ကမ္ဘာ့ဖလားချန်ပီယံဖြစ်ပြီးနောက် ခရမ်းချဉ်သီး ၁၅၀ ကီလိုစီ ဆုချီးမြှင့်ခြင်းခံခဲ့ရတဲ့ စပိန်စတားရုဇ်နှင့် ဂါဗီ
======================
ကမ္ဘာ့ဖလားချန်ပီယံဖြစ်လာမှုနှင့်အတူ ကစားသမားများအား ဆုချီးမြှင့်မှုလည်း အများအပြား ရရှိကြပါတယ်။ ဒါပေမဲ့ ကိုယ့် ကိုယ်အလေးချိန်အတိုင်း ခရမ်းချဉ်သီး ဆုချီးမြှင့်ခြင်းခံရတာကတော့ ပုံမှန်မဟုတ်တဲ့ ဆုချီးမြှင့်မှုလို့ ပြောရပါမယ်။
စပိန်အလယ်တန်းကစားသမားတွေ ဖြစ်ကြတဲ့ ဖေဘီယန်ရုဇ်နှင့် ဂါဗီတို့ဟာ စပိန်အသင်းနှင့်အတူ ကမ္ဘာ့ဖလားချန်ပီယံဖြစ်ပြီးနောက် မွေးရပ်မြေသို့ ပြန်လာချိန်မှာတော့ မထင်မှတ်ထားတဲ့ ဆုချီးမြှင့်ခြင်းခံခဲ့ရပါတယ်။
၎င်းတို့နှစ်ဦးဟာ ဆဗီးလ်တောင်ပိုင်းက လူဦးရေ ၄၀၀၀၀ အောက်ပမာဏသာ ရှိတဲ့ Los Palacios y Villafranca မြို့သားတွေ ဖြစ်ကြပါတယ်။
၎င်းတို့ဟာ ကမ္ဘာ့ဖလားဆွတ်ခူးပြီးနောက် ဗုဒ္ဓဟူးနေ့တုန်းက မွေးရပ်မြေသို့ ပြန်လာချိန်မှာ မြို့တော်ခန်းမတွင် ကြိုဆိုဂုဏ်ပြုခြင်းခံခဲ့ရပါတယ်။
ပီအက်စ်ဂျီစတားရုဇ်နှင် ဘာစီလိုနာစတားဂါဗီတို့ကို မြို့တော်မှ တာဝန်ရှိသူများနှင့် ပြည်သူများရဲ့ ဝိုင်းဝန်းကြိုဆိုဂုဏ်ပြုခြင်းခံခဲ့ရပါတယ်။
၎င်းတို့ဟာ မြို့တော်ရဲ့ ထုံးတမ်းစဉ်လာအရလည်း ဆုချီးမြှင့်ခြင်းခံခဲ့ရပါတယ်။ ၎င်းတို့ဟာ ဆုချီးမြှင့်မှု ရယူရန် ပေါင်ချိန်စက်သို့ တက်ခဲ့ရပါတယ်။ ၎င်းတို့ရဲ့ ကိုယ်အလေးချိန်အတိုင်း ခရမ်းချဉ်သီးတွေ ချီးမြှင့်ခြင်းခံခဲ့ရပါတယ်။
ရုဇ်က ၈၅ ကီလို၊ ဂါဗီက ၆၈.၆ ကီလိုစီရရှိခဲ့ပါတယ်။
ရုဇ်နှင့် ဂါဗီတို့ရဲ့ ဂုဏ်ပြုပွဲအခမ်းအနားသို့ စပိန်တောင်ပံကစားသမားဟောင်းဂျီးဆပ်စ်နာဗက်စ်လည်း တက်ရောက်ခဲ့ပါတယ်။ နာဗက်စ်က ၂၀၁၀ ခုနှစ်တုန်းက စပိန်နှင့်အတူ ကမ္ဘာ့ဖလားဆွတ်ခူးကာ ကမ္ဘာ့ဖလားဆွတ်ခူးနိုင်တဲ့ Los Palacios y Villafranca နယ်သားအဖြစ် မှတ်တမ်းရေးထိုးထားသူ ဖြစ်ပါတယ်။
နာဗက်စ်ကဲ့သို့ပင် ဖေဘီယန်ရုဇ်ဟာလည်း စပိန်နှင့်အတူ ယူရို ၂၀၂၄ ချန်ပီယံဖြစ်တုန်းကလည်း Los Palacios y Villafranca မြို့တော်တာဝန်ရှိသူများရဲ့ ခရမ်းချဉ်သီး ချီးမြှင့်ခြင်းခံခဲ့ရဖူးသူ ဖြစ်ပါတယ်။
