ငလျင်ကြောင့် အဆောက်အအုံထိခိုက်ပျ-က်စီးမှု လျှော့ချနိုင်ရန် Base Isolation System နည်းပညာအသုံးပြုသည့် အဆောက်အအုံတစ်လုံး မန္တလေးမြို့တွင် ပထမဆုံးအကြိမ် စတင်တည်ဆောက်
မြန်မာနိုင်ငံတွင် အင်အားပြင်းငလျင်လှုပ်ခတ်မှုများကြောင့် အဆောက်အအုံပျ-က်စီးဆုံးရှုံးမှုများ ဖြစ်ပေါ်ခဲ့ပြီးနောက် ငလျင်ဒ-ဏ်ကြောင့် အဆောက်အအုံများ ထိခိုက်ပျ-က်စီးမှုကို လျှော့ချနိုင်ရန်အတွက် Base Isolation System နည်းပညာကို အသုံးပြုသည့် အဆောက်အအုံတစ်လုံးကို မန္တလေးမြို့တွင် ပထမဆုံးအကြိမ်အဖြစ် စတင်တည်ဆောက်သွားမည်ဖြစ်ကြောင်း သိရသည်။
Base Isolation System သည် ငလျင်လှုပ်ခတ်သည့်အခါ မြေပြင်၏ လှုပ်ရှားမှုကို အဆောက်အအုံသို့ တို-က်ရို-က်မရောက်ရှိစေရန် အဆောက်အအုံ၏ အခြေခံအုတ်မြစ်နှင့် အဆောက်အအုံကို သီးခြားခွဲထုတ်ပေးသည့် ငလျင်ဒ-ဏ်လျှော့ချရေးနည်းပညာတစ်ရပ်ဖြစ်ကြောင်း သိရသည်။
အဆိုပါအဆောက်အအုံ၏ ပန္နက်တင်အခမ်းအနားကို ဩဂုတ် ၃၁ ရက် နံနက်ပိုင်းက မန္တလေးမြို့၊ ချမ်းမြသာစည်မြို့နယ်ရှိ မင်္ဂလာမန္တလေးစီမံကိန်းအတွင်း ကျင်းပခဲ့သည်။
တည်ဆောက်မည့်အဆောက်အအုံမှာ ၇၇ ပေ x ၈၃ ပေ အကျယ်အဝန်းရှိ မြေဧရိယာပေါ်တွင် တည်ဆောက်မည့် Basement အပါအဝင် ငါးထပ် သံကူကွန်ကရစ်အဆောက်အအုံဖြစ်ပြီး တစ်ထပ်လျှင် ၁၁ ပေခန့် အမြင့်ရှိမည်ဖြစ်သည်။
အဆိုပါအဆောက်အအုံတွင် မြေပြင်နှင့် အဆောက်အအုံအောက်ခြေကြား၌ Base Isolator များ တပ်ဆင်အသုံးပြုသွားမည်ဖြစ်ပြီး ငလျင်လှုပ်ခတ်ချိန်တွင် မြေပြင်မှ အဆောက်အအုံအပေါ်သို့ သက်ရောက်လာနိုင်သည့် ငလျင်အင်အားနှင့် လှုပ်ရှားမှုများကို လျှော့ချပေးနိုင်ရန် ရည်ရွယ်ထားခြင်းဖြစ်သည်။
ယခုနည်းပညာကို မြန်မာနိုင်ငံတွင် စတင်အကောင်အထည်ဖော်နိုင်ရန် ပြည်တွင်းပညာရှင်များက တရုတ်နိုင်ငံ၌ ၂၀၀၈ ခုနှစ်အတွင်း ဖြစ်ပွားခဲ့သည့် စီချွမ်ငလျင်ဒ-ဏ်ခံခဲ့ရသည့် ဒေသများနှင့် Base Isolator များ ထုတ်လုပ်သည့် စက်ရုံများသို့ သွားရောက်လေ့လာခဲ့ပြီးနောက် လက်တွေ့တည်ဆောက်ရေးလုပ်ငန်းတွင် အသုံးပြုရန် စီစဉ်ခဲ့ခြင်းဖြစ်ကြောင်း သိရသည်။
အဆိုပါ Base Isolation System အသုံးပြုမည့် အဆောက်အအုံကို New Starlight Construction Co., Ltd. က တည်ဆောက်သွားမည်ဖြစ်ပြီး Base Isolator ဆိုင်ရာ ဆောက်လုပ်ရေးပစ္စည်းများကို Safetyinside Company ထံမှ အသုံးပြုသွားမည်ဖြစ်ကြောင်း သိရသည်။
မြန်မာနိုင်ငံတွင် အင်အားပြင်းငလျင်များကြောင့် အဆောက်အအုံများ ပျ-က်စီးမှုများ ဖြစ်ပေါ်ခဲ့ပြီးနောက် ငလျင်ဒ-ဏ်ခံနိုင်ရည်ရှိသည့် အဆောက်အအုံများ တည်ဆောက်ရေးကို ပိုမိုအလေးထားလာချိန်တွင် Base Isolation System ကို လက်တွေ့တည်ဆောက်ရေး၌ ပထမဆုံးအကြိမ် အသုံးပြုလာခြင်းဖြစ်သည့်အတွက် နိုင်ငံ၏ ငလျင်ဒ-ဏ်ခံနိုင်ရည်ရှိသော အဆောက်အအုံတည်ဆောက်ရေးကဏ္ဍအတွက် အရေးပါသည့် ခြေလှမ်းတစ်ရပ် ဖြစ်လာနိုင်ကြောင်း သိရသည်။
