ဦးအောင်ကျော်မိုး ကို မန္တလေးတိုင်းဒေသကြီးလွှတ်တော် ဥက္ကဋ္ဌ အဖြစ်ရွေးချယ်တင်မြှောက်

မန္တလေးတိုင်းဒေသကြီးလွှတ်တော် ဥက္ကဋ္ဌ အဖြစ် USDP ပါတီ ပါတီဗဟိုအလုပ်အမှုဆောင်၊ မန္တလေးတိုင်းဒေသကြီး ပါတီဥက္ကဋ္ဌ၊ မိတ္ထီလာမြို့ မဲဆန္ဒနယ်၊ တိုင်းဒေသကြီးလွှတ်တော်ကိုယ်စားလှယ် ဦးအောင်ကျော်မိုး တဦးတည်းကိုသာ အမည်စာရင်းတင်သွင်းခဲ့ပြီး ရွေးချယ်တင်မြှောက်ခဲ့တာဖြစ်ပါတယ်။

မန္တလေးတိုင်းဒေသကြီးလွှတ်တော် ဒုတိယ ဥက္ကဋ္ဌအဖြစ် ဦးကျော်မြင့် ကို ရွေးချယ်တင်မြှောက်

မန္တလေး၊ မတ်- ၂၀- ၂၀၂၆

မန္တလေးတိုင်းဒေသကြီးလွှတ်တော် ဒုတိယဥက္ကဋ္ဌ အဖြစ် ရမည်းသင်းမြို့နယ်၊ ကိုယ်စားလှယ် အမှတ် ၁ ဦးကျော်မြင့် တဦးတည်းကိုသာ အမည်စာရင်းတင်သွင်းခဲ့ပြီး ရွေးချယ်တင်မြှောက်ခဲ့တာဖြစ်ပါတယ်။

အီရန်နိုင်ငံ အကြီးအကျယ် ထိခိုက်နေပြီလို့ နေတန်ယာဟု ပြောကြား၊ စွမ်းအင်ကဏ္ဍကို ထပ်တိုက်ရင် အီရန်ကလည်း အလျှော့ပေးမှာမဟုတ်ကြောင်း သတိပေး

အစ္စရေးဝန်ကြီးချုပ် ဘင်ဂျမင် နေတန်ယာဟုက အစ္စရေးရဲ့ စစ်ရေးအရ တိုက်ခိုက်မှုတွေကြောင့် အီရန်နိုင်ငံဟာ "အကြီးအကျယ် ပျက်စီးဆုံးရှုံးနေပြီ" ဖြစ်ကြောင်းနဲ့ ဒီစစ်ပွဲဟာ ထင်ထားတာထက် ပိုမြန်မြန် ပြီးဆုံးသွားနိုင်တယ်လို့ ကြာသပတေးနေ့မှာ ပြောကြားလိုက်ပါတယ်။

တဖက်မှာလည်း အီရန်က ပင်လယ်ကွေ့ဒေသက ရေနံနဲ့ သဘာဝဓာတ်ငွေ့ လုပ်ငန်းတွေကို ဆက်တိုက် တိုက်ခိုက်နေတာကြောင့် ကမ္ဘာ့ဈေးကွက်မှာ ရိုက်ခတ်မှုတွေ ရှိနေပါတယ်။
​နေတန်ယာဟုရဲ့ ပြောကြားချက်များ

​အစ္စရေးနဲ့ အမေရိကန်တို့ ပူးပေါင်းပြီး အီရန်ကို စစ်ပွဲစတင်ခဲ့တာ ၄ ပတ်နီးပါး ရှိလာချိန်မှာ နေတန်ယာဟုက အခုလို ဆိုပါတယ်။

​စစ်နိုင်နေပြီ

"ကျွန်တော်တို့ နိုင်နေပါပြီ၊ အီရန်ကတော့ ပြိုလဲနေပြီ" လို့ နေတန်ယာဟုက သတင်းစာရှင်းလင်းပွဲမှာ ပြောပါတယ်။ အမေရိကန်သမ္မတ ဒေါ်နယ်ထရန့်နဲ့ ပူးပေါင်းဆောင်ရွက်မှုကိုလည်း သူက ချီးကျူးခဲ့ပါတယ်။

​စွမ်းဆောင်ရည် ကျဆင်း

အီရန်ဟာ အခုဆိုရင် ယူရေနီယံ သန့်စင်တာတွေနဲ့ တာဝေးပစ် ဒုံးကျည်ထုတ်လုပ်တဲ့ စက်ရုံတွေ ပျက်စီးသွားပြီဖြစ်လို့ နောက်ထပ် မထုတ်နိုင်တော့ဘူးလို့ ဆိုပါတယ်။

​စစ်ပွဲအဆုံးသတ်

ဒီစစ်ပွဲဟာ လူတွေထင်ထားတာထက် အများကြီး ပိုမြန်မြန် ပြီးသွားလိမ့်မယ်လို့ သူက ခန့်မှန်းထားပါတယ်။

​ကမ္ဘာ့လောင်စာဆီဈေးကွက် ရိုက်ခတ်မှု

​အစ္စရေးနဲ့ အမေရိကန်က စစ်ရေးအရ ယုံကြည်မှုရှိနေပေမဲ့ အီရန်ရဲ့ တုံ့ပြန်တိုက်ခိုက်မှုတွေကြောင့် ကမ္ဘာ့စွမ်းအင်ဈေးကွက်မှာတော့ တုန်လှုပ်ကုန်ပါတယ်။

​ကာတာနိုင်ငံ

ကမ္ဘာ့အကြီးဆုံး သဘာဝဓာတ်ငွေ့စက်ရုံ (Ras Laffan) ကို အီရန်က ဒုံးကျည်နဲ့ ပစ်ခတ်ခဲ့လို့ အကြီးအကျယ် ပျက်စီးသွားပါတယ်။ ဒါကို ပြင်ဖို့ ၅ နှစ်လောက် ကြာနိုင်ပြီး တစ်နှစ်ကို ဒေါ်လာ ၂၀ ဘီလီယံလောက် ဝင်ငွေဆုံးရှုံးနိုင်တယ်လို့ သိရပါတယ်။

​ဆော်ဒီနဲ့ ကူဝိတ်

ဆော်ဒီအာရေဗျနိုင်ငံက ရေနံချက်စက်ရုံနဲ့ ကူဝိတ်က စက်ရုံတွေကိုလည်း အီရန်က ဒရုန်းတွေနဲ့ တိုက်ခိုက်ခဲ့ပါတယ်။

​အစ္စရေး

အစ္စရေးနိုင်ငံ၊ ဟိုင်ဖာ (Haifa) ဆိပ်ကမ်းက ရေနံချက်စက်ရုံလည်း တိုက်ခိုက်ခံရပြီး မီးခိုးလုံးကြီးတွေ ထွက်နေတာကို တွေ့ရပါတယ်။
​ဈေးနှုန်း: ဒီတိုက်ခိုက်မှုတွေကြောင့် Brent ရေနံဈေးဟာ တစ်စည်ကို ၁၁၉ ဒေါ်လာအထိ ထိုးတက်သွားခဲ့ပါတယ်။

​အီရန်ရဲ့ သတိပေးချက်

​အီရန်ဘက်ကတော့ သူတို့ရဲ့ အခြေခံအဆောက်အအုံတွေကို ထပ်မံတိုက်ခိုက်ခံရရင် ပင်လယ်ကွေ့ဒေသက စွမ်းအင်လုပ်ငန်းစုတွေကို "အကုန်အစင် ဖျက်ဆီးပစ်မယ်" လို့ တုံ့ပြန်ထားပါတယ်။ အီရန်နိုင်ငံခြားရေးဝန်ကြီးကလည်း နောက်တစ်ကြိမ် အတိုက်ခံရရင် "လုံးဝ သည်းခံမှာမဟုတ်ဘူး (Zero Restraint)" လို့ သတိပေးထားပါတယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
***********************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

တိုင်းရင်းသားစည်းလုံးညီညွတ်ရေးသည်အလွန်အရေးကြီး

သမိုင်းကြောင်းသင်ခန်းစာများအရ တိုင်းရင်းသားစည်းလုံးညီညွတ်ရေးသည် ပြည်ထောင်စုမပြိုကွဲရေး၊ တိုင်းပြည်တည်ငြိမ်အေးချမ်းသာယာရေးနှင့် တရားဥပဒေစိုးမိုးရေးတို့အတွက် အလွန်ပင်အရေးကြီးလှသည်ဟု နိုင်ငံတော် ယာယီသမ္မတက ပြောသည်။

ယနေ့ မတ် ၁၉ ရက်တွင်ကျရောက်သည့် (၅၂) နှစ်မြောက် မွန်ပြည်နယ်နေ့သို့ နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်မှ သဝဏ်လွှာပေးပို့၍ အထက်ပါအတိုင်းပြောကြားခဲ့ခြင်းဖြစ်သည်။

လက်နက်ကိုင်ပဋိပက္ခများနှင့် အကြမ်းဖက်ဆူပူမှုများ ချုပ်ငြိမ်းပြီး တိုင်းရင်းသားပြည်သူအားလုံး ပြည်ထောင်စုအတွင်း စိတ်ချမ်းသာစွာနေထိုင်နိုင်ရေးအတွက် ငြိမ်းချမ်းရေးနှင့် စည်းလုံးညီညွတ်ရေးမှာအလွန်အရေးကြီးသည်ဟု ပြောသည်။

ထို့ကြောင့် တိုင်းရင်းသားပြည်သူအားလုံးလိုလားသည့် ဒီမိုကရေစီနှင့် ဖက်ဒရယ်စနစ်ကိုအခြေခံသော ပြည်ထောင်စုတည်ဆောက်ရာတွင် မွန်ပြည်နယ်အတွင်းရှိ တိုင်းရင်းသားညီအစ်ကိုမောင်နှမများအနေဖြင့် ပြည်ထောင်စုစိတ်ဓာတ်၊ မျိုးချစ်စိတ်ဓာတ်ကိုအခြေခံ၍ ပြည်နယ်သူ၊ ပြည်နယ်သားများ၏အကျိုးစီးပွား၊ နိုင်ငံနှင့် ပြည်သူအားလုံးတို့၏ ကောင်းကျိုးကိုထမ်းဆောင်နိုင်သူများဖြစ်ကြပါစေဟုလည်း တိုက်တွန်းပြောကြားခဲ့သည်။

မြန်မာနိုင်ငံသည် ပြည်သူများ၏ လိုလားချက်နှင့်အညီ တရားမျှတခြင်း၊ လွတ်လပ်ခြင်း၊ တန်းတူညီမျှခြင်းဟူသည့် လောကပါလတရားများထွန်းကားရာ ဒီမိုကရေစီစနစ်ကိုကျင့်သုံးသည့် နိုင်ငံအဖြစ်လျှောက်လှမ်းနေချိန်ဖြစ်၍ ဒီမိုကရေစီနိုင်ငံထူထောင်ရာတွင် နိုင်ငံသားအားလုံးအနေဖြင့် စည်းလုံးညီညွတ်ခြင်း၊ စည်းကမ်းရှိခြင်း၊ တရားဥပဒေကိုလေးစားလိုက်နာခြင်းနှင့် အသိဉာဏ်ပညာပြည့်ဝခြင်းတို့မရှိမဖြစ်လိုအပ်မည်ဖြစ်ကာ လက် ရှိအချိန်၌ လွှတ်တော်အစည်းအဝေးများကိုအစီအစဉ်အတိုင်းဆောင်ရွက်လျက်ရှိရာ မကြာမီကာလအတွင်း နိုင်ငံတော်သမ္မတအသစ်ဦးဆောင်သည့် ပြည်ထောင်စုအစိုးရအဖွဲ့တစ်ရပ်ပေါ်ပေါက်လာတော့မည်ဟု နိုင်ငံတော်ယာယီသမ္မတက ပြောကြားခဲ့သည်။

အီရန်ထံမှ နျူကလီးယားလောင်စာများကို သိမ်းယူရန် ကြိုးပမ်းမှုကို အမေရိကန် ဖယ်ရှားမည်မဟုတ်

အီရန်နိုင်ငံမှ နျူကလီးယားပစ္စည်းများကို ဖယ်ရှားရန် ကြိုးပမ်းနိုင်ခြေရှိမှုကို အမေရိကန်ပြည်ထောင်စုက ဖယ်ရှားဦးမည်မဟုတ်ကြောင်း အိမ်ဖြူတော်သတင်းပြန်ကြားရေးအတွင်းဝန် ကာရိုလင်းလက်ဗစ်က အတည်ပြုပြောကြားခဲ့သည်။

"ဒါက သမ္မတအတွက် ရွေးချယ်စရာတစ်ခုအဖြစ် ရှိနေဆဲဖြစ်ပေမဲ့ ကျွန်မအနေနဲ့ ဒါကို မှတ်ချက်မပေးသလို စားပွဲပေါ်ကနေလည်း ဖယ်ထုတ်မှာ မဟုတ်ပါဘူး" ဟု သူမက သတင်းထောက်များကို ပြောကြားခဲ့သည်။ အီရန်နိုင်ငံမှ "နျူကလီးယားလောင်စာ" များကို ပြန်လည်ရယူခြင်းမရှိဘဲ အီရန်အပေါ် စစ်ဆင်ရေးတစ်ခုအား အမေရိကန်သမ္မတ ဒေါ်နယ်ထရမ့်အနေဖြင့် "အောင်မြင်မှု" အဖြစ် ကြေညာနိုင်မလားဟူသော မေးခွန်းအပေါ် သူမက ယင်းသို့ တုံ့ပြန်ခဲ့ခြင်းဖြစ်သည်။ "အနာဂတ်အတွက် ဘယ်လိုရွေးချယ်စရာကိုမဆို ကျွန်မအနေနဲ့ ကြိုတင်ခန့်မှန်းမှာမဟုတ်သလို စားပွဲပေါ်ကနေလည်း ဖယ်ထုတ်မှာ မဟုတ်ပါဘူး" ဟု အမေရိကန်ခေါင်းဆောင်၏ ပြောရေးဆိုခွင့်ရှိသူက ဆက်လက်ပြောကြားခဲ့သည်။

တစ်ချိန်တည်းမှာပင်၊ အမေရိကန်အစိုးရ အဆင့်မြင့်အရာရှိတစ်ဦးက ဝါရှင်တန်အနေဖြင့် လောလောဆယ်တွင် အီရန်ရှိ နျူကလီးယားစက်ရုံများကို ပစ်မှတ်ထားသည့် စစ်ရေးစစ်ဆင်ရေးများ လုပ်ဆောင်ရန် ရည်ရွယ်ချက်မရှိကြောင်း မတ်လ ၁၃ ရက်နေ့တွင် ပြောကြားခဲ့သည်။ အိမ်ဖြူတော်၏ အဆိုအရ ယင်းကိစ္စသည် လက်ရှိအချိန်တွင် အမေရိကန်အတွက် ဦးစားပေးမဟုတ်ပေ။

အမေရိကန်နှင့် အစ္စရေးတို့သည် ဖေဖော်ဝါရီ ၂၈ ရက်နေ့တွင် အီရန်အပေါ် စစ်ရေးစစ်ဆင်ရေးတစ်ရပ်ကို စတင်ခဲ့သည်။ တဟီရန်အပါအဝင် အီရန်မြို့ကြီးများ တို-က်ခိုက်ခံခဲ့ရသည်။ အီရန်ထံမှ ဒုံးကျည်နှင့် နျူကလီးယားခြိမ်းခြောက်မှုများ ရှိနေသည်ဟုဆိုကာ အိမ်ဖြူတော်က အဆိုပါတိုက်ခိုက်မှုကို တရားမျှတကြောင်း ပြောဆိုခဲ့သည်။ အစ္စလာမ်မစ်တော်လှန်ရေး အစောင့်တပ်ဖွဲ့ (IRGC) ကလည်း အစ္စရေးရှိ နေရာများကို ပစ်မှတ်ထားကာ လက်တုံ့ပြန်စစ်ဆင်ရေးကို ကြေညာခဲ့သည်။ ဘာရိန်း၊ ဂျော်ဒန်၊ ကူဝိတ်၊ ကာတာ၊ ဆော်ဒီအရေးဗီးယားနှင့် ယူအေအီးနိုင်ငံများရှိ အမေရိကန်စစ်အခြေစိုက်စခန်းများလည်း တို-က်ခိုက်ခံခဲ့ရသည်။ အမေရိကန်-အစ္စရေး ပူးတွဲတို-က်ခိုက်မှုအတွင်း အဓိပတိခေါင်းဆောင် အယာတိုလာ အလီခါမေနီနှင့် အခြားအဓိက အီရန်ခေါင်းဆောင်အချို့ ‌ေ-သဆုံးခဲ့သည်။

မေဓါဝီဆေးရုံအနီး၌ Level 1 အဆင့်မီးလောင်မှုအပါအဝင် ယနေ့ မတ် ၁၈ ရက်က ရန်ကုန်တိုင်း မြောက်ဥက္ကလာပမြို့နယ်တွင် မီးလောင်မှု(၈)ကြိမ်ဖြစ်ပွားခဲ့

ရန်ကုန်တိုင်း၊ မြောက်ဥက္ကလာပမြို့နယ်ရှိ မေဓါဝီဆေးရုံအနီး၌ Level 1 အဆင့်မီးလေ-ာင်မှုအပါအဝင် ယနေ့ မတ် ၁၈ ရက်က ရန်ကုန်တိုင်းအတွင်း မီးလေ-ာင်မှု(၈) ကြိမ်ဖြစ်ပွားခဲ့ကြောင်း မီးသတ်တပ်ဖွဲ့ထံမှသိရသည်။

ည ၆ နာရီ ၄၁ မိနစ်ခန့်က မြောက်ဥက္ကလာပမြို့နယ်၊ မေဓါဝီဆေးရုံအနီးတွင် မီးလေ-ာင်မှုဖြစ်ပွား၍ မြောက်ဥက္ကလာပမြို့နယ်မီးသတ်စခန်းမှတပ်ဖွဲ့ဝင်များနှင့် သက်ဆိုင်ရာအဖွဲ့ဝင်များမှ ငြှိမ်းသတ်ခဲ့ကြပြီး ည ၆ နာရီ ၄၃ မိနစ်တွင် Level 1 အဆင့်ဖြင့်ထပ်မံငြှိမ်းသတ်ခဲ့ကြသဖြင့် ည ၆ နာရီ ၅၃ မိနစ်တွင် မီးငြိမ်းသွားခဲ့ကြောင်း သိရသည်။

ထို့ပြင် ညနေ ၄ နာရီ ၂၀ မိနစ်ခန့်ကလည်း တိုက်ကြီးမြို့နယ်၊ မေတ္တာရိပ်ကျေးရွာတွင် ကိုင်းတောမီးလေ-ာင်မှု၊ ညနေ့ ၄ နာရီကျော်ခန့်တွင် မှော်ဘီမြို့နယ်၊ ရှမ်းကုန်းကျေးရွာ၌ မြက်ခြောက်မီးလေ-ာင်မှု၊ မွန်းလွဲ ၂ နာရီ ၅၇ မိနစ်ခန့်တွင် လှည်းကူးမြို့နယ်၊ ဒေါင်းမီးကွက်ကျေးရွာတွင် ကိုင်းတောမီးလေ-ာင်မှု၊ မွန်းလွဲ ၂ နာရီ ၃၇ မိနစ်ခန့်၌ မင်္ဂလာဒုံမြို့နယ်၊ မြောက်ပိုင်းရပ်ကွက်၊ လှော်ကားဥယျာဉ်တွင် မြက်ခြောက်မီးလေ-ာင်မှု၊ မွန်းလွဲ ၂ နာရီ ၁၃ မိနစ်ခန့်က ဒဂုံမြို့သစ်(အရှေ့ပိုင်း)မြို့နယ်၊ လေးထောင့်ကန်ကျေးရွာ၊ အမှတ်(၂)လမ်းမကြီးတွင် မြက်ခြောက်မီးလေ-ာင်မှု၊ နေ့လည် ၁ နာရီ ၂၈ မိနစ်ခန့်တွင် တိုက်ကြီးမြို့နယ်၊ ဆင်စခန်းကျေးရွာ၊ ဂျိုးဖြူကန်လမ်းတွင် မြက်ခြောက်မီးလေ-ာင်မှုတို့ကိုလည်း သက်ဆိုင်ရာ မီးသတ်တပ်ဖွဲ့ဝင်များမှငြှိမ်းသတ်ခဲ့ကြကြောင်း သိရသည်။

ထို့အတူ နံနက် ၁၂ နာရီ ၄၅ မိနစ်ခန့်ကလည်း လှိုင်သာယာ(အရှေ့ပိုင်း)မြို့နယ်၊ (၈)ရပ်ကွက်၊ ဦးပုညလမ်းတွင် နေအိမ်မီးလေ-ာင်မှုဖြစ်ပွား၍ လှိုင်သာယာမြို့နယ်မီးသတ်စခန်းမှတပ်ဖွဲ့ဝင်များက သက်ဆိုင်ရာအဖွဲ့များနှင့် ပူးပေါင်းငြှိမ်းသတ်ခဲ့ကြသဖြင့် နံနက် ၁ နာရီတွင်မီးငြိမ်းသွားခဲ့ကြောင်း သိရသည်။

စက်မှု၊ စိုက်ပျိုး၊ မွေးမြူရေးတက္ကသိုလ်ဝင်စာမေးပွဲနောက်ဆုံးနေ့တွင် ကျောင်းသား၊ ကျောင်းသူ (၂) ထောင် ဦးကျော်ဝင်ရောက်ဖြေဆို

၂၀၂၆ ခုနှစ်၊ စက်မှု၊ စိုက်ပျိုး၊ မွေးမြူရေး တက္ကသိုလ်ဝင်စာမေးပွဲနောက်ဆုံးနေ့ဖြစ်သည့် ယနေ့ မတ် ၁၈ ရက်တွင် သက်ဆိုင်ရာဘာသာရပ်အလိုက် ကျောင်းသား၊ ကျောင်းသူ(၂)ထောင်ဦးကျော် ဝင်ရောက်ဖြေဆိုခဲ့ကြကြောင်း သိရသည်။

စက်မှုအတတ်ပညာတွင် (မြို့ပြပုံဆွဲဘာသာရပ်၊ အခြေခံပရိုဂရမ်မိတ်ဆက်ဘာသာရပ်နှင့် စက်မှုပုံဆွဲ ဘာသာရပ်)တို့အား နေပြည်တော်အပါအဝင် တိုင်းနှင့် ပြည်နယ်အလိုက် ခရိုင်၊ မြို့နယ်များမှ စာစစ်ဌာန(၄၁)ခု၌ ကျောင်းသား၊ ကျောင်းသူ(၂,၁၁၄)ဦးဝင်ရောက်ဖြေဆိုခဲ့ကြသဖြင့် ဖြေဆိုမှုရာခိုင်နှုန်းမှာ (၉၉ ဒသမ ၀၆) ဖြစ်ကြောင်း သိရသည်။

ကျောင်းသား၊ ကျောင်းသူများ စိတ်အေးချမ်းသာစွာနှင့် ဘေးအန္တရာယ်ကင်းရှင်းစွာဖြေဆိုနိုင်ရန် သက်ဆိုင်ရာ လုံခြုံရေးအဖွဲ့ဝင်များ၊ ကျန်းမာရေးဝန်ထမ်းများ၊ မီးသတ်တပ်ဖွဲ့ဝင်များနှင့် ရပ်ကွက်ကျေးရွာအုပ်ချုပ်ရေးအဖွဲ့ဝင်များက စနစ်တကျစောင့်ကြပ်ကြည့်ရှုပေးခဲ့ကြကြောင်း သိရသည်။

နိုင်ငံတော်ယာယီသမ္မတမှ ထိုင်းဘုရင့်တပ်မတော်ကာကွယ်ရေးဦးစီးချုပ်အားလက်ခံတွေ့ဆုံ

မြန်မာ-ထိုင်းနှစ်နိုင်ငံ လွှတ်တော်အစည်းအဝေးများ ကျင်းပနေမှုကိုဆွေးနွေး

နိုင်ငံတော်ယာယီသမ္မတ၊ နိုင်ငံတော်လုံခြုံရေးနှင့်အေး ချမ်းသာယာရေးကော်မရှင်ဥက္ကဋ္ဌ၊ ဗိုလ်ချုပ်မှူးကြီးမင်းအောင်လှိုင်သည် ယနေ့ မတ် ၁၈ ရကထက ထိုင်းဘုရင့်တပ်မတော်ကာကွယ်ရေးဦးစီးချုပ် General Ukris Boontanondha အားနေပြည်တော်၌ လက်ခံတွေ့ဆုံခဲ့သည်။

တွေ့ဆုံစဥ် မြန်မာနိုင်ငံတွင်ရွေးကောက်ပွဲကျင်းပခဲ့ပြီး လက်ရှိအချိန်၌ လွှတ်တော်အစည်းအဝေးများကျင်းပလျက်ရှိမှု၊ ထိုင်းနိုင်ငံတွင်လည်း မကြာမီကာလအတွင်းက ရွေးကောက်ပွဲကျင်းပခဲ့ပြီး ယခုအခါ လွှတ်တော်ကျင်းပလျက်ရှိမှုတို့ကို ဆွေးနွေးခဲ့ကြသည်။

နှစ်နိုင်ငံနှင့် တပ်မတော်နှစ်ရပ်ကြားရှည်ကြာပြီး ကောင်းမွန်သည့် သံတမန်ဆက်ဆံရေးနှင့် ချစ်ကြည်ရင်းနှီးသည့် ပူးပေါင်းဆောင်ရွက်မှုများရှိမှု၊ နှစ်နိုင်ငံတပ်မတော်နှစ်ရပ်ကြား ပူးပေါင်းဆောင်ရွက်မှုများပိုမိုတိုးမြှင့်ရေး၊ ဒေသတွင်းတည်ငြိမ်အေးချမ်းရေးနှင့် နယ်စပ်ဒေသတည်ငြိမ်အေးချမ်းရေး၊ နှစ်နိုင်ငံနယ်စပ်ဒေသမှတစ်ဆင့် တရားမဝင်ကုန်သွယ်မှုများမရှိစေရေးနှင့် မူးယစ်ဆေးဝါးများတားဆီးနှိမ်နင်းရေးတို့ကိုလည်း ဆွေးနွေးခဲ့ကြသည်။

နယ်စပ်ဖြတ်ကျော် မီးခိုးမြူငွေ့ညစ်ညမ်းမှုများလျှော့ ချနိုင်ရေး၊ သဘာဝပတ်ဝန်းကျင်ထိန်းသိမ်းရေးနှင့် တပ်မတော်နှစ်ရပ်ကြား လေ့ကျင့်ရေးဆိုင်ရာများတွင် ပူးပေါင်းဆောင်ရွက်ရေး၊ အွန်လိုင်းငွေကြေးလိမ်လည်မှုများအား ထိထိရောက်ရောက်ဟန့်တားရှင်းလင်းနိုင်ရေးပူးပေါင်းဆောင်ရွက်ရန်၊ မြန်မာ-ထိုင်း တပ်မတော်နှစ်ရပ်ကြား အဆင့်မြင့်အရာရှိကြီးများအစည်းအဝေး (HLC)ကျင်းပရေးတို့ကိုလည်း ဆွေးနွေးခဲ့ကြသည်။

မြန်မာ-ထိုင်း နှစ်နိုင်ငံနှင့် တပ်မတော်နှစ်ရပ်ကြား ပူး ပေါင်းဆောင်ရွက်မှုများကို ယခုထက်ပိုမိုတိုးတက်အောင်ဆက်လက်ဆောင်ရွက်သွားမည့်အခြေအနေများကိုလည်းဆွေးနွေးခဲ့ကြသည်။