🔥🔥 အထိုင်များပြီး အညောင်းမိနေသူများအတွက်
အကြောဆန့်လေ့ကျင့်ခန်း (၅)မျိုး🔥🔥
°°°°°°°°°°°°°°°°°°°°°°°°°°°°°°°°°°°°°°°°°°°°°°
အထိုင် များပြီး အ ညောင်းမိ တတ် သူလေးတွေအတွက် အကောင်းဆုံးလေ့ကျင့်ခန်းက ဘယ်လိုလေ့ကျင့်ခန်းမျိုးဖြစ်မလဲဆိုတာ စဉ်းစားစရာပါ ။ ပညာရှင် တွေ က တော့ အညောင်းမိ တာ တွေ အတွက် ပြင်းပြင်း ထန်ထန် လေ့ကျင့် ခန်းတွေ ထက် အကြောဆန့်တဲ့ လေ့ကျင့်ခန်းတွေက ပိုကောင်းတဲ့ အကျိုးသက်ရောက်မှုတွေကို ရနိုင်တယ်လို့ ထုတ်ပြောလိုက်ပါတယ်။ ဒါကြောင့် ခန္ဓာကိုယ် တင်းကြပ်ညောင်းညာမှုတွေဖြစ်နေတဲ့သူလေးတွေအတွက် အ ညောင်း ပြေပြီး ပေါ့ပါးလန်းဆန်းစေရုံမကဘဲ ရက် ၃၀ အတွင်းမှာ ခန္ဓာကိုယ်ကောက်ကြောင်း ပိုလှလာစေမယ့် အ ကြောဆန့် နည်းလမ်းလေးတွေကို ဖော်ပြလိုက်ပါတယ်။ အညောင်းအညာပြေ၊ ပေါ့ပါးပြီး ပိုလည်း လှလာမှာမို့ အိပ်ရာဝင်ခါနီး ၁၀မိနစ်လောက်ပဲ အချိန်ပေးပြီး လုပ်ဖြစ်အောင် လုပ်လိုက်နော်။
၁။ ဦးခေါင်းကို ဒူးနဲ့ ထိခြင်း
===============
ပုံမှာပြထားသလို ညာဘက်ခြေထောက်ကို ဆန့်ပြီး ဘယ်ဘက်ခြေထောက်ကိုတော့ ဒူးနေရာကနေ ကွေးကာ ခြေဖျားကို ပေါင်နဲ့ထိထားပါ။ ညာဘက်လက်ကို ညာဘက်ခြေထောက်အတွင်းဘက်ကနေပြီး ခြေဖဝါးကိုကိုင်၊ ဘယ်လက်ကိုတော့ ဦးခေါင်းအပေါ်ကနေကျော်ပြီး ခြေဖျားကို ဆုပ်ကိုင်ထားပါ။ အဲ့ဒီအနေအထားအတိုင်း တစ်မိနစ် နေပေးပါ။ ဘယ်ညာတလှည့်စီလုပ်ပေးပါ။
၂။ဖားပုံစံ
======
ခြေဖ နောင့်ကို တင်ပါးအောက် မှာ ထားပြီး ဒူးနှစ်ဖက်ကို ဘေးဘက်ကို ကားထိုင်ပါ။ ခန္ဓာကိုယ်ကို အရှေ့ဘက်ကိုင်းလိုက်ပြီး တင်ပါးကို ခြေဖနောင့်အပေါ်ကနေ ကြွလိုက်ပြီး လက်နှစ်ဖက်ကို ခန္ဓာကိုယ်အရှေ့ဘက် တိုးနိုင်သလောက် တိုးသွားလိုက်ပါ။ အဲ့ဒီအနေ အထားမှာ ၂ မိနစ်လောက် နေပေးပါ။
၃။မြွေဟောက်ပုံစံ
==========
ပုံထဲကလိုမျိုး ဝမ်းဗိုက်နေရာကို ကြမ်းပြင်နဲ့ ထိထားပြီး ခြေထောက်တွေကို ဆန့်ထားပါ။ လက် နှစ်ဖက် ကို ပခုံး အ ကျယ် လောက်ခွဲပြီး ခန္ဓာကိုယ်အရှေ့မှာထောက်ထားပြီး ဦးခေါင်းကို ကျောအနောက်ဘက် လှန်နိုင်သလောက် လှန်ပေးပါ။ အဲ့ဒီ အ နေအထားမှာ ၂ မိနစ်လောက် နေပေးလိုက်ပါ။
၄။ဦးခေါင်း အောက်စိုက်ပုံစံ
================
ပုံမှာပြထားသလို ခြေဖျားနဲ့ လက်နှစ်ဖက်ကို ထောက်ပြီး ခန္ဓာကိုယ်ကို တြိဂံပုံစံဖြစ်အောင်နေပါ။ ဒူးနဲ့တံတောင်ဆစ်တွေကို ဖြောင့်ထားဖို့ လိုပြီး ခြေဖျားလေး နဲ့ ထောက်ထားရမှာပါ။ အဲ့ဒီ အ နေ အထားမှာ ၂ မိနစ်လောက် နေပေးလိုက်ပါ။
၅။ခါးလိမ်ခြင်း
=========
ခြေထောက်နှစ်ဖက်ကို ဆန့်ပြီး ခါးကိုမတ်မတ်လေးထိုင်ပါ။ ဘယ်ဘက်ဒူးကို ကွေးလိုက်ပြီး ညာဘက် တံတောင်ဆစ်ကို ဒူးပေါ် တင်လိုက်ပြီး ဘယ်လက်က အ နောက်ဘက်မှာ ထောက်ပေးပါ။ အဲ့ဒီအနေအထားအတိုင်း တစ်မိနစ်နေပေးပြီး ဘယ်ညာ တလှည့်စီ လုပ်ပေးပါ။
၆။အကျိုးရလဒ်တွေ ကတော့
================
ကောင်းကောင်းအိပ်ပျော်လာတယ်။ နေရတာ ပေါ့ပါးလာတယ်။
နာကျင်မှုတွေ၊ ခန္ဓာကိုယ် တောင့်တင်း ညောင်းညာနေတာတွေ သက်သာလာတယ်။
သွေးလှည့်ပတ်မှု ကောင်းလာတယ် ၊ သွေးဖိအား ပုံမှန် ဖြစ် လာ တယ် ။
စိတ်ဖိစီးမှုတွေ လျော့နည်း လာတယ် ။
ခန္ဓာကိုယ် ကောက်ကြောင်း အလှ ပေါ်လွင် လာတယ် ၊ ကိုယ်နေ ဟန်ထား လှပလာတယ်။
#crdorginaluploader

#ယနေ့ထုတ်သတင်းစာ_နိုင်ငံတကာသတင်း
◼ ထိုင်းနိုင်ငံ၌ ဖုဒ်ပန်ဒါဝန်ဆောင်မှု မေ ၂၃ ရက်တွင် ရပ်နားမည်
ထိုင်းနိုင်ငံတွင် Delivery Hero ၏ Foodpanda ဝန်ဆောင်မှုများကို လာမည့် မေ ၂၃ ရက်မှစတင်ကာ ရပ်နားရန်ဆုံးဖြတ်လိုက်ပြီဖြစ်ကြောင်း ဗန်ကောက်ပို့စ်သတင်းဌာနက ဧပြီ ၂၃ ရက်တွင် ရေးသားဖော်ပြထားသည်။
Food panda အနေဖြင့်ထိုင်းနိုင်ငံ၏ အစားအစာပို့ဆောင်ရေး ဈေးကွက်တွင် ခိုင်မာသည့်နေရာတစ်ခုရရှိရန် ရုန်းကန်နေရပြီး လက်ရှိတွင် ထိုင်းနိုင်ငံ၌၎င်းတို့ရရှိနေသည့် ဈေးကွက်ဝေစုမှာ ၁၅ ရာခိုင်နှုန်းသာရှိကြောင်း သိရသည်။
ထို့ကြောင့် Foodpanda ၏ မိခင်ကုမ္ပဏီဖြစ်သည့် Delivery Hero က ထိုင်းနိုင်ငံတွင် ၎င်းတို့၏ဝန်ဆောင်မှုများကို မေ ၂၃ ရက်မှစတင်ကာ ရပ်နားမည်ဖြစ်ကြောင်း ကြေညာလိုက်ခြင်း ဖြစ်သည်။
Delivery Hero အနေဖြင့်ထိုင်းနိုင်ငံမှ ဝန်ထမ်းများ၊ ဖောက်သည်များ၊ လက်တွဲဖော်များနှင့် Rider များကိုအထူးပင် ကျေးဇူးတင်ရှိပါကြောင်း ကုမ္ပဏီ၏ကြေညာချက်တွင် ပါဝင်သည်။ Delivery Hero သည်ဒိန်းမတ်နိုင်ငံ၊ ဂါနာနိုင်ငံ၊ ဆလိုဗက်ကီးယားနိုင်ငံနှင့် ဆလိုဗေးနီးယားနိုင်ငံတို့တွင်လည်း ၎င်းတို့၏လုပ်ငန်းများကို ရပ်နားခဲ့ပြီးဖြစ်ကြောင်း သိရသည်။
Delivery Hero သည် အဆိုပါနိုင်ငံများတွင် ဝန်ဆောင်မှုများကို ရပ်နားလိုက်သော်လည်းတခြား အာရှ-ပစိဖိတ် ဒေသများတွင် အာရုံစိုက်ပြီး လုပ်ငန်းများကို ဆက်လက်လုပ်ကိုင်မည် ဖြစ်ကြောင်း၊ ကုမ္ပဏီကအာရှ-ပစိဖိတ် အတွက် အရောင်းမြှင့်တင်ရေးနှင့် လူသားအရင်းအမြစ်လုပ်ငန်းများကဲ့သို့ ဝန်ဆောင်မှုများကို လုပ်ပေးနေသည့် ထိုင်းနိုင်ငံအခြေစိုက်အဖွဲ့က လုပ်ငန်းများကိုမူ ပုံမှန်အတိုင်း ဆက်လက်လုပ်ဆောင်သွားမည်ဖြစ်ကြောင်း သိရသည်။
ထိုင်းနိုင်ငံ၏အစားအစာ ပို့ဆောင်ရေးဈေးကွက်တွင် Lineman Wongnai က ဈေးကွက်ဝေစု ၄၄ ရာခိုင်နှုန်း၊ Grab Food က ၃၉ ဒသမ ၄ ရာခိုင်နှုန်းနှင့် Food panda က ၁၅ ရာခိုင်နှုန်း အသီးသီးရရှိထားခြင်းဖြစ်သည်။
Source; Bangkok Post

အဖမ်းခံရတဲ့ သမီးဖြစ်သူအတွက် ရရှာမာဖီးယား ဂိုဏ်းတစ်ခုလုံးကို လက်စားချေဖိုကြိုးစားတဲ့အခါ

A Working Man
2025 ‧ Action/Thriller ‧ 1h 56m
 
ကတုံးမင်းသား ဂျေဆန်စတေသမ်ရဲ့ ရုံတင်ကား အသစ်ပါ။ ထုံးစံအတိုင်း တစ်ကိုယ်တော် အသားကုန်ကျုံးတဲ့ ဇာတ်လမ်းပါပဲ။ ဒါရိုက်တာကတော့ ဆူဆိုက်စကွက်တုန်းက ရိုက်ခဲ့တဲ့ David Ayer ပါပဲ။ ဇာတ်ညွှန်းကိုတော့ စတားလုံး ကူရေးပေးထားတာပါ။
ဇာတ်လမ်းအကျဉ်း
ဗြိတိန်အထူးတပ်ဖွဲဝင်ဟောင်း၊ တက္ကစီသမားဟောင်း၊ ငါးမန်းဖမ်းသမားဟောင်း၊ ပျားမွေးသမားဟောင်း၊ ကြေးစားဟောင်း ဘဲကြီးဟာ ဆောက်လုပ်ရေးအလုပ်သမားလုပ်နေပါတယ်။ သူ့ကို ကူညီထားတဲ့ သူဌေးလင်မယားမှာ ဆယ်ကျော်သက် သမီးလေးတစ်ယောက်ရှိတယ်။
အဲဒီ ကောင်မလေးကို ရုရှားမာဖီးယားတွေ ဖမ်းသွားချိန်မှာ လင်မယားက သူ့ကို အကူအညီတောင်းလာပါတော့တယ်။ ဒီတော့ ဖမ်းသွားတဲ့ တစ်ဖွဲလုံးကို တစ်ယောက်တည်းလိုက်ချပါတယ်။ မာဖီးယားတစ်ဖွဲလုံးကို တစ်ယောက်တည်းချပါတယ်။
ဒုတိယကားထွက်လာခဲ့ရင်တော့ ရုရှားစစ်တပ်တစ်ခုလုံးကို တစ်ယောက်တည်းချနိုင်ချေရှိပြီး တတိယကားဆိုရင်တော့ တစ်ကမ္ဘာလုံးကိုပါ ချပါလိမ့်မယ်။ ကြည့်နေတဲ့သူတွေကိုပါ ထွက်ချနိုင်ချေ ရှိပါတယ်။ ကြည့်လိုက်ကြပါဦး။

ဆိပ်ဖြူမြို့နယ်တွင် ကပစ ၂၂ က လူငယ်များကို ဖမ်းဆီးပြီး တစ်ဦးလျှင် သိန်း ၂၀ ဖြင့် ပြန်ရွေးခိုင်း၊ လှည်းကူးမှ အုပ်ချုပ်ရေးမှူးများက လူငယ်များကို အလုပ်ရရှိမည်ဟုလိမ်လည်ပြီး လူစားထိုးစစ်မှုထမ်းများအဖြစ် စစ်ထဲသွင်း
ရန်ကုန်၊ ဧပြီ ၂၄
မကွေးတိုင်း၊ ဆိပ်ဖြူမြို့နယ်တွင် ကပစ ၂၂ က လူငယ်များကို ဖမ်းဆီးပြီး တစ်ဦးလျှင် သိန်း ၂၀ ဖြင့် ပြန်ရွေးခိုင်းနေကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။
ဧပြီလ ၂၀ ရက်နေ့ နံနက် ၈ နာရီ ၃၀ မိနစ်အချိန် ဆိပ်ဖြူမြို့နယ်၊ တပေါင်းကျေးရွာတွင် အထိုင်ချထားသော ကပစ ၂၂ တပ်မှ အင်အား ၅၀ ပါ စစ်ကြောင်းက အောင်ချမ်းသာကျေးရွာမှ လူငယ်တစ်ဦးကို ဖမ်းဆီးခဲ့ကြောင်း၊ ယင်းနောက် ယင်းလူငယ်၏ မိဘဆွေမျိုးများကို ဆက်သွယ်ကာ ငွေကျပ် သိန်း ၂၀ ဖြင့် လာရောက်ရွေးခိုင်းခဲ့ကြောင်း၊ ယင်းနေ့ နံနက် ၁၁ နာရီ ၃၀ မိနစ်အချိန် ဖမ်းဆီးထားသော လူငယ်ကို ငွေကျပ် သိန်း ၂၀ ဖြင့် ရွေးယူခဲ့ရကြောင်း သိရှိရသည်။
အလားတူပင် ဆိပ်ဖြူမြို့နယ်၊ ထမ္မကောက်ကျေးရွာတွင် အထိုင်ချထားသော ကပစ ၂၂ တပ်မှ အင်အား ၈၀ ပါ စစ်တပ်ကလည်း စစ်ဆေးရေးဂိတ်ဖွင့်ကာ ငွေညှစ်မှုများ၊ လူငယ်များကို ဖမ်းဆီးပြီး ရွေးယူခိုင်းမှုများ လုပ်ဆောင်လျက်ရှိကြောင်း သိရှိရသည်။
"ဆိပ်ဖြူမှာရှိတဲ့ ကပစ ၂၂ ရဲ့ အထိုင်တပ်စခန်းခွဲတွေကနေ လူငယ်တွေကို ဖမ်းဆီးပြီး ပြန်ရွေးခိုင်းတာတွေ အရမ်းများလာတယ်။ စစ်ဆေးရေးဂိတ်ဖွင့်ပြီး ဆက်ကြေးတွေ တောင်းတယ်။ ပြည်သူတွေလည်း အရမ်းကို ဒုက္ခရောက်နေရပါတယ်" ဟု ဒေသတင်းရင်းမြစ်က ပြောဆိုသည်။။
ထို့အတူ ရန်ကုန်တိုင်း၊ လှည်းကူးမြို့နယ်၊ ဘိုးရင်ကလေးကျေးရွာ အုပ်ချုပ်ရေးမှူး မျိုးသိန်းနှင့်အဖွဲ့ က ဧရာ၀တီတိုင်းနှင့်ပဲခူးတိုင်းမှ လူငယ်များကို အလုပ်အကိုင်ရရှိမည်ဟု လိမ်လည်ခေါ်ယူကာ စစ်မှုထမ်း လူစားထိုး တပ်သားများအဖြစ် စစ်ထဲသို့ ပို့ဆောင်နေကြောင်း သိရှိရသည်။
"လှည်းကူးမြို့နယ်၊ဘိုးရင်ကလေးကျေးရွာ အုပ်ချုပ်ရေးမှုး မျိုးသိန်းကနေ ပွဲစားတွေအဖြစ် ဦးသန်းလှိုင်(ဇရပ်ကွင်းကျေးရွာ)၊ ဦးအောင်ခိုင်မိုး(ဇရပ်ကွင်းကျေးရွာနေ)တို့ကို စေလွှတ်ပြီးတော့ ဧရာဝတီတိုင်းနဲ့ ပဲခူးတိုင်းမှာရှိတဲ့ လူငယ်တချို့ကို အလုပ်အကိုင်ရရှိမယ်၊ လူငယ် ၁ ဦးကို ငွေကျပ် သိန်း ၆၀ ရမယ်ဆိုပြီးတော့ လိမ်လည်ပြောဆို ခေါ်ပါတယ်။ ဒီရောက်တော့ အဲဒီလူငယ်တွေကို လူစားထိုး စစ်မှုထမ်းတပ်သားတွေအဖြစ် တပ်ထဲကိုပို့ပါတယ်။ ခေါ်တုန်းက သိန်း ၆၀ ပေးမယ်ဆိုပေမယ့် ဒီရောက်တဲ့အခါမှာ ၁၀ သိန်းပဲ ပေးပြီး စစ်မှုထမ်း တပ်သားသစ်အဖြစ် စစ်ထဲပို့တာပါ" ဟု ယင်းဖြစ်စဉ်ကို သေချာသိရှိထားသော သတင်းရင်းမြစ်က ရှင်းပြသည်။
လှည်းကူးမြို့နယ်၊ ဘိုးရင်ကလေးကျေးရွာ အုပ်ချုပ်ရေးမှူး မျိုးသိန်းနှင့်အဖွဲ့ က အခြားနေရာများမှ လူငယ်များကို လိမ်လည်ခေါ်ယူပြီး စစ်မှုထမ်းအပတ်စဉ်များအတွက် မဲပေါက်ထားသည့် လူငယ် မောင်အောင်မျိုးသူ( ဘ) ဦးစန်းနိုင်၊ မောင်ထက်ဝေလင်း (ဘ) ဦးကျော်ဝေ၊ မောင်သူရဲအောင်( ခ) တက်ပု (ဘ) ဦးလှမြိုင်၊ မောင်ဘိုဘိုတို့အတွက် လူစားထိုး စစ်မှုထမ်းတပ်သားများအဖြစ် အရောင်းအဝယ် လုပ် ထည့်သွင်းပေးခဲ့ကြောင်း သိရှိရသည်။
ထို့ပြင် လှည်းကူးမြို့နယ်၊ ဘိုးရင်ကလေးကျေးရွာ အုပ်ချုပ်ရေးမှူး မျိုးသိန်းနှင့်အဖွဲ့ က ကျေးရွာများမှ ပြည်သူများထံမှ စစ်မှုထမ်းကြေးအဖြစ် အိမ်ထောင်စု တစ်စုလျှင် ငွေကျပ် ၇၀၀၀၀ ကျပ်ဖြင့် အိမ်ထောင်စုပေါင်း ၈၅၀ ထံမှ တောင်းခံနေကြောင်း သိရှိရသည်။

လူတစ်ယောက်ရဲ့ စိတ်ကူးထဲကို အိပ်မက်အဖြစ် ၀င်ရောက်သွားလာနိုင်ပြီး သူ့စိတ်ကူးကို ပြောင်းလဲ နိုင်တာမျိုး ဒါမဟုတ် သူလျှို့ဝှက်ချက်တစ်ခုခုကို သိနိုင်သွားတာမျိုးဆို စိတ်၀င်စားဖို့မကောင်းလွန်းဘူးလား။ရုပ်ရှင်အကြောင်း ကျန်တာတွေ မပြောခင် Leonardo DiCaprio , Joseph Gordon-Levitt , Tom hardy , Ciliam Murphy တို့ပါ၀င်သရုပ်ထားတာမလို့ မင်းသားတွေနဲ့တင် ကြည့်ရတာ တန်တဲ့ ရုပ်ရှင် တစ်ခုဖြစ်ပါတယ်။
ဇာတ်လမ်းကတော့ ပြောပြရတာ အနည်းငယ် ရှုပ်ထွေးမယ်ထင်ပါတယ်။Cobb(Leonardo )တို့အဖွဲ့က အိပ်မင်ကမ္ဘာထဲက မှောင်ခို သမားတွေပေါ့။လူတစ်ယောက်ရဲ့ မသိစိတ်ကို မှိုင်းတိုက်တဲ့သဘောမျိုး၊ဒီလိုအလုပ်ခံရတဲ့သူကလည်း အိပ်မက်ထဲမှာပဲ အကုန်ဖြစ်ပျက်သွားတာမလို့ သူနိုးလာချိန်မှာ သူကိုယ်သူ မှိုင်းတိုက်ခံရတယ်ဆိုတာတောင်မသိတော့ဘူး။ဒီလိုလုပ်ဖို့ကတော့ ပြောသလောက်လွယ်မနေပြန်ပါဘူး။ဒီအိမ်မက်ထဲမှာ အဆောက်အဦးတွေနေရာ‌တွေဆောက်ဖို့ Architecture သမားတစ်ယောက်လိုတယ်။ဒီလို သူတို့ဖန်တီးထားတဲ့ အိပ်မက်ကမ္ဘာထဲကနေပြီး သူတို့အလုပ်တွေ ဆက်လုပ်ရတာမျိုးဖြစ်ပါတယ်။Cobb တို့အဖွဲ့က လုပ်ငန်းရှင်တစ်ယောက်နဲ့အတူ အပေးအယူ လုပ်ပြီး သူ့ရဲ့ လုပ်ငန်းရှင် ပြိုင်ဘက်ရဲ့ သားရဲ့ မသိစိတ်ထဲကို ၀င်ပြီး သူတို့နဲ့ မပြိုင်နိုင်အောင် လုပ်ခိုင်းပါတယ်။ဒီလိုလုပ်ဖို့ကတော့ အိမ်မက်သုံးဆင့်အထိ သွားပြီး သူ့မသိစိတ်ထဲကနေ Cobb တို့ပြောတာတွေကို ယုံကြည်သွားတဲ့အထိ လုပ်ရမှာပါဖြစ်ပါတယ်။အိပ်မက် သုံးဆင့်ဆိုတာကတော့ အိပ်မက်ထဲမှာ နောက်ထပ်အိပ်မက်တစ်နေရာစီ ကူပြီး အဲ့ နောက်ထပ်အိပ်မက်ထဲကနေ ထပ်ပြီး အိပ်မက်နေရာနောက်တစ်ခုကို ထက်ကူးသွားတာမျိုးဖြစ်ပါတယ်။ဒီလိုမျိုး တစ်ဆင့်ပြီးတစ်ဆင့် ကူးဖို့ဆိုတာ အဆင့်မြင့် စိတ်ငြိမ်ဆေးတွေလိုပါတယ်။ပုံမှန် အိပ်မက်တစ်ခုထဲမှာပဲ ရှိနေတယ်ဆိုရင်တော့ Reality ကမ္ဘာကို ပြန်ခေါ်ချင်ရင် သူ့ဘာသူ အိပ်မက်ထဲမှာ သ/တ်သေလိုက်ရင်ဖြစ်ဖြစ် Reality ကမ္ဘာကလူတစ်ယောက်က Kick (တစ်ခုခုနဲ့ ဆောင့်ခံလိုက်ရင်)လိုက်ရင် အိမ်မက်ထဲက လူရဲ့စိတ်က Reality ကို ပြန်ရောက်လာပါတယ်။အိမ်မက်ကမ္ဘာ သုံးဆင့်ဆိုရင်တော့ ရောက်သွားတဲ့ အိပ်မက်ကမ္ဘာ တစ်ခုစီ မှာ အဖွဲ့သားတစ်ယောက်စီချန်ထားခဲ့ရပြီး သူတို့က အချိန်မှီ တိတိကျကျ နဲ့ Reality ကမ္ဘာစီကို ပြန်ရောက်လာဖို့ သူတို့သွားခဲ့တဲ့ အိပ်မက်ကမ္ဘာတစ်ခုချင်းစီက Kick လုပ်ရင်း ပြန်ခေါ်ရတာဖြစ်ပါတယ်။

ဆာလီဘာထည့်တဲ့ ဂျင်းကြောင့် ဆင်ပျံကြီး အမှတ်လျော့ပြီး ချန်ပီယံဖြစ်ဖို့ (၁) မှတ်သာ လိုအပ်တော့တဲ့ လီဗာပူး

ဝေဖန်မှုများကိုရပ်တန့်စေခဲ့သော Xiaomi
Xiaomi သည်စမတ်ဖုန်းအမှတ်တံဆိပ်မှလျှပ်စစ်ကားကိုအောင်မြင်စွာထုတ်လုပ်ရန်ကူးပြောင်းခြင်းမှာ မဖြစ်နိုင်ဟု လူအများကပြောဆိုခဲ့ကြပေမဲ့ ယခုအခါအောင်မြင်စွာထုတ်လုပ်နိုင်ခဲ့ပါသည်။ ၎င်း၏ အထင်ကရ SU7 မော်ဒယ်လ်​၏ဝယ်လိုအားသည် တရုတ်နိုင်ငံတစ်ဝှမ်းတွင် မြင့်တက်လျက်ရှိပြီး ၎င်း၏ ဘေဂျင်းအခြေစိုက် စက်ရုံသည်လျှပ်စစ်ကားများစွာကိုထုတ်လုပ်နေပါသည်။

စက်ရုပ် 700 ဖြင့်ထုတ်လုပ်နေသည့် စက်ရုံ၏ အဆင့်မြင့် အလိုအလျောက်စနစ်နှင့် တိကျမှုတို့သည် Tesla ကဲ့သို့သော ကုမ္ပဏီကြီးများနှင့် နှိုင်းယှဉ်နိုင်သည်အထိEV စျေးကွက်တွင်ပြိုင်ဖက်ကောင်းတစ်ဦးအဖြစ်လာစေသည်။


ပိုအံ့သြစရာကောင်းတာက စက်ရုံကိုယ်တိုင်က ခရီးသွားနေရာတစ်ခုဖြစ်လာတာပါဘဲ။ Xiaomi သည် ယခုအခါ Disneyland Florida ထက်ပင် လက်မှတ်များရောင်းချနေရပြီး အဆိုပါစက်ရုံအတွက်လမ်းညွှန်များပါသေချာပြုလုပ်ပေးထားသည်။ထုတ်လုပ်မှုများကို အနီးကပ်ကြည့်ရှုခြင်း၊ SU7 စမ်းသပ်မောင်းနှင်ခြင်းနှင့် Xiaomi ၏ နောက်ဆုံးပေါ်နည်းပညာအတွေ့အကြုံများ ပါဝင်သော ခရီးစဉ်တစ်ခုလျှင် ဧည့်သည် ၂၀ ဦးသာ ခွင့်ပြုထားသည်။

ဝယ်လိုအား မြင့်မားမှုကြောင့် လက်မှတ်များကို ဒေါ်လာ ၂၈၀ ဖြင့် ပြန်လည်ရောင်းချနေပြီး အကန့်အသတ်ရှိသော slot များအတွက် ထောင်ပေါင်းများစွာ လျှောက်ထားလျက်ရှိသည်။ ဤဖန်တီးမှုနည်းလမ်းသည် Xiaomi ၏ထုတ်လုပ်မှုကို အံ့ဩဖွယ်ရာနည်းပညာဖြစ်စဉ်တစ်ခုအဖြစ် ပြောင်းလဲစေခဲ့သည်။

?သရဏဂုံ ကိုးကွယ်တဲ့ အကျိုးကျေးဇူး? <br>? ပါချုပ်ဆရာတော်ဘုရားကြီး?

Volume 25 နဲ့ဇာတ်သိမ်းမှာဖြစ်တဲ့ To Your Eternity Manga

ဧပြီလထဲမှာ ပရီးမီးယားလိဂ် 57 မိနစ်ပဲ ကစားရသေးတဲ့ ဖိုဒန် 👀🔵