အာဆီယံ-ရုရှား ဆက်ဆံရေး (၃၅) နှစ်ပြည့် ထိပ်သီးအစည်းအဝေးအတွက် မြန်မာ-ရုရှား ပူးပေါင်းဆွေးနွေး

နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးတင်မောင်ဆွေနှင့် မြန်မာနိုင်ငံဆိုင်ရာ ရုရှားသံအမတ်ကြီး မစ္စတာ အီစ်ကန်ဒဲ အာဇီဇော့ဖ်တို့သည် မေ ၁၄ ရက် နံနက်ပိုင်းက နေပြည်တော်တွင် တွေ့ဆုံဆွေးနွေးခဲ့ကြောင်း သိရသည်။
တွေ့ဆုံစဉ် မြန်မာ-ရုရှား နှစ်နိုင်ငံကြားရှိ ကာလရှည်ကြာ ချစ်ကြည်ရင်းနှီးမှုကို ပိုမိုခိုင်မာစေရေးနှင့် ကဏ္ဍစုံ ပူးပေါင်းဆောင်ရွက်မှုများ တိုးမြှင့်နိုင်ရေးတို့ကို ဆွေးနွေးခဲ့ကြသည်။
ထို့ပြင် အာဆီယံ-ရုရှား ဆက်ဆံရေး (၃၅) နှစ်ပြည့် အထိမ်းအမှတ် ထိပ်သီးအစည်းအဝေးအတွက် ပြင်ဆင်ဆောင်ရွက်နေမှုများနှင့် အာဆီယံ-ရုရှား မဟာဗျူဟာမြောက် မိတ်ဖက်ဆက်ဆံရေး ပိုမိုတိုးတက်စေရေးဆိုင်ရာ ကိစ္စရပ်များကိုလည်း အမြင်ချင်းဖလှယ်ဆွေးနွေးခဲ့ကြောင်း သိရသည်။
ယင်းတွေ့ဆုံမှုသည် မြန်မာ-ရုရှား နှစ်နိုင်ငံဆက်ဆံရေးကို ပိုမိုတိုးတက်ခိုင်မာစေရန် ရည်ရွယ်သည့် သံတမန်ရေးဆိုင်ရာ ဆက်သွယ်ဆောင်ရွက်မှုတစ်ရပ်ဖြစ်ပြီး ဒေသတွင်း ပူးပေါင်းဆောင်ရွက်ရေးကဏ္ဍများတွင်လည်း အရေးပါမှုရှိလာနိုင်ကြောင်း သုံးသပ်မှုများ ထွက်ပေါ်နေသည်။

၁၀ လကြာ ပြန်လည်တည်ဆောက်ခဲ့သည့် ဆွာချောင်းတံတား(အပြန်လမ်း) ပြီးစီး၊ အမြန်လမ်းယာဉ်များ ပြန်လည်ဖြတ်သန်းခွင့်ပြု

မန္တလေးငလျင်ဒဏ်ကြောင့် ပျက်စီးခဲ့သည့် ရန်ကုန်–မန္တလေး အမြန်လမ်းမကြီးရှိ မိုင်တိုင်အမှတ် ၁၆၅/၁ တွင် တည်ရှိသော ဆွာချောင်းတံတား(အပြန်လမ်း)ကို ၁၀ လကြာ ပြန်လည်တည်ဆောက်ပြီးနောက် ၂၀၂၆ ခုနှစ် မေ ၁၄ ရက်တွင် ပြီးစီးခဲ့ပြီဖြစ်ကြောင်း သိရသည်။
အဆိုပါ တံတားအား နေပြည်တော်ဘက်ခြမ်းတွင် တံတားအထူးအဖွဲ့(၆)ကလည်းကောင်း၊ ရန်ကုန်ဘက်ခြမ်းတွင် တံတားအထူးအဖွဲ့(၁၀)ကလည်းကောင်း တစ်ဖက်စီ တာဝန်ယူတည်ဆောက်ခဲ့ကြပြီး ၂၀၂၅ ခုနှစ် ဇူလိုင် ၁၅ ရက်မှ စတင်အကောင်အထည်ဖော်ခဲ့ခြင်းဖြစ်သည်။
အရှည်ပေ ၉၀၀ ရှိသည့် ဆွာချောင်းတံတား(အပြန်လမ်း)အသစ် ပြီးစီးပြီးနောက် မော်တော်ယာဉ်များကို ပြန်လည်ဖြတ်သန်းသွားလာခွင့်ပြုထားပြီဖြစ်ကြောင်း၊ တံတား၏ ခံနိုင်ဝန်မှာ ယာဉ်တစ်စီးချင်းအတွက် တန်(၆၀)အထိ ခံနိုင်ရည်ရှိကြောင်း သိရသည်။
ထို့ပြင် ဆွာချောင်းတံတား(အသွားလမ်း)အသစ် တည်ဆောက်ရေးလုပ်ငန်းများကိုလည်း ဆက်လက်ဆောင်ရွက်လျက်ရှိကြောင်း သိရသည်။
တံတားသစ်တည်ဆောက်ပြီးစီးမှုနှင့် မော်တော်ယာဉ်များ ဖြတ်သန်းသွားလာနေမှုတို့ကို ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့်နှင့် ပဲခူးတိုင်းဒေသကြီးဝန်ကြီးချုပ် ဦးမျိုးဆွေဝင်းတို့က မေ ၁၄ ရက်တွင် သွားရောက်ကြည့်ရှုစစ်ဆေးခဲ့ကြကြောင်း သိရသည်။
ထို့နောက် ဆွာချောင်းတံတား(အပြန်လမ်း)အား သတ်မှတ်ကာလအတွင်း အပြီးသတ်ဆောင်ရွက်နိုင်ခဲ့သည့် တံတားအထူးအဖွဲ့(၆)နှင့် တံတားအထူးအဖွဲ့(၁၀)တို့မှ တာဝန်ခံအင်ဂျင်နီယာများ၊ အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့မှ တာဝန်ခံအင်ဂျင်နီယာများအား ဂုဏ်ပြုအထိမ်းအမှတ်တံဆိပ်များ ပေးအပ်ချီးမြှင့်ခဲ့ကြောင်း သိရသည်။

ရှန်ဟိုင်းတွင် ပြုလုပ်မည့် မြန်မာအားက စားသမားများ ဖွံ့ဖြိုးတိုးတက်ရေးလေ့ ကျင့်မှုဆိုင်ရာဆွေးနွေးပွဲ သို့ မြန်မာကိုယ် စားလှယ်အဖွဲ့ တက်ရောက်

တရုတ်နိုင်ငံ ရှန်ဟိုင်းတွင် ပြုလုပ်မည့် မြန်မာအားကစားသမားများ ဖွံ့ဖြိုးတိုး တက်ရေး လေ့ကျင့်မှုဆိုင်ရာဆွေးနွေးပွဲသို့ မြန်မာကိုယ်စားလှယ်အဖွဲ့ တက်ရောက်သွားမည်ဖြစ်ကြောင်း အားကစားဝန်ကြီးဌာနထံက သိရသည်။
အဆိုပါ ဆွေးနွေးပွဲကို မေလ (၁၅)ရက်နေ့မှ ဇွန်လ (၄) ရက်နေ့အထိ (၂၁) ရက် ကြာကျင်းပပြုလုပ်သွားမည်ဖြစ်ကြောင်းသိရသည်။
ယင်းဆွေးနွေးပွဲသို တက်ရောက်မည့် မြန်မာကိုယ်စားလှယ်အဖွဲ့ (၂၃)ဦးသည် ယနေ့ မေ (၁၄)ရက်နံနက် (၁၁)နာရီ‌ဝန်းကျင်းအချိန်၌ ရန်ကုန်အပြည်ပြည်ဆိုင် ရာလေဆိပ်မှ လေကြောင်းလိုင်းအမှတ် CZ 3056 ဖြင့် ထွက်ခွာသွားခဲ့ပြီဖြစ် ကြောင်း အသိပေးထားသည်။
မြန်မာကိုယ်စားလှယ်အဖွဲ့အနေဖြင့် တရုတ်နိုင်ငံ၏ အားကစားလေ့ကျင့်ရေး နည်းစနစ်သစ်များကို လေ့လာဆွေးနွေးခွင့်ရမည်ဖြစ်ကာ မြန်မာ့အားကစားသ မားများအတွက် အကျိုးရှိမည့်ခရီးစဉ်တစ်ခုဖြစ်ကြောင်း သိရသည်။

ရထားလမ်းများဆောင်ရွက်ရာတွင် ခရီးသွားလုပ်ငန်းအဆင့်မြှင့်တင်နိုင်ရေးကိုပါ ထည့်သွင်းတွက်ချက်ဆောင်ရွက်ရမည်ဟု နိုင်ငံတော်သမ္မတ မှာကြား

ရထားလမ်းများအဆင့်မြှင့်တင်ခြင်း၊ အသစ်ဖောက် လုပ်ခြင်းတို့ပြုလုပ်ရာ၌ ခရီးသွားလုပ်ငန်းအဆင့်မြှင့်တင်နိုင်ရေးကိုပါ ထည့်သွင်းတွက်ချက်ဆောင်ရွက်ရမည်ဟု နိုင်ငံတော်သမ္မတ ဦးမင်းအောင်လှိုင်က မှာ ကြားသည်။
ယနေ့ မေ ၁၄ ရက်တွင် ပုဗ္ဗသီရိမြို့နယ်ရှိ ပို့ဆောင်ရေးဝန်ကြီးဌာန၊ မြန်မာ့မီးရထားစက်မှုနှင့်လျှပ်စစ်အင်ဂျင် နီယာဌာန၊ စက်ခေါင်းသစ်တပ်ဆင်ထုတ်လုပ်ရေးစက် ရုံ(နေပြည်တော်)၌ ရထားပို့ဆောင်ရေးလုပ်ငန်းဖွံ့ဖြိုးတိုးတက်စေရေးဆောင်ရွက်ထားရှိမှုကိုကြည့်ရှုစစ် ဆေးစဥ် မှာကြားခဲ့ခြင်းဖြစ်သည်။
အသွားအလာများပြားသည့် ရန်ကုန်-ပြည် လမ်းပိုင်းကို ဒွေးလမ်းအဖြစ်အဆင့်မြှင့်တင်ရန်၊ ရန်ကုန်-မော်လမြိုင်-ရေး-ထားဝယ်ရထားလမ်းတည်ဆောက်ရာ၌ ရေးနှင့် ထားဝယ်အပိုင်းတွင် လက်ရှိလမ်းထက်ကောင်းမွန်မည့် ပင်လယ်ကမ်းခြေတစ်လျှောက်မောင်းနှင်နိုင် သည့် ပြည်ပခရီးသွားများကိုဆွဲဆောင်နိုင်သောလမ်းတစ်ခုဖြစ်အောင်ဆောင်ရွက်ရန် မှာကြားသည်။
ပြည်-ပုဂံသွားရထားလမ်းပြန်လည်ပြင်ဆင်အဆင့်မြှင့် တင်ရာတွင် သာယာလှပပြီးရှုမောဖွယ်ဖြစ်သည့် ရှု မျှော်ခင်းများပါရှိရေးဆောင်ရွက်ရန်၊ ရထားစီးခရီး သည်များ သာယာသည့်သဘာဝပတ်ဝန်းကျင်ကို ကြည့် ရှုစီးနင်းလိုက်ပါကာ ပုဂံရှေးဟောင်းယဉ်ကျေးမှု နယ် မြေမှ ဘုရားစေတီပုထိုးများကိုရောက်ရှိဖူးမြော်နိုင်ရေး ဆောင်ရွက်ပေးပါက ရထားစီးခရီးသည်များနှင့် ခရီး သွားများကို ပိုမိုဆွဲဆောင်စေနိုင်မည်ဟု မှာကြားသည်။
" ရေနွေးငွေ့သုံး မီးရထားစက်ခေါင်းတွေနဲ့ ပြည်တွင်း/ပြည်ပခရီးသွားတွေကိုဆွဲဆောင်နိုင်ဖို့အတွက် ပြန် လည်ပြင်ဆင်ပြီးပြေးဆွဲနိုင်ဖို့ဆောင်ရွက်ရပါမယ်"ဟု နိုင်ငံတော်သမ္မတက မှာကြားသည်။
ဇီးပင်ကြီး-ပြင်ဦးလွင်-နောင်ချို-သီပေါ မီးရထားလမ်းကြောင်း၊ သာစည်-ကလော-တောင်ကြီး-နောင်ကား မီး ရထားလမ်းကြောင်းတို့အား အဆင့်မြှင့်တင်ပြီး ပုံမှန်အ တိုင်းပြေးဆွဲရန်၊ လမ်းကြောတစ်လျှောက်ရှိ လွန်းထိုးရှောင်လမ်းများရှာဖွေ၍ လွန်းထိုးများလျှော့ချခြင်း၊ အ ဆင့်မြှင့်တင်ခြင်းများဆောင်ရွက်ရန်လည်း နိုင်ငံတော်သမ္မတက မှာကြားခဲ့သည်။

ရထားပို့ဆောင်ရေးစနစ် အဆင့်မြှင့်တင်၍ ပြည်သူများ ယုံကြည်အားကိုးအသုံးပြုနိုင်ရန် ဆောင်ရွက်ရမည်ဟု နိုင်ငံတော်သမ္မတ ပြောကြား

Public Transportation များအနက် ရထားပို့ဆောင်ရေးစနစ်သည် အကောင်းမွန်ဆုံးသော ပို့ဆောင်ရေးစနစ်တစ်ခုဖြစ်သဖြင့် ပြည်သူများ ယုံကြည်စိတ်ချစွာ အပြည့်အဝအားကိုး အသုံးပြုနိုင်ရန် ဆောင်ရွက်သွားရမည်ဖြစ်ကြောင်း နိုင်ငံတော်သမ္မတ ဦးမင်းအောင်လှိုင်က ပြောကြားသည်။
ယနေ့ မေ ၁၄ ရက်တွင် နေပြည်တော် ပုဗ္ဗသီရိမြို့နယ်ရှိ ပို့ဆောင်ရေးဝန်ကြီးဌာန၊ မြန်မာ့မီးရထား စက်မှုနှင့် လျှပ်စစ်အင်ဂျင်နီယာဌာန၊ စက်ခေါင်းသစ်တပ်ဆင်ထုတ်လုပ်ရေးစက်ရုံ(နေပြည်တော်)သို့ သွားရောက်ကြည့်ရှုစစ်ဆေးစဉ် ယင်းကဲ့သို့ ထည့်သွင်းပြောကြားခဲ့ခြင်းဖြစ်သည်။
လက်ရှိဖြစ်ပေါ်နေသည့် လောင်စာဆီအခက်အခဲများကြောင့် အများပြည်သူသုံး သယ်ယူပို့ဆောင်ရေးလုပ်ငန်းများကို ပိုမိုကောင်းမွန်အောင် ဆောင်ရွက်ရန်လိုအပ်ကြောင်း၊ လေယာဉ်၊ မော်တော်ယာဉ်၊ ရေယာဉ်နှင့် ရထားပို့ဆောင်ရေးစနစ်များအနက် ရထားပို့ဆောင်ရေးသည် ခရီးသည်နှင့် ကုန်ပစ္စည်းများကို ကုန်ကျစရိတ်သက်သာစွာဖြင့် အမြောက်အမြား ပို့ဆောင်ပေးနိုင်သည့် အထိရောက်ဆုံးသော ပို့ဆောင်ရေးစနစ်ဖြစ်ကြောင်း ၎င်းက ပြောသည်။
“ရထားပို့ဆောင်ရေးလုပ်ငန်းဟာ နိုင်ငံအတွက် အမှန်တကယ်အကျိုးရှိတဲ့ သယ်ယူပို့ဆောင်ရေးလုပ်ငန်းတစ်ခု ဖြစ်ပါတယ်။ ရထားကိုအသုံးပြုခြင်းကြောင့် လောင်စာဆီသုံးစွဲမှုကို လျှော့ချနိုင်မှာဖြစ်တဲ့အတွက် ပြည်သူတွေ ပိုမိုအားကိုးအသုံးပြုလာစေရန် ရထားပို့ဆောင်ရေးစနစ်ကို အဆင့်မြှင့်တင်မှုတွေ ဆက်လက်ဆောင်ရွက်သွားရမှာ ဖြစ်ပါတယ်” ဟု နိုင်ငံတော်သမ္မတက ပြောကြားသည်။
ထို့ပြင် မြန်မာနိုင်ငံတွင် ရထားပို့ဆောင်ရေးကို ၁၈၇၇ ခုနှစ်၌ ရန်ကုန်-ပြည် ရထားလမ်းပိုင်း စတင်ဖွင့်လှစ်ပြေးဆွဲခဲ့ပြီး အရှေ့တောင်အာရှဒေသအတွင်း အစောဆုံးရထားပို့ဆောင်ရေးစနစ်များထဲမှ တစ်ခုအဖြစ် ရပ်တည်ခဲ့ကြောင်း၊ ၂၀၂၇ ခုနှစ်တွင် မြန်မာ့မီးရထားလုပ်ငန်း သက်တမ်း နှစ်ပေါင်း(၁၅၀)ပြည့်မြောက်တော့မည်ဖြစ်သဖြင့် ယခုထက်ပိုမိုဖွံ့ဖြိုးတိုးတက်လာရန် လိုအပ်ကြောင်းလည်း ပြောကြားခဲ့သည်။
ရထားဖြင့် ခရီးသည်နှင့် ကုန်ပစ္စည်းများကို မြန်ဆန်ထိရောက်စွာ ပို့ဆောင်နိုင်ပါက ရထားအသုံးပြုသူ ပိုမိုများပြားလာမည်ဖြစ်ကြောင်း၊ ထို့ကြောင့် နိုင်ငံအတွက် အရေးပါသည့် မီးရထားလမ်းများတွင် ကုန်စည်ပို့ဆောင်ရေးလုပ်ငန်းများ အဆက်မပြတ် ဆောင်ရွက်နိုင်ရေး စီမံဆောင်ရွက်ထားရမည်ဖြစ်ကြောင်း နိုင်ငံတော်သမ္မတက မှာကြားသည်။
ထို့အပြင် လက်ရှိ မြန်မာနိုင်ငံရှိ ရထားလမ်းများတွင် သတ်မှတ်အရည်အသွေးနှင့် စံချိန်စံညွှန်းများ အားနည်းနေသေးကြောင်း၊ ရထားလမ်းများ အရည်အသွေးပြည့်မီမှသာ မြန်နှုန်းမြင့်ရထားများ ပြေးဆွဲနိုင်မည်ဖြစ်သဖြင့် ရထားသံလမ်းများ၊ ဇလီဖားတုံးများ၊ အောက်ခံကျောက်များကို သတ်မှတ်အရည်အသွေးပြည့်မီအောင် ဆောင်ရွက်ရန်လိုအပ်ကြောင်း၊ ထို့ပြင် ရထားလမ်းကွေ့များနှင့် အနိမ့်အမြင့်နေရာများကိုလည်း စနစ်တကျတွက်ချက်တည်ဆောက်ရန် လိုအပ်ကြောင်း မှာကြားခဲ့သည်။

ကော့ကရိတ်မြို့ပေါ်နှင့် ကျေးရွာများမှ တောင်သူများကို စက်သုံးဆီများရောင်းချပေး

စစ်ရေးပဋိပက္ခများကြောင့် ပြန်လည်ထူထောင်ရေးလုပ်ငန်းများဆောင်ရွက်နေသည့် ကရင်ပြည်နယ်၊ ကော့ကရိတ်မြို့ပေါ်နှင့် ကျေးရွာများမှ တောင်သူများကို စိုက်ပျိုးရေးလုပ်ငန်းများ၌အသုံးပြုနိုင်ရန် ယနေ့ မေ ၁၄ ရက်တွင် စက်သုံးဆီများကိုရောင်းချပေးခဲ့ကြောင်း သိရသည်။
ကော့ကရိတ်မြို့ပေါ် အမှတ်(၄)ရပ်ကွက်၊ အမှတ်(၆)ရပ် ကွက်၊ အမှတ်(၇ရပ်ကွက်၊ မြို့နယ်အတွင်းရှိ ရေကျော်ကြီးကျေးရွာ၊ ရေကျော်လေးကျေးရွာ၊ လှိုင်ဝကျေးရွာ၊ ရန်ကုတ်ကျေးရွာတို့မှ တောင်သူများလက်ဝယ်အရောက်ရောင်းချပေးခဲ့ကြောင်း သိရသည်။

မော်လမြိုင်မြို့၌ လှိုင်ရတနာမြို့ကွက်သစ်ရေပေးဝေရေးစီမံကိန်းဖော်ဆောင်နေ

မွန်ပြည်နယ်၊ မော်လမြိုင်မြို့တွင်နေထိုင်သူများ သန့်ရှင်းသောသောက်သုံးရေဖူလုံစွာရရှိရန်အတွက် လှိုင်ရတနာမြို့ကွက်သစ်ရေပေးဝေရေးစီမံကိန်းကိုဖော်ဆောင်လျက်ရှိသည်။
ထိုသို့ ဖော်ဆောင်နေမှုအား မွန်ပြည်နယ်အစိုးရအဖွဲ့ စည်ပင်သာယာရေးဝန်ကြီးဒေါက်တာအောင်မြတ်ကျော်စိန်နှင့် တာဝန်ရှိသူများက ယနေ့ မေ ၁၄ ရက်တွင် စီမံကိန်းဧရိယာအတွင်း ရေပိုက်လိုင်းများသွယ် တန်းနေမှု၊ မြေကျင်းတူးဖော်နေမှုတို့ကိုကြည့်ရှုစစ်ဆေးခဲ့သည်။
ထို့နောက် မွန်ပြည်နယ်စည်ပင်ဝန်ကြီးမှ လုပ်ငန်းများဆောင်ရွက်ရာတွင် သတ်မှတ်စံချိန်စံညွှန်းများအတိုင်း အရည်အသွေးပြည့်မီရေး၊ လုပ်ငန်းခွင်ဘေးအန္တရာယ်ကင်းရှင်းရေးနှင့် သတ်မှတ်ကာလအတွင်း အချိန်မီပြီးစီးရေးတို့ကိုမှာကြားခဲ့သည်။

စက်ရုံပိုင်ရှင်ထွက်ပြေး၍ ဒုက္ခရောက်နေရသည့် မြန်မာအလုပ်သမားများ WAG ကကူညီပေးနေ

ထိုင်းနိုင်ငံ၊ ဘန်ဘောရှိ အထည်ချုပ် စက်ရုံပိုင်ရှင်ထွက် ပြေးသွား၍ CI / PJ စာအုပ်များကိုင်ဆောင်ထားသည့် မြန်မာအလုပ်သမား(၁၅၀)ဦးခန့်မှာ အခက်အခဲများကြုံတွေ့နေရကြောင်း WAG အလုပ်သမားမဟာမိတ်အဖွဲ့ထံမှ သိရသည်။
အဆိုပါ အထည်ချုပ်စက်ရုံတွင် အလုပ်လုပ်ကိုင်နေသည့် မြန်မာအလုပ်သမား(၁၅၀)ဦးခန့်အား စက်ရုံပိုင်ရှင်က ယမန်နေ့ မေ ၁၃ ရက်ညနေ ၅ နာရီတွင် ၎င်းတို့၏ လုပ်ခလစာများကိုရှင်းပေးမည်ဟု ယင်းနေ့နံနက်ပိုင်းက ဆက်သွယ်ပြောကြားပြီးနောက် ထွက်ပြေးတိမ်း ရှောင်သွားခဲ့ကြောင်း သိရသည်။
ထို့ကြောင့် စက်ရုံ၌အလုပ်လုပ်ကိုင်နေသည်မှာ (၁)နှစ်မှ (၅)နှစ်ခန့်အထိရှိကြပြီဖြစ်သော မြန်မာအလုပ်သမား (၁၅၀)ဦးခန့်မှာ အခက်အခဲများကြုံတွေ့နေရသဖြင့် ကူညီပေးပါရန် WAG အလုပ်သမားမဟာမိတ်အဖွဲ့ထံဆက်သွယ်အကူအညီတောင်းခံခဲ့ကြကြောင်း သိရသည်။
ထိုသို့ အကူအညီတောင်းခံမှုကြောင့် လုပ်ခလစာရှင်းမပေးခြင်း၊ အလုပ်သမားအခွင့်အ‌ရေးချိုးဖောက်ခြင်းတို့ကြောင့် အလုပ်သမားအခွင့်အရေးနှင့် လုပ်ခလစာများပြန်လည်ရရှိရန်အတွက် WAG အလုပ်သမားမဟာမိတ်အဖွဲ့ကလိုအပ်သည့်ကူညီမှုများပြုလုပ်ပေးလျက်ရှိကြောင်း သိရသည်။

ဂျပန် Knock Out ပြိုင်ပွဲတွင် ယှဉ်ပြိုင်မည့် ရိုးရာဖိုက်တာ(၃) ဦး ဆေးစစ်ဝိတ်ချိန်အောင်မြင်၊ မနက်ဖြန် စတင်ထိုးသ တ်မည်

​ဂျပန်နိုင်ငံ၊ တိုကျိုမြို့တွင် ကျင်းပမည့် Knock Outမွေထိုင်းပြိုင်ပွဲတွင်ဝင်ရောက် ယှဉ်ပြိုင်ကြမည့် မြန်မာ့ရိုးရာလက်ဝှေ့ကျော်(၃)ဦးစလုံး ဆေးစစ်ဝိတ်ချိန်ခြင်းလုပ်ငန်းစဉ်များကို အောင်မြင်စွာဖြတ်ကျော်နိုင်ခဲ့ပြီဖြစ်ကြောင်း ယနေ့တွင် မြန်မာနိုင်ငံလက်ဝှေ့အဖွဲ့ချုပ်က အသိ ပေးထားသည်။
မြန်မာရိုးရာဖိုက်တာများဖြစ်ကြသည့် စူပါရေချမ်း၊ စောဘဟိန်းနှင့် ဒေါင်းမိုက်သွေးတို့သည် သတ်မှတ်ဝိတ်အတိုင်း အသီးသီး အောင်မြင်ခဲ့ကြပြီး ပြိုင်ပွဲအတွက် အဆင်သင့်ဖြစ်ပြီဟု အဖွဲ့ချုပ်က ဆိုသည်။
ပြိုင်ပွဲကို မနက်ဖြန်မေ (၁၅)ရက်၌ ကျင်းပသွားမည်ဖြစ်ကာ ​ထိုးသတ်မည့်အတွဲဆိုင်းများအဖြစ် စူပါရေချမ်းနှင့် ကွန်နာပါ (ထိုင်း)(၆၃ ကီလိုတန်း)၊ ​စောဘဟိန်းနှင့် ရှီဂျီမိုရီ (ဂျပန်) (၆၃ ကီလိုတန်း)၊​ဒေါင်းမိုက်သွေးနှင့် ဝါတာနာဘေး (ဂျပန်)(၅၁ ကီလိုတန်း)တို့ယှဉ်ပြိုင်ကြမည်ဖြစ် သည်။
​အဆိုပါ ပွဲစဉ်များကို မေလ (၁၅) ရက် (မနက်ဖြန်)၊ မြန်မာစံတော်ချိန် ညနေ (၃) နာရီခွဲအချိန်မှစတင်၍ Skynet ရုပ်သံချန်နယ် (Channel 9) တွင် တိုက်ရိုက်ထုတ်လွှင့် ပြသသွားမည် ဖြစ်ကြောင်း သိရသည်။

မိုးဦးကာလ ရောက်ရှိလာခြင်းကြောင့် ကျိုက်ထိုမြို့နယ် ရပ်ကွက်များအတွင်း အဘိတ်ဆေးခပ်ခြင်းများ စတင်

မိုးဦးကာလ ရောက်ရှိလာခြင်းကြောင့် မွန်ပြည်နယ်၊ ကျိုက်ထိုမြို့နယ် ရပ်ကွက်များအတွင်း အဘိတ်ဆေးခပ်များ စတင်ဆောင်ရွက်နေပြီဖြစ်ကြောင်း ကျိုက်ထိုမြို့နယ်ကျန်းမာရေးဦးစီးဌာနထံက သိရသည်။
ယနေ့တွင် သွေးလွန်တုပ်ကွေးရောဂါ ကြို တင်ကာကွယ်ရေးအနေဖြင့်ရပ်ကွက်များအတွင်း တစ်အိမ်တက် တစ်အိမ်ဆင်းစနစ်ဖြင့် ရေတင်ကျန်နိုင်သည့် နေရာတိုင်းတွင် အဘိတ်ဆေးခတ်ခြင်း၊ဆေးစိမ်ခြင်ထောင်များ စနစ်တကျ သုံးစွဲရန် ပညာပေးခြင်း၊ "ဖုံး၊ သွန်၊ လဲ၊ စစ်" လုပ် ငန်းစဉ်များဖြင့် ခြင်ကျားအန္တရာယ်ကို ကာကွယ်ရန် တိုက်တွန်းခြင်းများကို
အသိပညာပေးဝေခဲ့ကြကြောင်း သိရသည်။
မိုးရာသီအတွင်း သွေးလွန်တုပ်ကွေးရော ဂါ ကင်းစင်သည့် ပတ်ဝန်းကျင်တစ်ခု ဖြစ်လာစေရန်အတွက် ရည်ရွယ်၍ ဆောင်ရွက်ခြင်းဖြစ်ကြောင်းနှင့် ကျန်း မာရေးဝန်ထမ်းများကို မိဘပြည်သူများအနေဖြင့် နွေးထွေးစွာ ကြိုဆိုကူညီပေးကြပါရန်နှင့် ရောဂါကာကွယ်ရေးလုပ် ငန်းစဉ်များကို မိမိတို့အိမ်တိုင်ရာရောက် ပူးပေါင်းပါဝင်ဆောင်ရွက်ပေးကြပါရန် တိုက်တွန်းနှိုးဆော်ထားသည်။