အောင်ပွဲခံပြီးရင် ပြန်လျှောက်လာဖို့ ဗီနီစီးယက်စ်ကို မော်ရင်ဟို ပြော

ဖေဖော်ဝါရီ ၁၈

ရီးရယ်လ်အသင်းက ဘင်ဖီကာအသင်းကို ၁ ဂိုး-ဂိုးမရှိနဲ့ အနိုင်ရခဲ့တဲ့ ချန်ပီယံလိဂ်ပွဲမှာ လူမျိုးရေးခွဲခြားမှု ပြုလုပ် ခံရတယ်ဆိုပြီး တိုင်ကြားခဲ့တဲ့ ဗီနီစီးယက်စ် အနေနဲ့ အနာဂတ်မှာ အောင်ပွဲခံပြီးရင် ပြန်လျှောက်လာဖို့ ဘင်ဖီကာ အသင်းနည်းပြ မော်ရင်ဟိုက ပြောခဲ့ပါတယ်။

မော်ရင်ဟိုက “ကျနော်ဟာ ဒီအကြောင်းကို မှတ်ချက် မပေးချင်ပေမယ့် ဗီနီစီးယက်စ်ကို ဒါနဲ့ပတ်သက်ပြီး တိတိ ကျကျ ပြောခဲ့ပါတယ်။ ဒီလိုမျိုးဂိုးသွင်းတဲ့ အချိန်မှာ မင်းအနေနဲ့ အောင်ပွဲခံပြီးရင် ပြန်လျှောက်လာရုံပါပဲလို့ ကျနော်သူ့ကို ပြောခဲ့ပါတယ်။ သူဟာ လူမျိုးရေး ခွဲခြားမှုအကြောင်း ငြင်းခုံနေချိန် ဘင်ဖီကာရဲ့သမိုင်းမှာ အကြီး မားဆုံး လူဖြစ်တဲ့ အူဆီဘီယိုကလည်း လူမည်းဆိုတာ ကျနော်သူ့ကိုပြောခဲ့ပါတယ်။ ဗီနီစီးယက်စ်ကစားတဲ့ အားကစားကွင်းတွေမှာ ဒီလိုမျိုးအရာတွေက ဖြစ်ပျက်လေ့ရှိပါတယ်”လို့ Amazon Prime နဲ့အင်တာဗျူးမှာ ပြောခဲ့တာပါ။

ချန်ပီယံလိဂ် ရှုံးထွက် ပလေးအော့ဖ် ပထမအကျော့ပွဲအဖြစ် ကစားခဲ့တဲ့ဒီပွဲမှာ ဗီနီစီးယက်စ်ဟာ ရီးရယ်လ်အသင်း အတွက် ဂိုးသွင်းယူပြီးနောက် အိမ်ရှင်ဘင်ဖီကာအသင်း ပရိသတ်တွေ အရှေ့ရှိ ထောင့်ကန်ဘော အလံတိုင်မှာ ကခုန်ပြီး အောင်ပွဲခံခဲ့ပါတယ်။

ဗီနီစီးယက်စ်ရဲ့ ဒီလုပ်ရပ်ကို ဘင်ဖီကာအသင်း ကစားသမား အများအပြားက စိတ်ပျက်ခဲ့ကြသလို သူကလည်း ကွင်းလယ်ဒိုင်လူကြီးရဲ့ အဝါကတ်ပြသခြင်း ခံခဲ့ရတာပါ။

ဒီဖြစ်ရပ်အပြီးမှာ ဘင်ဖီကာအသင်းကစားသမား ပရီစတီယာနီက သူ့ကို လူမျိုးရေးခွဲခြားတဲ့ စကားပြောခဲ့တယ်ဆို ပြီး ဗီနီစီးယက်စ်ဟာ ကွင်းလယ်ဒိုင်လူကြီးကို သွားရောက်ပြောခဲ့ပါတယ်။

UEFA ရဲ့လူမျိုးရေးခွဲခြားမှုကို ဆန့်ကျင်တဲ့လုပ်ထုံးလုပ်နည်းတွေအရ ကွင်းလယ်ဒိုင်လူကြီးဟာ ပွဲကို ၁၀ မိနစ်ခန့် ရပ်နားခဲ့ပါတယ်။

စပိန်သတင်းစာ AS က ပရီစတီယာနီဟာ ဗီနီစီးယက်စ်ကို မျောက်လို့ ခေါ်ခဲ့တယ်ဆိုပြီး ဖော်ပြထားပါတယ်။

ဘင်ဖီကာအသင်းနည်းပြ မော်ရင်ဟိုဟာ ဗီနီစီးယက်စ်နဲ့အချိန်အကြာကြီး စကားပြောခဲ့ပြီး အနာဂတ်မှာ ဒီလိုမျိုး အောင်ပွဲခံတာတွေ မပြုလုပ်ဖို့ အကြံပေးခဲ့ပါတယ်။

ဗီနီစီးယက်စ်နဲ့ ရီးရယ်လ်အသင်းဖော်တွေဟာ လူမျိုးရေးခွဲခြားတဲ့ ဒီလုပ်ရပ်ကို ပြင်းပြင်းထန်ထန် ရှုတ်ချကြောင်း ပြောခဲ့ပါတယ်။

ဘင်ဖီကာအသင်းနည်းပြ မော်ရင်ဟိုဟာ ဒီပွဲမှာ အနီကတ် ပြသခံခဲ့ရတာကြောင့် ဘာနေဗျူးမှာ ကစားမယ့် ဒုတိယအကျော့ပွဲကို ကွင်းအတွင်း ကြီးကြပ်ခွင့်ဆုံးရှုံးခဲ့ပါတယ်။

Source: metro

ပုံ - ဗီနီစီးယက်စ်နဲ့ မော်ရင်ဟိုကို တွေ့ရစဉ်

တရုတ်နှင့် အိန္ဒိယကြား နယ်စပ်ဒေသပိုင်ဆိုင်မှု အငြင်းပွား

နယူးဒေလီ၊ ဖေဖော်ဝါရီ ၁၈

အိန္ဒိယနှင့် ပါကစ္စတန်ကြား ပိုင်ဆိုင်မှု အငြင်းပွားနေသည့် ကက်ရှ်မီးယား (Kashmir) ဒေသ၏ အစွန်းပိုင်း ကာရာကိုရမ် (Karakoram) တောင်တန်း၏ မြောက်ဘက်ရှိ လူသူ အရောက်အပေါက် နည်းသည့် တောင်ကြား ဒေသတစ်ခုတွင် တရုတ်၏ လမ်းဖောက်လုပ်ရေး စီမံကိန်းကို အိန္ဒိယအစိုးရက သံတမန်ရေးအရ ပြင်းထန်စွာ ကန့်ကွက်ခဲ့သည်ဟု South China Morning Post မှ ဖော်ပြခဲ့သည်။

ဇန်နဝါရီလအတွင်းက အိန္ဒိယနိုင်ငံခြားရေးဝန်ကြီးဌာနက ထိုနယ်မြေ အစိတ်အပိုင်းသည် အိန္ဒိယ၏ပိုင်နက် ဖြစ်ကြောင်းနှင့် ယခုကဲ့သို့ မြေပြင် အခြေအနေကို ပြောင်းလဲရန် ကြိုးပမ်းမှုများအတွက် တရုတ်အား ကန့်ကွက် ကြောင်း ပြောကြားခဲ့သည်။

တရတ်အစိုးရကလည်း ထိုဒေသသည် တရုတ်နိုင်ငံပိုင်ဖြစ်ကြောင်း ပြန်လည် တုန့်ပြန်ခဲ့ပြီး မိမိတို့၏ ပိုင်နက် နယ်မြေပေါ်တွင် အခြေခံ အဆောက်အအုံ တည်ဆောက်ရေးလုပ်ငန်းများ ဆောက်လုပ်ခြင်းသည် အလုံးစုံ တရားမျှတမှုရှိကြောင်း ပြောကြားခဲ့သည်။

ယခုကဲ့သို့ အပြန်အလှန် ငြင်းခုံမှုများသည် တရုတ်-အိန္ဒိယ နယ်စပ်အငြင်းပွားမှု၏ သမိုင်းကြောင်းတွင် ကြာမြင့် စွာ တည်ရှိခဲ့သည့် ကာရာကိုရမ်ဒေသအပေါ် လူအများက အာရုံစိုက်လာကြသည်။

ထို့ပြင် ဟိမဝန္တာတောင်တန်း အိမ်နီးချင်း နှစ်နိုင်ငံကြား နယ်နိမိတ် ပိုင်ဆိုင်မှုဆိုင်ရာ ပြဿနာများ၏ ရှုပ်ထွေး နက်နဲမှုကိုလည်း ထပ်မံ မီးမောင်းထိုး ဖော်ပြရာ ရောက်ခဲ့သည်။

ထိုကဲ့သို့ အပြန်အလှန် အငြင်းပွားမှုများသည် လွန်ခဲ့သော နှစ်ပေါင်းများစွာက ကိုလိုနီအင်ပါယာများ၏ အကြွင်း အကျန်များနှင့် ၎င်းတို့၏ ပထဝီနိုင်ငံရေး အားပြိုင်မှုများသည် အင်အားကြီးနိုင်ငံများ အချင်းချင်း ယှဉ်ပြိုင်မှု ပိုမို ပြင်းထန်စေကြောင်း ပြသရာ ရောက်ခဲ့သည်။

ကိုလိုနီခေတ်က ဗြိတိသျှတို့ သတ်မှတ်ခဲ့သော ကာရာကိုရမ် နယ်နိမိတ်ကို အိန္ဒိယက တရားဝင် လက်ခံသော် လည်း တရုတ်ကမူ ထိုနယ်မြေ သတ်မှတ်မှုသည် မတရားသည့် ကိုလိုနီ အမွေအနှစ် ဖြစ်သည်ဟုဆိုကာ ယနေ့ အထိ အသိအမှတ်မပြုဘဲ ငြင်းပယ်ထားသည်။

ထို့ပြင် တရုတ်နှင့် အိန္ဒိယကြား ကီလိုမီတာ ၃၀၀၀ ကျော် ရှည်လျားသော နယ်စပ်မျဉ်းသည် တိကျသော မြေပုံ အညွှန်းကိန်းများ မရှိဘဲ လက်ရှိ ထိန်းချုပ်ထားသော နယ်နိမိတ်များအဖြစ်သာ ရှိနေသဖြင့် နယ်မြေပိုင်ဆိုင်မှု အငြင်းပွားမှုများ ဆက်လက် ဖြစ်ပွားနေဆဲဖြစ်သည်။

ပြီးခဲ့သည့် နှစ်အနည်းငယ်အတွင်း အိန္ဒိယနှင့် တရုတ် နှစ်နိုင်ငံစလုံးက ဝေးလံခေါင်သီသော နယ်စပ်တောင်တန်း များတွင် လေယာဉ်ကွင်းများ လမ်းများနှင့် တံတားများကို အပြိုင်အဆိုင် တည်ဆောက်လာခြင်းကြောင့် တစ်ဖက် နှင့်တစ်ဖက် စစ်ရေးအရ ခြိမ်းခြောက်မှုဟု ယူဆကာ တင်းမာမှုများ မြင့်တက်လာခြင်းဖြစ်သည်။

၂၀၂၀ ပြည့်နှစ်က နှစ်နိုင်ငံနယ်စပ်ရှိ ဂေါဝန်တောင်ကြား (Galwan Valley) တွင် နှစ်နိုင်ငံစစ်သားများ ခိုက်ရန် ဖြစ်ပွားခဲ့ပြီးနောက် နှစ်နိုင်ငံကြား ယုံကြည်မှုလုံးဝ ပျက်ပြားသွားခဲ့ကာ ထိပ်သီးအဆင့် စစ်ဘက်ဆိုင်ရာ ဆွေးနွေး မှုများ ပြုလုပ်ခဲ့သော်လည်း အပြီးသတ် သဘောတူညီမှု မရရှိသေးပေ။

Source: South China Morning Post

ပုံ - အိန္ဒိယနဲ့တရုတ် အငြင်းပွားနေတဲ့ နယ်မြေကိုတွေ့ရစဉ်

အမေရိကန်နှင့် အီရန်တို့ နျူးကလီးယားဆွေးနွေးမှု ပြန်စ

ဂျီနီဗာ၊ ဖေဖော်ဝါရီ ၁၈

အီရန်၏ နျူကလီးယားစီမံကိန်း အငြင်းပွားမှုနှင့် ပတ်သက်ပြီး အမေရိကန်နှင့် အီရန်တို့သည် ဖေဖော်ဝါရီ ၁၇ ရက် က ဆွစ်ဇာလန်နိုင်ငံ၊ ဂျီနီဗာ (Geneva) မြို့တွင် တိုက်ရိုက်မဟုတ်ဘဲ သွယ်ဝိုက်သောနည်းဖြင့် ဆွေးနွေးမှုများကို စတင်ခဲ့ကြောင်း ရိုက်တာမှ ဖော်ပြခဲ့သည်။

အမေရိကန်က အရှေ့အလယ်ပိုင်းဒေသသို့ စစ်အင်အားများ အလုံးအရင်း စေလွှတ်ထားသည်။

ထို့နောက် ဆွေးနွေးပွဲများ အောင်မြင်စေရန် အမေရိကန်အနေဖြင့် လက်တွေ့မကျသော တောင်းဆိုမှုများကို ရှောင်ကြဉ်ရန် လိုအပ်ကြောင်း အီရန်အဆင့်မြင့်အရာရှိတစ်ဦးက ပြောကြားခဲ့သည်။

အိုမန်နိုင်ငံက ကြားဝင်စေ့စပ်ပေးသည့် ထိုဆွေးနွေးပွဲများတွင် အမေရိကန်သံတမန် စတိဗ် ဝစ်ကော့ဖ် (Steve Witkoff) နှင့် ဂျဲရက် ကူးရှ်နာ (Jared Kushner) တို့ ပါဝင် တက်ရောက်မည်ဖြစ်ပြီး အီရန်ဘက်မှ နိုင်ငံခြားရေး ဝန်ကြီး အဘတ်စ် အာရက်ချီ (Abbas Araqchi) တက်ရောက်မည်ဖြစ်သည်။

အမေရိကန်သမ္မတ ဒေါ်နယ်ထရမ့် (Donald Trump) က ၎င်းအနေဖြင့် ဂျီနီဗာ ဆွေးနွေးပွဲများတွင် သွယ်ဝိုက် သောနည်းဖြင့် ပါဝင်ပတ်သက် သွားမည်ဖြစ်ကြောင်း၊ အီရန် အနေဖြင့် သဘောတူညီချက်တစ်ခု ရယူလိမ့်မည်ဟု ယုံကြည်ကြောင်း ပြောကြားခဲ့သည်။

“သဘောတူညီချက် မရခဲ့ရင် ဖြစ်လာမယ့် နောက်ဆက်တွဲ အကျိုးဆက်တွေကို သူတို့ (အီရန်) အနေနဲ့ လိုလား မယ်လို့ ကျနော် မထင်ပါဘူး။ သူတို့ရဲ့ နျူကလီးယား စွမ်းရည်တွေကို အမြစ်ပြတ်ချေမှုန်းဖို့ B-2 ဗုံးကြဲလေယာဉ် တွေ မလွှတ်ခင်ကတည်းက ကျနော်တို့ သဘောတူညီချက်တစ်ခု ရနိုင်ခဲ့တာပါ။ ဒါပေမဲ့ ကျနော်တို့က B-2 တွေကို လွှတ်ခဲ့ရတာပေါ့”ဟု ထရမ့်က ပြီးခဲ့သည့်နှစ်တွင် အီရန်နျူကလီးယား စက်ရုံများကို ဗုံးကြဲတိုက်ခိုက်သည့် ဖြစ်စဉ် ကို ရည်ညွှန်း ပြောကြားခဲ့သည်။

ပြီးခဲ့သည့်နှစ် ဇွန်လက ဆွေးနွေးပွဲများ ပြန်လည် မစတင်မီ အီရန်နှင့် အစ္စရေးကြား ၁၂ ရက်ကြာ စစ်ပွဲဖြစ်ပွား ခဲ့ပြီးနောက် အမေရိကန်က အီရန် နျူကလီးယား စက်ရုံများကို ဗုံးကြဲ တိုက်ခိုက်ခဲ့ခြင်းဖြစ်သည်။

ယခု ဆွေးနွေးပွဲများကို ဂျီနီဗာမြို့ရှိ ကုလသမဂ္ဂဆိုင်ရာ အိုမန်သံအမတ်ကြီး၏ နေအိမ်တွင် ကျင်းပခဲ့ပြီး လုံခြုံရေး ကိုလည်း အထူးတင်းကျပ်ထားသလို ထိုနေအိမ် အပြင်ဘက်တွင် အီရန်သံတမန် အမှတ်တံဆိပ်ပါသည့် မော်တော် ယာဉ် အချို့ကိုလည်း တွေ့မြင်ရသည်။

တစ်ဖက်တွင်လည်း သမ္မတထရမ့်က တိုက်ခိုက်ရန် အမိန့်ပေးလာပါက အီရန်အပေါ် သီတင်းပတ် များစွာကြာမြင့် မည့် စစ်ဆင်ရေးများ ပြုလုပ်နိုင်ရန်အတွက် အမေရိကန်စစ်တပ်က ပြင်ဆင်နေကြောင်း အမေရိကန်အရာရှိနှစ်ဦး က ရိုက်တာသတင်းဌာနကို ပြောကြားခဲ့သည်။

အီရန်နိုင်ငံကလည်း ဖေဖော်ဝါရီ ၁၆ ရက်တွင် ဟော်မုဇ်ရေလက်ကြား (Strait of Hormuz) ၌ စစ်ရေးလေ့ကျင့် မှုများ ပြုလုပ်ခဲ့ပြီး ထိုရေလက်ကြားသည် ပင်လယ်ကွေ့ အာရပ်နိုင်ငံများမှ ရေနံတင်ပို့သည့် အရေးပါသော နိုင်ငံတကာ ရေလမ်းကြောင်းတစ်ခုဖြစ်သည်။

လက်ရှိတွင် အာရပ်နိုင်ငံများကလည်း အီရန်နှင့်အမေရိကန်ကြား အငြင်းပွားမှုများကို သံတမန်နည်းလမ်းဖြင့် ဖြေရှင်းကြရန် တောင်းဆိုထားသည်။

Source: ရိုက်တာ

ပုံ - အီရန်အလံနဲ့ နျူထိပ်ဖူးကိုတွေ့ရစဉ်

❝မန်းရွှေစက်တော်ရာဘုရားပွဲတော်ကာလ ဖေဖော်ဝါရီ ၁၆ ရက်အထိ အနယ်နယ်အရပ်ရပ်မှ ဘုရားဖူးပြည်သူ သုံးသောင်းခန့် လာရောက်ခဲ့❞

ဖေဖော်ဝါရီ ၁၈

မကွေးတိုင်းဒေသကြီး မင်းဘူး (စကု)မြို့နယ်ရှိ မန်းရွှေစက်တော်ရာဘုရားပွဲတော်ကို ၂၀၂၆ ခုနှစ် ဇန်နဝါရီ ၂၂ ရက်မှ စတင်ကျင်းပလျှက်ရှိရာ ပွဲတော်ကာလ စနေ၊ တနင်္ဂနွေနှင့် အစိုးရရုံးပိတ်ရက်ရှည်များအပါအဝင် ဖေဖော်ဝါရီ ၁၆ ရက်အထိ ဘုရားဖူးပြည်သူ ၃၀၀၀၀ ခန့် လာရောက်ဖူးမြော်ခဲ့ကြောင်း မန်းရွှေစက်တော်ရာဘုရား ဂေါပကအဖွဲ့ထံမှ သိရသည်။

အဆိုပါ မန်းရွှေစက်တော်ရာ ဘုရားပွဲတော်ကြီးကို နှစ်စဉ်ပုံမှန်ကျင်းပမြဲဖြစ်သော တပို့တွဲလဆန်း ၅ ရက် ကစပြီး မြန်မာနှစ်ဆန်း ၁ ရက် အထိ (၂၀၂၆ ခုနှစ် ဇန်နဝါရီ ၂၂ ရက်မှ ဧပြီ ၁၇ ရက်အထိ) ရက် ပေါင်း ၈၆ ရက်ကြာ ကျင်းပနေခြင်းဖြစ်ပြီး ဘုရားဖူးပြည်သူများ စိတ်အေးချမ်းသာစွာ တည်းခိုနားနေနိုင်ရန် တည်းခိုဆောင်များကိုလည်း စီစဉ်ဆောင်ရွက်ပေးထားသည်ဟုဆိုသည်။

လက်ရှိတွင် နေ့စဉ် ယာဉ်ဝင်ထွက်မှုအနေဖြင့် ကားအစီးရေပေါင်း ၅၀ နှင့် ၁၀၀ ကြားရှိပြီး ယခင်နှစ်ဘုရားပွဲတော်ကာလထက် ယခုနှစ်တွင် ထူးထူးခြားခြား ပိုမိုစည်ကားခဲ့သဖြင့် စနေ၊ တနင်္ဂနွေရုံးပိတ်ရက်များနှင့် ယခုတစ်ပတ် အစိုးရရုံးပိတ်ရက်ရှည်ကာလများတွင် တည်းခိုဆောင်အခန်းများ ပြည့်သည်အထိ လာရောက်ခဲ့ကြသလို Grade-12 တက္ကသိုလ်ဝင်စာမေးပွဲဖြေဆိုပြီးချိန်တွင် ဘုရားဖူးခရီးသွားများ ယခုထက်ပိုမိုစည်ကားနိုင်သည်ဟု ဘုရားဂေါပကအဖွဲ့က ခန့်မှန်းထားသည်။

မန်းရွှေစက်တော်ရာ ဘုရားပွဲတော်သည် သင်္ကြန်ရုံးပိတ်ရက်ကာလများတွင် အစည်ကားဆုံးဖြစ်သလို တပေါင်းလပြည့်နေ့မတိုင်မီ ဘုရားဖူးလာရောက်လေ့ရှိသော မန်းရွှေစက်တော်ရာဘုရားကြီးအနီးရှိ မင်းလှကျင်းကျေးရွာမှ ဒေသခံများက ​ရှေးရိုးရာအစဉ်အလာမပျက် လှည်းယာဉ်တန်းများဖြင့် ဘုရားဖူးလာရောက်နိုင်ရေး စီစဉ်လျက်ရှိကြသည်ဟုလည်း သိရသည်။

❝မသင်္ကာဖွယ် ကား ၃ စီးကို စစ်ဆေးရာမှ အထောက်အထားမဲ့ မြန်မာ ၂၈ ဦးကို ဖမ်းမိခဲ့ဟုဆို❞

 ဖေဖော်ဝါရီ ၁၈

ထိုင်းနိုင်ငံ၊ ဖိချိတ် (Phichit)ခရိုင်၊ ဝချီရာဘာရာမီမြို့နယ်၊ နောင်လုံကျေးရွာအနီး ဖိစနုလောက်-နခွန်စဝမ် လမ်းမကြီး (အဝေးပြေးလမ်း ၁၁၇) ပေါ်၌ အရှိန်ပြင်းစွာ မောင်းနှင်လာသည့် မသင်္ကာဖွယ် ကား ၃ စီးကို ရဲတပ်ဖွဲ့က စစ်ဆေးခဲ့ရာမှ အထောက်အထားမဲ့ မြန်မာနိုင်ငံသား ၂၈ ဦးနှင့် ယာဉ်မောင်း ၃ ဦးကို ဖမ်းမိခဲ့ကြောင်း ထိုင်းသတင်းများ၏ ဖော်ပြမှုအရ သိရသည်။

ယင်းဖြစ်စဥ်သည် ဖေဖော်ဝါရီ ၁၇ ရက်နေ့က ဖြစ်ပွားခဲ့ခြင်းဖြစ်ပြီး ဖမ်းဆီးရမိသူ မြန်မာနိုင်ငံသားများသည် ဖိချိတ်ခရိုင်၌ အလုပ်လုပ်ရန်အတွက် ပွဲစားကို တစ်ဦးလျှင် ဘတ် ၈,၅၀၀ စီပေးကာ နယ်စပ်တောလမ်းများမှတစ်ဆင့် ထိုင်းနိုင်ငံအတွင်းသို့ တရားမဝင်နည်းလမ်းဖြင့် ဝင်ရောက်ခဲ့ခြင်းဖြစ်ကြောင်း ဝန်ခံခဲ့သည်ဟုဆိုသည်။

ထို့နောက် ချင်းမိုင်ခရိုင်တွင် တစ်ညအိပ်တည်းခိုခဲ့ကာ ထိုင်းနိုင်ငံအလယ်ပိုင်းဒေသများသို့ ဆက်လက်သွားရောက်စဥ် ယခုလို ဖမ်းဆီးခံရခြင်းဖြစ်သည်ဟု သိရပြီး လက်ရှိတွင် ဖမ်းဆီးရမိသူအားလုံးကို ဥပဒေအရ အရေးယူနိုင်ရန်အတွက် ဝချီရာဘာရာမီ ရဲစခန်းသို့ ပို့ဆောင်ထားကြောင်းလည်း သိရသည်။

👏

Blue Light Filter Additive Market Forecast to Reach USD 1.42 Billion by 2032 Driven by Rising Health-Conscious Consumption

The report reveals that the market was valued at USD 720 million in 2023 and is projected to reach USD 1.42 billion by 2032, growing at a CAGR of 7.6% during the forecast period. Increasing consumer awareness of blue light-related health risks and growing incorporation of functional additives in food and beverage products are major factors driving market expansion.

Read More -> https://marketintelo.com/repor....t/blue-light-filter-

စီးပွားရေးအရ အကျိုးရှိမည့် နျူသဘောတူညီချက်ရရှိရန် အီရန်ကြိုးပမ်းနေ

နှစ်ဦးနှစ်ဖက်စလုံးအတွက် စီးပွားရေးအရအကျိုးရှိမည့် နျူကလီးယား သဘောတူညီချက် တစ် ရပ်ကို အမေရိကန်ပြည်ထောင်စုနှင့် ရယူရန် အီရန်အစိုးရက ကြိုးပမ်းနေကြောင်း အီရန်နိုင် ငံခြားရေးဝန်ကြီးဌာန ထိပ်တန်းတာဝန်ရှိသူများက ဖေဖော်ဝါရီ၁၅ရက်တွင် ထုတ်ဖော် ပြောကြားလိုက်သည်။
အီရန်နှင့် အမေရိကန်တို့အကြား ဒုတိယအကျော့ နျူကလီးယားဆွေးနွေးပွဲများ မကျင်းပမီ ရက်ပိုင်းအလိုတွင် အီရန်တာဝန်ရှိသူများက အထက်ပါအတိုင်း ပြောကြားခဲ့ခြင်းဖြစ်သည်။
အီရန်နှင့်အမေရိကန်ပြည်ထောင်စုတို့သည်အီရန် နျူကလီးယားအစီအစဉ်နှင့် ပတ်သက်၍ အငြင်းပွားမှုများကို အဆုံးသတ်နိုင်ရန်နှင့် စစ်ရေးအရထိပ်တိုက်ရင်ဆိုင်ရမည့် အရေးကို ရှောင်လွှဲနိုင်ရန် ဖေဖော်ဝါရီ ၄ရက်တွင် အိုမန်နိုင်ငံ မတ်စကတ်မြို့၌ ပထမအကျော့ နျူကလီးယားဆွေးနွေးပွဲများကျင်းပခဲ့ပြီးဖြစ်သည်။
အလားတူ ဒုတိယအကျော့ နျူကလီးယားဆွေးနွေးပွဲများကို ဆွစ်ဇာလန်နိုင်ငံ ဂျီနီဗာမြို့၌ ဖေဖော်ဝါရီ ၁၇ ရက်တွင် ကျင်းပရန် အမေရိကန်နှင့်အီရန်တို့က သဘောတူထားသည်။
အီရန်နိုင်ငံအနေဖြင့် အမေရိကန်ပြည်ထောင်စုနှင့်ကျင်းပမည့် နျူကလီးယားဆွေးနွေးပွဲများတွင် နှစ်ဖက်စလုံးအတွက် စီးပွားရေးအရအကျိုးရှိမည့် သဘောတူ ညီချက်တစ်ရပ် ရယူနိုင်ရန် ကြိုးပမ်းနေကြောင်း အီရန်နိုင်ငံခြားရေးဝန်ကြီးဌာနထိပ်တန်းတာဝန်ရှိသူများက ပြောကြား ထားသည်။
အီရန်နိုင်ငံအနေဖြင့် အမေရိကန်ပြည်ထောင်စုနှင့် နျူကလီးယား သဘောတူညီချက် ရယူနိုင်မှု မရှိပါက ဆိုးရွားသည့် အကျိုးဆက်များဖြင့် ရင်ဆိုင်ရလိမ့်မည်ဖြစ်ကြောင်း အမေရိကန်သမ္မတ ဒေါ်နယ်ထရန့်က သတိပေးထားသည်။
တစ်ချိန်တည်းမှာပင် အမေရိကန်ကာကွယ်ရေးဝန်ကြီးဌာနသည် အရှေ့အလယ်ပ်ိုင်း ဒေသသို့လေယာဉ်တင်သင်္ဘောများစေလွှတ်၍ စစ်အင်အား တည်ဆောက်ထားကြောင်း သိရသည်။

ဂါဇာပြန်လည်တည်ဆောက်ရေးအတွက် ရန်ပုံငွေ ဒေါ်လာ ငါးဘီလီယံ ငြိမ်းချမ်းရေးဘုတ်အဖွဲ့ ကတိပြု

ဂါဇာ ကမ်းမြောင်ဒေသပြန်လည်တည်ဆောက်ရေးလုပ်ငန်းများအတွက် ငြိမ်းချမ်းရေး ဘုတ် အဖွဲ့ဝင် နိုင်ငံများက ရန်ပုံငွေအဖြစ် အမေရိကန်ဒေါ်လာ ငါး ဘီလီယံကျော်ထည့်ဝင်ပေးရန် ကတိပြုထားကြောင်းအမေရိကန်သမ္မတ ဒေါ်နယ်ထရန့်က ဖေဖော်ဝါရီ ၁၅ ရက်တွင် ထုတ်ဖော် ပြောကြားထားသည်။
ယင်းအပြင် ကုလသမဂ္ဂ၏ခွင့်ပြုချက်ဖြင့် ဖွဲ့စည်းမည့် ဂါဇာကမ်းမြောင်တည်ငြိမ်ရေး နိုင်ငံ တကာ ငြိမ်းချမ်းမှု ထိန်းသိမ်းရေးတပ်ဖွဲ့အတွက်တပ်ဖွဲ့ဝင်များ စေလွှတ်ပေးရန်လည်း
ငြိမ်းချမ်းရေး ဘုတ်အဖွဲ့ဝင်နိုင်ငံများက ကတိပြုထားကြောင်း သမ္မတ ဒေါ်နယ်ထရန့်က ၎င်း၏ လူမှုမီဒီယာစာမျက်နှာပေါ်တွင် ရေးသားထားသည်။
ငြိမ်းချမ်းရေး ဘုတ်အဖွဲ့တွင်အနည်းဆုံး ကမ္ဘာ့နိုင်ငံ ၂၀ ကျော်တို့က အဖွဲ့ဝင်အဖြစ်ပါဝင်ပြီး အမေရိကန်သမ္မတ ဒေါ်နယ်ထရန့်က ဥက္ကဋ္ဌအဖြစ် ဦးဆောင်လျက်ရှိသည်။
အမေရိကန် အစိုးရသည် ငြိမ်းချမ်းရေး ဘုတ်အဖွဲ့၏ ပထမဆုံးအစည်းအဝေးကို လာမည့် ဖေဖော်ဝါရီ ၁၉ရက်တွင် ဝါရှင်တန်မြို့တော်၌ကျင်းပရန် စီစဉ်ထားသည်။
အမေရိကန်သမ္မတ ဒေါ်နယ်ထရန့်သည် ငြိမ်းချမ်းရေးဘုတ်အဖွဲ့ဖွဲ့စည်းမှုကို ယခုနှစ် ဇန်နဝါရီလ အတွင်း ဆွစ်ဇာလန်နိုင်ငံ ဒါးဗို့စ်မြို့၌ကျင်းပခဲ့သော ကမ္ဘာ့စီးပွားရေးဖိုရမ်တွင် တရားဝင် ကြေညာခဲ့သည်။
မူလက ဂါဇာကမ်းမြောင်ဒေသပြန်လည်တည်ဆောက်ရေးအတွက်ရည်ရွယ်ဖွဲ့စည်းခဲ့သော ငြိမ်းချမ်းရေးဘုတ်အဖွဲ့အနေဖြင့် နောက်ပိုင်းတွင်နိုင်ငံတကာ ပြဿနာများကိုလည်းကြားဝင် ဖြည့်ဆည်းပေးမည်ဖြစ်ကြောင်း သမ္မတဒေါ်နယ်ထရန့် ကပြောကြားထားသည်။
ငြိမ်းချမ်းရေး ဘုတ်အဖွဲ့သည်ဂါဇာကမ်းမြောင်ဒေသ အသွင်ကူးပြောင်းရေးကာလ စီမံအုပ်ချုပ်ရေးကိုတာဝန်ယူရမည်ဖြစ်သည်။

အရှည်(၂,၆၂၈)ပေရှိ သံကူကွန်ကရစ်အမျိုးအစား ချင်းတွင်းတံတား(ထမံသီ)ကို နိုင်ငံတော် ယာယီသမ္မတဖွင့်လှစ်ပေး

စစ်ကိုင်းတိုင်း၊ ဟုမ္မလင်းမြို့နယ်၊ ထမံသီကျေးရွာအနီးတွင်တည်ဆောက်ထားသည့် အရှည် (၂,၆၂၈) ပေရှိ သံကူကွန်ကရစ်အမျိုးအစား ချင်းတွင်းတံတား(ထမံသီ) ကို ယနေ့ ဖေဖော်ဝါရီ ၁၆ ရက်နံနက်ပိုင်းက နိုင်ငံတော် ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ဖွင့်လှစ်ပေးခဲ့သည်။
နိုင်ငံတော်ယာယီသမ္မတမှ ချင်းတွင်းတံတား(ထမံသီ) ၏ ကမ္ပည်းမော်ကွန်းအားစက်ခလုတ်နှိပ်ဖွင့်လှစ်ပေးပြီး ကော်မရှင်အတွင်းရေးမှူး ဗိုလ်ချုပ်ကြီးရဲဝင်းဦး၊ ပြည်ထောင်စုဝန်ကြီးများဖြစ်သည့် ဦးမြထွန်းဦး၊ ဦးမင်းနောင်၊ ဦးမျိုးသန့်နှင့် စစ်ကိုင်းတိုင်းဝန်ကြီးချုပ်ဦးမြတ်ကျော်တို့က ဖဲကြိုးဖြတ်ဖွင့်လှစ်ပေးခဲ့ကြသည်။
ထို့နောက် နိုင်ငံတော်ယာယီသမ္မတမှ ကျောင်းသား၊ ကျောင်းသူများနှင့် တိုင်းရင်းသားအကအဖွဲ့များအား ဂုဏ်ပြုချီးမြှင့်ငွေများပေးအပ်ပြီး ချင်းတွင်းတံတား (ထမံသီ)ပေါ်ဖြတ်သန်းကြည့်ရှုကာ ဒေသခံများအား ရင်းရင်းနှီးနှီးတွေ့ဆုံနှုတ်ဆက်၍ လူမှုစီးပွားအခြေအ နေများအား မေးမြန်းခဲ့သည်။
ချင်းတွင်းတံတား(ထမံသီ)သည် တံတားအရှည် (၂,၆၂၈)ပေရှိပြီး သံကူကွန်ကရစ်တံတားအမျိုးအစားဖြစ်ကာ ရေလမ်းကင်းလွတ်အမြင့်(၄၀)ပေရှိ၍ ဟုမ္မလင်းခရိုင်နှင့် နာဂကိုယ်ပိုင်အုပ်ချုပ်ခွင့်ရဒေတို့တွင်နေထိုင်သူများ လူမှုစီးပွားဘဝနှင့် ဒေသဖွံ့ဖြိုးတိုးတက်ရေး၊ ဒေသထွက်ကုန်များအား လွယ်ကူလျင်မြန်စွာပို့ ဆောင်နိုင်ရေးနှင့် ပညာရေး၊ ကျန်းမာရေး၊ စီးပွားရေးကဏ္ဍများ ဖွံ့ဖြိုးတိုးတက်စေရေးတို့ကို များစွာအထောက်အကူဖြစ်လာစေမည်ဖြစ်သည်။