အစိုးရသစ်၏ ပထမဦးဆုံးနိုင်ငံတော်အဆင့်အခမ်းအ နားအဖြစ် ၂ဝ၂၆ ခုနှစ် နေပြည်တော်လမ်းလျှောက်သင်္ကြန်အား နေပြည်တော်ရင်ပြင်၌ကျင်းပမည်

အစိုးရသစ်၏ ပထမဦးဆုံးနိုင်ငံတော်အဆင့်အခမ်းအ နားအဖြစ် ၂ဝ၂၆ ခုနှစ် နေပြည်တော်လမ်းလျှောက်သ င်္ကြန်အား နေပြည်တော်ရင်ပြင်၌စည်ကားသိုက်မြိုက်စွာကျင်းပသွားမည်ဖြစ်ကြောင်း သိရသည်။

ယခုနှစ်ကျင်းပမည့် လမ်းလျှောက်သင်္ကြန်ပွဲတော်သည် သာမန်ပျော်ပွဲရွှင်ပွဲတစ်ခုထက်ပို၍ နိုင်ငံတော်အစိုးရ၊ လွှတ်တော်ကိုယ်စားလှယ်များ၊ ဝန်ထမ်းများနှင့် ပြည်သူများအတူပူးပေါင်းပြီး စိတ်သစ်၊ လူသစ်၊ နိုင်ငံရေးအခင်းအကျင်းသစ်များဖြင့်ဆင်နွှဲမည့် အနှစ်သာရရှိသည့်ပွဲတော်ကြီးတစ်ခုဖြစ်ကြောင်း သိရသည်။

လမ်းလျှောက်သင်္ကြန်ပွဲတော်၌ မြန်မာ့ရိုးရာယဉ်ကျေးမှု ဓလေ့ထုံးတမ်းများကိုသိရှိနိုင်စေရန် သင်္ကြန်မဏ္ဍပ်ဇုန်များ၊ ဖျော်ဖြေရေးဇုန်များ၊ သနပ်ခါးသင်္ကြန်ဇုန်များအ ပြင် လက်ဖက်နှင့် ရိုးရာထမနဲတို့ဖြင့် တည်ခင်းဧည့်ခံသည့်ပြကွက်များကိုလည်း ဇုန်များအလိုက်ထည့်သွင်း ၍ ခမ်းနားစွာပြသသွားမည်ဖြစ်ပြီး နိုင်ငံကျော်တေးသံ ရှင်များ၏ ဖျော်ဖြေရေးအစီအစဉ်များ၊ ရိုးရာအတာသင်္ကြန်ပွဲတော်ကို ပေါ်လွင်စေမည့် အစီအစဉ်ကောင်းများကိုလည်းထည့်သွင်းသွားမည်ဖြစ်ကြောင်း သိရသည်။

ထို့ပြင် နိုင်ငံတစ်ဝန်းတွင်လည်း လမ်းလျှောက်သင်္ကြန် ပွဲတော်များကျင်းပသွားမည်ဖြစ်၍ နိုင်ငံကျော်တေးသံ ရှင်များ၏ ဖျော်ဖြေရေးအစီအစဉ်များကို နေပြည်တော်အပါအဝင် နိုင်ငံတစ်ဝန်း၌ထည့်သွင်းကျင်းပရာ၌ အနု ပညာရှင်များ သွားလာရေးအတွက် သီးခြားရထားလက်မှတ်များစီစဉ်ပေးသွားမည်ဖြစ်ကြောင်း သိရသည်။

နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေးခန်းသာယာရေးကော်မရှင် ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှလည်း မတ် ၂၄ ရက်ကကျင်းပခဲ့သည့် စက်သုံးဆီသုံးစွဲမှုနှင့်ပတ်သက်သောအစည်းအဝေး၌ သင်္ကြန်ကာလအတွင်း စက်သုံးဆီသုံးစွဲမှုများပြားမှုမရှိစေရေးအတွက် တိုင်းနှင့် ပြည်နယ်များရှိ မြို့ကြီးများနှင့် မြို့နယ်များအလိုက် လမ်းလျှောက်သင်္ကြန်အဖြစ်နေရာများသတ်မှတ်ကျင်းပပါကပိုမိုသင့်လျော်မည်ဟု ပြောကြားထားသည်။

MAI မှနိုင်ငံတကာခရီးစဉ်များအတွက် ခရီးဆောင်အိတ်သယ်ယူခွင့်များကို မနက်ဖြန် မတ် ၂၆ ရက်မှစ၍ ယခင်အတိုင်းပြန်လည်သယ်ဆောင်ခွင့်ပေး

ပြည်တွင်းခရီးစဉ်များအားလုံးကိုလည်း မူလအတိုင်းပုံမှန်ပြန်လည်ပျံသန်းပေး

အပြည်ပြည်ဆိုင်ရာမြန်မာလေကြောင်း(MAI)မှ နိုင်ငံ တကာခရီးစဉ်များအတွက် ခရီးဆောင်အိတ်သယ်ယူခွင့်များကို မနက်ဖြန် မတ် ၂၆ ရက်မှစ၍ ယခင်အတိုင်းပြန်လည်သယ်ဆောင်ခွင့်ပေးမည်ဖြစ်ကာ ပြည်တွင်းခရီးစဉ်များအားလုံးကိုလည်း မူလအတိုင်းပုံမှန်ပြန်လည်ပျံသန်းပေးသွားမည်ဟု အသိပေးခဲ့သည်။

နိုင်ငံတကာခရီးစဉ်များအတွက် ခရီးဆောင်အိတ်သယ် ဆောင်ခွင့်အနေဖြင့် Economy Class အတွက် (3KG အထိ၊ Business Class အတွက် (4KG အထိပြန် လည်သယ်ဆောင်နိုင်ပြီဖြစ်ကာ 𝐒𝐤𝐲 𝐒𝐦𝐢𝐥𝐞 (𝐑𝐮𝐛𝐲 & 𝐃𝐢𝐚𝐦𝐨𝐧𝐝)အဖွဲ့ဝင်များအနေဖြင့် အပိုခရီးဆောင်အိတ်သယ်ယူခွင့်များကို မူလအကျိုးခံစားခွင့်များအတိုင်း ပြန်လည်ပေးအပ်သွားမည်ဟု အသိပေးခဲ့သည်။

ပြီးခဲ့သည့် မတ် ၂၂ ရက်မှ မတ် ၂၅ ရက်အတွင်း အ သစ်ပြောင်းလဲသတ်မှတ်ခဲ့သည့် ခရီးဆောင်အိတ်သယ် ယူခွင့်ယာယီကန့်သတ်ချက်များကြောင့် KG ဆုံးရှုံးနစ်နာခဲ့ရသော ခရီးသည်များကို MAI မှ ခရီးဆောင်အိတ်သယ်ဆောင်ခွင့်အလေးချိန် (1KG နှင့်တန်ဖိုးညီမျှသည့် Travel Voucher တစ်စောင်ကိုလည်းပြန်လည်ပေးအပ်သွားမည်ဟု အသိပေးခဲ့သည်။

အဆိုပါ ထို Travel Voucher ဇွန် ၃၀ ရက်အထိအသုံးပြုနိုင်မည်ဖြစ်ကာ အခြားသူအားလွှဲပြောင်းခြင်း(သို့) refund ပြန်လည်ထုတ်ယူခြင်းများပြုလုပ်၍မရနိုင်ဘဲ Travel Voucher အား https://docs.google.com/ forms/d/e/1FAIpQLSe2qqdFwhFLmiHDof_7fxiD9c V5gOFFwtotexIPflEgWMUysg/viewform?usp= header တွင်ဖြည့်သွင်းရယူနိုင်သည်ဟု အသိပေးခဲ့သည်။

ထို့ပြင် MAI မှ Operational အခြေအနေများကြောင့် ယခင်ရပ်နားခဲ့ရသော ပြည်တွင်းခရီးစဉ်များအားလုံးကိုလည်း မူလပုံမှန်အတိုင်းပြန်လည်ပျံသန်းပြေးဆွဲပေးသွားမည်ဖြစ်ကာ အဆင်မပြေမှုများအတွက် MAI မှ ခရီးသည်များအားအနူးညွှတ်တောင်းပန်ပြီး မည်သည့်အခြေအနေမျိုးတွင်မဆိုခရီးသည်များ အဆင်ပြေပြေချောမွေ့စွာခရီးသွားနိုင်ရန်အစွမ်းကုန် ကြိုးပမ်းဆောင်ရွက်သွားမည်ဟုလည်း အသိပေးခဲ့သည်။

အွန်လိုင်းလိမ်လည်မှုနှင့် ဒုစရိုက်မှုလုပ်ငန်းများတွင် ဆက်စပ်ပါဝင်ခဲ့သည့် တောင်ကိုရီးယားနိုင်ငံသားကိုထပ်မံလွှဲပြောင်း

ကရင်ပြည်နယ်၊ မြဝတီ-ရွှေကုက္ကိုလ်နယ်မြေတွင် တရားမဝင်အွန်လိုင်းလောင်းကစားမှုများ၊အွန်လိုင်းလိမ်လည်မှုများ၊ဒုစရိုက်မှုများကျူးလွန်ခဲ့သည့် တောင်ကိုရီးယားနိုင်ငံသား(၁)ဦးကို သက်ဆိုင်ရာနိုင်ငံသို့ ထပ်မံလွှဲပြောင်းပေးခဲ့ကြောင်းသိရသည်။

၎င်းအား လူသားချင်းစာနာထောက်ထားမှုနှင့် နိုင်ငံအချင်းချင်းချစ်ကြည်ရင်းနှီးမှုတို့ကိုရှေးရှု၍ ဥပဒေလုပ်ထုံးလုပ်နည်းများနှင့်အညီ မြန်မာ-ထိုင်း အမှတ်(၂)ချစ် ကြည်ရေးတံတားမှတစ်ဆင့်လွှဲပြောင်းပေးခဲ့ခြင်းဖြစ် ကြောင်း သိရသည်။

၂၀၂၅ ခုနှစ် ဇန်နဝါရီ ၃၀ ရက်မှ ၂၀၂၆ ခုနှစ် မတ် ၂၄ ရက်အထိ မြဝတီမြို့နယ်အတွင်းသို့ တရားမဝင်ဝင်ရောက်လာသည့် ပြည်ပနိုင်ငံသား(၁၄,၆၁၆)ဦးကိုထိန်းသိမ်းနိုင်ခဲ့ကာ ၎င်းတို့အနက် (၁၃,၃၃၆)ဦးကို ထိုင်းနိုင်ငံမှတစ်ဆင့် သက်ဆိုင်ရာနိုင်ငံများသို့ ဥပဒေလုပ်ထုံး လုပ်နည်းများနှင့်အညီ စနစ်တကျပြည်နှင်လွှဲပြောင်းပေးခဲ့ပြီး ကျန်ရှိသည့် ပြည်ပနိုင်ငံသား(၁,၂၈၀)ဦးမှာလည်း သက်ဆိုင်ရာနိုင်ငံများသို့လွှဲပြောင်းပေးရန် အသင့်ဖြစ်နေပြီဖြစ်ရာ ကောင်းမွန်စွာထိန်းသိမ်းစောင့်ရှောက်ထားကြောင်း သိရသည်။

တာချီလိတ်မြို့နယ်တွင် ကျပ်ဘီလီယံ ၂၀ ကျော်တန်ဖိုးရှိ မူးယစ်ဆေးဝါးများ နှင့် ဆက်စပ်ပစ္စည်းများ ထပ်မံဖမ်းဆီးရမိ

အဆိုပါဒေသတစ်ဝိုက်တွင် မသင်္ကာဖွယ် မူးယစ်ဆေးဝါးချက်လုပ်သည့် နေရာများရှိနိုင်သေးသဖြင့် နယ်မြေဖော်ထုတ်ရှင်းလင်းမှုများ ဆက်လက်ဆောင်ရွက်မည်

တာချီလိတ်မြို့နယ် မိုင်းဟဲ (အောက်) ကျေးရွာအုပ်စု ကော့ရားကျေးရွာအနီး၌ ခန့်မှန်းငွေကျပ် ၂၀ ဒသမ ၂ ဘီလီယံတန်ဖိုးရှိ မူးယစ်ဆေးဝါးများနှင့် မူးယစ်ဆေးဝါးချက်လုပ်ရာတွင် အသုံးပြုသည့် ဆက်စပ်ပစ္စည်းများ ကို မတ်လ ၂၄ ရက်နေ့ က ထပ်မံ သိမ်းဆည်းရမိခဲ့ကြောင်း သိရသည်။

ရှမ်းပြည်နယ်(အရှေ့ပိုင်း) တာချီလိတ်မြို့၏ အနောက်မြောက်ဘက် မီတာ ၂၈၅၀၀ ခန့်အကွာ မိုင်းဟဲ (အောက်) ကျေးရွာအုပ်စု ကော့ရားကျေးရွာ၏ အနောက်မြောက်ဘက် မီတာ ၂၀၀၀ ခန့်အကွာသို့ အရောက်၌ မသင်္ကာဖွယ်တဲများအား တွေ့ရှိသဖြင့် ဝင်ရောက် ရှာဖွေစစ်ဆေးချိန် ဖမ်းဆီးရမိခဲ့ခြင်းလည်း ဖြစ်သည်။

မူးယစ်ဆေးဝါး ချက်လုပ်/ ထုပ်ပိုးသည့် မိုးကာ တဲကြီး နှစ်လုံး၊ အလျား ပေ ၅၀၊ အနံ ပေ ၃၀ ရှိ ထမင်းစားဆောင် မိုးကာတဲတစ်လုံးနှင့် လူနေမိုးကာတဲ တစ်လုံး၊ ၁၀ ပေပတ်လည် လူနေမိုးကာတဲ သုံးလုံး၊ အလျား ၁၀ ပေ၊ အနံ ၁၅ ပေရှိ မိုးကာတဲ သုံးလုံးတို့ကို တွေ့ရှိရပြီး ၎င်းတို့အတွင်းမှ မူးယစ်ဆေးဝါးချက်လုပ် ရာတွင် အသုံးပြုသည့် ပစ္စည်းများဖြစ်သော ၁၉ လုံးကျ ရိုက်စက် နှင့် အင်ဂျင်အသေးတွဲလျက်ပါ လေးလုံး၊ WY စိတ်ကြွရူးသွပ်ဆေးပြား ၆၉ သိန်းပြား၊ စိတ်ကြွ ရူးသွပ်ဆေးပြားအကြေ ၂၀ ကီလိုဂရမ်စီပါ ခြောက်အိတ်၊ ပန်းရောင်စိတ်ကြွဆေးမှုန့် ၂၀ ကီလိုဂရမ်စီပါ ၁၅ အိတ်၊ အိုက်စ် ၁ ကီလို ဂရမ်စီပါ ၄၉ ထုပ်၊ ကဖင်း ၁၅ ကီလိုဂရမ်စီပါ ၄၆ အိတ်၊ ကဖင်း ၂၀ ကီလိုဂရမ်စီပါ အိတ် ၇၀၊ အခြောက်ခံစတီးဗန်း ၁၆ ဗန်း၊ မူးယစ်ဆေးဝါးမွှေစက် နှင့် အင်ဂျင်အသေးတွဲလျက်ပါ တစ်လုံး၊ ဂတ်စ်အိုး ၃၂ လုံး၊ မီးစက်အကြီး တစ်လုံး၊ မျောက်ခေါင်း တံဆိပ်အနံ့ဆေးရည် အလုံး ၂၀ စီပါ ၁၂ ဖာ၊ Promethazine တံဆိပ် ပါ ချောင်းဆိုးပျောက်ဆေး အလုံး ၂၅၀၊ ဗင်နီလင်း ၄၀ ကီလိုဂရမ်စီပါ လေးအိတ်၊ ကြယ်တံဆိပ် Food Colour ဘူးသေး ၅၀၊ ကီလိုချိန် စက်အကြီး နှစ်ခု၊ စိတ်ကြွဆေးပြားများထည့်သည့် ပလတ်စတစ် ကပ်ခွာအိတ်ငယ်ပါ ဆာလာအိတ် သုံးအိတ်၊ မှိုင်းကိုင်စက္ကူပါဆာလာ အိတ် သုံးအိတ်၊ ဆေးပြားရိုက် မှိုတံဆိပ်မပါ ၂၀၃ ချောင်း၊ WY တံဆိပ်ပါဆေးပြား ရိုက်မှို ၂၀၄ ချောင်းနှင့် Starlink Gen 3 တစ်လုံးတို့ကို တွေ့ရှိသိမ်းဆည်းရမိခဲ့ခြင်းဖြစ်သည်။

သိမ်းဆည်းရမိ မူးယစ်ဆေးဝါးများ (ခန့်မှန်း တန်ဖိုးငွေကျပ် ၂၀ ဒသမ ၂ ဘီလီယံခန့်) နှင့် မူးယစ်ဆေးဝါး ချက်လုပ်ရာတွင် အသုံးပြုသည့် ဆက်စပ်ပစ္စည်းများကို ပညာရှင် များပါဝင်သော ပူးပေါင်းအဖွဲ့ဖြင့် အသေးစိတ်ဆက်လက်စစ်ဆေး၍ သက်ဆိုင်ရာဌာနများသို့ လွှဲပြောင်းထားကြောင်း သိရသည်။

အဆိုပါဒေသတစ်ဝိုက်ကိုလည်း မသင်္ကာဖွယ် မူးယစ်ဆေးဝါးချက်လုပ်သည့် နေရာများရှိနိုင် သေးသဖြင့် နယ်မြေဖော်ထုတ်ရှင်းလင်းခြင်းများကို ဆက်လက်ဆောင်ရွက်သွားမည်ဖြစ်ကြောင်း သိရသည်။

တာချီလိတ်မြို့နယ် ပုန်းထွန်ရပ်ကွက် မယ်ဆိုင်ချောင်းဘေး၌ ငွေကျပ် ၂ ဒဿမ ၈ ဘီလီယံဝန်းကျင် တန်ဖိုးရှိ အိုက်စ် ၂၆၀ ကီလိုဂရမ် ကို မတ်၂၂ ရက်နေ့က လည်း ဖမ်းဆီးရမိခဲ့ကြောင်း သိရသည်။

ပြီးခဲ့သည့် မတ်လ ၂၁ ရက်နေ့ကလည်း တာချီလိတ်မြို့ မကာဟိုခမ်းရပ်ကွက် ပိတောက်လမ်းမြလင်းပွင့်မိုတယ်အနီး၌ ငွေကျပ် ၉ ဘီလီယံ နီးပါးတန်ဖိုးရှိ WY ဆေးပြားများပိုင်ရှင်မဲ့ ဖမ်းဆီးရမိခဲ့ကြောင်း သိရသည်။

မိုဒီနှင့်ထရမ့်ပ်တို့ဟော်မုဇ်ရေလက်ကြားဖြတ်သန်းခွင့်ကိစ္စရပ်များဆွေးနွေး

အိန္ဒိယဝန်ကြီးချုပ် နာရင်ဒရာမိုဒီသည် အမေရိကန်သမ္မတ ဒေါ်နယ်ထရမ့်ပ်နှင့် အင်္ဂါနေ့တွင် ဖုန်းဖြင့် ဆက်သွယ်စကားပြောဆိုခဲ့ပြီး၊ လက်ရှိအရှေ့အလယ်ပိုင်း အခြေအနေများနှင့် ဟော်မုဇ်ရေလက်ကြားကို အမြဲဖွင့်လှစ်ထားရှိရန် အရေးကြီးမှုတို့ကို ဆွေးနွေးခဲ့ကြကြောင်း သိရသည်။

ဝန်ကြီးချုပ်မိုဒီက ၎င်း၏ လူမှုကွန်ရက်စာမျက်နှာဖြစ်သော အိတ်စ်တွင် ရေးသားဖော်ပြရာ၌ ၎င်းနှင့် သမ္မတထရမ့်ပ်တို့သည် အရှေ့အလယ်ပိုင်း အခြေအနေများအပေါ် “အသုံးဝင်သော အမြင်ချင်းဖလှယ်မှုများ” ပြုလုပ်ခဲ့ကြသည်။

“အိန္ဒိယနိုင်ငံအနေနဲ့ တင်းမာမှုတွေ လျှော့ချရေးနဲ့ ငြိမ်းချမ်းရေး အမြန်ဆုံးပြန်လည်ဖော်ဆောင်ရေးကို ထောက်ခံပါတယ်။ ဟော်မုဇ်ရေလက်ကြားကို လုံခြုံစိတ်ချရပြီး လူတိုင်းဝင်ထွက်သွားလာနိုင်အောင် အမြဲဖွင့်လှစ်ထားဖို့က တစ်ကမ္ဘာလုံးအတွက် အရေးကြီးပါတယ်။ ငြိမ်းချမ်းရေးနဲ့ တည်ငြိမ်ရေးအတွက် ကြိုးပမ်းမှုတွေမှာထိ‌တွေ့ဆောင်ရွက်သွားဖို့ ကျွန်တော်တို့ သဘောတူခဲ့ကြပါတယ်" ဟု မိုဒီက ရေးသားခဲ့သည်။

အိန္ဒိယနိုင်ငံဆိုင်ရာ အမေရိကန်သံအမတ်ကြီး ဆာဂျီယို ဂေါ ကလည်း ခေါင်းဆောင်နှစ်ဦး၏ ဖုန်းဖြင့် ဆွေးနွေးမှုကို အတည်ပြုခဲ့ပြီး ဟော်မုဇ်ရေလက်ကြား ကို ဖွင့်လှစ်ထားရှိရေး ၏ အရေးကြီးပုံအပါအဝင် အရှေ့အလယ်ပိုင်း အခြေအနေများကို ဆွေးနွေးခဲ့ကြကြောင်း ပြောကြားခဲ့သည်။

ထို့ပြင် ဝန်ကြီးချုပ်မိုဒီသည် မတ်လ ၂၁ ရက်နေ့ကလည်း အီရန်သမ္မတ မာဆွတ်ဒ် ပီဇက်ကီးယန်းနှင့် ဒေသတွင်း ဖြစ်ပေါ်တိုးတက်မှုများကို ဆွေးနွေးခဲ့ပြီး ရေကြောင်းသွားလာခွင့် လွတ်လပ်ခွင့်ကို ကာကွယ်ရန်နှင့် သင်္ဘောလိုင်းများ လုံခြုံစိတ်ချစွာ ဖွင့်လှစ်ထားရှိနိုင်ရေး အရေးကြီးပုံကို ထပ်လောင်းပြောကြားခဲ့သည်။

Ref: ရှင်းဟွာ

ရန်ကုန်–ဒလ YBS လိုင်းများ လမ်းကြောင်းတိုးချဲ့၍ ပြေးဆွဲ

ရန်ကုန်–ဒလ ခရီးစဉ်အတွက် ပြေးဆွဲလျက်ရှိသော YBS ယာဉ်လိုင်းများကို ခရီးသွားပြည်သူများ သွားလာရေး ပိုမိုအဆင်ပြေစေရန် ရည်ရွယ်၍ လမ်းကြောင်းတိုးချဲ့ပြေးဆွဲလျက်ရှိကြောင်း ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) မှ သိရသည်။

ယင်းလမ်းကြောင်းတိုးချဲ့ပြေးဆွဲမှုကို မတ် ၂၂ ရက်နေ့မှ စတင်ခဲ့ပြီး ယခင်က စမ်းသပ်ပြေးဆွဲခဲ့သော YBS ၅၈ နှင့် YBS ၇၂ ယာဉ်လိုင်းများအပေါ် အခြေခံ၍ ဆောင်ရွက်ခဲ့ခြင်းဖြစ်သည်။

စမ်းသပ်ကာလအတွင်း ဒလမြို့ အမှတ်(၄) အခြေခံပညာ အထက်တန်းကျောင်းရှေ့တွင် ယာယီဂိတ်ထိုး၍ ဒလ–ဆူးလေ နှင့် ဒလ–ဗိုလ်တထောင် ခရီးစဉ်များ ပြေးဆွဲပေးခဲ့ရာ ဒေသခံပြည်သူများအတွက် သွားလာရေး အဆင်ပြေခဲ့ကြောင်း သိရသည်။

လက်ရှိတွင် တိုးချဲ့လမ်းကြောင်းများအဖြစ် ဒလ–တွံတေး ကားလမ်းမဘေးရှိ ကျန်စစ်သားရပ်ကွက် နောက်ဆုံး စွန့်ပစ်အမှိုက်ပုံအနီး ရတနာစက်သုံးဆီအရောင်းဆိုင် မျက်နှာချင်းဆိုင်တွင် ဒလ–ဆူးလေ ခရီးစဉ်၊ ဒလ–ဓနုတ်ကားလမ်းရှိ “ကြိုဆိုပါ၏” ဆိုင်းဘုတ်အနီးတွင် ဒလ–ဆူးလေ ခရီးစဉ်နှင့် ရဲချောင်းဝကျေးရွာတွင် ဒလ–ဗိုလ်တထောင် ခရီးစဉ်တို့အဖြစ် ဂိတ်များတိုးချဲ့၍ ပြေးဆွဲပေးလျက်ရှိကြောင်း သိရသည်။

အပတ်စဉ်ဗုဒ္ဓဟူးနေ့အား အစိုးရရုံးဌာနများ၏ ရုံးလုပ်ငန်းများကို နေအိမ်မှသာဆောင်ရွက်ရန် အသိပေး‌ထုတ်ပြန်ပြီးနောက်ပိုင်း ရုံးများ ပိတ်ထားသည့် မြင်ကွင်းများဖြစ်သည်။

ပါကစ္စတန်မှ တစ်ဆင့် အချက် ၁၅ ချက်ပါ ငြိမ်းချမ်းရေးစီမံကိန်းကို အီရန်သို့ ယူအက်စ်ပေးပို့

အမေရိကန်နိုင်ငံသည် အီရန်နှင့် ဖြစ်ပွားနေသော လေးပတ်မြောက်စစ်ပွဲကို အဆုံးသတ်ရန် ကြိုးပမ်းသည့်အနေဖြင့် အချက် ၁၅ ချက်ပါ ငြိမ်းချမ်းရေးစီမံချက်တစ်ခုကို ပါကစ္စတန်နိုင်ငံမှတစ်ဆင့် အီရန်သို့ ပေးပို့လိုက်ကြောင်း နူးယော့ခ်တိုမ်းစ်သတင်းစာက အမည်မဖော်လိုသူ အရာရှိနှစ်ဦး၏ ပြောကြားချက်အပေါ် ကိုးကား၍ အင်္ဂါနေ့တွင် ဖော်ပြခဲ့သည်။

ထရမ့်အစိုးရသည် “စစ်ပွဲ၏ စီးပွားရေးဆိုင်ရာ နောက်ဆက်တွဲဆိုးကျိုးများကို ရင်ဆိုင်နေရစဉ် ဤပဋိပက္ခမှ ရုန်းထွက်နိုင်မည့် လမ်းစကို ရှာဖွေရန်” စိတ်အားထက်သန်နေကြောင်း စီမံချက်တွင် ဖော်ပြထားသည်။ အဆိုပါ စီမံချက်တွင် အီရန်၏ ပဲ့ထိန်းဒုံးကျည်နှင့် နျူကလီးယား အစီအစဉ်များအပြင် ဟော်မုဇ်ရေလက်ကြား အပါအဝင် ရေကြောင်းကုန်သွယ်မှု လမ်းကြောင်းများအကြောင်း ပါဝင်သည်။

သို့သော်လည်း ပါကစ္စတန်မှတစ်ဆင့် ပေးပို့သော အဆိုပါစီမံချက်ကို အီရန်အရာရှိများအကြား မည်မျှအထိ ကျယ်ကျယ်ပြန့်ပြန့် သိရှိပြီးဖြစ်ကြောင်းနှင့် အီရန်ဘက်က ယင်းကို ဆွေးနွေးပွဲအတွက် အခြေခံအဖြစ် လက်ခံနိုင်ခြေ ရှိ၊ မရှိကိုမူ မသဲကွဲသေးပေ။ ထို့အပြင် ယခုအဆိုပြုချက်အပေါ် အစ္စရေးနိုင်ငံက သဘောတူညီမှု ရှိ၊ မရှိမှာလည်း ရှင်းလင်းမှု မရှိသေးကြောင်း သိရသည်။

အစ္စရေး၏ ချန်နယ် 12 သတင်းဌာနကလည်း အမေရိက သည် အီရန်သို့ တစ်လကြာ အပ-စ်အခတ်ရပ်စဲရေး သဘောတူညီချက်အတွက် အချက် ၁၅ ချက်ပါ စီမံချက်ကို ပေးပို့ခဲ့ကြောင်း အင်္ဂါနေ့တွင် ဖော်ပြခဲ့သည်။ သမ္မတ ဒေါ်နယ်ထရမ့်ပ်၏ အကြံပေးများဖြစ်သော စတိဗ် ဝတ်ကော့ဖ်နှင့် ဂျရတ် ကွတ်ရှ်နာ တို့သည် ရက်ပေါင်း ၃၀ အတွင်း အဆိုပါ စီမံချက်ကို အတည်ပြုနိုင်ရန်အတွက် တို-က်ခိုက်မှုများ ချက်ချင်းရပ်ဆိုင်းရန် တွန်းအားပေးနေကြသည်။

အဆိုပါ စီမံချက်အရ အီရန်အနေဖြင့် ၎င်း၏ နျူကလီးယား စွမ်းဆောင်ရည်များကို ဖျ-က်သိမ်းရန်၊ ယူရေနီယံ သန့်စင်မှုအားလုံးကို ရပ်တန့်ရန်နှင့် နျူကလီးယားလက်နက်ကို မည်သည့်အခါမျှ ထုတ်လုပ်မည်မဟုတ်ကြောင်း အမြဲတမ်း ကတိကဝတ်ပြုရန် လိုအပ်သည်။ ထို့ပြင် ဒေသတွင်းရှိ မဟာမိတ်အဖွဲ့များကို ရန်ပုံငွေနှင့် လက်နက်ထောက်ပံ့နေမှုများကို ရပ်တန့်ရမည်ဖြစ်ပြီး ဟော်မုဇ်ရေလက်ကြားကို နိုင်ငံတကာ သင်္ဘောလိုင်းများအတွက် အမြဲဖွင့်လှစ်ထားရန် အာမခံရမည်ဖြစ်သည်။ အလဲအလှယ်အနေဖြင့် အမေရိကန်က အီရန်အပေါ် ချမှတ်ထားသော ပိတ်ဆို့မှုအားလုံးကို ရုပ်သိမ်းပေးရန်၊ အီရန်တောင်ပိုင်း ဘူရှာ ရှိ အရပ်ဘက် နျူကလီးယား စွမ်းအင်စီမံကိန်းတွင် ကူညီပေးရန်နှင့် ကုလသမဂ္ဂ၏ ပိတ်ဆို့မှုများကို ပြန်လည်ချမှတ်နိုင်သည့် ယန္တရား ခြိမ်းခြောက်မှုကို ဖယ်ရှားပေးရန် ကမ်းလှမ်းထားသည်။

လတ်တလောတွင် စစ်ပွဲသည် ချက်ချင်းရပ်တန့်သွားမည့် လက္ခဏာ မရှိသေးပေ။ အိမ်ဖြူတော်က အင်္ဂါနေ့တွင် ပြောကြားရာ၌ သံတမန်ရေးအရ ကြိုးပမ်းမှုများ ရှိနေသော်လည်း အီရန်အပေါ် စစ်ရေးအရ တို-က်ခိုက်မှုများကို ဆက်လက်လုပ်ဆောင်နေဆဲဖြစ်ကြောင်း ဆိုထားသည်။

Ref: ရှင်းဟွာ

လွှတ်တော်အခွင့်အရေး ကော်မတီနဲ့ အစိုးရ၏ အာမခံချက်များ ကတိကဝတ်များနဲ့ တာဝန်ခံချက်များစိစစ်ရေး ကော်မတီနှစ်ခု ပြည်သူ့လွှတ်တော်မှာ ထပ်မံဖွဲ့စည်း

ဒီကနေ့ပြုလုပ်တဲ့ ပြည်သူ့လွှတ်တော်အစည်းအဝေး တတိယနေ့မှာ လွတ်တော်အခွင့်အရေးကော်မတီနဲ့ အစိုးရ၏ အာမခံချက်များ ကတိကဝတ်များ တာဝန်ခံချက်များစိစစ်ရေး ကော်မတီတွေကို ထပ်မံဖွဲ့ည်းခဲ့ပြီး ကော်မတီ ဥက္ကဋ္ဌ နဲ့ အတွင်းရေးမှူးတွေရဲ့အမည်စာရင်းကို ပြည်သူ့လွှတ်တော်ဥက္ကဋ္ဌ က တင်ပြခဲ့ပါတယ်။

ဒီကနေ့ပြုလုပ်တဲ့ တတိယအကြိမ် ပြည်သူ့လွှတ်တော် ပထမ ပုံမှန်အစည်းအဝေး တတိယနေ့မှာ တပ်ကုန်းမဲဆန္ဒနယ် က ဦးမောင်မောင်အုန်းနဲ့ ထားဝယ်မဲဆန္ဒနယ်က ဒေါက်တာကျော်ကျော်ဌေး တို့ကို လွှတ်တော်အခွင့်အရေးကော်မတီရဲ့ ဥက္ကဋ္ဌနဲ့ အတွင်းရေးမှူးတွေအဖြစ် ကြေငြာခဲ့ပါတယ်။

ဆက်လက်ပြီး ကျိုင်းတုံမဲဆန္ဒနယ်က ဦးသန်းထွန်းဦးနဲ့ ပုသိမ်မဲဆန္ဒနယ်က ဦးသန်းတို့ကို အစိုးရ၏ အာမခံချက်များ ကတိကဝတ်များနဲ့ တာဝန်ခံချက်များစိစစ်ရေး ကော်မတီရဲ့ ဥက္ကဋ္ဌနဲ့ အတွင်းရေးမှူးတွေအဖြစ် ကြေငြာခဲ့ပါတယ်။

ပြည်သူ့လွှတ်တော် ဥက္ကဋ္ဌက ကော်မတီ ဖွဲ့စည်းတဲ့ကိစ္စနဲ့ပတ်သက်ပြီး ကော်မတီ တစ်ခုခြင်းအတွက်သီးခြား ရှင်းလင်းခဲ့ပြီး ပြည်သူ့လွှတ်တော် ဒုတိယ ဥက္ကဋ္ဌက ကော်မတီရဲ့ တာဝန် လုပ်ပိုင်ခွင့် ရပိုင်ခွင့် ကော်မတီသက်တမ်း နဲ့ ကော်မတီအစည်း အဝေးတွေနဲ့ ဆက်စပ်ပတ်သက်တဲ့ အကြောင်းအရာတွေကို ကော်မတီ တစ်ခုခြင်းအတွက် သီးခြားစီ ရှင်းလင်းခဲ့ကြပါတယ်။

အဲ့ဒီနောက်မှာတော့ ပြည်သူ့လွတ်တော် ဥက္ကဋ္ဌ က ကော်မတီ တစ်ခုခြင်းအတွက် ပါဝင်ဖို့လျှာထားတဲ့ အဖွဲ့ဝင်အရေအတွက် အမည်စာရင်းတွေကို ဖတ်ကြားတင်ပြခဲ့ပြီး ကော်မတီ ဥက္ကဋ္ဌနဲ့ အတွင်းရေးမှူးတွေရဲ့ အမည်စာရင်းကို ဆက်ပြီး တင်ပြခဲ့ပါတယ်။

လွှတ်တော်အခွင့်အရေးကော်မတီနဲ့ အစိုးရ၏ အာမခံချက်များ ကတိများ တာဝန်ခံချက်များ စိစစ်ရေး ကော်မတီ ဥက္ကဌနဲ့ အတွင်းရေးမှူးအမည်စာရင်းနဲ့ ကော်မတီဖွဲ့စည်းခြင်းတွေကို ဒီကနေ့ပြုလုပ်တဲ့ပြည်သူ့လွတ်တော် အစည်းအဝေးမှာ တင်ပြခဲ့ဖြစ်ပြီးတော့ ဆက်လက်ပြုလုပ်မယ့် ပြည်သူ့လွှတ်တော် အစည်းအဝေးမှာ အတည်ပြုသွားမယ်လို့ သိရပါတယ်။

မူဆယ်မှာ စက်သုံးဆီ ပြင်ပ ပေါက်ဈေးတလီတာ ၁၆၀၀၀ ကျော်လာသလို နိုင်ငံတဝှမ်း​​မှောင်ခို​ဈေးကွက် ကြီးထွား​နေ

တရုတ် - မြန်မာ နယ်စပ် မူဆယ်မှာ ဒီနေ့ မတ်လ ၂၄ ရက်နေ့ မနက်ပိုင်း စက်သုံးဆီ ပြင်ပ ပေါက်ဈေးတလီတာ ကျပ် ၁၆၀၀၀ ကျော်လာနေပြီး ဖြစ်ကြောင်း ဒေသခံတွေဆီက သိရပါတယ်။

"ဒီမနက်က တလီတာခွဲ လက်ဆွဲဘူး တဘူး နှစ်သောင်းခွဲ ရောင်းတယ်။ ဓာတ်ဆီရော ဒီဇယ် ဈေး အတူတူပဲ ရောင်းတယ်။ အဲဒါတောင် ပြန်ရောင်းဖို့ ဝယ်မရဖြစ်နေတာ" လို့ ဘူးနဲ့ ရောင်းနေတဲ့ အမျိုးသမီး တယောက်ကပြောပါတယ်။

မနေ့ မတ်လ ၂၃ ရက်နေ့က ၁၉ လီတာ ပုံးဝါ တပုံး နှစ်သိန်းခွဲ ဈေးပေါက်ပေမယ့် ဒီနေ့ မတ်လ ၂၄ ရက်နေ့ မနက်မှာတော့ သုံးသိန်းခွဲ ဈေးပေါက်နေပြီလို့ သူက ပြောပါတယ်။

"ပန့်ဆီဆိုင်ကြီးတွေက ခဏပဲ အပြ ဖွင့်တာ။ မဖွင့်ရင် ပုံရိုက်မှတ်တမ်းထားတော့ အပြ ဖွင့်တာ။ ဆီ မရှိတာ မဟုတ်ဘူး။ အသည်ကြီးတွေက ဈေးက ဈေးကစားချင်လို့ တမင် လုပ်တာနေမယ်" လို့ ဒေသခံ အမျိုးသား တယောက်ကလည်း ပြောပါတယ်။

တရုတ်ဘက် ကျယ်ကောင်မှာလည်း ဆီ ရောင်းပေးတာ ကန့်သတ်လိုက်တာကြောင့် တပိုင်တနိုင် အရောင်းသမားတွေ စက်သုံးဆီ ဝယ်ရခက်ခဲသွားပြီလို့ သူက ပြောပါတယ်။

MNDAA နဲ့ မဟာမိတ်ညီနောင်တွေ ထိန်းချုပ်ထားတဲ့ ၁၀၅ မိုင်၊ ကျင်စန်းကျော့ တို့ဘက်ကနေလည်း ကား၊ ဆိုင်ကယ်တွေမှာသာ ဖြည့်ပေးပြီး အပို သယ်သွားခွင့် မပြုဘူးလို့ ဈေးသည် တယောက်ကလည်း ပြောပါတယ်။

" နမ့်တောင်းမှာတော့ တလီတာ ၉၈၀၀ ရှိတယ်" လို့ ယာဉ်မောင်း အမျိုးသား တယောက်က ပြောပါတယ်။

မူတယ်မြို့ပေါ်က ပန့်ဆီဆိုင်ကြီးမှာတော့ တလီတာ ၈၀၀၀ နှုန်းရှိပြီး တရက်ကို တနာရီခန့်သာ ရောင်းပေးကြောင်း ပန့်ဆီဆိုင် ဝန်ထမ်း တယောက်က ပြောပါတယ်။

၁၀၅ မိုင်၊ နမ့်ဖတ်ကာ၊ ကွတ်ခိုင်၊ MNDAA နဲ့ KIA ထိန်းချုပ်ထားတဲ့ နယ်မြေတွေမှာတော့ စက်သုံးဆီ တလီတာ တစ်သောင်းအောက်ရှိပြီး ယာဉ်တွေကို အပြည့် ဖြည့်ပေးတယ်လို့ ဒေသခံတွေက ပြောပါတယ်။

"လားရှိုးမြို့ပေါ် က တလီတာ ၅၉၀၀ နှုန်းနဲ့ ကားတစီး ငါးသောင်းဖိုး၊ ဆိုင်ကယ် တစီး တသောင်းဖိုး ပေးတယ်။ စုံရယ် မရယ်လို့ တင်းတင်းကြပ်ကြပ်လုပ်တာတော့ မတွေ့ရဘူး။ ဆီတွေကတော့ ထည့်ပေးနေတာပဲ။ မြို့ပြင်မှာတော့ သွားမထည့်ဖူးဘူး။ တလီတာ ခြောက်ထောင်လို့ ကြားတယ်" လို့ လားရှိုး ဒေသခံ တယောက်က ပြောပါတယ်။

ယာဉ်မောင်း တယောက်ကတော့ လားရှိုးမြို့ပြင်မှာ စက်သုံးဆီ တလီတာကို ၇၀၀၀ ဝန်းကျင်ရှိပြီး တဆိုင်နဲ့ တဆိုင်ဈေး မတူဘူးလို့ ပြောပါတယ်။ သိန္နီမှာကတော့ တလီတာ ၈၅၀၀ နဲ့ လိုသလောက် ယူလို့ ရပေမယ့် လားရှိုးဘက် အပို ဝယ်သွားတာမျိုး ခွင့်မြုဘူးလို့ ဆိုပါတယ်။

တောင်ကြီး - မန္တလေး ကုန်တင် တွဲကား ယာဉ်မောင်း တယောက်ကတော့ လမ်းကြောင်း တလျှောက် ဆီ တန်းစီ ထည့်ယူရပြီး ရိုးရိုးကို တလီတာ ၄၅၀၀ နှုန်းနဲ့ ပရီမီယမ် တလီတာ ၅၀၀၀ နှုန်း တနေရာ ၅ ငါးသောင်းဖိုးစီ ထည့်ရတာလို့ ပြောပါတယ်။

"ဒီနေ့ မန္တလေးမှာ အပြင်ပေါက်ဈေး ဓာတ်ဆီ တလီတာ ၁၃၀၀၀ ပေါက်တယ်" လို့ ဒေသခံ တယောက်က ပြောပါတယ်။

ရန်ကုန်မှာလည်းပဲ ဒီနေ့ မတ်လ ၂၄ ရက်‌မှာတော့ ဓာတ်ဆီတလီတာကို ပြင်ပ ပေါက်ဈေး တသောင်းထိ ရှိလာနေတယ်လို့ ဒေသခံ တယောက်က ပြောပါတယ်။

"အမြတ်အကြီးကြီးရအောင်လုပ်ပြီး တဖက်ကိုမစို့မပို့ပေး နှုတ်တ်ပိတ်လိုက်တော့ ခြေလက်တွေက ဆွံ့အ သွားတော့တာပေါ့။ အ သူခံ၊ လည်သူစား ကြတာပါဘဲ။" လို့ အမျိုးသား တယောက်က ပြောပါတယ်။

အစိုးရ သတ်မှတ်ဈေးထက် ကျော်လွန်ရောင်းချပါက တိုင်ကြားနိုင်‌ေကြာင်း အသိပေး ကြေညာထားပေမယ့် ဖုန်း​တွေမကိုင်ကြသလို ဖမ်းဆီးခွင့်ရှိတဲ့အဖွဲ့​တွေကိုတိုင်ကြားပေမယ့် အ​ရေးတာမျိုး မတွေ့ရဘူးလို့ ဆိုပါတယ်။

​ကျောက်စိမ်း​ရောင်းဝယ်​ရေး လုပ်ငန်းလုပ်ကိုင်သူတ​ယောက်က​တော့

"ရွှေလုပ်ငန်းရှင်တွေကို ဖမ်းဆီးထောင်ချသလို ၊ လောင်စာဆီလုပ်ငန်းရှင်တွေကိုလည်း ထောင်ချသင့်ပါတယ်။ လောင်စာဆီလုပ်ငန်းရှင်တွေနဲ့အာဏာရှိသူတွေ ပေါင်းစားနေတာကြောင့် ဆီလုပ်ငန်းရှင်တွေက ရတဲ့ဒေါ်လာခွဲတမ်းတွေကို ဆီအကုန်မဝယ် ၊ ဝယ်လာတဲ့ဆီကိုကျ ဆိုင်မှာအကုန်မရောင်းပဲ သုံးပုံတပုံလောက်ပဲရောင်းပြီးကျန်တာကို ဖားကန့်ကျောက်တွင်း၊ ကချင်ပြည်နယ်၊အင်းတော်ကြီးရွှေတွင်းတွေဆီ မှောင်ခိုစျေးနဲ့ရောင်းနေကြတာပါ ။ ဆီလုပ်ငန်းရှင်တွေက်ုကြပ်ကြပ်မတ်မတ် မကိုင်တွယ်နိုင်သရွေ့တော့ တိုင်ပတ်နေအုံးမယ်" လို့ မှတ်ချက်ပြုထားပါတယ်။