MySPACE

1 w - Translate

၂၀၂၅-၂၆ တွင် ဓာတ်မြေသြဇာ တန်ချိန် ၁ ဒသမ ၆ သန်းနှင့် ပိုးသတ်ဆေး တန်ချိန် ၃၂,၀၀၀ တင်သွင်းမည်

ရန်ကုန်၊ ဇူလှိုင် ၂၂

မြန်မာနိုင်ငံသည် ၂၀၂၅-၂၆ ဘဏ္ဍာရေးနှစ်တွင် ဓာတ်မြေသြဇာ တန်ချိန် ၁.၆ သန်းနှင့် ပိုးသတ်ဆေး တန်ချိန် ၃၂,၀၀၀ တင်သွင်းရန် ရည်မှန်းထားကြောင်း ယူရီးယားမြေသြဇာ ဝယ်ယူဖြန့်ဖြူးရေး ဦးဆောင်ကော်မတီကို ကိုးကား၍ အင်္ဂါနေ့က နိုင်ငံပိုင် ကြေးမုံသတင်းစာတွင် ဖော်ပြခဲ့သည်။

တနင်္လာနေ့က နေပြည်တော်တွင်ကျင်းပ ပြုလုပ်သည့် ကော်မတီအစည်းအဝေးတွင် ကော်မီတီ ဥက္ကဋ္ဌ သမဝါယမနှင့် ကျေးလက်ဒေသ ဖွံ့ဖြိုးတိုးတက်ရေး ဝန်ကြီးဌာန ပြည်ထောင်စုဝန်ကြီး ဦးလှမိုးက တောင်သူလယ်သမားများ လိုအပ်သော သွင်းအားစုများကို လက်လှမ်းမီ ရရှိစေရန် ထောက်ပံ့ဖြည့် တင်း‌ရေး နှင့် ဖြန့်ဖြူးရေးတွင် လျာထားချက်အတိုင်း အထွက်နှုန်းပြည့်မီစေရန် ဆောင်ရွက်နေသည်ဟု ဆိုသည်။

၂၀၂၅ ခုနှစ် ဇွန်လကုန်၌ ဓာတ်မြေသြဇာ ၄၃၈,၇၀၅ တန်နှင့် ပိုးသတ်ဆေး တန်ချိန် ၉,၈၄၀ ကျော်ကို တင်သွင်းခဲ့ ပြီးဖြစ်ကြောင်း အစီရင်ခံစာတွင် ဖော်ပြထားသည်။

မြန်မာနိုင်ငံ၏ မြေသြဇာ၊ မျိုးစေ့နှင့် ပိုးသတ်ဆေး လုပ်ငန်းရှင်များအသင်းသည် ဒေသအသီးသီး၏ လိုအပ်ချက်များနှင့်အညီ စီစဉ်ဆောင်ရွက်ပေးရမည်ဟု ပြည်ထောင်စုဝန်ကြီးက ပြောကြားခဲ့ပါသည်။

တွေ့ဆုံပွဲတွင် ဝန်ကြီးက ဒေသခံတောင်သူလယ်သမားများအတွက် မျှတသောဈေးနှုန်းဖြစ်စေရန် လိုအပ်ကြောင်း အလေးပေးပြောကြားခဲ့ပြီး ဖြန့်ဖြူးရေးလုပ်ငန်းစဉ်များကို ကြီးကြပ်ရန် ကော်မတီဝင်များက ပူးပေါင်းပါဝင်ဆောင်ရွက်ကြရန် တောင်းဆိုခဲ့သည်။

Ref: ရှင်းဟွာ