အာဆင်နယ်အသင်းရဲ့ပွဲအများအပြားကို အိုဒီဂတ်လွဲချော်

အောက်တိုဘာ ၁၅

အာဆင်နယ်အသင်းခေါင်းဆောင်အိုဒီဂတ်ဟာ ဒူးဒဏ်ရာကြောင့် နိုဝင်ဘာလယ်အထိ အနားယူရဖွယ်ရှိနေတာကြောင့် အသင်းရဲ့ပွဲအများအပြားကို လွဲချော်တော့မှာဖြစ်ပါတယ်။

အိုဒီဂတ်ဟာ အာဆင်နယ်အသင်းက ဝက်စ်ဟမ်းအသင်းကို ၂ ဂိုး-ဂိုးမရှိနဲ့အနိုင်ရခဲ့တဲ့ ပရီးမီးယားလိဂ်ပွဲစဉ်ရဲ့ ပထမပိုင်းမှာ ဒူးအရွတ်ဒဏ်ရာရခဲ့တဲ့အတွက် လူစားလဲခံခဲ့ရပါတယ်။

အာဆင်နယ်အသင်းဟာ အိုဒီဂတ် ဘယ်အချိန်ထိအနားယူရမလဲဆိုတာကို ပြောခဲ့ခြင်းမရှိပေမယ့် BBC Sport က နော်ဝေကွင်းလယ်လူဟာ နိုဝင်ဘာလလယ်အထိ အနားယူရဖွယ်ရှိတယ်လို့ ဖော်ပြခဲ့ပါတယ်။

အဲ့ဒါကြောင့် အိုဒီဂတ်ဟာ ဖူလ်ဟမ်၊ခရစ္စတယ်ပဲလေ့စ်၊ဘန်လေ၊ဆန်းဒါးလန်းအသင်းတို့နဲ့ ပရီးမီးယားလိဂ်ပွဲစဉ်တွေအပြင် အက်သလက်တီကို၊ဆလာဗီးယားအသင်းတို့နဲ့ ချန်ပီယံလိဂ်ပွဲစဉ်တွေမှာ အာဆင်နယ်အသင်းအတွက် ပါဝင်နိုင်တော့မှာ မဟုတ်ပါဘူး။

အိုဒီဂတ်ဟာ အာဆင်နယ်အသင်းရဲ့အရေးပါတဲ့ ကစားသမားတစ်ဦးဖြစ်တာကြောင့် သူအနားယူရမယ့် သတင်းဟာ နည်းပြအာတီတာအတွက် စိတ်ပျက်စရာဖြစ်ခဲ့ရပါတယ်။

အိုဒီဂတ်ဟာ ဒီရာသီအစပိုင်းမှာဒဏ်ရာတွေနဲ့ ရင်ဆိုင်နေရပြီး ပရီးမီးယားလိဂ် ၃ ပွဲဆက်တိုက် ပထမပိုင်းမပြီးမီ လူစားလဲခံခဲ့ရတဲ့ ပထမဆုံးကစားသမားအဖြစ် မှတ်တမ်းဝင်ထားပါတယ်။

အာဆင်နယ်အသင်းဟာ နိုဝင်ဘာနိုင်ငံတကာပွဲစဉ်တွေအပြီးမှာ စပါးအသင်းနဲ့ မြောက်လန်ဒန်ဒါဘီပွဲစဉ်ယှဉ်ပြိုင်ရမှာဖြစ်ပြီး ဒီပွဲအတွက် အိုဒီဂတ်အချိန်မီ ပြန်ပါဝင်နိုင်မလားဆိုတာ စောင့်ကြည့်ရမှာပါ။

အာဆင်နယ်အသင်းဟာ အိုဒီဂတ်မပါဝင်နိုင်တဲ့ပွဲတွေမှာ အီဇီကို သူ့ရဲ့နေရာမှာ အစားထိုးအသုံးပြုနိုင်သလို မယ်ရီနို၊ဇူဘီမန်ဒီနဲ့ ဒီကလန်ရိုက်စ်တို့ ကွင်းလယ်အတွဲဖက်ကိုလည်း အသုံးပြုနိုင်ပါတယ်။

အာဆင်နယ်အသင်းဟာ လာမယ့်ပရီးမီးယားလိဂ်ပွဲစဉ်အဖြစ် ဖူလ်ဟမ်အသင်းအိမ်ကွင်းသွားရောက်ယှဉ်ပြိုင်ရမှာဖြစ်ပါတယ်။

ပုံ - အိုဒီဂတ် ကို တွေ့ရစဉ်

Credit - CNI

#ဘောလုံးသတင်းစုံ

အိုင်ဘီဇာကမ်းခြေရှိ မက်ဆီရဲ့ ပေါင် ၉.၅ သန်းတန် စံအိမ် ဖြိုချခံရကိန်းဆိုက်နေ

အောက်တိုဘာ ၁၄

လီယွန်နယ်မက်ဆီရဲ့ ပေါင် ၉.၅ သန်းတန် အိုင်ဘီဇာစံအိမ်မှာ ဖြိုချခံရမယ့်အရေးနှင့် ကြုံတွေ့နေရပါတယ်။

စူပါစတားဟာ ယင်းနေအိမ်ကို ပေါင် ၉.၅ သန်းဖြင့် ဝယ်ယူခဲ့တာ ဖြစ်ပြီး တရားရေးရာ ပြဿနာများ ရင်ဆိုင်နေခဲ့ရတာလည်း ဖြစ်ပါတယ်။

သူဟာ ၂၀၂၂ ခုနှစ်တွင် အိုင်ဘီဇာအနောက်ပိုင်း ကမ်းခြေမှ ယင်းနေအိမ်ကို ဆွစ်ဇာလန်စီးပွားရေးလုပ်ငန်းရှင် ဖီးလစ်ပီအမွန်ထံမှ ဝယ်ယူခဲ့တာ ဖြစ်ပေမယ့်လည်း အဆောက်အဦမှာ စည်းမျဉ်းစည်းကမ်းများနှင့် မကိုက်ညီ ဖြစ်နေပါတယ်။

မက်ဆီဟာ အခန်းများကို ဖြိုချပြီး စည်းမျဉ်းစည်းကမ်းများနှင့်အညီ အခြေခံအဆောက်အဦနှင့် ဂိုထောင်တို့ တည်ဆောက်ရဖို့ ရှိပါတယ်။

ယင်းနေအိမ်တွင် ၉၂ စတုရန်းမီတာရှိ ရေကူးကန် ပါဝင်သလို အဆောက်အဦမှာလည်း စတုရန်းမီတာ ၁၆၀၀၀ ကျော်ရှိပါတယ်။

နေအိမ်မှာ ဆန်ဂျိုးဆက်ဖ်ဒီဆာတာလိုင်ယာတွင် တည်ရှိတာ ဖြစ်ပြီး ယခုတိုင် လိုအပ်တဲ့ ခွင့်ပြုချက်များ မရရှိသေးပါဘူး။

မြို့တော်ကောင်စီဟာ နေအိမ်အား စည်းမျဉ်းစည်းကမ်းနဲ့အညီ ပြုပြင်တည်ဆောက်ရန် ပြောဆိုထားပြီး လိုအပ်ပါက အဆောက်အဦ အစိတ်အပိုင်းကိုပါ ဖြိုချရန် စီစဉ်ထားပါတယ်။

ဒါ့အပြင် ယင်းအဆောက်အဦမှာ သဘာဝပတ်ဝန်းကျင်နှင့်ပတ်သက်ပြီး စိုးရိမ်ရတဲ့ နေရာတွင် တည်ရှိကာ ရောင်းချခြင်း၊ ငှားရမ်းခြင်း ပြုလုပ်နိုင်ခြင်း မရှိတဲ့ အဆိပ်သင့်မြေအဖြစ် သတ်မှတ်ထားတဲ့နေရာပါ။

ပြီးခဲ့တဲ့နှစ်တုန်းက သဘာဝပတ်ဝန်းကျင်လှုပ်ရှားသူများဟာ အဆောက်အဦကို ကျူးကျော်ဝင်ရောက်ပြီးနောက် အနီရောင်နှင့် အနက်ရောင်ဆေးများခြယ်ကာ ဖျက်ဆီးမှု ပြုလုပ်ခဲ့ကြပါသေးတယ်။

မက်ဆီကလည်း ယင်းသဘာဝပတ်ဝန်းကျင်လှုပ်ရှားသူများအား အဆောက်အဦပြုပြင်စရိတ်အဖြစ် ပေါင် ၅၀၀၀၀ နစ်နာကြေး ပြန်လည်ရယူခဲ့ပါတယ်။

#ဘောလုံးသတင်းစုံ

ပြည်သူ့ဝန်ထမ်းနှင့် နိုင်ငံ့ဝန်ထမ်းများ ကား ဝယ်ယူခွင့်ကြေညာချက်မှာ အတုဖြစ်

အောက်တိုဘာ ၁၄

ပြည်သူ့ဝန်ထမ်းနှင့် နိုင်ငံ့ဝန်ထမ်းများ ကား ဝယ်ယူခွင့်ပြုရေးကိစ္စနှင့် စပ်လျဉ်း၍ လူမှုကွန်ယက်တွင် ပျံ့နှံ့လျက်နေသော ကြေညာချက်တစ်စောင်သည် အတုဖြစ်ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၏ ထုတ်ပြန်ချက်အရသိရသည်။

အဆိုပါကြေညာချက်အတုတွင် တပ်မတော်သားအရာရှိကြီးများကို ရာထူးအဆင့်အလိုက် အချိန်ကန့်သတ်ချက်ဖြင့် အငြိမ်းစားယူရန် သတ်မှတ်ထားသည့်အတွက် စစ်မှုထမ်းကောင်းတံဆိပ် ရရှိထားသော ပင်စင်ယူ ရန် (၃) နှစ်အလိုဖြစ်သော တာဝန်ထမ်းဆောင်ဆဲ တပ်မတော်သား(အမြဲတမ်းအတွင်းဝန်၊ ညွှန်ကြားရေးမှူးချုပ်အဆင့် မှ ဒုတိယညွှန်ကြားရေးမှူးချုပ်အဆင့်အထိ နိုင်ငံ့ဝန်ထမ်းများနှင့် ရာထူးအဆင့်တူညီသူ) (၅၀၁)ယောက်ကို ပြည်ပက မော်တော်ယာဉ် တင်သွင်းခွင့် ဒါမှမဟုတ် ပြည်တွင်း အရောင်းပြခန်းတွေကနေ ဝယ်ခွင့်ပြုမည်ဟု ဖော်ပြထားသည်။

ပင်စင်ယူဖို ၃ နှစ်အလိုဖြစ်တဲ့ တာဝန်ထမ်းဆောင်ဆဲ တပ်မတော်သား(လက်ထောက်ညွှန်ကြားရေးမှူးအဆင့် မှရုံးအကူအဆင့်ထိ နိုင်ငံဝန်ထမ်းများနှင့် ရာထူးအဆင့်တူညီသူ) (၄၀၄၉) ယောက်ကို ပြည်တွင်းတွင် SKD စနစ်ဖြင့် ထုတ်လုပ်သော မော်တော်ယာဉ်များကို ဝယ်ယူခွင့် ပြုမည်ဟု ဖော်ပြထားသေးသည်။

အဆိုပါ ပြည်သူ့ဝန်ထမ်းနှင့် နိုင်ငံ့ဝန်ထမ်း များအား မော်တော်ယာဉ်ဝယ်ယူခွင့်ကို စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ လတ်တလောထုတ်ပြန်ထားခြင်း မရှိကြောင်းလည်း သိရသည်။

ဝန်ကြီးဌာနအနေဖြင့် ၂၀၂၀ ပြည့်နှစ်၊ စက်တင်ဘာလ ၃၀ ရက်နေ့တွင် နိုင်ငံတော်ပိုင်သတင်းစာများမှတစ်ဆင့် ထုတ်ပြန်ဆောင်ရွက်ခဲ့ ဖူးပြီး အဆိုပါထုတ်ပြန်ချက်အား ၂၀၂၁ ခုနှစ်၊ အောက်တိုဘာလ ၁ ရက်နေ့တွင် ရပ်ဆိုင်းခဲ့ပြီးဖြစ်ကြောင်း ဖော်ပြထားသည်။

ယခုဆိုရှယ်မီဒီယာ၌ ဖော်ပြနေသည့် အချက်အလက်များသည် ၂၀၂၀ ပြည့်နှစ် တွင် ထုတ်ပြန်ခဲ့သည့် ကြေညာချက်ပေါ်၌ Facebook ၏ Memory ပြန်တက်လာတဲ့အပေါ် အချက်အလက်၊ ခုနှစ် များ ပြင်ဆင်ပြီး ပြည်သူလူထုအကြား မော်တော်ကားစျေးကွက် မတည်မငြိမ်ဖြစ် စေရန် ရည်ရွယ်ချက်ရှိရှိဖြင့် ကြေညာချက်အတု ဖြန့်ဝေဆောင်ရွက်ခြင်းဖြစ် ကြောင်း ထုတ်ပြန်ချက်အရ သိရသည်။

ပြည်သူ့ဝန်ထမ်း၊ နိုင်ငံ့ဝန်ထမ်းများနှင့် ပြည်သူအကြား စည်းလုံးညီညွတ်မှု ပျက်ပြား စေရန် အငြင်းပွားဖွယ်ရာကိစ္စများကို သွေးထိုးလှုံ့ဆော်ပြီး ရွေးကောက်ပွဲကာလ မတိုင်ခင် နိုင်ငံရေးမတည်မငြိမ်ဖြစ်စေရန် မသမာသူတွေက လုပ်ကြံသတင်းဖြန့် ကြေညာချက်အတုထုတ်ပြန်ခြင်းဖြစ်သည်ဟု ထင်မြင်ယူဆကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက ပြောဆိုထားကြောင်းသိရ သည်။

Credit - NP News Agency

#centralnewsnaypyitaw

အမေရိကန်သမ္မတ ဒေါ်နယ်ဒ် ထရမ့်ပ်က ထိုင်း နှင့် ကမ္ဘောဒီးယား ငြိမ်းချမ်းရေး သဘောတူညီချက် လက်မှတ်ထိုးပွဲသို့ တက်ရောက်ဖွယ်ရှိ

အောက်တိုဘာ ၁၄

အမေရိကန်ပြည်ထောင်စု သမ္မတ ဒေါ်နယ်ဒ် ထရမ့်ပ်က ထိုင်း နဲ့ ကမ္ဘောဒီးယား နှစ်နိုင်ငံတို့ရဲ့ ငြိမ်းချမ်းရေး သဘောတူညီချက် လက်မှတ်ရေးထိုးပွဲကို လာမယ့် အာဆီယံထိပ်သီးဆွေးနွေးပွဲမှာပြုလုပ်တဲ့အခါ တက်ရောက်သွားဖွယ်ရှိတယ်လို့ အိမ်ရှင်အဖြစ်ကျင်းပမယ့် မလေးရှားနိုင်ငံရဲ့ နိုင်ငံခြားရေးဝန်ကြီး မိုဟာမက်ဟာဆန် က ဒီနေ့ အောက်တိုဘာလ ၁၄ ရက်မှာ ပြောခဲ့ပါတယ်။

ထိုင်းနဲ့ ကမ္ဘောဒီးယားတို့အကြား တင်းမာမှုတွေက ဇူလိုင်လမှာ နှစ်နိုင်ငံကြားစစ်ပွဲဆင်နွှဲရတဲ့အထိ ဖြစ်ခဲ့ရပြီး သူတို့အကြားမှာလည်း ဆယ်စုနှစ်တွေအတွင်း အသေအပျောက်အများဆုံးစစ်ပွဲလည်း ဖြစ်ခဲ့ရပါတယ်။ စစ်ပွဲမှာ နှစ်ဖက် လူ ၄၀ ကျော် သေဆုံးခဲ့ပြီး နယ်စပ်ဒေသရှိ လူ ၃၀၀,၀၀၀ ကျော် အိုးအိမ်တွေ စွန့်ခွာထွက်ပြေးခဲ့ရပါတယ်။

ငါးရက်ကြာတိုက်ခိုက်မှုတွေအပြီးမှာတော့ သမ္မတ ထရမ့်ပ်ရဲ့ ဖိအားပေးစေ့စပ်မှုနဲ့ အပစ်အခတ်ရပ်စဲရေးကို နှစ်ဖက်သဘောတူခဲ့ကြတာပါ။ ဒီ့နောက်မှာတော့ အပစ်အခတ်ရပ်စဲရေးကို ချိုးဖောက်တယ်လို့ အပြန်အလှန်စွပ်စွဲနေခဲ့ကြတာပါ။

အမေရိကန်သမ္မတ ထရမ့်ပ် အနေနဲ့ ထိုင်းနဲ့ ကမ္ဘောဒီးယား နှစ်နိုင်ငံတို့အကြား ငြိမ်းချမ်းရေး သဘောတူညီချက် လက်မှတ်ရေးထိုးတာကို ကြိုဆိုတယ်လို့ မိုဟာမက် ဟာဆန်က ကွာလာလမ်ပူမှာ ပြုလုပ်တဲ့ သတင်းစာရှင်းလင်းပွဲတစ်ခုမှာ သတင်းစာဆရာတွေကို ပြောခဲ့ပါတယ်။

သူက ထရမ့်ပ်ဟာ အောက်တိုဘာလ ၂၆ ရက်မှ ၂၈ ရက်အထိ ကွာလာလမ်ပူမြို့မှာ ကျင်းပမယ့် အာဆီယံထိပ်သီးဆွေးနွေးပွဲတက်ရောက်ဖို့ အောက်တိုဘာလ ၂၆ ရက်မှာ မလေးရှားကို လာရောက်မယ်လို့ ပြောခဲ့ပါတယ်။

မလေးရှားနဲ့ အမေရိကန်တို့ဟာ ထိုင်းနဲ့ ကမ္ဘောဒီးယားကြား ပိုမိုကျယ်ပြန့်တဲ့ အပစ်အခတ်ရပ်စဲရေး သဘောတူညီချက်ကို မြင်တွေ့ဖို့ စည်းရုံးရေးမှူးတွေအဖြစ် ဆောင်ရွက်သွားမယ်လို့လည်း မိုဟာမက်က ပြောခဲ့ပါတယ်။

မိုဟာမက်က “နှစ်ဖက်စလုံးက ဒီအခြေအနေတွေကို ဖြည့်ဆည်းပေးနိုင်မယ်လို့ မျှော်လင့်ပြီး အာဆီယံ ထိပ်သီးအစည်းအဝေးမှာ ကြေညာချက်တစ်ခု လက်မှတ်ရေးထိုးနိုင်မယ်လို့ မျှော်လင့်ပါတယ်။ ဒါကို ကျွန်တော်တို့က ကွာလာလမ်ပူကြေညာစာတမ်း ဒါမှမဟုတ် ကွာလာလမ်ပူသဘောတူညီချက်လို့ ခေါ် ဆိုနိုင်မှာပါ။ အိမ်နီးချင်းနှစ်နိုင်ငံအနေနဲ့ ငြိမ်းချမ်းရေးအတွက် အတူတကွပူးပေါင်းနိုင်ပြီး သူတို့ရဲ့ အပစ်အခတ်ရပ်စဲရေးကိုလည်း အကောင်အထည်ဖော်နိုင်စေဖို့ သေချာစေလိုပါတယ်” လို့ ပြောခဲ့ပါတယ်။

အိမ်နီးချင်းနှစ်နိုင်ငံ တင်းမာမှုတွေကို ဖြေရှင်းပေးချင်တယ်လို့ အမေရိကန်သမ္မတ ထရမ့်ပ်ဆီက စာတစ်စောင် လက်ခံရရှိခဲ့တယ်လို့ ထိုင်းဝန်ကြီးချုပ် အနျူတင် ချန်ဗီရာကူလ်က အောက်တိုဘာလ ၉ ရက်က ပြောခဲ့ပါတယ်။ သူက “ကမ္ဘောဒီးယားက နယ်စပ်ဒေသတွေက လက်နက်ကြီးတွေကို ရုပ်သိမ်းဖို့၊ မြေမြှုပ်မိုင်းတွေ ဖယ်ရှားဖို့၊ အင်တာနက် လိမ်လည်သူတွေကို နှိမ်နင်းပြီး သူတို့ရဲ့ နိုင်ငံသားတွေကို ထိုင်းနယ်စပ်မှ ရွှေ့ပြောင်းပေးမယ်ဆိုရင် ထိုင်းနိုင်ငံသည် ညှိနှိုင်းရန် အသင့်ရှိတယ်” လို့ ဆက်လက် ပြောခဲ့ပါတယ်။

ကမ္ဘောဒီးယားကလည်း သူ့နိုင်ငံသားတွေဟာ အငြင်းပွားနေတဲ့နယ်စပ်ဒေသမှာ ဆယ်စုနှစ်ပေါင်းများစွာနေလာတာလို့ ပြောခဲ့ပါတယ်။

အာဆီယံရဲ့ လက်ရှိအလှည့်ကျဥက္ကဋ္ဌ မလေးရှားဝန်ကြီးချုပ် အန်ဝါအီဘရာဟင်က ထရမ့်ဟာ အာဆီယံအစည်းအဝေးများကို တက်ရောက်မယ်လို့ ပြောကြားခဲ့ပေမယ့် အမေရိကန်အစိုးရထံမှ တရားဝင်အတည်ပြုချက် မရရှိသေးပါဘူး။

Ref, CNA

Credit - Voice of Myanmar News Agency

#သတင်းဟင်းလေးအိုးကြီး

အမေရိကန်သမ္မတ ဒေါ်နယ်ဒ် ထရမ့်ပ်က ထိုင်း နှင့် ကမ္ဘောဒီးယား ငြိမ်းချမ်းရေး သဘောတူညီချက် လက်မှတ်ထိုးပွဲသို့ တက်ရောက်ဖွယ်ရှိ

အောက်တိုဘာ ၁၄

အမေရိကန်ပြည်ထောင်စု သမ္မတ ဒေါ်နယ်ဒ် ထရမ့်ပ်က ထိုင်း နဲ့ ကမ္ဘောဒီးယား နှစ်နိုင်ငံတို့ရဲ့ ငြိမ်းချမ်းရေး သဘောတူညီချက် လက်မှတ်ရေးထိုးပွဲကို လာမယ့် အာဆီယံထိပ်သီးဆွေးနွေးပွဲမှာပြုလုပ်တဲ့အခါ တက်ရောက်သွားဖွယ်ရှိတယ်လို့ အိမ်ရှင်အဖြစ်ကျင်းပမယ့် မလေးရှားနိုင်ငံရဲ့ နိုင်ငံခြားရေးဝန်ကြီး မိုဟာမက်ဟာဆန် က ဒီနေ့ အောက်တိုဘာလ ၁၄ ရက်မှာ ပြောခဲ့ပါတယ်။

ထိုင်းနဲ့ ကမ္ဘောဒီးယားတို့အကြား တင်းမာမှုတွေက ဇူလိုင်လမှာ နှစ်နိုင်ငံကြားစစ်ပွဲဆင်နွှဲရတဲ့အထိ ဖြစ်ခဲ့ရပြီး သူတို့အကြားမှာလည်း ဆယ်စုနှစ်တွေအတွင်း အသေအပျောက်အများဆုံးစစ်ပွဲလည်း ဖြစ်ခဲ့ရပါတယ်။ စစ်ပွဲမှာ နှစ်ဖက် လူ ၄၀ ကျော် သေဆုံးခဲ့ပြီး နယ်စပ်ဒေသရှိ လူ ၃၀၀,၀၀၀ ကျော် အိုးအိမ်တွေ စွန့်ခွာထွက်ပြေးခဲ့ရပါတယ်။

ငါးရက်ကြာတိုက်ခိုက်မှုတွေအပြီးမှာတော့ သမ္မတ ထရမ့်ပ်ရဲ့ ဖိအားပေးစေ့စပ်မှုနဲ့ အပစ်အခတ်ရပ်စဲရေးကို နှစ်ဖက်သဘောတူခဲ့ကြတာပါ။ ဒီ့နောက်မှာတော့ အပစ်အခတ်ရပ်စဲရေးကို ချိုးဖောက်တယ်လို့ အပြန်အလှန်စွပ်စွဲနေခဲ့ကြတာပါ။

အမေရိကန်သမ္မတ ထရမ့်ပ် အနေနဲ့ ထိုင်းနဲ့ ကမ္ဘောဒီးယား နှစ်နိုင်ငံတို့အကြား ငြိမ်းချမ်းရေး သဘောတူညီချက် လက်မှတ်ရေးထိုးတာကို ကြိုဆိုတယ်လို့ မိုဟာမက် ဟာဆန်က ကွာလာလမ်ပူမှာ ပြုလုပ်တဲ့ သတင်းစာရှင်းလင်းပွဲတစ်ခုမှာ သတင်းစာဆရာတွေကို ပြောခဲ့ပါတယ်။

သူက ထရမ့်ပ်ဟာ အောက်တိုဘာလ ၂၆ ရက်မှ ၂၈ ရက်အထိ ကွာလာလမ်ပူမြို့မှာ ကျင်းပမယ့် အာဆီယံထိပ်သီးဆွေးနွေးပွဲတက်ရောက်ဖို့ အောက်တိုဘာလ ၂၆ ရက်မှာ မလေးရှားကို လာရောက်မယ်လို့ ပြောခဲ့ပါတယ်။

မလေးရှားနဲ့ အမေရိကန်တို့ဟာ ထိုင်းနဲ့ ကမ္ဘောဒီးယားကြား ပိုမိုကျယ်ပြန့်တဲ့ အပစ်အခတ်ရပ်စဲရေး သဘောတူညီချက်ကို မြင်တွေ့ဖို့ စည်းရုံးရေးမှူးတွေအဖြစ် ဆောင်ရွက်သွားမယ်လို့လည်း မိုဟာမက်က ပြောခဲ့ပါတယ်။

မိုဟာမက်က “နှစ်ဖက်စလုံးက ဒီအခြေအနေတွေကို ဖြည့်ဆည်းပေးနိုင်မယ်လို့ မျှော်လင့်ပြီး အာဆီယံ ထိပ်သီးအစည်းအဝေးမှာ ကြေညာချက်တစ်ခု လက်မှတ်ရေးထိုးနိုင်မယ်လို့ မျှော်လင့်ပါတယ်။ ဒါကို ကျွန်တော်တို့က ကွာလာလမ်ပူကြေညာစာတမ

ကစားသမားဘဝအား စိတ်ပျက်စရာ အဆုံးမသတ်ရစေရန် မားကပ်စ်ရက်ဖို့ဒ်အား တူချယ် သတိပေး ပြောကြားလာ

အောက်တိုဘာ ၁၄

အင်္ဂလန်နည်းပြသောမတ်စ်တူချယ်က မားကပ်စ်ရက်ဖို့ဒ်ရဲ့ အလားအလာမှာ အကန့်အသတ် မရှိကြောင်း၊ သို့ရာတွင် ဘာစီလိုနာတိုက်စစ်သမားအနေဖြင့် ကစားသမားဘဝအား မလှမပ အဆုံးမသတ်စေရေး တွေးတောထားရန် သတိပေးပြောကြားလာပါတယ်။

ယူနိုက်တက်မှ ဘာစီလိုနာသို့ တစ်ရာသီအငှားဖြင့် သွားရောက် ကစားနေတဲ့ မားကပ်စ်ရက်ဖို့ဒ်ဟာ စပိန်တွင် အကောင်းဆုံးပုံစံ ပြန်လည် ရရှိနေကာ ၁၀ ပွဲကစားထားရာတွင် ၃ ဂိုးသွင်းပြီး ၅ ကြိမ် ဖန်တီးမှု ပြုလုပ်ထားနိုင်ပါတယ်။

အသက် ၂၇ နှစ်ရှိ တိုက်စစ်သမားဟာ ပြီးခဲ့တဲ့ ရာသီဝက်တုန်းက ဗီလာတွင် အငှားဖြင့် သွားကစားစဉ်တုန်းကလည်း ခြေစွမ်းပြနိုင်ခဲ့မှုနှင့်အတူ တူချယ်ရဲ့ အင်္ဂလန်အသင်းတွင် ပြန်လည် ရွေးချယ်ခံလာခဲ့ရသူလည်း ဖြစ်ပါတယ်။

တူချယ်က "ပါရမီနဲ့ပတ်သက်ပြီး မေးခွန်းထုတ်စရာ မရှိဘူး။ မေးခွန်းထုတ်စရာ ရှိတာက သူ့အနေနဲ့ ကလပ်နဲ့ နိုင်ငံအဆင့်မှာ သက်သေပြမလားဆိုတာပါ"လို့ ပြောကြားသွားပါတယ်။

အင်္ဂလန်ဟာ ယနေ့ အင်္ဂါနေ့ညတွင် ရီဂါတွင် လတ်ဗီးယားနှင့် ကမ္ဘာ့ဖလားခြေစစ်ပွဲ ကစားရမှာ ဖြစ်ပြီး အနိုင်ရလျှင် ၂၀၂၆ ကမ္ဘာ့ဖလားခြေစစ်ပွဲ အောင်မြင်လာပါမယ်။

ရက်ဖို့ဒ်ဟာ ပြီးခဲ့တဲ့ရာသီတုန်းက ယူနိုက်တက်နည်းပြရူဘင်အမိုရမ်နှင့် ပြဿနာတက်ပြီးနောက် ပထမအသင်းမှ ဖယ်ရှားခြင်းခံခဲ့ရသူလည်း ဖြစ်ပါတယ်။

ဇန်နဝါရီလမှာတော့ ရူဘင်အမိုရမ်က ရက်ဖို့ဒ်မှာ လေ့ကျင့်ရေးအစီအစဉ်တွင် နေ့စဉ် ရာနှုန်းပြည့် စွမ်းဆောင်လုပ်ပြခြင်း မရှိကြောင်း ဝေဖန်ပြောဆိုခဲ့ပါတယ်။

တူချယ်က မားကပ်စ်ရက်ဖို့ဒ်မှာ ကောင်းမွန်တဲ့ ဆုံးဖြတ်ချက်ချမှတ်နိုင်တဲ့ အရွယ်သို့ ရောက်နေပြီ ဖြစ်ပြီး မချမှတ်နိုင်ပါက နောက် ၁၀ နှစ်တွင် နောင်တရမယ့် အခြေအနေမျိုး ကြုံရလိမ့်မယ်လို့ ပြောကြားသွားပါတယ်။

တူချယ်က "သူ့အတွက် အကန့်အသတ်က အရမ်း အရမ်း မြင့်လွန်းတယ်။ အခြားသူတွေထက် ပိုမြင့်နိုင်တယ်။ သူ့မှာ အလားအလာတွေ ရှိတယ်။ ဒါပေမယ့် အလားအလာဆိုတဲ့စကားလုံးက ထိပ်တန်းအဆင့်အားကစားမှာ အရမ်းအန္တရာယ်ရှိတဲ့စကားပါ။ ပုံမှန်အခြေခံလောက်လုပ်ပြီး ပုဂ္ဂိုလ်ရေးပိုင်းအရ အကောင်းဆုံးအဆင့်သို့ ရောက်နိုင်တယ်။ ဒီအဆင့်မှာ တောင်းဆိုခံရတဲ့အရာမျိုးပေါ့။ ပြီးတော့ ဒါက သူ့အတွက် စိန်ခေါ်မှု ဖြစ်နေတယ်။ လေ့ကျင့်ရေးကွင်းမှာ သူ့အရည်အသွေး မြင်လိုက်တာနဲ့ သူက ကမ္ဘာ့အကောင်းဆုံးကစားသမားတွေထဲက တစ်ဦး ဖြစ်နိုင်တာ မြင်ခဲ့ရတယ်။ ခြေနှစ်ဖက်လုံးနဲ့ အဆုံးသတ်နိုင်တယ်။ ခေါင်းတိုက်လည်း ကောင်းတယ်။ အရမ်းမြန်တယ်။ လေထဲမှာလည်း ကောင်းတယ်။ ဒီတော့ အကန့်အသတ်ကဘာလဲ"လို့ ပြောကြားသွားပါတယ်။

#ဘောလုံးသတင်းစုံ

Comprehensive Report on Turkey Activated Carbon Market Size & Share 2032 - The Report Cube
Turkey Activated Carbon Market Overview:
Market Size (2023): USD xx Billion
Market Size (2032): USD xx Billion
CAGR (2023–2032): 8%
Top Companies in Turkey Activated Carbon Market: Haycarb PLC, CarboTech, Chemviron, Donau Carbon, Jacobi Carbons, Carbon Activated Corporation, Western Carbon & Chemicals, Pame Carbon, Aktif Karbon Turkiye, Huamei Activated Carbon Co., Ltd, and Others.
Request a Free Sample PDF of This Report - https://www.thereportcubes.com..../request-sample/turk

Comprehensive Report on Halal Food Market Size & Share 2032 - The Report Cube
Halal Food Market Overview:
Market Size (2023): USD 1200.1 Billion
Market Size (2032): USD xx Billion
CAGR (2023–2032): 12%
Top Companies in Halal Food Market: Cargill Inc., BRF Global, Mondelez International, Del Monte LLC, Unilever Plc, Nestlé (Malaysia) Berhad, Tyson Foods Inc., Al Islami Foods, Saffron Road, QL Resources Berhad, and Others.
Request a Free Sample PDF of This Report - https://www.thereportcubes.com..../request-sample/qata

မြန်မာနယ်စပ်မှာ ကျားဖြန့်တွေ Starlink သုံးစွဲနေမှု အမေရိကန်လွှတ်တော်ကော်မတီ စုံစမ်းစစ်ဆေးနေ

ဝါရှင်တန်၊ အောက်တိုဘာ ၁၄

မြန်မာနယ်စပ်မှာ အွန်လိုင်းငွေလိမ်ဂိုဏ်း(ကျားဖြန့်) တွေ မကြာသေးခင်လတွေအတွင်း ဖြိုခွင်းမှုတွေပြီးနောက် လအနည်းငယ်အကြာမှာ ဒီလုပ်ငန်းတွေ အရှိန်အဟုန်နဲ့ ပြန်လည်ခေါင်းထောင်နေတယ်လို့ အေအက်ဖ်ပီ သတင်းဌာနက ပြောပါတယ်။

အီလွန်မာ့ခ်ရဲ့ Starlink အင်တာနက်ဝန်ဆောင်မှုတွေကို လည်း ထိုင်း-မြန်မာနယ်စပ် မြဝတီမြို့တဝိုက်ရှိ အွန်လိုင်းငွေလိမ်ဂိုဏ်းလို အဆောက်အဦးတွေရဲ့ ခေါင်မိုးတွေမှာတွေ့ရှိရတယ်လို့ ဆိုပါတယ်။

ဖေဖော်ဝါရီလအတွင်း အွန်လိုင်းငွေလိမ်ဂိုဏ်းတွေကို ဖြိုခွင်းခံရချိန်မှာ Starlink သုံးစွဲမှု သိပ်မရှိပေမယ့် ဇူလိုင်လ ၃ ရက်မှ အောက်တိုဘာလ ၁ ရက်နေ့အထိ Starlink ဟာ မြန်မာနိုင်ငံအတွက် နေ့စဉ် အကြီးမားဆုံး အင်တာနက်ဝန်ဆောင်မှုဖြစ်လာခဲ့ကြောင်း အာရှဒေသတွင်း အင်တာနက်မှတ်ပုံတင်ခြင်းဆိုင်ရာအဖွဲ့ (APNIC )ရဲ့ အချက်အလက်တွေမှာ ဆိုပါတယ်။

ဒီကိစ္စနဲ့ပတ်သက်ပြီး အွန်လိုင်းငွေလိမ်ဂိုဏ်းတွေ လုပ်ငန်းလည်ပတ်မှုမှာ Starlink ပါဝင်ပတ်သက်မှုကို စုံစမ်းစစ်ဆေးမှုစတင်နေပြီလို့ အမေရိကန်ကွန်ဂရက်လွှတ်တော် ပူးတွဲစီးပွားရေးကော်မတီက အေအက်ဖ်ပီကိုပြောပါတယ်။

ဒီကော်မတီဟာ Starlink ပိုင်ဆိုင်သူ အီလွန်မာ့ခ်ကို ဆင့်ခေါ်စစ်ဆေးနိုင်တဲ့ အခွင့်အာဏာရှိပါတယ်။ ဒီကိစ္စနဲ့ပတ်သက်ပြီး Starlink ကိုပိုင်ဆိုင်သည့် SpaceX ကုမ္ပဏီကတော့ မှတ်ချက်ပေးတာမျိုး မရှိသေးပါဘူး။

နယ်စပ်ရှိ ငွေလိပ်ဂိုဏ်းတွေကို တရုတ်၊ ထိုင်းနဲ့ မြန်မာတို့က ဖေဖော်ဝါရီလမှာ ပူးပေါင်းနှိမ်နင်းခဲ့ပြီး အဓမ္မအလုပ်စေခိုင်းခံရသူ လူ ၇၀၀၀ ကျော်ကို နေရပ်ပြန်ပို့ခဲ့ကြပါတယ်။
Planet Labs PBC မှ ဂြိုလ်တုဓာတ်ပုံတွေကို AFP မှ ခွဲခြမ်းစိတ်ဖြာကြည့်ရာ မတ်လနဲ့ စက်တင်ဘာလအကြား KK Park မှာ ဒါဇင်နဲ့ချီ အဆောက်အအုံအသစ်တွေ သို့မဟုတ် အဆောက်အအုံပြောင်းလဲမှု အနေအထားတွေကို တွေ့ရတယ်လို့ ဆိုပါတယ်။

Ref:CNA
Photo: Cezary Podkul

Credit - Voice of Myanmar News Agency

#သတင်းဟင်းလေးအိုးကြီး

Comprehensive Report on Saudi Arabia Maternal Supplements Market Size & Share 2032 - The Report Cube
Saudi Arabia Maternal Supplements Market Overview:
Market Size (2023): USD 78 Million
Market Size (2032): USD xx Billion
CAGR (2023–2032): 5.65%
Top Companies in Saudi Arabia Maternal Supplements Market: Abbott Laboratories S.A., Bayer AG, Nestle Middle East, New Chapter Inc., GNC Middle East, Megafood, Haleon PLC, Thorne Research Inc., Smarty Pants (US Health & Wellbeing, LLC), Vitabiotics, and Others.
Request a Free Sample PDF of This Report - https://www.thereportcubes.com..../request-sample/saud