ငဝန်မြစ်ရေကာတာ ကျိုးပေါက်မှုကြောင့် သြဂုတ် ၅ ရက်အထိ လေးမျက်နှာမြို့ပေါ်ရပ်ကွက် ငါးခုနှင့် ကျေးရွာ ၁၀၆ ရွာ၌ ရေးကြီးမှုဖြစ်ပွားနေ
ငဝန်မြစ်ရေကာတာ ကျိုးပေါက်မှုကြောင့် သြဂုတ် ၅ ရက်အထိ လေးမျက်နှာမြို့ပေါ်ရပ်ကွက် ငါးခုနှင့် ကျေးရွာ ၁၀၆ ရွာ၌ ရေးကြီးမှုဖြစ်ပွားနေကြောင်း သိရသည်။
ဧရာဝတီတိုင်းဒေသကြီး လေးမျက်နှာမြို့နယ်၌ ဇူလိုင် ၃၀ ရက် ညပိုင်းတွင် မိုးသည်းထန်စွာရွာသွန်းမှုနှင့် မြစ်ရေတိုက်စားမှုကြောင့် ငဝန်မြစ်ရေကာတာ ကျိုးပေါက်မှုဖြစ်ပွားခဲ့သဖြင့် သြဂုတ် ၅ ရက်အထိ လေးမျက်နှာမြို့ပေါ်ရပ်ကွက် ငါးခု၊ မြို့တွင်းလမ်းမကြီးများနှင့် ပတ်ဝန်းကျင်ကျေးရွာ ၇၂ ရွာ၊ ဟင်္သာတမြို့နယ် ၂၆ ရွာ၊ ရေကြည်မြို့နယ် ခြောက်ရွာနှင့် ကျုံပျော်မြို့နယ် နှစ်ရွာ စုစုပေါင်း ၁၀၆ ရွာသို့ ရေဝင်ရောက်မှုများ ဖြစ်ပွားလျက်ရှိကြောင်း သိရသည်။
ဩဂုတ် ၄ ရက် ညနေပိုင်းအထိ ကောက်ယူရရှိသော အချက်အလက်များအရလည်း ငဝန်ရေကာတာပျက်စီးမှုကြောင့် လေးမျက်နှာမြို့နယ်တွင် ပြည်သူသုံးသောင်းကျော် ရေဘေးသင့်ခဲ့ကြောင်း နိုင်ငံတော်သမ္မတရုံး သတင်းနှင့် ပြန်ကြားရေးဗျူရိုက ထုတ်ပြန်သည်။
