နိုင်ငံရဲ့ ပထမဆုံးဝန်ကြီးချုပ်ပက်ထရစ်လူမမ်ဘာကို ဂုဏ်ပြုတဲ့အနေဖြင့် ၁၁၅ မိနစ်တိုင်တိုင် တစ်ပွဲလုံး ရုပ်ထုလို ရပ်နေခဲ့တဲ့ ကွန်ဂိုပရိသတ်
========================

ဒီမိုကရက်တစ်ကွန်ဂိုပရိသတ်တစ်ဦးဟာ နိုင်ငံရဲ့ ပထမဆုံးဝန်ကြီးချုပ်ပက်ထရစ်လူမမ်ဘာကို ဂုဏ်ပြုတဲ့အနေဖြင့် တစ်ပွဲလုံး ရုပ်ထုလို ငြိမ်သက်နေခဲ့ပါတယ်။
ကွန်ဂိုဟာ အင်္ဂါနေ့ညတုန်းက ဘော့ဆွာနာကို ၃-၀ ဂိုးဖြင့် အနိုင်ရရှိကာ အာဖရိကဖလား ၁၆ သင်း ရှုံးထွက်အဆင့်သို့ တက်ခွင့်ရခဲ့ပါတယ်။
ယင်းပွဲတွင် ကွင်းအတွင်း ကွန်ဂိုပရိသတ်များရဲ့ အကြီးအကျယ်အောင်ပွဲခံမှုမှာ အွန်လိုင်းတွင် ပျံ့နှံ့နေပါတယ်။
အထူးသဖြင့် ကွင်းအတွင်း ရှိနေတဲ့ ကူကာအမ်ဘိုလာဒင်ဂါဟာ ၁၉၆၁ ခုနှစ်တုန်းက လုပ်ကြံခြင်းခံခဲ့ရတဲ့ နိုင်ငံရဲ့ ပထမဆုံးဝန်ကြီးချုပ်လူမမ်ဘာအား ဂုဏ်ပြုတဲ့အနေဖြင့် တစ်ပွဲလုံး ရုပ်ထုလို ငြိမ်သက် ဂုဏ်ပြုတဲ့ လုပ်ရပ်က အွန်လိုင်းတွင် ပျံ့နှံ့နေပါတယ်။
အမ်ဘိုလာဒင်ဂါဟာ လူမမ်ဘာကဲ့သို့ ဂျက်ကက်၊ နက်ကတိုင် ဝတ်စားဆင်ယာကာ လူမမ်ဘာရုပ်ထုကဲ့သို့ ငြိမ်သက်စွာ ရပ်နေခဲ့တာလည်း ဖြစ်ပါတယ်။
လူမမ်ဘာဟာ ၁၉၆၀ ခုနှစ်တွင် ဘယ်လ်ဂျီယံလက်အောက်မှ လွတ်လပ်ရေး ရပြီးနောက် ကွန်ဂိုရဲ့ ပထမဆုံးဝန်ကြီးချုပ်ဖြစ်လာသူလည်း ဖြစ်ပါတယ်။
အမ်ဘိုလာဒင်ဂါဟာ လူမမ်ဘာကဲ့သို့ ညာဖက်လက်ကို လေထဲမှာ မြှောက်ပြီး တစ်ပွဲလုံး ငြိမ်သက်စွာ ရပ်နေခဲ့တာပါ။
အမ်ဘိုလာဒင်ဂါရဲ့ အံမခန်း လုပ်ဆောင်မှုကို ဘောလုံးပရိသတ်များက ချီးကျူးလျက်ရှိကြပါတယ်။

ဘောလုံးလောကမှ နုတ်ထွက်ကာ McDonalds တွင် တာဝန်ထမ်းဆောင်လာတဲ့ ဘွန်ဒက်စ်လီဂါနည်းပြဟောင်း
=======================

ဘွန်ဒက်စ်လီဂါနည်းပြဟောင်းအလက်ဇန္ဒားနူရီဟာ နည်းပြလောကမှ နုတ်ထွက်ကာ McDonalds စားသောက်ဆိုင်နှစ်ဆိုင်အား ကြီးကြပ်တဲ့တာဝန်ပြောင်းထမ်းဆောင်လာပါတယ်။
ဂျာမန်-အီရန်နွယ်ဖွားနူရီဟာ ဘောလုံးလောကတွင် ၁၄ နှစ်တိုင်တိုင် ကျင်လည်ပြီးနောက် နည်းပြလောကသို့ ဝင်ရောက်ခဲ့သူပါ။
သူဟာ ၂၀၁၆ ခုနှစ်တွင် လက်ရှိ ဂျာမနီလက်ရွေးစင်အသင်းနည်းပြဂျူလီယန်နာဂျယ်မန်းနှင့်အတူ နည်းပြလိုင်စင် အတူတူ ရရှိခဲ့သူပါ။
သူဟာ ကစားသမားဘဝစတင်ရာ ဝါဒါဘရီမင်၊ အက်ဖ်စီအင်ဂိုစတက်တို့အား တာဝန်ထမ်းဆောင်ခဲ့သလို ဟာသာဘာလင်အသင်းကိုလည်း ယာယီနည်းပြအဖြစ် တာဝန်ထမ်းဆောင်ခဲ့ဖူးပါတယ်။
သူဟာ ဝါဒါဘရီမင်အသင်းကို တန်းမဆင်းရအောင် စွမ်းဆောင်ခဲ့ဖူးတဲ့အပြင် ၁၁ ပွဲဆက် ရှုံးပွဲမရှိ(၉ပွဲနိုင်) မှတ်တမ်းဖြင့် ဥရောပဝင်ခွင့်ရလုနီးပါး ဖြစ်အောင် ဦးဆောင်ဖူးပါတယ်။
ဒါပေမယ့် သူဟာ ၂၀၂၂ ခုနှစ်တုန်းက ဂရိကလပ် ကာဗာလာကို နောက်ဆုံးကိုင်တွယ်ပြီးနောက် မန်နေဂျာဘဝ ကြီးမားတဲ့ အပြောင်းအလဲ ပြုလုပ်လာပါတယ်။
ယခု သူဟာ ဘောလုံးကလပ်အား မန်နေဂျာမလုပ်ဘဲ ယနေ့ နှစ်သစ်ကူးနေ့မှ စတင်ကာ ဂျာမနီနိုင်ငံ၊ ရိုင်း-ဝက်စ်ဖာလီယာမြောက်ပိုင်းမှ မြို့ငယ်လေး ဟာဇိုဂန်ရက်ရှိ McDonalds စားသောက်ဆိုင် ၂ ဆိုင်အား ကြီးကြပ်လာပါမယ်။
ဂျာမန်သတင်းစာ Süddeutsche Zeitung နှင့်အင်တာဗျူးတွင် နူရီက "ကမ္ဘာနှစ်ခုလုံးမှာ လူတွေကို ဦးဆောင်ရတာပါပဲ။ ဘောလုံးမှာ ကစားသမား။ ဒီမှာတော့ ဝန်ထမ်းတွေကိုပေါ့။ ဒါပေမယ့် အခြေခံအားဖြင့်က အတူတူပါ။ ကိုယ့်ရှေ့မှာ ဘယ်သူထိုင်နေလဲ နားလည်ဖို့လိုတယ်။ ဘယ်လို စိတ်တက်ကြွအောင် လုပ်မလဲ။ သူတို့ ကိုယ်စွမ်းကိုယ်စ ထွက်လာအောင် ဘယ်လိုလုပ်မလဲ"လို့ ပြောကြားသွားပါတယ်။

နှလုံးပြဿနာကြောင့် အရေးပေါ် ခွဲစိတ်ကုသမှု ပြုလုပ်ခဲ့ရတဲ့ ဘရာဇီးနှင့် ရီးရဲလ်မက်ဒရစ်ဂန္ထဝင်ရောဘတ်တိုကားလို့စ်
======================

ရောဘတ်တိုကားလို့စ်ဟာ နှလုံးပြဿနာရှိကြောင်း စစ်ဆေးတွေ့ရှိရပြီးနောက် အရေးပေါ် ခွဲစိတ်ကုသမှု ပြုလုပ်ခဲ့ရပါတယ်။
အသက် ၅၂ နှစ်ရှိ ဘရာဇီးဂန္ထဝင်ဟာ မွေးရပ်မြေတွင် ဇနီးသည်၊ ကလေး ၁ ဦးတို့နှင့်အတူ ရှိနေစဉ် အရေးပေါ် ပြဿနာကြုံကာ ဆေးရုံတက်ခဲ့ရတာလည်း ဖြစ်ပါတယ်။
ရီးရဲလ်မက်ဒရစ်ဂန္ထဝင်ဟာ ဒီဇင်ဘာလတုန်းက အမေရိကန်သို့ ခရီးသွားကာ ကမ္ဘာ့ဖလားမဲခွဲပွဲသို့ တက်ခဲ့ရပြီး အလုပ်ရှုပ်တဲ့ လတစ်လကြုံရပြီးနောက် မွေးရပ်မြေဘရာဇီးတွင် အပန်းဖြေနေတာလည်း ဖြစ်ပါတယ်။
စပိန်သတင်းစာ AS ရဲ့ဖော်ပြလာမှုအရ ကားလို့စ်ဟာ ဘယ်ဖက်ခြေထောက်သွေးခဲမှု ဖြစ်စဉ်ကြောင့် ဆေးရုံသွားကာ ခန္ဓာကိုယ်တစ်ခုလုံးအား MRI စစ်ဆေးမှုခံယူစဉ် နှလုံးရောဂါပြဿနာကို တွေ့ရှိခဲ့တာလည်း ဖြစ်ပါတယ်။
ကားလို့စ်ဟာ ယင်းနှလုံးပြဿနာကြောင့် ချက်ချင်းပင် အရေးပေါ် ခွဲစိတ်ကုသမှုခံယူခဲ့ရပါတယ်။
ပုံမှန်အားဖြင့် ယင်းခွဲစိတ်ကုသမှုမှာ မိနစ် ၄၀ သာ ကြာမြင့်လေ့ရှိပေမယ့်လည်း ကားလို့စ်မှာမူ ၃ နာရီနီးပါးအထိ အချိန်ယူခွဲစိတ်ကုသမှုပြုလုပ်ခဲ့ရပါတယ်။
ကားလို့စ်ရဲ့ ခွဲစိတ်ကုသမှုက မျှော်မှန်းထားသလို အောင်မြင်မှု ရရှိခဲ့ပြီး ၄၈ နာရီကြာ ဆေးရုံတွင် စောင့်ကြည့်ခံရပါဦးမယ်။
ဂန္ထဝင်ဘယ်နောက်ခံလူကားလို့စ်ဟာ ရီးရဲလ်မက်ဒရစ်တွင် ၁၁ နှစ်ကြာ ကစားစဉ်အတွင်း ၅၂၇ ပွဲကစားခဲ့ကာ လာလီဂါဖလား ၄ ကြိမ်၊ ချန်ပီယံလိဂ်ဖလား ၃ ကြိမ် ဆွတ်ခူးနိုင်ခဲ့ပါတယ်။
သူဟာ ဘရာဇီးကို ကမ္ဘာ့ဖလား ရရှိအောင် ကူညီပြီးနောက် ၂၀၁၂ ခုနှစ် Ballon d'Or ဆုပေးပွဲတွင် ဒုတိယချိတ်ခဲ့သူလည်း ဖြစ်ပါတယ်။
သူဟာ ဖီနာဘာချီ၊ ကိုရင်သီယန်၊ အန်ဇီတို့တွင် ကစားခဲ့ပြီး ၂၀၁၂ ခုနှစ်တွင် ကစားသမားဘဝမှ အနားယူခဲ့ပါတယ်။ သူဟာ ၂၀၁၅ ခုနှစ်တွင် Delhi Dynamos အတွက် ခေတ္တကစားခဲ့ပါသေးတယ်။
သူဟာ တူရကီကလပ်များဖြစ်ကြတဲ့ Sivasspor နှင့် Akhisarspor တို့ကိုလည်း နည်းပြအဖြစ် ဦးဆောင်ဖူးပါတယ်။
သူဟာ နောက်ပိုင်းနှစ်များတွင် ပရဟိတရန်ပုံငွေပွဲများတွင် ပါဝင်ကစားခဲ့ပါတယ်။

မန်စီးတီးနှင့်ပွဲအား ပွဲပယ်ခံရပြီးနောက် ပရိသတ်များရဲ့ ဝေဖန်မှု ခံလာရတဲ့ ကိုင်စီဒို
======================

ချဲလ်ဆီးကွင်းလယ်ကစားသမားမွိုက်စ်ကိုင်စီဒိုဟာ အင်္ဂါနေ့တုန်းက ဘုန်းမောက်နှင့်ပွဲစဉ်တွင် အဝါကတ်ပြသခြင်းခံခဲ့ရကာ မန်စီးတီးနှင့်ပွဲအား ပွဲပယ်ခံရပြီးနောက် ပရိသတ်များရဲ့ ဝေဖန်မှု ကြုံလာရပါတယ်။
ကိုင်စီဒိုဟာ ယင်းပွဲတွင် အဝါကတ်ပြသခြင်းခံရပြီးနောက် အဝါကတ် ၅ ကတ်ပြည့်ကာ ၁ ပွဲပယ်ပြစ်ဒဏ်အားအလိုအလျှောက်ကျခံလာရတော့မှာ ဖြစ်ပြီး ချဲလ်ဆီးရဲ့ မန်စီးတီးနှင့် အရေးပါတဲ့ပွဲအား လွဲချော်လာပါမယ်။
ကိုင်စီဒိုဟာ ဘုန်းမောက်နှင့် ၂ ဂိုးစီသရေကျတဲ့ပွဲတွင် ပွဲထွက်လူစာရင်းမှာ ပါဝင်လာပြီးနောက် ပွဲအစပိုင်းတွင်ပင် အက်ဒရီယန်ထရပ်ဖ်ဖတ်အား ပြစ်ဒဏ်ကျူးလွန်မှုကြောင့် အဝါကတ်ပြသခြင်းခံခဲ့ရပါတယ်။
သူဟာ အဝါကတ် ၅ ကတ်ပြည့်ကာ ၁ ပွဲပယ်ပြစ်ဒဏ်အလိုအလျှောက်ကျခံလာရမှာ ဖြစ်လို့ တနင်္ဂနွေနေ့ အီတီဟတ်ကွင်းတွင် မန်စီးတီးအား ရင်ဆိုင်ရမယ့်ပွဲကို လွဲလာပါမယ်။
ကိုင်စီဒိုဟာ ချဲလ်ဆီးကွင်းလယ်တွင် အရေးပါတဲ့ အခန်းကဏ္ဍမှ ကစားနေသူ ဖြစ်ရာ အန်ဇိုမာရက်စ်ကာအတွက် ကြီးမားတဲ့ ထိုးနှက်ချက်ဖြစ်လာပါတယ်။
ချဲလ်ဆီးပရိသတ်တစ်ဦးက "ကိုင်စီဒို ခင်ဗျားက မိုက်မဲတဲ့လူလား။ ပွဲပယ်ခံရမှာကို သိတယ်။ မိုက်မိုက်မဲမဲလုပ်ပြီး အဝါကတ်ပြခံရအောင် လုပ်တာ။ အခု စီးတီးနဲ့ပွဲကိုလွဲပြီ။ ဘယ်လောက်တောင် မိုက်မဲသလဲ"လို့ ဆိုသွားပါတယ်။
ချဲလ်ဆီးဟာ ယခုရာသီတွင် ပရီးမီးယားလိဂ်တွင် စည်းကမ်းထိန်းသိမ်းမှု အားအနည်းဆုံးအသင်းများထဲမှ တစ်သင်း ဖြစ်ပြီး ဂျာအိုပီဒရို၊ ထရီဗိုချာလိုဘာ၊ ရောဘတ်ဆန်းချက်ဇ်၊ မွိုက်စ်ကိုင်စီဒို၊ လီယမ်ဒီလက်ပ်။ မာလိုဂပ်စ်တိုတို့ အနီကတ်ပြထုတ်ပယ်ခံထားရပြီး ဖြစ်ပါတယ်။
ချဲလ်ဆီးဟာ ၂၀၂၆ ခုနှစ်အား မန်စီးတီးကို အဝေးကွင်းသို့ သွားရောက် ရင်ဆိုင်ကာ ဖွင့်လှစ်ပြီးနောက် ဖူလ်ဟမ်၊ ဘရန့်ဖို့ဒ်၊ ခရစ္စတယ်ပဲလေ့စ်၊ ဝက်စ်ဟမ်းတို့အပြင် ချန်ပီယံလိဂ်တွင် Pafos ၊ နာပိုလီတို့နှင့် ရင်ဆိုင်ကစားရပါမယ်။ ဒါ့အပြင် ချဲလ်ဆီးဟာ အာဆင်နယ်နှင့် ခါရာဘောင်ဖလားဆီမီးဖိုင်နယ်ကစားရမှာ ဖြစ်သလို ချာလ်တန်နှင့် အက်ဖ်အေဖလားတတိယအဆင့်ပွဲဏဉ်ကစားရပါမယ်။

စပိန်စူပါဖလားအား ဆော်ဒီတွင် ကစားရမှုအပေါ် ဘီလ်ဘာအိုအသင်းခေါင်းဆောင်ဝေဖန်လာ
======================

ဘီလ်ဘာအိုအသင်းခေါင်းဆောင်အိုင်နာကီဝီလီယမ်ဟာ စပိန်စူပါဖလားပြိုင်ပွဲအား ဆော်ဒီတွင် ကစားစေတဲ့ ဆုံးဖြတ်ချက်အား ဝေဖန်လာပါတယ်။
စပိန်စူပါဖလားပြိုင်ပွဲကို ဇန်နဝါရီလတွင် ဆော်ဒီတွင် ကျင်းပလာမှာ ဖြစ်ပြီး ဆီမီးဖိုင်နယ်အဖြစ် ဘီလ်ဘာအိုက ဘာစီလိုနာနှင့်လည်းကောင်း၊ ရီးရဲလ်မက်ဒရစ်က အက်သလက်တီကိုနှင့်လည်းကောင်း ရင်ဆိုင်ကစားရကာ ယခုရာသီ ပထမဆုံးစပိန်ပြည်တွင်းဖလားအတွက် တိုက်ပွဲဝင်ရပါမယ်။
စပိန်စူပါဖလားကို လာလီဂါထိပ်ဆုံး ၂ သင်းနှင့် ကိုပါဒယ်ရေးဗိုလ်လုပွဲရောက် နှစ်သင်းတို့ ရင်ဆိုင်ကစားရတာပါ။
ဘာစီလိုနာနှင့် ရီးရဲလ်မက်ဒရစ်တို့က လာလီဂါက ထိပ်ဆုံး ၂ နေရာမှာ ရပ်တည်မှုနှင့်အတူ စပိန်စူပါဖလားဝင်ခွင့်ရလာခဲ့ကာ ဘီလ်ဘာအိုနှင့် အက်သလက်တီကိုတို့က ကိုပါဒယ်ရေးဗိုလ်လုပွဲရောက်ခဲ့မှုနှင့်အတူ ဝင်ခွင့်ရလာတာပါ။
စပိန်စူပါဖလားကို ယခင်တုန်းက စပိန်တွင်ပင် ကျင်းပပေမယ့်လည်း ၂၀၁၉-၂၀ ရာသီမှ စတင်ကာ ဆော်ဒီသို့ ပြောင်းရွှေ့ကျင်းပလာခဲ့ကာ ၂၀၂၉ ခုနှစ်အထိ ကျင်းပရန် သဘောတူညီထားပါတယ်။
ယင်းသို့ ဆော်ဒီသို့ ပြောင်းကစားမှုအပေါ် ဝီလီယမ်က "ကျွန်တော်အအတွက်တော့ ဒီပြိုင်ပွဲကို ဆော်ဒီမှာ ကစားရတာ အဓိပ္ပါယ်မရှိပါဘူး။ ပြည်တွင်းပြိုင်ပွဲတစ်ခုကို အခြားနိုင်ငံတစ်ခုမှာ သွားကစားတာ ပရိသတ်တွေအတွက် သွားရေး လာရေး မလွယ်ကူစေပါဘူး။ ကျွန်တော်တို့အတွက်ကလည်း အဝေးကွင်းသွားကစားရသလို ဖြစ်စေပါတယ်။ လာမယ့်ရက်တွေမှာ ပိုပြီးတော့ အရေးကြီးတာကတော့ ကျွန်တော် အဖေဖြစ်လာပါမယ်။ ဒီလိုအချိန်မှာ ဇနီး၊ ကလေးနဲ့ အဝေးမှာ နေရတာ ကြီးမားတဲ့ ဒုက္ခပါ"လို့ ပြောကြားသွားပါတယ်"လို့ ပြောကြားသွားပါတယ်။
ဝီလီယမ်ဟာ ပြီးခဲ့တဲ့ရာသီတုန်းက ဘာစီလိုနာကို စပိန်ကိုပါဒယ်ရေးဆီမီးဖိုင်နယ်တွင် ရှုံးနိမ့်တုန်းကလည်း ဆော်ဒီသို့ သွားကစားရမှုအပေါ် ဝေဖန်ခဲ့ဖူးသူ ဖြစ်ပါတယ်။
စပိန်စူပါဖလားပြိုင်မယ့် အသင်း ၄ သင်းတို့ဟာ ယခုအပတ်အကုန်တွင် လာလီဂါပွဲကစားပြီးပါက လာမယ့်အပတ်ကြားရက်တွင် ဆော်ဒီသို့ သွားရောက် ယှဉ်ပြိုင်ရပါမယ်။

ဒူးအရွတ်ဒဏ်ရာကြောင့် လအတန်ကြာအနားယူရတော့မယ့် ဘန်လေအသင်းခေါင်းဆောင်
====================

ဘန်လေအသင်းခေါင်းဆောင်ဂျို့စ်ကူလန်ဟာ ညာဖက်ဒူးအရွတ်ဒဏ်ရာကြောင့် လအတန်ကြာ အနားယူလာရတော့မှာ ဖြစ်ပါတယ်။
အိုင်ယာလန်အလယ်တန်းကစားသမားဟာ တနင်္ဂနွေနေ့တုန်းက အဲဗာတန်နှင့် ဂိုးမရှိသရေကျတဲ့ပွဲစဉ်ရဲ့ ဒုတိယပိုင်းအစောပိုင်းတွင် ဒဏ်ရာရရှိသွားပြီးနောက် ဖလိုရင်တီနိုလူးဝစ်နှင့် လူးစားလဲလှယ်ခဲ့ရပါတယ်။
ကူလန်ရဲ့ ဒဏ်ရာကို တနင်္လာနေ့တွင် စစ်ဆေးရာမှာ ညာဖက်ဒူးအရွတ်ဒဏ်ရရှိနေခြင်းဖြစ်ကြောင်း‌ တွေ့ရပြီး ခွဲစိတ်ကုသမှု ခံယူလာရတော့မှာလည်း ဖြစ်ပါတယ်။
ကူလန်ဟာ ယခုရာသီ ဘန်လေရဲ့ ၁၈ ပွဲလုံး ပွဲထွက်ကစားထားသူ ဖြစ်ပြီး အင်္ဂါနေ့တုန်းက နယူးကာဆယ်ကို ၃-၁ ဖြင့် ရှုံးနိမ့်တဲ့ပွဲကို လွဲချော်ခဲ့ပါတယ်။
စကောပါကားရဲ့ ဘန်လေဟာ နောက်ဆုံး ၁၀ ပွဲတွင် ၈ ပွဲ ရှုံးနိမ့်ထားကာ အဆင့် ၁၉ နေရာမှာ ရပ်တည်နေပြီး တန်းဆင်းဇုန်ပြင်ပမှ အသင်းနှင့် ၆ မှတ်ကွာဟနေပါတယ်။ ၎င်းတို့ဟာ အောက်တိုဘာလ ၂၆ ရက်နေ့တုန်းက ဝုဗ်ကို ၃-၂ ဖြင့် အနိုင်ရတဲ့ပွဲနောက်ပိုင်းတွင် နိုင်ပွဲ ပျောက်ဆုံးနေခဲ့ပါတယ်။

နောက်ကျောအသုံးပြုပြီး ကစားသမားဘဝ ၉၅၇ ဂိုးမြောက်ဂိုးအား သွင်းလာတဲ့ ခရစ္စတီယာနိုရော်နယ်ဒို
===================

ခရစ္စတီယာနိုရော်နယ်ဒိုဟာ Al-Ettifaq နှင့် ပွဲစဉ်တွင် Al Nassr ရဲ့ ဒုတိယဂိုးအား နောက်ကျောအသုံးပြုကာ အံ့ဩသင့်စရာဂိုးတစ်ဂိုး သွင်းလာပါတယ်။
ယင်းပွဲတွင် ဂျာအိုဖီးလစ်နှင့် ခရစ္စတီယာနိုရော်နယ်ဒိုတို့ ဂိုးသွင်းနိုင်ခဲ့ပေမယ့်လည်း Al Nassr ဟာ Al-Ettifaq အား လီဗာပူးစတားဟောင်းဂျော်ဂျီနီယိုဝီနယ်ဒမ်ရဲ့ ၂ ဂိုးကြောင့် ၂ ဂိုးစီသရေကျကာ ၁၀ ပွဲဆက် နိုင်ပွဲဆက်မှု ရပ်တန့်သွားပါတယ်။
ယင်းပွဲစဉ်တွင် အသက် ၄၀ နှစ်ရှိ ခရစ္စတီယာနိုရော်နယ်ဒိုဟာ ဂျာအိုဖီးလစ်ရဲ့ကန်ချက် နောက်ကျောထိမှန်ပြီး လမ်းကြောင်းပေါ် ဂိုးဝင်သွားမှုကနေ နောက်ဆုံးဘောလုံးထိသူအဖြစ် ဂိုးသွင်းရှင်အဖြစ် သတ်မှတ်ခြင်းခံခဲ့ရတာလည်း ဖြစ်ပါတယ်။
မနေ့ညကပွဲတွင် Al Nassr ဟာ ပွဲအစ ၅ မိနစ်မှာပင် နောက်တန်းအစွန်လူဆက်ဖာဟက် တိုက်ရိုက်အနီကတ်ပြထုတ်ပယ်ခံရပေမယ့်လည်း ဒိုင်လူကြီးက မော်နီတာတွင် စစ်ဆေးပြီးနောက် အဝါကတ်ပြောင်းလဲ ပြသမှုကြောင့် သက်သာရာ ရခဲ့တာပါ။
ဒါပေမယ့် Al-Ettifaq ဟာ အသင်းခေါင်းဆောင်ဝီနယ်ဒမ်ရဲ့ တန်ပြန်တိုက်စစ်မှ တဆင့် လှပတဲ့ ဝေ့ဝိုက်ကန်ချက်ဖြင့် ပွဲအစ ၁၆ မိနစ်မှာပင် ဦးဆောင်ဂိုးရခဲ့ပါတယ်။
၁၀ ပွဲဆက်နိုင်ပွဲ ရရှိထားတဲ့ Al Nassr ဟာ ပွဲချိန် ၄၇ မိနစ်မှာ ဂျာအိုဖီးလစ်ရဲ့ ပင်နယ်တီဧရိယာအတွင်း ကန်ချက်ဖြင့် ချေပဂိုးရခဲ့ပါတယ်။ ယင်းနောက် ၆၇ မိနစ်မှာ ဂျာအိုဖီးလစ်ရဲ့ ကန်ချက်က ခရစ္စတီယာနိုရော်နယ်ဒိုနှင့်ထိပြီး လမ်းကြောင်းပြောင်းဂိုးသွားမှုကနေ ဦးဆောင်ဂိုးရခဲ့ပါတယ်။
ဒါပေမယ့် ပွဲချိန် ၈၀ မိနစ်မှာ ဝီနယ်ဒမ်က ပင်နယ်တီဧရိယာအတွင်း ခင်းပေးမှုကနေ ပိတ်သွင်းကာ Al-Ettifaq အတွက် ချေပဂိုးအား သွင်းယူပေးခဲ့ပါတယ်။
Al Nassr ဟာ Al-Ettifaq နှင့် ၂ ဂိုးစီသရေကျပေမယ့်လည်း ဒုတိယနေရာမှ Al Taawoun ကို ၃ မှတ်ဖြတ်ကာ ဆော်ဒီပရိုလိဂ်ကို ဦးဆောင်ထားနိုင်တုန်း ဖြစ်ပါတယ်။

အလွတ်တည်ကန်ဘောမှ ၁၂ ဂိုးအထိ ပေးထားရကာ ၃ ဂိုးတည်းသာ ဂိုးရရှိထားပြီးနောက် လီဗာပူးအလွတ်တည်ကန်ဘောနည်းပြ ထွက်ခွာလာ
========================

လီဗာပူးရဲ့အလွတ်တည်ကန်ဘောနည်းပြအေရွန်ဘရစ်ဂျ်ဟာ ယခုရာသီ ကလပ်မှာ အလွတ်တည်ကန်ဘောများနှင့် ရုန်းကန်ရပြီးနောက် အန်ဖီးလ်မှ ထွက်ခွာလာခဲ့ပါတယ်။
အန်းဆလော့ရဲ့ လီဗာပူးဟာ ယခုရာသီ ပရီးမီးယားလိဂ်တွင် အလွတ်တည်ကန်ဘောမှ ၁၂ ဂိုးအထိ ပေးထားရပြီး ပေးဂိုးအများဆုံးအသင်းစာရင်းတွင် ပါဝင်နေသလို အလွတ်တည်ကန်ဘောမှ ရဂိုးကလည်း ၃ ဂိုးတည်းသာ ရှိထားပါတယ်။
ဘရစ်ဂျ်ဟာ ၂၀၂၄-၂၅ ရာသီအစတွင် အန်းဆလော့ရဲ့နည်းပြအဖွဲ့တွင် စတင်ခန့်အပ်ခြင်းခံရပြီးနောက် စက်တင်ဘာလတွင် အလွတ်တည်ကန်ဘောနည်းပြအဖြစ် ပြောင်းလဲ တာဝန်ယူခဲ့ပါတယ်။
သူဟာ လီဗာပူးရဲ့ အလွတ်တည်ကန်ဘော ခုခံမှုနှင့် အလွတ်တည်ကန်ဘောကန်မှုတို့အား တာဝန်ယူလုပ်ဆောင်ရပါတယ်။
ယခုရာသီတွင် ပရီးမီးယားတွင် အလွတ်တည်ကန်ဘောမှ ဂိုးရယူရေးမှာ အလွန်အရေးပါတဲ့ အခန်းကဏ္ဍမှ ပါဝင်နေပါတယ်။
လီဗာပူးဟာ အလွတ်တည်ကန်ဘောပြဿနာ ကြုံနေရမှုရဲ့ အကျိုးဆက်အဖြစ် ဘရစ်ဂျ်နှင့် နှစ်ဦးသဘောတူလမ်းခွဲရန် ဆုံးဖြတ်လိုက်တာလည်း ဖြစ်ပါတယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

LiDAR Window Hydrophobic Coating Market Set for Robust Growth

The global LiDAR Window Hydrophobic Coating market is gaining strong momentum as demand accelerates for advanced sensing systems across automotive, aerospace, robotics, and smart infrastructure applications. These specialized coatings play a critical role in maintaining sensor accuracy by repelling water, dust, and contaminants from LiDAR windows, ensuring uninterrupted signal transmission even in harsh environmental conditions
Read Full Research Study: https://marketintelo.com/repor....t/lidar-window-hydro