ကမ္ဘာ့ဖလားမှ ထွက်ရပြီးနောက် စူပါရွက်လှေမှာဆိုရှယ်မီဒီယာ Infuencer နှင့်အတူ အပန်းဖြေနေတဲ့ ဗီနီရှပ်စ်ဂျူနီယာ
====================

ဗီနီရှပ်စ်ဂျူနီယာဟာ ကမ္ဘာ့ဖလားမှ ထွက်ခွာရပြီးနောက် ဆိုရှယ်မီဒီယာ Infuencer နှင့် အပျော်ခရီးထွက်ကာ အပန်းဖြေနေပါတယ်။
အသက် ၂၆ နှစ်ရှိ ရီးရဲလ်မက်ဒရစ်စူပါစတားဟာ နော်ဝေအား ရှုံးနိမ့်ကာ ကမ္ဘာ့ဖလား ၁၆ သင်း ရှုံးထွက်အဆင့်မှ ထွက်ခွာရပြီးနောက် ဘရာဇီးပရိသတ်များရဲ့ ပစ်မှတ်ထားခြင်းခံခဲ့ရသူလည်း ဖြစ်ပါတယ်။
ဗီနီရှပ်စ်နှင့် ဘရာဇီးအသင်းတို့အားလုံးနီးပါးဟာ ဘရာဇီးတို့ ကမ္ဘာ့ဖလားမှ ထွက်ခွာရပြီး အိမ်ပြန်ချိန်တွင် လိုက်ပါလာခြင်း မပြုဘဲ ပရိသတ်များရဲ့ ဒေါသကို ရှောင်လွဲခဲ့ကြပါတယ်။
ဗီနီရှပ်စ်ဟာ ကမ္ဘာ့ဖလားမှ ထွက်ခွာရပြီးချိန်မှာတော့ အိုင်ဘီဇာကမ်းခြေသို့ သွားရောက်ကာ စူပါရွက်လှေစီးပြီး အပန်းဖြေနေတာ တွေ့ရပါတယ်။
ဗီနီရှပ်စ်နှင့်အတူ မလုံတလုံရေကူးဝတ်စုံဝတ်ဆင်ထားတဲ့ ဆိုရှယ်မီဒီယာ Influencer ဗာဂျှီနီယာဖွန်ဆီကာကိုလည်း တွေ့ရပါတယ်။
ဘရာဇီးအမေရိကန်ကပြားဖွန်ဆီကာနှင့် ဗီနီရှပ်စ်တို့ဟာ ပြီးခဲ့တဲ့လများအတွင်းတွင် အတည်မကျမဟုတ်ဘဲ ကွဲလိုက် တွဲလိုက်ဖြစ်နေခဲ့ကြသူများလည်း ဖြစ်ပါတယ်။ ၎င်းတို့ဟာ ကမ္ဘာ့ဖလားစတင်ပြီး ၂ ရက်အကြာမှာပင် လမ်းခွဲခဲ့ကြဖူးပါတယ်။
ဗီနီရှစ်ဟာ ကမ္ဘာဖ့လားအပြီး အပန်းဖြေခရီးထွက်ရန်အတွက် ဒေါ်လာ ၁ သန်းတန်ကြေးရှိ စူပါရွက်လှေကို ငှားရမ်း အပန်းဖြေနေတာလည်း ဖြစ်ပါတယ်။

ကမ္ဘာ့ဖလားတွင် အင်္ဂလန်သီချင်းဖြစ်လာပြီးနောက် ဗြိတိန်နံပါတ်တစ်နေရာကို ပထမဆုံးအကြိမ် ရယူလာတဲ့ Oasis ရဲ့ Wonderwall သီချင်း
====================

Oasis ရဲ့ အင်္ဂလန်သီချင်း Wonderwall ဟာ Spotify ရဲ့ ကမ္ဘာ့နံပါတ်တစ်နေရာကို ရယူနိုင်တော့မဲ့ အခြေအနေမျိုးသို့ ဆိုက်ရောက်နေပြီ ဖြစ်ပါတယ်။
လက်ရှိအချိန်တွင် Wonderwall ဟာ Spotify ရဲ့ နံပါတ် ၂ နေရာကို ရယူထားပြီး တနင်္ဂနွေနေ့အထိ ၃.၈ သန်းအထိ နားထောင်ခြင်းခံထားရပါတယ်။
ဒါ့အပြင် နော်ဝေကို အနိုင်ရရှိတဲ့ ကမ္ဘာ့ဖလားကွာတားဖိုင်နယ်အပြီးတွင် ဗြိတိန်တွင် ၃၇၉၀၀၀ ကြိမ်ကျော် နားထောင်ခံထားရပါတယ်။
ဗြိတိန်ရဲ့ နာမည်ကျော်သတင်းစာ The Sun ဟာ ခရိုအေးရှားအား အနိုင်ရတဲ့ပွဲအပြီးတွင် Oasis ရဲ့ Wonderwall သီချင်းကို အသင်း သီဆိုပြီးနောက် အင်္ဂလန်ရဲ့ ကမ္ဘာ့ဖလားသီချင်းဖြစ်ရမယ်ဆိုပြီး လှုံဆော်မှု ပြုလုပ်ခဲ့ပါတယ်။
လက်ရှိအချိန်တွင် Wonderwall ဟာ ဗြိတိန်ရဲ့အရောင်းရဆုံးသီချင်းအဖြစ် ၁၅၁၅၄ ဖြင့် ရပ်တည်နေပါတယ်။ Wonderwall ရဲ့ အထက်တွင် Sam Fender နှင့် Olivia Dean ရဲ့ Rein Me In က နံပါတ်တစ်အဖြစ် ရပ်တည်နေပါတယ်။
ဒါပေမဲ့ ယနေ့ညတွင် အင်္ဂလန်ကသာ အာဂျင်တီးနားကို အနိုင်ရရှိကာ ၁၉၆၆ ကမ္ဘာ့ဖလားနောက်ပိုင်း ပထမဆုံးကမ္ဘာ့ဖလားဗိုလ်လုပွဲသို့ တက်ရောက်လာပါက Wonderwall မှာ နံပါတ်တစ်နေရာကို ရယူလာဖို့ ရှိနေပါတယ်။
Oasis ရဲ့အအောင်မြင်ဆုံးသီချင်းဖြစ်တဲ့ Wonderfall ဟာ ၁၉၉၅ ခုနှစ်တုန်းက နံပါတ်နှစ် နေရာမှာ ရပ်တည်ခဲ့ပြီး ဗြိတိန်တွင် တစ်ခါမျှ နံပါတ်တစ်နေရာကို ရယူခဲ့ဖူးခြင်း မရှိပါဘူး။

နောက်ခံလူမူဟာရီမိုဗစ်ကို ပေါင် ၃၄.၁ သန်းဖြင့် ခေါ်ယူရန် လိဒ် သဘောတူညီမှု ရရှိလာ
====================

လိဒ်ဟာ အီတလီကလပ် ဆက်စ်ဆူလိုမှ နောက်ခံလူတာရစ်ခ်မူဟာရီမိုဗစ်အား ပေါင် ၃၄.၁ သန်းဖြင့် ခေါ်ယူရန် သဘောတူညီမှု ရရှိလာပါတယ်။
အသက် ၂၃ နှစ်ရှိ ဗဟိုနောက်ခံလူဟာ လိဒ်နှင့် ပုဂ္ဂိုလ်ရေးဆိုင်ရာ သဘာတူညီမှု ရရှိခြင်း မရှိသေးသလို ဆေးစစ်ဆေးမှုလည်း ခံယူထားခြင်း မရှိပါဘူး။ တဖက်တွင် သူ့ကို ခေါ်ယူရန် အခြားပရီးမီးယားလိဂ်ကလပ်များကလည်း စိတ်ဝင်စားနေပါသေးတယ်။
တကယ်လို့များ ဘော့စနီးယားနောက်ခံလူသာ လိဒ်သို့ ပြောင်းရန် ဆုံးဖြတ်လာပါက သူဟာ ယခုနွေရာသီတွင် လိဒ်သို့ ရောက်လာတဲ့ ဒုတိယမြောက်ကစားသမား ဖြစ်လာပါမယ်။
လိဒ်ဟာ ယခုနွေရာသီတွင် ဖူလ်ဟမ်မှ ဟယ်ရီဝီလ်ဆင်အား အလွတ်ပြောင်းရွှေ့ကြေးဖြင့် ခေါ်ယူအားဖြည့်ထားပြီး ဖြစ်ပါတယ်။
လိဒ်ဟာ ဇွန်လတုန်းက ဘရိုက်တန်သို့ ပေါင်သန်း ၂၀ ဖြင့် ရောင်းချလိုက်တဲ့ ပါစကယ်စထရူ့ခ် နေရာမှာ တိုက်ရိုက်အစားထိုးရန် မူဟာရီမိုဗစ်အား ခေါ်ယူလာတာလည်း ဖြစ်ပါတယ်။
မူဟာရီမိုဗစ်ဟာ ကမ္ဘာ့ဖလားပြိုင်ပွဲတွင် ဘော့စနီးယားအတွက် ၃ ပွဲကစားထားသူ ဖြစ်ပါတယ်။
သူဟာ အမေရိကန်အား ၃၂ သင်းရှုံ့းထွက်အဆင့်တွင် ရှုံးနိမ့်သောပွဲစဉ်မှာ ဖိုလာရန်ဘာလိုဂန်ရဲ့ ဖျက်ထုတ်မှုခံခဲ့ရပါတယ်။ ယင်းအဖြစ်အပျက်ကြောင့် ဘာလိုဂန်မှာ အနီကတ်ပြထုတ်ပယ်ခြင်းခံခဲ့ရပေမဲ့လည်း ဒေါ်နယ်ထရမ့်ရဲ့ ကြားဝင်လာမှုကြောင့် ၁ ပွဲပယ်ပြစ်ဒဏ်အား ဆိုင်းငံ့ပြစ်ဒဏ်အဖြစ် ပြောင်းလဲချမှတ်ခြင်းခံခဲ့ရပါတယ်။
ဆလိုဗေးနီးယားဖွား မူဟာရီမိုဗစ်ဟာ ဩစတြီးယားတွင် ဘောလုံးကစားသမားဘဝ တင်ကာ ဂျူဗင်တပ်တွင်လည်း ကျင်လည်ခဲ့ဖူးပါတယ်။ သူဟာ ဂျူဗင်တပ်အတွက် ပထမအသင်းမှာ တစ်ပွဲမျှ မကစားခဲ့ရပြီးနောက် ၂၀၂၄ ခုနှစ်တွင် ဆက်စ်ဆူလိုသို့ အငှားချခြင်းခံခဲ့ရပြီး ၂၀၂၅ ခုနှစ်မှာတော့ အပြီးသတ်ပြောင်းရွှေ့ခဲ့ပါတယ်။
ဂျူဗင်တပ်ဟာ မူဟာရီမိုဗစ်ရဲ့ အပြောင်းအရွှေ့သာ ဖြစ်လာပါက ပြောင်းရွှေ့ကြေးရဲ့ ၅၀ ရာခိုင်နှုန်းအား အကျိုးခံစားခွင့် ရရှိလာပါမယ်။

Visit Rwanda နှင့် စပွန်ဆာစာချုပ်ချုပ်ဆိုလိုက်ပြီးနောက် သတိပေးခြင်းခံလာရတဲ့ အက်စတွန်ဗီလာ
====================

အက်စတွန်ဗီလာဟာ လူ့အခွင့်အရေးချိုးဖောက်မှုမှတ်တမ်းများကို အားကစားဖြင့် ဖုံးကွယ်ရန် ကြိုးပမ်းရာတွင် အသုံးပြုနေတဲ့ နိုင်ငံတစ်ခုက ပေးလာတဲ့ Visit Rwanda စပွန်ဆာစာချုပ်အတွက် သတိပေးခြင်းခံလာရပါတယ်။
အက်စတွန်ဗီလာဟာ Betano နှင့် လမ်းခွဲလိုက်ပြီးနောက် Visit Rwanda နှင့် တစ်နှစ်လျှင် ပေါင်သန်း ၂၀ တန်ဖိုးရှိ အင်္ကျီရင်ဘတ်စပွန်ဆာစာချုပ်ချုပ်ဆိုလာတာလည်း ဖြစ်ပါတယ်။
ရဝမ်ဒါနိုင်ငံရဲ့ ခရီးသွားလုပ်ငန်း Visit Rwanda ဟာ ဗီလာရဲ့ အမျိုးသား၊ အမျိုးသမီးနှင့် အကယ်ဒမီအသင်းများရဲ့ အင်္ကျီရင်ဘတ်တွင် နေရာယူလာတော့မှာလည်း ဖြစ်ပါတယ်။
ဗီလာဘက်က Visit Rwanda နှင့် စပွန်ဆာစာချုပ်မှာ ကလပ်သမိုင်းတွင် အလွန်အရေးပါတဲ့ စပွန်ဆာစာချုပ်ဖြစ်ကြောင်း ပြောကြားပေမဲ့လည်း Amnesty International UK ရဲ့ အကြီးအကဲဖီးလစ်ဂျာကင်ကမူ အပြင်းအထန် သတိပေးမှု ပြုလုပ်လာပါတယ်။
ပြီးခဲ့တဲ့လတုန်းက ဒီမိုကရက်တစ်ကွန်ဂိုနိုင်ငံဟာ အိမ်နီးချင်းနိုင်ငံအား နိုင်ငံတကာစာချုပ်များကို ချိုးဖောက်တယ်ဆိုပြီး ရဝမ်ဒါကို International Court of Justice (ICJ) တွင် အမူဖွင့်လှစ်ထားပါတယ်။
၁၉၉၄ ခုနှစ်တုန်းက ရဝမ်ဒါလူမျိုးတုံးသတ်ဖြတ်မှု အပြီးတွင် ရဝမ်ဒါနိုင်ငံက ၎င်းတို့နယ်မြေအတွင်း တရားမဝင်စစ်ဆင်ရေးများ ပြုလုပ်ရန် တပ်ဖွဲ့များ စေလွှတ်ခဲ့သလို လက်နက်ကိုင်အဖွဲ့အစည်းများကို ကျောထောက်နောက်ခံပေးခဲ့တယ်လို့ ဒီမိုကရက်တစ်ကွန်ဂိုက စွပ်စွဲထားပါတယ်။
ရဝမ်ဒါက ယင်းစွပ်စွဲမှုများကို အကြိမ်ကြိမ် ငြင်းဆိုလာခဲ့ပေမဲ့လည်း UN ကျွမ်းကျင်သူများနှင့် အနောက်တိုင်း အစိုးရများက ရဝမ်ဒါမှာ ဒီမိုရက်တစ်ကွန်ဂို အရှေ့ပိုင်းတွင် အခြေစိုက်တဲ့ လက်နက်ကိုင်တပ်ဖွဲ့ M23 ကို ထောက်ပံ့ပေးနေတယ်လို့ အကြွင်းမဲ့ယုံကြည်ကြပါတယ်။
ဂျာကင်က "ရဝမ်ဒါတို့ လူ့အခွင့်အရေးချိုးဖောက်မှုမှတ်တမ်းကို အားကစားကို အသုံးချပြီး ဆေးကြောဖို့ အသုံးချလာတာ ပထမဆုံးအကြိမ် မဟုတ်ပါဘူး။ ဗီလာအနေနဲ့ ရဝမ်ဒါဘက်က ဒီမိတ်ဆက်အဖွဲ့အစည်းကို အသုံးချပြီး အပြုသဘောဆောင်တဲ့ ပြည်သူ့ဆက်ဆံရေး ဖန်တီးဖို့ကြိုးစားနေတယ်တာ ကောင်းကောင်း သိသင့်ပါတယ်။ ဒီနိုင်ငံက မတရားဖမ်းဆီးထိန်းသိမ်းမှုတွေ၊ ညှဉ်ပန်းနှိပ်စက်မှုတွေ၊ လွတ်လပ်စွာပြောဆိုခွင့် ပိတ်ပင်ထားမှုတွေ၊ ပြီးတော့ ပြည်တွင်းအလွဲသုံးစားမှုတွေနဲ့ ပြည့်နှက်နေတဲ့နိုင်ငံပါ။ ဒီမိုကရက်တစ်နိုင်ငံက သွေးထွက်သံယိုမှုတွေကို ကျွန်တော်တို့ မျက်မြင်တွေ့ခဲ့ရပြီးပါပြီ။ ရဝမ်ဒါက M23 သူပုန်အဖွဲ့ကို ထောက်ပံ့သလို ကွန်ဂိုအရှေ့ပိုင်းက စစ်တပ်နဲ့လည်း တိုက်ရိုက်လုပ်ဆောင်တယ်။ ဒီလုပ်ဆောင်မှု နှစ်ရပ်လုံးက ဒီပဋိပက္ခမှာ အရေးပါတဲ့ အခန်းကဏ္ဍက ပါဝင်တယ်။ ရဝမ်ဒါရဲ့အားကစားကို အသုံးချ ဆေးကြောမှုကို ထုတ်ဖော်ပြောဆိုဖို့ လိုနေပါပြီ။ ဒီနေရာမှာ ဗီလာနဲ့ ပရီးမီးယားလိဂ်တို့ကိုလည်း သူတို့ရဲ့ အခန်းကဏ္ဍက ပါဝင်စေချင်ပါတယ်"လို့ ဆိုသွားပါတယ်။
အက်စတွန်ဗီလာဟာ ပရီးမီးယားလိဂ်က အင်္ကျီရင်ဘတ်စပွန်ဆာများအား လောင်းကစားကုမ္ပဏီကြော်ငြာ ထည့်သွင်းခွင့် ပိတ်ပင်လာမှုနှင့်အတူ Bentano နေရာတွင် အစားထိုးနိုင်မဲ့ စပွန်ဆာလိုအပ်နေခဲ့ပါတယ်။
Visit Rwanda ဟာ အာဆင်နယ်၊ ပီအက်စ်ဂျီ၊ ဘိုင်ယန်မြူးနစ်နှင့် အက်သလက်တီကိုတို့ကိုလည်း စပွန်ဆာပေးထားပါတယ်။

ကမ္ဘာ့ဖလားဗိုလ်လုပွဲ ပထမပိုင်းနားချိန်မှာ ၂၅ မိနစ်အထိ ကြာမြင့်လာနိုင်
====================

တနင်္ဂနွေနေ့ ကမ္ဘာ့ဖလားဗိုလ်လုပွဲ ပထမပိုင်းအပြီး နားချိန်မှာ မိနစ် ၂၀ မှ ၂၅ မိနစ်အထိ ကြာမြင့်လာနိုင်ကြောင်း သိရပါတယ်။
New York New Jersey Stadium တွင် ကစားမဲ့ ကမ္ဘာ့ဖလားဗိုလ်လုပွဲတွင် Super-Bowl ကဲ့သို့ ပထမပိုင်းအပြီး ဖျော်ဖြေပွဲ ပါဝင်လာမှာ ဖြစ်ပြီး မက်ဒေါနား၊ ရှာကီရာ၊ BTS တို့ ဖျော်ဖြေလာကြပါမယ်။
ကမ္ဘာ့ဖလားပြိုင်ပွဲကျင်းပရေးကော်မတီက ယင်းသို့ ဖျော်ဖြေပွဲ ထည့်သွင်းလာမှုနှင့်အတူ ကမ္ဘာ့ဖလားဗိုလ်လုပွဲ ပထမပိုင်းအပြီး နားချိန်မှာ မိနစ် ၂၀ ဝန်းကျင်အထိ ကြာမြင့်လာနိုင်တယ်လို့ ခန့်မှန်းထားပါတယ်။
တဖက်တွင် ဖီဖာဟာ ဘောလုံးပွဲများတွင် ပထမပိုင်းအပြီးမျာ ၁၅ မိနစ်တည်းသာ နားရာ ဖျော်ဖြေပွဲအား ၁၁ မိနစ်တည်းဖြင့် အပြီး လုပ်ဆောင်ရေးလည်း လုပ်ဆောင်နိုင်ခွင့် ရှိနေပါတယ်။
နိုင်ငံတကာဘောလုံးစည်းမျဉ်းအရ ဘောလုံးပွဲရဲ့ ပထမပိုင်းအပြီး နားချိန်မှာ ၁၅ မိနစ်ထက် မပိုရဆိုတဲ့ စည်းမျဉ်း ရှိနေပါတယ်။
ဖီဖာဟာ ပြီးခဲ့တဲ့နှစ်တုန်းက နယူးဂျာစီတွင်ပင် ကစားခဲ့တဲ့ ကလပ်ကမ္ဘာ့ဖလားဗိုလ်လုပွဲတွင်လည်း ပထမပိုင်းအပြီး ဖျော်ဖြေပွဲ ထည့်သွင်းခဲ့ရာ စုစုပေါင်း ၂၄ မိနစ်အထိ ကြာမြင့်ခဲ့ပါတယ်။
တနင်္ဂနွေနေ့ ဗိုလ်လုပွဲ ပထမပိုင်းအပြီး ဖျော်ဖြေမှုတွင် ဂျပ်စတင်ဘီဘာကိုလည်း ထပ်မံထည့်သွင်းလာမှုနှင့်အတူ ပိုမိုကြာမြင့်လာမယ်လို့ ယုံကြည်ရပါတယ်။
ဒါ့အပြင် Burna Boy ၊ ဂပ်စ်တာဗိုဒူဒါမယ်၊ PS22 Chorus နှင့် ခရစ်မာတင်တို့လည်း ဖျော်ဖြေလာဦးမည်ဖြစ်ပါတယ်။
ကမ္ဘာ့ဖလားဗိုလ်လုပွဲတွင် တွမ်ခရုစ်ဇ်၊ လူရာပူဆီနီ၊ နီကိုလီရှာဇင်ဂါ၊ ရော်ဘီဝီလီယံ၊ iShowSpeed လည်း ပါဝင်ဖျော်ဖြေမဲ့ အပြင် ဂျက်နီဖာဟတ်ဆင်ကလည်း အမေရိကန်နိုင်ငံတော်သီချင်းကို သီဆိုလာပါဦးမယ်။
လက်ရှိအချိန်တွင် စပိန်က ပြင်သစ်ကို ၂-၀ ဂိုးဖြင့် အနိုင်ယူကာ ကမ္ဘာ့ဖလားဗိုလ်လုပွဲအတွက် တစ်နေရာ ရယူထားပြီး ဖြစ်ပါတယ်။
ယနေ့ညတွင် အာဂျင်တီးနားနှင့် အင်္ဂလန်တို့က ဆီမီးဖိုင်နယ်ပွဲ ကစားကာ ကမ္ဘာ့ဖလားဗိုလ်လုပွဲကျန်တစ်နေရာအတွက် တိုက်ပွဲဝင်လာကြပါမယ်။

ကမ္ဘာ့ဖလားပွဲပယ်ကို ဖယ်ရှားလိုက်ကတည်းက အငြင်းပွားစရာ ဖြစ်လာမယ်ဆိုတာ ဘာလိုဂန် မျှော်လင့်ထားခဲ့ပြီးဖြစ်
=======================

အမေရိကန်တိုက်စစ်မှူးဖိုလာရန်ဘာလိုဂန်က ဖီဖာက သူ့ရဲ့ ကမ္ဘာ့ဖလားပွဲပယ်ပြစ်ဒဏ်ကို ဆိုင်းငံ့ပြစ်ဒဏ်အဖြစ် ပြောင်းလဲချမှတ်လိုက်ကတည်းက အငြင်းပွားစရာများ ဖြစ်တော့မယ်ဆိုတာ သိရှိထားခဲ့ကြောင်း ဖွင့်ဟလာခဲ့ပါတယ်။
အသက် ၂၅ နှစ်ရှိ အမေရိကန်တိုက်စစ်မှူးဟာ ဘော့စနီးယားနှင့် ကမ္ဘာ့ဖလား ၃၂ သင်း ရှုံးထွက်အဆင့်ပွဲစဉ်တွင် ပြိုင်ဘက်နောက်ခံလူကို နင်းခဲ့မှုအတွက် အနီကတ်ပြသခြင်းခံခဲ့ရပြီး ၁ ပွဲ အလိုအလျောက်ပွဲပယ်ကျခံရမယ်လို့ ယုံကြည်ခဲ့ရပါတယ်။
ဒါပေမဲ့ အမေရိကန်သမ္မတဒေါ်နယ်ထရမ့်နှင့် အိမ်ဖြူတော်က ဖီဖာဥက္ကဌအင်ဖန်တီနိုထံ ဖုန်းဆက်ပြီး ပွဲပယ်အား ပြန်လည်သုံးသပ်ပေးရန် ပြောကြားလာချိန်မှာတော့ ဖီဖာဟာ ဘာလိုဂန်ရဲ့ ၁ ပွဲပယ်ပြစ်ဒဏ်အား ဆိုင်းငံ့ပြစ်ဒဏ်အဖြစ် ပြောင်းလဲချမှတ်ခဲ့ပါတယ်။
ယင်းသို့ ဆိုင်းငံ့ပြစ်ဒဏ်ပြောင်းလဲချမှတ်မှုကြောင့် ကမ္ဘာ့ဖလားတွင် ၃ ဂိုးသွင်းထားတဲ့ ဘာလိုဂန်ဟာ ဘယ်ဂျီယံအား ရှုံးနိမ့်တဲ့ အမေရိကန်ရဲ့ ၁၆ သင်း ရှုံးထွက်အဆင့်ပွဲစဉ်တွင် ပါဝင်ကစားနိုင်ခဲ့ပါတယ်။
ယခုအခါ ဘာလိုဂန်က "ကျွန်တော့်ရဲ့ ပထမဆုံးတုံ့ပြန်မှုက အသင်းအတွက် ပြန်ကစားရမယ်ဆိုတာ ဝမ်းသာသွားခဲ့တာပါ။ ဒါပေမဲ့ စတင်ရိုက်ခတ်လာတဲ့အချိန်မှာတော့ အငြင်းပွားစရာတော့ ဖြစ်လာတော့မယ်ဆိုတာ သိလိုက်ရပါတယ်။ ဒါက အထူးဆန်းကြီး ဖြစ်နေတယ်ဆိုတော့ ကျွန်တော့်ကစားဖော်တွေတောင် အနည်းငယ်စိတ်လှုပ်ရှားနေကြခဲ့တယ်။ ပွဲနီးလာတဲ့အချိန်မှာ အကောင်းဆုံး အာရုံစိုက်ထားခဲ့တယ်ဆိုပေမဲ့ ခက်ခဲတယ်။ အပြင်က ဆူညံသံတွေက တားမရအောင်ပဲ။ ကျွန်တော့်ကစားဖော်တွေက ညီအစ်ကိုတွေလိုပါပဲ။ ကျွန်တော့်ကို ယုံကြည်မှု ရှိလာစေခဲ့တယ်။ ကျွန်တော့်ဘက်က လုပ်နိုင်တာရော ပြောင်းနိုင်တာကော ဘာမှ မရှိဘူးလေ"လို့ ပြောကြားသွားပါတယ်။
အမေရိကန်ဟာ ဘာလိုဂန်ရဲ့ ပွဲပယ်ကို ဆိုင်းငံ့ပြစ်ဒဏ်အဖြစ် ပြောင်းလဲချမှတ်ပြီး ၂ ရက်အကြာမှာတော့ ဘယ်ဂျီယံကို ၄-၁ ဖြင့် ရှုံးနိမ့်ကာ ကမ္ဘာ့ဖလားမှ ထွက်ခဲ့ရပါတယ်။
ဘာလိုဂန်ဟာ ပွဲပယ်ပြစ်ဒဏ်အား ဆိုင်းငံ့ပြစ်ဒဏ်အဖြစ် ပြောင်းလဲချမှတ်လိုက်တဲ့သတင်းကို အသင်းဘတ်စ်မှာ သိခဲ့ရတာ ဖြစ်ပြီး ကစားဖော်များနှင့်အတူ အော်ဟစ်အောင်ပွဲခံခဲ့ပါသေးတယ်။
ဘာလိုဂန်ဟာ အနီကတ်ကြောင့် ပွဲပယ်ခံရမယ်လို့ ယုံကြည်ကာ ဘယ်ဂျီယံအတွက် ပြင်ဆင်ရာမှာ မပါဝင်ခဲ့ပါဘူး။

ဗီလာစတားတီလီမန်းစ်ကို ပေါင် ၃၅ သန်းဖြင့် ယူနိုက်တက်ခေါ်ယူလာ
===================

ယူနိုက်တက်ဟာ အက်စတွန်ဗီလာမှ ယူရီတီလီမန်းစ်ကို ၅ နှစ်စာချုပ်ဖြင့် ခေါ်ယူအားဖြည့်လာပါတယ်။
ယူနိုက်တက်ဟာ အသက် ၂၉ နှစ်ရှိ အလယ်တန်းကစားသမားကို စာချုပ်ဖျက်သိမ်းကြေး ပေါင် ၃၅ သန်းပေးပြီး ခေါ်ယူလာတာလည်း ဖြစ်ပါတယ်။
၂၀၂၆ ကမ္ဘာ့ဖလားတွင် ဘယ်ဂျီယံကို ကွာတားဖိုင်နယ်သို့ တက်ရောက်အောင် ကူညီခဲ့တဲ့ တီလီမန်းစ်ဟာ ၂၀၁၉ ခုနှစ်တွင် လက်စတာသို့ ပြောင်းကာ ပရီးမီးယားလိဂ်သို့ ရောက်လာသူ ဖြစ်ပြီး ပြီးခဲ့တဲ့ သုံးရာသီဆက်တိုက် ဗီလာမှာ ကစားလာသူ ဖြစ်ပါတယ်။
ယူနိုက်တက်သို့ ပြောင်းပြီးနောက် တီလီမန်းစ်က "မန်ချက်စတာယူနိုက်တက်သို့ ပြောင်းခွင့်ရလို့ ဘယ်လောက်ဂုဏ်ယူတယ်ဆိုတာ ဖော်ပြနိုင်စွမ်း မရှိပါဘူး။ စပါယ်ရှယ်ကလပ်တစ်ခုနဲ့ စာချုပ်ချုပ်ဆိုခွင့်ရတာ အရမ်းဂုဏ်ယူတယ်။ ဘောလုံးအပေါ် ကျွန်တော် ပထမဆုံးချစ်မြတ်နိုးခဲ့ပြီးနောက် ကြိုးစားအားထုတ်လာခဲ့မှုတွေရဲ့ အထွဋ်အထိပ် ဖြစ်ပါတယ်"လို့ ပြောကြားသွားပါတယ်။
ယူနိုက်တက်ဟာ ယခုနွေရာသီ အပြောင်းအရွှေ့ဈေးကွက်တွင် အင်ဒရေဆန်းတို့စ်၊ ဒါလော့တို့အား ခေါ်ယူပြီးနောက် တတိယမြောက် ခေါ်ယူမှုအဖြစ် တီလီမန်းစ်ကို ခေါ်ယူလာတာလည်း ဖြစ်ပါတယ်။
သူဟာ ယခုနွေရာသီ ကမ္ဘာ့ဖလားတွင် ဘယ်ဂျီယံအတွက် ၅ ပွဲကစားခဲ့ရာမှာ ၂ ဂိုးသွင်းယူပေးနိုင်ခဲ့ပါတယ်။
သူဟာ ၂၀၂၃ ခုနှစ်တွင် လက်စတာမှ ဗီလာသို့ အလွတ်ပြောင်းရွှေ့ကြေးဖြင့် ပြောင်းလာပြီးနောက် ၁၃၄ ပွဲကစားကာ ၁၀ ဂိုးသွင်းယူပေးခဲ့သူ ဖြစ်ပါတယ်။
တီလီမန်းစ်ကစားတဲ့ ကာလအတွင်းတွင် ဗီလာဟာ ချန်ပီယံလိဂ်ဝင်ခွင့် ၂ ကြိမ် ရရှိပြီး ကွာတားဖိုင်နယ်အထိ တက်ခဲ့သလို ပြီးခဲ့တဲ့ရာသီတုန်းကလည်း ယူရိုပါလိဂ်ဖလား ဆွတ်ခူးနိုင်အောင် ကူညီပေးနိုင်ခဲ့ပါတယ်။
သူဟာ ဗီလာသို့ မပြောင်းမီ လက်စတာမှာတုန်းက ကွန်မြူနတီဒိုင်းနှင့် အက်ဖ်အေဖလားတို့ ဆွတ်ခူးခဲ့ဖူးပါတယ်။

အယ်ချီမှ ရီးရဲလ်မက်ဒရစ်တိုက်စစ်မှူးဟောင်းရိုဒရီဂွက်ဇ်ကို ပေါင် ၂၅.၇ သန်းဖြင့် ဘုန်းမောက် ခေါ်ယူအားဖြည့်လာ
=====================

ဘုန်းမောက်ဟာ စပိန်ကလပ်အယ်ချီတိုက်စစ်မှူးအယ်ဗာရိုရိုဒရီဂွက်ဇ်ကို ပြောင်းရွှေ့ကြေး ပေါင် ၂၅.၇ သန်းဖြင့် ခေါ်ယူအားဖြည့်လာပါတယ်။
ရိုဒရီဂွက်ဇ်ဟာ သူ့ရဲ့ အသက် ၂၂ နှစ်ပြည့်‌ မွေးနေ့တွင် ဘုန်းမောက်သို့ ၅ နှစ်စာချုပ်ဖြင့် ပြောင်းရွှေ့လာတာ ဖြစ်ပြီး ဘုန်းမောက်တိုက်စစ်ကို အီဗာနယ်ဆင်နှင့် ဦးဆောင်ကစားလာပါမယ်။
ရိုဒရီဂွက်ဇ်က ခန္ဓာကိုယ်အားပြုကစားတတ်သူ ဖြစ်ပြီး အီဗာနယ်ဆင်နှင့် ကစားဟန်ကွဲပြားပါတယ်။ ဘုန်းမောက်ဟာ ယူရိုပါလိဂ်ဝင်ခွင့် ရရှိပြီးနောက် တိုက်စစ်ကို အားဖြည့်မှု ပြုလုပ်လာတာလည်း ဖြစ်ပါတယ်။
ရီးရဲလ်မက်ဒရစ်ဟာ ဥရုဂွေးလူငယ်လက်ရွေးစင်တိုက်စစ်မှူးရဲ့ ပြောင်းရွှေ့ကြေးမှ ၅၀ ရာခိုင်နှုန်းကို အကျိုးခံစားခွင့် ရရှိလာပါမယ်။ သူဟာ ဥရုဂွေးလူငယ်အသင်းအတွက် ကစားနေပေမဲ့လည်း စပိန်ပတ်စ်ပို့ကိုင်ဆောင်ထားရာ စပိန်အတွက်လည်း ကစားခွင့် ရှိနေသူ ဖြစ်ပါတယ်။
ရိုဒရီဂွက်ဇ်ဟာ ပြီးခဲ့တဲ့ရာသီတုန်းက အယ်ချီအတွက် လာလီဂါပွဲ ၃၄ ပွဲကစားပေးခဲ့ရာမှာ ၇ ဂိုးသွင်းပြီး ၅ ကြိမ် ဖန်တီးမှု ပြုလုပ်ပေးနိုင်ခဲ့ပါတယ်။
ဘုန်းမောက်ကင်းထောက်များဟာ ရိုဒရီဂွက်ဇ်အား အချိန်အတန်ကြာကတည်းက ကင်းထောက်လာခဲ့တာ ဖြစ်ပြီး နည်းပြသစ်မာကိုရို့စ်ကိုယ်တိုင်ကလည်း ခေါ်ယူလိုနေမှုနှင့်အတူ ယခုကဲ့သို့ ခေါ်ယူလာတာပါ။
ဒါ့အပြင် ဘုန်းမောက်ဟာ ယခုနွေရာသီတွင် အသင်းမှ ထွက်ခွာဖွယ် ရှိနေတဲ့ ဆယ်ကျော်သက်တိုက်စစ်သမားဂျူနီယာခရူပီနေရာတွင် အစားထိုးနိုင်ရန်အတွက် ရိုဒရီဂွက်ဇ်အား ခေါ်ယူလာတာလည်း ဖြစ်ပါတယ်။ ဘုန်းမောက်ဟာ တူရကီတိုက်စစ်မှူးအီနစ်အူနယ်ကိုလည်း ရောင်းချရန် စီစဉ်ထားပါတယ်။‌

ထရိုဆတ်အား ဘီဆစ်တပ်စ်သို့ ရောင်းချရန် သဘောတူညီမှု ရရှိလာပြီ ဖြစ်တဲ့ အာဆင်နယ်
====================

အာဆင်နယ်ဟာ ဘယ်ဂျီယံတိုက်စစ်သမားလီယန်ဒရိုထရိုဆတ်ကို တူရကီကလပ် ဘီဆစ်တပ်စ်သို့ ရောင်းချရေး ပြောင်းရွှေ့ကြေး သဘောတူညီမှု ရရှိလာပြီ ဖြစ်ပါတယ်။
အသက် ၃၁ နှစ်ရှိ တိုက်စစ်သမားဟာ အာဆင်နယ်ရဲ့ ခွင့်ပြုချက်ဖြင့် ဆေးစစ်ဆေးမှု ခံယူရန် အစ္စဘူလ်သို့ သွားရောက်ခွင့် ရလာပြီလည်း ဖြစ်ပါတယ်။
ထရိုဆတ်ဟာ ၂၀၂၃ ခုနှစ် ဇန်နဝါရီလတွင် ဘရိုက်တန်မှ ပေါင် ၂၁ သန်းအပြင် အပိုဆုကြေးပေးမယ့်အချက်ဖြင့် ရောက်လာခဲ့သူ ဖြစ်ပြီး အာဆင်နယ်နှင့် စာချုပ်မှာ ၂၀၂၇ ခုနှစ်တွင်မ ကုန်ဆုံးပါမယ်။
သူဟာ အာဆင်နယ်အတွက် ၁၇၄ ပွဲကစားပေးခဲ့ရာမှာ ၃၇ ဂိုးသွင်းပြီး ၃၄ ကြိမ် ဖန်တီးပေးခဲ့ကာ ပြီးခဲ့တဲ့ရာသီတုန်းက ပရီးမီးယားလိဂ်ဖလား ရရှိအောင် ကူညီပေးနိုင်ခဲ့ပါတယ်။
ထရိုဆတ်ဟာ ပြီးခဲ့တဲ့ရာသီတုန်းက အာဆင်နယ်ကို ချန်ပီယံလိဂ်ဖလား ဗိုလ်လုပွဲသို့လည်း တက်ရောက်အောင် အဓိကနေရာမှ ကူညီခဲ့သူပါ။
သူဟာ ကမ္ဘာ့ဖလားကွာတားဖိုင်နယ်အဆင့်သို့အထိ တက်နိုင်ခဲ့တဲ့ ၂၀၂၆ ကမ္ဘာ့ဖလားပြိုင်ပွဲတွင် ဘယ်ဂျီယံရဲ့ ၆ ပွဲလုံး ပွဲထွက်ကစားခွင့်ရခဲ့ကာ ၂ ဂိုးသွင်းပေးနိုင်ခဲ့ပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇူလိုင် ၁၆ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၀၃၂ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၅၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၅၅၀,၀၀၀ ကျပ်
ဝယ်ဈေး ၉,၅၁၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၁၅၀,၀၀၀ ကျပ်
ဝယ်ဈေး ၉,၁၁၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၄၃၀,၀၀၀ ကျပ်
ဝယ်ဈေး ၉,၃၉၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၀၃၀,၀၀၀ ကျပ်
ဝယ်ဈေး ၈,၉၉၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၀၀ ကျပ်
ဝယ်ဈေး - ၄၃၀၀ ကျပ်
-စင်္ကာပူဒေါ်လာ
ရောင်းဈေး - ၃၃၆၀ ကျပ်
ဝယ်ဈေး - ၃၂၆၀ ကျပ်
-ယူရို
ရောင်းဈေး - ၅၀၁၄ ကျပ်
ဝယ်ဈေး - ၄၉၂၉ ကျပ်
-ထိုင်းဘတ်
ရောင်းဈေး - ၁၃၀.၁၁ ကျပ်
ဝယ်ဈေး - ၁၂၇.၉ ကျပ်
-မလေးရှားရင်းဂစ်
ရောင်းဈေး - ၁၀၇၃ ကျပ်
ဝယ်ဈေး - ၁၀၅၅ ကျပ်
-တရုတ်ယွမ်
ရောင်းဈေး - ၆၄၆ ကျပ်
ဝယ်ဈေး - ၆၃၅ ကျပ်
-ဂျပန်ယန်း
ရောင်းဈေး - ၂၆.၉၇ ကျပ်
ဝယ်ဈေး - ၂၆.၅၂ ကျပ်
-အိန္ဒိယရူပီး
ရောင်းဈေး - ၄၆.၂၃ ကျပ်
ဝယ်ဈေး - ၄၅.၀၃ ကျပ်
-ကိုရီးယားဝမ်
ရောင်းဈေး - ၂.၉၄ ကျပ်
ဝယ်ဈေး - ၂.၈၉ ကျပ်
-စတာလင်ပေါင်
ရောင်းဈေး - ၅၉၁၄ ကျပ်
ဝယ်ဈေး - ၅၈၁၃ ကျပ်
-ဩစတြေးလျဒေါ်လာ
ရောင်းဈေး - ၃၀၅၅ ကျပ်
ဝယ်ဈေး - ၃၀၀၃ ကျပ်
-ကနေဒါဒေါ်လာ
ရောင်းဈေး - ၃၁၆၅ ကျပ်
ဝယ်ဈေး - ၃၀၈၀ ကျပ်
-ဟောင်ကောင်ဒေါ်လာ
ရောင်းဈေး - ၅၆၄ ကျပ်
ဝယ်ဈေး - ၅၄၉ ကျပ်
-ယူအေအီး
ရောင်းဈေး - ၁၁၉၀ ကျပ်
ဝယ်ဈေး - ၁၁၇၀ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။