"အခုနောက်ပိုင်းကတော့ ရေနည်းနည်း ပြန်ကျလာပြီ။ ကယ်ဆယ်ရေးစခန်းတွေကနေ အိမ်တွေတော့ ပြန်မရောက်ကြသေးဘူး"
"အခုနောက်ပိုင်းကတော့ ရေနည်းနည်း ပြန်ကျလာပြီ။ ကယ်ဆယ်ရေးစခန်းတွေကနေ အိမ်တွေတော့ ပြန်မရောက်ကြသေးဘူး"

ငဝန်မြစ်ရေ မြင့်တက်ပြီး တာပေါက်မှုကြောင့် ဧရာဝတီတိုင်းဒေသကြီး လေးမျက်နှာမြို့အပါအဝင် ကျေးရွာအများအပြားတွင် ရေကြီးရေနစ်မြုပ်မှုများ ဖြစ်ပွားလျက်ရှိသည်။ ရေကြီးမှုကြောင့် လေးမျက်နှာမြို့နယ်တွင် လူဦးရေ သုံးသောင်းနီးပါးခန့် ရေဘေးသင့်ခဲ့ပြီး လယ်မြေသုံးသောင်းနီးပါးခန့် ရေနစ်မြုပ်ခဲ့သည်။

ရေကြီးမှုအခြေအနေများနှင့်ပတ်သက်ပြီး ဧရာဝတီတိုင်းဒေသကြီးရှိ Eleven Media Group မှ သတင်းထောက် ကိုအောင်ကျော်မျိုးနှင့် ဆက်သွယ်မေးမြန်းထားသည်များကို ဖော်ပြအပ်ပါသည်။

မေး - အခု လက်ရှိ ရေကြီးရေလွှမ်းမှု အခြေအနေလေးက ဘယ်လိုရှိလဲဗျ။

ဖြေ - လက်ရှိကတော့ ကနဦးအနေနဲ့ကတော့ တာကျိုးတယ်။ တာကျိုးပေါက်ကနေပြီးတော့ ရေဝင်လာတယ်ပေါ့။ ဝင်လာပြီးတော့ တာကျိုးပေါက်နဲ့ ဆက်စပ်နေတဲ့ ရွာပေါ့နော်၊ ဆက်စပ်နေတဲ့ ရွာတွေကို ဝင်တယ်။ ပြီးသွားရင် တာကျိုးပေါက်နဲ့ မြို့နဲ့ကလည်း အရမ်းကြီး လှမ်းနေတာမျိုး မဟုတ်ဘူး။ တစ်မိုင်ခွဲ၊ နှစ်မိုင်လောက်ပဲ ရှိမယ်။ အဲတော့ အဲဒီမြို့ထဲကိုပါ ဆက်ပြီးတော့ မြို့ဧရိယာထဲ အထိပါ ရေတွေ ဝင်လာတော့ စာသင်ကျောင်းတို့၊ ဆေးရုံတို့ အပါအဝင် နေအိမ်တွေရော ရုံးဌာနတွေရော အကုန်လုံး ရေကြီးနစ်မြုပ်တာပေါ့။ ပြီးလို့ရှိရင် စိုက်ဧကပေါင်း များစွာ ရေနစ်မြုပ်တယ်။ နစ်မြုပ်ပြီးသွားတော့ ဆက်စပ်နေတဲ့ နေရာတွေဖြစ်တဲ့ အိုင်သပြုဘက်တို့ဘာတို့၊ အဲဒီ အိုင်သပြုဘက်ကိုပါ ဆက်ပြီးတော့ ရေကဆင်းသွားတာပေါ့နော်။ အဲ အခုဆိုလို့ရှိရင်တော့ ငသိုင်းချောင်းဘက်အထိပါ ငသိုင်းချောင်းမြို့ဘက်အထိပါ ရေက ရောက်နေပြီလို့ ပြောလို့ရတယ်။ ဒီဘက် ဟင်္သာတဘက် အခြမ်းကို စီးဆင်းမှုကတော့ ကျွန်တော်တို့ တလုပ်ထော် အနီးစပ်ဆုံး ရှိနေပေမယ့် တလုပ်ထော်အထိတော့ မရောက်သေးဘူး။ ကြားမှာ လယ်ကွင်းတွေဘက်အခြမ်းအထိပဲ စီးဆင်းတဲ့ အခြေအနေရှိတဲ့ သဘောမျိုးပဲ ရှိတယ်ဗျ။

ယနေ့ ရွှေဈေးနဲ့ နိုင်ငံခြားငွေလဲနှုန်းများ
( ၂၀၂၆ - ဩဂုတ် ၁၂ ၊ နံနက် ၁၀ နာရီ)

#ရွှေဈေး
-ကမ္ဘာ့ရွှေဈေး
တအောင်စ ၄၄၀၇ ဒေါ်လာ
ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း
- အကယ်ဒမီ မီးလင်းရွှေ တကျပ်သား
၇,၀၅၀,၀၀၀ ကျပ်
ပြင်ပ အရောင်းအဝယ်ဖြစ်တဲ့ ရွှေဈေးနှုန်း
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၁၀,၀၉၀,၀၀၀ ကျပ်
ဝယ်ဈေး ၁၀,၀၅၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၆၉၀,၀၀၀ ကျပ်
ဝယ်ဈေး ၉,၆၅၀,၀၀၀ ကျပ်
* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)
-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၉,၉၇၀,၀၀၀ ကျပ်
ဝယ်ဈေး ၉,၉၃၀,၀၀၀ ကျပ်
-၁၅ ပဲရည် တကျပ်သား
ရောင်းဈေး ၉,၅၇၀,၀၀၀ ကျပ်
ဝယ်ဈေး ၉,၅၃၀,၀၀၀ ကျပ်
“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”
(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)
#နိုင်ငံခြားငွေလဲလှယ်နှုန်း
-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၆၃ ကျပ်
ပြင်ပပေါက်စျေး
-အမေရိကန်ဒေါ်လာ‌
ရောင်းဈေး - ၄၄၀၀ ကျပ်
ဝယ်ဈေး - ၄၃၀၀ ကျပ်
-စင်္ကာပူဒေါ်လာ
ရောင်းဈေး - ၃၄၅၀ ကျပ်
ဝယ်ဈေး - ၃၃၆၀ ကျပ်
-ယူရို
ရောင်းဈေး - ၅၀၉၅ ကျပ်
ဝယ်ဈေး - ၄၉၆၀ ကျပ်
-ထိုင်းဘတ်
ရောင်းဈေး - ၁၃၃.၃၃ ကျပ်
ဝယ်ဈေး - ၁၂၉.၈၇ ကျပ်
-မလေးရှားရင်းဂစ်
ရောင်းဈေး - ၁၀၇၈ ကျပ်
ဝယ်ဈေး - ၁၀၅၀ ကျပ်
-တရုတ်ယွမ်
ရောင်းဈေး - ၆၅၇ ကျပ်
ဝယ်ဈေး - ၆၃၉ ကျပ်
-ဂျပန်ယန်း
ရောင်းဈေး - ၂၇.၇၁ ကျပ်
ဝယ်ဈေး - ၂၆.၉၉ ကျပ်
-အိန္ဒိယရူပီး
ရောင်းဈေး - ၄၆.၂၇ ကျပ်
ဝယ်ဈေး - ၄၅.၀၆ ကျပ်
-ကိုရီးယားဝမ်
ရောင်းဈေး - ၃.၁၄ ကျပ်
ဝယ်ဈေး - ၃.၀၅ ကျပ်
-စတာလင်ပေါင်
ရောင်းဈေး - ၅၉၈၉ ကျပ်
ဝယ်ဈေး - ၅၈၁၈ ကျပ်
-ဩစတြေးလျဒေါ်လာ
ရောင်းဈေး - ၃၁၁၅ ကျပ်
ဝယ်ဈေး - ၃၀၃၅ ကျပ်
-ကနေဒါဒေါ်လာ
ရောင်းဈေး - ၃၁၇၀ ကျပ်
ဝယ်ဈေး - ၃၀၉၀ ကျပ်
-ဟောင်ကောင်ဒေါ်လာ
ရောင်းဈေး - ၅၆၅ ကျပ်
ဝယ်ဈေး - ၅၄၉ ကျပ်
-ယူအေအီး
ရောင်းဈေး - ၁၂၀၇ ကျပ်
ဝယ်ဈေး - ၁၁၇၃ ကျပ်
ငွေလဲနှုန်းများ အချိန်နှင့်အမျှ ပြောင်းလဲနိုင်သည်။
***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

မွေးရပ်မြေ ရိုဆာရီယိုတွင် အသက် ၆၈ နှစ်အရွယ်ရှိ လီယွန်နယ်မက်ဆီရဲ့ဖခင် ကွယ်လွန်
====================

လီယွန်နယ်မက်ဆီရဲ့ဖခင်ဟာ မွေးရပ်မြေ ရိုဆာရီယိုတွင် အသက် ၆၈ နှစ် အရွယ်မှာပဲ ကွယ်လွန်လာပါတယ်။
ဂျော့မက်ဆီဟာ Ballon d'Or ၈ ကြိမ်ရ လီယွန်နယ်မက်ဆီရဲ့ ကြီးကျယ်ခမ်းနားတဲ့ ဂန္ထဝင်ဘောလုံးသမားဘဝတွင် အရေးပါတဲ့ အခန်းကဏ္ဍမှ ပါဝင်ခဲ့သူ ဖြစ်ပြီး လူငယ်ကစားသမားဘဝစတင်ရာ Newell's Old Boys မှာကတည်းက အေးဂျင့်အဖြစ် ဆောင်ရွက်ပေးလာခဲ့သူလည်း ဖြစ်ပါတယ်။
စီနီယာမက်ဆီဟာ ကျန်းမာရေးပြဿနာတိုက်ပွဲဝင်နေခဲ့ရတာ ဖြစ်ပြီး ကမ္ဘာ့ဖလားပြိုင်ပွဲတုန်းက မက်ဆီက ၎င်းနှင့်မိသားစုမှာ ခက်ခဲတဲ့ကာလအား ဖြတ်သန်းနေရကြောင်း ဖွင့်ဟဝန်ခံခဲ့ဖူးပါတယ်။
မက်ဆီရဲ့ ပထမဆုံးကလပ် Newell's Old Boys က ဂျော့ကွယ်လွန်မှုအတွက် ဝမ်းနည်းကြောင်း အထိမ်းအမှတ် ထုတ်ပြန်ထားပါတယ်။

ဘောလုံးပွဲတစ်ပွဲ မတိုင်မီ ပူတင်ရဲ့ ဗုံးကြဲတိုက်ခိုက်မှုကြောင့် ယူကရိန်းရဲ့ အကြီးမားဆုံးကွင်းများထဲမှ တစ်ကွင်း ခေါင်းမိုးပျက်စီးပြီး လူ ၂ ဦး ဒဏ်ရာရရှိ
====================

ယူကရိန်းရဲ့အကြီးမားဆုံးကွင်းထဲမှ တစ်ကွင်းဟာ အဆင့်မြင့်တန်းပွဲတစ်ပွဲမတိုင်မီ ပူတင်ရဲ့ ဗုံးကြဲတိုက်ခိုက်မှုနှင့် ကြုံခဲ့ရပါတယ်။
ရုရှားဟာ သောကြာနေ့တုန်းက ညနေ ၃ နာရီဝန်းကျင်အချိန်တွင် အိုဒက်စ်ဆာရဲ့ Chornomorets Stadium အား ဗုံးကြဲတိုက်ခိုက်ခဲ့တာလည်း ဖြစ်ပါတယ်။ ယင်းကွင်းမှာ ယူကရိန်းတောင်ပိုင်းတွင် အကြီးမားဆုံးကွင်းလည်း ဖြစ်ပါတယ်။
ယင်းကွင်းမှာ ပရိသတ် ၃၄၀၀၀ ကျော် ဝင်ဆန့်ပြီး Chornomorets Odessaနှင့် Seasters တို့က အိမ်ကွင်းအဖြစ် အသုံးပြုနေတဲ့ ကွင်း ဖြစ်ပါတယ်။
Chornomorets Stadium ကွင်းတွင် ယနေ့ စနေနေ့မှာ Chornomorets နှင့် Kolos တို့ ကစားရန် စီစဉ်ထားခဲ့တာ ဖြစ်ပြီး ဗုံးကြဲတိုက်ခိုက်ခံရမှုကြောင့် ပွဲကို ရွှေ့ဆိုင်းလာရဖို့ ရှိနေပါတယ်။
Chornomorets Stadium ကွင်းအား တိုက်ခိုက်ခံရတဲ့အကြောင်းကို ယူကရိန်းနိုင်ငံရေးသမားအိုလက်ဆီဟွန်ချာရန်ကိုက သူ့ရဲ့ တယ်လီဂရမ်ချန်နယ်တွင် ပထမဆုံး ပို့စ်တင်လာတာ ဖြစ်ပြီး ကွင်းအား ထိခိုက်ထားတဲ့ ဓာတ်ပုံများကိုလည်း တင်ထားပါတယ်။
ရုရှားရဲ့ ဗုံးကြဲတိုက်ခိုက်မှုကြောင့် ကွင်းပတ်ပတ်လည်တွင် ကာရန်ထားတဲ့ မှန်များ ကွဲခဲ့သလို ပွဲကြည့်စင်လည်း ထိခိုက်ခဲ့ကာ ခေါင်းမိုးလည်း ဆိုးဆိုးရွားရွား ပျက်စီးခဲ့တာ တွေ့ရပါတယ်။
ယင်းတိုက်ခိုက်မှုကြောင့် အသက် ၂၉ နှစ်အရွယ်အမျိုးသမီးတစ်ဦးအပါအဝင် ၂ ဦး ဒဏ်ရာရရှိခဲ့ကြောင်း သိရပါတယ်။
ထိခိုက်ဒဏ်ရာရရှိခဲ့ကြသူများမှာ ကွင်းဝန်ထမ်းများ ဖြစ်နိုင်ခြေများနေပါတယ်။
ယင်းဗုံးကြဲတိုက်ခိုက်မှုကြောင့် ကွင်းရဲ့ ခြောက်သွေ့နေတဲ့ မြက်ခင်းကိုလည်း ထိခိုက်မှု ရှိပေမဲ့လည်း အလျှင်အမြန်ပင် ကာကွယ်နိုင်ခဲ့ပါတယ်။
Chornomorets Stadium ကွင်းမှာ အိုဒက်စ်ဆာရဲ့ သမိုင်းဝင် ရှက်ဗ်ချင်ကိုပန်းခြံတွင် တည်ရှိပြီး ယူကရိန်းပရီးမီးယားလိဂ်ပွဲစဉ်များအား ပုံမှန်လက်ခံကျင်းပလာတဲ့ ကွင်းလည်း ဖြစ်ပါတယ်။

မာဆေးဂိုးသမားရူလီကို ခေါ်ယူရန် မန်စီးတီး သဘောတူညီမှု ရရှိလာ
===================

မန်စီးတီးဟာ မာဆေးမှ အာဂျင်တီးနားဂိုးသမားဂီရိုနီမိုရူလီအား ပြောင်းရွှေ့ကြေး ပေါင် ၁.၇ သန်းဖြင့် ခေါ်ယူရန် သဘောတူညီမှု ရရှိလာပြီ ဖြစ်ပါတယ်။
အသက် ၃၄ နှစ်ရှိ ဂိုးသမားဟာ ၂၀၁၆-၁၇ ရာသီတုန်းက မန်စီးတီးတွင် ကျင်လည်ခဲ့စဉ်အတွင်း တစ်ပွဲမျှ ကစားခွင့်မရခဲ့ပေမယ့်လည်း ဒုတိယအကြိမ်မြောက် အီတီဟတ်သို့ ပြန်ရောက်လာတော့မှာ ဖြစ်ပါတယ်။
ရူလီဟာ ၂၀၂၁ ခုနှစ်တုန်းက ယူနိုက်တက်အား ဗီလာရီးရဲလ်တို့ အနိုင်ရတဲ့ ယူရိုပါလိဂ်ဗိုလ်လုပွဲတွင် ပင်နယ်တီအဆုံးအဖြတ်မှာ ပင်နယ်တီကန်သွင်းခဲ့သလို ဒေးဗစ်ဒီဂီယာရဲ့ ပင်နယ်တီကို ကာကွယ်ကာ နာမည်ကြီးခဲ့သူလည်း ဖြစ်ပါတယ်။
သူဟာ အာဂျင်တီးနားအတွက် ၈ ပွဲကစားထားပြီး ၂၀၂၂ ကမ္ဘာ့ဖလားနှင့် ၂၀၂၄ ကိုပါအမေရိကဖလားတို့ ရယူထားပါတယ်။
သူဟာ ဆိုစီဒက်၊ မွန်ပယ်လီယာနှင့် အေဂျက်စ်အသင်းတို့တွင်လည်း ကစားခဲ့ဖူးပါတယ်။
မန်စီးတီးဟာ အင်္ဂလန်ဂိုးသမားဂျိမ်းစ်ထရက်ဖို့ဒ်အား လိဒ်သို့ ပေါင် ၄၅ သန်းဖြင့် ရောင်းလိုက်ပြီးနောက် ရူလီဖြင့် အစားထိုးလာတာလည်း ဖြစ်ပါတယ်။

စီယူတာနယ်စပ်အကြပ်အတည်းကြောင့် မော်ရိုကိုခြေစမ်းပွဲကို ဘာစီလိုနာ ဖျက်သိမ်းလာ
====================

ဘာစီလိုနာဟာ စီယူတာနယ်စပ်အကြပ်အတည်းပြဿနာကြောင့် မော်ရိုကိုတွင် ရာသီကြိုခြေစမ်းပွဲကစားမယ့် အစီအစဉ်အား ဖျက်သိမ်းလာပါတယ်။
စပိန်ချန်ပီယံဟာ ဩဂုတ်လ ၁၅ ရက်နေ့တွင် ရာသီသစ်အတွက် ပြင်ဆင်တဲ့အနေဖြင့် မော်ရိုကိုအနာက်မြောက်ပိုင်းတွင် ဒေသတွင်းကလပ် Ittihad Riadi Tangier နှင့် ခြေစမ်းပွဲကစားပါမယ်။
ဘာစီလိုနာဟာ Ittihad Riadi Tangier နှင့် ခြေစမ်းပွဲအား ဘယ်လိုအကြောင်းရင်းကြောင့် ဖျက်သိမ်းလိုက်သလဲဆိုတာ အတိအကျ ကြေညာထားခြင်း မရှိပါဘူး။
ဒါပေမယ့် ခြေစမ်းပွဲအား ဖျက်သိမ်းလိုက်မှုက မော်ရိုကိုရဲ့ မြောက်အာဖရိကကမ်းခြေနယ်စပ်ရှိ စပိန်နိုင်ငံ စီယူတာတွင် ဖြစ်ပျက်နေတဲ့ နယ်စပ်ပြဿနာနှင့် ဆက်စပ်နေတယ်လို့ ယုံကြည်ရပါတယ်။
မော်ရိုကိုနိုင်ငံသား ၇၈၀၀၀ ခန့်တို့ဟာ ပြီးခဲ့တဲ့အပတ်တုန်းက ပင်လယ်ဖြတ်ကျော်ကာ စီယူတာသို့ ရောက်လာခဲ့ကြပြီး ယင်းအဖြစ်အပျက်ကြောင့် လူ ၁၀၀ အထိ ရေနစ်သေဆုံးမှု ရှိခဲ့သလို အီးယူရဲ့ နယ်စပ်တံခါးဖင့်ပေးမှု ပြဿနာတက်လာပါတယ်။
ကျူးကော်ဝင်ရောက်သူ အမြောက်အမြားတို့ မော်ရိုကိုသို့ ပြန်သွားကြပြီ ဖြစ်ပေမယ့်လည်း ၃၀၀၀ မှ ၅၀၀၀ အတွင်း လူတို့မှာ စီယူတာတွင် ရှိနေဆဲ ဖြစ်ပါတယ်။
ဘာစီလိုနာဟာ ပရက်စတန်နှင့် ကစားမယ့် ရာသီကြိုခြေစမ်းပွဲအား ဖျက်သိမ်းကာ ယင်းပွဲအစား ဘာမင်ဂမ်နှင့် ခြေစမ်းခဲ့ပါတယ်။
၎င်းတို့ဟာ စနေနေ့တွင် အူဒီးတွင် နော်တင်ဟမ်ဖောရက်စ်နှင့် ခြေစမ်းပွဲကစားလာမှာ ဖြစ်သလို ဩဂုတ်လ ၁၉ နေ့တွင် အီဂျစ်ကလပ် Al Ahly နှင့်လည်း ခြေစမ်းပွဲ ကစားလာပါမယ်။
ဘာစီလိုနာဟာ ဩဂုတ်လ ၂၃ ရက်နေ့တွင် လာလီဂါချန်ပီယံဘွဲ့ကာကွယ်ရေး အယ်ချီနှင့် ရာသီအဖွင့်ပွဲကစားရပါမယ်။

ဗီနီရှပ်စ်အား လက်လွှတ်လိုက်ရပြီးနောက် လီဗာပူးရဲ့ ပေါင်သန်း ၁၃၀ တန်ပစ်မှတ် ဘာကိုလာအား ကြားဖြတ်လုရန် အာဆင်နယ် ကြိုးပမ်းလာ
====================

အာဆင်နယ်ဟာ ဗီနီရှပ်စ်ဂျူနီယာအား ခေါ်ယူရေး ကြိုးပမ်းမှု မအောင်မြင်ခဲ့ပြီးနောက် လီဗာပူးခေါ်ယူရန် ကြိုးပမ်းနေတဲ့ ဘရက်ဒလေဘာကိုလာအား ကြားဖြတ်လုယူရေး အဆင်သင့် ဖြစ်နေပြီ ဖြစ်ပါတယ်။
အာဆင်နယ်ဟာ ဘရာဇီစူပါစတားဗီနီရှပ်စ်အား ခေါ်ယူရေး ကြိုးပမ်းခဲ့ပေမယ့်လည်း ဘရာဇီးစတားမှာ ရီးရဲလ်မက်ဒရစ်နှင့် ၆ နှစ်စာချုပ်သစ်ချုပ်ဆိုသွားခဲ့ပါတယ်။
အာဆင်နယ်အကြီးအကဲများဟာ ရီးရဲလ်မက်ဒရစ်နှင့် တစ်နှစ်စာချုပ်သက်တမ်းသာ ကျန်တော့တဲ့ ဗီနီရှပ်စ်အား မြင့်မားတဲ့ ပြောင်းရွှေ့ကြေး၊ များပြားတဲ့ လုပ်ခဖြင့် ခေါ်ယူရေး အစွမ်းကုန် လုပ်ဆောင်ခဲ့ကြတာပါ။
ဒါပေမယ့် ဗီနီရှပ်စ်ဟာ ဘာနေဗျူးတွင် ၂၀၃၂ ခုနှစ်အထိ ရှိနေမယ့် တစ်ပတ်လုပ်ခ ပေါင် ၄၈၀၀၀၀ တန် ၆ နှစ်စာချုပ်အား ချုပ်ဆိုသွားခဲ့ပါတယ်။
မီခေးလ်အာတီတာဟာ ဘီဆစ်တပ်သို့ လီယန်ဒရိုထရိုဆတ်အား ရောင်းချလိုက်ပြီးနောက် ဘယ်တောင်ပံကစားသမားတစ်ဦး ခေါ်ယူလိုနေတာ ဖြစ်ပါတယ်။
Independent ရဲ့ ဖော်ပြလာမှုအရ အာဆင်နယ်ဟာ ပီအက်စ်ဂျီတောင်ပံကစားသမားဘရက်ဒလေဘာကိုလာအား ပစ်မှတ်ထားကြောင်း သိရပါတယ်။
အာဆင်နယ်ဟ ဘာကိုလာအား ခေါ်ယူရေး ကြိုးပမ်းမည်ဆိုပါက လီဗာပူးနှင့် အပြိုင်ကြိုးပမ်းရပါမယ်။
လီဗာပူးမှာလည်း မိုဟာမက်ဆာလက်နေရာတွင် ကာလရှည်အစားထိုးရန်အတွက် ဘာကိုလာအား ခေါ်ယူရေး ပုဂ္ဂိုလ်ရေးဆိုင်ရာ ဆွေးနွေးမှုများ ပြုလုပ်ထားပြီး ဖြစ်ပါတယ်။
လီဗာပူးနည်းပြအိုင်ရာအိုလာဟာ ယခုနွေရာသီ နံပါတ်တစ်ပစ်မှတ်အဖြစ် ဘာကိုလာအား ပစ်မှတ်ထားနေတာ ဖြစ်ပြီး ခေါ်ယူရေး ကြိုးပမ်းလာခဲ့တာ ရက်သတ္တပတ်အတန်ကြာမြင့်လာပြီ ဖြစ်ပါတယ်။
ဒါပေမယ့် ပီအက်စ်ဂျီဘက်က ပြောင်းရွှေ့ကြေး ပေါင်သန်း ၁၃၀ ဝန်းကျင်အထိ တောင်းဆိုနေမှုက အပြောင်းအရွှေ့ ဖြစ်မြောက်ရေး ကြန့်ကြာနေခဲ့တာပါ။
လီဗာပူးဘက်က ယင်းမျှ များပြားတဲ့ ပြောင်းရွှေ့ကြေး မပေးနိုင်ကြောင်း ပီအက်စ်ဂျီကို အသိပေးထားပြီးလည်း ဖြစ်ပါတယ်။
ဒါကြောင့်လည်း အာဆင်နယ်သာ ယင်းပြောင်းရွှေ့ကြေးဖြင့် ခေါ်ယူရေး ကြိုးပမ်းလာမည်ဆိုပါက အပြောင်းအရွှေ့မှာ ဖြစ်မြောက်လာနိုင်တဲ့အနေအထားမှာ ရှိနေပါတယ်။
အသက် ၂၃ နှစ်ရှိ ပြင်သစ်ဘယ်တောင်ပံကစားသမားဟာ ၂၀၂၃ ခုနှစ်တင် လိုင်ယွန်မှ ပြောင်းလာပြီးနောက် ပီအက်စ်ဂျီအတွက် ၁၅၂ ပွဲကစားထားရာမှာ ၃၂ ဂိုးသွင်းထားပြီး ချန်ပီယံလိဂ်ဖလား ၂ ကြိမ်ဆက်အပြင် လီဂူး ၁ ဖလား ၃ ကြိမ်ဆွတ်ခူးထားပါတယ်။

ဂါနာရဲ့ ယီရန်ကီကို ကလပ်စံချိန်တင်ပြောင်းရွှေကြေးဖြင့် ဖရန့်လမ်းပတ်ရဲ့ တန်းတက်ကိုဗင်ထရီ ခေါ်ယူအားဖြည့်လာ
=====================

ပရီးမီးယားလိဂ်တန်းတက်ကိုဗင်ထရီဟာ ဂါနာအလယ်တန်းကစားသမားကာလက်ဘ်ယီရန်ကီကို ကလပ်စံချိန်တင်ပြောင်းရွှေ့ကြေးဖြင့် ခေါ်ယူလာပါတယ်။
အသက် ၂၀ နှစ်ရှိ ကစားသမားဟာ ကိုဗင်ထရီနှင့် နှစ်ရှည်စာချုပ်ချုပ်ဆိုခဲ့တာ ဖြစ်ပါတယ်။ ကိုဗင်ထရီက ပြောင်းရွှေ့ကြေး ဘယ်လောက်ပေးခဲ့ရတယ်ဆိုတာ အတိအကျ ကြေညာလာခြင်း မရှိပေမယ့်လည်း ယူရို ၂၇ သန်းအပြင် အပိုဆုကြေး ယူရို ၃ သန်းထပ်မံပေးရမယ့်အချက်ဖြင့် ခေါ်ယူခဲ့တာလို့ သတင်းထွက်ထားပါတယ်။
ယီရန်ကီဟာ ၂၀၂၅ ခုနှစ် မေလတုန်းက ဂါနာလက်ရွေးစင်အသင်းအတွက် ပထမဆုံးပွဲ ကစားခွင့်ရခဲ့သူ ဖြစ်ပြီး ကမ္ဘာ့ဖလားပြိုင်ပွဲတွင်လည်း ပါဝင်ကစားခဲ့သလို ပနားမားအား အနိုင်ရတဲ့ပွဲတွင် အချိန်ပိုမှာ အနိုင်ဂိုးသွင်းခဲ့သူလည်း ဖြစ်ပါတယ်။
ဖရန့်လမ်းပတ်ဦးဆောင်တဲ့ ကိုဗင်ထရီဟာ ၂၅ နှစ်အတွင်း ပထမဆုံးအကြိမ် ပရီးမီးယားလိဂ်သို့ တန်းတက်လာနိုင်ပြီးနောက် ယခုနွေရာသီတွင် ၅ ဦးမြောက် ကစားသမား ခေါ်ယူအားဖြည့်လာတာပါ။
သူဟာ Right to Dream အကယ်ဒမီထွက်တစ်ဦးဖြစ်ပြီး ၂၀၂၄ ခုနှစ်တွင် နော်ဂျက်လန်းသို့ ပြောင်းခဲ့သူ ဖြစ်ပါတယ်။
သူဟာ ပြီးခဲ့တဲ့ရာသီတုန်းက ဒိန်းမတ်စူပါလီဂါရဲ့ တစ်နှစ်တာအကောင်းဆုံးလူငယ်ကစားသမားဆုကို ရရှိခဲ့သူလည်း ဖြစ်ပါတယ်။
သူဟာ အလယ်တန်းကစားသမားတစ်ဦးဖြစ်ပေမယ့်လည်း ကလပ်နှင့် နိုင်ငံအသင်းတို့တွင် လိုအပ်လာပါက ညာနောက်ခံလူအဖြစ်လည်း ကစားနေသူ ဖြစ်ပါတယ်။

လျို့ဝှက်ချစ်သူအား ယူအီးအက်ဖ်အေက ငွေပေးခဲ့တယ်ဆိုတဲ့ သတင်းကို အင်ဖန်တီနို ငြင်းဆိုလာ
======================

ဂျီယန်နီအင်ဖန်တီနိုဟာ ယူအီးအက်ဖ်အေတွင် အထွေထွေအတွင်းရေးမှူးအဖြစ် တာဝန်ထမ်းဆောင်စဉ်ကာလအတွက် သူ့ရဲ့ လျော်ကြေးငွေအား နောက်ကွယ်တွင် ဖော်က်ပြန်နေတဲ့ ချစ်သူအား ယူအီးအက်ဖ်အေက ပေးခဲ့ရတယ်ဆိုတဲ့ သတင်းကို ငြင်းဆိုလာပါတယ်။
Daily Telegraph က ယူအီးအက်ဖ်အေဟာ ၂၀၀၉ ခုနှစ်မှ ၂၀၁၆ ခုနှစ်အထိ အထွေထွေအတွင်းရေးမှူးအဖြစ် တာဝန်ထမ်းဆောင်ခဲ့တဲ့ အင်ဖန်တီနိုရဲ့ ရာထူးထွက်ခွာအပိုဆုကြေးအား ဇနီးသည်ရဲ့ နောက်ကွယ်တွင် ဖောက်ပြန်နေတဲ့ ချစ်သူအား ပေးခဲ့ရကြောင်း စုံစမ်းဖော်ထုတ် ရေးသားလာပါတယ်။
အင်ဖန်တီနိုဟာ ကမ္ဘာ့ဖလားပြိုင်ပွဲအား ပုဂ္ဂလိက ရင်းနှီးမြှပ်နှံသူများထံ ရောင်းစားမယ့် အစီအစဉ်အတွက် အပြင်းအထန် ဝေဖန်မှုများ ကြုံခဲ့ရသူ ဖြစ်ပါတယ်။ သူဟာ ယင်းအစီအစဉ်အား ဖျက်သိမ်းလိုက်ပြီ ဖြစ်ပေမယ့်လည်း နောက်ဆက်တွဲ ဖြစ်ရပ်အဖြစ် ယခင် လုပ်ဆောင်ခဲ့တဲ့ အရာများအား ဖော်ထုတ် ရေးသားခြင်းခံနေရတာပါ။
ဒါပေမဲ့လည်း ဖီဖာဥက္ကဌအင်ဖန်တီနိုရဲ့ ပြောရေးဆိုင်ခွင့် ရှိသူက နစ်နာကြေးငွေများအား ယူအီးအက်ဖ်အေက ချစ်သူအား ပေးခဲ့ရတယ်ဆိုတဲ့ Daily Telegraph ရဲ့ ဖော်ပြမှုကို ပြတ်ပြတ်သားသား ငြင်းဆိုလာပါတယ်။
Telegraph က ယူအီးအက်ဖ်အေဟာ အင်ဖန်တီနိုအတွက် နစ်နာကြေး ငွေ ကိန်းဂဏန်းခြောက်လုံး ပမာဏအား ဇနီးသည်ရဲ့ နောက်ကွယ်တွင် ဖောက်ပြန်နေတဲ့ ချစ်သူအား ပေးခဲ့ကြောင်း ဖော်ပြသွားပါတယ်။
ဒါ့အပြင် ယူအီးအက်ဖ်အေကလည်း ယင်းငွေပေးချေမှုအား ထိုစဉ်တုန်းက ဒေသတွင်း စီးပွားရေကျောင်းတစ်ခုတွင် MBA တက်နေတဲ့ အမျိုးသမီးရဲ့ ကျောင်းစရိတ်အဖြစ် ပေးခဲ့ကြောင်း အတည်ပြုထားပါတယ်။
အင်ဖန်တီနိုဟာ ကမ္ဘာ့ဖလားအား ရောင်းစားမယ့် အစီအစဉ်ကြောင့် ဥက္ကဌရာထူးမှ နုတ်ထွက်ရေး ဖိအားပေးခြင်းခံနေရပေမယ့်လည်း လာမယ့်နှစ် မတ်လတွင် ကျင်းပမယ့် ဖီဖာကွန်ဂရက်တွင် ဖီဖာဥက္ကဌအဖြစ် စတုတ္ထအကြိမ်မြောက် တာဝန်ထမ်းဆောင်ရေး ဆက်လက် ယှဉ်ပြိုင်လာဖို့ ရှိနေပါသေးတယ်။