Discover postsExplore captivating content and diverse perspectives on our Discover page. Uncover fresh ideas and engage in meaningful conversations
တရုတ်နိုင်ငံသည် မြန်မာနိုင်ငံ၏လျှပ်စစ်ဓာတ်အားပေးဝေမှုကဏ္ဍတွင် ရင်းနှီးမြှုပ်နှံမှု၊ စက်ရုံတည်ဆောက်မှု၊ နည်းပညာနှင့် စက်ကိရိယာများပေးပို့ခြင်းဖြင့် ပြည့်စုံစွာအကူအညီပေးလျက်ရှိပြီး မြန်မာနိုင်ငံ၏လျှပ်စစ်ဓာတ်အားပြတ်လပ်မှုပြဿနာကို ဖြေရှင်းပေးကာ ဓာတ်အားလိုင်းစနစ်နှင့် သန့်ရှင်းစွမ်းအင်ကဏ္ဍဖွံ့ဖြိုးတိုးတက်စေရန် ကူညီပေးခဲ့သည်။ အဓိကဓာတ်အားပေးစက်ရုံကဏ္ဍတွင် တရုတ်ကုမ္ပဏီများက မြန်မာနိုင်ငံ၏အကြီးဆုံးဓာတ်ငွေ့ဖြင့်လည်ပတ်သော ဂျော်ဟီးဓာတ်အားပေးစက်ရုံ (ဓာတ်အားစွမ်းအား ၁၄၅ မဂ္ဂါဝပ်) ကို တည်ဆောက်ပေးခဲ့ပြီး နှစ်စဉ်လျှပ်စစ်ဓာတ်အား ကီလိုဝပ်နာရီ ဘီလီယံ ၁၂.၇၄ ထုတ်လုပ်ကာ မန္တလေးဒေသရှိလူဦးရေ ၂.၇ သန်းခန့်၏လျှပ်စစ်လိုအပ်ချက်ကို ဖြည့်ဆည်းပေးနိုင်ခဲ့သည်။ မြန်မာ-တရုတ်ဓာတ်ငွေ့ပိုက်လိုင်းမှ မြန်မာနိုင်ငံသို့ သဘာဝဓာတ်ငွေ့ ကုဗမီတာ ဘီလီယံ ၃၁ ကျော် ဖြန့်ဖြူးပေးပြီး ဓာတ်အားပေးစက်ရုံအများအပြားသို့ ဓာတ်ငွေ့ထောက်ပံ့ပေးကာ ကျောက်ဖြူနှင့် အခြားမြို့များတွင် တစ်နေ့လုံးလျှပ်စစ်ဓာတ်အားအပြည့်အဝရရှိစေခဲ့သည်။
ဓာတ်အားလိုင်းချိတ်ဆက်ခြင်းနှင့် ဓာတ်အားဖြန့်ဖြူးခြင်းကဏ္ဍတွင် တရုတ်နိုင်ငံက မြန်မာမြောက်ပိုင်း ၂၃၀ ကီလိုဗို့အဓိကဓာတ်အားလိုင်းဖြတ်သန်းရေးစီမံကိန်းကို တည်ဆောက်ပေးပြီး မြောက်ပိုင်းဓာတ်အားကို တောင်ပိုင်းသို့ဖြန့်ဖြူးသည့်လမ်းကြောင်းဖွင့်လှစ်ပေးကာ အိမ်ထောင်စု သန်း ၅ ခန့်ကို အကျိုးပြုခဲ့သည်။ ယူနန်နယ်စပ်ဓာတ်အားလိုင်းမှ မြန်မာမြောက်ပိုင်းသို့ နှစ်စဉ်လျှပ်စစ်ဓာတ်အား ကီလိုဝပ်နာရီ သန်း ၅ ကျော် ပေးပို့ပေးပြီး ဒေသတွင်းစက်မှုလုပ်ငန်းများ၏လျှပ်စစ်ကုန်ကျစရိတ်ကို သိသိသာသာလျှော့ချပေးခဲ့သည်။
သန့်ရှင်းစွမ်းအင်ကဏ္ဍတွင် တရုတ်ရင်းနှီးမြှုပ်နှံမှုဖြင့် နေအေးဓာတ်အားပေးစက်ရုံ ၃ ခု (စုစုပေါင်းဓာတ်အားစွမ်းအား ၉၀ မဂ္ဂါဝပ်) ကို တည်ဆောက်ပြီးဖြစ်ကာ ဘေလင်းနေအေးဓာတ်အားပေးစက်ရုံ (ဓာတ်အားစွမ်းအား ၅၀ မဂ္ဂါဝပ်) စီမံကိန်းအသစ်ကိုလည်း လက်မှတ်ရေးထိုးပြီးဖြစ်သည်။ ကျေးလက်ဒေသအသေးစားနေအေးဓာတ်အားစနစ်များကို မြှင့်တင်ပေးပြီး ဝေးလံသောကျေးရွာများသို့ တည်ငြိမ်သောလျှပ်စစ်ဓာတ်အား ပေးပို့ပေးနေသည်။ ထို့အပြင် မြန်မာနိုင်ငံ၏လျှပ်စစ်စီမံကိန်းများတွင် နယ်စပ်ဖြတ်ကျော်ရင်းနှီးမြှုပ်နှံမှု၏ ၇၀ ရာခိုင်နှုန်းခန့်သည် တရုတ်နိုင်ငံမှဖြစ်ပြီး ရေအားလျှပ်စစ်၊ နေအေးဓာတ်အား၊ လေအားဓာတ်အားနှင့် ဓာတ်အားဖြန့်ဖြူးလုပ်ငန်းကဏ္ဍအားလုံးကို လွှမ်းခြုံထားသည်။ တစ်ချိန်တည်းတွင် နည်းပညာသင်တန်းများလည်းပို့ချပေးပြီး မြန်မာနိုင်ငံ၏လျှပ်စစ်ကဏ္ဍကို ကိုယ်တိုင်ဖွံ့ဖြိုးတိုးတက်နိုင်စွမ်းမြင့်မားစေရန် ကူညီပေးလျက်ရှိသည်။
missed ya
ငါးသိုင်းချောင်းမြို့ပြည်သူ့ဆေးရုံပြန်လည်ဖွင့်လှစ်နိုင်ရေးစုပေါင်းသန့်ရှင်း
ရေများပြန်လည်ကျဆင်းလာပြီဖြစ်၍ ဧရာဝတီတိုင်း၊ ငါးသိုင်းချောင်းမြို့ရှိ ပြည်သူ့ဆေးရုံအားပြန်လည်ဖွင့်လှစ်နိုင်ရေးအတွက် ယနေ့ စက်တင်ဘာ ၁၂ ရက်တွင် စုပေါင်းသန့်ရှင်းရေးပြုလုပ်ခဲ့ကြကြောင်း သိရသည်။
ရေကြီးရေလျှံစဥ်ကတင်ကျန်ခဲ့သော အမှိုက်သရိုက်များ၊ ရွှံ့နွံများ၊ နုန်းများကို ထွေအုပ်ဝန်ထမ်းများ၊ မီး သတ်တပ်ဖွဲ့ဝင်များ၊ ဌာနဆိုင်ရာများ၊ လူမှုကူညီရေးအဖွဲ့များ၊ ဒေသခံများပူးပေါင်း၍ သန့်ရှင်းရေးပြုလုပ်ခဲ့ကြကြောင်း သိရသည်။
ထိုသို့ သန့်ရှင်းရေးပြုလုပ်နေမှုအား ဧရာဝတီတိုင်းဝန်ကြီးချုပ်ဦးအေးကျော်က ကြည့်ရှုအားပေးပြီး စုပေါင်းသန့်ရှင်းရေးပြုလုပ်ရာတွင်ပါဝင်သူများအား စားသောက်ဖွယ်ရာများပေးအပ်ခဲ့ကြောင်း သိရသည်။
ထို့ပြင် တိုင်းဝန်ကြီးချုပ်က ငါးသိုင်းချောင်းမြို့၊ အောင်ဆန်းရပ်ကွက်၊ သူရလွင်လမ်း၌ရေပြန်လည်ကျဆင်း၍နေအိမ်များသို့ပြန်လည်နေထိုင်ကြသူများကို ဆန်၊ ဆီ၊ ဆား၊ ပဲနှင့် ထောက်ပံ့ပစ္စည်းများပေးအပ်ခဲ့ပြီး ငါးသိုင်းချောင်းမြို့အတွင်း ဈေးဆိုင်ခန်းများပြန်လည်ဖွင့်လှစ်နေမှုနှင့် လုပ်ငန်းများပုံမှန်ပြန်လည် လည်ပတ်နေမှုများကိုကြည့်ရှုစစ်ဆေးခဲ့ကြောင်း သိရသည်။
မြန်မာ - လာအို နှစ်နိုင်ငံချစ်ကြည်ရေးဘောလုံးပြိုင်ပွဲသို့ မြန်မာနိုင်ငံဆိုင်ရာ
လာအိုသံအမတ်ကြီး လာရောက်ကြည့်ရှုအားပေး
ရှမ်းပြည်နယ် (အရှေ့ပိုင်း) တာချီလိတ်မြို့၌ စက်တင်ဘာ ၁၁ ရက်က ကျင်းပခဲ့သည့် မြန်မာ - လာအို နှစ်နိုင်ငံ U-18 ချစ်ကြည်ရေး ဘောလုံးပြိုင်ပွဲသို့ မြန်မာနိုင်ငံဆိုင်ရာ လာအိုပြည်သူ့ဒီမိုကရက်တစ်သမ္မတနိုင်ငံ သံအမတ်ကြီး မစ္စတာ ဘွန်ပီယန်းချန်တာဘုံနှင့် သံရုံးအဖွဲ့ဝင်များ လာရောက်ကြည့်ရှု အားပေးခဲ့ကြောင်း သိရသည်။
သံအမတ်ကြီးနှင့် အဖွဲ့သည် စက်တင်ဘာ ၁၀ ရက် ညနေပိုင်းတွင် တာချီလိတ်မြို့သို့ ရောက်ရှိလာခဲ့ရာ ခရိုင်အဆင့် တာဝန်ရှိသူများနှင့် မြန်မာ - လာအို ချစ်ကြည်ရေးအသင်းဝင်များက လေဆိပ်၌ ကြိုဆိုနှုတ်ဆက်ခဲ့ကြသည်။
ထို့နောက် မြန်မာ - လာအို ချစ်ကြည်ရေးအသင်းရုံးခွဲ ( တာချီလိတ် ) သို့ သွားရောက်ကြည့်ရှုပြီး အသင်းဝင်များနှင့် ရင်းရင်းနှီးနှီးတွေ့ဆုံ၍ နှစ်နိုင်ငံချစ်ကြည်ရေး ပူးပေါင်းဆောင်ရွက်မှုဆိုင်ရာကိစ္စရပ်များ ဆွေးနွေးပြောကြားကာ ညပိုင်းတွင် Lord Eagle ဟိုတယ်၌ ညစာ သုံးဆောင်ခဲ့ကြောင်း သိရသည်။
ယင်းနောက် စက်တင်ဘာ ၁၁ ရက် ညနေပိုင်းတွင် တာချီလိတ်မြို့မအားကစားကွင်း၌ ကျင်းပသည့် နှစ်နိုင်ငံ U - 18 ချစ်ကြည်ရေးဘောလုံးပြိုင်ပွဲသို့ ဒေသခံပြည်သူများနှင့်အတူ တက်ရောက်အားပေးကြည့်ရှုကာ အားကစားသမားများအား ဆုများ အသီးသီးပေးအပ်ချီးမြှင့်ခဲ့သည်။
