မော်စကိုတွင် ကားဗုံးခွဲမှု၌ ရုရှား ဒုတိယဗိုလ်ချုပ်ကြီး ‌ေ-သဆုံး

မော်စကိုတွင် ကားဗုံးခွဲမှုတစ်ခုတွင် ရုရှားဒုတိယဗိုလ်ချုပ်ကြီးတစ်ဦး ‌ေ-သဆုံးခဲ့ကြောင်း နိုင်ငံ၏ စုံစမ်းစစ်ဆေးရေးကော်မတီက တနင်္လာနေ့တွင် သတင်းထုတ်ပြန်ခဲ့သည်။

တနင်္လာနေ့ နံနက်ပိုင်းက ကိုယ်ထည်အောက်ရှိ ဖေ-ာက်ခွဲရေးပစ္စည်းများ တပ်ဆင်ထားသည့်ကားတစ်စီးသည် လက်နက်ကိုင်တပ်ဖွဲ့များ စစ်ဆင်ရေးလေ့ကျင့်ရေးဌာနတွင် တာဝန်ထမ်းဆောင်နေသော ဒုတိယဗိုလ်ချုပ်ကြီး ဖာနီးလ် ဆာဗာရော့ဗ်သည် ပေ-ါက်ကွဲမှုတွင် ‌ေ-သဆုံးသွားခဲ့ကြောင်း ကော်မတီ၏ သတင်းထုတ်ပြန်ချက်တွင် ဖော်ပြထားသည်။

ရုရှားအေဂျင်စီက ထုတ်ပြန်သော ဗီဒီယိုတွင် ကားရပ်နားရာနေရာ၌ ပျ-က်စီးနေသော ယာဉ်တစ်စီးကို ပြသခဲ့သည်။

“စစ်တပ်အရာရှိတစ်ဦးကို သ-တ်ဖြတ်မှု” ဖြင့် ရာဇဝတ်မှုဖွင့်ထားကြောင်း ကော်မတီက ပြောသည်။ စုံစမ်းစစ်ဆေးရေးအဖွဲ့က စဉ်းစားနေ‌သော အယူအဆတစ်ခုမှာ ယူကရိန်း၏ အထူးတပ်ဖွဲ့များ ပါဝင်ပတ်သက်ခြင်းရှိ၊ မရှိ ဟူ၍ဖြစ်သည်ဟု သူက ထပ်‌လောင်းပြောကြားခဲ့ပါသည်။

ကမ္ဘောဒီးယားနှင့် ထိုင်းတို့ အပ-စ်အခတ်ရပ်စဲရေး ဆွေးနွေးမည်

ကမ္ဘောဒီးယားနှင့် ထိုင်းနိုင်ငံတို့သည် ယနေ့ မလေးရှားနှင့် သုံးပွင့်ဆိုင်အစည်းအဝေးတွင် ကွာလာလမ်ပူရ် ငြိမ်းချမ်းရေးသဘောတူညီချက်ကို ပြန်လည်စတင်ရန် နောက်ဆုံးတွင် သဘောတူညီခဲ့ကြကြောင်း သိရှိရသည်။

မလေးရှားနိုင်ငံတွင် ကျင်းပလျက်ရှိသည့် အစည်းအဝေးသို့ ရောက်ရှိသတင်းယူနေသော ကမ္ဘောဒီးယားသတင်းစာဆရာများကလပ် ဥက္ကဋ္ဌ ပွိုင်ကီ၏ ပြောကြားချက်အရ ကမ္ဘောဒီးယား နိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေး ဝန်ကြီး ပရတ်ဆိုခွန်းနှင့် ထိုင်းနိုင်ငံခြားရေးဝန်ကြီး သီဟာသတ်က်ဖောင်ကက်ကီယိုတို့သည် သဘောတူညီမှုတစ်ရပ်ကို ရရှိခဲ့ကြကြောင်း သိရသည်။

အဆိုပါ သဘောတူညီမှုကိုရှိရေးအတွက်ဆွေးနွေးရာတွင် မလေးရှားနိုင်ငံခြားရေးဝန်ကြီး ဒါတို စီရီ အူတားမား ဟာဂျီ မိုဟာမက် ဘင် ဟာဂျီ ဟာဆန် က သက်သေအဖြစ် ပါဝင်ခဲ့ကြောင်း သိရှိရသည်။ လာမည့် ရက်အနည်းငယ်အတွင်း နှစ်နိုင်ငံ စစ်ဘက်အရာရှိကြီးများ တွေ့ဆုံကာ တင်းမာမှုလျှော့ချရေးနှင့် အပ-စ်အခတ်ရပ်စဲရေး ကိစ္စရပ်များကို ဆွေးနွေးသွားကြမည် ဖြစ်သည်။

ဘာသာပေါင်းစုံချစ်ကြည်ညီညွှတ်ရေးအဖွဲ့ဝင်များ စုပေါင်းသွေးလှူ

ဘာသာပေါင်းစုံချစ်ကြည်ညီညွှတ်ရေးအဖွဲ့ဝင်များမှ ဒီဇင်ဘာ ၂၁ ရက်နံနက်ပိုင်းက အမှတ် (၁) တပ်မတော်ဆေးရုံကြီး (ခုတင်-၁၀၀၀) မင်္ဂလာဒုံတွင် နဝမအကြိမ်မြောက် ဒါနဥပပါရမီ စုပေါင်းသွေးလှူဒါန်းခြင်းအဖြစ် သွေးလှူရှင် (၁၀၂) ဦးက လှူဒါန်းခဲ့ကြသည်။

အမှတ် (၁) တပ်မတော်ဆေးရုံကြီး (ခုတင်-၁၀၀၀) မင်္ဂလာဒုံမှ တပ်မှူးနှင့် တာဝန်ရှိသူများက သွေးလှူရှင်များအား နံနက်စာကျွေးမွေးပြီး၊ ကြက်ဥ၊ ဆေးဝါးနှင့် အာဟာရဖြည့်စွက်စာများ၊ အားဖြည့်အချိုရည်များပေးအပ်ကာ ဘာသာပေါင်းစုံချစ်ကြည်ညီညွှတ်ရေးအဖွဲ့မှ အမှတ်တရအင်္ကျီ၊ သောက်ရေသန့်နှင့် အလှူငွေများကို ပေးအပ်လှူဒါန်းခဲ့သည်။

ဘာသာပေါင်းစုံချစ်ကြည်ညီညွှတ်ရေးအဖွဲ့ဝင်များ စုပေါင်းသွေးလှူ

ဘာသာပေါင်းစုံချစ်ကြည်ညီညွှတ်ရေးအဖွဲ့ဝင်များမှ ဒီဇင်ဘာ ၂၁ ရက်နံနက်ပိုင်းက အမှတ် (၁) တပ်မတော်ဆေးရုံကြီး (ခုတင်-၁၀၀၀) မင်္ဂလာဒုံတွင် နဝမအကြိမ်မြောက် ဒါနဥပပါရမီ စုပေါင်းသွေးလှူဒါန်းခြင်းအဖြစ် သွေးလှူရှင် (၁၀၂) ဦးက လှူဒါန်းခဲ့ကြသည်။

အမှတ် (၁) တပ်မတော်ဆေးရုံကြီး (ခုတင်-၁၀၀၀) မင်္ဂလာဒုံမှ တပ်မှူးနှင့် တာဝန်ရှိသူများက သွေးလှူရှင်များအား နံနက်စာကျွေးမွေးပြီး၊ ကြက်ဥ၊ ဆေးဝါးနှင့် အာဟာရဖြည့်စွက်စာများ၊ အားဖြည့်အချိုရည်များပေးအပ်ကာ ဘာသာပေါင်းစုံချစ်ကြည်ညီညွှတ်ရေးအဖွဲ့မှ အမှတ်တရအင်္ကျီ၊ သောက်ရေသန့်နှင့် အလှူငွေများကို ပေးအပ်လှူဒါန်းခဲ့သည်။

တက္ကသိုလ်များ၊ ဒီဂရီကောလိပ်များမှ ကျောင်းသား၊ ကျောင်းသူများ၏ ကျောင်းပျ-က်ရာခိုင်နှုန်း လျှော့ချရေး အလေးထားရန် ပြည်ထောင်စုဝန်ကြီးတိုက်တွန်း

တက္ကသိုလ်များ၊ ဒီဂရီကောလိပ်များမှ ကျောင်းသား ကျောင်းသူများ၏ ကျောင်းပျ-က်ရာခိုင်နှုန်း လျှော့ချနိုင်ရေးအတွက် ဆရာ၊ ဆရာမများအနေဖြင့် ကြီးကြပ်ဆောင်ရွက်ပေးကြရန် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်က တိုက်တွန်းပြောကြားခဲ့သည်။

တက္ကသိုလ်၊ ဒီဂရီကောလိပ်များ၏ ပါမောက္ခချုပ်များ၊ ကျောင်းအုပ်ကြီးများ၊ ဒုတိယပါမောက္ခချုပ်များ၊ ပါမောက္ခများနှင့် တွေ့ဆုံဆွေးနွေးရာတွင် ထည့်သွင်းပြောကြားခဲ့သည်။

ကျောင်းသား၊ ကျောင်းသူများ ကျောင်းတက်မှန်ကန်ရေး၊ သင်ယူမှုဝန်းကျင်ကောင်းဖြစ်လာစေရေး ပူးပေါင်းဆောင်ရွက်ပေးကြရန် လိုအပ်ကြောင်း၊ ဆရာ၊ ဆရာမများအနေဖြင့် နောက်ဆုံးနှစ် ကျောင်းသား၊ ကျောင်းသူများ၏ ပရောဂျက်များကို သေချာစွာစိစစ်၍ စနစ်တကျဆောင်ရွက်ကြစေလိုကြောင်း၊ ကျောင်းသား၊ ကျောင်းသူများအနေဖြင့် တက္ကသိုလ်တက်ရောက်ရခြင်း၏ အနှစ်သာရကို ခံစားနိုင်စေရေး၊ကျောင်းတွင်း အားကစားပွဲများတွင် ပါဝင်ဆောင်ရွက်ကြရန်နှင့် ရန်ကုန်တက္ကသိုလ်တွင် သိပ္ပံပွဲတော်ကို စည်ကားသိုက်မြိုက်စွာ ကျင်းပနိုင်ရေးအတွက် ဝိုင်းဝန်းပါဝင်ဆောင်ရွက်ကြစေလိုကြောင်း၊ သိပ္ပံပွဲတော်၌ ပြသမည့် ပြခန်းများတွင် ကျောင်းသား၊ ကျောင်းသူများ လက်တွေ့ဆောင်ရွက်နိုင်ပြီး စိတ်ပါဝင်စားမည့် အကြောင်းအရာများကို ခင်းကျင်းပြသကြရန် တိုက်တွန်းလိုကြောင်း ပြည်ထောင်စုဝန်ကြီးက ပြောကြားခဲ့သည်။

ထို့ပြင် မြန်မာနိုင်ငံ ဝိဇ္ဇာနှင့် သိပ္ပံပညာရှင်အဖွဲ့၏ (၂၅)နှစ်မြောက် ဝိဇ္ဇာနှင့်သိပ္ပံသုတေသနညီလာခံ စာတမ်းဖတ်ပွဲကို စည်ကားအောင်မြင်စွာကျင်းပနိုင်ရေး လိုအပ်သည်များ စီစဉ်ဆောင်ရွက် ထားကြစေရန်နှင့် သိပ္ပံပွဲတော်တွင် တိုင်းရင်းသားရိုးရာ အစားအသောက်ပွဲတော်နှင့် သတ်မှတ်ထားသော တက္ကသိုလ်၊ ဒီဂရီကောလိပ်များ၏အစား အသောက်ပြိုင်ပွဲကိုပါ ပူးတွဲကျင်းပနိုင်ရေး ကြိုတင်ပြင်ဆင်ရန်၊ အလုပ်အကိုင်ရရှိရေးနှင့် အထောက်အကူ ပြုအတတ်ပညာကျွမ်းကျင်မှု(Job Ready Skills) သင်တန်းများ ဖွင့်လှစ်နိုင်ရေး စနစ်တကျစီစဉ် ဆောင်ရွက်ထားကြရန်၊ မကြာမီကျင်းပတော့မည့် ပါတီစုံဒီမိုကရေစီရွေးကောက်ပွဲတွင် ဝန်ထမ်းများ၊ မိသားစုများအနေဖြင့် အဆင်ပြေစွာ ဆန္ဒမဲပေး နိုင်ရေးအတွက် ဝိုင်းဝန်းကူညီ ဆောင်ရွက်ပေးကြစေလိုကြောင်း၊ ဆန္ဒမဲပေးရာတွင်လည်း ဒို့တာဝန် အရေးသုံးပါးကို လေးစားလိုက်နာ စောင့်ထိန်းနိုင်သူ၊ ဒေသနှင့် နိုင်ငံ့အကျိုးကို အမှန်တကယ် ဆောင်ရွက်နိုင်သူများကို စနစ်တကျ ရွေးချယ်ဆောင်ရွက်သွားနိုင်ရန်လိုကြောင်းလည်း တိုက်တွန်းပြောကြားခဲ့သည်။

ထို့နောက် တက္ကသိုလ်များ၊ ဒီဂရီကောလိပ်များတွင် Project-based Lear-ning ကို အကောင်အထည်ဖော်ဆောင်ရွက်ရန်၊ နောက်ဆုံးနှစ် ကျောင်းသားများ ပရောဂျက် ဆောင်ရွက်ရာတွင် စာကြည့်တိုက်များ၊ Internet နှင့် Online Libraryများ မဖြစ်မနေအသုံးပြု စေရေး ဆောင်ရွက်ကြရန်၊ ကျောင်းများတွင် အားကစားကွင်းများ၊ အားကစားရုံများကို ကျောင်းသား၊ ကျောင်းသူများ အသုံးပြုစေရေး စီစဉ်ထားရှိရန်၊ တက္ကသိုလ်ပရဝဏ် သန့်ရှင်းသာယာရေး၊ အမှိုက်ကင်းစင်ရေး၊ မူးယစ်ဆေးဝါးတားဆီးကာကွယ်ရေး၊ မီးဘေးအန္တရာယ်ကာကွယ်တားဆီးရေးတို့နှင့် ပတ်သက်၍ ဒုတိယဝန်ကြီးကဆွေးနွေးပြောကြားခဲ့ကြောင်း သိရသည်။

Call of Duty နှင့် Battlefield ဂိမ်းဖန်တီးသူ အမေရိကန်တွင် ယာဉ်မတော်တဆမှုဖြင့် ကွယ်လွန်

Call of Duty နှင့် Battlefield ဗီဒီယိုဂိမ်းစီးရီးများကို ဖန်တီးခဲ့သူတစ်ဦးဖြစ်သည့် Vince Zampella သည် ကာလီဖိုးနီးယားပြည်နယ်၊ လော့စ်အိန်ဂျလိစ်မြို့မြောက်ပိုင်းတွင် ဖြစ်ပွားခဲ့သော ယာဉ်မတော်တဆမှုတစ်ခုအတွင်း ‌ေ-သဆုံးသွားခဲ့ကြောင်း ဒေသတွင်း NBC News သတင်းဌာနက ဖော်ပြခဲ့သည်။

အဆိုပါ မတော်တဆမှုသည် တနင်္ဂနွေနေ့က San Gabriel တောင်တန်းဒေသရှိ အဝေးပြေးလမ်းမတစ်ခုပေါ်တွင် ဖြစ်ပွားခဲ့ခြင်းဖြစ်သည်။ အသက် ၅၅ နှစ်အရွယ် Zampella လိုက်ပါလာသည့် ကားသည် ကွန်ကရစ်အတားအဆီးတစ်ခုကို တိုက်မိကာ မီးလေ-ာင်ကျွမ်းခဲ့ခြင်းဖြစ်ပြီး ယာဉ်မောင်းနှင့် ခရီးသည်နှစ်ဦးစလုံးမှာ ရရှိသောဒ-ဏ်ရာများဖြင့် ကွယ်လွန်သွားခဲ့သည်။ လက်ရှိအချိန်အထိ မတော်တဆမှု ဖြစ်ပွားရသည့်အကြောင်းရင်းကို မသိရှိရသေးချေ။

Vince Zampella သည် အောင်မြင်ကျော်ကြားလှသော Call of Duty ဂိမ်းစီးရီးများကို ထုတ်လုပ်ခဲ့သည့် Infinity Ward ကုမ္ပဏီ၏ စီအီးအိုဟောင်းတစ်ဦးဖြစ်သည်။ ၂၀၁၀ ခုနှစ်တွင် သူသည် Titanfall နှင့် Star Wars Jedi: Fallen Order တို့ကို ထုတ်လုပ်ခဲ့သည့် Respawn Entertainment ကို ပူးတွဲတည်ထောင်ခဲ့သည်။ ထိုကုမ္ပဏီကို ၂၀၁၇ ခုနှစ်တွင် နည်းပညာကုမ္ပဏီကြီးဖြစ်သော EA က ဝယ်ယူခဲ့သည်။ မကြာသေးမီက သူသည် EA ၏ Battlefield ဂိမ်းစီးရီးတွင် အကြီးအကဲအဖြစ် တာဝန်ယူခဲ့သူလည်း ဖြစ်သည်။

ချမ်းအေးသာစံမြို့နယ်၌ (၂)ထပ်နေအိမ်တစ်လုံးတွင် မီးလေ-ာင်မှုဖြစ်

မန္တလေးတိုင်း၊ ချမ်းအေးသာစံမြို့နယ်ရှိ (၂)ထပ်နေ အိမ်တစ်လုံးတွင် ယနေ့ ဒီဇင်ဘာ ၂၃ ရက်နံနက်ပိုင်းက မီးလေ-ာင်မှုဖြစ်ပွားခဲ့ကြောင်း မီးသတ်တပ်ဖွဲ့ထံမှ သိရသည်။

ချမ်းအေးသာစံမြို့နယ် ၇၃ လမ်းနှင့် ၇၄ လမ်းကြား ၃၅ လမ်း၊ မောရဂီဝရပ်ကွက်ရှိ (၂)ထပ်ပျဥ်ထောင်အိမ်တစ်လုံးတွင် မီးလေ-ာင်မှုဖြစ်ပွား၍ ချမ်းအေးသာစံမြို့နယ် မီးသတ်စခန်းမှတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များနှင့် လူမှုကူညီရေးအသင်းဝင်များက ပူးပေါင်းငြှိမ်းသတ်ခဲ့ကြသဖြင့် နံနက် ၇ နာရီ ၂၈ မိနစ်တွင် မီးငြိမ်းသွားခဲ့ကြောင်း သိရသည်။

မုံရွာမြို့နယ်မှ ခရီးဝေးသွားမည့် ဝန်ထမ်းများ ကြိုတင်ဆန္ဒမဲပေး

မုံရွာမြို့နယ်တွင် ရွေးကောက်ပွဲနေ့ မတိုင်မီ ခရီးဝေးတွင် တာဝန်များ ထမ်းဆောင်ကြမည့် ဝန်ထမ်းများသည် ဒီဇင် ဘာ (၂၂)ရက် ၊ နံနက်ပိုင်းက မုံရွာမြို့နယ် နန္န္ဒဝန်ရပ်ကွက်ရှိ မြို့နယ်စုပေါင်းရုံးတွင် ပဥ္စမနေ့အဖြစ် ကြိုတင်ဆန္ဒမဲ ပေးခဲ့ကြောင်း သိရသည်။

၂၀၂၅ ခုနှစ်၊ ဒီဇင်ဘာ (၂၈) ရက်တွင် ကျင်းပမည့် ပါတီစုံဒီမိုကရေစီအထွေထွေ ရွေးကောက်ပွဲကျင်းပသည့်နေ့နှင့် ယင်းနေ့မတိုင်မီ နိုင်ငံတော်တာဝန်များဖြင့် ခရီးဝေးသွားလာကြမည့် ဝန်ထမ်းများအနေဖြင့် ကြိုတင်ဆန္ဒမဲများပေးခြင်းဖြစ်သည်။

မုံရွာမြို့နယ်အတွင်း ခရီးဝေးသွားလာကြသည့် ဝန်ထမ်းများနှင့် ပြည်သူများ ကြိုတင်ဆန္ဒမဲကို ဒီဇင်ဘာ (၂၇)ရက်အထိ ဆက်လက်ဆောင်ရွက်ပေးသွားမည်ဖြစ်ကြောင်း သိရသည်။

ကြိုတင်ဆန္ဒမဲပေးကြရာတွင် ပြည်သူနှင့် နိုင်ငံ့ဝန်ထမ်းများက သတ်မှတ်နေရာများ၌ မဲပေးလျက်ရှိရာ မြို့နယ်စီမံခန့်ခွဲရေးနှင့် အုပ်ချုပ်ရေးကော်မတီ ဥက္ကဋ္ဌနှင့် အဖွဲ့ဝင်များ၊ မြို့နယ်ရွေးကောက်ပွဲကော်မရှင်အဖွဲ့ခွဲ အတွင်းရေးမှူး နှင့် မြို့နယ်ကော်မရှင်အဖွဲ့ဝင်များက လိုအပ်သည်များကို ဖြည့်ဆည်းပေါင်းစပ်ဆောင်ရွက်ပေးခဲ့သည်။

၂၀၂၅ ခုနှစ်အတွင်း သစ်လွင်သူနာပြု (၁၅၀၀)ကျော်နှင့် သစ်လွင်သားဖွား(၃၆၁)ဦးကို နိုင်ငံဝန်ထမ်းအဖြစ် ခန့်အပ်

ကျင့်ဝတ်များကို လိုက်နာရန်နှင့် ပြည်သူလူထုနင့်ဆက်ဆံရာတွင် ဖော်ရွှေစွာ ပြောဆိုဆက်ဆံကြစေလိုကြောင်း၊ကျန်းမာရေးဝန်ကြီးဌာနအနေဖြင့် ၂၀၂၅ ခုနစ်တွင် သစ်လွင်သူနာပြု(၁၅၂၀) နှင့် သစ်လွင်သားဖွား(၃၆၁) ဦးကို နိုင်ငံဝန်ထမ်းအဖြစ် ခန့်အပ်တာဝန်ပေးနိုင်ခဲ့ကြောင်း သိရသည်။

ထို့ပြင် ၂၀၂၆ ခုနှစ် ဖေဖေါ်ဝါရီလနှင့် မေလတို့၌ လည်း သူနာပြု (၁၇၆၂)ဦးကို သစ်လွင်သူနာပြုအဖြစ် ခန့်အပ်တာဝန်ပေးမည်ဖြစ်ကြောင်းလည်း သိရသည်။

သူနာပြု-သားဖွား ဒီပလိုမာ သုံးနှစ် သင်တန်းဆင်းမည်၊သစ်လွင်သူနာပြုများနှင့် သားဖွား ဒီပလိုမာ နှစ်နှစ်သင်တန်းဆင်းမည့် သစ်လွင်သားဖွားများကို နိုင်ငံဝန်ထမ်းအဖြစ် ယမန်နေ့ ဒီဇင်ဘာ ၂၂ ရက်နေ့က ခန့်အပ်လွှာပေးအပ်ခဲ့ခြင်းဖြစ်ကြောင်း သိရသည်။

ပြည်သူလူထုကို ကျန်းမာရေးစောင့်ရှောက်မှုပေးရာ၌ အရည်အသွေးအရည်အချင်းပါ ပြည့်ဝရုံသာမက ကျင့်ဝတ်များကိုလိုက်နာရန်နှင့် ပြည်သူလူထုနင့်ဆက်ဆံရာတွင် ဖော်ရွှေစွာ ပြောဆိုဆက်ဆံကြစေလိုကြောင်းလည်း ပြည်ထောင်စုဝန်ကြီး ပါမောက္ခ ဒေါက်တာသက်ခိုင်ဝင်း ကပြောကြာခဲ့သည်။

လက်ရှိ သူနာပြု၊သားဖွားသင်တန်းကျောင်းနှင့် ရန်ကုန်တိုင်းအတွင်းရှိ သူနာပြု သားဖွားသင်တန်းကျောင်းများ၊ ရန်ကုန်ဗဟိုသားဖွားသင်တန်းကျောင်းများမှ သစ်လွင်သူနာပြုများ၊ သားဖွားများကို မွေးထုတ်ပေးနေခြင်းလည်း ဖြစ်သည်။

AI နည်းပညာဖြင့် ဥပဒေအသိပညာ ပြန့်ပွားရေးလုပ်ငန်းများ ဆောင်ရွက်နိုင်ရန် လုပ်ဆောင်နေ

ဥပဒေရေးရာဝန်ကြီးဌာနနှင့် အမျိုးသားညဏ်ရည်တုနည်းပညာ ဖွံ့ဖြိုးတိုးတက်ရေးစီမံကိန်းတို့ ပူးပေါင်းပြီး AI နည်းပညာဖြင့် ဥပဒေအသိပညာပြန့်ပွားရေးလုပ်ငန်းများ ဆောင်ရွက်နိုင်ရန် လုပ်ဆောင်နေကြောင်း သိရသည်။

လက်ရှိတွင် AI နည်းပညာဖြင့် ဥပဒေအသိပညာပြန့်ပွားရေးကြီးကြပ်မှု ကော်မတီကိုလည်း ဖွဲ့စည်းထားပြီး Legal Assistant AI Model ဆောင်ရွက်ကာ ဥပဒေအသိပညာအချက်အလက်များကို ထည့်သွင်းပြီးစီးမှုနှင့်ပတ်သက်ပြီး ယမန်နေ့က ကော်မတီ အစည်းဝေးပြုလုပ်ခဲ့ကြောင်း သိရသည်။

AI နည်းပညာဖြင့် ဥပဒေအသိပညာ ပြန့်ပွားရေးလုပ်ငန်းဆောင်ရွက်ရန် DATA Collection ပြုလုပ်ခြင်းနှင့် ရရှိပြီးသည့် data များကို Legal Assistant AI Model အတွင်း ထည့်သွင်းလေ့ကျင်မှုများလည်း လုပ်ဆောင်နေကြောင်း သိရသည်။

AI နည်းပညာကို ဥပဒေအသိပညာနှင့် ချိတ်ဆက်ပြီး ပြည်သူများကို ဥပ‌ဒေဗဟုသုတအသိပညာများကို ဖြန့်ဖြူးနိုင်ရေးနှင့် Legal Assistant AI Model ပိုမို‌ကောင်းမွန်ရန်နှင့် ထပ်မံထည့်သွင်းလေ့ကျင့်ရမည် ဥပဒေများအတွက် အချက်အလက်များစုဆောင်းနိုင်ရန် သက်ဆိုင်ရာဝန်ကြီးဌာနများနှင့် ပေါင်းစပ်ဆောင်ရွက်ရေးတို့ကို ဆွေးနွေးခဲ့ကြောင်း သိရသည်။

အဆိုပါ အစည်းအဝေးကို ဥပဒေရေးရာဝန်ကြီးဌာန ပြည်ထောင်စုဝန်ကြီး၊ ပြည်ထောင်စုရှေ့နေ့ချုပ် ဒေါက်တာသီတာဦးနှင့် ဒုတိယဝန်ကြီး ဒုတိယရှေ့နေချုပ် ညွှန်ကြားရေးမှုးချုပ်များ အမျိုးသား ညဏ်ရည်တုနည်းပညာ ဖွံ့ဖြိုးတိုးတက်ရေးစီမံကိန်းမှ ဒါရိုက်တာအဖွဲ့ဝင်များတက်ရောက်ခဲ့ကြောင်း သိရသည်။