မက်ဂွိုင်းယားကဲ့သို့ ကစားသမားမှာ တန်ဖိုးဖြတ်လို့ မရကြောင်း မိုက်ကယ်ကာရစ် ပြောကြားလာ
===================
မိုက်ကယ်ကာရစ်က ဟယ်ရီမက်ဂွိုင်းယားကဲ့သို့ ကစားသမားမျိုးမှာ တန်ဖိုးဖြတ်လို့ ရတဲ့ ကစားသမားမျိုး မဟုတ်ကြောင်း ပြောကြားလာပါတယ်။

ဒါပေမယ့် ယူနိုက်တက်ယာယီနည်းပြက နွေရာသီတွင် စာချုပ်သက်တမ်းကုန်ဆုံးလာမယ့် မက်ဂွိုင်းယားထံမှ အများကြီး ထွက်ပေါ်လာရန် မျှော်လင့်ကြောင်းလည်း ပြောကြားသွားပါတယ်။

ဗဟိုနောက်ခံလူဟာ မိုက်ကယ်ကာရစ်လက်ထက် ၆ ပွဲဆက် ရှုံးပွဲမရှိမှတ်တမ်း ရရှိအောင် အရေးပါတဲ့ အခန်းကဏ္ဍက ပါဝင်ခဲ့သူ ဖြစ်ပါတယ်။ သူဟာ အဲဗာတန်အား ၁-၀ ဂိုးဖြင့် အနိုင်ရတဲ့ပွဲတွင် အဆုံးအဖြတ်ကစားသမားကဲ့သို့ ခံစစ်တွင် ခြေစွမ်းပြခဲ့သူလည်း ဖြစ်ပါတယ်။

ဒါပေမယ့် ကာရစ်ဟာ မက်ဂွိုင်းယားရဲ့ အနာဂတ်နှင့်ပတ်သက်ပြီး တစုံတရာ မှတ်ချက် မပေးခဲ့ပေမယ့် တန်ဖိုးဖြတ်လို့မရတဲ့ ကစားသမားဖြစ်ကြောင်း ဆိုလာပါတယ်။

အသက် ၄၄ နှစ်ရှိကာရစ်က "အသင်းတစ်သင်း ဟန်ချက်ညီဖို့ ဆိုရင် အလားအလာရှိပြီး စိတ်လှုပ်ရှားစရာကောင်းတဲ့ လူငယ်တွေ လိုချင်တယ်။ ဒါပေမယ့် အထွပ်အထိပ်မှာ ရှိတဲ့ကစားသမားတွေရဲ့ အလယ်မှာ သော့ချက်တစ်ခု လိုအပ်တယ်။ ပြီးတော့ အတွေ့အကြုံကလည်း အရမ်းအရေးကြီးတယ်။ တန်ဖိုးဖြတ်ဖို့ ခက်ပါတယ်။ မက်ဂွိုင်းယားမှာ ဒီကလပ်မှာ အရမ်းကို များပြားတဲ့ အတွေ့အကြုံတွေ ရှိတယ်။ အတွေ့အကြုံရင့်တဲ့ နောက်တစ်ဦးဖြစ်တဲ့ ကက်စ်မီရိုကလည်း ထွက်တော့မယ်။ ဒီတော့ ဒီအခြေအနေကို ကျွန်တော်တို့ နားလည်ဖို့ လိုအပ်တယ်"လို့ ပြောကြားသွားပါတယ်။

အသက် ၃၂ နှစ်ရှိ မက်ဂွိုင်းယားဟာ ယခင်နည်းပြရူဘင်အမိုရမ်လက်ထက်တုန်းကလည်း အရေးပါတဲ့ ကစားသမားဖြစ်ခဲ့သလို ကာရစ်လက်ထက်တွင်လည်း ထိပ်ဆုံးမှ ခြေစွမ်းပြနေသူ ဖြစ်ပါတယ်။

မက်ဂွိုင်းယားမှာ ကစားသမားဘဝ အကောင်းဆုံးပုံစံ ရနေသလားလို့ မေးမြန်းလာချိန်တွင် ကာရစ်က "ဒီနဲ့ပတ်သက်ပြီး ပြောရမယ်ဆိုရင် ငယ်တုန်း ရွယ်တုန်းကတော့ လန်းဆန်းနေတယ်၊ အကြောက်အလန့်မရှိဘူး။ ဒါပေမယ့် တက်လိုက်ကျလိုက် ဖြစ်တယ်။ နောက်ပိုင်းအချိန်တွေမှာတော့ အတွေ့အကြုံက ပိုကောင်းတဲ့ ကစားသမား ဖြစ်လာစေပါတယ်။ အခု မက်ဂွိုင်းယားရဲ့ နောက်ပိုင်းခြေစွမ်းကို မြင်နေရတာပါ။ ဒါကြောင့်လည်း အတွေ့အကြုံက အရမ်းအရေးကြီးတယ်လို့ ဆိုလိုတာပါ။ ကျုပ် အသက် ၃၁ နှစ်၊ ၃၂ နှစ်တုန်းက အကောင်းဆုံးနှစ်တွေ ပိုင်ဆိုင်တုန်းကလည်း ကြံ့ခိုင်မှုပိုင်းအတွက် လုပ်ဖို့ အကောင်းဆုံးအနေအထားမှာ ရှိခဲ့တယ်။ ဒါပေမယ့် ဖြစ်လာမယ့်အရာတွေအတွက် အတွေ့အကြုံကို အသုံးချတယ်"လို့ ပြောကြားသွားပါတယ်။

မက်ဂွိုင်းယားမှာ ယူနိုက်တက်နှင့် ၅ လစာချုပ်သက်တမ်းသာ ကျန်တော့ပေမယ့် အနာဂတ်မှာ မရေမရာ ဖြစ်နေတုန်း ဖြစ်ပါတယ်။

ယူနိုက်တက်အလယ်တန်းကစားသမားဟောင်းလင်ဂတ်ကို ခေါ်ယူရန် ကိုရင်သီယန် ဆွေးနွေးနေ
==================
ယူနိုက်တက်အလယ်တန်းကစားသမားဟောင်းဂျက်စီလင်ဂတ်ဟာ ဘရာဇီးကလပ် ကိုရင်သီယန်သို့ ၁၂ လစာချုပ်ဖြင့် ပြောင်းရွှေ့ရေး ဆွေးနွေးမှုများ ပြုလုပ်နေပါတယ်။

အင်္ဂလန်အလယ်တန်းကစားသမားဟောင်းဟာ ဒီဇင်ဘာလတုန်းက တောင်ကိုရီးယားကလပ် အက်ဖ်စီဆိုးလ်မှ ထွက်ခွာလာပြီးနောက် ကလပ်လက်မဲ့ ဖြစ်နေသူ ဖြစ်ပါတယ်။

အသက် ၃၃ နှစ်ရှိ ကစားသမားဟာ ဥရောပတလွှားကလပ်များနှင့် အမေရိကန်မေဂျာလိဂ်ကလပ်များရဲ့ ကမ်းလှမ်းမှု ရရှိထားပေမယ့်လည်း ကိုရင်သီယန်သို့ ပြောင်းရေးဆွေးနွေးမှုက တိုးတက်နေပါတယ်။

လင်ဂတ်ဟာ ယူနိုက်တက်အကယ်ဒမီထွက်တစ်ဦး ဖြစ်ပြီး ၈ နှစ်တာကာလအတွင်းတွင် ၂၃၂ ပွဲကစားခွင့်ရခဲ့သူလည်း ဖြစ်ပါတယ်။

သူဟာ အင်္ဂလန်အသင်းအတွက် ၃၂ ပွဲကစားခွင့်ရခဲ့ကာ ၂၀၁၈ ကမ္ဘာ့ဖလားဆီမီးဖိုင်နယ်ရောက် အင်္ဂလန်အသင်းတွင် ပါဝင်ခဲ့သူလည်း ဖြစ်ပါတယ်။

ဘရာဇီးအမှတ်ပေးဖလားကို ၇ ကြိမ်ဆွတ်ခူးထားတဲ့ ကိုရင်သီယန်ဟာ ယခုရာသီ ရာသီအစ ၄ ပွဲတွင် ၇ မှတ်ရထားကာ အမှတ်ပေးဇယားအဆင့် ၄ နေရာမှာ ရပ်တည်နေပါတယ်။

လင်ဂတ်ဟာ ကိုရင်သီယန်သို့ ပြောင်းရွှေ့ကစားပါက ယူနိုက်တက်ကစားဖော်ဟောင်းမမ်ဖစ်ဒီပေးနှင့် ပြန်လည်တွဲကစားခွင့် ရရှိလာပါမယ်။

ချန်ပီယံလိဂ်ပြိုင်ဘက် ချဲလ်ဆီး၊ လီဗာပူးနှင့် အပေါင်းပါတို့အား ပီအက်စ်ဂျီနည်းပြလူးဝစ်အန်းနရစ် အပြင်းအထန် သတိပေးလာ
=================
လူးဝစ်အန်းနရစ်က ချန်ပီယံလိဂ် ၁၆ သင်းရောက် အသင်းများမှာ ပီအက်စ်ဂျီကို ကြောက်လန့်လျက်ရှိပြီး မိမိအသင်းမှာ ချန်ပီယံလိဂ်ဖလား ၂ ကြိမ်ဆက် ရရှိရန် ကြိုးပမ်းနေကြောင်း ပြောကြားလာပါတယ်။

လက်ရှိ ချန်ပီယံ ပီအက်စ်ဂျီဟာ ချန်ပီယံလိဂ် ၁၆ သင်း ရှုံးထွက်အဆင့်တွင် ချဲလ်ဆီးနှင့် ရင်ဆိုင်နေပြီး အနိုင်ရရှိပါက ဂါလာတာစာရေးနှင့် လီဗာပူးပွဲစဉ်မှ အသင်းနှင့် ကွာတားဖိုင်နယ်တွင် ရင်ဆိုင်ရမယ်။

ပြီးလျှင် ပီအက်စ်ဂျီဟာ ချန်ပီယံလိဂ် ဆီမီးဖိုင်နယ်တွင် ရီးရဲလ်မက်ဒရစ် (သို့မဟုတ်) မန်စီးတီး (သို့မဟုတ်) ဘိုင်ယန်မြူးနစ် (သို့မဟုတ်) အတ္တလန္တာနှင့် ရင်ဆိုင်ရပါမယ်။

ဒါပေမယ့် လူးဝစ်အန်းနရစ်က "ပြီးခဲ့တဲ့နှစ်တုန်းက အမြင်နဲ့ ကွဲသွားပြီ။ ပြီးခဲ့တဲ့နှစ်တုန်းက ဘယ်သူကမှ ကျွန်တော်တို့ ရမယ်လို့ မထင်ထားကြဘူး။ ဒီကနေ့ လူတိုင်းက ကျွန်တော်တို့ ဒီပြိုင်ပွဲမှာ အနိုင်ရနိုင်တယ်လို့ သိထားကြတယ်။ ဒီတော့ ကျွန်တော်တို့အနေနဲ့ စွမ်းဆောင်ရည် ပိုကောင်းအောင် လုပ်ရမယ်။ ဒီအပေါ်ဘဲ အာရုံစိုက်ရမယ်။ ဒါပေမယ့် အပြုသဘောဆောင်တာ မြင်နေရတယ်။ ကွဲပြားတဲ့ အခြေအနေကို မြင်နေရတယ်"လို့ ဆိုသွားပါတယ်။

ဆက်လက်ပြီး အန်းနရစ်က ပီအက်စ်ဂျီမှာ ချန်ပီယံလိဂ်ဖလား ရလိုပါက အနိုင်ယူရမယ့် အသင်းတစ်သင်း ဖြစ်နေပြီ ဖြစ်ကြောင်းနှင့် အသင်းရဲ့ စိတ်ဓာတ်ပိုင်းမှာလည်း ချန်ပီယံဆုကာကွယ်ရေးအတွက် အလွန်အရေးပါတဲ့သော့ချက်ဖြစ်ကြောင်းလည်း ဆိုသွားပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

( ၂၀၂၆ - မတ် ၂ ၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၅၃၆၀ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၆,၉၀၀,၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၁,၄၀၀,၀၀၀ ကျပ်
ဝယ်ဈေး ၁၁,၃၆၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၁,၀၀၀,၀၀၀ ကျပ်
ဝယ်ဈေး ၁၀,၉၆၀,၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၁,၂၈၀,၀၀၀ ကျပ်
ဝယ်ဈေး ၁၁,၂၄၀,၀၀၀ ကျပ်

-၁၅ ပဲရည် တကျပ်သား
ရောင်းဈေး ၁၀,၈၈၀,၀၀၀ ကျပ်
ဝယ်ဈေး ၁၀,၈၄၀,၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၇ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၀၀၅ ကျပ်
ဝယ်ဈေး - ၃၉၀၅ ကျပ်

-စင်္ကာပူဒေါ်လာ
ရောင်းဈေး - ၃၁၆၀ ကျပ်
ဝယ်ဈေး - ၃၀၈၀ ကျပ်

-ယူရို
ရောင်းဈေး - ၄၇၂၀ ကျပ်
ဝယ်ဈေး - ၄၆၀၀ ကျပ်

-ထိုင်းဘတ်
ရောင်းဈေး - ၁၂၈.၂၁ ကျပ်
ဝယ်ဈေး - ၁၂၅ ကျပ်

-မလေးရှားရင်းဂစ်
ရောင်းဈေး - ၁၀၂၄ ကျပ်
ဝယ်ဈေး - ၉၉၈ ကျပ်

-တရုတ်ယွမ်
ရောင်းဈေး - ၅၈၃ ကျပ်
ဝယ်ဈေး - ၅၆၈ ကျပ်

-ဂျပန်ယန်း
ရောင်းဈေး - ၂၅.၆၂ ကျပ်
ဝယ်ဈေး - ၂၄.၉၈ ကျပ်

-အိန္ဒိယရူပီး
ရောင်းဈေး - ၄၃.၉ ကျပ်
ဝယ်ဈေး - ၄၂.၈ ကျပ်

-ကိုရီးယားဝမ်
ရောင်းဈေး - ၂.၇၆ ကျပ်
ဝယ်ဈေး - ၂.၆၉ ကျပ်

-စတာလင်ပေါင်
ရောင်းဈေး - ၅၃၈၀ ကျပ်
ဝယ်ဈေး - ၅၂၄၅ ကျပ်

-ဩစတြေးလျဒေါ်လာ
ရောင်းဈေး - ၂၈၄၂ ကျပ်
ဝယ်ဈေး - ၂၇၇၁ ကျပ်

-ကနေဒါဒေါ်လာ
ရောင်းဈေး - ၂၉၃၂ ကျပ်
ဝယ်ဈေး - ၂၈၅၉ ကျပ်

-ဟောင်ကောင်ဒေါ်လာ
ရောင်းဈေး - ၅၁၂ ကျပ်
ဝယ်ဈေး - ၄၉၉ ကျပ်

-ယူအေအီး
ရောင်းဈေး - ၁၀၉၀ ကျပ်
ဝယ်ဈေး - ၁၀၆၃ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
******************************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

🔥

ကျောင်းသားဘဝနောက်ဆုံးခုံမှာတူတူထိုင်သော
သူငယ်ချင်းအား စပီကင် မေးသောအခါ