May 23 ရုံတင်မယ့် " Mission: Impossible - The Final Reckoning " ထဲက character posters တွေပဲဖြစ်ပါတယ်။

ဗြိတိန်ဝန်ကြီးချုပ်နဲ့ အမေရိကန်သမ္မတကြီးတို့ နှစ်ယောက်ပေါင်း လူဆိုးတွေကို ဖိုက်ပြမယ့် ဟောလိဝုဒ် ရေခပ်ဇာတ်ကြမ်းမဟာကြီး။ ? \ Heads Of State \ Trailer. ?

Dustin Poirier နဲ့ Max Holloway (BMF Title)
လူဝီစီယားနားပြည်နယ် နယူးအော်လီယန်းမြို့မှာ ကျင်းပမယ့် UFC 318 ပြိုင်ပွဲမှာ Dustin Poirier နဲ့ Max Holloway တို့ကို တတိယပွဲတည်ပေးထားတယ်။ ခါးပတ်ပွဲဖြစ်ပြီး BMF Title လုကြပါမယ်။ The Pat McAfee Show အစီအစဉ်မှာ Dustin Poirier ကြေညာလိုက်တာမို့ ပွဲသတင်းက အတည်ဖြစ်ပါတယ်။ UFC 318 ပြိုင်ပွဲကို ဇူလိုင်လ (၁၉) ရက်မှာ ကျင်းပပါမယ်။
Dustin Poirier နဲ့ Max Holloway တို့က (၂) ကြိမ်ကစားဖူးတယ်။ ပထမဆုံးအကြိမ်က UFC 143 ပြိုင်ပွဲမှာ ဖြစ်ပါတယ်။ Max Holloway က UFC အဖွဲ့အစည်းမှာ ပွဲဦးထွက်ကစားတာဖြစ်ပြီး ကြေးစား (၄) ပွဲပဲ ကစားရသေးတယ်။ အသက် (၂၀) ပွဲရှိသေးပြီး အတွေ့အကြုံနည်းပါသေးတယ်။ ပထမအချီမှာ Dustin Poirier က Max Holloway ကို Triangle Armbar လုပ်လိုက်တယ်။ Dustin Poirier က Max Holloway ကို ချုပ်နိုင်တဲ့ တစ်ဦးတည်းသော ကစားသမားဖြစ်လာခဲ့ပါတယ်။
ဒုတိယအကြိမ်မှာ Dustin Poirier နဲ့ Max Holloway တို့က စူပါစတားဖြစ်နေပါပြီ။ Max Holloway က ဖယ်သာဝိတ်ချန်ပီယံဖြစ်နေတယ်။ Dustin Poirier က လ်ိုက်ဝိတ်တန်းကို ကြိုရောက်နေတာပါ။ နိုင်ပွဲဆက်လာလို့ လိုက်ဝတ်ကြားဖြတ်ချန်ပီယံလုရတယ်။ ဒုတိယပွဲမှာ Max Holloway က ဝိတ်တင်ထိုးရပေမယ့် တော်တော်ကောင်းပါတယ်။ စွမ်းဆောင်ရည်က ပြောလောက်အောင် မကွာပေမယ့် ပါဝါကွာနေတယ်။ Dustin Poirier ရဲ့ ဘယ်ဝိုက်က နင့်ခနဲ။ Max Holloway လည်း သွေးသံရဲရဲဖြစ်ပြီး အမှတ်ပြတ်ရှုံးသွားရတယ်။ ထိချက်သာပေမယ့် ပါဝါနည်းလို့သာ ရှုံးရတာပါ။
ရလဒ်အားဖြင့် ပြောရရင် Max Holloway က Dustin Poirier ကို တူးဇီးရှုံးထားတာပါ။ တတိယပွဲမှာ အခြေအနေကွာနေပါပြီ။ Max Holloway က (၃၃) နှစ်ပဲရှိသေးပြီး Dustin Poirier က (၃၆) နှစ်ဖြစ်နေပါပြီ။ (၃) နှစ်ပဲ ကွာတယ်ဆိုပေမယ့် စွမ်းဆောင်ရည်က အတော်ကွာနေပါပြီ။ နောက်ဆုံးပွဲစွမ်းဆောင်ရည်ကိုပဲ ပြောပြပါမယ်။
Max Holloway က Ilia Topuria ကို ထိချက်အသာထိုးနိုင်တယ်။ တတိယအချီမှာ မထင်မှတ်ဘဲ ချက်ကောင်းမိပြီး ရှုံးသွားရတာပါ။ Dustin Poirier က Islam Makhachev ကို ဘယ်လိုမှ မယှဉ်နိုင်ဘဲ ရှုံးရတာပါ။ ဆက်ပြောရရင် Dustin Poirier က Michael Chandler နဲ့ Benoit Saint Denis တို့ကို နိုင်ထားပေမယ့် ထိချက်နိမ့်ပါတယ်။ ရှယ်ခံရပြီးမှသာ ပြန်နိုင်ခဲ့ရတာပါ။ ဒါကို ရှင်းရှင်းလင်းလင်းမြင်နေရတယ်။
Dustin Poirier နဲ့ Max Holloway တို့ရဲ့ တတိယပွဲက ပိုစိတ်ဝင်စားဖို့ကောင်းပါတယ်။ နောက်ဆုံးပွဲကို မွေးရပ်မြေ လူဝီစီယားနားပြည်နယ်မှာ ကစားချင်တယ်လို့ တောင်းဆိုထားတဲ့ Dustin Poirier လည်း ကျေနပ်မယ်ထင်ပါတယ်။ ပုံရိပ်မြင့်ဖိုက်တာတွေဆိုပေမယ့် ခါးပတ်ပွဲမဟုတ်ရင် UFC 318 ပြိုင်ပွဲမှာ ခေါင်ပွဲပေးဖို့ မလွယ်တာမို့ BMF Title စီစဉ်ပေးတဲ့သဘောပါ။ Justin Gaethje ကို အလဲထိုးပြီး ချန်ပီယံဖြစ်လာတဲ့ Max Holloway က BMF Title ကို ကာကွယ်ရပါမယ်

မင်းက ချစ်တယ်လို့ ပြောတုန်းက ယုံခဲ့တယ်
အခု မင်းက မချစ်တော့ဘူးပြောလည်း ယုံတာပဲ
ငါ အများကြီး မတွေးတက်ပါဘူး
မင်းနဲ့ ပက်သက်ရင်
နှလုံးသားဘက်အားသာပြီး
ဦးနှောက်ဘက်အားနည်းခဲ့တယ်။
#လင်းမာအို

Fact - အကယ်၍ Robert Pattinson ဟာ Dune 3 မှာပါခဲ့ရင် Pattinson ဟာ Christopher Nolan , Robert Eggers
Bong Joon Ho , Denis Villeneuve တို့ 4 ယောက်လုံးနဲ့ရုပ်ရှင်ရိုက်ဖူးတဲ့တစ်ဦးတည်းသောသရုပ်ဆောင်ဖြစ်လာမှာပါ ။

[ Robert Pattinson ဟာ Dune 3 မှာ Villian နေရာကနေပါဝင်ဖို့ဆွေးနွေးနေပါတယ် ]

ဒီကနေ့ပဲ Lexus ဘက်ကတော့ ၎င်းတို့ရဲ့ မျိုးဆက် (၈) ခုမြောက် all-new ES ကို Shanghai Motor Show မှာ တရားဝင် officially ချပြလိုက်ပါပြီ။ မနက်အိပ်ယာနိုးနိုးချင်း Google News လေးကောက်ကြည့်လိုက်ချိန်မှာပဲ ဒီသတင်းတွေ့တာနဲ့ ဝင်ဖတ်လိုက်မိတယ်ပေါ့။ ချက်ချင်းဆိုသလိုပဲ ပုံတွေကြည့်မိချိန်မှာ နည်းနည်းတော့နှာခေါင်းရှုံ့မိသွားတယ်။ "ဘာလဲကွာ Lexus" ဆိုပြီတော့တောင် စိတ်ထဲအတွေးဝင်မိသား။ ကိုယ်တိုင်က ကားဆို Sedans တွေကိုမှ သိပ်ရူးသွပ်တတ်သူဖြစ်နေတာကြောင့်လည်း ပါရင်ပါမယ်ပေါ့လေ။
ကျွန်တော့်အမြင်မှာတော့ ဒီ all-new ES မှာ understated elegance ဖြစ်တဲ့ DNA တစ်ခုပျောက်ဆုံးနေသလို ခံစားရတာအမှန်ပဲ။ ပြောရရင် Lexus ရဲ့ဟိတ်ဟန်ကိုက ကားအကြောင်းမသိတဲ့သူပင် ဒီကားကိုမြင်လိုက်တာနဲ့ ဒါဟာ Luxury ကားတစ်စီးပဲကွဆိုတဲ့ vibe မျိုး ပေးစွမ်းနေရမယ် မဟုတ်လား? ခုတော့ ဒီကောင့်ကြည့်ရတာ ဟိုးတုန်းက LF-ZC Concept ရဲ့ vibe တွေပဲရနေသလို ပြောရရင် RZ EV လို SUV မှာ ဒီလို design language နဲ့လာတာကို လက်ခံပေးနိုင်ပေမယ့် ES လို mid-size luxury sedan တစ်စီးမှာကျ လက်မခံနိုင်သေးဘူးလို့ပဲ ပြောချင်ပါရဲ့။
ကားရဲ့ဘော်ဒီက လိုအပ်တာထက် ပို smooth ဖြစ်နေတယ်လို့ မြင်မိသလို တစ်ခါတစ်ရံ Chinese EV တစ်စီးကိုကြည့်နေရသလိုပါပဲ။ အရင် 7th-gen ES ကိုပြန်ကြည့်မယ်ဆိုရင်တောင် spindle grille တွေ taillights တွေနဲ့ ဘော်ဒီကောက်ကြောင်းတွေက တကယ့် proper sedan တစ်စီးပီသစေတာ အမှန်ပဲ။
ဆိုတော့ ဒီ all-new ES မှာ Hybrid နဲ့ EV ဆိုပြီး Powertrain နှစ်မျိုးနဲ့လာပါမယ်။ ပြောချင်တာကတော့ Dual-Platform ဖြစ်သွားတယ်ပေါ့။ Lexus အတွက်တော့ "dual-platform" နဲ့လာတဲ့ ပထမဦးဆုံး mainstream မော်ဒယ်ဖြစ်ပေမယ့် BMW ဘက်မှာတွေ့ရတာတော့ အချိန်အတိုင်းအတာတစ်ခုရှိခဲ့ပါပြီ။ ( i4/4 Series, i5/5 Series, i7/7 Series ဒါတွေကို ဆိုလိုချင်တာပါ။ ) ကားရဲ့ wheelbase ကတော့ 3.1" လောက်ပိုရှည်လာတာမို့ LS နဲ့တောင် မတိမ်းမယိမ်းဖြစ်လာတယ်ဆိုပါတော့။ Sedan တစ်စီးအတွက် wheelbase ပိုရှည်လာတာကို သဘောကျပေမယ့် 7th-gen နဲ့ 8th-gen ES နှစ်စီးကို ထိပ်တိုက်ယှဥ်ကြည့်မယ်ဆိုရင် 8th-gen က ဘော်ဒီနည်းနည်းပိုမြင့်သွားတာကို တွေ့ရမှာပါ။ ဘာ့ကြောင့်လဲလို့မေးရင်တော့ ဘက်ထရီတွေကြောင့်ပါ။ ဒီကောင်တွေကို ကားရဲ့အောက်ဖက်ကြမ်းပြင်မှာနေရာပေးလိုက်ရတဲ့အခါ ကားရဲ့ "the whole silhouette" တစ်ခုလုံးကို အပေါ်ကိုထပ်မြှင့်ဖို့သာ ကျန်ပါတယ်။ ဒီလိုနဲ့ပဲ sleek sedan တစ်စီးရဲ့ Characteristic တစ်ခု ထပ်မံဆုံးရှုံးရပြန်ပြီး budget SUV တစ်စီးနဲ့တောင် အလားသဏ္ဍာန်တူသွားပါတယ်။
ဆက်လက်ပြီး ကျွန်တော်မကြိုက်ဆုံး အချက်ကိုပြောပါအုံးမယ်။ အဲ့တာကတော့ ကားရဲ့အတွင်းခန်း interior ပါ။ အရင် 7th-gen ES အပါအဝင် LS မော်ဒယ်တွေမှာပါ ကျွန်တော်တို့သိပ်သဘောကျခဲ့တာက ကိုင်ရပြုရ Grip ကောင်းကောင်း၊ thick ဖြစ်ဖြစ်၊ hand-stiched leather နဲ့ သိပ်ကိုမှ iconic ဖြစ်တဲ့ steering wheel ပါ။ ခု ဒီ 8th-gen ES အသစ်ရဲ့ အတွင်းခန်းကတော့ masterpiece တစ်ခုလို့ မခံစားရတော့သလို steering wheel ကလည်း လျှပ်တစ်ပြက်ကြည့်လိုက်ရင် Xiaomi SU7 ရဲ့ steering wheel နဲ့တောင် အတော့်ကိုဆင်ပါတယ်။ အလယ်မှာ Lexus Logo မပါတော့တာကလည်း အတော်လေးအပေါစားဆန်သွားသလားပေါ့။ ပြီးရင် Control လုပ်ရမယ့် ခလုတ်တွေအားလုံးကလည်း အရင်လို Physical Buttons တွေနဲ့သွားထားတာမျိုးမဟုတ်ဘဲ Touch Sensors တွေဖြစ်သွားတာရယ် Tesla နဲ့ အခြားတရုတ် EV တွေလို Infotainment Screen အကြီးကြီး ဖြစ်သွားတာတွေကပဲ ဒီ all-new ES ကို Timeless Japanese Luxury ကားတစ်စီးဆိုတာထက် mass-market tech demo ဘက်သွားတဲ့ vibe မျိုးရသွားစေတာ အမှန်ပါပဲ။
အထက်မှာပြောခဲ့တဲ့အတိုင်းပဲ ဒီကောင့်မှာ Hybrid နဲ့ EV ဆိုပြီး Powertrain နှစ်မျိုးနဲ့လာမှာဖြစ်ပြီး FWD နဲ့ AWD ဆိုပြီး ထပ်ရှိပါမယ်။ စိတ်မကောင်းစရာကတော့ အရင် 7th-gen မှာလို 3.5L V6 မရနိုင်တော့ပါဘူး။ ဒီအစား 2.5L 4-Cyl တစ်မျိုးတည်းသာလာမှာဖြစ်ပြီး FWD ယူချင်ယူ ဒါမှမဟုတ် အနောက်ဘက် rear axle ကမော်တာနဲ့အလုပ်လုပ်မယ့် AWD ယူရပါမယ်။ Prius တို့ Camry တို့ကလိုပေါ့။ မြင်းကောင်ရေကတော့ 225 Hp ထွက်မှာဖြစ်ပြီး e-AWD မှာတော့ 232 Hp ထွက်ပါမယ်။ EV ဗားရှင်းမှာတော့ ES350e နဲ့ ES500e ဆိုပြီး ဂရိတ်နှစ်မျိုးနဲ့လာမယ်လို့ သိရပါတယ်။ ES350e ကတော့ single-motor FWD နဲ့ဖြစ်ပြီး dual-motor AWD လိုချင်ရင်တော့ ES500e ကို ရွေးရပါမယ်။ Lexus ဘက်ကတော့ ဒီ EV Powertrain ရဲ့ Output တွေနဲ့ပတ်သက်ပြီး ဖော်ပြထားခြင်းမျိုးမရှိပေမယ့် ဂရိတ်ခွဲထားတဲ့နာမည်တွေနဲ့ ဆက်စပ်စဥ်းစားကြည့်ရင်တော့ RZ SUV (EV) နဲ့ share ကောင်း share လာနိုင်ပါတယ်။ အကယ်၍သာ ဒီလိုဖြစ်လာခဲ့မယ်ဆိုရင်တော့ ES350e မှာ 224 Hp နဲ့ ES500e မှာ 400 Hp ပတ်ချာလည်လောက် ထွက်နိုင်ပါလိမ့်မယ်။
အဆုံးသတ်ရရင်တော့ Lexus က ကနေ့ခေတ် market ရဲ့ trends တွေနောက်အမှီလိုက်ရင်း သူ့ကိုယ့်သူ Lexus မှန်းတောင် မေ့လျော့သွားပုံရပါတယ်။ old-money စတိုင်သဘောကျတဲ့ သူတစ်ယောက်ကိုသွားပြီး hypebeast cargo pants တွေ graphic tee တွေသွားဝတ်ခိုင်းလိုက်သလိုပဲ အခု all-new ES မှာလည်း Lexus ရဲ့ elegance ဖြစ်တဲ့ အငွေ့အသက်တွေ ပျောက်ဆုံးသွားတယ်လို့ ခံစားမိတယ်။

The Old GUARD 2 ထဲက ဇာတ်ဝင်ခန်း first look တွေဖြစ်ပါတယ်။ မင်းသမီး Charlize Theron ဦးဆောင်တဲ့ immortals team အက်ရှင်တွေ ပြန်ကြည့်ရအုံးမယ်။ July 2 ရုံတင်မယ်။

ရင့်ကျက်တယ်ဆိုတာ
ဒဏ်ရာပြပြီး ငိုလို့မရတဲ့ နှစ်တွေပါ အမေရာ
တစ်ယောက်တည်း ပြေးရင်း
တစ်ယောက်တည်း မောဟိုက်လာပေါ့။
#အနက်ရောင်

ယနေ့ movie fact.

လက်ရှိစျေးကွက်ထဲက နောက်ဆုံးပေါ် Defender တွေဆိုတာ Range Rover တစ်စီးအလား Luxury SUV ဆန်ဆန်နဲ့ နောက်ဆုံးပေါ် Tech တွေ အကုန်ပြစ်ထည့်၊ Digital Displays တွေ air suspension ဘာညာကွိကွတွေနဲ့ Instagram Reels တွေမှာ Flex ဖို့လောက်ဖြစ်လာခဲ့တာ သိပ်ဝမ်းနည်းဖို့ကောင်းတဲ့ဆိုပြီး ကျွန်တော်အမြဲလိုလိုပြောဖူးပါတယ်။ တကယ်တော့ Defender ရဲ့အမာခံချစ်သူတွေ လိုလားတာက Boxy ဖြစ်ဖြစ်၊ သိပ်ကိုမှခက်ထန်ကြမ်းတမ်းတဲ့ slab-sided ဘော်ဒီ၊ အပြားလိုက် flat windshields တွေနဲ့ Riveted Panels တွေဗျ။ Riveted Panels တွေဆိုတာ ဗမာလိုပြောရရင် ကားရဲ့ဘော်ဒီပေါ်မှာ panel ပြားတွေကိုတစ်ခုနဲ့တစ်ခု စို့ရိုက်ထားတာကို ပြောတာပါ။ မြင်သာအောင်ပြောရရင် custom builds တွေမှာတွေ့ရတဲ့ "bolt-on" စတိုင်ပါ။ ဒါတွေကပဲ Defender တစ်စီးရဲ့ aesthetic က military-inspired ပုံစံမျိုးပေါက်နေသလို ခက်ထန်ကြမ်းတမ်းနေခဲ့တာဆိုရင်လည်း မမှားဘူး။
ဒီလိုနဲ့ Classic Defender တွေရဲ့ နှလုံးသားတစ်စုံကို ကနေ့ခေတ်ရေစီးကြောင်းရဲ့ စားသုံးခြင်းခံလိုက်ရတဲ့အခါ ဗြိတိန်ဘီလီယံနာသူဌေးတစ်ယောက်ဖြစ်တဲ့ Sir Jim Ratcliffe_ဆာဂျင်မ် ရတ်ကလစ်ပ်ဖ်ရဲ့ Ineos Grenadier_အီနီယို့စ် ဂရန်နဒီယာက အဖြေတစ်ခုဖြစ်လာခဲ့ပါတယ်။ "ငါတို့လိုချင်တဲ့ Defender ကို Land Rover ကမထုတ်ပေးရင်၊ ငါကိုယ်တိုင်ဖန်တီးယူမယ်" ဆိုတဲ့ Sir Jim ရဲ့အကြောင်းကို ကျွန်တော်အရင်ကပြောခဲ့ဖူးတာမို့ မဖတ်ရသေးရင် ဟောဒီလင့်ခ်ကနေတစ်ဆင့် သွားဖတ်နိုင်ပါတယ်။ 👉 https://www.facebook.com/share/p/1Bx92BVD92/
ဒါ့အပြင် Coachbuilders တွေဖြစ်တဲ့ ECD Automotive Design နဲ့ Ares Design တို့လို ကုမ္ပဏီကြီးတွေကပါ အသက်ငင်နေတဲ့ Classic Defender အဟောင်းတွေကို တစ်စတစ်စ restore လုပ်ရင်း အသက်ကယ်ဆေးထိုးပေးခဲ့ကြပါတယ်။ ဆေးကစွမ်းသလားတော့မမေးပါနဲ့၊ Classic Defender Restomod တွေရဲ့ fanbase သိပ်ကိုမှအားကောင်းတယ်ဆိုတာကို Land Rover ပင်လျှင် မျက်ကွယ်မပြုနိုင်တော့တဲ့အဆုံး factory-fresh Defenders တွေကိုအသက်သွင်းဖို့ Works Bespoke ဆိုပြီး ဖြစ်လာခဲ့ရတဲ့အထိပါပဲ။
အောက်ကပုံထဲမှာမြင်တွေ့ရတဲ့ အမိုးဖွင့် Soft Top နဲ့ Defender က Works Bespoke ဘက်ကနေ မနေ့ညကျပဲချပြလာခဲ့တဲ့ Restomod တစ်စီးပါ။ ထုံးစံအတိုင်းပဲ တစ်စီးလုံး nut တစ်လုံး၊ bolt တစ်လုံးကအစ hand-build ဖြစ်သလို လေးထောင့်စက်စက် ဘောနပ်အဖုံးအောက်မှာ လဲလျောင်းနေတာကတော့ 5.0L NA စစ်စစ် V8 အင်ဂျင်တစ်လုံးပါ။ စုစုပေါင်း Total Output ကတော့ @ 6,000 RPM မှာ 400 Hp ထွက်မှာဖြစ်ပြီး Torque ကတော့ 380 lb-ft ပါ။ ထုံးစံအတိုင်းပဲ 4WD နဲ့လာမှာဖြစ်သလို transmission ကိုတော့ 8-Speed ZF AT ပဲသုံးပေးထားပါတယ်။
ဆိုတော့ ကိုယ့်လူကပြောမယ်၊ "မင်းကားက Defender 90 ပေါ် အခြေခံထားတော့ wheelbase တိုတယ်မ​ကြိုက်ဘူး၊ ငါတို့က 110 လောက်လိုချင်တာ" ဘာညာပေါ့။ ဒီလိုဆိုလည်းမပူပါနဲ့ Works Bespoke ဘက်ကနေ ပြီးခဲ့တဲ့နှစ်ကတည်းက 110 ဘော်ဒီစတိုင် Classic Defender Restomod ကို ချပြခဲ့ပြီးပါပြီ။ ဒီအကြောင်းကိုလည်း ကျွန်တော်ရေးခဲ့ဖူးပြီးဖြစ်လို့ မဖတ်ရသေးရင် ဒီလင့်ကတစ်ဆင့်သွားဖတ်လို့ရပါအုံးမယ်။ 👉 https://www.facebook.com/share/p/1BSPNrc5Jv/
အဆုံးသတ်ရရင် ဒီကောင့်ရဲ့ MSRP က စတာလင်ပေါင် နှစ်သိန်းခွဲလောက်အထိ သွားနိုင်ပါတယ်။ ဒီနေ့ငွေစျေးအရကြည့်မယ်ဆိုရင်တော့ ဒါဟာ ဒေါ်လာနဲ့ဆို သုံးသိန်းကျော်နေပြီမို့ ပွင့်ပွင့်လင်းလင်းပြောရရင် Grenadier (၃) စီးလောက်ဝယ်လို့ရမယ့် အနေအထားတစ်ခုပါ။ မည်သို့ပင်ဆိုစေကာမူ Screen အကြီးကြီးတွေထည့်၊ မိတ်ကပ်အထပ်ထပ်နဲ့ ဇွတ် futuristic လုပ်နေကြတဲ့ ကားတွေပဲမြင်နေကြားနေရတော့ တစ်ခါတစ်ရံဒီလိုသတင်းလေးတွေက ကားချစ်သူတွေအတွက်တော့ Mechanical Oasis လေးတစ်ခုပါပဲ။
ဆိုတော့ အကယ်၍မိတ်ဆွေသာ ဟောဒီက စတာလင်ပေါင် နှစ်သိန်းခွဲတန် Classic Defender Restomod တစ်စီးဝယ်နိုင်ခဲ့မယ်ဆိုရင် Kenya ဘက်က Safari_ဆာဖာရီတွေဆီ ခရီးထွက်မလား? ဒါမှမဟုတ် Malibu_မာလီဘူး က Beach Club တစ်ခုခုရှေ့မှာပဲ ပါကင်ထိုးထားမလား? ကောမန့်မှာ ပြောသွားပါအုံး။