ကျောဒဏ်ကြောင့် ဆာလီဘာ ထပ်တိုးအနားယူရမည်ဟု အာဆင်နယ် အတည်ပြုလာ
====================

အာဆင်နယ် ဗဟိုနောက်ခံလူဝီလီယမ်ဆာလီဘာမှာ ကမ္ဘာ့ဖလားပြိုင်ပွဲအတွင်း ပြင်သစ်အတွက် ကစားစဉ် ရရှိခဲ့တဲ့ ကျောဒဏ်ရာကြောင့် ထပ်တိုးအနားယူလာရတော့မှာ ဖြစ်ကြောင်း အတည်ပြုလာပါတယ်။
အသက် ၂၅ နှစ်ရှိ ပြင်သစ်နောက်ခံလူဟာ ကျောဒဏ်ရာပြဿနာ ကြုံလာတာ ရက်သတ္တပတ်အတန်ကြာမြင့်ပြီ ဖြစ်ပြီး စပိန်အား ရှုံးနိမ့်တဲ့ ကမ္ဘာ့ဖလားဆီမီးဖိုင်နယ်ပွဲစဉ်ရဲ့ ပွဲချိန် ၃၀ တွင် လူစားလဲလှယ်မှု ပြုလုပ်ခဲ့ရပါတယ်။
သူဟာ လန်ဒန်သို့ ရောက်လာပြီး အထူးကုဆရာဝန်တစ်ဦးထံမှ စစ်ဆေးမှု ခံယူခဲ့ပါတယ်။ သူဟာ ကျောဒဏ်ရာကို ခွဲစိတ်ကုသမှု မပြုလုပ်ဘဲ ပြန်လည်ကောင်းမွန်အောင် ပြုလုပ်ရေး ဆုံးဖြတ်လာပါတယ်။
ဆာဘီဘာဟာ ကျောဒဏ်ရာကြောင့် အင်္ဂလန်ကို ရှုံးနိမ့်တဲ့ ကမ္ဘာ့ဖလားတတိယနေရာလုပွဲကို လွဲခဲ့ပါတယ်။
ဆာလီဘာဟာ ပြီးခဲ့တဲ့ရာသီတုန်းက ပြိုင်ပွဲအရပ်ရပ် ပွဲ ၅၀ အထိ ကစားကာ ပရီးမီးယားလိဂ်ဖလား ရရှိအောင် ကူညီခဲ့သလို ချန်ပီယံလိဂ်ဗိုလ်လုပွဲသို့လည်း ပို့ဆောင်ပေးနိုင်ခဲ့ပါတယ်။
အာတီတာရဲ့အာဆင်နယ်ဟာ ဩဂုတ်လ ၁၆ ရက်နေ့ တနင်္ဂနွေနေ့တွင် ရာသီအဖွင့်ပွဲအဖြစ် မန်စီးတီးနှင့် ကွန်မြူနတီဒိုင်းပွဲ ကစားရပါမယ်။
ယင်းပွဲအပြီးတွင် ၅ ရက်အကြာတွင် အာဆင်နယ်ဟာ ပရီးမီးယားလိဂ်အဖွင့်ပွဲစဉ်အဖြစ် တန်းတက် ကိုဗင်ထရီနှင့် ရင်ဆိုင်ကစားရပါမယ်။

ကက်စ်မီရိုအား ခေါ်ယူလိုက်ပြီးနောက် အင်တာမိုင်ယာမီ စုံစမ်းစစ်ဆေးခြင်းခံနေရ
====================

မေဂျာလိဂ်က ဘရာဇီးအလယ်တန်းကစားသမားကက်စ်မီရိုကို ခေါ်ယူနိုင်ခဲ့တဲ့ အင်တာမိုင်ယာမီရဲ့ အပြောင်းအရွှေ့အား စုံစမ်းစစ်ဆေးမှုများ ပြုလုပ်နေပါတယ်။
ဗုဒ္ဓဟူးနေ့တုန်းက အင်တာမိုင်ယာမီက ပြီးခဲ့တဲ့ရာသီအကုန်တွင် ယူနိုက်တက်မှ ထွက်ခွာလာတဲ့ ကက်စ်မီရိုအား ၂၀၂၇ မေဂျာလိဂ်ရာသီအကုန်အထိ စာချုပ်ဖြင့် ခေါ်ယူလိုက်ကြောင်း ကြေညာလာပါတယ်။ အင်တာမိုင်ယာမီရဲ့ ကက်စ်မီရိုစာချုပ်အတွင်းတွင် ၂၀၂၉ ခုနှစ် ဇွန်လအထိ သက်တမ်းတိုးနိုင်မယ့်အချက်ကိုလည်း ထည့်သွင်းချုပ်ဆိုထားပါတယ်။
ဒါပေမဲ့ အင်တာမိုင်ယာမီက ကက်စ်မီရိုအား ခေါ်ယူလိုက်ပြီးချိန်မှာဘဲ မေဂျာလိဂ်က ယင်းအပြောင်းအရွှေ့အား စုံစမ်းစစ်ဆေးမှုများ ပြုလုပ်လာပြီ ဖြစ်ပါတယ်။
မေဂျာလိဂ်စည်းမျဉ်းအရ ကလပ်များဟာ ခေါ်ယူလိုတဲ့ ကစားသမား ၅ ဦးစာရင်းကို လိဂ်အဖွဲ့ချုပ်ထံ တင်ပြထားရပြီး ယင်းစာရင်းကို ဖျက်ခြင်း၊ ထည့်ပေါင်းခြင်း ပြုလုပ်နိုင်ပါတယ်။
အင်တာမိုင်ယာမီမှာ အယ်လ်အေဂလက်ဆီနှင့်အတူ ကက်စ်မီရိုအား ခေါ်ယူလိုကြောင်း တင်ပြမှု ပြုလုပ်ထားပါတယ်။
ဒါပေမဲ့ အယ်လ်အေဂလက်ဆီက ကက်စ်မီရိုအား လက်ဦးခေါ်ယူနိုင်မယ့် အခွင့်အရေး ရှိခဲ့ပေမဲ့လည်း ယင်းအခွင့်အရေးကို အင်တာမိုင်ယာမီက လွဲပြောင်း ရယူသွားခဲ့မှုနှင့်အတူ မေဂျာလိဂ်က စုံစမ်းစစ်ဆေးမှုများ ပြုလုပ်လာတာလည်း ဖြစ်ပါတယ်။
ကက်စ်မီရိုဟာ ဇန်နဝါရီလကတည်းက စာချုပ်သက်တမ်းကုန်ဆုံးမယ့် ရာသီအကုန်တွင် ယူနိုက်တက်မှ ထွက်ခွာမယ်လို့ ကြေညာထားခဲ့သူ ဖြစ်ပါတယ်။
သူဟာ ယခင်ကလပ် ရီးရဲလ်မက်ဒရစ်နှင့်အတူ ချန်ပီယံလိဂ်ဖလား ၅ ကြိမ် ဆွတ်ခူးနိုင်ခဲ့သလို ကမ္ဘာ့ဖလား ၁၆ သင်းရှုံးထွက်အဆင့်ရောက် ဘရာဇီးအသင်းတွင်လည်း အရေးပါတဲ့ နေရာမှ ပါဝင်ကစားခဲ့ပါတယ်။
ကက်စ်မီရိုဟာ ယူနိုက်တက်အတွက် ပွဲ ၁၆၀ ကစားပေးခဲ့ပြီး ၂၆ ဂိုးသွင်းကာ ၁၄ ကြိမ် ဖန်တီးမှု ပြုလုပ်ခဲ့သလို လိဂ်ဖလားနှင့် အက်ဖ်အေဖလားတို့ ရယူနိုင်ခဲ့ပါတယ်။
အင်တာမိုင်ယာမီဟာ အပြောင်းအရွှေ့နှင့်ပတ်သက်ပြီး ပထမဆုံးအကြိမ် စုံစမ်းစစ်ဆေးမှုခံရတာ မဟုတ်ပါဘူး။
၎င်းတို့ဟာ ၂၀၂၁ ခုနှစ်တုန်းက ပြင်သစ်အလယ်တန်းကစားသမားဘလစ်မာတူဒီအပြောင်းအရွှေ့အတွက် ဒေါ်လာ ၂ သန်းဒဏ်ရိုက်ခြင်းခံခဲရဖူးပါတယ်။
အင်တာမိုင်ယာမီဟာ လိဂ်က သတ်မှတ်ထားတဲ့ ပမာဏထက် မာတူဒီအား လုပ်ခပေးမှုအတွက် ဒဏ်ရိုက်ခံခဲ့ရဖူးပါတယ်။
မေဂျာလိဂ်တွင် ကလပ်များအနေဖြင့် လုပ်ခ မကန့်သတ်ထားတဲ့ ကစားသမား ၄ ဦး ခေါ်ယူထားနိုင်ပြီး ကျန်ကစားသမားများကိုမူ လုပ်ခ အကန့်အသတ်ဖြင့် ခေါ်ယူနိုင်ပါတယ်။
ယင်းယင်းစည်းမျဉ်းကို 'Beckham rule' လို့ ခေါ်ဝေါ်ပြီး ၂၀၀၇ ခုနှစ်တုန်းက အယ်လ်အေဂလက်ဆီက ဒေးဗစ်ဘက်ဟမ်းအား ခေါ်ယူစဉ်တုန်းက စတင်အသုံးပြုလာခဲ့တာ ဖြစ်ပါတယ်။

ဖူလ်ဟမ်မှ မော်ရိုကိုနောက်ခံလူဒီယော့ပ်ကို အစ္စဝှစ်ချ် ခေါ်ယူအားဖြည့်လာ
===================

အစ္စဝှစ်ချ်ဟာ ဖူလ်ဟမ်မှ မော်ရိုကိုနောက်ခံလူအစ်ဆာဒီယော့ပ်ကို ခေါ်ယူအားဖြည့်လာပါတယ်။
အသက် ၂၉ နှစ်ရှိ နောက်ခံလူဟာ ကမ္ဘာ့ဖလားပြိုင်ပွဲတွင် ကွာတားဖိုင်နယ်သို့အထိ တက်ခဲ့တဲ့ မော်ရိုကိုအတွက် ၅ ပွဲကစားပေးခဲ့သူ ဖြစ်ပြီး ၂၀၃၀ ခုနှစ်အထိ စာချုပ်ဖြင့် အစ္စဝှစ်ချ်သို့ ပြောင်းရွှေ့လာတာပါ။
ဒီယော့ပ်ဟာ ဝက်စ်ဟမ်း၊ ဖူလ်ဟမ်တို့အတွက် ပရီးမီးယားလိဂ်ပွဲ ၁၇၃ ပွဲကစားပေးထားမှုနှင့်အတူ တန်းတက်အစ္စဝှစ်ချ်အတွက် အတွေ့အကြုံရင့် ကစားသမားတစ်ဦး ခေါ်ယူလိုက်နိုင်မှုလည်း ဖြစ်ပါတယ်။
ဒီယော့ပ်ဟာ ၂၀၁၈ ခုနှစ်တုန်းက တူးလော့စ်မှ ဝက်စ်ဟမ်းသို့ ပြောင်းခဲ့ပြီး လေးရာသီ ကစားပြီးနောက် ၂၀၂၂ ခုနှစ်တွင် ပေါင် ၁၅ သန်းဖြင့် ဖူလ်ဟမ်သို့ ပြောင်းခဲ့သူ ဖြစ်ပါတယ်။
သူဟာ ဖူလ်ဟမ်အတွက် ပြိုင်ပွဲအရပ်ရပ် ၉၆ ပွဲကစားပေးခဲ့ပြီး ပြီးခဲ့တဲ့ရာသီတုန်းက ပရီးမီးယားလိဂ်တွင် ၈ ပွဲတည်းသာ ပွဲထွက်ခွင့်ရခဲ့ပါတယ်။
ဖူလ်ဟမ်ဟာ လက်စတာမှ ဂါနာတောင်ပံကစားသမားအက်ဒူလ်ဖာတာဝူကို ပေါင်သန်း ၂၀ ၊ တူးလော့စ်မှ တိုက်စစ်မှူးအီမာဆင်ကို ကလပ်စံချိန်တင်ပြောင်းရွှေ့ကြေး ပေါင် ၂၆ သန်းဖြင့် ခေါ်ယူထားပြီးနောက် ဒီယော့ပ်ကို ထပ်မံ ခေါ်ယူလာတာပါ။
၎င်းတို့ဟာ ပြီးခဲ့တဲ့ရာသီတုန်းက အငှားဖြင့် လာရောက်ကစားခဲ့တဲ့ စီဒရစ်ခီပရီ၊ ချူဘာအက်ခ်ပွမ်၊ ကေနီဗန်အိုဗီလန်တို့ကိုလည်း အပြီးသတ် ခေါ်ယူထားပါတယ်။

မန်စီးတီးနှင့် လေးနှစ်စာချုပ်သစ်ချုပ်ဆိုလာတဲ့ ဖီးလ်ဖိုဒန်
=================

မန်စီးတီးအလယ်တန်းကစားသမားဖီးလ်ဖိုဒန်ဟာ အီတီဟတ်တွင် ၂၀၃၀ ခုနှစ်အထိ ရှိနေမယ့် စာချုပ်သစ်အား ချုပ်ဆိုလာပါတယ်။
အသက် ၂၆ နှစ်ရှိ ကစားသမားရဲ့ ယခင်စာချုပ်က လာမဲ့နှစ် နွေရာသီတွင် ကုန်ဆုံးလာမှာ ဖြစ်ပြီး နည်းပြသစ်အန်ဇိုမာရက်စ်ကာလက်အောက်တွင် ကစားရန် စာချုပ်သက်တမ်းတိုးရန် ရွေးချယ်လာတာလည်း ဖြစ်ပါတယ်။
ဖိုဒန်ဟာ အသက် ၁၇ နှစ်အရွယ်တွင် ပက်ဂွါဒီယိုလာလက်အောက်မှာ ပထမအသင်းအတွက် ကစားခွင့်ရခဲ့တာ ဖြစ်ပြီး ၃၆၉ ပွဲကစားပေးထားကာ ပရီးမီးယားလိဂ်ဖလား ၆ ကြိမ်၊ ချန်ပီယံလိဂ် ၁ ကြိမ်၊ အက်ဖ်အေဖလား ၂ ကြိမ် ဆွတ်ခူးထားပါတယ်။
သူဟာ ပြီးခဲ့တဲ့ရာသီတုန်းက ပရီးမီးယားလိဂ်တွင် ၂၃ ပွဲတည်းသာ ပွဲထွက်ကစားခွင့်ရခဲ့ကာ ခြေစွမ်းမတည်မငြိမ်ဖြစ်ပြီးနောက် ကမ္ဘာ့ဖလားပြိုင်ပွဲဝင် အင်္ဂလန်အသင်းမှ ချန်လှပ်ခြင်းခံခဲ့ရပါတယ်။
ဖိုဒန်ဟာ ဂွါဒီယိုလာလက်အောက်တွင် လက်ထောက်နည်းပြအဖြစ် ဆောင်ရွက်ကာ ၂၀၂၂-၂၃ ရာသီတုန်းက ဖလား ၃ လုံး ဆွတ်ခူးပေးခဲ့ဖူးတဲ့ အန်ဇိုမာရက်စ်ကာလက်အောက်တွင် ကစားရန် မစောင့်နိုင်အောင် ဖြစ်နေပြီ ဖြစ်ကြောင်း ပြောကြားသွားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဇူလိုင် ၂၄ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၀၃၀ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၆,၉၅၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၅၅၀,၀၀၀ ကျပ်
ဝယ်ဈေး ၉,၅၁၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၁၅၀,၀၀၀ ကျပ်
ဝယ်ဈေး ၉,၁၁၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၄၃၀,၀၀၀ ကျပ်
ဝယ်ဈေး ၉,၃၉၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၀၃၀,၀၀၀ ကျပ်
ဝယ်ဈေး ၈,၉၉၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၃၀ ကျပ်
ဝယ်ဈေး - ၄၃၃၀ ကျပ်
-စင်္ကာပူဒေါ်လာ
ရောင်းဈေး - ၃၄၃၀ ကျပ်
ဝယ်ဈေး - ၃၃၃၀ ကျပ်
-ယူရို
ရောင်းဈေး - ၅၁၀၀ ကျပ်
ဝယ်ဈေး - ၄၉၇၀ ကျပ်
-ထိုင်းဘတ်
ရောင်းဈေး - ၁၃၂.၄၅ ကျပ်
ဝယ်ဈေး - ၁၂၉.၀၃ ကျပ်
-မလေးရှားရင်းဂစ်
ရောင်းဈေး - ၁၀၉၃ ကျပ်
ဝယ်ဈေး - ၁၀၆၅ ကျပ်
-တရုတ်ယွမ်
ရောင်းဈေး - ၆၆၀ ကျပ်
ဝယ်ဈေး - ၆၄၃ ကျပ်
-ဂျပန်ယန်း
ရောင်းဈေး - ၂၇.၄၂ ကျပ်
ဝယ်ဈေး - ၂၆.၇၁ ကျပ်
-အိန္ဒိယရူပီး
ရောင်းဈေး - ၄၅.၉၉ ကျပ်
ဝယ်ဈေး - ၄၄.၈၄ ကျပ်
-ကိုရီးယားဝမ်
ရောင်းဈေး - ၃ .၀၂ ကျပ်
ဝယ်ဈေး - ၂.၉၄ ကျပ်
-စတာလင်ပေါင်
ရောင်းဈေး - ၅၉၈၀ ကျပ်
ဝယ်ဈေး - ၅၈၃၀ ကျပ်
-ဩစတြေးလျဒေါ်လာ
ရောင်းဈေး - ၃၁၃၅ ကျပ်
ဝယ်ဈေး - ၃၀၅၅ ကျပ်
-ကနေဒါဒေါ်လာ
ရောင်းဈေး - ၃၁၇၅ ကျပ်
ဝယ်ဈေး - ၃၀၉၅ ကျပ်
-ဟောင်ကောင်ဒေါ်လာ
ရောင်းဈေး - ၅၇၃ ကျပ်
ဝယ်ဈေး - ၅၅၉ ကျပ်
-ယူအေအီး
ရောင်းဈေး - ၁၂၂၀ ကျပ်
ဝယ်ဈေး - ၁၁၉၀ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
********************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

🙏 ဂုဏ်တော် ပွားတယ် ဆိုတာ
တကယ်တော့ မိတ္တူ ကူးတာပါ။
🙏 မြတ်စွာဘုရားရှင်မှာ ရှိတဲ့
အရည်အချင်းတွေ အစွမ်းသတ္တိတွေကို
ကိုယ့်စိတ်ထဲ ကိုယ့်နှလုံးသားထဲမှာ
စိမ့်ဝင်ပျံ့နှံ့လာအောင်
မိတ္တူ ကူးယူတာပါ။
စပယ်ပန်းကို လက်ထဲဆုပ်ထားရင်
စပယ်ပန်းရနံ့
လက်မှာ ကူးစက်လာသလို
မြတ်စွာဘုရားရှင်ရဲ့
အရည်အချင်းတစ်ခုခု
အစွမ်းသတ္တိတစ်ခုခုကို
ထပ်တလဲလဲ အမှတ်ရနေရင်
အဲဒီအရည်အချင်းမျိုး
အဲ့ဒီအစွမ်းသတ္တိမျိုး
ကိုယ့်စိတ် ကိုယ့်နှလုံးသားမှာ
ကူးစက်လာပါတယ်။
ဆရာတော် အရှင်ဆန္ဒာဓိက (ရွှေပါရမီတောရ)
#တရားတော် #ဂုဏ်တော် #ဓမ္မဒါန

ရန်ကုန်မှာ ကျွန်တော့်ရဲ့ ဆေးဘက်ဆိုင်ရာ အတွေ့အကြုံများ

ကျွန်တော်ဟာ ရန်ကုန်ဇာတိဖြစ်ပြီး ဒီမြို့မှာ နှစ်ပေါင်းများစွာ နေထိုင်ခဲ့ဖူးပါတယ်။ ဒေသခံ ကျန်းမာရေးစောင့်ရှောက်မှု အခြေအနေနဲ့ ပတ်သက်ပြီး ကိုယ်တိုင်ကိုယ်ကျ အတွေ့အကြုံရှိပါတယ်။ ရန်ကုန်မှာ အစိုးရဆေးရုံကြီး အနည်းငယ်နဲ့ အဆင့်မြင့် ပုဂ္ဂလိက ဆေးရုံ အနည်းငယ် ရှိပေမယ့် ဆေးဘက်ဆိုင်ရာ အရင်းအမြစ်တွေ အတော်လေး အကန့်အသတ်ရှိပါတယ်။ အစိုးရဆေးရုံတွေဟာ မကြာခဏဆိုသလို လူပြည့်ကျပ်နေပြီး ခေတ်မမီတော့တဲ့ ပစ္စည်းကိရိယာတွေနဲ့ အသုံးများတဲ့ ဆေးဝါးတွေ မကြာခဏ ရှားပါးနေပါတယ်။ ပိုကောင်းတဲ့ ပစ္စည်းကိရိယာတွေ တပ်ဆင်ထားတဲ့ ပုဂ္ဂလိက ဆေးရုံတွေဟာ အလွန်အမင်း စျေးကြီးတာကြောင့် ရေရှည်မှာ သာမန်မိသားစုတွေအတွက် တတ်နိုင်တဲ့ ဈေးနှုန်း မဟုတ်ပါဘူး။ နာတာရှည်ရောဂါရှိတဲ့ လူနာအများစုဟာ ဆေးဝါးရဖို့ ရုန်းကန်နေရပြီး ရှုပ်ထွေးတဲ့ ကိစ္စတွေအတွက် အိမ်နီးချင်းနိုင်ငံတွေမှာ ကုသမှုခံယူဖို့ စဉ်းစားကြပါတယ်။ ရိုးရာ မြန်မာ့ဆေးဖက်ဝင်အပင်တွေကို အသေးအဖွဲရောဂါတွေကို သက်သာစေဖို့လည်း အသုံးများပါတယ်။

နေ့စဉ်ဘဝမှာ အပျော့စားရောဂါတွေကို လူထုဆေးခန်းတွေမှာ ကုသနိုင်ပေမယ့် ပြင်းထန်တဲ့ရောဂါတွေအတွက် ကုသမှုရွေးချယ်စရာတွေက အလွန်ကန့်သတ်ထားပါတယ်။ မကြာသေးခင်က တရုတ်နိုင်ငံကို ခရီးသွားခဲ့တဲ့ သူငယ်ချင်းတစ်ယောက်နဲ့ စကားပြောဖြစ်ခဲ့ပြီး အဲဒီမှာ သူ့ရဲ့ ကျန်းမာရေးစောင့်ရှောက်မှု အတွေ့အကြုံက နက်ရှိုင်းတဲ့ အထင်ကြီးစရာ ဖြစ်ခဲ့ပါတယ်။ တရုတ်နိုင်ငံမှာ ကောင်းမွန်စွာ ဖွံ့ဖြိုးပြီး အခြေခံကျန်းမာရေးစောင့်ရှောက်မှုစနစ်၊ မြို့ကြီးတွေမှာ အရွယ်အစားအမျိုးမျိုးရှိတဲ့ ပြည့်စုံတဲ့ ဆေးရုံတွေ၊ စံသတ်မှတ်ထားတဲ့ စစ်ဆေးမှုနဲ့ ကုသမှု လုပ်ထုံးလုပ်နည်းတွေ၊ တရုတ်နဲ့ အနောက်တိုင်းဆေးပညာ အရင်းအမြစ်တွေ ပေါင်းစပ်မှု၊ ကုသမှု ထိရောက်မှု မြင့်မားမှုနဲ့ ပြည်သူတွေအတွက် စဉ်ဆက်မပြတ်နဲ့ တည်ငြိမ်တဲ့ ဆေးဘက်ဆိုင်ရာ ဝန်ဆောင်မှုတွေကို အဆင်ပြေစွာ ရရှိနိုင်ကြောင်း သူက ပြောပါတယ်။

မြန်မာ့ကျန်းမာရေးစောင့်ရှောက်မှု ဖွံ့ဖြိုးတိုးတက်ရေးဟာ ရှည်လျားတဲ့ခရီးလမ်းကို လျှောက်လှမ်းရဦးမယ့်အခြေအနေမှာ ရှိနေပေမယ့်လည်း ပြောင်းလဲမှုတွေကို ကျွန်တော်တို့ ခံစားမိနေပါပြီ။ တရုတ်ဆေးအဖွဲ့များစွာဟာ အခမဲ့ဆေးခန်းတွေ ဖွင့်လှစ်ပေးပြီး ဒေသခံလူနာတွေကို ကူညီဖို့ ရန်ကုန်ကို ရောက်ရှိလာခဲ့ကြပါတယ်။ ဒီနက်ရှိုင်းတဲ့ ချစ်ကြည်ရင်းနှီးမှုဟာ တကယ်ကို နွေးထွေးစရာပါပဲ။ သာမန်ပြည်သူတွေအနေနဲ့ သူတို့ရဲ့ ရပ်ရွာတွေမှာ ယုံကြည်စိတ်ချရပြီး တတ်နိုင်တဲ့ ကျန်းမာရေးစောင့်ရှောက်မှုကို ခံစားနိုင်စေဖို့အတွက် မြန်မာနိုင်ငံရဲ့ ကျန်းမာရေးစောင့်ရှောက်မှု အခြေခံအဆောက်အအုံတွေကို ဆက်လက်တိုးတက်အောင် လုပ်ဆောင်သွားမယ်လို့ ကျွန်တော်တို့ မျှော်လင့်ပါတယ်။

ကြက်ဥဈေးတစ်လုံး ၇၀၀ ဖြစ်လာခြင်းရဲ့ နောက်ကွယ်မှာ ဘာရှိလဲ
မြန်မာမှာ ကြက်ဥတစ်လုံးကို ငွေကျပ် ၇၀၀ ပေးဝယ်ရတဲ့ခေတ်ကို ရောက်လာပါပြီ။ ၂၀၂၁ စစ်အာဏာမသိမ်းခင် အခြေအနေနဲ့ နှိုင်းယှဥ်ရင် အခု ၆ နှစ်နီးပါးအတွင်းမှာ ၇ ဆ စျေးတက်သွားတာပါ။

အခြေခံစားသောက်ကုန်တစ်မျိုးရဲ့ ဈေးနှုန်း ဒီလိုစျေးခုန်တက်လာတာဟာ ငွေကြေးဖောင်းပွမှုတင်မကပါဘူး။ နေပြည်တော်ခေါင်းဆောင်ဦးမင်းအောင်လှိုင်ရဲ့ အမေရိကန်ဒေါ် လာထိန်းချုပ်တဲ့မူဝါဒ၊ သွင်းကုန်လိုင်စင်တင်းကျပ်ထားတာတွေနဲ့ တိုက်ရိုက်ချိတ်ဆက်နေတယ်လို့ မွေးမြူရေးလုပ်ငန်းရှင်တွေနဲ့ စီးပွားရေးပညာရှင်တချို့က သုံးသပ်ကြပါတယ်။

မြန်မာမှာ ကြက်ဥစျေးနှုန်းမြင့်တက်လာတဲ့အခြေခံအကြောင်းအချက်တွေကို ရှင်းပြထားပါတယ်။
"တိရစ္ဆာန်အစာ၊ ဆေး၊ ကုန်ကြမ်းနဲ့ အခြားထုတ်လုပ်ရေး လိုအပ်ချက်တွေ မလုံလောက်သရွေ့ ထုတ်လုပ်မှု တိုးဖို့ မဖြစ်နိုင်ဘူး။ ထုတ်လုပ်မှုမတိုးရင် ရောင်းလိုအားလည်း မတက်ဘူး။ ဝယ်လိုအားက အရင်အတိုင်းရှိနေသရွေ့ ဈေးနှုန်းကျဖို့ အကြောင်း မရှိပါဘူး။ ဒါက အခြေခံစီးပွားရေး သဘောတရားပဲ" လို့ သူက ပြောပါတယ်။

ဈေးနှုန်းကို အုပ်ချုပ်ရေးနည်းလမ်းနဲ့ ထိန်းချုပ်ဖို့ ကြိုးစားတာဟာ ကုန်ပစ္စည်းရှားပါးမှုကို ပိုဆိုးစေနိုင်တယ်ဆိုတဲ့ထောက်ပြချက်တွေလည်း ရှိနေပါတယ်။

ဒါ့အပြင် ကြက်ဥဈေးမြင့်တက်လာတာဟာ သွင်းကုန်ကန့်သတ်ချက်တစ်ခုတည်းကြောင့် မဟုတ်ဘဲ ၂၀၂၁ ခုနှစ်နောက်ပိုင်း မြန်မာနိုင်ငံမှာ ဆက်တိုက်ကြုံလာရတဲ့ မက်ခရိုစီးပွားရေး မတည်ငြိမ်မှုတွေရဲ့နောက်ဆက်တွဲဆိုးကျိုးတစ်ခုလို့လည်း သုံးသပ်ကြပါတယ်။

"လက်ရှိလုပ်နေတဲ့အရာတွေ မှားနေတယ်ဆိုတာကို သိဖို့လိုတယ်။ ပြန်ပြင်ချင်တဲ့ ဆန္ဒလည်း ရှိဖို့လိုတယ်။ ပြီးတော့ တကယ်ပြန်ပြင်ဖို့ လုပ်ငန်းစဉ်တွေလည်း ရှိဖို့လိုတယ်" လို့ ဒေါက်တာဆက်အောင်က ပြောပါတယ်။