ဟုမ္မလင်းဒေသသို့ လေကြောင်းပြေးဆွဲမှုများစနစ်တကျဖြစ်စေရေးကြပ်မတ်ဆောင်ရွက်ပေးလျက်ရှိ

စစ်ကိုင်းတိုင်း၊ ဟုမ္မလင်းဒေသသို့ လေကြောင်းပြေးဆွဲမှုများ စနစ်တကျဖြစ်စေရေးအတွက်ကြပ်မတ်ဆောင်ရွက်ပေးလျက်ရှိသည်ဟု နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ ယနေ့ ဖေဖော်ဝါရီ ၁၅ ရက်မွန်းလွဲပိုင်းက ဟုမ္မလင်းမြို့ရှိ ဌာနဆိုင်ရာတာဝန်ရှိသူများ၊ မြို့မိမြို့ဖများနှင့်တွေ့ဆုံစဥ် ပြောကြားခဲ့ခြင်းဖြစ်သည်။
ဟုမ္မလင်းဒေသသို့ လေကြောင်းခရီးစဉ်များပြေးဆွဲမှုကို နိုင်ငံတော်မှတတ်နိုင်သမျှဆောင်ရွက်ပေးလျက်ရှိရာ လေကြောင်းပြေးဆွဲမှုများစနစ်တကျဖြစ်စေရေးအတွက်လည်း ကြပ်မတ်ဆောင်ရွက်ပေးလျက်ရှိ၍ ဟုမ္မလင်းဒေသတိုးတက်ရန် ဒေသခံများက ဝိုင်းဝန်းကြိုးပမ်းဆောင်ရွက်ရမည်ဟု ပြောသည်။
ထို့ပြင် မြစ်ရေတင်လုပ်ငန်းများဆောင်ရွက်နိုင်ရန် နေရောင်ခြည်စွမ်းအင်သုံးမြစ်ရေတင်လုပ်ငန်းများဆောင် ရွက်နိုင်ကာ ဒေသတွင်းလျှပ်စစ်ဓာတ်အားဖူလုံစွာပေးဝေနိုင်ရန် နိုင်ငံတော်အစိုးရမှ နမ့်ပင ရေအားလျှပ်စစ်စီမံကိန်းကို အမြန်ဆုံးပြီးစီးအောင်ဆောင်ရွက်လျက်ရှိသည်ဟု ပြောသည်။
" ဒေသတွင်းလျှပ်စစ်ဓာတ်အားရရှိဖို့အတွက် နေရောင် ခြည်စွမ်းအင်သုံးလျှပ်စစ်ဓာတ်အားထုတ်လုပ်ခြင်း လုပ်ငန်းတွေကိုဆောင်ရွက်နိုင်တာကြောင့် ဒေသခံတွေအနေနဲ့ စဉ်းစားဆောင်ရွက်ကြစေလိုပါတယ်"ဟု နိုင်ငံ တော် ယာယီသမ္မတက ပြောသည်။
ထို့နောက် နိုင်ငံတော်ယာယီသမ္မတမှ တက်ရောက်လာကြသူများအား ရင်းရင်းနှီးနှီးနှုတ်ဆက်ပြီး ခင်းကျင်းပြသထားသည့် ဟုမ္မလင်းခရိုင်အတွင်းရှိ အသေးစား၊ အငယ်စားနှင့် အလတ်စားစီးပွားရေး (MSME) လုပ်ငန်းများမှထွက်ရှိသော ထုတ်ကုန်ပစ္စည်းများအားကြည့်ရှုခဲ့သည်။

နေပြည်တော်စာပေဝိုင်းတွင် ICJ ၌ရင်ဆိုင်နေရသည့်အမှုနှင့်ပတ်သတ်၍ ပြည်ထောင်စုဝန်ကြီးဦးကိုကိုလှိုင် ဆွေးနွေးဟောပြောခဲ့
နေပြည်တော်၊ ဒက္ခိဏခရိုင်၊ ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာနခန်းမ၌ ယနေ့ ဖေဖော်ဝါရီ ၁၅ ရက်နံနက်ပိုင်းက နေပြည်တော်စာပေဝိုင်းကျင်းပရာ နိုင်ငံတော်သမ္မတရုံးဝန်ကြီးဌာန (၂)၊ ပြည်ထောင်စုဝန်ကြီးဦးကိုကိုလှိုင်(စာရေးဆရာကိုကိုလှိုင်)တက်ရောက်ခဲ့သည်။
ထိုသို့ တက်ရောက်ပြီးနောက် အပြည်ပြည်ဆိုင်ရာတ ရားရုံး(ICJ)တွင်ရင်ဆိုင်နေရသည့် အမှုကိစ္စရပ်နှင့်ပတ် သက်၍ နောက်ခံအကြောင်းရင်းများဖြစ်သော ရခိုင် ပြည်နယ်မြောက်ပိုင်း၏ သမိုင်းရာဇဝင်နှင့် ပထဝီဝင် တည်ရှိမှု၊ သမိုင်းကြောင်းဆိုင်ရာ အချက်အလက်များနှင့် အငြင်းပွားမှုများသည် လက်ရှိကာလဖြစ်ရပ်များအပေါ်တွင်သာ အခြေခံသည်မဟုတ်ဘဲ နှစ်ပေါင်းများစွာကပင်ဖြစ်တည်ခဲ့သည့် သမိုင်းကြောင်းဆိုင်ရာ အချက်အလက်များနှင့် တိုက်ရိုက်ဆက်စပ်နေခြင်းတို့ကို ဆွေးနွေးဟောပြောခဲ့သည်။
ထို့ပြင် ကိုလိုနီခေတ်အတွင်း ဗြိတိသျှတို့၏ နယ်မြေပိုင်းခြားသတ်မှတ်မှုများ၊ စီမံခန့်ခွဲမှုစနစ်များနှင့် ယင်းခေတ်ကာလအတွင်း လူဦးရေရွှေ့ပြောင်းအခြေချမှု ဖြစ်စဉ်သမိုင်းကြောင်းများသည် လက်ရှိဖြစ်ပေါ်နေသည့်အငြင်းပွားမှုများ၏ အဓိကအခြေခံအချက်များဖြစ်မှု၊ ရခိုင်ပြည်နယ်မြောက်ပိုင်း၏ ပထဝီဝင်တည်ရှိမှုအခြေအနေများကိုလည်း ဆွေးနွေးဟောပြောခဲ့သည်။
ထို့အတူ မြန်မာနိုင်ငံ၏ အနောက်ဘက်တံခါးနှင့် ထိစပ်နေသည့် ပထဝီဝင်အနေအထားအရဖြစ်ပေါ်လာသော စိန်ခေါ်မှုများ၊ နယ်စပ်ဒေသအတွင်း ရွှေ့ပြောင်းနေထိုင်မှုများ၊ ပထဝီဝင်အကန့်အသတ်များကြောင့်ဖြစ်ပေါ် လာသည့် လုံခြုံရေးနှင့် တည်ငြိမ်ရေးဆိုင်ရာများသည် နိုင်ငံတကာစင်မြင့်တွင် မြန်မာ့ရပ်တည်ချက်ကိုခုခံချေပရာ၌ မရှိမဖြစ်လိုအပ်သည့်အချက်အလက်များဖြစ်မှုကိုလည်း ဆွေးနွေးဟောပြောခဲ့သည်။
အချက်အလက်အမှန်များကို နိုင်ငံတကာကသိရှိနား လည်စေရန်ကြိုးပမ်းရုံသာမက၊ ပြည်တွင်းရှိသူများအနေဖြင့်လည်း မိမိတို့နိုင်ငံ၏ ဖြစ်တည်မှုသမိုင်းနှင့် ပထဝီဝင်အနေအထားများကို မှန်မှန်ကန်ကန်သိရှိနားလည်ရန် အမျိုးသားအကျိုးစီးပွားအတွက် အလွန်အ ရေးကြီးမှုတို့ကိုလည်း ပြည်ထောင်စုဝန်ကြီးဦးကိုကိုလှိုင်(စာရေးဆရာကိုကိုလှိုင်)က ဆွေးနွေးဟောပြောခဲ့သည်။

ပင်လယ်ပြင်တွင် မုန်တိုင်းမိပြီး ထိန်းသိမ်းခံထားရသည့် မြန်မာရေလုပ်သား (၅)ဦးကို မြန်မာနိုင်ငံသို့ ပြန်လည်ပို့ဆောင်
ပင်လယ်ပြင်အတွင်း မုန်တိုင်းမိပြီး အိန္ဒိယနိုင်ငံတွင် ထိန်းသိမ်းခံထားရသည့် မြန်မာရေလုပ်သား(၅)ဦးကို မြန်မာနိုင်ငံသို့ ပြန်လည်ပို့ဆောင်ပေးခဲ့ကြောင်း သိရသည်။
အဆိုပါ မြန်မာရေလုပ်သား (၅)ဦးမှာ ၂၀၂၄ ခုနှစ် နိုဝင်ဘာလအတွင်းက ပင်လယ်ပြင်တွင် မုန်တိုင်းမိ၍ အိန္ဒိယနိုင်ငံ၊ Trichy မြို့ရှိ Special Camp တွင် ထိန်းသိမ်းခံထားရသူများဖြစ်ကြောင်း နိုင်ငံခြားရေးဝန်ကြီးဌာနက သိရသည်။
၎င်းတို့ကို မြန်မာ-အိန္ဒိယနှစ်နိုင်ငံ ပူးပေါင်းဆောင်ရွက်မှုအစီအစဉ်ဖြင့် မြန်မာနိုင်ငံသို့ ဆောလျင်စွာ ပြန်လည်ပို့ဆောင်နိုင်ရေးအတွက် မြန်မာသံရုံးအနေဖြင့် အိန္ဒိယနိုင်ငံ၊ ပြည်ပရေးရာဝန်ကြီးဌာန၊ တမီးနာဒူးပြည်နယ်၊ Nagapattinam District မှ သက်ဆိုင်ရာဌာနအသီးသီးတို့အပြင် တမီးနာဒူးပြည်နယ်၊ Trichy မြို့နှင့် ချန်နိုင်းမြိုတို့ရှိ နိုင်ငံခြားသားများဒေသ ဆိုင်ရာမှတ်ပုံတင်ရေးရုံးတို့ဖြင့် ညှိနှိုင်းဆောင်ရွက်ခဲ့ကာ ပြန်လည်ခေါ်ယူခဲ့ခြင်းဖြစ်ကြောင်း အသိပေးထားသ ည်။
အဆိုပါ မြန်မာရေလုပ်သား(၅)ဦးကို ၂၀၂၆ ခုနှစ် ဖေဖော် ဝါရီလ (၁၄) ရက်၊ ဒေသစံတော်ချိန် နံနက် (၉)နာရီ (၃၉) မိနစ်အချိန်၌ အိန္ဒိယနိုင်ငံ၊ ချန်နိုင်းမြို့၊ အပြည်ပြည်ဆိုင်ရာလေဆိပ်မှတဆင့် မြန်မာနိုင်ငံသို့ မြန်မာအပြည်ပြည်ဆိုင်ရာလေ ကြောင်း(MAI)၏ ပျံသန်းစဉ်အမှတ်၊ 8M-631ဖြင့် ပို့ဆောင်ပေးခဲ့ကြောင်း သိရသည်။

ရန်ကုန်တိုင်းတွင် ယနေ့ ဖေဖော်ဝါရီ ၁၅ ရက်ညနေပိုင်းအထိ မှော်ဘီမြို့နယ်၌ မီးလောင်မှု(၃)ကြိမ်အပါအဝင် မီးလောင်မှု(၇)ကြိမ်ဖြစ်ပွားထား (၂)ဦး‌‌ေ-သဆုံး

ရန်ကုန်တိုင်းတွင် ယနေ့ ဖေဖော်ဝါရီ ၁၅ ရက်ညနေပိုင်းအထိ မှော်ဘီမြို့နယ်၌ မီးလောင်မှု(၃)ကြိမ်အပါအဝင် မီးလောင်မှု(၇)ကြိမ်ဖြစ်ပွားထားကာ အမျိုးသမီးကြီး (၂)ဦး‌ေ-သဆုံးခဲ့ကြောင်း မီးသတ်တပ်ဖွဲ့နှင့် လူမှုကူညီရေးအသင်းများထံမှ သိရသည်။
မှော်ဘီမြိုနယ်၊ ဖူးကြီးကျေးရွာအနီးတွင် မွန်းလွဲ ၂ နာရီ ၅၅ မိနစ်ခန့်က ကွင်းမီးလောင်နေသဖြင့် မှော်ဘီမြို့နယ် မီးသတ်စခန်း၊ တိုက်ကြီးမြို့နယ်မီးသတ်စခန်းတို့မှတပ်ဖွဲဝင်များကငြှိမ်းသတ်ခဲ့ကြ၍ ညနေ ၄ နာရီခွဲတွင် မီးငြိမ်းသွားခဲ့ကြောင်း သိရသည်။
ထို့ပြင် နေ့လည် ၁ နာရီ ၃၄ မိနစ်ခန့်ကလည်း မှော်ဘီမြို့နယ်၊ ရှမ်းကုန်းကျေးရွာအနီး၌ ကိုင်းတောမီးလောင်မှုဖြစ်ပွား၍ မှော်ဘီမြို့နယ်မီးသတ်စခန်းမှတပ်ဖွဲ့ဝင်များကငြှိမ်းသတ်ခဲ့ကြသဖြင့် မွန်းလွဲ ၂ နာရီ ၇ မိနစ်တွင်မီးငြိမ်းသွားခဲ့ကြောင်း သိရသည်။
ထို့အတူ နေ့လည် ၁ နာရီ ၂၅ မိနစ်ခန့်ကလည်း မှော်ဘီမြို့နယ်၊ အထယုကျေးရွာ၊ ဓမ္မဓူရဘုန်းကြီးကျောင်းအနီး၌ မြက်ခြောက်မီးလောင်နေသဖြင့် မှော်ဘီမြို့နယ်မီး သတ်စခန်း၊ မင်္ဂလာဒုံမြို့နယ်မီးသတ်စခန်းတို့မှတပ်ဖွဲ့ဝင်များကငြှိမ်းသတ်ခဲ့ကြရာ နေ့လည် ၁ နာရီ ၄၅ မိနစ်တွင်မီးငြိမ်းသွားခဲ့ကြောင်း သိရသည်။
ထို့ပြင် ဒဂုံ(မြို့သစ်)ဆိပ်ကမ်းမြို့နယ်၊ ဒလဘမ်းကျေးရွာ၊ ရွာလယ်လမ်းဘေးတွင် ညနေ ၄ နာရီ ၄၀ မိနစ်ခန့်က မြက်ခြောက်မီးလောင်နေသဖြင့် ညောင်ပင်နယ်မြေမီးသတ်စခန်းမှတပ်ဖွဲ့ဝင်များက ငြှိမ်းသတ်ခဲ့ကြရာ ည နေ ၅ နာရီတွင်မီးငြိမ်းသွားခဲ့ကာ နံနက် ၁၀ နာရီ ၂၄ မိ နစ်ခန့်ကလည်း ခရမ်းမြို့နယ်၊ ကျုံမရေကျေးရွာတွင် မီးလောင်မှုဖြစ်ပွား၍ ခရမ်းမြို့နယ်မီးသတ်စခန်းမှတပ် ဖွဲ့ဝင်များကငြှိမ်းသတ်ခဲ့ကြရာ နံနက် ၁၀ နာရီ ၃၄ မိနစ်တွင်မီးငြိမ်းသွားခဲ့ကြောင်း သိရသည်။
ထို့အတူ နံနက် ၂ နာရီ ၃၅ မိနစ်ကလည်း လှိုင်သာယာ (အရှေ့ပိုင်း)မြို့နယ်၊ စက်မှုဇုန်အပိုင်း(၂)၊ ဆိပ်ကမ်းသာလမ်းတွင် ကိုင်းတောမီးလောင်မှုဖြစ်ပွား၍ လှိုင်သာယာမြို့နယ်မီးသတ်စခန်းမှတပ်ဖွဲ့ဝင်များကငြှိမ်းသတ်ခဲ့ကြရာ နံနက် ၃ နာရီတွင်မီးငြိမ်းသွားခဲ့ကြောင်း သိရသည်။
ထို့ပြင် မရမ်းကုန်းမြို့နယ်၊ (၂)ရပ်ကွက်၊ ရထားသံ လမ်းဘေးရှိ စတိုးဆိုင်တစ်ဆိုင်တွင် နံနက် ၃ နာရီ ၃၇ မိနစ်ခန့်က မီးလောင်မှုဖြစ်ပွားရာ မရမ်းကုန်းမြို့နယ်မီး သတ်စခန်းမှတပ်ဖွဲ့ဝင်များ၊ လူမှုကူညီရေးအသင်းဝင်များက ငြှိမ်းသတ်ခဲ့ကြသဖြင့် နံနက် ၃ နာရီ ၅၃ မိနစ်တွင် မီးငြိမ်းသွားခဲ့ကာ မီးလောင်မှုကြောင့် အမျိုးသမီးကြီး(၂)ဦး‌ေ-သဆုံးခဲ့ကြောင်း သိရသည်။

ပဲခူးရွှေမော်ဓောစေတီတော်မြတ်ကြီး အတွင်းလှိုဏ်ရှိ ဆွေးမြေ့သံဘောင်များကိုပြန်လည်ပြုပြင်မည်
ပဲခူးတိုင်း၊ ပဲခူးမြို့၊ ရွှေမော်ဓောစေတီတော်မြတ်ကြီးအတွင်းလှိုဏ်အတွင်းတည်ဆောက်ထားသည့် ဆွေးမြေ့သံဘောင်များကို ပြန်လည်ပြုပြင်သွားမည်ဖြစ်ရာ ပြု ပြင်ခြင်းလုပ်ငန်းများဆောင်ရွက်ရန် ညှိနှိုင်းအစည်းအ ဝေးအား တိုင်းဝန်ကြီးချုပ်ဦးမျိုးဆွေဝင်းဦးဆောင်၍ ယနေ့ ဖေဖော်ဝါရီ ၁၅ ရက်နံနက်ပိုင်းက ကျင်းပခဲ့သည်။
တိုင်းဝန်ကြီးချုပ်ဦးမျိုးဆွေဝင်းမှ ရွှေမော်ဓောစေတီတော်မြတ်ကြီးသည် နိုင်ငံတော်အဆင့်ရှိ စေတီတော်တစ်ဆူဖြစ်၍ ပြုပြင်တည်‌ဆောက်မှုများပြုလုပ်ရာတွင် မြန်မာနိုင်ငံအင်ဂျင်နီယာကောင်စီ၏ အကူအညီရယူကာ ပညာရှင်များဖြင့် အသေးစိတ်စစ်ဆေးချက်များ လုပ်ဆောင်ရမည်ဟု မှာကြားသည်။
ထို့ပြင် ပဲခူးဒေသသည် ငလျင်ကြောပေါ်တွင်တည်ရှိနေ ၍ ငလျင်ဘေးဒဏ်ခံနိုင်ရေး အလေးထားဆောင်ရွက်ရန်၊ စေတီတော်ကြီး၏ အတွင်းလှိုဏ်ထဲရှိ သံထောက်တိုင်များပြုပြင်ရာတွင် စေတီတော်ကြီး၏ အပြင်လုံး ပတ်တော်၌ ရာသီဥတုဒဏ်ကြောင့် အက်ကွဲမှုရှိ/မရှိတစ် ပါတည်းစစ်ဆေးရန်၊ စေတီတော်မြတ်ကြီး၏ ကြံ့ခိုင်မှုစစ်ဆေးချက်ရလဒ်များနှင့် ပြင်ဆင်ဆောင်ရွက်ရမည့် လုပ်ငန်းစဉ်အဆင့်ဆင့်အား သက်ဆိုင်ရာသို့တင်ပြဆောင်ရွက်ရန်လည်း မှာကြားခဲ့သည်။
ထို့နောက် မြန်မာနိုင်ငံအင်ဂျင်နီယာကောင်စီတွဲဖက်အ တွင်းရေးမှူးက စေတီတော်မြတ်ကြီးအတွင်းလှိုဏ်ထဲရှိ တည်ဆောက်ထားသော ဆွေးမြေ့သံဘောင်များ စစ် ဆေးထားမှု၊ KMA ကုမ္ပဏီနှင့် KTN Structural Design Group တို့မှတာဝန်ရှိသူများက အတွင်းလှိုဏ်အတွင်း အဆင့်လိုက်ဆောင်ရွက်ရမည့်လုပ်ငန်းများကို ရှင်း လင်းတင်ပြခဲ့ကြသည်။
အစည်းအဝေးအပြီးတွင် ဆက်လက်၍ တိုင်းဝန်ကြီး ချုပ်သည် စေတီတော်မြတ်ကြီးရင်ပြင်တော်ပေါ်၌ တပ် မတော် ကြည်း၊ ရေ၊ လေ မိသားစုဝင်များ၏ အလှူတော်အဖြစ် နေပူခံကျောက်ပြားခင်းနေမှုနှင့် စေတနာရှ င်များ၏လှူဒါန်းမှုဖြင့် သာသနိကအဆောက်အဦများ ဘက်စုံပြုပြင်မွမ်းမံနေမှုတို့အားကြည့်ရှုစစ်ဆေးခဲ့သည်။

ဆေးသမားကြီး IDP စခန်းတွင် အဆောက်အဦးများနှင့် ရေတုံကင်များတပ်ဆင်ပြီးစီး
ရခိုင်ပြည်နယ်၊ စစ်တွေမြို့နယ်၊ ဆေးသမားကြီး IDP စခန်းတွင် အဆောက်အဦးများနှင့် ရေတုံကင်များတပ်ဆင်ပြီးစီးပြီဖြစ်ရာ ရခိုင်ပြည်နယ်ဝန်ကြီးချုပ်ဦးထိန်လင်းမှ ယနေ့ ဖေဖော်ဝါရီ ၁၅ ရက်နံနက်ပိုင်းကကြည့်ရှုစစ်ဆေးခဲ့သည်။
ပြည်နယ်ဝန်ကြီးချုပ်မှ စခန်းအတွင်း အဆောက်အဦးများဆောက်လုပ်ပြီးစီးနေမှု၊ ရေတုံကင်များတပ်ဆင်ပြီးစီးနေမှုနှင့် ရေရရှိနေမှုတို့ကိုကြည့်ရှုစစ်ဆေးပြီး သက်ဆိုင်ရာဌာနများကဦးဆောင်ကာ စနစ်တကျနေရာချထားရေး၊ မီးဘေးလုံခြုံရေးအတွက် အသိပညာပေးဟောပြောရေး၊ မီးဘေးအန္တရာယ်ကြိုတင်ကာကွယ်ရေးအတွက် လိုအပ်သောပစ္စည်းများစနစ်တကျ စီမံထားရှိရေး အလေးပေးဆောင်ရွက်ရန်မှာကြားခဲ့သည်။
ဆေးသမားကြီး IDP စခန်းတွင် သစ်တိုင်၊ ထရံကာ၊ သွပ်မိုးဖြင့် အလျား (၄၅) ပေ၊ အနံ (၃၀) ပေရှိ အဆောက်အဦး (၁၈) လုံးနှင့် ရေတုံကင် (၁၈) လုံးတို့ကို တပ်ဆင်ဆောက်လုပ်ပေးခဲ့ခြင်း ဖြစ်သည်။

ပဲခူးမြို့ ဆင်ဖြူကွင်းအမှိုက်ပုံ မီးလေ-ာင်မှုဖြစ်ပွား
ပဲခူးတိုင်းဒေသကြီး၊ ပဲခူးမြို့နယ်၊ ဆင်ဖြူကွင်းအမှိုက်ပုံတွင် ယနေ့ ဖေဖော်ဝါရီ (၁၅) ရက် မွန်းလွဲ (၁၂) နာရီ မိနစ် (၅၀) အချိန်တွင် မီးလေ-ာင်ကျွမ်းမှုဖြစ်ပွားခဲ့ကြောင်း မြန်မာနိုင်ငံမီးသ-တ်တပ်ဖွဲ့မှ သိရသည်။
အဆိုပါမီးလေ-ာင်ကျွမ်းမှုကို ပဲခူးမြို့နယ်မီးသ-တ်စခန်းမှ မီးငြှိမ်းသတ်ယာဉ် (၁) စီး၊ ရေသယ်ယာဉ် (၃) စီး၊ အထောက်အကူပြုယာဉ် (၁) စီး သန္ဓေမီးသ-တ်တပ်ဖွဲ့ဝင်များ ထွက်ခွာငြှိမ်းလျက်ရှိကြောင်းသိရသည်။
နွေရာသီရောက်ရှိလာပြီဖြစ်ရာ အပူရှိန်ကြောင့် မြက်ခြောက်မီးလေ-ာင်ခြင်း၊ အမှိုက်ပုံမီးလေ-ာင်ခြင်းများ မကြာခဏ ဖြစ်ပွားလျက်ရှိနေသည်ကို မီးသ-တ်တပ်ဖွဲ့၏ ထုတ်ပြန်ချက်များအရ သိရပြီး ဆင်ဖြူကွင်းအမှိုက်ပုံသည် နှစ်စဉ် မီးလေ-ာင်ကျွမ်းမှုဖြစ်ပွားလေ့ရှိကြောင်း သိရသည်။
ဖေဖော်ဝါရီ (၁၄) ရက်နေ့တွင် ပဲခူးမြို့၏ အမြင့်ဆုံး အပူချိန်မှာ (၃၈) ဒီဂရီဆဲလ်စီးယပ်နှင့် အနိမ့်ဆုံးအပူချိန်မှာ (၁၈) ဒီဂရီဆဲလ်စီးယပ်အထိ ရှိခဲ့ကြောင်း သိရသည်။

မုံရွာမြို့၌ တည်ဆောက်နေသည့် မော်တော်ယာဥ်ရောင်းဝယ်ရေးစင်တာတွင် လုပ်ငန်းရှင် (၄၁) ဦးကို နေရာချထားပေးသွားမည်

စစ်ကိုင်းတိုင်းဒေသကြီး၊ မုံရွာမြို့၊ ဘုန်းစိုးရပ်၊ ကျောက်ကာလမ်းဘေးတွင် မော်တော်ယာဥ်ရောင်းဝယ်ရေးစင်တာတစ်ခုတည်ဆောက်နေပြီး လုပ်ငန်းရှင် (၄၁) ဦးကို နေရာချထားပေးသွားမည်ဖြစ်ကြောင်း သိရသည်။
"ပင်မအဆောက်အဦး (၄) ခုပါရှိပြီး ဆိုင်ခန်း (၄၁) ခန်းပါရှိပါတယ်။ ဆိုင်ခန်းငှားရမ်းအသုံးပြုဖို့ လာရောက်လျောက်ထားသူ (၇၁) ဦး ရှိပါတယ်။ အဲဒီအထဲကမှ အမှန်တကယ်ဆိုင်ခန်းဖွင့်လှစ်မယ့် (၄၁) ဦးကို စိစစ်ရွေးချယ် ဖွင့်လှစ်စေမှာဖြစ်ပါတယ်။ နေရာချထားရေးအဖွဲ့မှာ မုံရွာခရိုင်စီမံခန့်ခွဲရေးနဲ့အုပ်ချုပ်ရေးအဖွဲ့ ဥက္ကဋ္ဌ ခေါင်းဆောင်တဲ့ မြို့နယ်စည်ပင်သာယာရေးအဖွဲ့၊ မြို့နယ်စီမံခန့်ခွဲရေးအဖွဲ့ စတဲ့ အဖွဲ့ဝင်(၉) ဦးအဖွဲ့ကို စနစ်တကျဖွဲ့စည်းပြီး စစ်ကိုင်းတိုင်းဒေသကြီးအစိုးရကို တင်ပြပြီး အမှန်တကယ်လုပ်ကိုင်ဆောင်ရွယ်မယ့် သူတွေကို ရွေးချယ်နေရာချထားတာဖြစ်ပါတယ်။ လစဥ်ငှားရမ်းခနဲ့ ငှားရမ်းလုပ်ဆောင်လို့ ရအောင်စီစဥ်ထားပါတယ်"ဟု မုံရွာမြို့နယ်စည်ပင်သာယာရေးအဖွဲ့ အမှုဆောင်အရာရှိ ဦးထွန်းထွန်းက ပြောသည်။
မုံရွာမြို့တွင် ကား၊ ဆိုင်ကယ်နှင့် ယာဥ်မျိုးစုံဆက်စပ်ပစ္စည်းများ ရောင်းဝယ်နိုင်မည့် မော်တော်ယာဥ်ရောင်းဝယ်ရေးစင်တာကိုတည်ဆောက်ပေးလျက်ရှိရာ ပင်မအဆောက်အဦး (၄) ခုပါရှိကာ ဆိုင်ခန်း (၄၁) ခန်းပါဝင်ကြောင်း သိရသည်။
မုံရွာမြို့တွင် ကားဆိုင်ကယ်နဲ့ယာဥ်မျိုးစုံဆက်စပ်ပစ္စည်းများ ရောင်းဝယ်နိုင်သည့် မော်တော်ယာဥ်ရောင်းဝယ်ရေးစင်တာကို မုံရွာမြို့၊ ဘုန်းစိုးရပ်၊ ကျောက်ကာလမ်းဘေးမှာရှိသည့် မြေအကျယ် (၃ဒသမ၉) ဧက ပေါ်တွင် စစ်ကိုင်းတိုင်းဒေသကြီး အစိုးရအဖွဲ့ လမ်းညွှန်ချက်နှင့် အညီအကောင်အထည်ဖော်ဆောင်ရွက်နေခြင်း ဖြစ်သည်။
"စင်တာနေရာဟာ အရင်က ခြုံနွယ်ပိတ်ပေါင်းတွေနဲ့ အမြင်မသင့်တော်ခဲ့ဘူး။ မီးဘေးအန္တရာယ်လည်း စိုးရိမ်ရတယ်။ ဒါကြောင့် မုံရွာမြို့နယ် စည်ပင်သာယာရေးအဖွဲ့အနေနဲ့ စည်ပင်သာယာရေး ဥပဒေ ၁၅ (က) ၊ ပုဒ်မခွဲ (၃၆) အရ တိုင်းဒေသကြီး အစိုးရကိုတင်ပြပြီး မော်တော်ယာဥ်ရောင်းဝယ်ရေးစင်တာကိုဆောင်ရွက်ခဲ့တာဖြစ်ပါတယ်။ မော်တော်ကားနဲ့ပါတ်သက်တဲ့ ပစ္စည်းစုံရောင်းဝယ်မယ့်နေရာဖြစ်ပါတယ်။ ပြုပြင်ထိမ်းသိမ်းတဲ့ ဌာနတွေလည်းပါဝင်ပါမယ်။ ရေဆေးရုံလည်းပါပါမယ်။ မော်တော်ဆိုင်ကယ်နဲ့ ပါတ်သက်တဲ့ပစ္စည်းတွေရောင်းဝယ်ဖို့လည်း ပါဝင်ပါတယ်။ မော်တော်ဆိုင်ကယ်အရောင်းဆိုင်လည်း ပါမှာဖြစ်ပါတယ်။ စားသောက်ဆိုင်တန်းလည်းပါဝင်မှာပါ။ အလှပြင်ဆိုင်၊ ဆံသဆိုင်တွေပါထည့်သွင်းထားပါတယ်။ စတိုးဆိုင်တွေ၊ တိရစ္ဆာန်အစာဆိုင်တွေကိုပါထားသွားမှာပါ"ဟု ဦးထွန်းထွန်းက ရှင်းပြသည်။
ယခုစင်တာ တည်ဆောက်ပေးခြင်းသည် မုံရွာမြို့ထဲတွင် တကွဲတပြားဖြင့် ကား၊ ဆိုင်ကယ်များ ရောင်းဝယ်နေရာမှ တစ်နေရာတည်း ကျယ်ကျယ်ဝန်းဝန်း စနစ်တကျဖြင့် ရောင်းဝယ်နိုင်ခွင့်ရှိသလို ကားဆိုင်ကယ်ပြုပြင်ခြင်း ရေဆေးခြင်းစသဖြင့် အစစအရာရာအဆင်ပြေချောမွေ့စွာဆောင်ရွက်နိုင်မည်ဖြစ်သည့်အပြင် အလုပ်အကိုင်အခွင့်အလမ်းများစွာရရှိကြမည်ဖြစ်သည်။

လက်ဖက်ပွဲတော်ပြုလုပ်သည့်အတွက် မြန်မာ့လက်ဖက်ကို ကျယ်ကျယ်ပြန့်ပြန့် သိရှိလာနိုင်
------------------------------------------------------------------
မြန်မာ့လက်ဖက်ပွဲတော်ကို ကျင်းပပြုလုပ်တဲ့အတွက် မြန်မာ့လက်ဖက်ကို ပြည်သူ့တွေထဲမှာ ထဲထဲဝင်ဝင် သိရှိ လာနိုင်တယ်လို့ ရန်ကုန်တိုင်းဒေသကြီးဝန်ကြီးချုပ် ဦးစိုးသိန်းက ပြောပါတယ်။
ဖေဖော်ဝါရီ(၁၃)ရက်က ရန်ကုန်မြို့ရှိ စိမ်းလန်းစိုပြေ ဥယျာဥ်မှာ ကျင်းပပြုလုပ်တဲ့ လက်ဖက်ပွဲတော် တတိယနေ့မှာ အခုလို ပြောကြားခဲ့တာဖြစ်ပါတယ်။
ဒါအပြင် ထူးခြားဝိသေသရှိတဲ့ လက်ဖက်စို စားသုံးတဲ့ ယဉ်ကျေးမှု ဓလေ့ကိုလည်း ပိုမိုတန်ဖိုး ထားတတ် လာကြ လိမ့်မယ်လို့ ဆိုပါတယ်။
မြန်မာ့လက်ဖက်ယဉ်ကျေးမှုကို ကမ္ဘာ့ကစိတ်ဝင်စားလာမယ်ဆိုပါက လက်ဖက်စိုဟာ ရောင်းကောင်းတဲ့ ထုတ်ကုန် တစ်ခု ဖြစ်လာနိုင်တယ်လို့လည်း ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းက ပြောပါတယ်။
မြန်မာ့ယဥ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့ နဲ့ မြန်မာနိုင်ငံ လက်ဖက်စိုက်ပျိုး ထုတ်လုပ် တင်ပို့ ရောင်းချသူများအသင်းတို့ ပူးပေါင်းပြီး မြန်မာ့လက်ဖက်ပွဲတော်ကို ဖေဖော်ဝါရီ ၁၁ ရက်ကနေ ၁၄ ရက် အထိ မနက် ၁၀ နာရီကနေ ည ၈ နာရီအထိ ကျင်းပပြုလုပ်နေတာ ဖြစ်ပါတယ်။
လက်ဖက်ပွဲတော်တတိယနေ့မှာဆိုရင်လက်ဖက်နဲ့ပြုလုပ်ထားတဲ့မုန့်မျိုးစုံတွေ၊လက်ဖက်နဲ့လုပ်ထားတဲ့စားစရာမျိုးစုံကိုပြသခဲ့ကြတာဖြစ်ပြီးတိုင်းရင်းသားရိုးရာအကတွေနဲ့ဖျော်ဖြေမှုတွေပြုလုပ်ခဲ့ကြပါတယ်။
အခု လက်ဖက်ပွဲတော်မှာ လက်ဖက်ကို မျိုးစုံစားလို့ရတယ်ဆိုတဲ့အသိကို ပေးနိုင်ခဲ့တယ်လို့ Maw Shan Green Tea and Laphet မှ မန်နေဂျင်းဒါရိုက်တာ ဒေါ်နေခြည်မြတ်ထွန်းက ပြောပါတယ်။
မြန်မာ့လက်ဖက်ပွဲတော်ကို ကျင်းပရတာက လက်ဖက်စိုစားသုံးတဲ့ ယဉ်ကျေးမှုဓလေ့ကို မြန်မာနိုင်ငံသားတွေ သာမက ကမ္ဘာ့နိုင်ငံ အသီးသီး ကပါ နှစ်သစ်ဖွယ်ရာ အစားအစာ တစ်ခုအဖြစ် သိမြင်လာစေဖို့ ရည်ရွယ်ပြီး ကျင်းပတာ ဖြစ်တယ်လို့ ဆိုပါတယ်။
ဒါ့အပြင် လက်ဖက်စားသုံးတဲ့ ယဉ်ကျေးမှု ဓလေ့ကို UNESCO Representative List of The Intangible Cultural Heritage ရဲ့လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှု အမွေအနှစ်အနေနဲ့ သတ်မှတ်စေဖို့နဲ့ မျိုးဆက်သစ်တွေ အပါအဝင် ပြည်သူတစ်ရပ်လုံးက မြန်မာ့လက်ဖက်စို စားသုံးတဲ့ဓလေ့ကို ထဲထဲ ဝင်ဝင် ပိုမိုသိရှိနားလည်ပြီး နှစ်သက် မြတ်နိုး တန်ဖိုးထားကာ ဆက်လက်ထိန်းသိမ်း စောင့်ရှောက်နိုင်စေဖို့ ရည်ရွယ်ကျင်းပတာဖြစ်တယ် လို့သိရပါတယ်။

တရုတ်-မြန်မာ ချစ်ကြည်ရေးသမိုင်းသစ် အတူတကွ ရေးဖွဲ့မည်
-------------------------------------
တရုတ်-မြန်မာ ချစ်ကြည်ရေးဆက်ဆံမှု သမိုင်းသစ်ကို အတူတကွ ရေးဖွဲ့သွားမယ်လို့ မြန်မာနိုင်ငံဆိုင်ရာ တရုတ် ပြည်သူ့သမ္မတနိုင်ငံ သံအမတ်ကြီး မစ္စ မာကျားက ပြောပါတယ်။
ဖေဖော်ဝါရီ ၁၄ ရက်က ရန်ကုန်မြို့၊ အမျိုးသားအားကစားပြိုင်ပွဲရုံ(၁) သုဝဏ္ဏမှာ ကျင်းပတဲ့ ၂၀၂၆ ခုနှစ် မြင်းနှစ် တရုတ် နှစ်သစ်ကူးပွဲတော်အခမ်းအနားမှာ အခုလို ပြောကြားခဲ့တာပါ။
၂၀၂၅ ခုနှစ်ဟာ တရုတ်-မြန်မာ ဆက်ဆံရေးအတွက် အရေးပါတဲ့နှစ်တစ်နှစ်ဖြစ်ခဲ့ပြီး နှစ်နိုင်ငံဆက်ဆံရေးဟာ ထိပ်သီးခေါင်းဆောင်တွေရဲ့ လမ်းညွှန်မှုအောက်မှာ အဆင့်သစ်တစ်ခုကို တက်လှမ်းခဲ့တယ်လို့ မစ္စ မာကျားက ပြောပါတယ်။
တရုတ်-မြန်မာ စီးပွားရေးပူးပေါင်းဆောင်ရွက်မှုမှာ တိုးတက်မှုအသစ်တွေ ရရှိခဲ့ပြီး နှစ်နိုင်ငံကုန်သွယ်မှုပမာဏဟာ ၁၉ ရာခိုင်နှုန်း တိုးတက်ခဲ့သလို တရုတ်နိုင်ငံရဲ့ မြန်မာနိုင်ငံမှာ ရင်းနှီးမြှုပ်နှံမှုကလည်း ၂၃၀ ရာခိုင်နှုန်းထိ တိုးတက် ခဲ့တယ်လို့ ဆိုပါတယ်။
ပြီးခဲ့တဲ့နှစ်က မြန်မာနိုင်ငံကို လာရောက်တဲ့ တရုတ်ခရီးသွားဧည့်သည်ဦးရေကလည်း နှစ်သိန်းခွဲကျော် ရှိခဲ့ပြီး မြန်မာနိုင်ငံရဲ့ အကြီးဆုံး ခရီးသွားအရင်းအမြစ် နိုင်ငံအဖြစ် ဆက်လက်တည်ရှိခဲ့ပါတယ်။ တရုတ်နိုင်ငံဟာ ၁၅ ကြိမ်မြောက် ငါးနှစ်စီမံကိန်းကို စတင်အကောင်အထည်ဖော်တော့မှာ ဖြစ်ပြီး မြန်မာနိုင်ငံကလည်း ခရီးစဉ်သစ် တစ်ခုကို စတင်တော့မှာ ဖြစ်တယ်လို့ ဆိုပါတယ်။
ဒါ့အပြင် နှစ်နိုင်ငံခေါင်းဆောင်တွေ သဘောတူညီထားတဲ့ အရေးကြီးတဲ့ အချက်အလက်တွေကို အကောင် အထည်ဖော် ဆောင်ရွက်သွားမှာဖြစ်ပြီး ကံကြမ္မာတူ အသိုက်အဝန်းတည်ဆောက်ရေးကို လက်တွဲခိုင်မာစေကာ နှစ်နိုင်ငံ ကဏ္ဍအလိုက် ပူးပေါင်းဆောင်ရွက်မှုတွေကို တွန်းအားပေးဆောင်ရွက်သွားမှာ ဖြစ်တယ်လို့ မစ္စ မာကျားက ပြောကြားခဲ့ပါတယ်။