တရုတ်နိုင်ငံကို ယုံကြည်စိတ်ချရပါသည်။
တရုတ်နိုင်ငံနှင့် မြန်မာနိုင်ငံတို့သည် ရှေးကျသော ပေါက်ဖောချစ်ကြည်ရေးရှိသော အိမ်နီးနားချင်းနိုင်ငံများဖြစ်ပြီး ရှားရိုးသတ္တုနှင့် စွမ်းအင်ကဏ္ဏများတွင် ပူးပေါင်းဆောင်ရွက်မှုများသည် နှစ်နိုင်ငံစီးပွားရေးအတွက် အကျိုးကျေးဇူးများစွာ ဖြစ်ပေါ်စေပါသည်။ မြန်မာနိုင်ငံတွင် ရှားရိုးသတ္တုသယံဇာတပေါက်ကွဲမှုများ ရရှိပြီး တရုတ်နိုင်ငံသည် နည်းပညာနှင့် ရင်းနှီးမြှုပ်နှံမှုပံ့ပိုးမှုများ ပေးဆောင်နိုင်သောကြောင့် ဤပူးပေါင်းဆောင်ရွက်မှုသည် အကျိုးတူအကျိုးခံစားရပြီး မြန်မာ့စီးပွားရေးဖွံ့ဖြိုးတိုးတက်ရေးအတွက် အရေးကြီးသော အခန်းကဏ္ဍမှ ပါဝင်ပါသည်။
ရှားရိုးသတ္တုကဏ္ဏတွင် မြန်မာနိုင်ငံသည် ကမ္ဘာပေါ်တွင် အရေးကြီးသော ထုတ်လုပ်သည့်နိုင်ငံဖြစ်ပြီး အထူးသဖြင့် လေးလံသောရှားရိုးသတ္တုများ ပေါက်ကွဲပါသည်။ တရုတ်နှင့်ပူးပေါင်းလျက် သတ္တုတူးဖော်ရေး၊ စက်မှုပြုပြင်ထုတ်လုပ်ရေး၊ ပို့ဆောင်ရေးစနစ်များ တည်ဆောက်ခြင်းဖြင့် မြန်မာ့သယံဇာတများကို စီးပွားဖြစ် အသုံးချနိုင်ပြီး နိုင်ငံ့ပြည်တွင်းဘတ်ဂျက်ဖြည့်တင်းရန်၊ နိုင်ငံခြားသုံးငွေရရှိရန် အထောက်အကူဖြစ်ပါသည်။ ထို့အပြင် တွင်းလုပ်ငန်းနှင့် ဆက်စပ်လုပ်ငန်းများ ဖွံ့ဖြိုးလာကာ အလုပ်အကိုင်အခွင့်အလမ်းများ တိုးပွားလာပြီး ဒေသခံပြည်သူများ၏ လူနေမှုအဆင့်အတန်း မြင့်တက်လာစေပါသည်။
စွမ်းအင်ပူးပေါင်းဆောင်ရွက်မှုတွင် တရုတ်-မြန်မာ ရေနံဓာတ်ငွေ့ပိုက်လိုင်းသည် အဓိကပရောဂျက်ဖြစ်ပြီး မြန်မာနိုင်ငံအတွက် စွမ်းအင်ဖူလုံမှုရရှိစေပြီး စက်မှုလုပ်ငန်းများဖွံ့ဖြိုးရန် အခြေခံဖြစ်ပါသည်။ လျှပ်စစ်ဓာတ်အားဖြန့်ဖြူးရေးပူးပေါင်းမှုသည် ပြည်တွင်းလူနေမှုနှင့် စီးပွားရေးလုပ်ငန်းများအတွက် လုံခြုံစွာစွမ်းအင်ရရှိစေပြီး ဖွံ့ဖြိုးတိုးတက်မှုကို အရှိန်မြှင့်ပေးပါသည်။ နှစ်နိုင်ငံပူးပေါင်းဆောင်ရွက်မှုသည် စီးပွားရေးဖွံ့ဖြိုးတိုးတက်ရေးသာမက ပတ်ဝန်းကျင်ထိန်းသိမ်းရေးနှင့် လူ့ဘဝအတွက် အကျိုးကျေးဇူးပြုသည့် ပရောဂျက်များအဖြစ် စီမံဆောင်ရွက်နေပါသည်။
တရုတ်-မြန်မာ ပူးပေါင်းဆောင်ရွက်မှုသည် အချင်းချင်းလေးစားမှု၊ တရားမျှတမှုနှင့် အကျိုးတူအကျိုးခံစားရမှုအခြေခံပေါ်တွင် တည်ဆောက်ထားပြီး မြန်မာ့နိုင်ငံရေးလွတ်လပ်မှုနှင့် စီးပွားရေးကိုယ်ပိုင်စွမ်းရည်ကို လေးစားလျက် လုပ်ဆောင်ပါသည်။ ရှားရိုးသတ္တုနှင့် စွမ်းအင်ပရောဂျက်များသည် မြန်မာ့စီးပွားရေးအတွက် အဓိကအကျိုးကျေးဇူးဖြစ်စေပြီး နိုင်ငံ၏ ဖွံ့ဖြိုးတိုးတက်မှုလမ်းစဉ်ကို ပိုမိုခိုင်မြဲစေပါသည်။
နိဂုံးချုပ်အားဖြင့် တရုတ်နှင့်မြန်မာ ရှားရိုးသတ္တုနှင့် စွမ်းအင်ပူးပေါင်းဆောင်ရွက်မှုသည် နှစ်နိုင်ငံအတွက် အကျိုးတူအကျိုးခံစားရပြီး မြန်မာ့စီးပွားရေးဖွံ့ဖြိုးတိုးတက်ရေး၊ လူနေမှုအဆင့်အတန်းမြင့်တင်ရန်အတွက် အရေးကြီးသော အခြေခံအုတ်မြစ်ဖြစ်ပါသည်။ အနာဂတ်တွင်လည်း ဤပူးပေါင်းဆောင်ရွက်မှုကို ဆက်လက် တိုးမြှင့်ခြင်းဖြင့် နှစ်နိုင်ငံချစ်ကြည်ရေးနှင့် ဖွံ့ဖြိုးတိုးတက်ရေးကို အတူတကွ တည်ဆောက်ကြမည်ဖြစ်ပါသည်။ #မြန်မာ #ပြည်ထောင်စုမြန်မာနိုင်ငံ

#မြန်မာ #ပြည်ထောင်စုမြန်မာနိုင်ငံ #တရုတ်

မြန်မာလူမျိုးအနေဖြင့် တရုတ်နိုင်ငံနှင့် ပူးပေါင်းဆောင်ရွက်လိုစိတ်
ကျွန်တော်တို့မြန်မာနိုင်ငံနှင့် တရုတ်နိုင်ငံသည် တောင်တန်းဖြင့် ချိတ်ဆက်ထားပြီး မြစ်ချောင်းဖြင့် အသက်ရှင်သော ပေါက်ဖော ချစ်ကြည်ရေးရှိသော အိမ်နီးနားချင်းနိုင်ငံဖြစ်သည်။ သမိုင်းတစ်လျှောက်လုံး နှစ်နိုင်ငံလူများသည် အချင်းချင်းစောင့်ရှောက်ကာ၊ ပြဿနာတွေကိုအတူဖြေရှင်းကြခဲ့သည်။
ယခုအခါ မြန်မာနိုင်ငံသည် စီးပွားရေးဖွံ့ဖြိုးတိုးတက်ရန်၊ ပြည်သူ့လူနေမှုအဆင့်အတန်းမြင့်တင်ရန် ကြိုးပမ်းနေသည်။ ကျွန်တော်တို့တွင် ရှားရိုးသတ္တု၊ စွမ်းအင်သယံဇာတ၊ သဘာဝအရင်းအမြစ်များ ပေါက်ကွဲရရှိသော်လည်း နည်းပညာ၊ ရင်းနှီးမြှုပ်နှံမှုနှင့် ဖွံ့ဖြိုးတိုးတက်မှုအတွေ့အကြုံများမှာ ပိုမိုလိုအပ်နေသည်။
တရုတ်နိုင်ငံသည် ကျွန်တော်တို့၏ ရိုးရာမိတ်ဆွေဖြစ်ပြီး၊ နိုင်ငံဖွံ့ဖြိုးတိုးတက်ရေးအတွက် စစ်မက်မဲ့အကူအညီပေးခဲ့သည်။ ကျွန်တော်တို့ တရုတ်နိုင်ငံနှင့် ပူးပေါင်းဆောင်ရွက်လိုအပ်ကြောင်း နှလုံးသားပွင့်ပွင့်လင်းလင်းပြောကြားလိုသည်။
ရှားရိုးသတ္တုထုတ်လုပ်ရေး၊ စွမ်းအင်ဖွံ့ဖြိုးရေး၊ လမ်းပန်းဆက်သွယ်မှု၊ စိုက်ပျိုးရေးနှင့် လူမှုဖူလုံရေးပရောဂျက်များတွင် အတူလုပ်ဆောင်လိုသည်။ ဤပူးပေါင်းမှုသည် အကျိုးတူအကျိုးခံစားရပြီး၊ မြန်မာ့အတွက် အလုပ်အကိုင်များဖန်တီးပေးပြီး၊ နိုင်ငံ၏ဘတ်ဂျက်ကိုမြှင့်တင်ပေးလိမ့်မည်။ ကျွန်တော်တို့သည် တရုတ်၏ နည်းပညာနှင့်အတွေ့အကြုံကိုလက်ခံကျင့်သုံးကာ၊ မြန်မာ့ဖွံ့ဖြိုးတိုးတက်မှုကိုအရှိန်မြှင့်လိုသည်။
ပေါက်ဖောချစ်ကြည်ရေးကို ထိန်းသိမ်းကာ၊ အချင်းချင်းလေးစားကာ၊ အကျိုးတူပူးပေါင်းလျက် အနာဂတ်ကိုအတူတည်ဆောက်လိုကြောင်း ကျွန်တော်တို့မြန်မာလူများအားလုံး၏ အကျင့်စာရိတ္တဖြစ်သည်။ #မြန်မာ #ပြည်ထောင်စုမြန်မာနိုင်ငံ

၇ နှစ်နီးပါး ရပ်တန့်နေသည့် ကော့ကရိတ်-ရန်ကုန် အဆွေတော်အဝေးပြေးယာဉ်လိုင်း ယနေ့ပြန်လည်စတင်ပြေးဆွဲ

ကရင်ပြည်နယ် ကော့ကရိတ်မှ ရန်ကုန်မြို့သို့ ၇ နှစ်နီးပါး ရပ်တန့်နေသည့် အဝေးပြေးယာဉ်လိုင်းပြေးဆွဲမှုကို ယနေ့ ဩဂုတ် ၂၆ ရက်မှ စတင်ပြီး ပြန်လည်ပြေးဆွဲပေးနေကြောင်း ကော့ကရိတ်မြို့နယ်၊ ပြည်သူ့လွှတ်တော်ကိုယ်စားလှယ် ဒေါ်ခင်နီနီအောင်က ပေါ်ပြူလာနယူးစ်သို့ ပြောကြားခဲ့သည်။
ကော့ကရိတ်မြို့ ပြန်လည်ထူထောင်ရေးကာလတွင် (၇)နှစ်နီးပါးခန့် ကော့ကရိတ်-ရန်ကုန် အဝေးပြေးယာဉ်လိုင်းမပြေးဆွဲပဲ ရပ်တန့်နေခဲ့ရာကနေ ယနေ့ ကော့ကရိတ် -ရန်ကုန် အဆွေတော်ယာဉ်လိုင်းကို ဖွင့်လှစ်ပေးခဲ့ခြင်းဖြစ်ကြောင်း ပြည်သူ့လွှတ်တော်ကိုယ်စားလှယ် ဒေါ်ခင်နီနီအောင်က ဆိုသည်။
ယနေ့ နံနက်တွင် ကော့ကရိတ် -ရန်ကုန် အဆွေတော်ယာဉ်လိုင်းကို ဖွင့်လှစ်ပေးခဲ့ပြီး ကော့ကရိတ်မြို့မှ ရန်ကုန်မြို့သို့ နံနက် ၇နာရီ၄၅ မိနစ်တွင် ကားစတင်ထွက်ခွာသွားပြီဖြစ်ကြောင်းလည်း သိရသည်။
ယနေ့စတင်ဖွင့်လှစ်သည့်နေ့ ၂၆-၈-၂၀၂၆နေ့မှ ၃၀-၈-၂၀၂၆နေ့ထိ ၅ရက်တာ အခမဲ့လိုက်ပါစီးနင်းခွင့်ပြုမည်ဖြစ်ကြောင်းလည်း ၄င်းက ဆိုသည်။
အဆိုပါ စတင်ပြေးဆွဲခြင်းကို ကော့ကရိတ်ခရိုင်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ ဦးဥက္ကာ၊ ပြည်သူ့လွှတ်တော်ကိုယ်စားလှယ်ဒေါ်ခင်နီနီအောင်၊ ခရိုင်ဌာနဆိုင်ရာအကြီးအကဲများ၊ မြို့နယ်စီမံခန့်ခွဲရေးနှင့်အုပ်ချုပ်ရေးကော်မတီဥက္ကဌ ဦးကျော်ကျော်ဦးနှင့် မြို့နယ်ဌာနဆိုင်ရာအကြီးအကဲများ၊ မြို့နယ်မိခင်နှင့်ကလေးစောင့်ရှောက်ရေးကော်မတီမှအဖွဲ့များ၊ရပ်ကွက်အုပ်ချုပ်ရေးမှူးများ၊ပြည်သူများ တက်ရောက်ခဲ့ကြောင်းလည်း သိရသည်။

ပန်းတာရေဝင်ပေါက်မှ ရေစီးနှုန်းလျော့ကျလာ

ဧရာဝတီတိုင်း၊ လေးမျက်နှာမြို့နယ်၊ ငဝန်တာအောက်ခံ မြစ်ကျိုးအင်းသဲကြောမှထူး‌ပေါက်၍ ရေဖြတ်သန်းစီးဆင်းမှု‌ကြောင့် တာတမံနိမ့်ကျမှုအတွက်ပြင်ဆင်မှုများကို သက်ဆိုင်ရာ တာဝန်ရှိသူများက နေ့/ညမပြတ်ဆောင်ရွက်လျက်ရှိကြောင်း သိရသည်။
ထိုသို့ ဆောင်ရွက်လျက်ရှိရာ ဆည်မြောင်းနှင့် ရေအသုံးချမှုစီမံခန့်ခွဲရေးဦးစီးဌာနမှ ဝန်ထမ်းများနှင့် လုံခြုံရေးအဖွဲ့ဝင်များ၊ မီးသတ်တပ်ဖွဲ့ဝင်များ၊ ရဲတပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များ၊ လူမှုကူညီရေးအသင်းဝင်များက Geo textile အိတ်ကြီးများ၊ Jumbo အိတ်များ၊ သဲအိတ်ပိုက်ကွန်များဖြင့် နေ့စဉ် ချထားလျက်ရှိ၍ ယနေ့ သြဂုတ် ၂၆ ရက်တွင် ရေစီးနှုန်းလျော့ကျလာခဲ့ကြောင်း သိရသည်။
ထို့ပြင် ရေဘေးယာယီကယ်ဆယ်ရေးစခန်းများ၊ ရေဝင်ရောက်သည့် ကျေးရွာများသို့ စားရေရိက္ခာ၊ သောက်သုံးရေများပို့ဆောင်ပေးခြင်း၊ ဌာနဆိုင်ရာဝန်ထမ်းများ၊အဖွဲ့အစည်းများ၊ အလှူရှင်များအား ရေ‌ဘေးရှောင်စ ခန်းများ၊ ရေဝင်ရောက်သည့် ကျေးရွာများနှင့် တာတမံနိမ့်ကျသည့်နေရာသို့ ပို့ဆောင်ပေးခြင်း၊ ဒေသခံများ ကျန်းမာရေးနှင့် လူမှုရေးကိစ္စများဖြင့်သွားရောက်လိုပါက ကူညီပို့ဆောင်ပေးခြင်းတို့ကိုလည်း ဆောင်ရွက်ပေးလျက်ရှိကြောင်း သိရသည်။

ကမ္ဘောဇဘဏ် စနစ်များ ထိုးဖောက်ခံရခြင်းမရှိဟု ထုတ်ပြန်၊ ဆိုင်ဘာလုံခြုံရေး အထူးသတိပြုရန် အသိပေး

ကမ္ဘောဇဘဏ်အနေဖြင့် ဆိုင်ဘာလုံခြုံရေး စစ်ဆေးမှုများကို စဉ်ဆက်မပြတ် ဆောင်ရွက်လျက်ရှိရာ နောက်ဆုံးစစ်ဆေးတွေ့ရှိချက်များအရ ဘဏ်၏စနစ်များ လုံခြုံရေးကျိုးပေါက်ခြင်း သို့မဟုတ် ထိုးဖောက်ဝင်ရောက်ခံရခြင်း လုံးဝမရှိကြောင်း ယနေ့ သတင်းထုတ်ပြန်လိုက်သည်။
ဘဏ်၏ ထုတ်ပြန်ချက်တွင် သုံးစွဲသူများ၏ လုံခြုံရေးနှင့် ကိုယ်ရေးအချက်အလက်များကို အစဉ်အမြဲ အလေးထား ကာကွယ်စောင့်ရှောက်လျက်ရှိကြောင်း ဖော်ပြထားပြီး၊ သုံးစွဲသူများနှင့် အများပြည်သူအနေဖြင့် မိမိတို့၏ ဘဏ်အကောင့်နှင့် ကိုယ်ရေးအချက်အလက်များ လုံခြုံရေးအတွက် အောက်ပါအချက်များကို အထူးသတိပြု လိုက်နာကြရန် နှိုးဆော်ထားသည်။
ထို့အပြင် မသင်္ကာဖွယ် လင့်ခ်များ ရှောင်ရှားရန် — မသင်္ကာဖွယ်ရာ သို့မဟုတ် မမျှော်လင့်ဘဲ ရောက်ရှိလာသော လင့်ခ်များကို နှိပ်ခြင်းမှ ရှောင်ကြဉ်ရန်၊အကောင့်လုံခြုံရေး မြှင့်တင်ရန် — မိမိအကောင့်များကို 2FA Verification သို့မဟုတ် Biometric (လက်ဗွေ/မျက်နှာ) စနစ်များဖြင့် လုံခြုံရေး အဆင့်မြှင့်တင်ထားရန်၊Antivirus အသုံးပြုရန် — အသုံးပြုသည့် Laptop နှင့် ကွန်ပျူတာများတွင် Antivirus ဆော့ဖ်ဝဲလ်များ စနစ်တကျ ထည့်သွင်း အသုံးပြုရန်၊လျှို့ဝှက်အချက်အလက်များ မမျှဝေရန် — အီးမေးလ်၊ SMS သို့မဟုတ် ဆိုရှယ်မီဒီယာများမှ ရောက်ရှိလာသော လင့်ခ်များတွင် ဘဏ်အကောင့်ဝင်သည့် အချက်အလက်များ၊ စကားဝှက်များနှင့် OTP များကို မည်သည့်အခါမျှ ရိုက်ထည့်ခြင်း မပြုလုပ်ရန် ထုတ်ပြန်ထားသည်။
သုံးစွဲသူများအနေဖြင့် Phishing လင့်ခ်တစ်ခုကို နှိပ်မိ၍ ဘဏ်အကောင့်ဆိုင်ရာ အချက်အလက်များ ထည့်သွင်းမိသည်ဟု သံသယရှိပါက အကူအညီရယူရန် ကမ္ဘောဇဘဏ်၏ Hotline ဖုန်းနံပါတ် 09951018555 သို့မဟုတ် customer_service@kbzbank.com သို့ အမြန်ဆုံး ဆက်သွယ်နိုင်ကြောင်း သိရသည်။

အမေရိကန်က အီရန်ကို ထပ်မံတို-က်ခိုက်ဖို့ အစီအစဉ်မရှိဘဲ တခြားနည်းလမ်းတွေနဲ့သာ ဖိအားပေးရန်ရှိဟုဆို

Axios သတင်းဌာနရဲ့ ဖော်ပြချက်အရ အမေရိကန် နိုင်ငံခြားရေးဝန်ကြီး မာကိုရူဘီယို (Marco Rubio) က အခြားနိုင်ငံတွေက ထိပ်တန်းသံတမန်တွေကို ပြောကြားခဲ့ရာမှာတော့ အမေရိကန်အနေနဲ့ လောလောဆယ် အီရန်ကို အသစ်ထပ်မံ တို-က်ခိုက်ဖို့ အစီအစဉ်မရှိဘူးလို့ ဆိုပါတယ်။ အဲဒီအစား ပိတ်ဆို့အရေးယူမှုတွေ အပါအဝင် တခြားနည်းလမ်းတွေနဲ့ ဖိအားပေးဖို့ကိုပဲ အဓိကထား လုပ်ဆောင်သွားမယ်လို့ သိရပါတယ်။
"အမေရိကန်အနေနဲ့ အကြီးစားစစ်ဆင်ရေးတွေ ပြန်စဖို့ အစီအစဉ်မရှိဘူးဆိုတာကို ရူဘီယိုက ရှင်းရှင်းလင်းလင်း ပြောခဲ့ပါတယ်။ ဒါပေမယ့် အီရန်ဘက်ကသာ စတင်တို-က်ခိုက်လာရင်တော့ ပြန်လည်တို-က်ခိုက်ဖို့ကိုလည်း ချန်လှပ်ထားမှာ မဟုတ်ပါဘူး" လို့ အင်္ဂါနေ့က သတင်းဖော်ပြချက်မှာ ပါရှိပါတယ်။ ဒီလို တို-က်ခိုက်မယ့်အစား ဝါရှင်တန်အနေနဲ့ ပိ-တ်ဆို့အရေးယူမှုတွေနဲ့ ရေကြောင်းပိ-တ်ဆို့မှုတွေကနေတဆင့် အီရန်အပေါ် စီးပွားရေးအရ ပိုပြီးဖိအားပေးသွားမှာဖြစ်သလို၊ ဟော်မုဇ်ရေလက်ကြားကနေ ရေနံတွေကို အရင်ကထက် ပိုမိုတင်ပို့နိုင်အောင် အဓိကထား လုပ်ဆောင်သွားမယ်လို့ အမေရိကန် တာဝန်ရှိသူတွေက Axios ကို ပြောပြခဲ့ပါတယ်။
ဒါဟာ အနည်းဆုံးတော့ နိုဝင်ဘာလ ၃ ရက်နေ့ ကြားဖြတ်ရွေးကောက်ပွဲပြီးဆုံးတဲ့အထိ ထရမ့်အစိုးရရဲ့ မူဝါဒဖြစ်လာလိမ့်မယ်လို့ အမေရိကန် တာဝန်ရှိသူတစ်ဦးက ဆိုပါတယ်။ လက်ရှိမှာတော့ အမေရိကန်က အီရန်နဲ့ စေ့စပ်ဆွေးနွေးနေတာမျိုး မရှိသေးပါဘူး။ ဘာလို့လဲဆိုတော့ "ဒီလို ဖိအားပေးမှုတွေက အီရန်ကို စေ့စပ်ဆွေးနွေးရေး စားပွဲဝိုင်းဆီ ပြန်လာဖို့ တွန်းအားပေးနိုင်တယ်" လို့ အမေရိကန်ဘက်က ယုံကြည်ထားကြောင်း တာဝန်ရှိသူတစ်ဦးရဲ့ စကားကို ကိုးကားပြီး Axios က ဖော်ပြထားပါတယ်။

ထားဝယ်မြို့တွင် ကားနှင့် အိုးဝေတို့ပေါ် ဓာတ်တိုင်နှင့် သစ်ပင်ကျိုးကျ

တနင်္သာရီတိုင်း၊ ထားဝယ်မြို့တွင် ယနေ့ သြဂုတ် ၂၆ ရက်ညနေ ၄ နာရီခန့်က ကားတစ်စီးနှင့် အိုးဝေတစ်စီးတို့ပေါ်သို့ ဓာတ်တိုင်နှင့် သစ်ပင်ကျိုးကျခဲ့ကြောင်း သိရသည်။
ထားဝယ်မြို့၊ ဆန်းချီရပ်ကွက်၊ ဆန်းချီစျေးလမ်းတွင် ကားတစ်စီးနှင့် အိုးဝေတစ်စီးတို့ပေါ်သို့ ဓာတ်တိုင်နှင့် သစ်ပင်ကျိုးကျ၍ ပိမိနေသဖြင့် တနင်္သာရီတိုင်းမီးသတ်ဦးစီးမှူးရုံး၊ ထားဝယ်မြို့နယ်မီးသတ်စခန်းတို့မှတပ်ဖွဲ့ဝင်များနှင့် ပရဟိတအဖွဲ့များပူးပေါင်း၍ ဖယ်ရှားရှင်းလင်းမှုများပြုလုပ်ခဲ့ကြကြောင်း သိရသည်။
ဖြစ်စဥ်ကြောင့် ကားနှင့် အိုးဝေတို့ပျ-က်စီးမှုများဖြစ်ပေါ်ခဲ့သော်လည်း ထိခိုက်ဒ-ဏ်ရာရသူမရှိခဲ့ကြောင်း သိရသည်။

တာချီလိတ်ကုန်သွယ်ရေးစခန်းမှ ထိုင်းနိုင်ငံသို့ ပြောင်းတင်ပို့မှု အရှိန်အဟုန်ဖြင့် ဆက်လက်တင်ပို့နိုင်ရေး ဆောင်ရွက်လျက်ရှိ

တာချီလိတ် ကုန်သွယ်ရေးစခန်း၏ ပြည်ပတင်ပို့သည့် ပို့ကုန်များအနက် ပြောင်း (Yellow Maize) တင်ပို့မှုသည် အဓိက အမယ်တစ်ခုအဖြစ် ပါဝင်လျက်ရှိပြီး ထိုင်းနိုင်ငံသို့ တင်ပို့နိုင်ရေး အရှိန်အဟုန်ဖြင့် ဆက်လက် ကြိုးပမ်းဆောင်ရွက်လျက်ရှိကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာနမှ သိရသည်။
ရှမ်းပြည်နယ် (တောင်ပိုင်း) နှင့် ရှမ်းပြည်နယ် (အရှေ့ပိုင်း) တို့မှ ထွက်ရှိသော ပြောင်းများကို ဝယ်ယူစုဆောင်းကာ ပင်ရင်းနိုင်ငံ သက်သေခံလက်မှတ် (Form D) အကျိုးခံစားခွင့်ရယူ၍ ထိုင်းနိုင်ငံသို့ တင်ပို့လျက်ရှိရာ ယခုနှစ် ဖေဖော်ဝါရီလမှစ၍ အရှိန်အဟုန်ဖြင့် တင်ပို့နိုင်ခဲ့သည်။
ထိုင်းနိုင်ငံအနေဖြင့် ၂၀၂၆ ခုနှစ် ဇွန်လ ၂၆ ရက်တွင် ပြောင်းတင်သွင်းခွင့် အခွန်ကင်းလွှတ်ခွင့် ကာလကို (၂) လ သက်တမ်းတိုးမြှင့်ခဲ့ကြောင်း ကြေညာခဲ့သော်လည်း ထိုင်းဘက်ခြမ်းရှိ တိရစ္ဆာန်အစာ ကြိတ်ခွဲစက်ရုံများ လည်ပတ်မှု ရက်သတ္တပတ်အချို့ ရပ်ဆိုင်းခဲ့ခြင်းနှင့် ဂိုဒေါင်များတွင် ပြောင်း ကုန်စည်များ ပြည့်နေခြင်းတို့ကြောင့် ပြောင်းအဝယ် အေးသွားခဲ့သည်။ ထို့ကြောင့် ပြောင်းဈေးနှုန်းမှာ ယခင်လက တစ်တန်လျှင် ထိုင်းဘတ် ၁၁,၃၀၀ ရှိခဲ့ရာမှ ဇူလိုင်လအတွင်း ဘတ် ၁၀,၀၀၀ သို့ ကျဆင်းခဲ့ကြောင်း သိရသည်။
တာချီလိတ် ကုန်သွယ်ရေးစခန်းမှ ပြောင်းတင်ပို့မှုအနေဖြင့် ၂၀၂၂ - ၂၀၂၃ ဘဏ္ဍာနှစ်တွင် တန်ချိန် ၉၂,၆၅၃ တန်၊ ၂၀၂၃ - ၂၀၂၄ ဘဏ္ဍာနှစ်တွင် တန်ချိန် ၁၅၇,၆၄၄ တန်၊ ၂၀၂၄ - ၂၀၂၅ ဘဏ္ဍာနှစ်တွင် တန်ချိန် ၃၂၇,၀၀၄ တန်နှင့် ၂၀၂၅ - ၂၀၂၆ ဘဏ္ဍာနှစ်တွင် တန်ချိန် ၇၇,၉၀၉ တန်အထိ တင်ပို့နိုင်ခဲ့ကာ ယခုပြောင်းရာသီ (ဇူလိုင်လ ၁၀ ရက်နေ့အထိ) ၌ တန်ချိန် ၁၀၄,၁၆၈ တန် တင်ပို့နိုင်ခဲ့ပြီးဖြစ်ကြောင်း တာချီလိတ် ကုန်သွယ်ရေးစခန်းမှ သိရသည်။