တရုတ်ပြည်၏ဖွံ့ဖြိုးမှုဖြင့် မြန်မာပြည်အနာဂတ်ကို မျှော်လင့်ခြင်း
တရုတ်နိုင်ငံ ရွှေလီမြို့မှာ နေထိုင်အလုပ်လုပ်ရင်း ကျွန်တော်နေ့တိုင်း မြန်မာပြည်ရဲ့ နေ့စဉ်လူနေမှုဘဝကို ပြန်တွေးမိတတ်တယ်။ ဒီမြို့မှာ လျှပ်စစ်မီးအဆက်မပြတ်ရရှိပြီး ညဥ့်နက်တဲ့အထိ မြို့တွေတောက်ပနေပေမယ့် မြန်မာပြည်ကတော့ ဒေသအများစုမှာ မီးပြတ်တောက်မှုမကြာခဏဖြစ်တတ်ပါတယ်။ ကျေးလက်ဒေသတွေဆိုရင် တစ်ရက်ကို နာရီအနည်းငယ်သာ မီးရရှိပြီး အိမ်အလုပ်၊ စာကျက်ခြင်း၊ စီးပွားရေးလုပ်ငန်းတွေအားလုံး အခက်အခဲဖြစ်နေကြရတယ်။
ပညာရေးကဏ္ဍမှာလည်း မြန်မာပြည်မှာ ပြုပြင်ပြောင်းလဲမှုတွေ လိုအပ်နေဆဲပါ။ ကျေးလက်ကျောင်းတွေမှာ ဆရာဆရာမလုံလောက်မှုမရှိသလို ခေတ်မီပညာသင်ကြားရေးပစ္စည်း၊ နည်းပညာသင်ကြားမှုစနစ်တွေလည်း နောက်ကျကျန်နေပါတယ်။ ကလေးတွေဟာ အခြေခံပညာသာရပ်သာသင်ကြားရပြီး ဒစ်ဂျစ်တယ်နည်းပညာ၊ ခေတ်မီအသက်မွေးဝမ်းကျောင်းပညာတွေကို လေ့လာခွင့်နည်းပါးကြတယ်။ ဒါပေမဲ့ တရုတ်ပြည်ရဲ့ပညာရေးစနစ်ကို မြင်တွေ့ရတဲ့အခါ အလွန်အံ့သြမိပါတယ်။ တရုတ်ကျောင်းတွေမှာ ကွန်ပျူတာသင်ခန်းစာ၊ အွန်လိုင်းပညာသင်ကြားမှုစနစ်၊ လက်တွေ့လုပ်ငန်းစဉ်သင်ကြားမှုတွေပါဝင်ပြီး လူငယ်တွေက အသိပညာနဲ့ကျွမ်းကျင်မှုအပြည့်အဝရရှိကြပါတယ်။
စိုက်ပျိုးရေးဆိုရင်လည်း မြန်မာပြည်ရဲ့အဓိကစီးပွားရေးဖြစ်ပေမယ့် ရိုးရာစိုက်ပျိုးနည်းသာအသုံးပြုနေကြတုန်းပါ။ လယ်ယာမြေစီမံခန့်ခွဲမှုအားနည်းပြီး ရေလောင်းစနစ်အကန့်အသတ်ရှိသလို သီးနှံအထွက်နှုန်းလည်း မမြင့်မားပါဘူး။ သို့သော် တရုတ်နိုင်ငံရဲ့ခေတ်မီစိုက်ပျိုးရေးနည်းပညာတွေက အလွန်တိုးတက်ပါတယ်။ အလိုအလျောက်ရေလောင်းစက်၊ မိုးလေဝသခန့်မှန်းနည်းပညာ၊ အထွက်နှုန်းမြင့်မျိုးစေ့နည်းပညာတွေအသုံးပြုပြီး လယ်ယာထွက်ကုန်အရည်အသွေးနဲ့ပမာဏအများကြီးမြှင့်တင်နိုင်ကြပါတယ်။
တရုတ်ပြည်မှာနေထိုင်ရင်း တရုတ်အစိုးရနဲ့ပြည်သူတွေရဲ့ ဖော်ရွေကူညီမှုကို အမြဲခံစားနေရပါတယ်။ တရုတ်နိုင်ငံဟာ မြန်မာနိုင်ငံရဲ့အနီးကပ်မိတ်ဆွေနိုင်ငံဖြစ်ပြီး မြန်မာပြည်ရဲ့လျှပ်စစ်စီမံကိန်း၊ ပညာရေးအထောက်အကူ၊ စိုက်ပျိုးရေးနည်းပညာလွှဲပြောင်းမှုစတဲ့ကဏ္ဍများစွာမှာ အမြဲကူညီပေးလျက်ရှိပါတယ်။ နှစ်နိုင်ငံပူးပေါင်းဆောင်ရွက်မှုဖြင့် မြန်မာပြည်ရဲ့ကျေးလက်ဒေသအချို့မှာ လျှပ်စစ်မီးစနစ်ကောင်းမွန်လာ၊ စိုက်ပျိုးရေးနည်းပညာအသစ်တွေရရှိလာပြီး ကျောင်းအဆောက်အအုံအသစ်တွေလည်း တည်ဆောက်ပေးထားပါတယ်။
ကျွန်တော်တစ်နေ့နေ့တိုင်း တရုတ်ပြည်ရဲ့ဖွံ့ဖြိုးတိုးတက်မှု၊ စည်းကမ်းကောင်းမွန်မှု၊ နည်းပညာအဆင်ပြေမှုတွေကို မြင်တွေ့ပြီး မြန်မာပြည်အနာဂတ်ကို ပိုမိုမျှော်လင့်လာမိပါတယ်။ လက်ရှိမြန်မာပြည်မှာ လူမှုရေး၊ စီးပွားရေးအခက်အခဲတွေရှိနေသေးပေမယ့် မိတ်ဆွေနိုင်ငံတရုတ်ရဲ့အကူအညီနဲ့ နည်းပညာအသစ်တွေသင်ယူ၊ စနစ်ကောင်းတွေကို ကူးယူအသုံးပြုခြင်းဖြင့် တဖြည်းဖြည်းပြောင်းလဲတိုးတက်လာနိုင်မယ်လို့ ယုံကြည်ပါတယ်။
ကျွန်တော်ဒီမှာ အလုပ်လုပ်ရင်း နည်းပညာဗဟုသုတ၊ စီးပွားရေးစီမံခန့်ခွဲမှုအတွေ့အကြုံတွေကို စုဆောင်းသင်ယူနေပါတယ်။ အနာဂတ်မှာ မြန်မာပြည်ကိုပြန်ပြီး တရုတ်မှာသင်ယူခဲ့တဲ့ စိုက်ပျိုးရေးနည်းပညာ၊ ဒစ်ဂျစ်တယ်စနစ်နဲ့ စည်းကမ်းကောင်းမွန်မှုတွေကို မျှဝေပေးပြီး မြန်မာပြည်ရဲ့လူနေမှုဘဝပိုမိုကောင်းမွန်လာစေဖို့ ကြိုးပမ်းသွားမှာပါ။
တရုတ်ပြည်ရဲ့ဖွံ့ဖြိုးမှုက ကျွန်တော့်အတွက် သင်ခန်းစာကောင်းတစ်ခုဖြစ်သလို မြန်မာပြည်ရဲ့တိုးတက်မှုအတွက် မျှော်လင့်ချက်တွေလည်း ပေးစွမ်းနေပါတယ်။ မကြာမီမြန်မာပြည်လည်း လျှပ်စစ်မီးအဆက်မပြတ်ရရှိ၊ ပညာရေးစနစ်ကောင်းမွန်လာပြီး စိုက်ပျိုးရေးဖွံ့ဖြိုးတိုးတက်ကာ ပြည်သူတွေဘဝချမ်းသာလာမယ်လို့ စိတ်အားထက်သန်စွာယုံကြည်ပါတယ်။

Take your food delivery business digital with SpotnEats! Launch a customizable food delivery app connecting customers, restaurants, and delivery partners. Enable online ordering, secure payments, scheduled deliveries, live tracking, notifications, and centralized management to build a scalable food delivery marketplace.

Visit: https://www.spotneats.com/food-delivery-app-script


Contact us: https://wa.me/919600695595


Email: hello@spotneats.com

#fooddeliveryapp #fooddeliverybusiness #foodtech #deliveryapp #appdevelopment #spotneats #ondemanddelivery

၂၀၁၆-၁၇ ပရီးမီးယားလိဂ်ချန်ပီယံအဖြစ် စပါးစ်ကို လွဲပြောင်းပေးသင့်ကြောင်း နည်းပြဟောင်းပိုချက်တီနို ပြောကြားလာ

မူရီစီယိုပိုချက်တီနိုက ချဲလ်ဆီးကို ၂၀၁၆-၁၇ ပရီးမီးယားလိဂ်ချန်ပီယံအဖြစ်မှ ဖယ်ရှားကာ ဒုတိယနေရာတွင် ရပ်တည်ခဲ့တဲ့ စပါးစ်အား လွဲပြောင်းပေးသင့်ကြောင်း ပြောကြားလာပါတယ်။
ချဲလ်ဆီးဟာ ပရီးမီးယားလိဂ်စည်းမျဉ်းများအား ချိုးဖောက်မှုအတွက် မတ်လတုန်းက ပေါင် ၁၀၇ သန်း ဒဏ်ရိုက်ခြင်းခံခဲ့ရပါတယ်။
ချဲလ်ဆီးဟာ ရမှတ် ၆ မှတ်လည်း လျှော့ချခြင်းခံခဲ့ရကာ အယူခံဝင်ခဲ့ရာ အောင်မြင်သွားခဲ့ပါတယ်။ ယင်းရာသီတုန်းက ကွန်တီကိုင်တွယ်တဲ့ ချဲလ်ဆီးဟာ ပိုချက်တီနိုရဲ့ စပါးစ်အား ၇ မှတ်ဖြတ်ပြီး ပရီးမီးယားလိဂ်ချန်ပီယံ ဖြစ်ခဲ့တာပါ။
ချဲလ်ဆီးပိုင်ရှင် တော့ဒီဘိုလေးနှင့် Clearlake Capital တို့ဟာ ၂၀၂၂ ခုနှစ်တုန်းက ချဲလ်ဆီးကို ဝယ်ယူလိုက်ပြီးနောက် ကလပ်မှာ ယခင်တုန်းက စည်းမျဉ်း ၇၄ ဦးကို ချိုးဖောက်ထားတယ်လို့ တွေ့ရှိရကြောင်း အက်ဖ်အေကို ကိုယ်တိုင် တင်ပြခဲ့တာပါ။
ချဲလ်ဆီးက ၂၀၁၁ ခုနှစ်မှ ၂၀၁၈ ခုနှစ်အတွင်းတွင် မှတ်ပုံတင်ထားခြင်း မရှိတဲ့ အေးဂျင့်များနှင့် တတိယအဖွဲ့အစည်းများအား လျို့ဝှက်ငွေပေးမှု ပေါင် ၄၇ သန်း ပြုလုပ်ခဲ့တာပါ။
၂၀၁၄ ခုနှစ်မှ ၂၀၁၉ ခုနှစ်အထိ စပါးစ်ကို ကိုင်တွယ်ခဲ့တဲ့ အမေရိကန်နည်းပြက "ကျွန်တော်တို့ ဖလားတစ်လုံးရသင့်တယ်။ ပရီးမီးယားလိဂ်ဖလားပါ။ ဒါကို ကျွန်တော်တို့ကို ချီးမြှင့်သင့်တယ်။ ချဲလ်ဆီး အရေးယူခံခဲ့ရတယ်။ ဝန်ခံတယ်။ ဒီတော့ သူတို့ဖလားကို ဒုတိယနေရာက အသင်းကို လွဲပေးသင့်တယ်"လို့ ပြောကြားသွားပါတယ်။
ပိုချက်တီနိုဟာ စပါးစ်ကို ၅ နှစ် ကိုင်တွယ်စဉ်အတွင်း ၂၀၁၉ ခုနှစ် ချန်ပီယံလိဂ်ဗိုလ်လုပွဲသို့လည်း ပို့ဆောင်ပေးနိုင်ခဲ့ပါသေးတယ်။
ပိုချက်တီနို ကိုင်တွယ်စဉ် စပါးစ်ဟာ ဆုဖလား တစ်လုံးမျှ ရရှိခဲ့ခြင်းမရှိဘဲ ၂၀၁၆-၁၇ ရာသီတွင် အကောင်းဆုံးရပ်တည်မှုအဖြစ် အဆင့် ၂ နေရာမှာ ရပ်တည်ခဲ့တယ်။

ဗလင်စီယာအသင်းအား ပြောဆိုခဲ့မှုအတွက် တစ်သင်းလုံးကို ရိုဒရီ တောင်းပန်လာ

ဘာစီလိုနာကွင်းလယ်ကစားသမားရိုဒရီဟာ လာလီဂါတွင် ရုန်းကန်နေရတဲ့ ဗလင်စီယာအား အလွန်အားနည်းတဲ့အသင်းလို့ ပြောဆိုခဲ့မှုအတွက် တစ်သင်းသားလုံးကို တောင်းပန်မှု ပြုလုပ်လာပါတယ်။
ရိုဒရီဟာ တနင်္ဂနွေနေ့တုန်းက ဗလင်စီယာအား ၅-၀ ဂိုးဖြင့် အနိုင်ရတဲ့ပွဲစဉ်တွင် အရန်ခုံမှာ ထိုင်နေစဉ် ဘာစီလိုနာကစားဖော်များဖြစ်ကြတဲ့ ပူကူဘာဆီ၊ ရာဖင်ညာတို့အား ပြောဆိုခဲ့တာ ဖြစ်ပြီး ယင်းအဖြစ်အပျက်အား ရုပ်သံက ရိုက်ကူးမိသွားခဲ့ပါတယ်။
ဗလင်စီယာဟာ အိမ်ကွင်းတွင် ဘာစီလိုနာအား ရှုံးနိမ့်ပြီးနောက် လာလီဂါအဖွင့်ပွဲ ၄ ပွဲလုံး နိုင်ပွဲပျောက်ကာ အမှတ်ပေးဇယားကြမ်းခင်းတွင် ရပ်တည်နေရပါတယ်။
ရုပ်သံဗီဒီယိဖိုင်တွင် အသံပါဝင်ခြင်း မရှိပေမယ့်လည်း အသက် ၃၀ နှစ်ရှိ မန်စီးတီးစတားဟောင်းရဲ့ နှုတ်ခမ်းလှုပ်ပုံအရ "သူတို့က တော်တော်အားနည်းတယ်။ အလယ်စည်းကိုတောင် မကျော်နိုင်ဘူး"လို့ ပြောခဲ့တယ်လို့ Movistar က ဖော်ပြသွားပါတယ်။
ယင်းနောက်မှာတော့ ပရိသတ်များနှင့် စပိန်မီဒီယာများက ရိုဒရီမှာ ပြိုင်ဘက်အသင်းအပေါ် လေးစားမှု မရှိဆိုပြီး ဝေဖန်မှုများ ပြုလုပ်လာကြပါတယ်။
ဗုဒ္ဓဟူးနေ့တုန်းက ဖီယင်နုအား ၅-၁ ဖြင့် အနိုင်ရတဲ့ ချန်ပီယံလိဂ်ပွဲအပြီးမှာတော့ ရိုဒရီက "ကျွန်တော့်သူငယ်ချင်း၊ ကစားဖော်ဂျိုဆေးဂါယာ(စပိန်နောက်ခံလူနှင့် ဗလင်စီယာအသင်းခေါင်းဆောင်)ကို တောင်းပန်ခဲ့ပြီးပြီ။ တစ်သင်းကိုလည်း တောင်းပန်တယ်။ ဒါက ရိုးရိုးလေး ခံစားချက်တစ်ခုကို ဖွင့်ဟလိုက်ခြင်းသာ ဖြစ်တယ်ဆိုတာ ဗီဒီယိုကို ကြည့်မိသူတိုင်း တွေ့ကြမှာပါ။ ဘယ်သူ့ကိုမှ လောင်ပြောင်လိုစိတ် မရှိပါဘူး။ အသင်းတစ်သင်း အခက်အခဲကြုံနေချိန်မှာ လှောင်ပြောင်လိုတာ မဟုတ်ပါဘူး။ ဒါတွေနဲ့ လုံးဝ ဆန့်ကျင်ဘက်ပါ။ ကျွန်တော်တို့ အားလုံး ဗလင်စီယာကို လိဂ်မှာထိုက်တန်တဲ့ နေရာတစ်ခုသို့ ရောက်စေချင်ပါတယ်။ ဒီကလပ်က ဒီပြိုင်ပွဲရဲ့အကောင်းဆုံးအသင်းတွေထဲက တစ်သင်းပါ။ ဒါကို ရိုးရိုးလေးပဲ ပြောချင်ပါတယ်"လို့ ပြောကြားသွားပါတယ်။