တရုတ်သို့ ဆန်/ဆန်ကွဲ တင်ပို့လိုသူများအတွက် GACC မှတ်ပုံတင်ရေးသင်တန်း ပဉ္စမအကြိမ် ဖွင့်လှစ်

တရုတ်ပြည်သူ့သမ္မတနိုင်ငံသို့ ဆန်နှင့် ဆန်ကွဲများ တင်ပို့နိုင်ရေးအတွက် အခြေခံလိုအပ်ချက်ဖြစ်သည့် GACC မှတ်ပုံတင်ခွင့်ရရှိရေးသင်တန်းကို စက်တင်ဘာ ၉ ရက်က ရန်ကုန်မြို့ရှိ ကုန်သည်စက်မှုအသင်းချုပ် (UMFCCI) မင်္ဂလာခန်းမ၌ ပဉ္စမအကြိမ်အဖြစ် ဖွင့်လှစ်ခဲ့ကြောင်း သိရသည်။
အဆိုပါသင်တန်းတွင် တရုတ်နိုင်ငံသို့ ဆန်နှင့် ဆန်ကွဲတင်ပို့ရာ၌ လိုက်နာရမည့် မြန်မာ-တရုတ် နှစ်နိုင်ငံအကြား Sanitary and Phytosanitary (SPS) Protocol ပါ သတ်မှတ်ချက်များ၊ သိုလှောင်ရုံများတွင် ပိုးမွှားထိန်းချုပ်ကာကွယ်ရေး၊ အစားအသောက်ဘေးကင်းလုံခြုံရေးနှင့် ဆန်စက်၊ သိုလှောင်ရုံများ၏ အရည်အသွေးစီမံခန့်ခွဲမှုဆိုင်ရာ လုပ်ထုံးလုပ်နည်းများကို ရှင်းလင်းဆွေးနွေးခဲ့ကြသည်။
ထို့ပြင် စိုက်ပျိုးရေးဦးစီးဌာန၊ စားသုံးသူရေးရာဦးစီးဌာနနှင့် မြန်မာကုန်ပစ္စည်းစစ်ဆေးရေးနှင့် စမ်းသပ်မှုလုပ်ငန်းလီမိတက် (MITS) တို့မှ တာဝန်ရှိသူများက GACC မှတ်ပုံတင်ရေးလုပ်ငန်းစဉ်များနှင့် Online Registration လျှောက်ထားရာတွင် သတိပြုရမည့်အချက်များကို လမ်းညွှန်ဆွေးနွေးခဲ့ကြသည်။
သင်တန်းတွင် တရုတ်ဈေးကွက်အပြင် ဥရောပ၊ အာဖရိကနှင့် အာရှဈေးကွက်များသို့ ဆန်နှင့် ဆန်ကွဲပို့ကုန်ဈေးကွက် ချဲ့ထွင်နိုင်ရေး၊ ပို့ကုန်ဝင်ငွေ အချိန်မီပြန်လည်ဝင်ရောက်ရေးနှင့် MyRO တွင် သိုလှောင်ရုံမှတ်ပုံတင်ရေး လုပ်ထုံးလုပ်နည်းများကိုလည်း ထည့်သွင်းဆွေးနွေးခဲ့သည်။
အဆိုပါသင်တန်းသို့ ကုမ္ပဏီ ၃၇ ခုမှ သင်တန်းသား၊ သင်တန်းသူ စုစုပေါင်း ၈၀ ဦး တက်ရောက်ခဲ့ကြပြီး နိုင်ငံတကာဈေးကွက် သတ်မှတ်ချက်များနှင့်အညီ အရည်အသွေးမီ ဆန်နှင့် ဆန်ကွဲများ တင်ပို့နိုင်ရေးအတွက် လိုအပ်သည့် အသိပညာနှင့် လုပ်ထုံးလုပ်နည်းများကို လေ့လာခဲ့ကြကြောင်း သိရသည်။

တရားမဝင်လျှပ်စစ်ဓာတ်အားသုံးစွဲမှုများကို ဆက် လက်ဖော်ထုတ်အရေးယူသွားမည်

တရားမဝင်လျှပ်စစ်ဓာတ်အားသုံးစွဲမှုများကို ဆက် လက်ဖော်ထုတ်အရေးယူသွားမည်ဟု ရန်ကုန်လျှပ်စစ် ဓာတ်အားပေးရေးကော်ပိုရေးရှင်း (YESC)ဥက္ကဋ္ဌက ယ နေ့ စက်တင်ဘာ ၁၀ ရက်နေ့လယ် ၁ နာရီတွင် မြောင်းတကာစက်မှုဇုန်ရှိ Sky Man သံရည်ကျိုလုပ်ငန်း၌ တ ရားမဝင်ဓာတ်အားသုံးစွဲမှုကိုဖော်ထုတ်နိုင်ခဲ့သည့် လျှပ် စစ်ဝန်ထမ်း(၆)ဦးအား ချီးမြှင့်ဂုဏ်ပြုသည့်မှတ်တမ်းလွှာပေးအပ်ရာ၌ပြောကြားခဲ့ခြင်းဖြစ်သည်။
မသမာသောနည်းလမ်းများအသုံးပြု၍ တရားမဝင်ဓာတ်အားရယူသုံးစွဲမှုများကို ဇူလိုင် ၃၁ ရက် နောက် ဆုံးထားဆက်သွယ်အသိပေးရန်နှင့် အသိပေးလာပါက ဖြေလျှော့ပေးခြင်းများပြုလုပ်ပေးမည်ဖြစ်ပြီး သတ် မှတ်ကာလကျော်လွန်ချိန်တွင် တရားမဝင်ဓာတ်အားသုံးစွဲမှုများကို Control Center များမှစစ်ဆေးလျက်ရှိသည်ဟု ပြောသည်။
ထိုသို့ စစ်ဆေးပြီး တရားမဝင်ဓာတ်အားသုံးစွဲမှုများကို ပြဋ္ဌာန်းထားသည့် လျှပ်စစ်ဥပဒေများနှင့်အညီ ဒဏ်ကြေးငွေပေးဆောင်စေခြင်း၊ မီတာအသုံးပြုခွင့်ကို ကာ လအကန့်အသတ်ဖြင့်ရပ်ဆိုင်းခြင်း(သို့)ပယ်ဖျက်ခြင်းနှင့် လုပ်ငန်းလိုင်စင်ပိတ်သိမ်းခြင်းများဆောင်ရွက်လျက်ရှိကာ ဆက်သွယ်အသိပေးလာသူများကို ဖြေ လျှော့မှုများပြုလုပ်ပေးခဲ့သည်ဟု ပြောသည်။
" တရားမဝင်ဓာတ်အားသုံးစွဲမှုတွေကို ဆက်လက်ဖော် ထုတ်အရေးယူသွားမယ်။ တရားမဝင်ဓာတ်အားသုံးစွဲမှုတွေကို ရှာဖွေဖော်ထုတ်ဖမ်းဆီးခဲ့တဲ့ ဝန်ထမ်းတွေကို ထိုက်တန်စွာဂုဏ်ပြုချီးမြှင့်ပေးနေသလို တစ်ဖက်မှာလည်း ဝန်ထမ်းတွေအနေနဲ့ မသမာမှုကိစ္စတွေမှာပါဝင်ပတ်သက်မှုမရှိအောင် တာဝန်ရှိသူအဆင့်ဆင့်က အ လေးထားကြပ်မတ်ရပါမယ်"ဟု YESC ဥက္ကဋ္ဌက ပြော သည်။
ထို့နောက် YESC ဥက္ကဋ္ဌက Sky Man သံရည်ကျိုလုပ် ငန်း၏ တရားမဝင်ဓာတ်အားသုံးစွဲမှုကြောင့် နစ်နာခဲ့သည့် ဓာတ်အားခလျော်ကြေးများပြန်လည်ရရှိရေးနှင့် Losses ကျဆင်းရေးကြိုးပမ်းဆောင်ရွက်ခဲ့ကြသည့် လျှပ်စစ်နှင့်စွမ်းအင်ဝန်ကြီးဌာနမှ ဝန်ထမ်း(၆)ဦးကို ပြည်ထောင်စုဝန်ကြီးကချီးမြှင့်ဂုဏ်ပြုသည့် ဂုဏ်ပြုမှတ်တမ်းလွှာများကိုပေးအပ်ချီးမြှင့်ခဲ့သည်။

နိုင်ငံတကာအွန်လိုင်းလိမ်လည်မှုတို-က်ဖျ-က်ရေးပူး ပေါင်းအဖွဲ့ ဖွဲ့စည်း

နိုင်ငံတကာ အွန်လိုင်းလိမ်လည်မှုတို-က်ဖျ-က်ရေး ပူး ပေါင်းအဖွဲ့ (International Alliance for Combating Telecom and Cyber Fraud)ဖွဲ့စည်းခြင်းကို ယနေ့ စက်တင် ဘာ ၁၀ ရက်တွင် တရုတ်နိုင်ငံ၊ Jiangsu ပြည်နယ်၊ Lianyungang မြို့၌ကျင်းပခဲ့ကြောင်း မြန်မာနိုင်ငံဆိုင်ရာ တရုတ်နိုင်ငံသံရုံးထံမှ သိရသည်။
တရုတ်၊ ဗီယက်နမ်၊ လာအို၊ ကင်ညာ၊ ကမ္ဘောဒီးယား၊ ပါကစ္စတန်၊ ရုရှားနိုင်ငံတို့အပါအဝင် ပူးပေါင်းအဖွဲ့ စ တင်ဖွဲ့စည်းရန်အဆိုပြုခဲ့သည့် နိုင်ငံများနှင့် တည် ထောင်သူနိုင်ငံများမှ ကိုယ်စားလှယ်များက မိန့်ခွန်းနှင့် အမှာစကားများပြောကြားခဲ့ကြပြီး INTERPOL ကိုယ်စားလှယ်က ဂုဏ်ပြုစကားပြောကြားခဲ့ကြောင်း သိရသည်။
အဆိုပါ နိုင်ငံတကာအွန်လိုင်းလိမ်လည်မှုတို-က်ဖျ-က်ရေးပူးပေါင်းအဖွဲ့အား ကမ္ဘာလုံးဆိုင်ရာလုံခြုံရေးအစီအမံနှင့် ကမ္ဘာလုံးဆိုင်ရာအုပ်ချုပ်မှုအစီအမံတို့ကို နက်ရှိုင်းစွာအကောင်အထည်ဖော်ရန်ရည်ရွယ်၍ တရုတ်နိုင်ငံအစိုးရက စတင်အဆိုပြုဖွဲ့စည်းခြင်းဖြစ်ကြောင်း သိရသည်။
ယင်း အဖွဲ့သည် နိုင်ငံအသီးသီး၏ ဥပဒေစိုးမိုးရေးဌာနများကျယ်ပြန့်စွာပါဝင်နိုင်သည့် နိုင်ငံဖြတ်ကျော်အွန်လိုင်းမှတစ်ဆင့် လိမ်လည်မှုနှင့် ဆက်စပ်သည့် ပြစ်မှုများကိုထိရောက်စွာတုံ့ပြန်ကိုင်တွယ်ခြင်းကို အဓိကတာဝန်အဖြစ်ဆောင်ရွက်သွားမည်ဖြစ်ကာ လုပ်ဆောင်နိုင်စွမ်းနှင့် ညှိနှိုင်းဆောင်ရွက်နိုင်စွမ်းအတိုင်းအတာတစ်ရပ်ရှိပြီး ကျွမ်းကျင်မှုရှိသောအစိုးရအချင်းချင်း နိုင်ငံတကာအဖွဲ့အစည်းဖြစ်ကြောင်း သိရသည်။

ရန်ကုန်တိုင်း MSME Agency အဖွဲ့ဝင်များနှင့် ကျောက်တန်းမြို့နယ်မှ MSME လုပ်ငန်းရှင်များတွေ့ဆုံ

မြို့နယ်မှ MSME လုပ်ငန်းရှင်များ၏မေးမြန်းမှုကို Agency ဥက္ကဋ္ဌနှင့် တာဝန်ရှိသူများကရှင်းလင်းဖြေ ကြား
ရန်ကုန်တိုင်းဒေသကြီး MSME Agency အဖွဲ့ဝင်များနှင့် ကျောက်တန်းမြို့နယ်မှ MSME လုပ်ငန်းရှင်များ စက်တင်ဘာ ၉ ရက်မွန်းလွဲပိုင်းက ကျောက်တန်းမြို့နယ် သာသနာ့ဗိမ္မာန်ခန်းမ၌တွေ့ဆုံခဲ့ကြသည်။
ရန်ကုန်တိုင်းဒေသကြီး MSME အေဂျင်စီ ဥက္ကဋ္ဌ၊ ရန် ကုန်တိုင်းအစိုးရအဖွဲ့ လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီးဒေါက်တာမျိုးသော် တက်ရောက်၍ ကျောက်တန်းမြို့နယ်မှ MSME လုပ်ငန်းရှင်များ ကြုံတွေ့နေရသည့်အခက်အခဲများမေးမြန်းမှုကိုရှင်းလင်းဖြေကြားခဲ့သည်။
ကျောက်တန်းမြို့နယ်မှ MSME လုပ်ငန်းရှင်များ၏မေးမြန်းမှုများကို စီးပွားကူးသန်း၊ SMEDB Bank၊ ကုန်သွယ်ရေးဦးစီးဌာန၊ ရန်ကုန်တိုင်းဒေသကြီး စက်မှုကြီးကြပ်ရေးနှင့် စစ်ဆေးရေးဦးစီးဌာန၊ လျှပ်စစ်ဓာတ်အားဖြန့်ဖြူးရေးလုပ်ငန်း(YESC)၊ မြေစာရင်းဦးစီးဌာန၊ ရေနံထွက်ပစ္စည်းကြီးကြပ်စစ်ဆေးရေးဦးစီးဌာနနှင့် အထွေထွေအုပ်ချုပ်ရေးဦးစီးဌာနတို့မှ တာဝန်ရှိသူများကလည်း သက်ဆိုင်ရာကဏ္ဍအလိုက် ရှင်းလင်းဖြေကြားခဲ့ကြသည်။
ထို့ပြင် စက်မှုကြီးကြပ်ရေးနှင့် စစ်ဆေးရေးဦးစီးဌာန၊ MSME ဌာနမှဝန်ထမ်းများကလည်း တက်ရောက်လာကြသည့် ကျောက်တန်းမြို့နယ်မှ MSME လုပ်ငန်းရှင်များကို SME ယာယီမှတ်ပုံတင်လက်မှတ်များအား One Stop Service စနစ်ဖြင့် ပြုလုပ်ပေးခဲ့ကြသည်။

ဒစ်ဂျစ်တယ်ငွေကြေးစနစ်များကိုချိတ်ဆက်ရန်ဘရစ်ကိုအိန္ဒိယတွန်းနေ

တိုးတက်မှုကို ကန့်သတ်နိုင်သည့် နိုင်ငံရေးနှင့် နည်းပညာဆိုင်ရာ အတားအဆီးများရှိနေသော်လည်း အိန္ဒိယနိုင်ငံသည် ယခုသီတင်းပတ်အနှောင်းပိုင်းတွင် ကျင်းပမည့် ထိပ်သီးအစည်းအဝေးတွင် ဘရစ်(BRICS) နိုင်ငံများအတွင်း နယ်စပ်ဖြတ်ကျော် ငွေပေးချေမှုများအတွက် ဗဟိုဘဏ်ဒစ်ဂျစ်တယ်ငွေကြေး(CBDC) များကို ချိတ်ဆက်ရန် တွန်းအားပေးနေကြောင်း ဆွေးနွေးမှုများကို သိရှိသော သတင်းရင်းမြစ်နှစ်ခုက ပြောကြားခဲ့သည်။
အိန္ဒိယသည် ယခုနှစ်တွင် ဘရစ်ဥက္ကဌအဖြစ် တာဝန်ယူထားပြီး စက်တင်ဘာလ ၁၂ ရက် နေ့မှ ၁၃ ရက်နေ့အထိ နူးဒေလီတွင် အဖွဲ့ခေါင်းဆောင်များ တွေ့ဆုံရန် စီစဉ်ထားသည်။ အိန္ဒိယဗဟိုဘဏ်(RBI) သည် နယ်စပ်ဖြတ်ကျော် ကုန်သွယ်မှုကို လွယ်ကူချောမွေ့စေရန်အတွက် နိုင်ငံများ၏ နိုင်ငံတော်ဒစ်ဂျစ်တယ်ငွေကြေးများကို ချိတ်ဆက်ရန် အဆိုပြုခဲ့ကြောင်း ရိုက်တာသတင်းဌာနက ဇန်နဝါရီလတွင် သတင်းဖော်ပြခဲ့သည်။
ဘရစ်အဖွဲ့တွင် ဘရာဇီး၊ ရုရှား၊ အိန္ဒိယ၊ တရုတ်နှင့် တောင်အာဖရိက၊ အီဂျစ်၊ အီသီယိုပီးယား၊ အင်ဒိုနီးရှား၊ အီရန်၊ ဆော်ဒီအာရေဗျနှင့် အာရပ်စော်ဘွားများပြည်ထောင်စု(ယူအေအီး) တို့ ပါဝင်သည်။
ကမ္ဘာတစ်ဝန်းတွင် ဒစ်ဂျစ်တယ်ငွေကြေးများကို အကန့်အသတ်ဖြင့် လက်ခံကျင့်သုံးခြင်းသည် အကောင်အထည်ဖော်မှုကို ရှုပ်ထွေးစေနိုင်သော်လည်း CBDC များ ချိတ်ဆက်ရန် အဆိုပြုချက်သည် ခေါင်းဆောင်များ၏ အစည်းအဝေးတွင် ဆွေးနွေးမှုအစီအစဉ်များ၏ တစ်စိတ်တစ်ပိုင်းဖြစ်လိမ့်မည်ဟု အမည်မဖော်လိုသည့် သတင်းရင်းမြစ်များက ပြောကြားခဲ့သည်။
အိန္ဒိယ၏ အဆိုပြုချက်သည် ရီယိုဒီဂျနေရိုးတွင် ကျင်းပခဲ့သော ဘရစ်ထိပ်သီးအစည်းအဝေး၏ ၂၀၂၅ ခုနှစ်ကြေညာချက်ကို အခြေခံ၍ တည်ဆောက်သွားမည်ဖြစ်ပြီး အဖွဲ့ဝင်နိုင်ငံများ၏ ငွေပေးချေမှုစနစ်များအကြား အပြန်အလှန်လည်ပတ်နိုင်မှုကို တွန်းအားပေးကာ နယ်စပ်ဖြတ်ကျော်ငွေပေးချေမှုများကို ပိုမိုထိရောက်စေမည်ဖြစ်သည်။
သို့သော် CBDC များကို ချိတ်ဆက်ရန် မည်သည့် ဆောင်ရွက်မှုမဆိုသည် သိသာထင်ရှားသော စိန်ခေါ်မှုများနှင့် ရင်ဆိုင်ရဖွယ်ရှိသည်။ ဘရစ်အတွင်း ဘုံငွေပေးချေမှုယန္တရားများ ဖန်တီးခြင်းဆိုင်ရာ ယခင်ဆွေးနွေးမှုများသည် တိုးတက်မှု သည် မဆိူစလောက်သာ ရှိခဲ့ပြီး နိုင်ငံအသီးသီးတွင် ဘဏ္ဍာရေးအခြေခံအဆောက်အဦများ ကို ပေါင်းစည်းရာတွင် အခက်အခဲများကို မီးမောင်းထိုးပြနေသည်။

ဆော်ဒီကိုတို-က်နေသောဟူသီအဖွဲ့ကိုထိန်းရန်အီရန်ကိုပါကစ္စတန် သတိပေး

အကျပ်အတည်း ပိုမိုဆိုးရွားမလာစေရေး ညှိနှိုင်းဆောင်ရွက်မှုအနေဖြင့် ဆော်ဒီကို တို-က်ခိုက်မှုများ ကို အရှိန်မြှင့်လာသော အီရန်၏ မဟာမိတ် ယီမင်ဟူသီများကို ထိန်းပေးရန် ပါကစ္စတန်က အီရန်ကို သတိပေးခဲ့ကြောင်း ဆော်ဒီ၊ ပါကစ္စတန်နှင့် အီရန်သတင်းရင်းမြစ်များက ပြောကြားခဲ့သည်။
ဖေဖော်ဝါရီလတွင် အမေရိကနှင့် အစ္စရေးတို့၏ အီရန်စစ်ပွဲစတင်ခဲ့ပြီးနောက်ပိုင်း ဆော်ဒီအာရေဗျနိုင်ငံ ကို အကြီးမားဆုံးတို-က်ခိုက်မှုများထဲမှ တစ်ခုအဖြစ် အင်္ဂါနေ့တွင် ခါမစ်မူရှိတ်ရှိ လေတပ်စခန်းနှင့် အနီးနားမြို့များရှိ ရေနံအခြေခံအဆောက်အဦ များကို ဟူသီတို့က တို-က်ခိုက်ခဲ့သောကြောင့် လူ ၇၃ ဦး ဒ-ဏ်ရာရရှိခဲ့သည်။
ဆော်ဒီစစ်လေယာဉ်များသည် ပြီးခဲ့သည့် ၁၂ နာရီအတွင်း ယီမင်ပြည်နယ်အသီးသီးတွင် လေကြောင်းတိုက်ခိုက်မှု ၅၄ ကြိမ်ပြုလုပ်ခဲ့ကြောင်းနှင့် ယင်းလုပ်ရပ်အတွက် ၎င်းတို့အနေဖြင့် လက်တုန့်ပြန်မှု၊ အပြစ်ပေးမှု မဖြစ်မနေလုပ်သွားမည်ဟု ဟူသီစစ်တပ်ပြောရေးဆိုခွင့်ရှိသူ ယာယာဆာရီက ဗုဒ္ဓဟူးနေ့တွင် ပြောကြားခဲ့သည်။
စစ်ပွဲစခဲ့ပြီးနောက်ပိုင်း အမေရိကန်ပြည်ထောင်စုနှင့် အီရန်သည် ပင်လယ်ကွေ့ဒေသရှိ ကုန်သွယ်သင်္ဘောများကို အကြီးမားဆုံး အပြန်အလှန် လက်တုန့်ပြန်တို-က်ခိုက်မှုများ ပြုလုပ်နေချိန်တွင် ကမ္ဘာတစ်ဝန်း စွမ်းအင်ထောက်ပံ့ ဖြည့်တင်းမှုများကို အန္တရာယ်ပြုခြိမ်းခြောက်သည့် ဒုတိယစစ်မြေပြင်၏ ပဋိပက္ခမြင့်တက်လာခြင်းဖြစ်သည်။
ဆော်ဒီအာရေဗျ၊ တူကီယေးတို့နှင့် ကာကွယ်ရေးသဘောတူညီချက်ရှိထားသောကြောင့် ပါကစ္စတန်၏ အီရန်အပေါ် သတိပေးချက်သည် သိသာထိရောက်သည့် အရေးပါမှုရှိသည်။
စစ်ရေးအရ ပါဝင်မှုတိုင်းသည် ဆော်ဒီနယ်မြေကို ကာကွယ်ရန်အတွက်သာ ကန့်သတ်ထားသည်ဟု အစ္စလမ်မာဘတ်ရှိ အရာရှိများက ပြောကြားသော်လည်း ဆော်ဒီနိုင်ငံအတွင်းထိ ရောက်ရှိလာသော တို-က်ခိုက်မှုများသည် ရီယာ့ဒ်၊ အန်ကာရာနှင့် အစ္စလမ်မာဘတ်တို့ပါဝင်သော ပူးတွဲလုံခြုံရေးအစီအစဉ်တစ်ခုကို ဖြစ်ပေါ်စေနိုင်ကြောင်း ပါကစ္စတန်ကာကွယ်ရေးဝန်ကြီး ခါဝါဂျာ အာဆစ်ဖ်က ပြောကြားခဲ့သည်။
“တစ်နိုင်ငံအပေါ် ကျူးကျော်မှုကို သုံးနိုင်ငံစလုံးအပေါ် ကျူးကျော်မှုအဖြစ် မှတ်ယူမည်” ဟု အာဆစ်ဖ်က ပါကစ္စတန်တီဗီမှတဆင့် ပြောကြားခဲ့သည်။
“မရေရာမှု ဒါမှမဟုတ် သံသယ ဆိုတာ မရှိပါဘူး။ ဆော်ဒီနိုင်ငံအတွင်းကို ဆော်ဒီက မစဘဲ ဆော်ဒီကျုးကျော်ရန်စတာ ဒါမှမဟုတ် ဘေးပတ်ဝန်းကျင် ကို တိုက်ခိုက်ရင်း ဆော်ဒီထဲကို ရောက်လာတာမျိုးဟာ ဒီသဘောတူညီချက်ကို သေချာပေါက် အသက်ဝင်စေမှာပါ” ဟု ၎င်းက ပြောကြားခဲ့သည်။
ပါကစ္စတန်ကာကွယ်ရေးဝန်ကြီးဌာန၊ နိုင်ငံခြားရေးဝန်ကြီးဌာနနှင့် စစ်တပ်တို့ကမူ ထိုကိစ္စနှင့်ပတ်သက်၍ မှတ်ချက်ပေးရန် တောင်းဆိုမှုအပေါ် တုန့်ပြန်ဖြေကြားခြင်း မရှိခဲ့ပေ။

တံတားဦးအပြည်ပြည်ဆိုင်ရာလေဆိပ်ကို FPV Suicide Drone များဖြင့် တို-က်ခိုက်ရန်ကြိုးပမ်းမှု လုံခြုံရေးတပ်ဖွဲ့များ ဟန့်တားနိုင်ခဲ့

PDF အမည်ခံ အကြမ်းဖက်သောင်းကျန်းသူအဖွဲ့များက တံတားဦးအပြည်ပြည်ဆိုင်ရာလေဆိပ်နှင့် အနီးဝန်းကျင်နေရာများကို FPV Suicide Drone များဖြင့် တို-က်ခိုက်ရန် ကြိုးပမ်းခဲ့ရာ လုံခြုံရေးတပ်ဖွဲ့ဝင်များက လေကြောင်းရန်ကာကွယ်ရေးစနစ်များဖြင့် ဟန့်တားနိုင်ခဲ့ကြောင်း သိရသည်။
PDF အမည်ခံ အကြမ်းဖက်သောင်းကျန်းသူအဖွဲ့များအနေဖြင့် ဒေသဖွံ့ဖြိုးတိုးတက်မှု ပျ-က်စီးစေရန်၊ အစိုးရ၏ အုပ်ချုပ်မှုယန္တရား ပျ-က်ပြားစေရန်နှင့် ဒေသတည်ငြိမ်အေးချမ်းမှု ပျ-က်ပြားစေရန် ရည်ရွယ်၍ အခြေခံအဆောက်အအုံများ၊ လမ်းတံတားများ၊ စာသင်ကျောင်းများ၊ ဆေးရုံများနှင့် ဘာသာရေးအဆောက်အအုံများကို ပ-စ်ခတ်တို-က်ခိုက်ခြင်း၊ Drone များအသုံးပြု၍ Drop Bomb များ ပစ်ချတို-က်ခိုက်ခြင်းတို့ ပြုလုပ်လျက်ရှိကြောင်း ထုတ်ပြန်ချက်တွင် ဖော်ပြထားသည်။
ယင်းသို့ ဆောင်ရွက်လျက်ရှိရာ ယနေ့ နံနက်ပိုင်းတွင် တံတားဦးမြို့နယ်ရှိ အများပြည်သူအသုံးပြုလျက်ရှိသည့် တံတားဦးအပြည်ပြည်ဆိုင်ရာလေဆိပ်နှင့် အနီးဝန်းကျင်နေရာများသို့ FPV Suicide Drone ခြောက်စင်းဖြင့် တို-က်ခိုက်ရန် ကြိုးပမ်းခဲ့ခြင်းဖြစ်ကြောင်း သိရသည်။
အဆိုပါ Drone များကို လုံခြုံရေးတပ်ဖွဲ့ဝင်များက လေကြောင်းရန်ကာကွယ်ရေးစနစ်များဖြင့် ဟန့်တားခဲ့ပြီး Drone ရန်ကာကွယ်ရေးအစီအမံများဖြင့်လည်း ဟန့်တားနိုင်ခဲ့ကြောင်း ထုတ်ပြန်ချက်အရ သိရသည်။
ထို့ပြင် အများပြည်သူများ အန္တရာယ်ကင်းရှင်းရေးအတွက် Drone ယာဉ်များ ကျရောက်နိုင်သည့်နေရာများတွင် လုံခြုံရေးတပ်ဖွဲ့ဝင်များက စနစ်တကျ သတ်မှတ်ရှင်းလင်းခြင်းများ ဆောင်ရွက်ခဲ့ကြောင်း သိရသည်။
အများပြည်သူသွားလာရေးနှင့် ကုန်စည်စီးဆင်းမှု မြန်ဆန်စေရေးအတွက် အဓိကအသုံးပြုနေသည့် လေကြောင်းပို့ဆောင်ရေးဆိုင်ရာ အခြေခံအဆောက်အအုံတစ်ခုကို ရည်ရွယ်ချက်ရှိရှိ တိုက်ခိုက်ခြင်းသည် ဂျီနီဗာကွန်ဗင်းရှင်းများနှင့် အပြည်ပြည်ဆိုင်ရာ လူသားချင်းစာနာထောက်ထားမှုဥပဒေတို့အရ စစ်ရာဇဝတ်မှု (War Crime) ကျူးလွန်ခြင်းဖြစ်ကြောင်းလည်း ထုတ်ပြန်ချက်တွင် ဖော်ပြထားသည်။
ယင်းဖြစ်စဉ်နှင့်ပတ်သက်၍ လုံခြုံရေးတပ်ဖွဲ့ဝင်များက အများပြည်သူအန္တရာယ်ကင်းရှင်းရေးအတွက် လိုအပ်သည့် လုံခြုံရေးလုပ်ငန်းများကို ပြည်သူများနှင့်ပူးပေါင်း၍ ဆက်လက်ဆောင်ရွက်လျက်ရှိကြောင်း သိရသည်။

နိုင်ငံတော်သမ္မတ ဦးမင်းအောင်လှိုင် ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် စတင်ထွက်ခွာ

နိုင်ငံတော်သမ္မတ ဦးမင်းအောင်လှိုင်သည် ကမ္ဘောဒီးယားနိုင်ငံဘုရင်မင်းမြတ် ပရယ်ဘတ် ဆမ်ဒက် ပရယ် ဘိုရိုနစ် နိုရိုဒွန် သီဟာမိုနီ၏ ဖိတ်ကြားချက်အရ ကမ္ဘောဒီးယားနိုင်ငံသို့ စက်တင်ဘာ ၁၁ ရက်မှ ၁၂ ရက်အထိ နိုင်ငံတော်အဆင့် ချစ်ကြည်ရေးခရီးစဉ် (State Visit) သွားရောက်ရန် ယနေ့ စက်တင်ဘာ ၁၁ ရက် နံနက်ပိုင်းတွင် စတင်ထွက်ခွာခဲ့သည်။
နိုင်ငံတော်သမ္မတသည် နေပြည်တော် တပ်မတော်လေဆိပ်မှ အထူးလေယာဉ်ဖြင့် ထွက်ခွာရာ ပြည်ထောင်စုအစိုးရအဖွဲ့မှ တာဝန်ရှိသူများ၊ မြန်မာနိုင်ငံဆိုင်ရာ ကမ္ဘောဒီးယားနိုင်ငံ သံအမတ်ကြီးနှင့် တာဝန်ရှိသူများက လေဆိပ်၌ ပို့ဆောင်နှုတ်ဆက်ခဲ့ကြပြီး နိုင်ငံတော်သမ္မတနှင့်အတူ ပြည်ထောင်စုဝန်ကြီးများနှင့် တာဝန်ရှိပုဂ္ဂိုလ်များ လိုက်ပါသွားကြသည်။
ခရီးစဉ်အတွင်း နိုင်ငံတော်သမ္မတသည် ကမ္ဘောဒီးယားနိုင်ငံ အထက်လွှတ်တော်ဥက္ကဋ္ဌနှင့် ယာယီနိုင်ငံတော်အကြီးအကဲ ဆမ်ဒက် အက်က မဟာ ဆီနာ ပဒေ တေချို ဟွန်ဆန်နှင့် တွေ့ဆုံ၍ နှစ်နိုင်ငံအကျိုးစီးပွားအတွက် ပူးပေါင်းဆောင်ရွက်မှုများ ပိုမိုတိုးမြှင့်နိုင်ရေး ဆွေးနွေးသွားမည်ဖြစ်သည်။
ထို့ပြင် ကမ္ဘောဒီးယားနိုင်ငံဝန်ကြီးချုပ် ဆမ်ဒက် မဟာ ဘော်ဗော် တိပဒေ ဟွန်မာနက်၊ ကမ္ဘောဒီးယားနိုင်ငံ အမျိုးသားလွှတ်တော်ဥက္ကဋ္ဌတို့နှင့်လည်း တွေ့ဆုံဆွေးနွေးမှုများ ပြုလုပ်မည်ဖြစ်သည်။
အဆိုပါ အဆင့်မြင့်တွေ့ဆုံဆွေးနွေးမှုများတွင် မြန်မာ-ကမ္ဘောဒီးယား နှစ်နိုင်ငံအကြား ရှိရင်းစွဲ ချစ်ကြည်ရင်းနှီးသည့် ဆက်ဆံရေး ပိုမိုခိုင်မာလာစေရေး၊ နှစ်နိုင်ငံအစိုးရများအကြား၊ လွှတ်တော်များအကြားနှင့် ပြည်သူများအကြား ပူးပေါင်းဆောင်ရွက်မှုများ တိုးမြှင့်ရေး၊ စီးပွားရေး၊ ယဉ်ကျေးမှုနှင့် အခြားကဏ္ဍပေါင်းစုံ၌ အကျိုးတူပူးပေါင်းဆောင်ရွက်မှုများ ပိုမိုတိုးတက်လာစေရေးတို့အပြင် ဒေသတွင်းနှင့် နိုင်ငံတကာရေးရာ အပြန်အလှန်စိတ်ဝင်စားသည့် ကိစ္စရပ်များကို ရင်းနှီးပွင့်လင်းစွာ အမြင်ချင်းဖလှယ် ဆွေးနွေးသွားမည်ဖြစ်သည်။
ခရီးစဉ်အတွင်း နိုင်ငံတော်သမ္မတသည် ကမ္ဘောဒီးယားနိုင်ငံရှိ လွတ်လပ်ရေးအထိမ်းအမှတ်ကျောက်တိုင် (Independence Monument) နှင့် ကွယ်လွန်သူ ဘုရင်ဖခင် နိုရိုဒွန် သီဟာနု၏ တော်ဝင်ရုပ်တု (Royal Statue of the Late King-Father Norodom Sihanouk) တို့၌ လွမ်းသူ့ပန်းခွေချ၍ အလေးပြုမည်ဖြစ်ပြီး အထင်ကရနေရာများနှင့် ရှေးဟောင်းယဉ်ကျေးမှုအမွေအနှစ်နေရာများသို့လည်း သွားရောက်လေ့လာမည်ဖြစ်သည်။
နိုင်ငံတော်သမ္မတ ဦးမင်းအောင်လှိုင်၏ ယခုနိုင်ငံတော်အဆင့် ချစ်ကြည်ရေးခရီးစဉ်သည် မြန်မာ-ကမ္ဘောဒီးယား နှစ်နိုင်ငံနှင့် နှစ်နိုင်ငံပြည်သူများအကြား နွေးထွေးသည့် ချစ်ကြည်ရင်းနှီးမှု သံယောဇဉ်များကို ပိုမိုခိုင်မာစေရန်နှင့် နှစ်နိုင်ငံ၏ ဘုံကတိကဝတ်များကို ထပ်လောင်းအတည်ပြုသည့် ခရီးစဉ်ဖြစ်လာမည်ဖြစ်ကြောင်း ကမ္ဘောဒီးယားနိုင်ငံ နိုင်ငံခြားရေးနှင့် အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာနက ထုတ်ပြန်ထားသည်။

ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ်လာရောက်သည့် မြန်မာနိုင်ငံတော်သမ္မတ ဦးမင်းအောင်လှိုင်အားကြိုဆိုဂုဏ်ပြုရန်ပြင်ဆင်

ကမ္ဘောဒီးယားနိုင်ငံဘုရင်မင်းမြတ်၏ ဖိတ်ကြားချက်အရ ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ်အဖြစ်လာရောက်သည့် နိုင်ငံတော်သမ္မတ ဦးမင်းအောင်လှိုင်အား ယနေ့ စက်တင်ဘာ ၁၁ ရက် နံနက်ပိုင်း၌ ဖနောင်ပင်မြို့၊ Techo အပြည်ပြည်ဆိုင်ရာလေဆိပ်တွင် ကော်ဇောနီတလျှောက် ဂုဏ်ပြုတပ်ဖွဲ့ငယ်များဖြင့်ကြိုဆိုရန် ပြင်ဆင်နေသည့်မြင်ကွင်းပုံရိပ်များဖြစ်သည်။

နိုင်ငံတော်သမ္မတ ဦးမင်းအောင်လှိုင် ဖနောင်ပင်မြို့ Techo အပြည်ပြည်ဆိုင်ရာလေဆိပ်သို့ ရောက်ရှိ

ကမ္ဘောဒီးယားနိုင်ငံသို့ နိုင်ငံတော်အဆင့် ချစ်ကြည်ရေးခရီးစဉ် (State Visit) အဖြစ် သွားရောက်သည့် နိုင်ငံတော်သမ္မတ ဦးမင်းအောင်လှိုင်သည် ယနေ့ စက်တင်ဘာ ၁၁ ရက် နံနက်ပိုင်းတွင် အထူးလေယာဉ်ဖြင့် ဖနောင်ပင်မြို့ရှိ Techo အပြည်ပြည်ဆိုင်ရာလေဆိပ်သို့ ဒေသစံတော်ချိန် နံနက် ၁၀ နာရီ ၂၅ မိနစ်တွင် ရောက်ရှိခဲ့သည်။
နိုင်ငံတော်သမ္မတအား ကမ္ဘောဒီးယားနိုင်ငံ ရေအရင်းအမြစ်နှင့် မိုးလေဝသဝန်ကြီးဌာန ဝန်ကြီးနှင့် ခရီးစဉ်တာဝန်ခံဝန်ကြီး H.E. Mr. THOR Chetha၊ တော်ဝင်နန်းတော်ဝန်ကြီးဌာနနှင့် အထက်လွှတ်တော် (Senate) ကိုယ်စားလှယ်များ၊ အမျိုးသားနှင့် နိုင်ငံတကာပွဲတော်များ ကျင်းပရေးအမျိုးသားကော်မတီ ကိုယ်စားလှယ်၊ နိုင်ငံခြားရေးနှင့် နိုင်ငံတကာပူးပေါင်းဆောင်ရွက်ရေးဝန်ကြီးဌာန လက်ထောက်အတွင်းဝန် မြန်မာနိုင်ငံဆိုင်ရာ ကမ္ဘောဒီးယားနိုင်ငံ သံအမတ်ကြီး နှင့် သက်ဆိုင်ရာတာဝန်ရှိသူများက ကြိုဆိုခဲ့ကြသည်။
ထို့နောက် သက်ဆိုင်ရာတာဝန်ရှိသူများက အထူးလေယာဉ်ပေါ်သို့ တက်ရောက်၍ နိုင်ငံတော်သမ္မတအား ကြိုဆိုနှုတ်ဆက်ကာ လေယာဉ်ပေါ်မှ ဆင်းသက်နိုင်ပါရန် ဖိတ်ကြားခဲ့ကြပြီး နိုင်ငံတော်သမ္မတ ဆင်းသက်လာချိန်တွင် ကမ္ဘောဒီးယားနိုင်ငံ၏ ဂုဏ်ပြုတပ်ဖွဲ့က ကော်ဇောနီခင်းကျင်း၍ ဂုဏ်ပြုကြိုဆိုခဲ့ကြသည်။