၁ ဂိုးတည်းသွင်းပြီး ရှုံးပွဲ ၃ ပွဲ ကြုံခဲ့ပေမယ့်လည်း စီးရီးအေတစ်လတာအကောင်းဆုံးကစားသမားဆုကို ဆွတ်ခူးနိုင်တဲ့ ပထမဆုံး အင်္ဂလိပ်ကစားသမားဖြစ်လာတဲ့ ဗာဒီ
=====================

ဂျေမီဗာဒီဟာ ခရီမိုနက်စ်နှင့်အတူ ခြေစွမ်းပြကစားနိုင်ခဲ့ပြီးနောက် နိုဝင်ဘာလအတွက် တစ်လတာအကောင်းဆုံးစီးရီးအေတစ်လတာအကောင်းဆုံးကစားသမားဆုအား ဆွတ်ခူးလာပါတယ်။
အသက် ၃၈ နှစ်ရှိ ဗာဒီဟာ နွေရာသီတုန်းက ၁၃ နှစ်ကြာ ကစားလာတဲ့ လက်စတာမှ ထွက်ခွာပြီးနောက် စီးရီးအေကလပ်သို့ အလွတ်ပြောင်းရွှေ့ကြေးဖြင့် ပြောင်းခဲ့သူ ဖြစ်ပါတယ်။
ဝါရင့်တိုက်စစ်မှူးဟာ ခရီမိုနက်စ်နှင့် တစ်နှစ်စာချုပ်ဆိုခဲ့တာ ဖြစ်ပြီး တန်းမဆင်းရလျှင် တစ်နှစ်သက်တမ်းတိုးနိုင်မယ့်အချက်ကို ထည့်သွင်းချုပ်ဆိုထားပါတယ်။
အင်္ဂလန်တိုက်စစ်မှူးဟောင်းဟာ ဒါဗီဒီနီကိုလာရဲ့အသင်းသို့ ရောက်လာပြီးကတည်းက အဓိကကစားသမားအဖြစ် ခြေစွမ်းပြလာနိုင်ခဲ့ပါတယ်။
ယခုအခါ သူဟာ စီးရီးအေတစ်လတာအကောင်းဆုံးကစားသမားဆုကို ဆွတ်ခူးနိုင်တဲ့ ပထမဆုံးအင်္ဂလိပ်ကစားသမား ဖြစ်လာခဲ့ပါတယ်။
အီတလီဘောလုံးလောကတွင် ပေါလ်ဂတ်စကွိုင်နီ၊ ဒေးဗစ်ဘက်ဟမ်း၊ ပေါလ်အင့်တို့ ကစားခဲ့ဖူးပေမယ့်လည်း အီတလီတစ်လတာအကောင်းဆုံးကစားသမားဆုအား ဆွတ်ခူးခဲ့ကြဖူးခြင်း မရှိပါဘူး။
ဗာဒီဟာ နိုဝင်ဘာလအတွင်း ဂျူဗင်တပ်အား ၂-၁ ဖြင့် ရှုံးနိမ့်တဲ့ပွဲတွင်သာ ဂိုးသွင်းခဲ့သလို နိုဝင်ဘာလအတွင်း ရှုံ့းပွဲ ၃ ပွဲအထိ ကြုံတွေ့ရပေမယ့်လည်း ခြေစွမ်းအပေါ် ပရိသတ်များရဲ့ အသိအမှတ်ပြုခြင်းခံလာရတာလည်း ဖြစ်ပါတယ်။
ဗာဒီဟာ အေစီမီလန်ဂိုးသမားမိုက်မိုင်နန်၊ အင်တာမီလန်တိုက်စစ်မှူးလူသာရိုမာတီနက်ဇ်၊ နာပိုလီရဲ့ ဒေးဗစ်နီရက်စ်၊ ဂျီနိုအာရဲ့ လီယိုအိုစတီဂတ်၊ အူဒီးနီးစ်ရဲ့ နီကိုလိုဇာနီအိုလိုတို့အား ကျော်ဖြတ်ကာ မဲအများဆုံး ရရှိခဲ့တာလည်း ဖြစ်ပါတယ်။
ဗာဒီဟာ စီးရီးအေအမှတ်ပေးဇယားအဆင့် ၉ နေရာတွင် ရပ်တည်နေတဲ့ ခရီမိုနက်စ်ရဲ့ နောက်ဆုံး ၈ ပွဲလုံး ပွဲထွက်ကစားထားသူ ဖြစ်ပြီး ဒီဇင်ဘာလ ၁ ရက်နေ့တုန်းက ဘိုလော့ဂ်နာအား ၃-၁ ဖြင့် အနိုင်ရတဲ့ပွဲတွင်လည်း ဂိုးသွင်းနိုင်ခဲ့ပါတယ်။

ဘာစီလိုနာတွင် ဖိအားမခံစားရဘဲ ကစားနေရကြောင်း ရက်ဖို့ဒ် ပြောကြားလာ
=====================

မားကပ်စ်ရက်ဖို့ဒ်က ဘာစီလိုနာတွင် ဖိအားတစုံတရာ မခံစားရဘဲ ကစားနေရကြောင်းနှင့် ဘောလုံးဘာသာစကားသစ်တွင် ပျော်ရွှင်နေကြောင်း ပြောကြားလာပါတယ်။
အသက် ၂၈ နှစ်ရှိ အင်္ဂလန်တိုက်စစ်မှူးဟာ နွေရာသီတုန်းက ယူနိုက်တက်မှ ဘာစီလိုနာသို့ အငှားဖြင့် ပြောင်းလာခဲ့သူ ဖြစ်ပါတယ်။
သူဟာ ဘာစီလိုနာသို့ ရောက်လာပြီးနောက် ပြိုင်ပွဲအရပ်ရပ် ၂၁ ပွဲကစားထားရာမှာ ၆ ဂိုးသွင်းပြီး ၈ ကြိမ် ဖန်တီးမှု ပြုလုပ်ထားပါတယ်။
ရက်ဖို့ဒ်က "ဒီမှာ ဖိအားလိုမျိုးအရာတွေ မခံစားရပါဘူး။ ဘောလုံးကစားဖို့ ရောက်လာရုံသက်သက်ပါ"လို့ ပြောကြားသွားပါတယ်။
ဒါ့အပြင် ရက်ဖို့ဒ်က ဘာစီလိုနာမှာ ငယ်စဉ်ကတည်းက သူအကြိုက်ဆုံး နိုင်ငံခြားကလပ်တစ်ခု ဖြစ်ကြောင်းနှင့် ဘာစီလိုနာတွင် နေထိုင်နေရင်း လူနေမှုဘဝသစ်၊ ဘောလုံးဘာသာစကားသစ်တွင် ပျော်ရွှင်နေကြောင်းလည်း ဆိုသွားပါတယ်။
ရက်ဖို့ဒ်ဟာ ယူနိုက်တက်တွင် ကစားသမားဘဝစတင်ကာ ၄၂၆ ပွဲကစားခဲ့ရာမှာ ၁၃၈ ဂိုးသွင်းယူပေးခဲ့သူ ဖြစ်ပြီး အဓိကဆုဖလား ၅ လုံး ဆွတ်ခူးခဲ့ပါတယ်။
ဒါပေမယ့် သူဟာ နည်းပြသစ်ရူဘင်အမိုရမ်လက်အောက်တွင် ရုန်းကန်ရပြီးနောက် ပြီးခဲ့တဲ့နှစ် ဒီဇင်ဘာလတုန်းက ဗီလာသို့ ခြောက်လအငှားဖြင့် သွားကစားခဲ့ရပါတယ်။
သူဟာ ဗီလာတွင် ကစားစဉ် ခြေစွမ်းပြနိုင်မှုကြောင့် သောမတ်စ်တူချယ်ရဲ့ အင်္ဂလန်အသင်းတွင် ပြန်လည်ရွေးချယ်ခြင်းခံလာခဲ့ရပါတယ်။
လာလီဂါဖလားအား ၂၈ ကြိမ် ဆွတ်ခူးထားတဲ့ ဘာစီလိုနာဟာ နွေရာသီတွင် မားကပ်စ်ရက်ဖို့ဒ်အား ပေါင် ၃၀.၃ သန်း(ယူရို ၃၅ သန်း)ဖြင့် အပြီးသတ်ခေါ်ယူနိုင်မယ့်အချက်ကိုလည်း ထည့်သွင်းထားပါတယ်။
ဆက်လက်ပြီး ရက်ဖို့ဒ်က "ဒါက ဘောလုံးဘာသာစကားသစ်ပါ။ ကမ္ဘာက အခြားလူတွေအများကြီးလိုပဲ စပိန်ဘောလုံးကို အရမ်းသဘောကျလာတဲ့သူပါ"လို့ ဆိုသွားပါတယ်။
ဘာစီလိုနာဟာ လာလီဂါပွဲ ၅ ပွဲဆက်တိုက် နိုင်ပွဲ ရရှိထားကာ ရီးရဲလ်မက်ဒရစ်အား ၄ မှတ်ဖြတ်ကာ လာလီဂါကို ဦးဆောင်နေပါတယ်။
ဒါ့အပြင် ရက်ဖို့ဒ်က "ဒီကလပ်က ဒါကို (နိုင်ပွဲ)တောင်းဆိုတဲ့ ကလပ်ပါ။ ဒီပတ်ဝန်းကျင်က ကျွန်တော်တို့ကို အကောင်းဆုံးကစားသမားဖြစ်လာဖို့ တွန်းအားပေးတယ်။ ကစားသမားတစ်ယောက်အတွက် အကောင်းဆုံးကစားသမားဖြစ်လာဖို့ အပြီးပြည့်စုံဆိုနေရာလည်း ဖြစ်ပါတယ်"လို့ ပြောကြားသွားပါတယ်။

ဖရန့်ဖတ်ပရိသတ်များကြောင့် ဘာစီလိုနာရဲ့ နူးကမ့်ကွင်းသစ် ဆိုးဆိုးရွားရွား ပျက်စီးမှု ဖြစ်သွား
=======================

ဘာစီလိုနာရဲ့နူးကမ့်ကွင်းသစ်ဟာ ဖရန့်ဖတ်ပရိသတ်များကြောင့် ဆိုးဆိုးရွားရွား ပျက်စီးသွားခဲ့ကြောင်း သိရပါတယ်။
ဘာစီလိုနာဟာ နူးကမ့်ကွင်းဟောင်းဖြိုချကာ ယင်းနေရာတွင်ပင် ကွင်းသစ်တည်ဆောက်ထားတာ ဖြစ်ပြီး ပရိသတ် ၁၀၅၀၀၀ ဆန့်ကွင်းသစ်အဖြစ် တည်ဆောက်ထားတာပါ။
ဒါပေမယ့် ဘာစီလိုနာဟာ နူးကမ့်ကွင်းအား အပြီးသတ် တည်ဆောက်ပြီးစီးမှု မရှိသေးချိန်အတွင်း ပရိသတ်အရေအတွက် လျှော့ချကာ ကွင်းသစ်တွင် လက်ခံကစားနေပါတယ်။
ဘာစီလိုနာဟာ နူးကမ့်ကွင်းသစ်တွင် ပထမဆုံးချန်ပီယံလိဂ်အိမ်ကွင်းပွဲအဖြစ် ဖရန့်ဖတ်အား ၂-၁ ဖြင့် အနိုင်ရတဲ့ပွဲကို လက်ခံကစားခဲ့ပါတယ်။
ဒါပေမယ့် နူးကမ့်ကွင်းသစ်ဟာ အဝေးကွင်းပရိသတ်များရဲ့ ဘီယာများဖြင့် ပစ်ပေါက်ခြင်း၊ မီးရှူးများဖြင့် ပစ်ပေါက်ခြင်း၊ ပလတ်တစ်အရံအတားအား ဖျက်ဆီးခြင်းခံရမှုကြောင့် ဆိုးဆိုးရွားရွား ပျက်စီးသွားခဲ့ကြောင်း သိရပါတယ်။
အဆိုပါပွဲစဉ်တွင် ကွင်းလုံခြုံရေးဝန်ထမ်းများဟာ ဘာစီလိုနာပရိသတ်များရှိရာသို့ မီးရှူးဖြင့် ပစ်ပေါက်ခဲ့တဲ့ ဖရန့်ဖတ်ပရိသတ်အချို့တို့ကို ကွင်းအတွင်းမှ ဖယ်ရှားမှု ပြုလုပ်ခဲ့ရပါသေးတယ်။
လက်ရှိအချိန်တွင် ဘာစီလိုနာဟာ ကွင်းအတွင်း ပျက်စီးမှုများကို ဆန်းစစ်မှုများ ပြုလုပ်နေပြီး ပြန်လည်ပြုပြင်မှုများ ပြုလုပ်ရန် စီစဉ်နေပါတယ်။
အဆိုပါပွဲစဉ်တွင် ဘာစီလိုနာဟာ နောက်ခံလူခွန်ဒီရဲ့ သွင်းဂိုး ၂ ဂိုးကြောင့် ၂-၁ ဖြင့် အနိုင်ရခဲါ့တယ်။

ကမ္ဘာ့ဖလားဗိုလ်လုပွဲလက်မှတ်အား ဒေါ်လာ ၅၀၀၀ အထိ သတ်မှတ်လာမှုကြောင့် ဖီဖာ အပြင်းအထန် ဝေဖန်ခြင်းခံနေရ
======================

တစ်ကမ္ဘာလုံးဘောလုံးပရိသတ်များဟာ လာမယ့် ၂၀၂၆ ကမ္ဘာ့ဖလားဗိုလ်လုပွဲအတွက် လက်မှတ်အား ဒေါ်လာ ၅၀၀၀ အထိ သတ်မှတ်လာမှုနှင့်အတူ ဖီဖာအား အပြင်းအထန် ဝေဖန်နေကြပါတယ်။
ဖီဖာဟာ နယူးယောက်ရှိ MetLife Stadium တွင် ကစားမယ့် ကမ္ဘာ့ဖလားဗိုလ်လုပွဲလက်မှတ်အား အဆင့် ၃ ဆင့်ခွဲကာ ရောင်းချလာပါမယ်။
ဖီဖာဟာ ပထမတန်းလက်မှတ်အား ဒေါ်လာ ၄၁၈၅ ဖြင့်လည်းကောင်း၊ ဒုတိယတန်းလက်မှတ်အား ဒေါ်လာ ၅၅၆၀ ဖြင့်လည်းကောင်း၊ တတိယတန်းလက်မှတ်အား ဒေါ်လာ ၈၈၆၀ ဖြင့်လည်းကောင်း သတ်မှတ်ထားပါတယ်။
ဖီဖာဟာ ကာတာတွင် ကျင်းပခဲ့တဲ့ ၂၀၂၂ ကမ္ဘာ့ဖလားဗိုလ်လုပွဲတုန်းက တန်ဖိုးအနည်းဆုံးလက်မှတ်အား ဒေါ်လာ ၅၀၀ ဝန်းကျင်သာ သတ်မှတ်လာရာ ၂၀၂၆ ကမ္ဘာ့ဖလားဗိုလ်လုပွဲလက်မှတ်အား ၇ ဆအထိ တိုးမြှင့်သတ်မှတ်လာတာလည်း ဖြစ်ပါတယ်။
ဖီဖာဟာ ကလေးသူငယ်နှင့် မသန်စွမ်းတို့အတွက် လက်မှတ်ဈေးနှုန်းကို ထုတ်ပြန်ထားခြင်းတော့ မရှိသေးပါဘး။
ယင်းသို့ ဖီဖာက ကမ္ဘာ့ဖလားဗိုလ်လုပွဲလက်မှတ်ဈေးနှုန်းအား အဆမတန် သတ်မှတ်လာမှုက ပရိသတ်များကို ပါးရိုက်သလို ဖြစ်နေကြောင်း The Football Supporters' Association's England Fans' Embassy က အပြင်းအထန် ဝေဖန်ထားပါတယ်။
တဖက်တွင် ဖီဖာဟာ ကမ္ဘာ့ဖလားပြိုင်ပွဲအုပ်စု၊ ရှုံးထွက်၊ ကွာတားဖိုင်နယ်၊ ဆီမီးဖိုင်နယ်တို့အတွက် လက်မှတ်ဈေးနှုန်းကိုလည်း တိုးမြှင့်သတ်မှတ်ထားပါသေးတယ်။
တကယ်လို့များ ပရိသတ်တစ်ဦးအနေဖြင့် ဗိုလ်လုပွဲအထိ ၈ ပွဲကြည့်မည်ဆိုပါက လက်မှတ်ဖိုးသက်သက် အနည်းဆုံး ပေါင် ၅၂၂၅ (ဒေါ်လာ ၆၉၉၇)၊ အလယ်တန်းမှ ကြည့်လျှင် ပေါင် ၈၅၈၀ (ဒေါ်လာ ၁၁၄၉၀)၊ အဆင့်မြင့်တန်းမှ ကြည့်လျှင် ပေါင် ၁၂၃၅၇ (ဒေါ်လာ ၁၆၅၄၈)အထိ သုံးစွဲရပါမယ်။
ပရိသတ်များဟာ ၂၀၂၂ ကာတာကမ္ဘာ့ဖလားပြိုင်ပွဲတုန်းက ဗိုလ်လုပွဲအထိ ၇ ပွဲအတွက် လက်မှတ်ဖိုး ပေါင် ၁၄၆၆၊ ပေါင် ၂၆၄၅ (သို့မဟုတ်) ပေါင် ၃၉၁၄ တို့သာ သုံးစွဲခဲ့ရပါတယ်။
လက်ရှိအချိန်တွင် ဖီဖာဘက်က ကမ္ဘာ့ဖလားလက်မှတ်ဈေးနှုန်း အလွန်မြှင့်တင်ရောင်းချလာမှုနှင့်ပတ်သက်ပြီး တစုံတရာ မှတ်ချက်ပြု ပြောကြားထားခြင်း မရှိပါဘူး။

အမိုရမ်ကြောင့် ယူနိုက်တက်စတားများကို အင်္ဂလန်အသင်းတွင် ရွေးချယ်ရန် တူချယ် စိုးရိမ်နေ
===================

သောမတ်စ်တူချယ်ဟာ ယူနိုက်တက်တွင် ခြေစွမ်းပြကစားနေပေမယ့်လည်း မေဆင်မောင့်အား အင်္ဂလန်အသင်းတွင် ရွေးချယ်ရမည်ကို စိုးရိမ်နေပါတယ်။
အင်္ဂလန်နည်းပြတူချယ်ဟာ ၂၀၂၆ ကမ္ဘာ့ဖလားပြိုင်ပွဲတွင် သမိုင်းတွင် ပထမဆုံးအကြိမ်အဖြစ် ယူနိုက်တက်ကစားသမား တစ်ဦးမျှ မပါဝင်တဲ့ အင်္ဂလန်အသင်းဖြင့် ကစားရန် နီးစပ်နေကြောင်း သိရပါတယ်။
အင်္ဂလန်နည်းပြတူချယ်ဟာ မေဆင်မောင့်အား ခြေစွမ်းကြောင် မဟုတ်ဘဲ ယူနိုက်တက်နည်းပြရူဘင်အမိုရမ် အသုံးပြုနေတဲ့ နည်းဗျူဟာကြောင့် ရွေးချယ်ရေး ဆုံးဖြတ်ရခက်ခဲနေတာ ဖြစ်ပါတယ်။
တူချယ်ဟာ ချဲလ်ဆီးတွင် မေဆင်မောင့်နှင့် အတူ အလုပ်လုပ်ခဲ့ဖူးသလို လက်ရှိခြေစွမ်းပြနေမှုအပေါ်တွင်လည်း ကျေနပ်အားရနေပါတယ်။
ဒါပေမယ့် တူချယ်ဟာ ရူဘင်အမိုရမ် အသုံးပြုနေတဲ့ ဗျူဟာမှာ သူ အင်္ဂလန်အသင်းတွင် အသုံးပြုနေတဲ့ ဗျူဟာနှင့် များစွာ ကွဲပြားနေမှုနှင့်အတူ မေဆင်မောင့်အား ရွေးချယ်ရန် စဉ်းစားခက်ဲနေခြင်း ဖြစ်ပါတယ်။
အင်္ဂလန်နည်းပြတူချယ်ဟာ ပြီးခဲ့တဲ့လတုန်းက အဲဗာတန်နှင့် ပွဲစဉ်အား အိုးထရက်ဖို့ဒ်ကွင်းသို့ သွားရောက် ကြည့်ရှုစဉ် ဥမင်လှိုဏ်ခေါင်းအတွင်းတွင် ယူနိုက်တက်ကစားသမားများဖြစ်ကြတဲ့ မေဆင်မောင့်၊ လုခ်ရှောတို့နှင့် အချိန်တန်ကြာ စကားပြော ဆွေးနွေးခဲ့ပါတယ်။
လုခ်ရှောနှင့် မေဆင်မောင့်တို့ဟာ ယခုရာသီတွင် ဒဏ်ရာကင်းကင်းဖြင့် ယူနိုက်တက်တွင် အကောင်းဆုံးကစားနေကြပေမယ့်လည်း အင်္ဂလန်အသင်းတွင် ဆက်လက် ချန်လှပ်ခြင်းခံလာခဲ့ရသူများ ဖြစ်ပါတယ်။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
(ဒီဇင်ဘာ - ၁၂ ရက်၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၂၇၄ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၅၉၈၀၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၉၀၀၀၀၀ ကျပ်
ဝယ်ဈေး ၈၈၆၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၅၀၀၀၀၀ ကျပ်
ဝယ်ဈေး ၈၄၆၀၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၇၈၀၀၀၀ ကျပ်
ဝယ်ဈေး ၈၇၄၀၀၀၀ ကျပ်
-၁၅ ပဲရည် တကျပ်သား
ရောင်းဈေး ၈၃၈၀၀၀၀ ကျပ်
ဝယ်ဈေး ၈၃၄၀၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၅၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၀၁၀ ကျပ်
ဝယ်ဈေး - ၃၉၁၀ ကျပ်
-စင်္ကာပူဒေါ်လာ
ရောင်းဈေး - ၃၁၀၀ ကျပ်
ဝယ်ဈေး - ၃၀၂၅ ကျပ်
-ယူရို
ရောင်းဈေး - ၄၇၀၀ ကျပ်
ဝယ်ဈေး - ၄၅၈၅ ကျပ်
-ထိုင်းဘတ်
ရောင်းဈေး - ၁၂၆.၅၈ ကျပ်
ဝယ်ဈေး - ၁၂၃.၄၇ ကျပ်
-မလေးရှားရင်းဂစ်
ရောင်းဈေး - ၉၇၆ ကျပ်
ဝယ်ဈေး - ၉၅၂ ကျပ်
-တရုတ်ယွမ်
ရောင်းဈေး - ၅၆၈ ကျပ်
ဝယ်ဈေး - ၅၅၄ ကျပ်
-ဂျပန်ယန်း
ရောင်းဈေး - ၂၅.၇၃ ကျပ်
ဝယ်ဈေး - ၂၅.၁ ကျပ်
-အိန္ဒိယရူပီး
ရောင်းဈေး - ၄၄.၃၅ ကျပ်
ဝယ်ဈေး - ၄၃.၂၆ ကျပ်
-ကိုရီးယားဝမ်
ရောင်းဈေး - ၂.၇၂ ကျပ်
ဝယ်ဈေး - ၂.၆၅ ကျပ်
-စတာလင်ပေါင်
ရောင်းဈေး - ၅၃၆၀ ကျပ်
ဝယ်ဈေး - ၅၂၃၀ ကျပ်
-ဩစတြေးလျဒေါ်လာ
ရောင်းဈေး - ၂၆၇၀ ကျပ်
ဝယ်ဈေး - ၂၆၀၅ ကျပ်
-ကနေဒါဒေါ်လာ
ရောင်းဈေး - ၂၉၀၉ ကျပ်
ဝယ်ဈေး - ၂၈၃၇ ကျပ်
-ဟောင်ကောင်ဒေါ်လာ
ရောင်းဈေး - ၅၁၅ ကျပ်
ဝယ်ဈေး - ၅၀၂ ကျပ်
-ယူအေအီး
ရောင်းဈေး - ၁၀၉၁ ကျပ်
ဝယ်ဈေး - ၁၀၆၄ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

မန်ယူအသင်းရဲ့အသားတင်အကြွေးပမာဏ ဒေါ်လာတစ်ဘီလီယံအထက်ကို ပထမဆုံးအကြိမ်ရောက်ရှိလာ

မန်ယူအသင်းရဲ့ အသားတင်အကြွေးပမာဏဟာ ဒေါ်လာ(၁)ဘီလီယံအထက်ကို ပထမဆုံးအကြိမ် ရောက်ရှိလာခဲဲ့ကြောင်း သိရပါတယ်။
မန်ယူအသင်းဟာ ၂၀၂၅-၂၆ ရာသီ ပထမ(၃)လစာအတွက် ဘဏ္ဍာရေးရှင်းတမ်းကို ကြာသပတေးနေ့က ထုတ်ပြန်ခဲ့ရာမှာ အမြတ်ငွေ ပေါင်(၁၃)သန်းရရှိခဲ့ပေမဲ့ အသားတင်ကြွေးမြီကတော့ ဒေါ်လာ(၁.၀၀၂)ဘီလီယံ (ပေါင် ၇၄၉ သန်း) ရှိလာခြင်းဖြစ်ကြောင်း သိရပါတယ်။
မန်ယူအသင်းရဲ့ ဘောလုံးရေးရာကိစ္စတွေကို စီမံခွင့်ရရှိနေတဲ့ ဆာဂျင်မ်ရက်ကလစ်ဖ်က အသင်းရဲ့ အသုံးစရိတ်တွေကို လျှော့ချနိုင်ဖို့ နည်းအမျိုးမျိုးနဲ့ ကြိုးပမ်းခဲ့တာကြောင့် ပြီးခဲ့တဲ့ရာသီထက် အမြတ်ငွေ မြင့်တက်လာခဲ့ပေမဲ့ အသားတင်ကြွေးမြီကတော့ ထပ်တိုးလာခဲ့တာပါ။
မန်ယူအသင်းဟာ ဥရောပပြိုင်ပွဲ ယှဉ်ပြိုင်ခွင့်မရတာကြောင့် ကွင်းဝင်ကြေးနဲ့ ရုပ်သံဝင်ငွေတွေ လျော့ကျခဲ့ကြောင်းလည်း သိရပါတယ်။
မန်ယူအသင်းဟာ အခုလိုမျိုး ကြွေးမြီပမာဏ မြင့်တက်လာခဲ့ပေမဲ့ ဇန်နဝါရီအပြောင်းအရွှေ့မှာ ကစားသမားသစ်တွေ အားဖြည့်ခေါ်ယူဖို့ လုပ်ဆောင်သွားမှာဖြစ်ကြောင်း သိရပါတယ်။
မန်ယူအသင်းဟာ ပြောင်းရွှေ့ကြေးအလွတ်နဲ့ ရရှိနိုင်မယ့် ရီးယဲလ်နောက်ခံလူဟောင်း ရာမို့စ်ကို ခေါ်ယူဖို့ စီစဉ်နေကြောင်းလည်း သတင်းထွက်နေပါတယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
**************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

Next

Frozen Flour Tortillas Market Set to Expand Rapidly Through 2032

The global Frozen Flour Tortillas market is experiencing significant growth, driven by increasing consumer demand for convenience foods, changing dietary habits, and the growing popularity of Mexican and Tex-Mex cuisines worldwide. Frozen flour tortillas offer consumers a quick, convenient, and versatile option for preparing meals, contributing to their widespread adoption in households, foodservice operations, and industrial applications. According to Market Intelo’s latest report, the global market for frozen flour tortillas is projected to grow from USD 4.5 billion in 2024 to USD 7.8 billion by 2032, at a CAGR of 7.3% during the forecast period.
Read Full Research Study: https://marketintelo.com/repor....t/frozen-flour-torti