Update News--
အိန္ဒိယ ခရီးသည်တင်လေယာဉ်ပျက်ကျမှု လိုက်ပါသူ ၂၄၀ ကျော် သေဆုံး

ခရီးသည် ၂၄၂ ယောက်ကို တင်ဆောင်ထားတဲ့ ခရီးသည်တင်လေယာဉ်တစင်းဟာ အိန္ဒိယနိုင်ငံ အနောက်ပိုင်း အမက်ဒါဘက်မြို့ကနေ လန်ဒန်ကို ပျံသန်းစဉ် ပျက်ကျမှုဖြစ်ပွားမှုမှာ ခရီးသည်အားလုံး အသက်ရှင်ကျန်ရစ်သူ မရှိနိုင်ကြောင်း ရဲမင်းကြီး GS Malik ကအေပီ သတင်းဌာနကို ပြောပါတယ်။
လေယာဉ်ဟာ လူနေရပ်ကွက်ထဲကို ပျက်ကျခဲ့တာဖြစ်ပြီး မြေပြင်ပေါ်က လူတွေလည်း ထိခိုက်သေဆုံးမှုတွေရှိတယ်လို့ ဆိုပါတယ်။ လေယာဉ်ဟာ ဆရာဝန်တွေ တည်းခိုနေတဲ့ အဆောင်ပေါ်ကို ပျက်ကျခဲ့တာပါ။
လက်ရှိအချိန်ထိ အလောင်း ၁၀၀ ကျော်ကို ရှာဖွေတွေ့ရှိထားပြီး ဒဏ်ရာရသူတွေကိုတော့ အနီးနားက ဆေးရုံတွေကို ပို့ထားတယ်လို့ ကယ်ဆယ်ရေးသမားတွေက ပြောပါတယ်။
အာဏာပိုင်တွေကတော့ ဖြစ်စဉ်ကြောင့် လူအများအပြား သေဆုံးခဲ့ကြောင်း ပြောဆိုထားပြီး ထိခိုက်သေဆုံးမှုတွေကို အသေးစိတ်ထုတ်ပြန်တာမျိုးမရှိသေးဘဲ ရှာဖွေကယ်ဆယ်ရေးတွေ ဆက်လက်လုပ်ဆောင်နေပါတယ်။
လေယာဉ်ပေါ်မှာ ခရီးသည်နဲ့ လေယာဉ်အမှုထမ်းတွေအပါအဝင် လူ ၂၄၂ ယောက် လိုက်ပါခဲ့တယ်လို့ အိန္ဒိယ အရပ်ဘက်လေကြောင်း စီမံခန့်ခွဲရေးအဖွဲ့ အကြီးအကဲက အေပီသတင်းဌာနကို အတည်ပြု ပြောပါတယ်။လေယာဉ်ဟာ Boeing 787-8 Dreamliner အမျိုးအစားဖြစ်ပါတယ်။
လေကြောင်းခြေရာခံဝက်ဘ်ဆိုက် Flightradar24 ရဲ့အဆိုအရ လေယာဉ်ဟာ ပျံတက်ပြီး စက္ကန့်ပိုင်းအကြာ အမြင့်ပေ ၆၂၅ ပေအရောက်မှာ ပျက်ကျခဲ့တာလို့ ဆိုပါတယ်။လေယာဉ်ပေါ်မှာ ဗြိတိန်နိုင်ငံသား ၃၅ ယောက်နဲ့ အိန္ဒိယနိုင်ငံသား ၁၆၉ ယောက်အပြင် ကနေဒါနိုင်ငံသားတယောက်နဲ့ ပေါ်တူဂီ နိုင်ငံသားတွေလည်း ပါဝင်တယ်လို့ သိရပါတယ်။
Boeing 787-8 Dreamliner အလေယာဉ်တွေကို ၂၀၀၉ ခုနှစ်မှာ စတင်ထုတ်လုပ်ခဲ့ပြီး အစင်းရေး ၁၀၀၀ ကျော်ဟာ လေကြောင်းလိုင်း ဒါဇင်များစွာမှာ ပြေးဆွဲနေကြပါတယ်။ ယခုလေယောဉ်ပျက်ကျမှုကြောင့် အမေရိကန်မှာ ဘိုးအင်းရဲ့ အစုရှယ်ယာတွေ ၈ ရာခိုင်နှုန်း ကျဆင်းခဲ့ပါတယ်။

Update News--
အိန္ဒိယ ခရီးသည်တင်လေယာဉ်ပျက်ကျမှု လိုက်ပါသူ ၂၄၀ ကျော် သေဆုံး

ခရီးသည် ၂၄၂ ယောက်ကို တင်ဆောင်ထားတဲ့ ခရီးသည်တင်လေယာဉ်တစင်းဟာ အိန္ဒိယနိုင်ငံ အနောက်ပိုင်း အမက်ဒါဘက်မြို့ကနေ လန်ဒန်ကို ပျံသန်းစဉ် ပျက်ကျမှုဖြစ်ပွားမှုမှာ ခရီးသည်အားလုံး အသက်ရှင်ကျန်ရစ်သူ မရှိနိုင်ကြောင်း ရဲမင်းကြီး GS Malik ကအေပီ သတင်းဌာနကို ပြောပါတယ်။
လေယာဉ်ဟာ လူနေရပ်ကွက်ထဲကို ပျက်ကျခဲ့တာဖြစ်ပြီး မြေပြင်ပေါ်က လူတွေလည်း ထိခိုက်သေဆုံးမှုတွေရှိတယ်လို့ ဆိုပါတယ်။ လေယာဉ်ဟာ ဆရာဝန်တွေ တည်းခိုနေတဲ့ အဆောင်ပေါ်ကို ပျက်ကျခဲ့တာပါ။
လက်ရှိအချိန်ထိ အလောင်း ၁၀၀ ကျော်ကို ရှာဖွေတွေ့ရှိထားပြီး ဒဏ်ရာရသူတွေကိုတော့ အနီးနားက ဆေးရုံတွေကို ပို့ထားတယ်လို့ ကယ်ဆယ်ရေးသမားတွေက ပြောပါတယ်။
အာဏာပိုင်တွေကတော့ ဖြစ်စဉ်ကြောင့် လူအများအပြား သေဆုံးခဲ့ကြောင်း ပြောဆိုထားပြီး ထိခိုက်သေဆုံးမှုတွေကို အသေးစိတ်ထုတ်ပြန်တာမျိုးမရှိသေးဘဲ ရှာဖွေကယ်ဆယ်ရေးတွေ ဆက်လက်လုပ်ဆောင်နေပါတယ်။
လေယာဉ်ပေါ်မှာ ခရီးသည်နဲ့ လေယာဉ်အမှုထမ်းတွေအပါအဝင် လူ ၂၄၂ ယောက် လိုက်ပါခဲ့တယ်လို့ အိန္ဒိယ အရပ်ဘက်လေကြောင်း စီမံခန့်ခွဲရေးအဖွဲ့ အကြီးအကဲက အေပီသတင်းဌာနကို အတည်ပြု ပြောပါတယ်။လေယာဉ်ဟာ Boeing 787-8 Dreamliner အမျိုးအစားဖြစ်ပါတယ်။
လေကြောင်းခြေရာခံဝက်ဘ်ဆိုက် Flightradar24 ရဲ့အဆိုအရ လေယာဉ်ဟာ ပျံတက်ပြီး စက္ကန့်ပိုင်းအကြာ အမြင့်ပေ ၆၂၅ ပေအရောက်မှာ ပျက်ကျခဲ့တာလို့ ဆိုပါတယ်။လေယာဉ်ပေါ်မှာ ဗြိတိန်နိုင်ငံသား ၃၅ ယောက်နဲ့ အိန္ဒိယနိုင်ငံသား ၁၆၉ ယောက်အပြင် ကနေဒါနိုင်ငံသားတယောက်နဲ့ ပေါ်တူဂီ နိုင်ငံသားတွေလည်း ပါဝင်တယ်လို့ သိရပါတယ်။
Boeing 787-8 Dreamliner အလေယာဉ်တွေကို ၂၀၀၉ ခုနှစ်မှာ စတင်ထုတ်လုပ်ခဲ့ပြီး အစင်းရေး ၁၀၀၀ ကျော်ဟာ လေကြောင်းလိုင်း ဒါဇင်များစွာမှာ ပြေးဆွဲနေကြပါတယ်။ ယခုလေယောဉ်ပျက်ကျမှုကြောင့် အမေရိကန်မှာ ဘိုးအင်းရဲ့ အစုရှယ်ယာတွေ ၈ ရာခိုင်နှုန်း ကျဆင်းခဲ့ပါတယ်။

မင်္ဂလာအပေါင်းနှင့်ပြည့်စုံသောနံနက်ခင်းလေးဖြစ်ကြပါစေ

ဘုရားကို များများ အာရုံပြု
🌸🥀🌿🌸🥀🌿🌸🌿🥀
ကုသိုလ် တရား တိုးပွားစေတဲ့
အာရုံကောင်းတွေဟာ
စိတ်ရဲ့ အားဆေးတွေပါ …
ခန္ဓာကိုယ် အားရှိဖို့ အစားကောင်းတွေ
နေ့တိုင်း စားပေးရသလို
စိတ်ဓာတ်အားရှိဖို့ အတွက်လဲ
အာရုံကောင်းတွေ
နေ့တိုင်းစားပေးဖို့ လိုအပ်ပါတယ် …
စိတ်ကို ရွှင်လန်းတက်ကြွ အားဖြစ်စေတဲ့
အာရုံကောင်းတွေထဲမှာ
အကောင်းဆုံး အာရုံကောင်းကတော့
ဘုရားအာရုံ ပါပဲ …
ဘုရားကို များများ အာရုံပြုလေ
စိတ်ဓာတ် ပိုအားရှိလေပါပဲ …
အရှင်_ဆန္ဒာဓိက ( ရွှေပါရမီတောရ )

Arc ကို မေ့လိုက်တော့... Dia ကို စပြီး စမ်းသုံးလို့ရပြီ 👀
.
Arc Browser ကို ထုတ်ခဲ့တဲ့ The Browser Company ကနေ AI Browser အသစ် - Dia ကို တရားဝင်ထုတ်ပေးလိုက်ပါပြီ။ ဒီလို တရားဝင်ထုတ်ပေးလိုက်တယ်ဆိုပေမယ့် အရင်ဆုံးသုံးနိုင်မှာက Arc Browser ကို သုံးနေတဲ့သူတွေပဲ Arc မှာ Sign-in လုပ်ထားတဲ့ Email Account နဲ့ ဝင်ရောက်ပြီး အရင်ကြိုပြီး ပေးသုံးထားတာဖြစ်ပါတယ်။
Dia Browser ကို ကိုယ်တိုင်လည်း မနေ့ည ထွက်ထွက်ခြင်း စမ်းသုံးနေဖြစ်တာဆိုတော့ အချိန် နာရီပိုင်းသုံးပြီးတဲ့အချိန်မှာ မြင်တဲ့အမြင်၊ Experience ကို နည်းနည်းပြန်ပြီး Share လုပ်ပေးပါမယ် -
# Onboarding Process က အရမ်းကောင်းတယ်
ဒါက Arc အတိုင်းပဲ Dia ကို စစခြင်း သုံးဖို့ ဖွင့်လိုက်တာနဲ့ မြင်ရတဲ့ Landing Page တွေ၊ ဘယ်လို Feature တွေကို ဘယ်လိုသုံးလို့ရမလဲဆိုတာကိုတွေကို သေချာရှင်းပြပေးနိုင်တယ်။ ပြီးတော့ Arc ကနေ Import လုပ်လိုက်တဲ့အချိန်မှာ အခုထိ Facebook ကလွဲပြီး ဘာမှ ပြန်ပြီး Account Sign-in ဝင်ရတာမျိုး မရှိသေးဘူး။
ပြောရရင် Arc ကနေ ပြောင်းသုံးလိုက်ရင် Browser အသစ်တစ်ခုကို အခုမှ အစကနေ Setup လုပ်၊ သုံးနေရတဲ့ Feeling ရမှာမဟုတ်ဘူး။ သုံးနေကြ Browser တစ်ခုကို UI နည်းနည်းပြောင်းသွားတာနဲ့ပဲ ပိုတူတယ်။
ပြီးတော့ Onboarding Process ပြီးတာနဲ့ Dia Browser မှာ လုပ်နိုင်တဲ့အချက်တွေကို YouTube Video အနေနဲ့ တန်းပြီး ပြပေးတယ်။ ဒါတွေက Arc လိုပဲ First Impression ပိုင်းမှာတော့ တော်တော်ကို ကောင်းသွားတယ်။
# AI ကို အရမ်းကိုမှီခိုပြီး သုံးနေဖို့လိုအပ်တယ်
Dia Browser ရဲ့ အဓိက Main Feature က ကိုယ် ဘယ် Tab ဖွင့်ထားထား၊ ဘာသုံးနေ သုံးနေ AI Chat ကို Side Window အနေနဲ့ပဲဖြစ်ဖြစ်၊ Pop-up အနေနဲ့ပဲဖြစ်ဖြစ် ခေါ်သုံးနိုင်တယ်။
ဒီ AI Chat ကို သီးသန့် နာမည်ပေးထားတာမျိုးတော့မရှိဘူး။ ဒါပေမယ့် Chat ကိုဖွင့်လိုက်တာနဲ့ ကိုယ်ကြည့်နေတဲ့ Tab ကိုပါ Mention ထားပြီး ဒီဖွင့်ထားတဲ့ Tab အကြောင်းကို AI ကို Link Copy ကူးစရာမလိုပဲ တန်းမေးလို့ရတယ်။ ဥပမာ - YouTube Video ဖွင့်ထားရင် ဒီ Video ထဲမှာ ဘာတွေက အဓိကလဲဆိုတာကို List လုပ်ခိုင်းတာမျိုး၊ Article တွေဖတ်နေရင် ဒါက ဘာအကြောင်းရေးထားသလဲဆိုတာတွေ မေးလိုက်ရုံပဲ။ YouTube ကို ပြန်ပြောတာမျိုးဆိုရင် ဘယ်နေရာမှာ ဘယ်လိုပြောထားတယ်ဆိုတာကို တန်းနှိပ်ကြည့်လို့ရအောင် Timestamps တွေပါ ထည့်ပေးထားတာ တော်တော်မိုက်တယ်။
ပြီးတော့ ကိုယ်ဖွင့်ထားတဲ့ Tab တွေကို AI ကို ယှဥ်ပြီး ရွေးခိုင်းလို့ရမယ်။ ဥပမာ - ကိုယ်က Agoda မှာ ခရီးသွားဖို့ Hotel တွေရှာနေတယ်၊ ထည့်စဥ်းစားနေတဲ့ Hotel တွေကို Tab တွေခွဲဖွင့်ထားရင် AI ကို ဘယ် Hotel က ဘယ်လိုအားသာချက်၊ အားနည်းချက်တွေရှိသလဲဆိုတာကို ယှဥ်ခိုင်း၊​ Table အနေနဲ့ ခွဲပြီး ပြခိုင်းလို့ရတယ်။
# စာရေးနေရတဲ့သူတွေအတွက် Dia က အကောင်းဆုံးဖြစ်လာနိုင်တယ်
ပြောရရင် ဒီအချိန်မှာ Professional Email လိုမျိုး ရေးနေရတဲ့သူတွေပဲဖြစ်ဖြစ်၊ တခြားအလုပ်ကိစ္စတွေ၊ ကျောင်းကိစ္စတွေကြောင့် စာသေချာရေးနေရတဲ့သူတွေရှိမှာပဲ။ အဲ့လိုသူတွေဆိုရင် Dia Browser က ကြိုက်မှာသေချာတယ်။
ဘယ်လိုမျိုးလဲဆိုရင် ဥပမာ - ကိုယ့်ဘာသာ Email တစ်ခုရေးပြီးပေမယ့် တစ်နေရာကို အားမရဘူးဆိုရင် အားမရတဲ့နေရာကို Select မှတ်လိုက်တာနဲ့ Dia မှာ Built-in In-line Copy Editor ပါတော့ ဘေးက Chat က Select ထားတဲ့ Text တွေကို Copy/Paste စရာမလိုပဲ​ သိနေပြီ။ ဒီဟာအစား နည်းနည်းပိုကောင်းအောင် ပြင်ရေးပေးဆိုပြီး ပြောလိုက်ရုံပဲ။
မဟုတ်လည်း ဥပမာ - စကားလုံးတစ်ခုက အရမ်းရိုးရှင်းတယ်၊ အဲ့အစား အဓိပ္ပါယ်တူပြီး တခြားဘာစကားလုံးရှိလဲဆိုတာကို ရှာခိုင်းလို့ရမယ်။ Document တွေရေးထားတယ်ဆိုရင်လည်း Grammar မှားနေရင် ပြင်ပေးခိုင်းတာမျိုး တော်တော်များများကို ခိုင်းလို့ရတယ်။​
# လေ့လာချင်တယ်ဆိုရင်လည်း Dia က အသုံးဝင်တဲ့ AI Chat လို ပြောလို့ရတယ်
ဒါက ပြောရရင် Perplexity လိုမျိုး AI Search Engine ပုံစံလည်း Dia ကို Web Browser ဖြစ်နေပေမယ့် သုံးနိုင်တယ်။ ဥပမာ - ကိုယ်က Topic တစ်ခုအကြောင်းကို စာတွေလိုက်ဖတ်နေတယ်၊ ဖွင့်ထားတဲ့ Tab တွေအပေါ်မှုတည်ပြီး AI Chat ကို အဲ့ဒီ Topic အကြောင်း အမြင်ကို လိုက်ဆွေးနွေးလို့ရတယ်။ ပြောရရင် ChatGPT တို့၊​ Gemini တို့လိုမျိုးပဲ တခြား AI Agent ဆီ သွားစရာမလိုပဲ Dia မှာတင် ဆွေးနွေးတာမျိုး၊ သိချင်တာတွေ ထပ်မေးတာမျိုး မေးလို့ရတယ်။
# စျေးဝယ်ရင်လည်း သုံးလို့ကောင်းတယ်
ဒါက Web Browser ပေါ်မှာ စျေးတွေလျှောက်ဝယ်၊ ပစ္စည်းတွေလျှောက်ကြည့်ရင်လည်း Dia က မိုက်တယ်။ ဥပမာ - Keyboard တစ်ခုကိုတွေ့လို့ ဝယ်ချင်ပေမယ့် ကိုယ်ကြည့်နေတဲ့ Website ထက် စျေးသက်သာတာရှိမလားသိချင်ရင် Chat က Camera ပုံကို နှိပ်၊ အဲ့ Keyboard ကို ပုံရိုက်ပြီး တခြားစျေးပိုသက်သာတဲ့နေရာရှိလား ရှာခိုင်းလိုက်ရုံပဲ။
ဒါမှမဟုတ် ကြည့်နေတဲ့ ပစ္စည်းက ကောင်းလား၊ မကောင်းလားဆိုတာကိုလည်း Review တွေ ရှာဖတ်ခိုင်းပြီး ပြန်ပြောခိုင်းလို့ရတယ်။ တခြား ဘာ Option တွေရှိဦးမလဲ ရှာခိုင်းလို့ရမယ်။
# Coding ပိုင်းမှာလည်း Dia ကို ခိုင်းလို့ရမယ်
ဒါက Developer တွေအတွက် ပိုပြီး အဆင်ပြေနိုင်မယ်။ Dia ရဲ့ AI Chat က တခြား ChatGPT တို့၊ Gemini တို့လိုမျိုးပဲ Coding ပိုင်းကိုလည်း လုပ်ပေးနိုင်တယ်။ ဖြစ်နေတဲ့ Bug ကို ပြင်ခိုင်းတာမျိုး၊ တခြား လိုချင်တဲ့ Function တွေကို Code ရေးခိုင်းတာတွေ လုပ်လို့ရတယ်။

ရုရှားကို ဗီဇာကင်းလွတ်ခွင့်ပြုထားပေမယ့် အလည်အပတ် သီးသန့်လာသူနည်းပါး
ဇွန်- ၁၃၊ ၂၀၂၅
GG (VOM)
ရရှားနိုင်ငံသားတွေကို မြန်မာနိုင်ငံကို ဗီဇာကင်းလွတ်ခွင့်နဲ့ ဝင်ရောက် ခွင့်ပြုထားပေမယ့် အလည်အပတ်လာရောက်သူ နည်းပြီး စီးပွားရေးဗီဇာနဲ့သာလာရောက်မှု များနေတယ်လို့ ဟိုတယ်နှင့် ခရီးသွားလာရေးဝန်ကြီးဌာနမှ သိရပါတယ်။
ရရှားနိုင်ငံသားတွေကို ဗီဇာကင်းလွတ်ခွင့်နဲ့ ဝင်ရောက်ခွင့်ကို နစကမှ တနှစ်သက်တမ်းနဲ့ စမ်းသပ်ခွင့်ပြုပေးထားတာဖြစ်ပေမယ့် ပြည်တွင်း နိုင်ငံရေးအခြေအနေ နဲ့ ရုရှားနိုင်ငံမှာဖြစ်ပွားနေတဲ့ စစ်ရေးအခြေအနေတွေကြောင့် ရရှား ခရီးသွားဧည့်သည်ဝင်ရောက်မှုက မရှိသလောက်နည်းနေတာဖြစ်တယ်လို့သိရပါတယ်။
" ရရှားကိုက ဗီဇာကင်းလွတ်ခွင့်နဲ့ ဝင်ခွင့်ပြုထားတာကြာပါပြီ။ဒါပေမယ့် အလည်အပတ်ဗီဇာနဲ့လာသူတော့နည်းတယ်။ Business ဗီဇာနဲ့လာသူကပိုများပါတယ်။ကျွန်တော်တို့ကဗီဇာကင်းလွတ်ခွင့်ပေးထားပေမယ့်လည်း သူတို့နိုင်ငံမှာက စစ်ဖြစ်နေတော့ ဘယ်လာကြမလဲ။" လို့ ဟိုတယ်နှင့် ခရီးသွားဝန်ကြီးဌာနမှ တာဝန်ရှိသူကပြောပါတယ်။
လက်ရှိ မြန်မာနိုင်ငံမှာ ရင်းနှီးမြှုပ်နှံမှုပြုလုပ်တဲ့ ပြည်ပ နိုင်ငံ ၅၀ ကျော်ထဲမှာဆိုရင် ရုရှားနိုင်ငံက ရင်းနှီးမြှုပ်နှံမှု အရင်းအနှီးပမာဏအနေနဲ့ အဆင့် ၂၀ မှာ ရှိနေတယ်လို့သိရပါတယ်။
ယခုနှစ် မတ်လဆန်းပိုင်းတုန်းက နစကဥက္ကဌရဲ့ ရုရှားခရီးစဉ်မှာလည်း မြန်မာ - ရုရှား နှစ်နိုင်ငံအကြား ပူးပေါင်းဆောင်ရွက်ရေး သဘောတူညီချက် ၁၀ ခုကို လက်မှတ်ရေးထိုးနိုင်ခဲ့တယ်လို့သိရပါတယ်။
အဲဒီသဘောတူညီချက်တွေထဲမှာ မြန်မာပြည်မှာ ရုရှားရဲ့ထောက်ပံ့မှုနဲ့ အသေးစား နျူကလီးယားဓာတ်အားပေးစက်ရုံ တည်ဆောက်ရေး၊ ဆိပ်ကမ်းနဲ့ ရေနံချက်စက်ရုံ တည်ဆောက်ရေး အပါအဝင် ထားဝယ်အထူးစီးပွားရေးဇုန်မှာ ရင်းနှီးမြှုပ်နှံဖို့အပါအဝင် စတဲ့ သဘောတူညီချက်တွေ ပါဝင်ခဲ့တယ်လို့သိရပါတယ်။
ရရှားနိုင်ငံသားတွေကိုသာ ဗီဇာကင်းလွတ်ခွင့်နဲ့ ဝင်ရောက်ခွင့်ကို နစကဘက်မှခွင့်ပြုထားခြင်းဖြစ်ပြီး ရုရှားဘက်မှတော့ မြန်မာနိုင်ငံသားတွေကို ဗီဇာကင်းလွတ်ခွင့်နဲ့ ဝင်ခွင့်ပြုထားတာမျိုးမရှိသေးဘူးလို့သိရပါတယ်။
ဒါကြောင့် မြန်မာ-ရုရှား နှစ်နိုင်ငံ အပြန်အလှန် ဗီဇာကင်းလွတ်ခွင့်နဲ့ဝင်ရောက်ခွင့်ရရှိရေးအတွက် ဇွန် ၁၀ ရက်နေ့ကပြုလုပ်ခဲ့တဲ့ ရုရှားဖက်ဒရေးရှင်းနိုင်ငံ မော်စကိုမြို့မှာ ကျင်းပတဲ့ ၅ ကြိမ်မြောက် မော်စကို နိုင်ငံတကာ ခရီးသွားဖိုရမ်နှင့် ခရီးသွားပြပွဲ ဖွင့်ပွဲ မှာ နှစ်နိုင်ငံ ဆွေးနွေးမှုပြုလုပ်ခဲ့ကြတယ်လို့သိရ ပါတယ်။
" ရရှားက အစိုးရနဲ့ရင်းနှီးမြှုပ်နှံဖို့လာကြတာပဲရှိတယ်။ရရှားကို ဗီဇာကင်းလွတ်ခွင့်နဲ့ ဝင်ခွင့်ပြုတာကလည်းမြန်မာဘက်က ကြေငြာထားတာပေါ့။ နှစ်နိုင်ငံအပြန်အလှန် ဗီဇာကင်းလွတ်ခွင့်နဲ့ သွားရဖို့ကတော့ ဆွေးနွေးနေကြတဲ့အဆင့်မှာပါ။ခရီးသွားကဏ္ဍကတော့ကျနေတာကြာပါပြီ။" လို့ ခရီးသွားလုပ်ငန်းရှင်တယောက်ကပြောပါတယ်။
မြန်မာနိုင်ငံမှာ ကိုဗစ်စတင်ဖြစ်ပွားတဲ့ ၂၀၂၀ ခုနှစ် ခကတည်းက ပြည်ပခရီးသွားဧည့်သည်ဝင်ရောက်မှုကျဆင်းခဲ့ပြီးနောက် နိုင်ငံရေးအပြောင်းအလဲကြောင့်လည်း ပြည်တွင်းမှာ တိုက်ပွဲတွေဖြစ်ပွားနေတဲ့အတွက် ပြည်ပခရီးသွားဧည့်သည်ဝင်ရောက်မှုဆက်တိုက်ကျဆင်းလာနေတာဖြစ်ပါတယ်။
ယခု ၂၀၂၅ ခုနှစ် ဇန်နဝါရီမှ မေလကုန်အထိကို မြန်မာနိုင်ငံကို ခရီးသွားဧည့်သည်ဝင်ရောက်မှုမှာ ၁၁၈၀၀၀ ကျော်ရှိခဲ့ပြီး အလည်အပတ်ထက် စီးပွားရေးဗီဇာနဲ့လာရောက်သူများတယ်လို့ သိရပါတယ်။

နေ့စဉ်မိုးလေဝသသတင်း
==============
(၂၀၂၅ ခုနှစ်၊ ဇွန်လ ၁၃ ရက်နေ့ နံနက် ၇:၀၀ နာရီအချိန် ထုတ်ပြန်ချက်)
-------------------------------------------------------------------
ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် မုတ်သုံလေ အားကောင်းရာမှ အားအလွန်ကောင်းနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအနည်းငယ်မှ အားအသင့် အတင့် ရှိနေပါသည်။
ထူးခြားသည့်အခြေအနေ။ ယနေ့မြန်မာစံတော်ချိန် ၀၆:၃၀ နာရီအချိန်တိုင်းထွာချက်များအရ တောင်တရုတ်ပင်လယ်ပြင်တွင် ဖြစ်ပေါ်နေသော အပူပိုင်းမုန်တိုင်း“ဝူတစ်”(WUTIP)သည် အနောက်မြောက်ဘက်သို့ ရွေ့လျားခဲ့ပြီး၊ ပိုမိုအားကောင်းလာခဲ့ကာ၊ အားကောင်းသောအပူပိုင်းမုန်တိုင်းအဖြစ်သို့ရောက်ခဲ့ပါသည်။ အဆိုပါ အားကောင်းသောအပူပိုင်းမုန်တိုင်း“ဝူတစ်”(WUTIP) သည် နောက် ၁၂ နာရီအတွင်း မြောက်ယွန်းယွန်းသို့ ရွေ့လျားပြီး၊ တရုတ်နိုင်ငံ၊ ဟိုင်နန်ကျွန်းအနောက်ဘက်ကမ်းခြေ အနီးမှ ဖြတ်ကျော်နိုင်သည်ဟု ခန့်မှန်းရပါသည်။
ယနေ့ညနေအထိခန့်မှန်းချက်။ ကချင်ပြည်နယ်တွင် နေရာကျဲကျဲ၊ စစ်ကိုင်းတိုင်းဒေသကြီးအထက်ပိုင်းတွင် နေရာ စိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ နေပြည်တော်၊ ရန်ကုန်တိုင်း ဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်း)တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။
မိုးတိမ်တောင်ဖြစ်ပေါ်မှုအခြေအနေ။ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် မွန်ပြည်နယ်တို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာ နေရာတစ်လျှောက် တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေ ခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။
မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့ တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီ ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၉ ပေမှ ၁၁ ပေခန့် ရှိနိုင်ပါသည်။ ကျန်မြန်မာ့ပင်လယ်ပြင် တွင် လှိုင်းအသင့်အတင့်ရှိမည်။ လှိုင်းအမြင့်မှာ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၆ ပေမှ ၈ ပေခန့် ရှိနိုင်ပါသည်။
နောက် ၂ ရက်အတွက်ခန့်မှန်းချက်။ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီ တိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် မိုးပိုလာမည်။
နေပြည်တော်နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။
ရန်ကုန်မြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။
မန္တလေးမြို့နှင့်အနီးတစ်ဝိုက်အတွက်ယနေ့ညနေအထိခန့်မှန်းချက်။ နေရာကွက်ကျား မိုးထစ်ချုန်းရွာမည်။ ရွာရန် ရာနှုန်းပြည့် ဖြစ်ပါသည်။

အိန္ဒိယ လေယာဉ်ပျက်ကျမှု အရေးပေါ်ထွက်ပေါက်အနီးထိုင်ခဲ့တဲ့ ဗြိတိန်နိုင်ငံသားတယောက်သာ အသက်ရှင်
ဒေလီ၊ ဇွန်-၁၃-၂၀၂၅
မျိုးဆက်(VOM)
အိန္ဒိယလေကြောင်းလိုင်း ခရီးသည်တင်လေယာဉ် အာမာဒါဘတ်မြို့မှာ ပျက်ကျမှုကြောင့် လိုက်ပါလာသူ ၂၄၂ ယောက်အနက် ဗြိတိန်နိုင်ငံသားတယောက်သာ အသက်ရှင်လွတ်မြောက်ခဲ့ပြီး ဗစ်ရှ်ဝပ်ရှ်ကူးမား ရာမက်ရှ်ဟာ လေယာဉ်အရေးပေါ်ထွက်ပေါက်အနီးက ထိုင်ခုံမှာဖြစ်ပြီး ခုန်ချနိင်ခဲ့တယ်လို့ ရဲတပ်ဖွဲ့က ပြောပါတယ်။
သူဟာ အိန္ဒိယနွယ်ဖွား ဗြိတိန်နိုင်ငံသားဖြစ်ပြီး ထိုင်ခုံအမှတ် ၁၁-အေ မှာ ထိုင်ခဲ့သူဖြစ်ကာ ပြည်ထဲရေးဝန်ကြီး အမစ်ရှာချ်ဟာ ဆေးရုံမှာ သွားရောက်တွေ့ဆုံခဲ့တယ်လို့ ဆရာဝန်တွေက ပြောပါတယ်။ သူ့တကိုယ်လုံးမှာ ဒဏ်ရာတွေနဲ့ ပြည့်နေပြီး အသက်အန္တရာယ်မရှိဘူးလို့ ဆိုပါတယ်။
အသက် ၄၀ အရွယ် အဲဒီအမျိုးသားဟာ အိန္ဒိယရှိ မိသားစုဆီကို အလည်လာပြီးနောက် အကိုနဲ့အတူ ဗြိတိန်ကိုပြန်တာဖြစ်တယ်လို့ အိန္ဒိယသတင်းဌာနတွေကို ပြောပါတယ်။ အခင်းဖြစ်ပြီး အသိစိတ်ဝင်လာတဲ့အချိန် အနားမှာ အလောင်းတွေနဲ့ လေယာဉ်အပိုင်းအစတွေ ပြန့်ကြဲနေတယ်လို့ သူကဆိုပါတယ်။
ကူးမားဟာ လေယာဉ်ပျက်မကျခင် ခုန်ချနိုင်ခြင်း ရှိမရှိကိုတော့ ရှင်းလင်းစွာ မသိရသေးပါဘူး။ လေယာဉ်ဟာ ပျံတက်ပြီးနောက်မကြာခင် နိမ့်ဆင်းသွားပြီး ရုတ်တရက်နှစ်ပိုင်းဖြစ်သွားကာ ကျယ်လောင်တဲ့ ပေါက်ကွဲမှုမတိုင်ခင် သူဟာလွှင့်ထွက်သွားခဲ့တယ်လို့ ကူးမားက ပြောဆိုခဲ့ကြောင်း အခြားဆရာဝန်တယောက် ပြောပါတယ်။
လက်ရှိမှာတော့ အိန္ဒိယလေကြောင်းလိုင်း ခရီးသည်တင်လေယာဉ်ပျက်ကျမှုမှာ ရုပ်အလာင်း ၂၀၄ လောင်း ရှာဖွေတွေ့ရှိထားပြီး ဒဏ်ရာရသူ ၄၀ ကျော်ကို ဆေးရုံတင်ထားရပါတယ်။ လေယာဉ်ပေါ်မှာ အိန္ဒိယနိုင်ငံသား ၁၆၉ ယောက်၊ ဗြိတိန် ၅၃ ယောက်အပြင် ကနေဒါနဲ့ ပေါ်တူဂီနိုင်ငံသား တချို့လည်း ပါဝင်ပါတယ်။
လေယာဉ်ဟာ အိန္ဒိယလေကြောင်းလိုင်း ခရီးစဉ် အမှတ် Flight AI171 ဖြစ်ပြီး
လေကြောင်းခြေရာခံဝက်ဘ်ဆိုက် Flightradar24 ရဲ့အဆိုအရ လေယာဉ်ဟာ ပျံတက်ပြီး စက္ကန့်ပိုင်းအကြာ အမြင့်ပေ ၆၂၅ ပေအရောက်မှာ လူနေရပ်ကွက်ပေါ် ပျက်ကျခဲ့တာလို့ ဆိုပါတယ်။
Boeing 787-8 Dreamliner လေယာဉ်တွေကို ၂၀၀၉ ခုနှစ်မှာ စတင်ထုတ်လုပ်ခဲ့ပြီး အစင်းရေး ၁၀၀၀ ကျော်ဟာ လေကြောင်းလိုင်း ဒါဇင်များစွာမှာ ပြေးဆွဲနေကြပါတယ်။ ယခုလေယောဉ်ပျက်ကျမှုကြောင့် အမေရိကန်မှာ ဘိုးအင်းရဲ့ အစုရှယ်ယာတွေ ဆက်တိုက်ကျဆင်းနေပါတယ်။

#ပြည်တွင်းသတင်း
◼ငလျင်ဒဏ်သင့်ဝန်ထမ်းအိမ်ရာများတွင် ပြန်လည်နေထိုင်ခွင့်ပြုသော်လည်း နေထိုင်ရန်စိုးရိမ်မှုများရှိနေဟုဆို
နေပြည်တော်၌ ငလျင်ဒဏ်သင့်ဝန်ထမ်းအိမ်ရာများတွင် ပြန်လည်နေထိုင်ရန် သက်ဆိုင်ရာကခွင့်ပြုထားသော်လည်း ဝန်ထမ်းများအနေဖြင့် စိုးရိမ်ပူပန်မှုများရှိနေကြောင်း ဝန်ထမ်းအိမ်ရာတွင်နေထိုင်သူများထံမှသိရသည်။
ပြီးခဲ့သည့်မတ်လ ၂၈ ရက်တွင် လှုပ်ခတ်ခဲ့သည့် အင်အားပြင်းငလျင်ကြောင့် နေပြည်တော်ကောင်စီ နယ်မြေအတွင်းရှိရုံးအဆောက်အအုံများ၊ အထူးအဆောက်အအုံများနှင့် ဝန်ထမ်းအိမ်ရာများ ထိခိုက်ပျက်စီးခဲ့ပြီး ယင်းအဆောက်အအုံများ၏ ပျက်စီးမှုအနည်းအများအလိုက် အပြာရောင်အဆင့်၊ လိမ္မော်ရောင်အဆင့်နှင့်အနီရောင်အဆင့်အဖြစ် ခွဲခြားသတ်မှတ်ခဲ့သည်။
ငလျင်လှုပ်ခတ်မှုဖြစ်ပွားပြီးနှစ်လခန့်အကြာတွင် လိမ္မော်ရောင်အဆင့်သတ်မှတ်ထားသည့် ဝန်ထမ်း အိမ်ရာများကို အပြာရောင်အဆင့်အဖြစ်ပြောင်းလဲလိုက်ကြောင်း ဝန်ထမ်းအိမ်ရာတွင် နေထိုင်သူများက ဆိုသည်။
လက်ရှိတွင် သာမန်ပျက်စီးမှုဖြစ်သည့် အပြာရောင်အဆင့် ရုံးအဆောက်အအုံနှင့် ဝန်ထမ်းအိမ်ရာ အဆောက်အအုံများကို ပြန်လည်ပြုပြင်နေပြီဖြစ်ကာ လိမ္မော်ရောင်အဆင့် ရုံးအဆောက်အအုံနှင့် ဝန်ထမ်းအိမ်ရာ အဆောက်အအုံပျက်စီးမှုများကို နည်းပညာရှင်များ၏ အကူအညီကိုရယူ၍ ပြင်ဆင်ဆောင်ရွက်ရမည်ဖြစ်ကြောင်း သိရသည်။
Level-1 တွင် အနီရောင်အဆင့်သတ်မှတ်ထားသော အဆောက်အအုံများကို Structure ပညာရှင်များပါဝင်သည့် အဖွဲ့နှင့် Level-2 စစ်ဆေးရန်လိုအပ်ပြီး အချို့အဆောက်အအုံများအား Strengthening ပြန်လည်ပြုလုပ်ရန် Repair နှင့် Retrofit ပြုလုပ်ရမည်ဖြစ်ကြောင်း၊ Structure ကြီးကြီးမားမား ထိခိုက်သည့် အဆောက်အအုံများကိုမူ ပြန်လည်ပြုပြင်ရန်မရနိုင်သည့်အတွက် ဖယ်ရှားရှင်းလင်း ရမည်ဖြစ်ကြောင်း နစက၏ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီးဦးမျိုးသန့်က ပြီးခဲ့သည့်မေ ၁၀ ရက် တွင်ပြုလုပ်သည့်ဆွေးနွေးပွဲတွင် ပြောဆိုထားသည်။
သတင်း - အင်ကြင်း
ဓာတ်ပုံ - MFSD/CJ

#ပြည်တွင်းသတင်း
◼ငလျင်ဒဏ်သင့်ဝန်ထမ်းအိမ်ရာများတွင် ပြန်လည်နေထိုင်ခွင့်ပြုသော်လည်း နေထိုင်ရန်စိုးရိမ်မှုများရှိနေဟုဆို
နေပြည်တော်၌ ငလျင်ဒဏ်သင့်ဝန်ထမ်းအိမ်ရာများတွင် ပြန်လည်နေထိုင်ရန် သက်ဆိုင်ရာကခွင့်ပြုထားသော်လည်း ဝန်ထမ်းများအနေဖြင့် စိုးရိမ်ပူပန်မှုများရှိနေကြောင်း ဝန်ထမ်းအိမ်ရာတွင်နေထိုင်သူများထံမှသိရသည်။
ပြီးခဲ့သည့်မတ်လ ၂၈ ရက်တွင် လှုပ်ခတ်ခဲ့သည့် အင်အားပြင်းငလျင်ကြောင့် နေပြည်တော်ကောင်စီ နယ်မြေအတွင်းရှိရုံးအဆောက်အအုံများ၊ အထူးအဆောက်အအုံများနှင့် ဝန်ထမ်းအိမ်ရာများ ထိခိုက်ပျက်စီးခဲ့ပြီး ယင်းအဆောက်အအုံများ၏ ပျက်စီးမှုအနည်းအများအလိုက် အပြာရောင်အဆင့်၊ လိမ္မော်ရောင်အဆင့်နှင့်အနီရောင်အဆင့်အဖြစ် ခွဲခြားသတ်မှတ်ခဲ့သည်။
ငလျင်လှုပ်ခတ်မှုဖြစ်ပွားပြီးနှစ်လခန့်အကြာတွင် လိမ္မော်ရောင်အဆင့်သတ်မှတ်ထားသည့် ဝန်ထမ်း အိမ်ရာများကို အပြာရောင်အဆင့်အဖြစ်ပြောင်းလဲလိုက်ကြောင်း ဝန်ထမ်းအိမ်ရာတွင် နေထိုင်သူများက ဆိုသည်။
လက်ရှိတွင် သာမန်ပျက်စီးမှုဖြစ်သည့် အပြာရောင်အဆင့် ရုံးအဆောက်အအုံနှင့် ဝန်ထမ်းအိမ်ရာ အဆောက်အအုံများကို ပြန်လည်ပြုပြင်နေပြီဖြစ်ကာ လိမ္မော်ရောင်အဆင့် ရုံးအဆောက်အအုံနှင့် ဝန်ထမ်းအိမ်ရာ အဆောက်အအုံပျက်စီးမှုများကို နည်းပညာရှင်များ၏ အကူအညီကိုရယူ၍ ပြင်ဆင်ဆောင်ရွက်ရမည်ဖြစ်ကြောင်း သိရသည်။
Level-1 တွင် အနီရောင်အဆင့်သတ်မှတ်ထားသော အဆောက်အအုံများကို Structure ပညာရှင်များပါဝင်သည့် အဖွဲ့နှင့် Level-2 စစ်ဆေးရန်လိုအပ်ပြီး အချို့အဆောက်အအုံများအား Strengthening ပြန်လည်ပြုလုပ်ရန် Repair နှင့် Retrofit ပြုလုပ်ရမည်ဖြစ်ကြောင်း၊ Structure ကြီးကြီးမားမား ထိခိုက်သည့် အဆောက်အအုံများကိုမူ ပြန်လည်ပြုပြင်ရန်မရနိုင်သည့်အတွက် ဖယ်ရှားရှင်းလင်း ရမည်ဖြစ်ကြောင်း နစက၏ ဆောက်လုပ်ရေးဝန်ကြီးဌာန၊ ပြည်ထောင်စုဝန်ကြီးဦးမျိုးသန့်က ပြီးခဲ့သည့်မေ ၁၀ ရက် တွင်ပြုလုပ်သည့်ဆွေးနွေးပွဲတွင် ပြောဆိုထားသည်။
သတင်း - အင်ကြင်း
ဓာတ်ပုံ - MFSD/CJ