အိမ်ခြေ ၈၀၀ ကျော် အကျိုးဖြစ်ထွန်းစေမယ့် ဘိုကလေးမြို့နယ် ရွာတန်းရှည်မှ ဖျာပုံ-ဘိုကလေး ကားလမ်းသို့ ဆက်သွယ်သော ကွန်ကရစ်လမ်းသစ်ဖွင့်လှစ်
ဧရာဝတီတိုင်းဒေသကြီး ဘိုကလေးမြို့နယ် ကျေးလက်လမ်းဖွံ့ဖြိုးရေးဦးစီးဌာနမှ ဘိုကလေးမြို့နယ် ဟိုင်းစီကျေးရွာအုပ်စု ရွာတန်းရှည်ကျေးရွာနှင့် ဖျာပုံ-ဘိုကလေး ကားလမ်းသို့ ဆက်သွယ်ခင်းကျင်းခဲ့သည့် ရွာတန်းရှည်-(ဖျာပုံ-ဘိုကလေး) ကားလမ်း ကွန်ကရစ်လမ်းသစ်ဖွင့်ပွဲအား မတ်လ ၉ ရက်နေ့က ကျင်းပခဲ့ကြောင်း သိရသည်။
အဆိုပါ ကွန်ကရစ်လမ်းကို ၂၀၂၅- ၂၀၂၆ ဘဏ္ဍာနှစ် ပြည်ထောင်စု ငွေလုံးငွေရင်း ရန်ပုံငွေ ကျပ် ၁၂၉ ဒသမ ၁၈၈ သန်းဖြင့် တည်ဆောက်ခဲ့ခြင်းဖြစ်ကြောင်းသိရသည်။
ယခုဖွင့်လှစ်သည့် ရွာတန်းရှည်-ဖျာပုံ-ဘိုကလေးကားလမ်းသို့ ဆက်သွယ်သည့် ကွန်ကရစ်လမ်းသစ်သည် လမ်းမိုင်အရှည် တစ်မိုင် ၀ ဒသမ ၂ ဖာလုံ၊ လမ်းနယ်နိမိတ်အကျယ်ပေ ၃၀ ရှိပြီး ကျေးလက်လမ်းဖွံ့ဖြိုးရေးဦးစီးဌာနက ကွန်ကရစ်ခင်းခြင်းလုပ်ငန်းကို ဖေဖော်ဝါရီ ၂၀ ရက်တွင် ပြီးဆုံးခဲ့သည်ဟုသိရသည်။
အဆိုပါ လမ်းခင်းခြင်းဖြင့် အကျိုးပြုရွာ သုံးရွာ၊ အကျိုးပြု အိမ်ခြေ ၈၀၂ လုံး၊ အကျိုးပြုလူဦးရေ ၃၁၈၇ ဦး ရှိကြောင်း သိရသည်။
