ဖုန်းတစ်လုံး ဈေးသာရှိသည့် လူတူစက်ရုပ်ကို တရုတ်မိတ်ဆက်

ပေကျင်းအခြေစိုက် Noetix Robotics ကုမ္ပဏီက Bumi လို့ခေါ်တဲ့ လူပုံစံစက်ရုပ် သေးသေးလေးတစ်ရုပ်ကို မိတ်ဆက်လိုက်တယ်လို့ Reutersသတင်းမှာ ဖော်ပြထားပါတယ်။

သူ့ရဲ့ ဈေးနှုန်းဟာ ယွမ် ၉,၉၉၈ (ဒေါ်လာ ၁,၃၇၀ ဝန်းကျင်) ပဲ ရှိတာကြောင့် ဒါဟာ ဈေးကြီးတဲ့ စမတ်ဖုန်းတစ်လုံး ဒါမှမဟုတ် ကော်ဖီဖျော်စက် ကောင်းကောင်းတစ်လုံးရဲ့ ဈေးနှုန်းလောက်နဲ့ လူပုံစံစက်ရုပ်တစ်ရုပ် ပိုင်ဆိုင်နိုင်မယ့် အခွင့်အရေး ဖြစ်တယ်လို့ ဆိုပါတယ်။

ဒီ Bumi စက်ရုပ်လေးဟာ အရပ် ၃ဒသမ၁ပေရှိပြီး အလေးချိန် ၂၆ဒသမ၅ ပေါင်ပဲ ရှိပါတယ်။

သူက သေးငယ်ပြီး ပေါ့ပါးတဲ့အပြင် ပညာရေးနဲ့ အိမ်မှာအသုံးပြုဖို့အတွက် အဓိကရည်ရွယ်ထုတ်လုပ်ထားတာ ဖြစ်ပါတယ်။
ဈေးသက်သာတယ်ဆိုပေမဲ့ သူ့ရဲ့စွမ်းဆောင်ရည်က မသေးပါဘူး။

အစောပိုင်း သရုပ်ပြမှုတွေမှာ Bumi ဟာ သူ့ရဲ့ဈေးနှုန်းနဲ့မလိုက်အောင် တည်တည်ငြိမ်ငြိမ်နဲ့ လမ်းလျှောက်နိုင်တာ၊ ဟန်ချက်ထိန်းနိုင်တာ၊ နောက်ပြီး ကပြနိုင်တာကိုတောင် တွေ့ရပါတယ်။

ဒီလောက် ဈေးသက်သာရတဲ့ အဓိကအကြောင်းရင်းကတော့ သူ့ကို ပေါ့ပါးတဲ့ ပစ္စည်းတွေနဲ့ တည်ဆောက်ထားလို့ဖြစ်ပါတယ်။
ပြီးတော့ စက်မှုလုပ်ငန်းသုံး တာဝန်ကြီးတွေ လုပ်ဖို့ မဟုတ်ဘဲ လူတွေနဲ့ အပြန်အလှန် ဆက်ဆံဖို့နဲ့ လေ့လာသင်ယူမှုတွေ လုပ်နိုင်ဖို့ အာရုံစိုက်ထားတာဖြစ်ပါတယ်။

INF စာချုပ်ဖျက်သိမ်းရန် ရုရှားလုပ်ဆောင်နေဟုဆို

ရုရှားဟာ ယူကရိန်းနိုင်ငံကို မြေပြင်ပစ် ခရုဇ်ဒုံးကျည်တွေ အကြိမ်ကြိမ် ပစ်ခတ်ခဲ့ပြီး အဲ့လို ပစ်ခတ်ရခြင်းက INF လို့‌ခေါ်တဲ့ လက်နက်ထိန်းချုပ်ရေးစာချုပ် ပျက်ပြား ပြိုလဲစေဖို့ ရည်ရွယ်လုပ်ဆောင်နေတာဖြစ်ကြောင်း ယူကရိန်းဘက်က ပြောကြားလိုက်တယ်လို့ Reuters သတင်းဌာနမှာ ဖော်ပြထားပါတယ်။

ယူကရိန်းနိုင်ငံခြားရေးဝန်ကြီး ပြောကြားချက်အရ ရုရှားဟာ ပြီးခဲ့တဲ့သြဂုတ်လကုန်ကစပြိး 9M729 ဒုံးကျည်တွေကို ၂၃ ကြိမ် တိတိ ပစ်လွှတ်ခဲ့တယ်လို့ Reuters သတင်းဌာနကို ပြောကြားခဲ့ပါတယ်။

အမေရိကန်ပြည်ထောင်စုဟာ ၂၀၁၉ ခုနှစ်ကတည်းက ရုရှားဟာ လက်နက်ထိန်းချုပ်ရေး စာချုပ် ကန့်သတ်ချက် ၅၀၀ ကီလိုမီတာ (၃၁၀ မိုင်) ထက်ကျော်လွန်ပြီး ပျံသန်းနိုင်တဲ့ 9M729 ဒုံးကျည်ကို လျှို့ဝှက်စွာ တီထွင်နေတယ်လို့ စွပ်စွဲပြီးနောက် ရုရှားဟာ စာချုပ်ကနေ နုတ်ထွက်ခဲ့တာဖြစ်ပါတယ်။

ဒါပေမယ့် အမေရိကန်စွပ်စွဲချက်တွေကိုတော့ ရုရှားဘက်က ငြင်းဆိုခဲ့ပါတယ်။

ဒါကြောင့် ရုရှားဟာ အမေရိကန်စွပ်စွဲချက်တွေကို တုံ့ပြန်တဲ့အနေနဲ့ အလယ်အလတ်အကွာအဝေး ဒုံးကျည်တွေ ဖြန့်ကျက်ခြင်းအပေါ် ရပ်ဆိုင်းထားတာလည်းဖြစ်ပါတယ်။

ဗီယက်နမ် ရေကြီးရေလျှံမှု သေဆုံးသူ ၁၃ ဦးထိရှိလာ

ဗီယက်နမ်နိုင်ငံအလယ်ပိုင်းမှာ ရေကြီးရေလျှံမှုကြောင့် သေဆုံးသူဦးရေ ၁၃ ယောက်အထိ ရှိလာတယ်လို့ အစိုးရက အောက်တိုဘာ ၃၁ ရက်မှာ ပြောကြားခဲ့တာကို Reuters သတင်းမှာ ဖော်ပြထားပါတယ်။

မိုးရွာသွန်းမှု စံချိန်တင်များပြားတာကြောင့် ဗီယက်နမ်အလယ်ပိုင်းက နေရာအတော်များများမှာ ရေကြီးရေလျှံ ဖြစ် ပွားခဲ့ပြီး ယူနက်စကိုစာရင်းဝင် ဧကရာဇ်မြို့တော်ဟောင်း ဟွေးနဲ့ဟွေးအန်းတို့လည်း အဆိုးရွားဆုံး ထိခိုက်ခဲ့ပါ တယ်။

နိုင်ငံပိုင်မီဒီယာတွေမှာ ပျံ့နှံ့နေတဲ့ ဓာတ်ပုံတွေအရ ဟွေးနဲ့ဟွေးအန်းက နေရာအများစုဟာ ရေအောက်ရောက်ရှိ နေပြီး အိမ်အချို့က အမိုးအထိ ရေနစ်မြုပ်နေတာကို တွေ့ရပါတယ်။

"ကျွန်တော် ရေကြီးရေလျှံမှုတွေကို အကြိမ်ပေါင်းများစွာ မြင်တွေ့ခဲ့ရပါတယ်၊ ဒါက ကျွန်တော်မြင်ဖူးသမျှထဲမှာ အဆိုးရွားဆုံးပါပဲ"လို့ ဟွေးအန်းမြို့ခံ အသက် ၆၀ အရွယ် ထရန်ဗန်တိန်က ရိုက်တာသတင်းဌာနကို ပြောကြားခဲ့ ပါတယ်။

ဗီယက်နမ်ဟာ အထူးသဖြင့် ဇွန်လကနေ အောက်တိုဘာလအထိ မုန်တိုင်းရာသီအတွင်း ကျယ်ကျယ်ပြန့်ပြန့် ပျက်စီးဆုံးရှုံးမှုတွေဖြစ်စေတဲ့ အန္တရာယ်ရှိမုန်တိုင်းတွေနဲ့ ရေကြီးရေလျှံတာတွေကို မကြာခဏ ကြုံတွေ့ရလေ့ ရှိပါတယ်။

ရွှေဆိုင်များ၌ ရွှေဆိုင်မှတ်တမ်းစာအုပ်များထားရှိရမည်

ရွှေဆိုင်တွေအနေနဲ့ နေ့စဉ်ရွှေအရောင်းအဝယ်ဆောင်ရွက်တဲ့အခါ ရွှေဆိုင်မှတ်တမ်းစာအုပ်တွေထားရှိဖို့လမ်းညွှန်ထားတယ်လို့ ရန်ကုန်တိုင်းဒေသကြီး အဖိုးတန်သတ္တု ‌(ရွှေ) ရောင်းဝယ်သူများအသင်း ဥက္ကဋ္ဌ ဦးမျိုးမြင့်က ပြောပါတယ်။

အောက်တိုဘာ ၃၁ ရက်က ရန်ကုန်တိုင်းဒေသကြီးရွှေလုပ်ငန်းရှင်များအသင်းမှာ ပြုလုပ်တဲ့ ရန်ကုန်တိုင်း ဒေသကြီး အဖိုးတန်သတ္တု ‌(ရွှေ) ရောင်းဝယ်သူများအသင်း ပထမအကြိမ် အဖိုးတန်သတ္တုရောင်း ဝယ်သူတွေရဲ့ STRs/TTRs အရေအတွက်နဲ့ အရည်အသွေးတိုးတက်ရေးလုပ်ငန်းညှိနှိုင်းအစည်းအဝေးမှာ ဥက္ကဋ္ဌ ဦးမျိုးမြင့်က အခုလိုပြောကြားခဲ့တာပါ။

ပြီးခဲ့တဲ့အောက်တိုဘာလ ၂၃ ရက်နေ့က နေပြည်တော်မှာပြုလုပ်တဲ့ ငွေကြေးခဝါချမှုနှင့်အကြမ်းဖက်မှုကို ငွေကြေး ထောက်ပံ့တိုက်ဖျက်ရေးဆိုင်ရာလုပ်ငန်းလမ်းညွှန်အစည်းအဝေးမှာ ရွှေဆိုင်မှတ်တမ်းစာအုပ်တွေထားရှိပြီး လမ်းညွှန်ထားတယ်လို့ သိရပါတယ်။

အစည်းအဝေးလမ်းညွှန်ချက်အရ ရွှေဆိုင်တွေမှာ ဆက်သွယ်ဆောင်ရွက်သူကို အလေးထားစိစစ်ခြင်း မှတ်တမ်းစာအုပ် ၊ ( Transacation Record Book) (အဖိုးတန်သတ္တု(ရွှေ) ဝယ်ယူ / ရောင်းချမှုမှတ်တမ်း) ၊ STR/TTR Record ( ငွေကြေးဆိုင်ရာစုံစမ်း ထောက်လှမ်းရေးအဖွဲ့ကို STR/TTR ပေးပို့တင်ပြမှုမှတ်တမ်း) ၊ Reporting Form STR/TTR FATF Recommendation 20 (ငွေကြေးဆိုင်ရာစုံစမ်းထောက်လှမ်းရေးအဖွဲ့ကို သတင်းပေးပို့ရမယ့်နမူနာပုံစံ) ၊ အကောင်အထည်ဖော်ဆောင်ရွက်ရေးအရာရှိခန့်အပ်မှုမှုပုံစံ နဲ့ ငွေကြေးခဝါချမှုနှင့်အကြမ်းဖက်မှုကို ငွေကြေး ထောက်ပံ့မှုတိုက်ဖျက်ရေးမူဝါဒနဲ့ လုပ်ထုံးလုပ်နည်းများ (ရွှေရောင်းဝယ်ရေးလုပ်ငန်းနှင့် အိမ်ခြံမြေအကျိုးဆောင် လုပ်ငန်း) စတဲ့ မှတ်တမ်းစာအုပ်တွေ ထားရှိရမယ်လို့ ဆိုပါတယ်။
ဒီလိုညွှန်ကြားချက်တွေကို ပြန်လည်ရှင်းလင်းတင်ပြလိုက်တဲ့အတွက် ရွှေဈေးနှုန်းတည်ငြိမ်လာနိုင်မှာဖြစ်သလို အရောင်းအဝယ်တွေမှန်မှန်ကန်ကန်ဖြစ်သွားမှာဖြစ်တယ်လို့ ရန်ကုန်တိုင်းဒေသကြီး အဖိုးတန်သတ္တု ‌(ရွှေ) ရောင်းဝယ်သူများအသင်း ဥက္ကဋ္ဌ ဦးမျိုးမြင့်ကပြောပါတယ်။

အဲဒီအပြင် ဓာတ်သတ္တု (ရွှေ) ရည်ညွှန်းဈေးသတ်မှတ်ရေးကော်မတီက ချမှတ်တဲ့ပြေစာစာအုပ်နဲ့သာ ရွှေ အရောင်း အဝယ်ပြုလုပ်ကြဖို့၊ ရွှေရည်ညွှန်းဈေးနဲ့သာ အရောင်းအဝယ်ပြုလုပ်ကြဖို့ကိုလည်း အောက်တိုဘာ ၂၄ ရက်က ပြုလုပ်တဲ့ ဓာတ်သတ္တု (ရွှေ) ရည်ညွှန်းဈေးသတ်မှတ်ရေးကော်မတီ အစည်းအဝေးမှာ လမ်းညွှန်ထားတယ်လို့ သိရပါတယ်။

လီဗာပူးနောက်ခံလူ ဖရင်းမ်ပေါင် ၆ ပတ်ခန့်နားရမည်

လီဗာပူးအသင်းရဲ့ ညာနောက်ခံလူ ဖရင်းမ်ပေါင်ဟာ တံကောက်ကြော ဒဏ်ရာကြောင့် ၆ ပတ်လောက်အထိ အနားယူရဖို့ ရှိနေတယ်လို့ သတင်းတွေက ဖော်ပြကြပါတယ်။ ဒီသတင်းက ပြိုင်ပွဲစုံ နောက်ဆုံး ၇ ပွဲမှာ ၆ ပွဲအထိ ရှုံးနိမ့်ထားလို့ ဖိအားတွေနဲ့ ရင်ဆိုင်နေရတဲ့ လီဗာပူးအသင်းအတွက် စိတ်ပျက်စရာသတင်းဖြစ်ခဲ့ပါတယ်။

နယ်သာလန်လက်ရွေးစင် ဖရင်းမ်ပေါင်ဟာ အခုနွေရာသီမှာ လေဗာကူဆင်အသင်းကနေ လီဗာပူးအသင်းကို ရောက်လာခဲ့တာဖြစ်ပြီး အသင်းသစ်မှာ အထိုင်ကျဖို့အတွက် အချိန်ယူနေရတာဖြစ်ပါတယ်။ ဖရင်းမ်ပေါင်ဟာ ဖရန့်ဖတ်အသင်းကို အနိုင်ရတဲ့ပွဲမှာ ပွဲထွက်စာရင်း ပါဝင်လာခဲ့ပေမယ့် ၁၉ မိနစ်မှာပဲ ဒဏ်ရာရခဲ့လို့ ဘရက်ဒလေ နဲ့ လူစားလဲခံလိုက်ရတာဖြစ်ပါတယ်။

အစောပိုင်းက ဖရင်းမ်ပေါင်ရဲ့ ဒဏ်ရာက မပြင်းထန်တာကြောင့် မကြာခင် မှာပဲ ပြန်ကစားနိုင်မှာဖြစ်တယ်လို့ လီဗာပူးအသင်းမျှော်လင့်ထားခဲ့ပေမယ့် နောက်ဆုံး ဆေးစစ်ချက်တွေအရ ၆ ပတ်လောက်အထိ အနားယူရဖို့ ရှိနေတာဖြစ်ပါတယ်။ ဖရင်းမ်ပေါင်က လက်ရှိမှာ ပြန်ကစားနိုင်ဖို့အတွက် အဆင်သင့်မဖြစ်သေးဘူးလို့ ပြီးခဲ့တဲ့တစ်ပတ်က ဘရန့်ဖို့ဒ်အသင်းကို ရှုံးတဲ့ပွဲအပြီးမှာ နည်းပြ စလော့က ပြောထား ခဲ့ဖူးတာဖြစ်ပါတယ်။ လီဗာပူးအသင်းဟာ ပဲလေ့စ်အသင်းကို ရှုံးတဲ့ပွဲမှာ အသက် ၂၂ နှစ်အရွယ် ရမ်ဆေးကို ပွဲထွက် စာရင်းမှာ အသုံးပြုခဲ့ရပါတယ်။

ဒဏ်ရာကြောင့် ဖာဂူဆန် ၂ ပတ်နားရမည်ဖြစ်

ပါးမားအသင်းနဲ့ပွဲမှာရခဲ့တဲ့ ခြေကျင်းဝတ်ဒဏ်ရာကြောင့် တိုက်စစ်မှူး ဖာဂူဆန်ဟာ ၂ ပတ်လောက်နားရမှာ ဖြစ်တယ်လို့ ရိုးမားအသင်း သတင်းထုတ်ပြန်ပါတယ်။ ပါးမားအသင်းနဲ့ပွဲမှာ ဖာဂူဆန်က အသင်းရဲ့ ပွဲထွက် လူစာရင်းမှာ ပြန်လည်ပါဝင်လာပေမယ့် ပွဲအစ ၇ မိနစ်မှာပဲ ဒဏ်ရာရခဲ့လို့ ဘိုင်းလီနဲ့ လူစားလဲလိုက်ရတာ ဖြစ်ပါတယ်။

ဖာဂူဆန်ရဲ့ ညာဘက်ခြေကျင်းဝတ် အရွတ်မှာ ဒဏ်ရာအနည်းငယ်ရခဲ့တာဖြစ်ပြီး အနည်းဆုံး ၂ ပတ်လောက် အနားယူရမှာဖြစ်တယ်လို့ ရိုးမားအသင်း ကြေညာချက်မှာ ရေးထားပါတယ်။ အသက် ၂၁ နှစ် အရွယ် အိုင်ယာလန်တိုက်စစ်မှူး ဖာဂူဆန်ဟာ အခုနွေရာသီမှာ ဘရိုက်တန်အသင်းကနေ ရိုးမားအသင်းကို တစ်ရာသီ အငှားနဲ့ ရောက်နေတာဖြစ်ပြီး ရိုးမားအသင်းအတွက် ပြိုင်ပွဲစုံ ၁၀ ပွဲကစားပေးထားရာမှာ ဂိုးဖန်တီးမှု ၁ ကြိမ်သာ ပြုလုပ်ထားတာဖြစ်ပါတယ်။

အခုလို ရုန်းကန်နေရတဲ့အတွက် ရာသီကုန်ရင် အပြီးသတ်ခေါ်ယူဖို့ အချက်ပါဝင် ပေမယ့် ရိုးမားအသင်းဟာ ဖာဂူဆန်ကို အပြီးသတ်ခေါ်ယူမှာ မဟုတ်ဘဲ ဘရိုက်တန်အသင်းဆီကို ပြန်လည် စေလွှတ်မှာဖြစ်တယ်ဆိုတဲ့ သတင်းတွေလည်းထွက်နေပါတယ်။ ဒီလိုအချိန်မှာ ဖာဂူဆန် ဒဏ်ရာကြောင့် နားရမှာက ကစားသမားအတွက် စိတ်ပျက်စရာဖြစ်ခဲ့သလို အသင်းသစ်မှာ အထိုင်ကျဖို့အတွက် အခုထက်ပိုပြီး ရုန်းကန်ရတော့မှာလည်းဖြစ်ပါတယ်။

၈ ရက်အတွင်း ၄ ပွဲကစားရတော့မည့် ပဲလေ့စ်အသင်း

လိဂ်ဖလား ကွာတားဖိုင်နယ်ကို တက်ခဲ့ပြီးနောက် ပဲလေ့စ်အသင်းဟာ ပွဲစဉ်ကြပ်တည်းမှုနဲ့ ရင်ဆိုင်ရမှာဖြစ်ပြီး ဒီဇင်ဘာလထဲမှာ ၈ ရက်အတွင်း ၄ ပွဲကစားရမယ့် အခြေအနေမျိုးရှိလာပါတယ်။ လီဗာပူးအသင်းကို ဂိုးပြတ်အနိုင် ရခဲ့တဲ့ ပဲလေ့စ်အသင်းဟာ လိဂ်ဖလား ကွာတားဖိုင်နယ်အဆင့်မှာ အာဆင်နယ်အသင်းနဲ့ ရင်ဆိုင်ရမှာဖြစ်ပြီး ဒီပွဲစဉ်ကို ဒီဇင်ဘာ ၁၅ ရက်နောက်ပိုင်း ကြားရက်မှာ ကစားဖို့ ရေးဆွဲထားပါတယ်။

ပဲလေ့စ်အသင်းဟာ ဒီဇင်ဘာ ၁၄ ရက်နေ့မှာ မန်စီးတီးအသင်းနဲ့ ပရီးမီးယားလိဂ်ပွဲ ကစားရဖို့ရှိသလို ဒီဇင်ဘာ ၁၈ ရက်နေ့မှာ ဖင်လန်ကလပ် KuPS အသင်းနဲ့ ကွန်ဖရင့်စ်လိဂ်ပွဲ ကစားရမှာဖြစ်ပါတယ်။ အဲ့ဒီနောက် ဒီဇင်ဘာ ၂၁ ရက်နေ့မှာ ပရီးမီးယားလိဂ်ပွဲ ကစားဖို့အတွက် လိဒ်ယူနိုက်တက်အသင်းအိမ်ကွင်းကို သွားရမှာဖြစ်လို့ ဒီပွဲစဉ်တွေ ကြားထဲမှာ လိဂ်ဖလား ကွာတားဖိုင်နယ်ပွဲကိုပါ ထည့်တွက်မယ်ဆိုရင် ပဲလေ့စ်အသင်းက ၈ ရက်အတွင်း ပွဲစဉ် ၄ ပွဲကို ကစားရဖို့ ရှိနေတာ ဖြစ်ပါတယ်။

သတင်းတွေအရတော့ အာဆင်နယ်နဲ့ ပဲလေ့စ်အသင်းတို့ရဲ့ လိဂ်ဖလားကွာတားဖိုင်နယ်ကို ဒီဇင်ဘာ ၁၆ ရက်နေ့မှာ ကစားဖွယ်ရှိနေတယ်လို့ သိရပါတယ်။ ၂၀၁၉ ခုနှစ်တုန်းက ဒီလိုပွဲစဉ်ကျပ်တည်းမှုအခြေအနေမျိုးကို လီဗာပူး အသင်းကြုံတွေ့ခဲ့ရဖူးပြီး ၂၄ နာရီအတွင်း ကစားခဲ့ရတဲ့ လိဂ်ဖလားပွဲနဲ့ ကလပ်ကမ္ဘာ့ဖလားပွဲတွေမှာ လီဗာပူး အသင်းက မတူညီတဲ့အသင်း ၂ သင်းကို အသုံးပြုခဲ့ရဖူးပါတယ်။

ဒါရိုက်တာ ဇမ္ဗူထွန်းသက်လွင် အပါအဝင် ၂ ဦးကို ရွေးကောက်ပွဲ ကာကွယ်ရေး ဥပဒေဖြင့် ဖမ်းဆီးအရေးယူ

ဒါရိုက်တာ သက်လွင် (ခေါ်) ဇမ္ဗူထွန်းသက်လွင် နဲ့ အောင်ချမ်းလူ (ခေါ်) အေးချမ်းအောင် တို့ကို ပါတီစုံ ဒီမိုကရေစီ အထွေထွေ ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေနဲ့ ဖမ်းဆီး အရေး ယူခဲ့တယ် လို့ အမျိုးသားကာကွယ်ရေးနှင့် လုံခြုံရေးကောင်စီ သတင်းထုတ်ပြန်ရေးအဖွဲ့က အောက်တိုဘာ ၃၁ ရက်မှာ ထုတ်ပြန် ပါတယ်။

“ခေတ်သမိုင်းကို ဒုန်းစိုင်းမည့်သူများ" ရွေးကောက်ပွဲ အသိပညာပေးဇာတ်လမ်း နဲ့ ဇာတ်လမ်းမှာပါဝင်သရုပ်ဆောင်ခဲ့တဲ့ အနုပညာရှင်တွေကို လူမှုကွန်ရက်ကတစ်ဆင့် မဟုတ်မမှန် ဝေဖန်ရေးသားချက်တွေအပေါ် ထောက်ခံခဲ့တာကြောင့် ဖမ်းဆီးခဲ့တာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

ဖမ်းမိသူနှစ်ယောက်ဟာ ခေတ်သစ်မီဒီယာအပါအဝင် မီဒီယာအမည်ခံ ပြည်ပဩဇာခံအဖွဲ့အစည်းတွေ ၊ လူပုဂ္ဂိုလ်တွေရဲ့ လူမှုကွန်ရက်စာမျက်နှာတွေမှာ မဟုတ်မမှန် လုပ်ကြံရေးသားဖော်ပြချက်တွေကိုလည်း အစဉ်တစိုက် ထောက်ခံအား ပေးခဲ့တာကို စိစစ်တွေ့ရှိရတယ်လို့လည်း ဆိုပါတယ်။

ဖမ်းဆီးခဲ့တဲ့ ဒါရိုက်တာ သက်လွင် (ခေါ်) ဇမ္ဗူထွန်းသက်လွင် နဲ့ အောင်ချမ်းလူ (ခေါ်) အေးချမ်းအောင်တို့ နှစ်ယောက် ကို ပါတီစုံ ဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှကာကွယ်ပေးရေး ဥပဒေ အပါအဝင် ပြစ်မှုဆိုင်ရာဥပဒေတွေနဲ့ပါ ထိရောက်စွာ အရေးယူဆောင်ရွက်သွားမယ်လို့လည်း ထုတ်ပြန်ချက်မှာ ဖော်ပြ ထားပါတယ်။

ဒါ့အပြင် ပါတီစုံ ဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေး ဆောင်ရွက်နေတဲ့ လုပ်ငန်းစဉ် တွေကို နှောင့်ယှက်ဟန့်တားလိုသူတွေကို မိဘပြည်သူတွေရဲ့ ပူးပေါင်းပါဝင်မှုနဲ့ ဖော်ထုတ်အရေးယူနိုင်ရေး ဆက်လက် ဆောင်ရွက်သွားမယ်လို့လည်း ထုတ်ပြန်ထားပါတယ်။

ဒါရိုက်တာ ဇမ္ဗူထွန်းသက်လွင် အပါအဝင် ၂ ဦးကို ရွေးကောက်ပွဲ ကာကွယ်ရေး ဥပဒေဖြင့် ဖမ်းဆီးအရေးယူ

ဒါရိုက်တာ သက်လွင် (ခေါ်) ဇမ္ဗူထွန်းသက်လွင် နဲ့ အောင်ချမ်းလူ (ခေါ်) အေးချမ်းအောင် တို့ကို ပါတီစုံ ဒီမိုကရေစီ အထွေထွေ ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေနဲ့ ဖမ်းဆီး အရေး ယူခဲ့တယ် လို့ အမျိုးသားကာကွယ်ရေးနှင့် လုံခြုံရေးကောင်စီ သတင်းထုတ်ပြန်ရေးအဖွဲ့က အောက်တိုဘာ ၃၁ ရက်မှာ ထုတ်ပြန် ပါတယ်။

“ခေတ်သမိုင်းကို ဒုန်းစိုင်းမည့်သူများ" ရွေးကောက်ပွဲ အသိပညာပေးဇာတ်လမ်း နဲ့ ဇာတ်လမ်းမှာပါဝင်သရုပ်ဆောင်ခဲ့တဲ့ အနုပညာရှင်တွေကို လူမှုကွန်ရက်ကတစ်ဆင့် မဟုတ်မမှန် ဝေဖန်ရေးသားချက်တွေအပေါ် ထောက်ခံခဲ့တာကြောင့် ဖမ်းဆီးခဲ့တာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

ဖမ်းမိသူနှစ်ယောက်ဟာ ခေတ်သစ်မီဒီယာအပါအဝင် မီဒီယာအမည်ခံ ပြည်ပဩဇာခံအဖွဲ့အစည်းတွေ ၊ လူပုဂ္ဂိုလ်တွေရဲ့ လူမှုကွန်ရက်စာမျက်နှာတွေမှာ မဟုတ်မမှန် လုပ်ကြံရေးသားဖော်ပြချက်တွေကိုလည်း အစဉ်တစိုက် ထောက်ခံအား ပေးခဲ့တာကို စိစစ်တွေ့ရှိရတယ်လို့လည်း ဆိုပါတယ်။

ဖမ်းဆီးခဲ့တဲ့ ဒါရိုက်တာ သက်လွင် (ခေါ်) ဇမ္ဗူထွန်းသက်လွင် နဲ့ အောင်ချမ်းလူ (ခေါ်) အေးချမ်းအောင်တို့ နှစ်ယောက် ကို ပါတီစုံ ဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှကာကွယ်ပေးရေး ဥပဒေ အပါအဝင် ပြစ်မှုဆိုင်ရာဥပဒေတွေနဲ့ပါ ထိရောက်စွာ အရေးယူဆောင်ရွက်သွားမယ်လို့လည်း ထုတ်ပြန်ချက်မှာ ဖော်ပြ ထားပါတယ်။

ဒါ့အပြင် ပါတီစုံ ဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေး ဆောင်ရွက်နေတဲ့ လုပ်ငန်းစဉ် တွေကို နှောင့်ယှက်ဟန့်တားလိုသူတွေကို မိဘပြည်သူတွေရဲ့ ပူးပေါင်းပါဝင်မှုနဲ့ ဖော်ထုတ်အရေးယူနိုင်ရေး ဆက်လက် ဆောင်ရွက်သွားမယ်လို့လည်း ထုတ်ပြန်ထားပါတယ်။

ဒါရိုက်တာ ဇမ္ဗူထွန်းသက်လွင် အပါအဝင် ၂ ဦးကို ရွေးကောက်ပွဲ ကာကွယ်ရေး ဥပဒေဖြင့် ဖမ်းဆီးအရေးယူ

ဒါရိုက်တာ သက်လွင် (ခေါ်) ဇမ္ဗူထွန်းသက်လွင် နဲ့ အောင်ချမ်းလူ (ခေါ်) အေးချမ်းအောင် တို့ကို ပါတီစုံ ဒီမိုကရေစီ အထွေထွေ ရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှ ကာကွယ်ပေးရေးဥပဒေနဲ့ ဖမ်းဆီး အရေး ယူခဲ့တယ် လို့ အမျိုးသားကာကွယ်ရေးနှင့် လုံခြုံရေးကောင်စီ သတင်းထုတ်ပြန်ရေးအဖွဲ့က အောက်တိုဘာ ၃၁ ရက်မှာ ထုတ်ပြန် ပါတယ်။

“ခေတ်သမိုင်းကို ဒုန်းစိုင်းမည့်သူများ" ရွေးကောက်ပွဲ အသိပညာပေးဇာတ်လမ်း နဲ့ ဇာတ်လမ်းမှာပါဝင်သရုပ်ဆောင်ခဲ့တဲ့ အနုပညာရှင်တွေကို လူမှုကွန်ရက်ကတစ်ဆင့် မဟုတ်မမှန် ဝေဖန်ရေးသားချက်တွေအပေါ် ထောက်ခံခဲ့တာကြောင့် ဖမ်းဆီးခဲ့တာဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။

ဖမ်းမိသူနှစ်ယောက်ဟာ ခေတ်သစ်မီဒီယာအပါအဝင် မီဒီယာအမည်ခံ ပြည်ပဩဇာခံအဖွဲ့အစည်းတွေ ၊ လူပုဂ္ဂိုလ်တွေရဲ့ လူမှုကွန်ရက်စာမျက်နှာတွေမှာ မဟုတ်မမှန် လုပ်ကြံရေးသားဖော်ပြချက်တွေကိုလည်း အစဉ်တစိုက် ထောက်ခံအား ပေးခဲ့တာကို စိစစ်တွေ့ရှိရတယ်လို့လည်း ဆိုပါတယ်။

ဖမ်းဆီးခဲ့တဲ့ ဒါရိုက်တာ သက်လွင် (ခေါ်) ဇမ္ဗူထွန်းသက်လွင် နဲ့ အောင်ချမ်းလူ (ခေါ်) အေးချမ်းအောင်တို့ နှစ်ယောက် ကို ပါတီစုံ ဒီမိုကရေစီ အထွေထွေရွေးကောက်ပွဲများကို နှောင့်ယှက်ဟန့်တားဖျက်ဆီးခြင်းမှကာကွယ်ပေးရေး ဥပဒေ အပါအဝင် ပြစ်မှုဆိုင်ရာဥပဒေတွေနဲ့ပါ ထိရောက်စွာ အရေးယူဆောင်ရွက်သွားမယ်လို့လည်း ထုတ်ပြန်ချက်မှာ ဖော်ပြ ထားပါတယ်။

ဒါ့အပြင် ပါတီစုံ ဒီမိုကရေစီ အထွေထွေရွေးကောက်ပွဲ အောင်မြင်စွာ ကျင်းပနိုင်ရေး ဆောင်ရွက်နေတဲ့ လုပ်ငန်းစဉ် တွေကို နှောင့်ယှက်ဟန့်တားလိုသူတွေကို မိဘပြည်သူတွေရဲ့ ပူးပေါင်းပါဝင်မှုနဲ့ ဖော်ထုတ်အရေးယူနိုင်ရေး ဆက်လက် ဆောင်ရွက်သွားမယ်လို့လည်း ထုတ်ပြန်ထားပါတယ်။