မိုးအေးအေးနဲ့ ချဉ်ချဉ်စပ်စပ်ပဲကြာဆံဆီချက်အစပ်လေး လုပ်စားကြည့်ကြရအောင်နော်။
ပဲကြာဆံဆီချက်အစပ်
ပါဝင်ပစ္စည်း
ပဲကြာဆံ - ၃ ထုပ် (ရေစိမ်ထားပါ)
ကြက်ဥ - ၁ လုံး (ကြော်ထားပါ)
ကြက်သွန်ဖြူ - ၆ မြွှာ (နုပ်နုပ်စဉ်းပါ)
ကြက်သွန်မြိတ် - အနည်းငယ် (ပါးပါးလှီးပါ)
ပုစွန် - ၂ ကောင် (ကြော်ထားပါ)
ငရုတ်သီးမှုန့် - စားပွဲဇွန်း ၁ ဇွန်း
ငရုတ်သီးအနှစ် - လက်ဖက်ရည်ဇွန်း ၁ ဇွန်း
နှမ်း - စားပွဲဇွန်း ၁ ဇွန်း
ပဲငံပြာရည်အကြည် - စားပွဲဇွန်း ၂ ဇွန်း
ရှလကာရည် - လက်ဖက်ရည်ဇွန်း ၁ ဇွန်း
ဆီအပူ - စားပွဲဇွန်း ၃ ဇွန်း
သခွားသီး - ၁၂ ဂရမ် (ပါးပါးလှီးပါ)
ပြုလုပ်နည်း
ပဲကြာဆံကို ၁၅ မိနစ်ခန့် ရေစိမ်ပါ။ ပြီးလျှင် ရေစိမ်ထားတဲ့ ပဲကြာဆံကို ရေနွေးဆူဆူမှာ ထည့်ပြုတ်ပါ။ ပြီးရင် ဆယ်ပြီး စစ်ထားပါ။
ပါဝင်ပစ္စည်းများအားလုံးပြင်ဆင်ပြီးပြီဆိုလျှင် သုပ်မယ့် ဇလုံထဲ ကြက်သွန်ဖြူ၊ ငရုတ်သီးမှုန့်၊ ငရုတ်သီးအနှစ်၊ နှမ်း၊ ပဲငံပြာရည်အကြည်၊ ရှလကာရည်တို့ကို ထည့်ပြီး အပေါ်မှ ဆီအပူကို လောင်းထည့်ပါ။ ပဲကြာဆံ ထည့်ပြီး သမအောင် နယ်ပါ။ ကြက်သွန်မြိတ်ဖြူးပါ။ ပြီးလျှင် သခွားသီး၊ ကြော်ထားတဲ့ပုစွန်၊ ကြက်ဥကြော်တို့နဲ့ တွဲဖက်သုံးဆောင်နိုင်ပါပြီ။

အမြဲတမ်းသဘောကောင်းတယ်ဆိုတာ
စိတ်ဓာတ် မသန်မာလို့ပါ။
လူဆိုတာ သဘောကောင်းရမယ်။
ဒါပေမယ့် အမြဲတမ်းသဘောကောင်းနေရင် ရေရှည်မှာ ကိုယ့်အတွက် အကျိုးမရှိစေဘူး။ သဘောကောင်းလွန်းရင် အနိုင်ကျင့်ခံရတတ်တယ်၊ ကိုယ့်ရဲ့သဘောကောင်းတဲ့စိတ်ကို အသုံးချခံရတတ်တယ်။ များသောအားဖြင့် သဘောကောင်းလွန်းတဲ့လူကို လူတွေက ပျော့ညံ့တယ်လို့ ထင်တတ်ကြတယ်၊ တကယ်တော့ သဘောကောင်းတယ်ဆိုတာ အမြဲတမ်း ( Positive Thinking) အကောင်းဘက်က တွေးတာ ၊ ဆက်ဆံရေးတွေကို တန်ဖိုးထားတာမျိုးပါ။
စိတ်ထားကောင်းတယ်ဆိုတာကတော့ (Good Attitude) ကိုယ့်စိတ်ရဲ့ အဆင့်အတန်းပါ။ သူတစ်ပါးကို ထိခိုက်အောင် မတွေးတာ ၊ မလုပ်တာ ၊ ယုတ်မာကောက်ကျစ်တဲ့စိတ်မရှိတာ ၊ မတရားပြောဆိုလုပ်ကိုင်တာမျိုးမရှိတာ ၊ အပုပ်ချတာမျိုး မရှိတာ ၊ သနားကြင်နာတတ်တာ၊ ကူညီဖေးမ တတ်တာ ဒီလိုမျိုးကို ဆိုလိုတာပါ။
ဒီနှစ်ခုရဲ့ ကွာခြားချက်ကို တိတိကျကျ သိထားရမယ်။ ဒါမှ ကိုယ်က သဘောကောင်းလွန်းနေတာလား ၊ စိတ်ထားကောင်းတာလား ဆိုတာ ကွဲကွဲပြားပြား သိလိမ့်မယ်။ ကွဲကွဲပြားပြားမသိရင် ကိုယ့်ဘဝက သူများအတွက်ပဲ တွေး၊ သူများအတွက်ပဲ အလုပ်လုပ်နေရလိမ့်မယ်။
ဒီတော့ အမြဲတမ်း သဘောကောင်းဖို့ မလိုဘူး။
ကိုယ် မလုပ်နိုင်တဲ့အရာတွေကို ပွင့်ပွင့်လင်းလင်းနဲ့ သတ္တိရှိရှိ ငြင်းဆန်နိုင်ရမယ်။ ကိုယ် အဆင်မပြေတဲ့အရာတွေကို အားနာလို့ လိုက်လျောစရာမလိုဘူး။ သဘောကောင်းလွန်းလို့ လိုက်လျောပါများရင် ကိုယ်က တန်ဖိုးကျသွားလိမ့်မယ်။
စိတ်ထားကောင်းလို့ ရတယ်၊ ဒါပေမယ့် သဘောကောင်းလွန်းရင်တော့ ကိုယ်က အမြဲ ခံနေရမယ်ဆိုတာ သိထားပါ။

လက်သန့်ဆေးများက ကင်ဆာဖြစ်စေနိုင်
လက်သန့်ဆေးများတွင် အသုံးပြုသည့် ပါဝင်ပစ္စည်းဖြစ်သော အီသနောသည် ကင်ဆာဖြစ်နိုင်ခြေကို မြင့်တက်စေသည့် အန္တရာယ်ရှိသောအရာတစ်ခုအဖြစ် သတ်မှတ်ရန် အီးယူက စဉ်းစားလျက်ရှိကြောင်း ဖိုင်နန်ရှယ်တိုင်းမ်စ်(FT) သတင်းဌာနက အောက်တိုဘာ ၂၁ ရက်တွင် သတင်းရေးသားဖော်ပြခဲ့သည်။
ဥရောပဓာတုဗေဒအေဂျင်စီ(ECHA) ၏ လုပ်ငန်းအဖွဲ့များထဲမှ တစ်ခုက အီသနောကို ကင်ဆာဖြစ်စေနိုင်ခြေပိုမြင့်မားစေကာ ကိုယ်ဝန်ဆောင်နောက်ဆက်တွဲပြဿနာများ ကြုံရနိုင်သည့် အဆိပ်အတောက်ပစ္စည်းတစ်ခုအဖြစ် အောက်တိုဘာ ၁၀ ရက်က အဖွဲ့အစည်းအတွင်အကြံပြုချက်တစ်ခုတွင် ဖော်ပြခဲ့ကြောင်း FT က ပြောဆိုခဲ့ပြီး သန့်ရှင်းရန်အခြားထုတ်ကုန်များ အစားထိုးရန်လိုအပ်ကြောင်း ဆိုခဲ့သည်။
ECHA ၏ Biocidal ပိုးသတ်ဆေး ထုတ်ကုန်ကော်မတီသည် နိုဝင်ဘာလ ၂၅ ရက် နေ့မှ ၂၈ ရက် နေ့အတွင်း တွေ့ဆုံရန် စီစဉ်ထားသည်။
စည်းကမ်းထိန်းသိမ်းရေးအဖွဲ့အစည်းက လက်ရှိတွင် အီသနောကို ပိုးသတ်ဆေးအသုံးပြုမှုအတွက် အကဲဖြတ်လျက်ရှိသည်ဟု ECHA က ရိုက်တာသတင်းဌာနကို အီးမေးလ်သတင်းထုတ်ပြန်ချက်တွင် ပြောဆိုခဲ့သည်။
အဖွဲ့၏ ပညာရှင်ကော်မတီက အီသနောကို ကင်ဆာဖြစ်နိုင်ခြေရှိ ပစ္စည်းအဖြစ် ကောက်ချက်ချပါက ယင်းအတွက် အစားထိုးပစ္စည်းကို အကြံပြုသွားလိမ့်မည်ဖြစ်ကြောင်း စည်းကမ်းထိန်းသိမ်းရေးအဖွဲ့က ပြောကြားခဲ့သည်။
လက်ရှိတွင် အကဲဖြတ်မှုများ ဆက်လက်လုပ်ဆောင်နေဆဲဖြစ်ပြီး အပြီးသတ်ကောက်ချက်ချရခြင်း မရှိသေးကြောင်း ဆက်လက် ပြောကြားခဲ့သည်။
ကော်မတီ၏ သိပ္ပံနည်းကျ ထင်မြင်အကြံပြုချက်အတိုင်း ဥရောပကော်မရှင်က အပြီးသတ်ဆုံးဖြတ်ချသွားမည်ဖြစ်သည်။
ကမ္ဘာ့ကျန်းမာရေးအဖွဲ့(WHO) သည် အီသနောနှင့် အိုင်ဆိုပရိုပါနော နှစ်မျိုးစလုံးကို လက်သန့်ရှင်းရေးအတွက် အသုံးပြုရန် ဘေးအန္တရာယ်ကင်းသော ပစ္စည်းများအဖြစ် သတ်မှတ်ထားသည်။

ခြင်္သေ့ဟန်ဆောင်သောမြည်း

🎀🎀🎀🎀🎀🎀🎀🎀🎀🎀

တစ်နေ့မှာ တောတစ်တောမှာနေထိုင်တဲ့ မြည်းတစ်ကောင်ဟာ ခြင်္သေ့ဟန်ဆောင်ပြီး တောထဲက တိရစ္ဆာန်တွေကို ဒုက္ခပေးဖို့ ထွက်လာခဲ့သတဲ့။

တိရစ္ဆာန်အားလုံးဟာ မြည်းကို ခြင်္သေ့ထင်ပြီး ကြောက်လန့်ကာ အရိုအသေပေးကြတာပေါ့။ ခဏကြာပြီးတော့ မြည်းဟာ မြေခွေးတစ်ကောင်ကို တွေ့လိုက်တာပေါ့။ ခြင်္သေ့ဟန်ဆောင်ထားတဲ့မြည်းဟာ သူ့ရဲ့အသံအစစ်နဲ့အော်လိုက်မိတဲ့အတွက် မြေခွေးအတွက် အကြောင်းမထူးဘူးပေါ့။ ဒါ့ပြင် မြေခွေးဟာ အားရပါးရရယ်လိုက်ပြီး " မင်းဘယ်သူလဲဆိုတာ ငါသိတယ်။ မင်းကို ကြောက်စရာအကြောင်းမရှိဘူး"လို့ ပြောလိုက်သတဲ့။
မြည်းဟာ မြေခွေးစကားကိုကြားတော့ ခေါင်းငုံ့ကာ ထွက်ပြေးသွားတော့သတဲ့။ ။

တစ်ယောက်ယောက်က
မင်းကို ကူညီတဲ့အချိန်မှာ
သူတို့လည်း ရုန်းကန်နေရပါတယ် ။
အဲဒါ အကူအညီမဟုတ်ဘူး
အဲဒါ ချစ်ခြင်းမေတ္တာ ။

-မိုဃ်းဇော်

ကန်စွန်းရွက်သုပ်နည်း 😋

ကန်စွန်းရွက်သုပ်နည်း 😋

ကန်စွန်းရွက်သုပ်နည်း 😋

မေဂျာလိဂ် တစ်လတာအကောင်းဆုံးဆုကို မက်ဆီရရှိ

အောက်တိုဘာလအတွက် မေဂျာလိဂ်တစ်လတာအကောင်းဆုံး ကစားသမားဆုကို အင်တာမိုင်ယာမီအသင်း တိုက်စစ်မှူး မက်ဆီက ရရှိသွားပါတယ်။ မက်ဆီဟာ ၂၀၂၅ မေဂျာလိဂ်ရာသီပိတ် နောက်ဆုံး ၃ ပွဲမှာ ၅ ဂိုးသွင်းပြီး ဂိုးဖန်တီးမှု ၅ ကြိမ်ပြုလုပ်ပေးနိုင်ခဲ့ပြီးနောက် အခုလို တစ်လတာအကောင်းဆုံးဆုကို ရရှိသွားတာဖြစ်ပါတယ်။

အင်တာမိုင်ယာမီအသင်းဟာ မက်ဆီရဲ့ ခြေစွမ်းပြမှုနဲ့အတူ ရာသီပိတ်ကာလကို အကောင်းဆုံးဖြတ်သန်းနိုင်ခဲ့သလို အရှေ့ပိုင်းကွန်ဖရင့်စ်မှာ တတိယနေရာရပ်တည်နိုင်ခဲ့ပါတယ်။ မက်ဆီဟာ အခုနှစ်မှာလည်း သူ့ရဲ့မေဂျာလိဂ် မှတ်တမ်းထဲမှာ အကောင်းဆုံးဆုတွေ ထပ်ပေါင်းထည့်နိုင်ခဲ့တာဖြစ်ပြီး အခုနှစ်အတွက် သူ့ရဲ့ တတိယမြောက် တစ်လတာအကောင်းဆုံးဆုကို ရတာဖြစ်သလို မေဂျာလိဂ်ကစားသမားဘဝ တစ်လတာအကောင်းဆုံးဆုကို ၅ ကြိမ်မြောက်ရရှိတာဖြစ်ပါတယ်။

မက်ဆီဟာ ၂၀၂၅ မေဂျာလိဂ် ပုံမှန်ရာသီပွဲစဉ်တွေအပြီးမှာ သွင်းဂိုး ၂၉ ဂိုးနဲ့ သွင်းဂိုးအများဆုံး ရွှေဖိနပ်ဆုကို ရခဲ့သလို ဂိုးဖန်တီးမှု ၁၉ ကြိမ်နဲ့လည်း ဂိုးဖန်တီးမှုအများဆုံး ကစားသမား ဖြစ်ခဲ့ပါတယ်။ အခုနှစ်မေဂျာလိဂ်မှာ ဂိုးပါဝင်ပတ်သက်မှု ၄၈ ဂိုးအထိ စွမ်းဆောင်ပေးခဲ့တဲ့ မက်ဆီရဲ့ စွမ်းဆောင်မှု က မေဂျာလိဂ်ရာသီတစ်ခုအတွင်း ဒုတိယအမြင့်ဆုံးစွမ်းဆောင်မှုလည်းဖြစ်ခဲ့ပါတယ်။ အခုနှစ်အတွက် မေဂျာလိဂ် ပုံမှန်ရာသီက ပြီးဆုံးခဲ့ပြီဖြစ်ပြီး အသက် ၃၈ နှစ်အရွယ် မက်ဆီအနေနဲ့ ပြိုင်ပွဲရဲ့ တစ်နှစ်တာကောင်းဆုံးဆုကို ၂ နှစ် ဆက်ရယူနိုင်ဖို့ အခွင့်အရေး ရှိနေတာလည်းဖြစ်ပါတယ်။

မုန်အားနယ်စပ်ဂိတ်မှ ကုန်သွယ်မှုများ ယာယီရပ်ဆိုင်းမည်

မြန်မာ-တရုတ် နယ်စပ်ဂိတ်ဖြစ်တဲ့ ပန်ဆန်း(မုန်အားဂိတ်)ကို ပြန်လည်ပြုပြင်မှာ ဖြစ်တဲ့အတွက် နယ်စပ်ကုန် သွယ်ရေးလုပ်ငန်းတွေ ယာယီ ရပ်ဆိုင်းမယ်လို့ “ဝ” ဒေသတွင်း မီဒီယာတစ်ခုဖြစ်တဲ့ Wa News Land က ဖော်ပြ ထားပါတယ်။

မုန်အားဂိတ် အဆင့်မြှင့်တင် ပြုပြင်ရေးလုပ်ငန်းတွေကို နိုဝင်ဘာ ၁ ရက်ကစတင်ကာ ဆောင်ရွက်သွားမှာဖြစ်ပြီး နယ်စပ်ရေးရာ ကူးသန်းရောင်းဝယ်ရေးစင်တာကို ၃ လလောက် ယာယီရပ်ဆိုင်းထားမှာဖြစ်တယ်လို့ ဆိုပါတယ်။

နယ်စပ်လုပ်ငန်းတွေကို ယာယီရပ်ဆိုင်းထားမှာ ဖြစ်ပေမဲ့လည်း လူအဝင်အထွက်နဲ့ ကား၊ စီးပွားရေး ကုန်စည် အကြီးစား သယ်ယူပို့ဆောင်ရေးလုပ်ငန်းတွေကိုတော့ ပုံမှန် ဆက်လက်လုပ်ကိုင်သွားမယ်လို့ ဆိုပါတယ်။

ဒါ့ကြောင့် နယ်စပ်သူ နယ်စပ်သားတွေ ကူးသန်းရောင်းဝယ်ရေးလုပ်ငန်းနဲ့ သက်ဆိုင်တဲ့ ဌာနအဖွဲ့အစည်းတွေနဲ့ တာဝန်ရှိသူတွေက ၂၀၀ နံပါတ်လမ်းဘက်မှာရှိတဲ့ သတ်မှတ်နေရာတွေမှာ လုပ်ငန်းစဉ်တွေ ဆက် လက် ဆောင်ရွက်နိုင်မှာဖြစ်တယ်လို့ သိရပါတယ်။

ပန်ဆန်း(မုန်အား)ဂိတ်ဟာ “ဝ”- တရုတ် နယ်စပ်ဂိတ်ကြီး လေးခုထဲက တစ်ခု အပါအဝင် ဖြစ်တယ်လို့ သိရပါတယ်။