ကိုယ့်ကို မနာလိုတဲ့သူတွေမှာ
ဒီလို လက္ခဏာတွေ ပြလာတတ်တယ်။

၁. ကိုယ်က ဝမ်းသာစရာသတင်းတစ်ခုခုကို
ပြောပြလိုက်ချိန်မှာ မသိမသာ မျက်နှာပျက်
သွားတတ်တယ်။

၂. ရှေ့မှာတော့ အလွန်ဖော်ရွေပြတတ်ပြီး
နောက်ကွယ်ကျရင် အတင်းတုပ်တတ်တယ်။

၃. ကိုယ့်ရဲ့အားနည်းချက်တွေကို စသလိုလို
နောက်သလိုလိုနဲ့ လူအများရှေ့ ထုတ်ဖော်
ပြောဆိုတတ်တယ်။

၄. ကိုယ်လုပ်သမျှ အလုပ်တိုင်း ၊ ကိစ္စရပ်တိုင်းကို
မဖြစ်နိုင်ဘူး ၊ မလုပ်နိုင်ဘူး ဆိုတဲ့ အပျက်သဘော
တွေချည်း ပြောကာ မလုပ်ဖို့ တားမြစ်တတ်တယ်။

၅. ကိုယ်အလုပ်တစ်ခုခု အဆင်ပြေ အောင်မြင်သွား
တဲ့အခါ ဒါလေးက လူတိုင်းလုပ်နိုင်ပါတယ် ၊
ဘာခက်တာ မှတ်လို့ ဆိုတဲ့စကားမျိုးနဲ့ ကိုယ့်ရဲ့
အောင်မြင်မှုကို သေးသိမ်သွားအောင် ပြောတတ်တယ်။

၆. ကိုယ့်ရဲ့ အပေါင်းအသင်းတွေ ၊ မိတ်ဆွေတွေကို
ကိုယ်နဲ့ မပေါင်းချင်အောင် အခင်အမင်ပျက်အောင်
နောက်ကွယ်ကနေ လုပ်ဆောင်ပြီး ကိုယ့်ကို
အထီးကျန်လာအောင် လုပ်မယ်။

ဒီလို လုပ်တတ်တဲ့သူတွေနဲ့ ကြုံလာရတဲ့အခါ

✍✍ သူတို့ကို လုံးဝ ဂရုမစိုက်ပါနဲ့။
ခပ်ခွာခွာ နေဖို့ ကြိုးစားပါ။

မနာလိုသူ အများစုဟာ သင့်အနားမှာနေပြီး
သင့်ကို ဖျက်စီးဖို့ ကြိုးစားနေတတ်သူတွေပါ။
ထိုသူတွေကို ဂရုမစိုက်ပဲ ခပ်ခွာခွာ နေနိုင်ဖို့
ကြိုးစားပြီး သင်နဲ့ စိတ်တူကိုယ်တူ အပေါင်းအသင်း
တွေနဲ့သာ ပေါင်းသင်းပါ။

✍✍ ကိုယ့်တန်ဖိုးကို သိပါ။

မနာလိုသူတွေ ဘယ်လိုပဲ အပုပ်ချနေပါစေ ၊
ကိုယ်ကောင်းရင် ခေါင်းမရွေ့ပါဘူး ၊
ဒါကြောင့် ကိုယ့်ကိုယ်ကိုသာ ကောင်းအောင်နေပါ။
ကိုယ်လုပ်ရမဲ့ အလုပ်ကိုသာ ကြိုးစားလုပ်ပါ။

✍✍ ဥပေက္ခာနဲ့ အနိုင်ယူပါ။

မနာလိုသူတွေကို အကောင်းဆုံး အနိုင်ယူတဲ့
နည်းလမ်းကတော့ သူတို့ဘာပြောပြော ၊
ဘာလုပ်လုပ် အရေးမစိုက် အရာမသွင်းပဲ
ဥပေက္ခာ ပြုထားလိုက်တာပါ။

သင်က ကိုယ့်အလုပ်ကို လုပ်ပြီးအောင်မြင်အောင်
ကြိုးစားပြလေလေ ၊ မနာလိုသူတွေ ပူလောင်ရ
လေလေပါပဲ။

ဒါကြောင့် မနာလိုသူတွေကို

ဂရုမစိုက်ခြင်းဖြင့် အနိုင်ယူပါ။
ကြိုးစားခြင်းဖြင့် အနိုင်ယူပါ။
ဥပေက္ခာတရားနဲ့သာ အနိုင်ယူလိုက်ပါ။


#စာပေ
#လူငယ်
#စိတ်ခွန်အား
#မနာလိုစိတ်

Perplexity browser သစ်ကြောင့် အလုပ်ပြုတ်မယ့် လူ ၂ မျိုး
agentic search ပါတဲ့ AI browser တစ်ခုက ကုမ္ပဏီတိုင်းမှာ သုံးနေတဲ့ ကော်လာဖြူဝန်ထမ်းနှစ်မျိုးကို အစားထိုးဖို့ ပြင်နေပါတယ်။
အဲ့ဒီ browser က Perplexity AI က ထုတ်ထားတဲ့ Comet ပါ။ Comet browser ဆိုတာက screen ပေါ်မှာ မနားတမ်းအလုပ်လုပ်နေတဲ့ ဒီဂျစ်တယ်အလုပ်သမားတစ်ယောက်လို လူခိုင်းတာတွေကို သူ့ဟာသူ အလိုအလျောက်အလုပ်လုပ်နိုင်တဲ့ browser ပါ။
မြင်လွယ်အောင်ပြောရရင် တစ်နေ့က ထွက်ထားတဲ့ OpenAI Agent လိုမျိုးပါ။ အင်တာနက်ပေါ်က website ပေါင်းစုံထဲ ဝင်မွှေနိုင်တဲ့ agentic tools တွေပါမယ်။ users သိချင်တာကို ဖြစ်နိုင်ခြေရှိတဲ့ links တွေချည်း ချမပေးတော့ဘဲ ရှာထားတဲ့ သတင်းအချက်အလက်တွေထဲက users လိုချင်တာနဲ့ အဆက်အစပ်အရှိဆုံးဆိုတဲ့ soruces တွေ စုစည်းပြီး ပြောပေးမယ်။
လိုအပ်ရင် စာတစ်ပုဒ်လုံး ၊ website page တစ်ခုလုံးကို အနှစ်ချုပ်ပေးမယ်။ ထပ်ပြီး အသေးစိတ် သိချင်သေးရင် chat interface ကနေ Comet Assistant က လူနဲ့ အပြန်အလှန်စကားပြောပြီး ဆွေးနွေးပေးမယ်။ ပြက္ခဒိန်ထဲမှာ ထည့်ထားတဲ့ လုပ်ရမယ့်ကိစ္စတွေ သတိပေးမယ် ၊ သူကိုယ်တိုင် လုပ်ရမှာဆို ဝင်လုပ်မယ်။
အပေါ်မှာ ပြောခဲ့သလို ဒီ browser က ကိုယ့်နောက်ကွယ်ကနေ ကိုယ့်အလုပ်တွေ မနားတမ်းလုပ်ပေးမယ့် ဒီဂျစ်တယ်ဝန်ထမ်းမျိုးပါ။ ဒီဝန်ထမ်းက ကုမ္ပဏီတိုင်း မဖြစ်မနေ သုံးကြတဲ့ white-collar ဝန်ထမ်းနှစ်မျိုးကို အစားထိုးမယ်လို့ Perplexity CEO အာရာဗင်း ဆရီနီဗက်စ်က ပြောလိုက်ပါတယ်။
အဲ့ဒီဝန်ထမ်းနေရာတွေက ရုံးပိုင်းအကူ Admin Assistant နဲ့ ဝန်ထမ်းရှာဖွေရေးဘက်က recruiters တွေပဲလို့ ဆိုပါတယ်။ ဒါက လက်ရှိ Comet အစွမ်းနဲ့ အလုပ်နေရာပျောက်နိုင်တဲ့ ရာထူးနေရာတွေပါ။ နောက်ပိုင်း AI နည်းပညာတွေမှာ နောက်ထပ်အလုပ်တွေလည်း ခြိမ်းခြောက်ခံလာရနိုင်ပါတယ်။
Comet က လောလောဆယ် Perplexity ကို တစ်လဒေါ်လာ ၂၀၀ Premium plan ပေးသုံးသူတွေအတွက်ပဲ ထွက်ထားပါတယ်။

page schedule post for 10 pm

Clear Linux OS ပရောဂျက် Intel ရပ်ဆိုင်း
ကုန်ကျစရိတ်တွေ လိုက်လျှော့နေတဲ့ Intel က ကုမ္ပဏီရဲ့ နာမည်ကျော် ပရောဂျက်တစ်ခုပါ ဖျက်သိမ်းလိုက်ပါတယ်။
x86-64 လို့ခေါ်တဲ့ 64-bit CPU architecture တွေအတွက် ဆယ်စုနှစ်ချီ တည်ဆောက်ခဲ့တဲ့ စွမ်းရည်မြင့် Clear Linux ဆော့ဖ်ဝဲလ်ကို ရပ်ဆိုင်းလိုက်တာပါ။ Clear Linux နဲ့ ပတ်သက်လို့ update တွေ ၊ security patches တွေ ဆက်ရှိမှာ မဟုတ်တော့ပါဘူး။
GitHub ပေါ်က Clear Linux OS repository ကတော့ read-only mode နဲ့ပဲ ရှိတော့မှာပါ။ Clear Linux distribution ကို ရုတ်တရပ်ကြီး ရပ်ပစ်လိုက်တဲ့ အကြောင်းရင်းလည်း ကုမ္ပဏီဘက်က ပြောမထားပါဘူး။ Clear Linux OS ကို သုံးနေတဲ့သူတွေအနေနဲ့ တခြား Linux distribution တစ်ခုဆီ ရွှေ့ပြောင်းဖို့ ပြောထားပါတယ်။
နာမည်ကျော် open-soruce OS တစ်ခုဖြစ်တဲ့ Linux Kernel ကို ဖင်လန်နိုင်ငံသား ဆော့ဖ်ဝဲလ်အင်ဂျင်နီယာ လင်းနပ်စ် ထော်ဗဲလ်က ဖန်တီးခဲ့တာပါ။ source code ကို ဘယ်သူမဆို ယူပြီး စိတ်ကြိုက်ပြင်ဆင် ဖြန့်ဖြူးခွင့်လည်း ရှိပါတယ်။ Linux Kernel ဖွံ့ဖြိုးရေးမှာ developers တွေနဲ့ ကုမ္ပဏီတွေ ပါဝင်ခဲ့ပြီး Intel လည်း ဒီထဲကတစ်ခု ဖြစ်ခဲ့တာပါ။
Clear Linux ကို Intel က ဒေတာစင်တာနဲ့ ဆာဗာတွေမှာ အကောင်းဆုံး စွမ်းဆောင်ရည်နဲ့ အလုပ်လုပ်နိုင်အောင် aggressive GCC ၊ Clang flags တို့လို compiler optimization တွေနဲ့ လက်တွေ့ workloads ပေါ် အခြေခံပြီး တွက်ချက်လုပ်ဆောင်မှုတွေကို ချောမွေ့စေတဲ့ profile-guided (PGO) နဲ့ link-time optimization (LTO) တွေကို system တစ်ခွင်လုံး သုံးပါတယ်။
Clear Linux က Intel hardware တွေပေါ်တင် မဟုတ်ဘဲ AMD ပလက်ဖောင်းတွေမှာပါ စွမ်းရည်မြင့် ရလဒ်ကောင်းတွေ ပြခဲ့တယ်လို့ ဆိုပါတယ်။ Intel အနေနဲ့ Clear Linux OS အဖွဲ့ကို ဖျက်လိုက်ပေမယ့် Linux ecosystem မှာ အပြည့်အဝ ဆက်လက်ပါဝင်ပံ့ပိုးသွားမယ်လို့ ပြောပါတယ်။
AI နဲ့ ချပ်စ်ဈေးကွက်ထဲမှာ အလူးအလဲဖြစ်လာတဲ့ Intel ဟာ ပြန်ဦးမော့လာဖို့ ကုန်ကျစရိတ်ဖြတ်တောက်နေသလို ဝန်ထမ်းထောင်ချီ အလုပ်လျှော့နေပါတယ်။ Intel က ဒီလထဲမှာ လူပေါင်း ၅၀၀၀ ကျော် အလုပ်ဖြုတ်ပြီး ကုမ္ပဏီကို ပြန်ဖွဲ့စည်းနေပါတယ်။

page schedule post for 12:30pm

ဆရာဝန် ၁၇ ဦး လက်မှိုင်ချရတဲ့ ရောဂါပြစ်ချက်ကို ChatGPT က ရှာတွေ့ခဲ့
အဲလက်လို့ ခေါ်တဲ့ လေးနှစ်အရွယ်ကလေးတစ်ယောက်က ပြင်းထန်တဲ့ သွားကိုက်ဝေဒနာ ခံစားခဲ့ရပါတယ်။
ကလေးက နာလွန်းမကနာတဲ့အခါ အမေဖြစ်တဲ့ ကော့တ်နေးက ကလေးကို Mortrin ဆိုတဲ့ အကိုက်အခဲပျောက်ဆေးတစ်မျိုး ပေးရပါတယ်။ ဆေးသောက်မှ သက်သာသွားတာပါ။ အဲလက်လေးက ၃ နှစ်ကျော်ကြာအောင် နာကျင်ကိုက်ခဲမှုဝေဒနာကို ခံစားနေရတာပါ။
အဲလက်လေးဟာ တွေ့ကရာတွေ လိုက်ကိုက်နေတဲ့အပြင် ဘယ်ညာကိုယ်နေဟန်ထား မမှန်တာတွေ နဲ့ ဖွံ့ဖြိုးမှုရပ်တန့်တာတွေပါ ကြုံလာပါတယ်။ ဒါနဲ့ ကော့တ်နေးက အဲလက်ကို ကလေးအထူးကု ၊ သွားဆရာဝန် ၊ အာရုံကြောအထူးကု ၊ နား/နှာချောင်း/လည်ချောင်းအထူးကုဆိုတဲ့ ဆရာဝန်တွေနဲ့ ပြပါတယ်။ စုစုပေါင်း ဆရာဝန် ၁၇ ဦးနဲ့ ပြသခဲ့တာပါ။
ဆရာဝန်တွေက တိကျတဲ့ ရောဂါရှာဖွေမှု မပေးနိုင်ခဲ့သလို ကုသမှုတွေကလည်း သိသိသာသာကြီး မထိရောက်ခဲ့ဘူးလို့ ဆိုပါတယ်။ နောက်တော့ ကြံရာမရဖြစ်ပြီး ကွန်ပျူတာရှေ့ထိုင် ChatGPT ကို သူ့သားရောဂါလက္ခဏာ symptoms တွေ ပြောပြီး မေးပါတယ်။ MRI ရိုက်ထားတာတွေလည်း ပေးပါတယ်။
MRI အချက်အလက်တွေဖတ်ပြီးနောက် ကလေးဖြစ်နေတာ tethered cord symdrome(ကျောရိုးဆစ် အာရုံကြောမကြီးနဲ့ တခြားတစ်သျှူးတွေ ပုံမှန်မဟုတ် တွယ်ဆက်နေတဲ့လက္ခဏာ) ဖြစ်နိုင်တယ်လို့ ChatGPT က ယူဆချက်ထုတ်ပါတယ်။ spinal cord က တစ်သျှူးတွေနဲ့ သွားချိတ်ဆက်နေလို့ နာကျင်မှု ခံစားတာမျိုးပါ။
ChatGPT ဆီက အဖြေထွက်လာပြီးနောက်မှာ ကော့တ်နေးက tethered cord symdrome ခံစားရတဲ့ ကလေးမိခင်တွေ စုဝေးတဲ့ Facebook Group တစ်ခုကို ဝင်ပြီး လေ့လာပါတယ်။ ဒီနောက်မှာ နောက်ထပ်အာရုံကြောခွဲစိတ်ဆရာဝန်တစ်ယောက်နဲ့ သူ့ကလေးကို ထပ်ပြကြည့်ပါတယ်။
ဆရာဝန်က MRI ပုံတွေ ကြည့်ပြီး ChatGPT ပြောသလို ကျောရိုးနဲ့ အာရုံကြောမကြီး ဖွံ့ဖြိုးမှုမမှန်တာကြောင့်လို့ အဖြေထုတ်ပါတယ်။ သေချာအောင် MRI scan တွေ ထပ်ထုတ်ပြီးနောက်မှာ ကလေးကို ကျောရိုးခွဲစိတ်မှု လုပ်ပေးနိုင်ခဲ့ပြီး အခုတော့ သက်သာသွားပြီလို့ ဆိုပါတယ်။
AI တွေက ဆရာဝန်နေရာ အစားထိုးလို့ မရပေမယ့် ရောဂါလက္ခဏာရှာတဲ့နေရာမှာ အလားအလာကောင်းတွေ ရှိတယ်ဆိုတာ ဒီဖြစ်ရပ်က သက်သေပါပဲ။

အိန္ဒိယ App Store မှာ နံပါတ်တစ် app ဖြစ်လာတဲ့ Perplexity
AI သုံးတဲ့ အိန္ဒိယသားတွေတော့ တော်တော်ကို ပျော်နေကြမှာပါ။
မကြာသေးခင်ကပဲ Perplexity က အိန္ဒိယတယ်လီကွန်း Airtel နဲ့ လက်တွဲပါတယ်။ အကျိုးဆက်က ရူပီး ၁၇၀၀၀ (ဒေါ်လာ၂၀၀ တန်) Perplexity Pro ကို Airtel သုံးသူတိုင်း တစ်နှစ် free ရသွားပါတယ်။
အိန္ဒိယက ကမ္ဘာပေါ်မှာ AI အသုံးများဆုံး နိုင်ငံထဲမှာ ပါပါတယ်။ အရင်က ChatGPT free version နဲ့ ပျော်နေတဲ့ အိန္ဒိယ users တွေက Perplexity Pro ကို free သုံးရမှာမို့ စိတ်လှုပ်ရှားနေကြပုံပါပဲ။ Perplextiy ကတော့ အိန္ဒိယ Apple App Store မှာ ChatGPT ကို ကျော်ပြီး လူကြိုက်အများဆုံး နံပါတ်တစ် free App ဖြစ်သွားပါတယ်။
သုတေသနသုံးအတွက် သိပ်ကောင်းတယ်ဆိုတဲ့ Perplexity Pro မှာက GPT- 4.1 , Claude , Grok 4 , Gemini 2.5 စတဲ့ အဆင့်မြင့် AI model တွေထဲ ဝင်သုံးခွင့် ပေးထားသလို ပုံတွေ ဖန်တီးတာမျိုးပါ ရပါတယ်။ တစ်နေ့ကမှ ထွက်ထားတဲ့ Comet AI browser လည်း Pro plan သမားတွေက သုံးခွင့်ရှိပါတယ်။
စိတ်ဝင်စားဖို့ကောင်းတာက Perplexity ကို တည်ထောင်တဲ့သူကလည်း ဘာကလေ ကယ်လီဖိုးနီးယားတက္ကသိုလ်က ကွန်ပျူတာသိပ္ပံ ဒေါက်တာဘွဲ့ရ အသက် ၃၁ နှစ်အရွယ် အိန္ဒိယသားပညာရှင်ပါပဲ။ ၂၀၂၂ မှာ အာရာဗင်း ဆရီနီဗက်စ်က ပါတနာသုံးဦးနဲ့အတူ တည်ထောင်ခဲ့တာပါ။
အဆင့်မြင့် AI ရှာဖွေရေးအင်ဂျင်အဖြစ် စတင်ခဲ့တဲ့ ဒီကုမ္ပဏီက ဝန်ထမ်း ၇၀၀ ခန့်ထားပြီး ပြီးခဲ့တဲ့လထဲမှာ ဒေါ်လာ ၁၄ ဘီလျံတန် လုပ်ငန်းအဖြစ် ရောက်ခဲ့ပါတယ်။

လက်ရှိထက် အင်တာနက် ၁၀ ဆကျော် ပိုမြန်မယ့် Starlink 3.0
Starlink ရဲ့ နောက်မျိုးဆက်ဂြိုလ်တုတွေက အင်တာနက် speed ၁၀ ဆမက ပိုလွှင့်ပေးနိုင်တော့မှာပါ။
မျိုးဆက်သစ်ဂြိုလ်တုတွေနဲ့ အဆင့်မြှင့်မယ့် Starlink 3.0 ဗားရှင်းက ဂြိုလ်တုတစ်ခုကို downlink 1000Gbps (1 Tbps) နဲ့ uplink speed 200Gbps ကျော် ပေးနိုင်မယ်လို့ ဆိုပါတယ်။ ဒါက လက်ရှိ Starlink ဂြိုလ်တုတွေ ပေးနိုင်တဲ့ speed ထက် ၁၀ ဆနဲ့ ၂၄ ဆကျော် ပိုများတာပါ။
၂၀၂၆ က စပြီး ဂြိုလ်တုအင်တာနက်ဝန်ဆောင်မှုကို အဲ့ဒီ မြန်နှုန်းမြင့် ဂြိုလ်တုသစ်တွေနဲ့ အဆင်မြှင့်တင်သွားမှာပါ။ ဂြိုလ်တုသစ်တွေရဲ့ hardware ၊ onboard computers နဲ့ ကြိုးမဲ့အချက်ပြ beamforming နည်းပညာ upgrade မြှင့်တင်မှုက Starlink ဂြိုလ်တုသစ်တစ်ခု လွှင့်တင်တိုင်း ကွန်ရက်ထဲမှာ 60 Tbps capacity အထိ ထပ်ဖြည့်ပေးနိုင်မယ်လို့ ဆိုပါတယ်။
Starlink ဂြိုလ်တုသစ်တွေက ကမ္ဘာပတ်လမ်း ပိုအနိမ့်မှာ လည်ပတ်မှာ ဖြစ်လို့ လိုင်းဆွဲအားကြန့်ကြာမှု latency နည်းပြီး လိုင်းဆွဲအားပိုကောင်းမှာပါ။ ကျေးလက်နဲ့မြို့ပြတွေမှာ တည်ငြိမ်ပြီး မြန်နှုန်းမြင့်တဲ့ ဂြိုလ်တုအင်တာနက်တွေ ပေးနိုင်ပါလိမ့်မယ်။
လောလောဆယ် Starlink က နိုင်ငံပေါင်း ၁၀၀ ကျော်မှာ အသုံးပြုသူ ၆ သန်းကျော်နဲ့ လည်ပတ်နေပါတယ်။ ကမ္ဘာ့အကြီးဆုံးနဲ့ ဖွံ့ဖြိုးမှုအမြန်ဆုံးဖြစ်တဲ့ အင်တာနက်ဈေးကွက်ဖြစ်တဲ့ အိန္ဒိယထဲ ဝင်ဖို့လည်း Starlink က ခွင့်ပြုချက် ရထားပါတယ်။

page schedule post for 120pm

နေ့စဉ်မိုးလေဝသသတင်း
------------------------
(၂၀၂၅ ခုနှစ်၊ ဇူလိုင်လ ၂၃ ရက်နေ့ နံနက် ၇:၀၀ နာရီအချိန် ထုတ်ပြန်ချက်)
---------------------------------------------------------------------
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံလေ အားကောင်းရာမှ အားအလွန် ကောင်းနေပါသည်။
ထူးခြားသည့်အခြေအနေ။ ယနေ့မြန်မာစံတော်ချိန် ၀၅:၃၀ နာရီအချိန် တိုင်းထွာချက်များအရ ဗီယက်နမ်နိုင်ငံကုန်းတွင်းပိုင်းဒေသများကို ဖြတ်ကျော်လျက်ရှိသော အပူပိုင်းမုန်တိုင်း“ဝီဖာ”(WIPHA)သည် အနောက်ဘက်သို့ရွေ့လျားခဲ့ပြီး၊ လာအိုနိုင်ငံပေါ်သို့ ရောက်ရှိခဲ့ကာ ကုန်းတွင်းမုန်တိုင်းငယ်အဖြစ်သို့ အားလျော့သွားခဲ့ပြီးဖြစ်ပါသည်။ အဆိုပါ ကုန်းတွင်းမုန်တိုင်းငယ်မှ ပြတ်ထွက်လာသော တိမ်တိုက်များနှင့် အကြွင်းအကျန်တိမ်တိုက်များကြောင့် ယနေ့နံနက်မှ ၂၅-၇-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေး တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးသည်းထန် ခြင်းနှင့်အတူ လေပြင်းတိုက်ခတ်ခြင်းများ ဖြစ်ပေါ်နိုင်သည်ဟု ခန့်မှန်းရပါသည်။
ယနေ့ညနေအထိခန့်မှန်းချက်။ မကွေးတိုင်းဒေသကြီးနှင့် ချင်းပြည်နယ်တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ် တို့တွင် နေရာအနှံ့အပြား မိုးထစ်ချုန်းရွာပြီး၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်းနှင့် အရှေ့ပိုင်း)တို့တွင် ဒေသ အလိုက်နှင့် နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်နှင့် ရှမ်းပြည်နယ်(မြောက်ပိုင်း) တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ နေပြည်တော်၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီ တိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်း ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာနေရာတစ်လျှောက်တွင် မိုးရွာသွန်း ခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသ ဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် မကြာခဏ မိုးသက်လေပြင်းများကျရောက်ပြီး လှိုင်းအလွန်ကြီးမည်။ မိုးသက်လေပြင်းကျစဉ် ရေပြင်/ မြေပြင်လေသည် တစ်နာရီလျှင် ၄၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၁၄ ပေမှ ၁၆ ပေခန့်ရှိနိုင်ပါသည်။ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်း များကျရောက်ပြီး လှိုင်းကြီးရာမှ လှိုင်းအလွန်ကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်မှ မိုင် ၄၀ အထိ တိုက်ခတ်နိုင်ပါသည်။ လှိုင်းအမြင့်မှာ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၁၁ ပေမှ ၁၄ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်း ဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် မိုးထစ်ချုန်းပြီး ဒေသအလိုက်နှင့် နေရာကွက်၍ မိုးကြီးမည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးအသင့်အတင့် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။