Amazon ရဲ့ မူဝါဒအသစ်၊ ရာထူးတိုးချင်ရင် AI သုံးတတ်ကြောင်း သက်သေပြရမည်။
Amazon လက်အောက်ရှိ Ring နှင့် Blink ကဲ့သို့သော smart-home လုပ်ငန်းစုများတွင် ဝန်ထမ်းများအတွက် မူဝါဒအသစ်တစ်ရပ် ထွက်ပေါ်လာခဲ့သည်။ ထိုမူဝါဒအရ ဝန်ထမ်းများသည် ရာထူးတိုးလျှောက်ထားသည့်အခါ ၎င်းတို့၏လုပ်ငန်းခွင်တွင် Artificial Intelligence (AI) ကို မည်သို့ အသုံးချခဲ့သည်ကို အသေးစိတ်တင်ပြရန် လိုအပ်မည်ဖြစ်သည်။
ရာထူးတိုးလျှောက်ထားသူများသည် AI အသုံးပြုမှုမှတစ်ဆင့် သုံးစွဲသူများအတွက် အတွေ့အကြုံများကို မည်သို့တိုးတက်စေခဲ့ကြောင်း သို့မဟုတ် ကုမ္ပဏီ၏ အတွင်းပိုင်းလုပ်ငန်းဆောင်တာများကို ပိုမိုထိရောက်အောင် မည်သို့လုပ်ဆောင်ခဲ့ကြောင်း ရှင်းလင်းတင်ပြရမည်ဖြစ်သည်။ Ring ကုမ္ပဏီကို တည်ထောင်သူဖြစ်ပြီး လက်ရှိ Amazon ရဲ့ smart-home ဌာနကို ဦးဆောင်နေတဲ့ Jamie Siminoff က ဒီမူဝါဒရဲ့ရည်ရွယ်ချက်ဟာ ဝန်ထမ်းများအကြား "ဆန်းသစ်သော တွေးခေါ်မှု" နှင့် ထိရောက်မှုကို မြှင့်တင်ရန်ဖြစ်ကြောင်း ပြောကြားခဲ့သည်။
သို့သော် တစ်ဖက်တွင်လည်း Amazon CEO အန်ဒီ ဂျက်ဆီ (Andy Jassy) က AI နည်းပညာကြောင့် လာမည့်နှစ်များတွင် ကုမ္ပဏီ၏ ဝန်ထမ်းအင်အားကို လျှော့ချသွားမည်ဖြစ်ကြောင်း အတိအလင်း သတိပေးထားချိန်နှင့် တိုက်ဆိုင်နေသည်။ လက်တွေ့တွင်လည်း Amazon သည် cloud-computing ကဲ့သို့သော ဌာနများတွင် ဝန်ထမ်းရာပေါင်းများစွာကို အလုပ်မှလျှော့ချမှုများ ပြုလုပ်နေပြီးဖြစ်သည်။
ဤအခြေအနေသည် နည်းပညာကုမ္ပဏီကြီးများတွင် AI သည် အလုပ်အကိုင်အခွင့်အလမ်းအသစ်များ ဖန်တီးပေးသလို၊ တစ်ချိန်တည်းမှာပင် လက်ရှိအလုပ်နေရာများကို အစားထိုးနိုင်သည့် အလားအလာကိုပါ မီးမောင်းထိုးပြနေသည်။

ChatGPT ကို စိန်ခေါ်မည့် ဗီယက်နမ်၊ ပြည်တွင်း AI ဖြင့် ကမ္ဘာ့ထိပ်တန်းအဆင့်သို့ ထိုးဖောက်
ကမ္ဘာ့ AI နည်းပညာလောကကို ChatGPT ကဲ့သို့သော နည်းပညာဘီလူးကြီးများက ကြီးစိုးထားချိန်တွင်၊ ဗီယက်နမ်နိုင်ငံသည် အစိုးရ၏ခိုင်မာသောပံ့ပိုးမှု၊ နိုင်ငံတကာရင်းနှီးမြှုပ်နှံမှုများနှင့် ပြည်တွင်းမှထက်မြက်သော နည်းပညာရှင်များကို ပေါင်းစပ်ကာ ၎င်း၏ကိုယ်ပိုင် “Made in Vietnam” AI နည်းပညာများကို အရှိန်အဟုန်ဖြင့် ဖွံ့ဖြိုးတိုးတက်စေလျက်ရှိသည်။
အစိုးရ၏ ကြီးမားသော AI ရည်မှန်းချက်
ဗီယက်နမ်အစိုးရသည် ၂၀၃၀ ခုနှစ်တွင် AI နည်းပညာ သုတေသန၊ ဖွံ့ဖြိုးတိုးတက်မှုနှင့် လက်တွေ့အသုံးချမှုတို့တွင် အာဆီယံ၏ ထိပ်တန်း ၄ နိုင်ငံနှင့် ကမ္ဘာ့ထိပ်တန်း နိုင်ငံ ၅၀ စာရင်းသို့ ဝင်ရောက်ရန် ရည်မှန်းချက်ကြီးကြီးဖြင့် “အမျိုးသား AI မဟာဗျူဟာ” ကို ချမှတ်ထားသည်။ ဤရည်မှန်းချက်ကို အကောင်အထည်ဖော်ရန်အတွက် အမျိုးသားအဆင့် ဒေတာစင်တာများ တည်ထောင်ခြင်း၊ အများပြည်သူဆိုင်ရာ ဒေတာများကို ပွင့်လင်းစွာမျှဝေခြင်းနှင့် AI ဖွံ့ဖြိုးတိုးတက်မှုကို အားပေးသည့် ဥပဒေမူဘောင်များ ချမှတ်ခြင်းတို့ကို လုပ်ဆောင်နေသည်။
အရှိန်အဟုန်ဖြင့် ကြီးထွားလာသော ပြည်တွင်း AI လောက
၁။ Startup များ၏ ထိုးတက်လာမှု
၂၀၂၁ ခုနှစ်တွင် AI အခြေပြု Startup ကုမ္ပဏီ ၆၀ ခန့်သာရှိရာမှ ၂၀၂၄ ခုနှစ်တွင် ၃၀၀ နီးပါးအထိ ၅ ဆ တိုးတက်လာခဲ့ပြီး၊ အရှေ့တောင်အာရှတွင် စင်ကာပူပြီးလျှင် ဒုတိယနေရာတွင် ရပ်တည်နေသည်။
၂။ ရင်းနှီးမြှုပ်နှံမှုများ စီးဝင်လာခြင်း
ဗီယက်နမ်၏ AI ဈေးကွက်သည် ၂၀၂၂ ခုနှစ်တွင် အမေရိကန်ဒေါ်လာ ၄၇၀ သန်းတန်ဖိုးရှိခဲ့ရာမှ ၂၀၃၀ တွင် ဒေါ်လာ ၁.၅၂ ဘီလီယံအထိ တိုးတက်လာမည်ဟု ခန့်မှန်းထားသည်။ NVIDIA နှင့် Qualcomm ကဲ့သို့သော ကမ္ဘာ့နည်းပညာကုမ္ပဏီကြီးများက ဗီယက်နမ်တွင် AI သုတေသနစင်တာများ တည်ထောင်ရန် ရင်းနှီးမြှုပ်နှံနေကြသည်။
၃။ ပြည်တွင်းသုံး AI များ ဖန်တီးခြင်း
ဗီယက်နမ်ကုမ္ပဏီများက ကျန်းမာရေး၊ စိုက်ပျိုးရေးနှင့် ဘဏ္ဍာရေးကဲ့သို့သော ကဏ္ဍများအတွက် ဗီယက်နမ်ဘာသာစကားနှင့် ယဉ်ကျေးမှုကို နားလည်နိုင်သော ကိုယ်ပိုင် AI များကို အဓိကထား ဖန်တီးနေကြသည်။
ChatGPT ကို စိန်ခေါ်မည့် ဗီယက်နမ်ဘာသာစကားမော်ဒယ်
ChatGPT ကဲ့သို့သော AI များသည် ဗီယက်နမ်ဘာသာစကား၏ ရှုပ်ထွေးမှုနှင့် ယဉ်ကျေးမှုနောက်ခံကို အပြည့်အဝနားလည်နိုင်ခြင်းမရှိသေးပါ။ ဤကွာဟချက်ကို ဖြည့်ဆည်းရန်၊ Meta နှင့် NVIDIA ကဲ့သို့သော ကုမ္ပဏီကြီးများနှင့် ပူးပေါင်းကာ ViGen ဟုခေါ်သော အရည်အသွေးမြင့် ဗီယက်နမ်ဘာသာစကား Dataset များကို တည်ဆောက်သည့် စီမံကိန်းကို လုပ်ဆောင်လျက်ရှိသည်။ ၎င်းသည် ဗီယက်နမ်လူမျိုးများအတွက် ပိုမိုတိကျပြီး အသုံးဝင်သော AI များကို ဖန်တီးနိုင်ရန် အဓိကသော့ချက်ဖြစ်လာမည်ဖြစ်သည်။
အချုပ်အားဖြင့်ဆိုရသော် ဗီယက်နမ်နိုင်ငံသည် အစိုးရ၊ ပုဂ္ဂလိကနှင့် နိုင်ငံတကာပူးပေါင်းမှုများမှတစ်ဆင့် ၎င်း၏ ကိုယ်ပိုင် AI အင်အားကို တည်ဆောက်လျက်ရှိပြီး၊ ChatGPT ကဲ့သို့သော နည်းပညာဘီလူးကြီးများ၏ ဈေးကွက်ဝေစုကို စိန်ခေါ်ရန် အသင့်ပြင်နေပြီဖြစ်သည်။

coding ပြိုင်ပွဲမှာ OpenAI ကို ပိုလန်ပရိုဂရမ်မာ အနိုင်ရ
AI တွေ အကျွမ်းဆုံးဆိုတဲ့ coding မှာ လူက AI ကို နိုင်သွားတာ ဝမ်းသာစရာပါပဲ။
AI ကို coding contest မှာ နိုင်သွားတဲ့ programmer က Psyho လို့ နာမည်ပေးထားတဲ့ ပိုလန်သား ပါဇီမီဆော ဒီဘိခ်ပါ။ ရှုံးသွားတဲ့ AI က နာမည်ကျော် OpenAI tool ဖြစ်လို့ OpenAI CEO ဆမ်အော့တ်မန်ကတောင် နိုင်သွားတဲ့ပရိုဂရမ်မာကို X ပေါ်မှာ ချီးကျူးစာရေးခဲ့ပါတယ်။
ပြိုင်ခဲ့တဲ့ ပွဲက တိုကျိုမှာ ကျင်းပသွားတဲ့ ကမ္ဘာ့အဆင့် AtCoder World Tour Finals 2025 Heuristic Contest ပါ။ AtCoder ဆိုတဲ့ ဂျပန် coding platform အစီအစဉ်နဲ့ ထိပ်တန်း programmer တွေ ဖိတ်ခေါ်ပြီး ကျင်းပတဲ့ နှစ်စဉ်ပွဲပါ။ ဖိတ်ခေါ်ပြိုင်ပွဲမှာ တစ်နှစ်လုံး အကောင်းဆုံးစွမ်းဆောင်ရည် ပြနိုင်တဲ့ programmer ၁၂ ဦး ပါဝင်ပြိး ၁၀ နာရီကြာ ယှဉ်ပြိုင်ရပါတယ်။
ဒီနှစ်တိုကျို AtCoder World Tour မှာ ထူးခြားတာတစ်ခုက programmers တွေနဲ့ AI ပြိုင်တဲ့ ပွဲတစ်ပွဲလည်း ထည့်လာတာပါ။ အဲ့ဒီပွဲကိုတော့ OpenAI က စပွန်ဆာပေးပါတယ်။ AI ဘက်က OpenAI ရဲ့ OpenAIAHC မော်ဒယ် ဝင်ပြိုင်ပါတယ်။
AI နဲ့ လူပြိုင်ပွဲက တော်တော်ပြင်းထန်ပါတယ်။ နိုင်သွားတဲ့ Psyho လည်း ခြေကုန်လက်ပန်းကျအောင် ရုန်းကန်ခဲ့ရတာပါ။ လက်လျှော့ဖို့တောင် စဉ်းစားမိတဲ့အထိလို့ ဆိုပါတယ်။
"တအားပင်ပန်းသွားတာ။ ခဏလောက်ဖြစ်ဖြစ် break ယူသင့်တယ်လို့တောင် ခံစားမိတယ်။ ဒါပေမယ့် တချိန်တည်းမှာပဲ AI မော်ဒယ်နဲ့ အမှတ်ချင်းကလည်း အရမ်းကပ်နေခဲ့တယ်။ ကျွန်တော့်မှာ ရှိသမျှ ၁၀၀% ထုတ်သုံးပြီး ဆက်သွားနိုင်အောင် လုပ်ခဲ့ရတယ်။"
AI ရဲ့ဖိအားကြောင့်သာ အခုလောက် အမှတ်အများကြီး ထွက်ခဲ့တာလို့လည်း Psyho က ဝန်ခံပါတယ်။ နောက်ဆုံး final contest မှာ Psyho က အမှတ်ပေါင်း 1,812,272,558,909 နဲ့ ပထမ ၊ OpenAIAHC က 1,654,675,725,406 နဲ့ ဒုတိယရခဲ့ပါတယ်။
ဒီပြိုင်ပွဲမှာ လူက AI ကို အနိုင်ရပေမယ့် OpenAI မော်ဒယ်ရဲ့ နောက်မှာ အတော်ဆုံး programmer ၁၁ ဦးရှိနေတာကို သတိပြုဖို့တော့ လိုပါတယ်။ AI တွေရဲ့ ဖွံ့ဖြိုးမှုက အရမ်းမြန်ပါတယ်။ အခုနှစ်မှာ AI ကို လူက အနိုင်ရပေမယ့် နောက်နှစ်တွေမှာ ပြိုင်ပွဲရဲ့ ချန်ပီယံဟာ AI ဖြစ်သွားနိုင်ပါတယ်။

Perplexity browser သစ်ကြောင့် အလုပ်ပြုတ်မယ့် လူ ၂ မျိုး
agentic search ပါတဲ့ AI browser တစ်ခုက ကုမ္ပဏီတိုင်းမှာ သုံးနေတဲ့ ကော်လာဖြူဝန်ထမ်းနှစ်မျိုးကို အစားထိုးဖို့ ပြင်နေပါတယ်။
အဲ့ဒီ browser က Perplexity AI က ထုတ်ထားတဲ့ Comet ပါ။ Comet browser ဆိုတာက screen ပေါ်မှာ မနားတမ်းအလုပ်လုပ်နေတဲ့ ဒီဂျစ်တယ်အလုပ်သမားတစ်ယောက်လို လူခိုင်းတာတွေကို သူ့ဟာသူ အလိုအလျောက်အလုပ်လုပ်နိုင်တဲ့ browser ပါ။
မြင်လွယ်အောင်ပြောရရင် တစ်နေ့က ထွက်ထားတဲ့ OpenAI Agent လိုမျိုးပါ။ အင်တာနက်ပေါ်က website ပေါင်းစုံထဲ ဝင်မွှေနိုင်တဲ့ agentic tools တွေပါမယ်။ users သိချင်တာကို ဖြစ်နိုင်ခြေရှိတဲ့ links တွေချည်း ချမပေးတော့ဘဲ ရှာထားတဲ့ သတင်းအချက်အလက်တွေထဲက users လိုချင်တာနဲ့ အဆက်အစပ်အရှိဆုံးဆိုတဲ့ soruces တွေ စုစည်းပြီး ပြောပေးမယ်။
လိုအပ်ရင် စာတစ်ပုဒ်လုံး ၊ website page တစ်ခုလုံးကို အနှစ်ချုပ်ပေးမယ်။ ထပ်ပြီး အသေးစိတ် သိချင်သေးရင် chat interface ကနေ Comet Assistant က လူနဲ့ အပြန်အလှန်စကားပြောပြီး ဆွေးနွေးပေးမယ်။ ပြက္ခဒိန်ထဲမှာ ထည့်ထားတဲ့ လုပ်ရမယ့်ကိစ္စတွေ သတိပေးမယ် ၊ သူကိုယ်တိုင် လုပ်ရမှာဆို ဝင်လုပ်မယ်။
အပေါ်မှာ ပြောခဲ့သလို ဒီ browser က ကိုယ့်နောက်ကွယ်ကနေ ကိုယ့်အလုပ်တွေ မနားတမ်းလုပ်ပေးမယ့် ဒီဂျစ်တယ်ဝန်ထမ်းမျိုးပါ။ ဒီဝန်ထမ်းက ကုမ္ပဏီတိုင်း မဖြစ်မနေ သုံးကြတဲ့ white-collar ဝန်ထမ်းနှစ်မျိုးကို အစားထိုးမယ်လို့ Perplexity CEO အာရာဗင်း ဆရီနီဗက်စ်က ပြောလိုက်ပါတယ်။
အဲ့ဒီဝန်ထမ်းနေရာတွေက ရုံးပိုင်းအကူ Admin Assistant နဲ့ ဝန်ထမ်းရှာဖွေရေးဘက်က recruiters တွေပဲလို့ ဆိုပါတယ်။ ဒါက လက်ရှိ Comet အစွမ်းနဲ့ အလုပ်နေရာပျောက်နိုင်တဲ့ ရာထူးနေရာတွေပါ။ နောက်ပိုင်း AI နည်းပညာတွေမှာ နောက်ထပ်အလုပ်တွေလည်း ခြိမ်းခြောက်ခံလာရနိုင်ပါတယ်။
Comet က လောလောဆယ် Perplexity ကို တစ်လဒေါ်လာ ၂၀၀ Premium plan ပေးသုံးသူတွေအတွက်ပဲ ထွက်ထားပါတယ်။

Clear Linux OS ပရောဂျက် Intel ရပ်ဆိုင်း
ကုန်ကျစရိတ်တွေ လိုက်လျှော့နေတဲ့ Intel က ကုမ္ပဏီရဲ့ နာမည်ကျော် ပရောဂျက်တစ်ခုပါ ဖျက်သိမ်းလိုက်ပါတယ်။
x86-64 လို့ခေါ်တဲ့ 64-bit CPU architecture တွေအတွက် ဆယ်စုနှစ်ချီ တည်ဆောက်ခဲ့တဲ့ စွမ်းရည်မြင့် Clear Linux ဆော့ဖ်ဝဲလ်ကို ရပ်ဆိုင်းလိုက်တာပါ။ Clear Linux နဲ့ ပတ်သက်လို့ update တွေ ၊ security patches တွေ ဆက်ရှိမှာ မဟုတ်တော့ပါဘူး။
GitHub ပေါ်က Clear Linux OS repository ကတော့ read-only mode နဲ့ပဲ ရှိတော့မှာပါ။ Clear Linux distribution ကို ရုတ်တရပ်ကြီး ရပ်ပစ်လိုက်တဲ့ အကြောင်းရင်းလည်း ကုမ္ပဏီဘက်က ပြောမထားပါဘူး။ Clear Linux OS ကို သုံးနေတဲ့သူတွေအနေနဲ့ တခြား Linux distribution တစ်ခုဆီ ရွှေ့ပြောင်းဖို့ ပြောထားပါတယ်။
နာမည်ကျော် open-soruce OS တစ်ခုဖြစ်တဲ့ Linux Kernel ကို ဖင်လန်နိုင်ငံသား ဆော့ဖ်ဝဲလ်အင်ဂျင်နီယာ လင်းနပ်စ် ထော်ဗဲလ်က ဖန်တီးခဲ့တာပါ။ source code ကို ဘယ်သူမဆို ယူပြီး စိတ်ကြိုက်ပြင်ဆင် ဖြန့်ဖြူးခွင့်လည်း ရှိပါတယ်။ Linux Kernel ဖွံ့ဖြိုးရေးမှာ developers တွေနဲ့ ကုမ္ပဏီတွေ ပါဝင်ခဲ့ပြီး Intel လည်း ဒီထဲကတစ်ခု ဖြစ်ခဲ့တာပါ။
Clear Linux ကို Intel က ဒေတာစင်တာနဲ့ ဆာဗာတွေမှာ အကောင်းဆုံး စွမ်းဆောင်ရည်နဲ့ အလုပ်လုပ်နိုင်အောင် aggressive GCC ၊ Clang flags တို့လို compiler optimization တွေနဲ့ လက်တွေ့ workloads ပေါ် အခြေခံပြီး တွက်ချက်လုပ်ဆောင်မှုတွေကို ချောမွေ့စေတဲ့ profile-guided (PGO) နဲ့ link-time optimization (LTO) တွေကို system တစ်ခွင်လုံး သုံးပါတယ်။
Clear Linux က Intel hardware တွေပေါ်တင် မဟုတ်ဘဲ AMD ပလက်ဖောင်းတွေမှာပါ စွမ်းရည်မြင့် ရလဒ်ကောင်းတွေ ပြခဲ့တယ်လို့ ဆိုပါတယ်။ Intel အနေနဲ့ Clear Linux OS အဖွဲ့ကို ဖျက်လိုက်ပေမယ့် Linux ecosystem မှာ အပြည့်အဝ ဆက်လက်ပါဝင်ပံ့ပိုးသွားမယ်လို့ ပြောပါတယ်။
AI နဲ့ ချပ်စ်ဈေးကွက်ထဲမှာ အလူးအလဲဖြစ်လာတဲ့ Intel ဟာ ပြန်ဦးမော့လာဖို့ ကုန်ကျစရိတ်ဖြတ်တောက်နေသလို ဝန်ထမ်းထောင်ချီ အလုပ်လျှော့နေပါတယ်။ Intel က ဒီလထဲမှာ လူပေါင်း ၅၀၀၀ ကျော် အလုပ်ဖြုတ်ပြီး ကုမ္ပဏီကို ပြန်ဖွဲ့စည်းနေပါတယ်။

ဆရာဝန် ၁၇ ဦး လက်မှိုင်ချရတဲ့ ရောဂါပြစ်ချက်ကို ChatGPT က ရှာတွေ့ခဲ့
အဲလက်လို့ ခေါ်တဲ့ လေးနှစ်အရွယ်ကလေးတစ်ယောက်က ပြင်းထန်တဲ့ သွားကိုက်ဝေဒနာ ခံစားခဲ့ရပါတယ်။
ကလေးက နာလွန်းမကနာတဲ့အခါ အမေဖြစ်တဲ့ ကော့တ်နေးက ကလေးကို Mortrin ဆိုတဲ့ အကိုက်အခဲပျောက်ဆေးတစ်မျိုး ပေးရပါတယ်။ ဆေးသောက်မှ သက်သာသွားတာပါ။ အဲလက်လေးက ၃ နှစ်ကျော်ကြာအောင် နာကျင်ကိုက်ခဲမှုဝေဒနာကို ခံစားနေရတာပါ။
အဲလက်လေးဟာ တွေ့ကရာတွေ လိုက်ကိုက်နေတဲ့အပြင် ဘယ်ညာကိုယ်နေဟန်ထား မမှန်တာတွေ နဲ့ ဖွံ့ဖြိုးမှုရပ်တန့်တာတွေပါ ကြုံလာပါတယ်။ ဒါနဲ့ ကော့တ်နေးက အဲလက်ကို ကလေးအထူးကု ၊ သွားဆရာဝန် ၊ အာရုံကြောအထူးကု ၊ နား/နှာချောင်း/လည်ချောင်းအထူးကုဆိုတဲ့ ဆရာဝန်တွေနဲ့ ပြပါတယ်။ စုစုပေါင်း ဆရာဝန် ၁၇ ဦးနဲ့ ပြသခဲ့တာပါ။
ဆရာဝန်တွေက တိကျတဲ့ ရောဂါရှာဖွေမှု မပေးနိုင်ခဲ့သလို ကုသမှုတွေကလည်း သိသိသာသာကြီး မထိရောက်ခဲ့ဘူးလို့ ဆိုပါတယ်။ နောက်တော့ ကြံရာမရဖြစ်ပြီး ကွန်ပျူတာရှေ့ထိုင် ChatGPT ကို သူ့သားရောဂါလက္ခဏာ symptoms တွေ ပြောပြီး မေးပါတယ်။ MRI ရိုက်ထားတာတွေလည်း ပေးပါတယ်။
MRI အချက်အလက်တွေဖတ်ပြီးနောက် ကလေးဖြစ်နေတာ tethered cord symdrome(ကျောရိုးဆစ် အာရုံကြောမကြီးနဲ့ တခြားတစ်သျှူးတွေ ပုံမှန်မဟုတ် တွယ်ဆက်နေတဲ့လက္ခဏာ) ဖြစ်နိုင်တယ်လို့ ChatGPT က ယူဆချက်ထုတ်ပါတယ်။ spinal cord က တစ်သျှူးတွေနဲ့ သွားချိတ်ဆက်နေလို့ နာကျင်မှု ခံစားတာမျိုးပါ။
ChatGPT ဆီက အဖြေထွက်လာပြီးနောက်မှာ ကော့တ်နေးက tethered cord symdrome ခံစားရတဲ့ ကလေးမိခင်တွေ စုဝေးတဲ့ Facebook Group တစ်ခုကို ဝင်ပြီး လေ့လာပါတယ်။ ဒီနောက်မှာ နောက်ထပ်အာရုံကြောခွဲစိတ်ဆရာဝန်တစ်ယောက်နဲ့ သူ့ကလေးကို ထပ်ပြကြည့်ပါတယ်။
ဆရာဝန်က MRI ပုံတွေ ကြည့်ပြီး ChatGPT ပြောသလို ကျောရိုးနဲ့ အာရုံကြောမကြီး ဖွံ့ဖြိုးမှုမမှန်တာကြောင့်လို့ အဖြေထုတ်ပါတယ်။ သေချာအောင် MRI scan တွေ ထပ်ထုတ်ပြီးနောက်မှာ ကလေးကို ကျောရိုးခွဲစိတ်မှု လုပ်ပေးနိုင်ခဲ့ပြီး အခုတော့ သက်သာသွားပြီလို့ ဆိုပါတယ်။
AI တွေက ဆရာဝန်နေရာ အစားထိုးလို့ မရပေမယ့် ရောဂါလက္ခဏာရှာတဲ့နေရာမှာ အလားအလာကောင်းတွေ ရှိတယ်ဆိုတာ ဒီဖြစ်ရပ်က သက်သေပါပဲ။

TRANSFER : တိုက်စစ်မှူးရှာဖွေတော်ပုံဖွင့်နေသည့် မန်ယူနိုက်တက်တက်သည် လိုက်ပ်ဇစ်တိုက်စစ်မှူး ရှက်ရှ်ကိုအား ခေါ်ယူရေးအတွက် အသင်းတွင်း ဆွေးနွေးမှုများ ပြုလုပ်လျက်ရှိသည်။
မန်ယူနိုက်တက်၏ လူခေါ်ယူစုဆောင်းရေး ဒါရိုက်တာဖြစ်သူ ဗီဗဲလ်သည် ရှက်ရှ်ကိုအား ကောင်းစွာသိပြီး ဆွေးနွေးမှုများ ဆောင်ရွက်နေခြင်း ဖြစ်သည်။ 🔴
[FabrizioRomano]

🚨🏴󠁧󠁢󠁥󠁮󠁧󠁿 𝐎𝐅𝐅𝐈𝐂𝐈𝐀𝐋
2025-26 ရာသီအတွက် အာဆင်နယ်အသင်းရဲ့ အဝေးကွင်းဂျာစီသစ်

• ဂျူဗင်တပ်စ်အသင်းဟာ Mbangula နဲ့ Weah တို့ကိုရောင်းချပြီးနောက် ဆန်ချိုကိုဝယ်ယူဖို့ ယူရို 18 သန်းကမ်းလှမ်းနိုင်တော့မှာဖြစ်ပြီး ကစားသမားအတွက် တစ်ရာသီ ပေါင် 6 သန်းလစာကိုလည်းပေးချေဖို့ငွေအလုံအလောက်ရရှိသွားပါပြီ ✅👀

[sportmediaset]🌗

"ကျွန်တော် နွေစျေးကွက်အတွင်း အင်္ဂလန်က ကမ်းလှမ်းမှုတွေအများကြီးရခဲ့ပေမယ့် ပယ်ချခဲ့ပါတယ်။ ဘာလို့ဆို အင်္ဂလန်မှာ မန်ချက်စတာယူနိုက်တက်ကလွဲပြီး တခြားအသင်းမှာ သွားမကစားချင်တော့လို့ပါ။ အခု ဖီအိုရင်တီးနားမှာ ပျော်နေပြီး ဒီမှာပဲဆက်နေချင်ပါတယ်" ❤️
🗣️ဒီဂီယာ