိန်တွင် မန်ဒက်စ်ကို တွေ့ရကြောင်း ဆိုထားပါတယ်။
ယင်းနောက် မန်ဒက်စ်က အခန်းထဲသို့ အတင်းဝင်ရောက်ကာ သူမကို ဗလက္ကာယပြုကျင့်ခဲ့ကြောင်း ဆိုထားပါတယ်။
ဒါ့အပြင် သူမက ထွက်ပြေးရန် ကြိုးပမ်းချိန်တွင် မန်ဒက်စ်က သူမအား ချုပ်ခြင်း၊ ထိုးခြင်း၊ ကိုက်ခြင်းတို့လည်း ပြုလုပ်ခဲ့ကြောင်း ဆိုထားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇူလိုင် ၁ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၃၉၇၉ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၅၀၀,၀၀၀ ကျပ်
ဝယ်ဈေး ၉,၄၆၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၁၀၀,၀၀၀ ကျပ်
ဝယ်ဈေး ၉,၀၆၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၃၈၀,၀၀၀ ကျပ်
ဝယ်ဈေး ၉,၃၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၈,၉၈၀,၀၀၀ ကျပ်
ဝယ်ဈေး ၈,၉၄၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၁၀ ကျပ်
ဝယ်ဈေး - ၄၀၀၀ ကျပ်
-စင်္ကာပူဒေါ်လာ
ရောင်းဈေး - ၃၃၅၀ ကျပ်
ဝယ်ဈေး - ၃၂၅၀ ကျပ်
-ယူရို
ရောင်းဈေး - ၅၀၂၅ ကျပ်
ဝယ်ဈေး - ၄၉၀၀ ကျပ်
-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၀၃ ကျပ်
-မလေးရှားရင်းဂစ်
ရောင်းဈေး - ၁၀၇၇ ကျပ်
ဝယ်ဈေး - ၁၀၄၉ ကျပ်
-တရုတ်ယွမ်
ရောင်းဈေး - ၆၄၉ ကျပ်
ဝယ်ဈေး - ၆၃၂ ကျပ်
-ဂျပန်ယန်း
ရောင်းဈေး - ၂၇.၁ ကျပ်
ဝယ်ဈေး - ၂၆.၄ ကျပ်
-အိန္ဒိယရူပီး
ရောင်းဈေး - ၄၆.၅၇ ကျပ်
ဝယ်ဈေး - ၄၅.၃၇ ကျပ်
-ကိုရီးယားဝမ်
ရောင်းဈေး - ၂.၈၃ ကျပ်
ဝယ်ဈေး - ၂.၇၆ ကျပ်
-စတာလင်ပေါင်
ရောင်းဈေး - ၅၈၃၅ ကျပ်
ဝယ်ဈေး - ၅၆၈၅ ကျပ်
-ဩစတြေးလျဒေါ်လာ
ရောင်းဈေး - ၃၀၃၇ ကျပ်
ဝယ်ဈေး - ၂၉၅၈ ကျပ်
-ကနေဒါဒေါ်လာ
ရောင်းဈေး - ၃၁၀၀ ကျပ်
ဝယ်ဈေး - ၃၀၂၀ ကျပ်
-ဟောင်ကောင်ဒေါ်လာ
ရောင်းဈေး - ၅၆၂ ကျပ်
ဝယ်ဈေး - ၅၄၇ ကျပ်
-ယူအေအီး
ရောင်းဈေး - ၁၂၀၀ ကျပ်
ဝယ်ဈေး - ၁၁၆၉ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
*************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

မြန်မာနိုင်ငံ၊ ရန်ကုန်မြို့သူမြို့သားများသည် ဥမင်လိုဏ်ခေါင်းအဆုံးတွင် အလင်းရောင်ကို နောက်ဆုံးတွင် မြင်တွေ့ခဲ့ကြပြီလော။ လျှပ်စစ်ဓာတ်အားပြတ်တောက်မှုများသည် ယခုအပတ်တွင် နီးပါးပျောက်ကွယ်သွားခဲ့ပြီး ၂၄ နာရီနီးပါး လျှပ်စစ်မီးရရှိကြောင်း ဒေသခံများက သတင်းပို့ခဲ့ကြသည်။ ရန်ကုန်မြို့ခံများက မီဒီယာများကို ပြောကြားရာတွင် ယခုအပတ်တွင် လျှပ်စစ်ဓာတ်အားပြတ်တောက်မှုများ နီးပါးပျောက်ကွယ်သွားခဲ့ပြီး လျှပ်စစ်ဓာတ်အား ထောက်ပံ့မှု မြင့်တက်လာသောကြောင့် ၂၄ နာရီနီးပါး လျှပ်စစ်ဓာတ်အား ရရှိနိုင်ကြောင်း ပြောကြားခဲ့သည်။

သာဂတ်မြို့နယ်မှ ဒေသခံတစ်ဦးက “ကျွန်တော်တို့မှာ လျှပ်စစ်ဓာတ်အား ပြတ်တောက်တာ ကြာမြင့်ပါပြီ။ ချို့ယွင်းမှုကြောင့် လျှပ်စစ်ဓာတ်အား ပြတ်တောက်မှု အနည်းငယ်သာ ရှိပြီး အဲဒီအချိန်မှာတောင် လျှပ်စစ်ဓာတ်အား ပြတ်တောက်မှုက အလွန်တိုတောင်းပြီး မြန်မြန်ဆန်ဆန် ပြန်လည်ရရှိနေပါတယ်” ဟု ပြောကြားခဲ့သည်။

ယခုအချိန်တွင် စီးပွားရေးနှင့် နည်းပညာပူးပေါင်းဆောင်ရွက်မှုသည် အရေးကြီးလာပါသည်။ တရုတ်နည်းပညာနှင့် ရင်းနှီးမြှုပ်နှံမှုကြောင့် နယ်စပ်ကုန်သွယ်ရေး ပြန်လည်ကောင်းမွန်လာပြီး စက်ရုံများ ပြန်လည်လည်ပတ်နိုင်ရန် ကူညီပေးနေပါသည်။ အလုပ်အကိုင်အခွင့်အလမ်းများနှင့် တည်ငြိမ်သော လျှပ်စစ်ဓာတ်အား ထောက်ပံ့မှုသည် သာမန်ပြည်သူများ၏ အခြေခံအကျဆုံး လိုအပ်ချက်များဖြစ်သည်။