ကမ္ဘာ့ဖလား ၁၀၄ ပွဲကို သက်တောင့်သက်သာကြည့်ရင်း ဒေါ်လာ ၅၀၀၀၀ ရနိုင်မဲ့ အခွင့်အရေးကြီး
====================

ကံအရမ်းကောင်းတဲ့ ပရိသတ်တစ်ဦးဟာ ကမ္ဘာ့ဖလားပွဲအားလုံးကို ကြည့်ရုံဖြင့် ငွေလည်း တနင့်တပိုးရနိုင်မဲ့ အခွင့်အရေးကြီးတစ်ခု ရှိနေပြီ ဖြစ်ပါတယ်။
Fox Sports ၊ Fox One နှင့် Indeed တို့ဟာ ကမ္ဘာ့ဖလားပွဲ ၁၀၄ ပွဲလုံးကို ကြည့်ရှုပြီး ငွေများစွာ ရရှိမဲ့ ပရိသတ်တစ်ဦးကို ရှာဖွေနေကြောင်း ကြေညာလာပါတယ်။
ရွေးချယ်ခံရတဲ့ ပရိသတ်ဟာ ၃၉ ရက်အတွင်း Fox One က ထုတ်လွှင့်လာမဲ့ ကမ္ဘာ့ဖလားပွဲ ၁၀၄ လုံးကို ကြည့်ရှုရမှာ ဖြစ်ပြီး ဒေါ်လာ ၅၀၀၀၀ ပါ ရရှိလာပါမယ်။
ကမ္ဘာ့ဖလားပွဲများကို ကြည့်ရှုရန် ရွေးချယ်ခံရသူဟာ ကမ္ဘာ့ဖလားပြိုင်ပွဲတွင် FOX Sports က ထုတ်လွှင့်မှုအားလုံး မိနစ်တိုင်းကို ကြည့်ရှုရပါမယ်။
ဒါ့အပြင် ယင်းပရိသတ်ဟာ Times Square မှာ ပြုလုပ်မဲ့ ကမ္ဘာ့ဖလားကြည့်ရှုပွဲ ပါတီတွင်လည်း ပရိသတ်များနှင့် အပြန်အလှန်ဆက်ဆံရပါမယ်။ ဒါတင်မကသေးပါဘူး။ ယင်းပရိသတ်ဟာ ကမ္ဘာ့ဖလားပြိုင်ပွဲတစ်လျှောက်တွင် ကမ္ဘာ့ဖလားနှင့် မည်မျှ ကိုက်ညီကြောင်းအား social content ဖန်တီးပေးသွားရပါဦးမယ်။
ယင်းအစီအစဉ်တွင် ပါဝင်လျှောက်ထားလိုသူများအနေဖြင့် Indeed တွင် အကောင့်ဖွင့်ကာ ယင်းအလုပ်အတွက် မည်မျှ ကိုက်ညီကြောင့် ကိုယ့်အရည်အချင်းနှင့် ကျွမ်းကျင်မှုများကို ဖော်ပြကာ လျှောက်ထားရပါမယ်

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - မေ ၈ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၇၂၀ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၇,၂၀၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၆၀၀,၀၀၀ ကျပ်
ဝယ်ဈေး ၁၀,၅၆၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၁၀,၂၀၀,၀၀၀ ကျပ်
ဝယ်ဈေး ၁၀,၁၆၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၄၈၀,၀၀၀ ကျပ်
ဝယ်ဈေး ၁၀,၄၄၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၁၀,၀၈၀,၀၀၀ ကျပ်
ဝယ်ဈေး ၁၀,၀၄၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၂၉၀ ကျပ်
ဝယ်ဈေး - ၄၁၈၀ ကျပ်
-စင်္ကာပူဒေါ်လာ
ရောင်းဈေး - ၃၃၄၀ ကျပ်
ဝယ်ဈေး - ၃၂၄၀ ကျပ်
-ယူရို
ရောင်းဈေး - ၅၀၀၅ ကျပ်
ဝယ်ဈေး - ၄၈၇၅ ကျပ်
-ထိုင်းဘတ်
ရောင်းဈေး - ၁၃၃ ကျပ်
ဝယ်ဈေး - ၁၂၉.၅၈ ကျပ်
-မလေးရှားရင်းဂစ်
ရောင်းဈေး - ၁၀၈၉ ကျပ်
ဝယ်ဈေး - ၁၀၆၁ ကျပ်
-တရုတ်ယွမ်
ရောင်းဈေး - ၆၂၇ ကျပ်
ဝယ်ဈေး - ၆၁၁ ကျပ်
-ဂျပန်ယန်း
ရောင်းဈေး - ၂၇.၂၂ ကျပ်
ဝယ်ဈေး - ၂၆.၅၂ ကျပ်
-အိန္ဒိယရူပီး
ရောင်းဈေး - ၄၅.၃ ကျပ်
ဝယ်ဈေး - ၄၄.၁၃ ကျပ်
-ကိုရီးယားဝမ်
ရောင်းဈေး - ၂.၉၁ ကျပ်
ဝယ်ဈေး - ၂.၈၄ ကျပ်
-စတာလင်ပေါင်
ရောင်းဈေး - ၅၇၉၀ ကျပ်
ဝယ်ဈေး - ၅၆၄၀ ကျပ်
-ဩစတြေးလျဒေါ်လာ
ရောင်းဈေး - ၃၀၇၉ ကျပ်
ဝယ်ဈေး - ၃၀၀၀ ကျပ်
-ကနေဒါဒေါ်လာ
ရောင်းဈေး - ၃၁၂၄ ကျပ်
ဝယ်ဈေး - ၃၀၄၄ ကျပ်
-ဟောင်ကောင်ဒေါ်လာ
ရောင်းဈေး - ၅၄၅ ကျပ်
ဝယ်ဈေး - ၅၃၁ ကျပ်
-ယူအေအီး
ရောင်းဈေး - ၁၁၆၂ ကျပ်
ဝယ်ဈေး - ၁၁၃၂ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

🌞 မင်္ဂလာ နံနက်ခင်းပါ ခင်ဗျာ 🌞
🙏🙏🙏ယနေ့ သောကြာ နေ့မှာ
သောကြာ နေ့ဖွား သားသမီးများ အတွက်
ရွှေတိဂုံ စေတီတော်မြတ်ကြီး နှင့် အတူ
သောကြာ နေ့နံ ဂြိုလ်တိုင် ပူဇော်နိူင်ဖို့ပါ ၊
သောကြာ နေ့ဖွား သားသမီးများ အားလုံး
လိုအင် ဆန္ဒ အဝဝ ပြည့်စုံစွာဖြင့်
အပူအပင် ဘေးရန်ကြောင့်ကြ ကင်းဝေးစွာ
ပျော်ရွှင်ချမ်းမြေ့ နိူင်ကြပါစေကြောင်း
ဆုမွန်ကောင်း တောင်းပေးပါတယ် ခင်ဗျာ🙏🙏🙏

အီရန်နိုင်ငံအပေါ် ဆင်နွှဲသည့် "Operation Epic Fury" စစ်ဆင်ရေး ပြီးဆုံးပြီဟု စစ်ပွဲ ၆၇ ရက်မြောက်နေ့တွင်မာကို ရူဘီယို ပြောကြား

အီရန်နိုင်ငံအပေါ် အမေရိကန်နှင့် အစ္စရေးတို့ ပူးပေါင်းဆင်နွှဲခဲ့သည့် "Operation Epic Fury" စစ်ဆင်ရေးသည် ၎င်း၏ ရည်မှန်းချက်များ အောင်မြင်ခဲ့ပြီဖြစ်သောကြောင့် ပြီးဆုံးသွားပြီဖြစ်ကြောင်း၊ အမေရိကန်အနေဖြင့် Project Freedom ကိုသာ အာရုံစိုက်တော့မည်ဖြစ်ကြောင်း အမေရိကန် နိုင်ငံခြားရေးဝန်ကြီး မာကို ရူဘီယို က အင်္ဂါနေ့တွင် သတင်းထောက်များကို ပြောကြားခဲ့သည်။ အဆိုပါစစ်ဆင်ရေးမှာ ဖေဖော်ဝါရီ ၂၈ ရက်နေ့တွင် စတင်ခဲ့ပြီး ဒေသတွင်း ပဋိပက္ခများကို ဖြစ်ပွားစေခဲ့ခြင်းဖြစ်သည်။ ဝါရှင်တန်အနေဖြင့် ယခုအခါတွင် "ငြိမ်းချမ်းရေးလမ်းစဉ်" ကိုသာ ပိုမိုလိုလားကြောင်း ရူဘီယိုက ဆိုသည်။

တစ်ချိန်တည်းမှာပင် ဟော်မုဇ်ရေလက်ကြား (Strait of Hormuz) အတွင်း ပိတ်မိနေသော သင်္ဘောများကို လမ်းညွှန်ပေးရန် တစ်ရက်အလိုကမှ စတင်ခဲ့သည့် အမေရိကန် စစ်ဆင်ရေးတစ်ခုဖြစ်သော "Project Freedom" ကိုလည်း ခေတ္တရပ်နားလိုက်ကြောင်း အမေရိကန်သမ္မတ ဒေါ်နယ်ထရမ့်က ကြေညာခဲ့သည်။ ဤကြေညာချက်သည် နိုင်ငံခြားရေးဝန်ကြီး မာကို ရူဘီယိုက အီရန်အပေါ် တိုက်ခိုက်ရေးစစ်ဆင်ရေးများ ပြီးဆုံးပြီဖြစ်ကြောင်းနှင့် အမေရိကန်အနေဖြင့် Project Freedom ကိုသာ အာရုံစိုက်တော့မည်ဖြစ်ကြောင်း ပြောကြားခဲ့ပြီး နာရီပိုင်းအကြာတွင် ထွက်ပေါ်လာခြင်းဖြစ်သည်။

အီရန်၏ ထိပ်တန်းသံတမန်သည် "ဒေသတွင်းနှင့် နိုင်ငံတကာ ဖြစ်ပေါ်တိုးတက်မှုများ" ကို ဆွေးနွေးရန် တရုတ်နိုင်ငံခြားရေးဝန်ကြီးနှင့် တွေ့ဆုံရန် ပေကျင်းသို့ ရောက်ရှိနေသည်။ ၎င်းမှာ စစ်ပွဲစတင်ကတည်းက မဟာမိတ်နှစ်နိုင်ငံမှ နိုင်ငံခြားရေးဝန်ကြီးများ လူချင်းတွေ့ဆုံသည့် ပထမဆုံးအကြိမ်ဖြစ်သည်။

လက်ရှိတွင် စီးပွားရေးလုပ်ငန်းများနှင့် စားသုံးသူများက သုံးစွဲမှုလျှော့ချလာသဖြင့် ရေနံဝယ်လိုအားမှာ ကိုဗစ်ကပ်ရောဂါကာလ နောက်ပိုင်း အမြန်ဆုံးနှုန်းဖြင့် ကျဆင်းနေသည်။ ကမ္ဘာ့ရေနံအရန်သိုလှောင်မှုများမှာလည်း ကိုဗစ်နောက်ပိုင်း အများဆုံးပမာဏအထိ လျော့ကျသွားခဲ့သည်။ အမေရိကန်နိုင်ငံတွင် ဓာတ်ဆီဈေးနှုန်းများမှာ စစ်ပွဲစတင်ချိန်မှစ၍ ၅၀ ရာခိုင်နှုန်းခန့်အထိ မြင့်တက်လာခဲ့သည်။

ထိုင်းနိုင်ငံ သံရုံစက်ရုံ၌ အလုပ်လုပ်ကိုင်နေသည့် မြန်မာအလုပ်သမား လုပ်ငန်းခွင်မတော်တဆမှုကြောင့် ‌ေ-သဆုံး

၎င်း‌ေ-သဆုံးမှုအတွက် စက်ရုံပိုင်ရှင်ကတာဝန်ယူ ဆောင်ရွက်ပေးမည်

ထိုင်းနိုင်ငံ၊ စမူပကန်ခရိုင်၊ ဘန်ဖီမြို့နယ်ရှိ သံရုံစက်ရုံတွင်အလုပ်လုပ်နေသော မြန်မာအလုပ်သမား မခိုင်သ ဇင်ဝင်း(၂၂)နှစ်သည် မေ ၆ ရက်နေ့လည် ၁ နာရီခွဲကျော်ခန့်က လုပ်ငန်းခွင်မတော်တဆဖြစ်၍ ‌ေ-သဆုံးသွားခဲ့ကြောင်း WAG အလုပ်သမားမဟာမိတ်အဖွဲ့ထံမှ သိရသည်။

မခိုင်သဇင်ဝင်းသည် လုပ်ငန်းခွင်အတွင်း၌ အလုပ်လုပ်ကိုင်နေစဥ် သံစည်းနှင့်ရိုက်မိရာမှ ပြင်းထန်ဒ-ဏ်ရာများရရှိကာ အခင်းဖြစ်နေရာတွင် ‌ေ-သဆုံးသွားခဲ့သဖြင့် ရုပ်အလေ-ာင်းအား ဘန်ဖီဆေးရုံသို့ပို့ဆောင်ပေးခဲ့ကြောင်း သိရသည်။

‌ေ-သဆုံးသူနှင့်ပတ်သက်၍ မိသားစုဝင်များ၏ အကူအညီတောင်းခံမှုကြောင့် WAG အလုပ်သမားမဟာမိတ်အဖွဲ့က ယနေ့ မေ ၇ ရက်တွင် ကူညီမှုများကိုစတင်ပြုလုပ်ပေးလျက်ရှိပြီး စက်ရုံပိုင်ရှင်ဖြစ်သူမှလည်း ဖြစ်စဥ်အတွက်တာဝန်ယူဆောင်ရွက်ပေးသွားမည်ဖြစ်ကြောင်း သိရသည်။

မခိုင်သဇင်ဝင်းသည် မြန်မာနိုင်ငံ၊ မွန်ပြည်နယ်၊ ကျိုက်ကော်မြို့၊ သ‌‌ရက်တောရပ်ကွက်တွင်နေထိုင်သူဖြစ် ကြောင်း သိရသည်။

ပြည်ပဝယ်လိုအား မြင့်တက်မှုကြောင့် မြန်မာ့ပဲတီစိမ်း ဈေး ကောင်းရပြီး မန္တလေးဈေးကွက် အရောင်းသွက်

မြန်မာ့ထွက်ကုန် ပဲတီစိမ်းများသည် ပြည်ပဝယ်လိုအား မြင့်တက်လာမှုကြောင့် မန္တလေးဈေးကွက်အတွင်း ဈေးကောင်းများရရှိနေပြီး အရောင်းအဝယ်လည်း သွက်လက်လျက်ရှိကြောင်း ပဲကုန်သည်များထံမှ သိရသည်။

လက်ရှိတွင် တရုတ်နိုင်ငံအပါအဝင် ပြည်ပနိုင်ငံများမှ ဝယ် လိုအား တိုးလာသဖြင့် ပဲတီစိမ်းဈေးနှုန်းများ မြင့်တက်လာကာ ကုန်စည်ဒိုင်များတွင် အရောင်းအဝယ် ပိုမိုကောင်းမွန်လာကြောင်း သိရသည်။

မန္တလေးဈေးကွက်အတွင်း ပဲတီစိမ်းအရည်အသွေးကောင်းများမှာ ယခင်ကထက် ဈေးနှုန်းပိုမိုရရှိနေပြီး နယ်စုံမှ ဝင်ရောက်လာသည့် ပဲများလည်း အဝယ်လိုက်လျက်ရှိကြောင်း ကုန်သည်တစ်ဦးက ပြောသည်။

"ပြည်ပအဝယ်ရှိနေတော့ ပဲတီစိမ်းက ဈေးကောင်းရနေတယ်။ အရောင်းအဝယ်လည်း သွက်တယ်။ အရည်အသွေးကောင်းတဲ့ပဲတွေဆို ပိုပြီး အဝယ်လိုက်တယ်" ဟု ၎င်းက ဆို သည်။

ယင်းအပြင် ပို့ကုန်ဈေးကွက် အခြေအနေကောင်းမွန်နေခြင်းကြောင့် လာမည့်ရက်ပိုင်းများအတွင်း ပဲတီစိမ်းဈေးနှုန်းများ ဆက်လက်တည်ငြိမ်နိုင်ကြောင်း ဈေးကွက်အတွင်း သုံးသပ်မှုများလည်း ရှိနေကြောင်း သိရသည်။

မသန်စွမ်းသက်ကြီးသင်တန်းကျောင်း(ရန်ကုန်)တွင် ၂၀၂၆-၂၀၂၇ ပညာသင်နှစ်အတွက် အသက်မွေးဝမ်းကျောင်းသင်တန်းများ ဖွင့်လှစ်၍ သင်တန်းသား/သူများ ခေါ်ယူ

မသန်စွမ်းသက်ကြီးသင်တန်းကျောင်း(ရန်ကုန်)တွင် ၂၀၂၆-၂၀၂၇ ပညာသင်နှစ်အတွက် အသက်မွေးဝမ်းကျောင်းသင်တန်းများ ဖွင့်လှစ်မည်ဖြစ်ရာ သင်တန်းသား၊ သင်တန်းသူများကို ခေါ်ယူလျက်ရှိကြောင်း လူမှုဝန်ထမ်းဦးစီးဌာနမှ သိရသည်။

အဆိုပါသင်တန်းများကို လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန၊ လူမှုဝန်ထမ်းဦးစီးဌာန၊ မသန်စွမ်းသက်ကြီးသင်တန်းကျောင်း(ရန်ကုန်)တွင် ဖွင့်လှစ်သင်ကြားပေးမည်ဖြစ်ပြီး (၁)နှစ်သင်တန်းဖြစ်သော အီလက်ထရောနစ်သင်တန်းကို ၂၀၂၆ ခုနှစ် မေ ၁၁ ရက်မှ ၂၀၂၇ ခုနှစ် မတ် ၂၆ ရက်အထိ ဖွင့်လှစ်မည်ဖြစ်သည်။

ထို့ပြင် အမှတ်စဉ်(၁)၊ (၃)လသင်တန်းများဖြစ်သည့် ကွန်ပျူတာသင်တန်း၊ စက်ချုပ်သင်တန်း၊ ဆံသသင်တန်းနှင့် တံဆိပ်ရိုက်သင်တန်းများကို ၂၀၂၆ ခုနှစ် မေ ၁၁ ရက်မှ ဩဂုတ် ၇ ရက်အထိ ဖွင့်လှစ်သင်ကြားပေးမည်ဖြစ်ကြောင်း သိရသည်။

သင်တန်းများသို့ ကိုယ်အင်္ဂါမသန်စွမ်းသူများ လျှောက်ထားနိုင်ပြီး အသက်(၁၈)နှစ်မှ (၄၅)နှစ်အတွင်းရှိသူ ဖြစ်ရမည်ဖြစ်ကာ နေ့စဉ်တစ်ကိုယ်ရေလုပ်ငန်းဆောင်တာများကို ဆောင်ရွက်နိုင်သူ ဖြစ်ရမည်ဟု သတ်မှတ်ထားသည်။ ထို့အပြင် ကျား/မ၊ လူမျိုးနှင့် ဘာသာမရွေး လျှောက်ထားနိုင်ကြောင်း သိရသည်။

အီလက်ထရောနစ်သင်တန်းနှင့် ကွန်ပျူတာသင်တန်းအတွက် အထက်တန်းပညာအရည်အချင်း လိုအပ်ပြီး စက်ချုပ်သင်တန်းအတွက် အလယ်တန်း၊ ဆံသသင်တန်းနှင့် တံဆိပ်ရိုက်သင်တန်းများအတွက် မူလတန်းပညာအရည်အချင်း လိုအပ်ကြောင်း ထုတ်ပြန်ချက်တွင် ဖော်ပြထားသည်။

သင်တန်းတက်ရောက်ခွင့်ရသူများအား သင်တန်းကာလအတွင်း စားသောက်နေထိုင်ရေး၊ သင်ထောက်ကူပစ္စည်းများနှင့် နယ်မှလာရောက်သူများအတွက် အသွားအပြန်ခရီးစရိတ်များကို နိုင်ငံတော်မှ စီစဉ်ပံ့ပိုးပေးသွားမည်ဖြစ်ကြောင်း သိရသည်။

လျှောက်ထားလိုသူများအနေဖြင့် မှတ်ပုံတင်မိတ္တူ၊ အိမ်ထောင်စုဇယားမိတ္တူ၊ ပတ်စ်ပို့ဓာတ်ပုံ(၂)ပုံ၊ နေထိုင်ကြောင်းထောက်ခံချက်နှင့် ကျန်းမာရေးဆိုင်ရာ ဆေးမှတ်တမ်းများကို ယူဆောင်၍ ရန်ကုန်တိုင်းဒေသကြီး၊ မရမ်းကုန်းမြို့နယ်ရှိ မသန်စွမ်းသက်ကြီးသင်တန်းကျောင်းသို့ လူကိုယ်တိုင် လျှောက်ထားနိုင်ကြောင်း သိရသည်။

အသေးစိတ်အချက်အလက်များကို လူမှုဝန်ထမ်းဦးစီးဌာန၊ မသန်စွမ်းသူများဖွံ့ဖြိုးတိုးတက်ရေးဌာနခွဲ ဖုန်း ၀၆၇-၄၀၄၂၅၂ နှင့် မသန်စွမ်းသက်ကြီးသင်တန်းကျောင်း(ရန်ကုန်) ဖုန်း ၀၁-၉၆၆၁၇၁၂၊ ၀၉-၄၄၈၀၃၅၀၈၀၊ ၀၉-၉၇၂၆၆၁၈၄၀ တို့သို့ ရုံးချိန်အတွင်း ဆက်သွယ်စုံစမ်းနိုင်ကြောင်း သိရသည်။

စက်သုံးဆီ ချွေတာသည့် ခြေလှမ်းတရပ်အနေဖြင့် ရန်ကုန်အခြေစိုက် နယ်သာလန်သံရုံး ဒုတိယသံရုံးအကြီးအကဲ စက်ဘီးစီးပြီး ရုံးတက်

စက်သုံးဆီ ချွေတာသည့် ခြေလှမ်းတရပ်အနေဖြင့် ရန်ကုန်မြို့ အခြေစိုက် နယ်သာလန်သံရုံး ဒုတိယသံရုံးအကြီးအကဲ၏ စက်ဘီးစီးပြီး ရုံးတက်သည့် ဓာတ်ပုံများကို သံရုံးလူမှုကွန်ယက်စာမျက်နှာ၌ ဖော်ပြထားသည်။

ဖေဖော်ဝါရီ လကုန်ပိုင်းက စကာ မြန်မာနိုင်ငံ၌ စက်သုံးဆီစျေးတက်ပြီး ပြတ်လပ်မှုနှင့် ကြုံခဲ့ရကာ လူအများစုက ကားဆီဖြည့်ရန် အတွက်၊ ကောက်ပဲ သီးနှံ ရိတ်သိမ်းရန်အတွက်နှင့် သူတို့ရဲ့ ထွက်ကုန်များကို စျေးအရောက်ပို့ရန် သယ်ယူပို့ဆောင်ရေးအတွက် ဆီဝယ်ဖြည့်နိုင်ရန် ရုန်းကန်ကြရသည်ဟု ဆိုသည်။

ထို့ကြောင့် စက်သုံးဆီ ချွေတာရန် အတွက် ရုံးသွားလျှင် တတ်နိုင်သလောက် စက်ဘီးစီးသွားရန် ဒုတိယ သံရုံး အကြီးအကဲ မစ္စတာ ၀င်းမ် ‌ဗန်ဒွေါန်က ဆုံးဖြတ်လိုက်ခြင်း ဖြစ်ကြောင်းလည်း ဖော်ပြသည်။

“ကျွန်တော် မြန်မာနိုင်ငံရောက်ကတည်းက စက်ဘီးစီးဖို့ စဥ်းစားခဲ့ပါတယ်။ နေပူတာရယ်၊ ဘေးကင်းပါ့မလားလို့ မေးခွန်းထုတ်မိတာရယ်၊ အစည်းအဝေးတွေသွားဖို့ ကုတ်အင်္ကျီ ဝတ်ဖို့ လိုတာတွေရယ်ကြောင့် စက်ဘီးမစီး ဖြစ်ခဲ့ဘူး။ ဒါပေမယ့် စက်သုံးဆီ အကျပ်အတည်းကြောင့် ဖြင်ပေါ်လာရတဲ့ အခက်အခဲတွေကို မြင်ရတဲ့အခါ ကျွန်တော်လည်း တစ်ခုခုတော့ လုပ်ပေးချင်ခဲ့မိတယ်။” ဟု သံရုံးဒုတိယအကြီးအကဲက ပြောသည်။

နယ်သာလန်နိုင်ငံတွင် စက်ဘီးစီးပြီးရုံးတက်ခြင်းမှာ ပုံမှန်အနေအထားတစ်ခုဖြစ်ပြီး ရန်ကုန်မြို့တွင် စက်ဘီးစီးရသည့်အခြေအနေကိုလည်း ဒုတိယသံရုံးအကြီးအကဲက ပြောကြားထားသေးသည်။

"မြန်မာနိုင်ငံမှာတော့ စက်ဘီးစီး ရုံးတက်နိုင်ဖို့ တခြားနည်းတွေကို သုံးဖို့ လိုပြန်ပါတယ်။ ဒီမှာက စက်ဘီးနင်းသူတွေအတွက် သီးသန့် သတ်မှတ်ပေး ထားတဲ့ လမ်းမရှိတော့ ကားကြပ်တဲ့ လမ်းမကြီးတွေကို ရှောင်ဖို့ လမ်းသွယ်လေးတွေကို သုံးရတယ်။ အိမ်ကနေ စောစောထွက်ရတယ်။ အားကစား ဝတ်စုံဝတ်ရတယ်။ ရုံးမှာ ရေချိုးလို့ ရတော့ ကံကောင်းတယ်။ ရုံးကလူတွေ မရောက်ခင် ကျွန်တော် ရေမိုးချိုး၊ အဝတ်အစားလဲ ကုတ်အင်္ကျီ ဝတ်ပြီး အလုပ်လုပ်ဖို့ အဆင်သင့် ဖြစ်နေပြီ။” ဟု သူက ပြောသည်။

လက်ရှိတွင် တစ်ရက်လျှင် ၂၅ မိနစ်ခန့် စက်ဘီးစီးနေပြီး ယင်းသို့လုပ်ဆောင်ခြင်းကြောင့် လူအများအပြားနှင့် ထိတွေ့ခွင့်ရသည်ဟု ၎င်းကပြောကြား သည်။

" စက်ဘီးစီးတာ စက်သုံးဆီ ချွေတာရာလည်း ရောက်တယ်။ ဆီမရမှာလည်း သိပ်မပူရဘူး။ ငွေကုန်လည်း သက်သာသလို ပတ်ဝန်းကျင်ကိုလည်း မထိခိုက်ဘူး။ နောက်ပြီး လမ်းပေါ်က လူတွေရဲ့ နေ့စဥ် ဘဝတွေကိုလည်း ပိုမြင်တွေ့ခွင့် ရတယ်။ ကျန်းမာရေးအတွက်လည်း ကောင်းတယ်။ ၂၅ မိနစ်လောက် စက်ဘီးစီးတာက ကျွန်တော့်အတွက် နေ့စဥ်လေ့ကျင့်ခန်း တစ်ခု ဖြစ်နေပြီ။ကျွန်တော်လုပ်ပေးနိုင်တာလေးက မပြောပလောက်ဘူး ဆိုပေမယ့် စက်သုံးဆီ အခက်အခဲကြောင့် ရုန်းကန်နေရတဲ့ လူတွေနဲ့အတူ ရှိတယ် ဆိုတာ ပြသနိုင်တယ်လို့တော့ ကျွန်တော် ယုံတယ်။ စက်သုံးဆီ အသုံး လျှော့ချဖို့ လုပ်ဆောင်ချက်လေးတွေ များလာရင် အကျိုးသက်ရောက်မှုကြီး ဖြစ်လာမှာပါ" လို့ ဝင်းမ်က ပြောကြားထားသည်။