ကမ္ဘာ့ဖလားဗိုလ်လုပွဲအား ကိုင်တွယ်ပြီးနောက် ဘောလုံးလောကမှ ဒိုင်လူကြီး အနားယူလာ
==================
ဆလပ်ဗ်ကိုဗင်းဆင့်ဟာ ကမ္ဘာ့ဖလားဗိုလ်လုပွဲအား ကိုင်တွယ်ပြီး ရက်အနည်းငယ်အကြာတွင်ပင် ဘောလုံးလောကမှ အနားယူလာပါတယ်။
ဗင်းဆင့်ဟာ နယူးဂျာစီတွင် စပိန်က လက်ရှိချန်ပီယံ အာဂျင်တီးနားအား အနိုင်ယူကာ ၂ ကြိမ်မြောက် ကမ္ဘာ့ဖလားချန်ပီယံဖြစ်သွားတဲ့ပွဲကို ကြီးကြပ်ခဲ့သူလည်း ဖြစ်ပါတယ်။
ဒါပေမဲ့ အဆိုပါပွဲစဉ်အပြီးတွင် အာဂျင်တီးနားကစားသမားများရဲ့ ရန်လိုတဲ့ အပြုအမူများကြောင့် ရုန်းရင်းဆန်ခတ်ဖြစ်ကာ အကျည်းတန်ခဲ့ရပါတယ်။
လီယန်ဒရိုပါရီဒက်စ်မှာ ဂါဗီနှင့် အဲရစ်ဂါစီယာတို့အား တိုက်ခိုက်မှုအတွက် အနီကတ်ပြသခြင်းခံခဲ့ရပါတယ်။
မန်စီးတီးစတားရိုဒရီမှာလည်း အော့တာမန်ဒီနှင့် နာဟူရယ်မိုလီနာတို့ရဲ့ ရန်မူခြင်းခံခဲ့ရပါတယ်။
ယခုအခါမှာတော့ ယင်းပွဲကို ကိုင်တွယ်ခဲ့တဲ့ အသက်၄၆ နှစ်ရှိ ဗင်းဆင့်ဟာ ကမ္ဘာ့ဖလားဗိုလ်လုပွဲအား နောက်ဆုံးပွဲအဖြစ် ကိုင်တွယ်ကာ ဘောလုံးလောကမှ အနားယူလာပြီ ဖြစ်ပါတယ်။
ဗင်းဆင့်ဟာ ဖရန့်ဖတ်နှင့် ရိန်းဂျားတို့ရဲ့ ၂၀၂၂ ခုနှစ် ယူရိုပါလိဂ်ဗိုလ်လုပွဲနှင့် ရီးရဲလ်မက်ဒရစ်နှင့် ဒေါမွန်တို့ရဲ့ ၂၀၂၄ ခုနှစ် ချန်ပီယံလိဂ်ဗိုလ်လုပွဲတို့ကိုလည်း ကြီးကြပ်ခဲ့ဖူးသူ ဖြစ်ပါတယ်။
သူဟာ ၂၀၂၀ ခုနှစ် မေလတုန်းက ဘော့စနီးယားတွင် စီးပွားရေးပွဲတစ်ခုသို့ တက်ရောက်စဉ် မူးယစ်ဆေးဝါးနှင့် ပြည့်တန်ဆာစီးနင်းမှုနှင့် ကြုံခဲ့ရကာ မျက်မြင်သက်သေအဖြစ် စစ်ဆေးမေးမြန်းခြင်းခံခဲ့ရဖူးပါတယ်။
