ရန်ကုန်-မော်လမြိုင်သွားကားလမ်းတွင် ကားကြီးတစ်စီးနှင့် အဌားကားတစ်စီး မျက်နှာချင်းဆိုင်တို-က် (၂)ဦး‌ေ-သဆုံးခဲ့မှု ဝေါမြို့နယ်တွင်ဖြစ်ပွား

ပဲခူးတိုင်း၊ ဝေါမြို့နယ်ရှိ ရန်ကုန်-မော်လမြိုင်သွားကားလမ်းပေါ်တွင် ယနေ့ သြဂုတ် ၁၇ ရက်နံနက် ၇ နာရီ ၁၅ မိနစ်ခန့်က ကားကြီးတစ်စီးနှင့် အဌားကား(Taxi)တစ်စီး မျက်နှာချင်းဆိုင်တို-က်မိခဲ့ကြောင်း သိရသည်။
အဆိုပါ ကားကြီးနှင့် အဌားကား (Taxi)တို့သည် ဝေါမြို့နယ်ရှိ ရန်ကုန်-မော်လမြိုင်သွားကားလမ်းမကြီး၏ မိုင်တိုင်အမှတ် ၈/၃ တွင်မျက်နှာချင်းဆိုင်တို-က်မိခဲ့ခြင်းဖြစ်ပြီး အမျိုးသား(၁)ဦးနှင့် အမျိုးသမီး(၁)ဦးတို့မှာ အခင်းဖြစ်နေရာ၌‌ေ-သဆုံးသွားခဲ့ကြောင်း သိရသည်။
ထို့ကြောင့် ရုပ်အလေ-ာင်းများအား ဝေါလူမှုကူညီရေးအသင်းက ဝေါမြို့နယ်ပြည်သူ့ဆေးရုံသို့ပို့ဆောင်ပေးခဲ့ကြကြောင်း သိရသည်။

ဘယ်လာရုစ်-မြန်မာ နှစ်နိုင်ငံချစ်ကြည်ရေးအထိမ်းအမှတ်ဂုဏ်ပြုညစာစားပွဲ ရန်ကုန်မြို့တွင်ကျင်းပ

ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ(USDP)၏ ဖိတ်ကြားချက်အရ ဘယ်လာရုစ်နိုင်ငံ Belaya Rus ပါတီဥက္ကဋ္ဌ Ms. H.E VOLHA CHAMADANAVA ဦးဆောင်သောကိုယ်စားလှယ်အဖွဲ့သည် မြန်မာနိုင်ငံသို့ချစ်ကြည်ရေးခရီးအဖြစ်ရောက်ရှိနေသည်။
ထိုသို့ ရောက်ရှိနေရာ သြဂုတ် ၁၆ ရက်ညပိုင်းက ရန်ကုန်မြို့ရှိ Park Royal Hotel ၌ ဘယ်လာရုစ်-မြန်မာနှစ်နိုင်ငံချစ်ကြည်ရေးအထိမ်းအမှတ် ဂုဏ်ပြုညစာစားပွဲကျင်းပရာ ရန်ကုန်တိုင်းဒေသကြီးလွှတ်တော်ဥက္ကဋ္ဌ ဦးဌေးအောင်နှင့် တာဝန်ရှိသူများ၊ ဘယ်လာရုစ်နိုင်ငံ Belaya Rus ပါတီဥက္ကဋ္ဌနှင့်အဖွဲ့ဝင်များတက်ရောက်ခဲ့ကြသည်။
ဂုဏ်ပြုညစာသုံးဆောင်ပြီးချိန်တွင် ရန်ကုန်တိုင်းလွှတ် တော်ဥက္ကဋ္ဌနှင့် ဘယ်လာရုစ်နိုင်ငံ Belaya Rus ပါတီဥက္ကဋ္ဌတို့က ကပြဖျော်ဖြေခဲ့ကြသည့် ယဉ်ကျေးမှုအဖွဲ့များနှင့် ကျောင်းသား/သူများအား ဂုဏ်ပြုပန်းခြင်းနှင့် ဂုဏ်ပြုဆုများပေးအပ်ချီးမြှင့်ခဲ့ကြသည်။

#တရုတ်နိုင်ငံ #မြန်မာ #ပြည်ထောင်စုမြန်မ
လန်းမဲ့–မီးချောင်း (Lancang–Mekong) ပူးပေါင်းဆောင်ရွက်မှု အထူးရန်ပုံငွေဖြင့် ၂၀၁၇ ခုနှစ်မှစ၍ မြန်မာနိုင်ငံ၌ စိုက်ပျိုးရေး၊ မွေးမြူရေး၊ ငါးမွေးမြူရေးနှင့် သီးနှံသိုလှောင်ရေး စီမံကိန်း ၄၂ ခု အကောင်အထည်ဖော်ခဲ့ပြီး ၂၀၂၅ ဩဂုတ်တွင် စီမံကိန်းအသစ် ၁၄ ခု ထပ်မံလက်မှတ်ရေးထိုးခဲ့သည်။ ယူနန်နှင့် ကွမ်ရှီ (Guangxi) ပြည်နယ်တို့မှ စပါးမျိုး ၂ မျိုး၊ ပြောင်းမျိုး ၂ မျိုး မြန်မာစိုက်ပျိုးခွင့် ရရှိပြီးဖြစ်ကာ နယ်စပ်ဒေသ ကြံ၊ စပါး၊ ဟင်းသီးဟင်းရွက် စိုက်ခင်းများတွင် တရုတ်စံနှုန်း (GAP) အတိုင်း စမ်းသပ်စိုက်ပျိုးမှုများ တိုးချဲ့နေသည်။
မြန်မာနိုင်ငံ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနနှင့် တရုတ်ဘက်မှ သုတေသနဌာနများ ပူးပေါင်း၍ ရာသီဥတုဒဏ်ခံ စိုက်ပျိုးရေး (Climate-smart agriculture)၊ သီးနှံအရည်အသွေး စစ်ဆေးရေးနှင့် စိုက်ပျိုးရေးစံနှုန်း ချိတ်ဆက်ရေးကို နောက်ထပ်နှစ်များတွင် ဦးစားပေး ဆောင်ရွက်မည်ဟု သိရသည်။

ဝင်းသိင်္ဂီထွန်း၊ ဇင်မိုးပြည့်၊ မေသက်မွန်မြင့်အပါအဝင် လက်ရွေးစင် (၆) ဦးကို ဧရာဝတီ
အငှားခေါ်ယူထား

ဧရာဝတီယူနိုက်တက်အမျိုးသမီးအသင်းဟာ
ဝင်းသိင်္ဂီထွန်း၊ ဇင်မိုးပြည့်၊ မေသက်မွန်မြင့် အပါအဝင် မြန်မာ့လက်ရွေးစင် အမျိုးသမီးကစားသမား (၆) ဦးကို အငှားနဲ့ခေါ်ယူထားကြောင်း သိရပါတယ်။
ဧရာဝတီအမျိုးသမီးအသင်းဟာ ယခုရာသီ AFC Women's Champion League ပြိုင်ပွဲ ခြေစစ်ပွဲ ဝင်ရောက်ယှဥ်ပြိုင်ရမှာဖြစ်ပြီး ကစားသမားဖြည့်တင်းမှုတွေကို အင်နဲ့အားနဲ့ ဖြည့်တင်းနေတာဖြစ်ပါတယ်။
ယခုအခါ ဧရာဝတီအမျိုးသမီးအသင်းဟာ ရတနာပုံအသင်း တိုက်စစ်မှူး ဝင်းသိင်္ဂီထွန်း၊ ရန်ကုန်ယူနိုက်တက် တိုက်စစ်မှူး ဇင်မိုးပြည့်၊ သစ္စာအားမာန်အသင်း နောက်ခံလူ မေသက်မွန်မြင့် ISPE အသင်းက လင်းမြင့်မိုရ်၊ မိုးမမစိုး၊ ဇူးလန်နဒီတို့ (၆) ဦးကို အငှားနဲ့ ခေါ်ယူဖြည့်တင်းလိုက်တာဖြစ်ပါတယ်။
ဒါ့အပြင် ဧရာဝတီအမျိုးသမီးအသင်းဟာ (၈) ဦးမြောက် ပြည်ပကစားသမားအဖြစ် အမေရိကန်နိုင်ငံသူ မက်ကန်နာဒေးဗစ်ဆင်ကို ခေါ်ယူထားပါတယ်။
အသက် (၃၁) နှစ်ရှိ အမေရိကန်သူ မက်ကန်နာဟာ တောင်ပံတိုက်စစ်နဲ့ ခံစစ်နေရာစုံမှာပါ ကစားနိုင်သူဖြစ်ကြောင်း သိရပါတယ်။
မက်ကန်နာဟာ အမေရိကန် အပျော်တမ်းကလပ်အသင်းများအပြင် အယ်ဘေးနီးယား၊ လစ်သူရေနီးယား၊ အိုင်ယာလန်နဲ့ ဖိလစ်ပိုင်ကလပ်အသင်းများမှာ ကစားဖူးသူဖြစ်ကြောင်း သိရပါတယ်။
ဒါ့အပြင် မက်ကန်နာဟာ UEFC Women's Champion League ပြိုင်ပွဲကိုလည်း ကစားဖူးတဲ့ အတွေ့အကြုံရှိသူဖြစ်ကြောင်း သိရပါတယ်။
ဧရာဝတီအမျိုးသမီးအသင်းဟာ ယခုရာသီ AFC Women's Champion League ပြိုင်ပွဲ ခြေစစ်ပွဲအတွက် ဂျပန်လူငယ်အမျိုးသမီးကစားသမား ၅ ဦးကိုလည်း ခေါ်ယူဖြည့်တင်းထားပါတယ်။
ဧရာဝတီအမျိုးသမီးအသင်း ခေါ်ယူ ဖြည့်တင်းလိုက်တဲ့ ဂျပန်လူငယ်အမျိုးသမီးကစားသမား ၅ ဦးမှာ ပရော်ဖက်ရှင်နယ် ကစားသမားများ မဟုတ်ကြပဲ တက္ကသိုလ် ကျောင်းသူလက်ရွေးစင်ကစားသမားများ ဖြစ်ကြောင်း သိရပါတယ်။
ဧရာဝတီအမျိုးသမီးအသင်း ခေါ်ယူဖြည့်တင်းလိုက်တဲ့ ဂျပန်လူငယ်အမျိုးသမီးကစားသမား ၅ ဦးတွင် လေးဦးမှာ ဂျပန်နိုင်ငံ၊ တိုကျို့ရှိ တိုယိုတက္ကသိုလ်မှ တက္ကသိုလ်လက်ရွေးစင်ကစားသမားများဖြစ်ပြီး ကျန်တစ်ဦးမှာမူ ဂျပန်နိုင်ငံ၊ ကိုဖူးမြို့ရှိ ယာမာနာရှီတက္ကသိုလ်မှ တက္ကသိုလ် လက်ရွေးစင်ကစားသမားဖြစ်ကြောင်း သိရပါတယ်။
ဧရာဝတီအမျိုးသမီးအသင်း ခေါ် ယူဖြည့်တင်းလိုက်တဲ့ ဂျပန်လူငယ်အမျိုးသမီးကစားသမား ၅ ဦးတွင် အိုကာမူရာမှာ နောက်တန်း၊ မိုချီဇူကီမှာ နောက်တန်း၊ ဒီရှီမာရုမှာ အလယ်တန်း၊ မတ်ဆူအိုမှာ အလယ်တန်း၊ ကာဆိုင်မှာ အလယ်တန်းကစားသမားများဖြစ်ကြောင်း သိရပါတယ်။

မြန်မာအမျိုးသမီးအသင်း ကစားသမား (၃၃)ဦးနဲ့ သြဂုတ် (၁၇)ရက် စတင်လေ့ကျင့်မယ်

မြန်မာ့အမျိုးသမီးလက်ရွေးစင်အသင်းနည်းပြဖြစ်သူ အင်္ဂလန်နိုင်ငံသား ကောလင်းဘဲလ်ဟာ အာရှအားကစားပြိုင်ပွဲအတွက် ပဏာမကစားသမား (၃၃)ဦးစာရင်းကို ဒီကနေ့မှာ ထုတ်ပြန်လိုက်ပြီဖြစ်ပါတယ်။
နည်းပြကောလင်းဘဲလ်ဟာ မြန်မာအမျိုးသမီးလက်ရွေးစင်အသင်းကို သြဂုတ် (၁၇)ရက်ကစပြီး စခန်းသွင်းလေ့ကျင့်သွားမှာ ဖြစ်ပါတယ်။ ဒါပေမဲ့ AFC Women's Champion League ခြေစစ်ပွဲဝင်မယ့် ဧရာဝတီအသင်းက ကစားသမားတချို့နဲ့ အငှားခေါ်ယူထားတဲ့ လက်ရွေးစင်ကစားသမားတချို့ကတော့ သြဂုတ် (၂၄) ရက် နောက်ပိုင်းရောက်မှ မြန်မာအမျိုးသမီးလက်ရွေးစင်အသင်းနဲ့ လာရောက်ပူးပေါင်းနိုင်မှာဖြစ်ပါတယ်။ နည်းပြကောလင်းဘဲလ်အတွက် လာမယ့်အာရှအားကစားပြိုင်ပွဲက မြန်မာအမျိုးသမီးလက်ရွေးစင်အသင်းကို တာဝန်ယူပြီးနောက် ပထမဆုံးနိုင်ငံတကာပြိုင်ပွဲ ဖြစ်လာမှာဖြစ်ပါတယ်။
မြန်မာအမျိုးသမီးအသင်းဟာ ၂၀၂၆ အာရှအားကစားပြိုင်ပွဲ အမျိုးသမီးဘောလုံးပြိုင်ပွဲ အုပ်စုပထမပွဲအဖြစ် စက်တင်ဘာ ၁၄ ရက်မှာ တောင်ကိုရီးယားအမျိုးသမီးအသင်းနဲ့ စတင်ယှဉ်ပြိုင်ကစားရမှာဖြစ်ကြောင်း သိရပါတယ်။
အကြိမ် ၂၀ မြောက် ၂၀၂၆ အာရှအားကစားပြိုင်ပွဲ အမျိုးသမီးဘောလုံးပြိုင်ပွဲမှာ မြန်မာအမျိုးသမီးဘောလုံးအသင်းဟာ အုပ်စု ( မှာ တောင်ကိုရီးယား၊ မြောက်ကိုရီးယား၊ ဘင်္ဂလားဒေ့ရှ်အသင်းတို့နဲ့ ကျရောက်နေပါတယ်။ ၂၀၂၆ အာရှအားကစားပြိုင်ပွဲ အမျိုးသမီးဘောလုံးပြိုင်ပွဲကို အသင်း ၁၂ သင်းနဲ့ ကျင်းပပြုလုပ်မှာဖြစ်ပြီး လေးသင်း သုံးအုပ်စုခွဲကာ ကျင်းပမှာဖြစ်ပါတယ်။ အုပ်စုခွဲဝေထားမှုအရ အုပ်စု (A) မှာ အိမ်ရှင်ဂျပန်၊ တရုတ်တိုင်ပေ၊ ဗီယက်နမ်၊ ထိုင်း၊ အုပ်စု ( မှာ တောင်ကိုရီးယား၊ မြောက်ကိုရီးယား၊ ဘင်္ဂလားဒေ့ရှ်၊ မြန်မာ၊ အုပ်စု (C) မှာ တရုတ်၊ ဖိလစ်ပိုင်၊ ဥဇဘက်ကစ္စတန်၊ ဟောင်ကောင်အသင်းတို့ ပါဝင်နေပါတယ်။ အုပ်စုတစ်ခုစီမှ အမှတ်အများဆုံးရ အသင်းနှစ်သင်းစီနဲ့ တတိယနေရာရအသင်းများအနက် အကောင်းဆုံးနှစ်သင်း စုစုပေါင်း ရှစ်သင်း ကွာတားဖိုင်နယ် တက်ရောက်ခွင့်ရမှာ ဖြစ်ပါတယ်။
မြန်မာအမျိုးသမီးအသင်းဟာ စက်တင်ဘာ ၁၄ ရက်မှာ အုပ်စုပထမပွဲအဖြစ် တောင်ကိုရီးယားအမျိုးသမီးအသင်း၊ စက်တင်ဘာ ၁၇ ရက်မှာ အုပ်စုဒုတိယပွဲအဖြစ် မြောက်ကိုရီးယားအမျိုးသမီးအသင်း၊ စက်တင်ဘာ ၂၁ ရက်မှာ အုပ်စုနောက်ဆုံးပွဲအဖြစ် ဘင်္ဂလားဒေ့ရှ်အမျိုးသမီးအသင်းတို့နဲ့ ယှဉ်ပြိုင်ကစားရမှာဖြစ်ကြောင်း သိရပါတယ်။

UFC ဝယ်လ်တာဝိတ်တန်းချန်ပီယံခါးပတ်ကို မာခါချက်ဗ် ကာကွယ်နိုင်ခဲ့ပြီး နိုင်ပွဲဆက်အများဆုံး စံချိန်တင်

UFC 330 ပြိုင်ပွဲရဲ့ ခေါင်တွဲဆိုင်းမှာ ဝယ်လ်တာဝိတ်တန်း လက်ရှိချန်ပီယံ ရုရှားကစားသမား အစ္စလာမ်မာခါချက်ဗ်က အိုင်ယာလန်ကစားသမား အီယန်မာချာဒိုဂယ်ရီကို အမှတ်နဲ့ အနိုင်ရကာ ချန်ပီယံခါးပတ် ကာကွယ်နိုင်ခဲ့ပြီး UFC သမိုင်းတစ်လျှောက် နိုင်ပွဲဆက်အများဆုံးစံချိန်တင်ခဲ့ပါတယ်။
UFC 330 ပြိုင်ပွဲကို မြန်မာစံတော်ချိန် သြဂုတ် ၁၆ ရက် နံနက်ပိုင်းက အမေရိကန်နိုင်ငံ၊ ဖီလာဒဲလ်ဖီးယားမြို့ရှိ Xfinity Mobile Arena မှာ ကျင်းပခဲ့ပြီး မာခါချက်ဗ်နဲ့ ဂယ်ရီတို့ရဲ့ပွဲစဉ်ကို နံနက် ၁၀ နာရီ ၁၅ မိနစ်မှာ စတင်ခဲ့ပါတယ်။
ပထမအချီ တစ်မိနစ်အကြာမှာကတည်းက မာခါချက်ဗ်က သူ့ရဲ့ပုံစံအတိုင်း Takedown ပြုလုပ်ခဲ့တာကြောင့် ဂယ်ရီ ရုန်းကန်ခဲ့ရပါတယ်။ ဒုတိယအချီမှာလည်း မာခါချက်ဗ်ရဲ့ အမြင့်ကန်ချက်ကြောင့် ဂယ်ရီ ထိုင်လျက်ကျသွားပြီး ဖိအားပေးခြင်းခံခဲ့ရပါတယ်။ တတိယအချီမှာတော့ ဂယ်ရီ ပိုကောင်းလာပြီး သူ့ရဲ့ ထောက်လက်သီးနဲ့ နင်းခြေတွေက ထိရောက်မှုရှိခဲ့ပါတယ်။ စတုတ္ထအချီ အစောပိုင်းမှာ ဆိုင်ထိုးကြပေမဲ့ နောက်ပိုင်းမှာတော့ မာခါချက်ဗ်က ဝင်လုံးပြီး ပွဲကိုထိန်းချုပ်ထားနိုင်ခဲ့ပါတယ်။ နောက်ဆုံးအချီမှာလည်း မာခါချက်ဗ်က Body Triangle Lock လုပ်ထားတာကြောင့် ဂယ်ရီအနေနဲ့ အရှုံးမပေးရစေရန် ရုန်းကန်ခဲ့ရပါတယ်။ ငါးချီအပြီး အမှတ်နဲ့ ဆုံးဖြတ်ရာ ဒိုင်သုံးဦးစလုံးက မာခါချက်ဗ်ကို ၄၉-၄၆၊ ၄၉-၄၆၊ ၄၈-၄၇ မှတ်နဲ့ အနိုင်ပေးခဲ့ပါတယ်။
အသက် ၃၄ နှစ်ရှိပြီဖြစ်သူ မာခါချက်ဗ်ဟာ ပြီးခဲ့တဲ့နှစ် နိုဝင်ဘာမှာ ဝယ်လ်တာဝိတ်တန်းချန်ပီယံခါးပတ် စတင်ရယူနိုင်ခဲ့ပြီး ပထမဆုံး ချန်ပီယံကာကွယ်ပွဲမှာ နိုင်ပွဲရရှိခဲ့ပါတယ်။ ဒါ့အပြင် သူ့အနေနဲ့ UFC ပြိုင်ပွဲမှာ ၁၇ ပွဲဆက်တိုက် နိုင်ပွဲရယူနိုင်ခဲ့ပြီး ဘရာဇီးဂန္ထဝင် အန်ဒါဆန်ဆေးလ်ဗားရဲ့ ၁၆ ပွဲဆက် အနိုင်ရတဲ့စံချိန်ကို ချိုးဖျက်ကာ စံချိန်သစ်တင်နိုင်ခဲ့ပြီဖြစ်ပါတယ်။
ဒုခေါင်တွဲဆိုင်းမှာ မက်ကန်ဇီဒင်းက ဂီလီယန်ရောဘတ်ဆန်ကို အမှတ်နဲ့အနိုင်ရပြီး အမျိုးသမီးစထရောဝိတ် ချန်ပီယံခါးပတ် ကာကွယ်နိုင်ခဲ့ပါတယ်။

စပါးအသင်းရဲ့ အဂ်လန်ကြယ်ပွင့်နောက်ခံလူ စပန့်ကို အင်တာမီလန်ခေါ်ယူ

စီးရီးအေထိပ်သီး အင်တာမီလန်အသင်းဟာ စပါးအသင်းရဲ့ အဂ်လန်ကြယ်ပွင့် ညာနောက်ခံလူ စပန့်ကို ခေါ်ယူနိုင်ခဲ့ပြီလို့ အတည်ပြုကြေညာခဲ့ပါတယ်။
အင်တာမီလန်အသင်းအနေနဲ့ စပန့်အတွက် ပြောင်းရွှေ့ကြေး ယူရိုသန်း (၃၀)အသုံးပြုခဲ့ရပြီး ၂၀၃၁ ခုနှစ်အထိ စာချုပ်ချုပ်ဆိုခဲ့ပါတယ်။
ရီးယဲလ်မက်ဒရစ်ကို ပြောင်းရွှေ့ခဲ့တဲ့ ဒမ်ဖရိုင်းစ်နေရာအတွက် စပန့်ကိုခေါ်ယူခဲ့တာဖြစ်ပြီး သူ့အနေနဲ့ မီလန်မြေမှာ အောင်မြင်မှုတွေရယူနိုင်မလားဆိုတာကိုတော့ စောင့်ကြည့်ရမှာပါ။
အသက် (၂၆)နှစ်အရွယ်ရှိပြီဖြစ်တဲ့ စပန့်ဟာ ညာနောက်ခံလူအဖြစ်သာမက လိုအပ်ရင်ဘယ်နောက်ခံနေရာမှာပါ ပြောင်းလဲကစားနိုင်ပါတယ်။
ပြီးခဲ့တဲ့ ၂၀၂၆ ကမ္ဘာ့ဖလားပြိုင်ပွဲမှာ အဂ်လန်အသင်းနဲ့အတူ ခြေစွမ်းပြနိုင်ခဲ့ပြီး ပရီးမီးယားလိဂ်ကလပ်အသင်းတချို့ရဲ့ စိတ်ဝင်စားခြင်းကိုခံခဲ့ရပေမဲ့ စပန့်ကိုယ်တိုင်က အင်တာမီလန်အသင်းကို ပြောင်းရွှေ့ဖို့ ဆုံးဖြတ်ခဲ့တာပါ။

ဘရာဇီးဖိုက်တာ ပန်တိုဂျာကို (၃) ချီအတွင်း အလဲထိုးမယ်လို့ ဂျိုရှုအာဗန် ဆို

ချင်းတိုင်းရင်းသား မြန်မာဖိုက်တာ ဂျိုရှုအာဗန်က ဘရာဇီးဖိုက်တာ အလက်ဇန္ဒားပန်တိုဂျာကို (၃) ချီအတွင်း အလဲထိုးသတ်သွားမယ်လို့ ပွဲကြိုသတင်းစာရှင်းလင်းပွဲမှာ ပြောကြားခဲ့ပါတယ်။
ချင်းတိုင်းရင်းသား မြန်မာဖိုက်တာ ဂျိုရှုအာဗန်နဲ့ ဘရာဇီးဖိုက်တာ အလက်ဇန္ဒားပန်တိုဂျာတို့ရဲ့ မကျေပွဲဖြစ်တဲ့ UFC-331 ပြိုင်ပွဲအတွက် သတင်းစာရှင်းလင်းပွဲကို သြဂုတ် (၁၄) ရက်က လော့စ်အိန်ဂျလိစ်မြို့မှာ ပြုလုပ်ခဲ့တာဖြစ်ပါတယ်။
ဂျိုရှုအာဗန်က"ကျွန်တော်က ပွဲတွေ ခပ်စိပ်စိပ် ထိုးချင်တယ်။ ဒါကို အရင်ကလည်း ပြောဖူးပါတယ်။ ချန်ပီယံဖြစ်နေလည်း ပွဲတွေကိုတော့ ခပ်စိပ်စိပ်ပဲ ထိုးချင်တယ်။ နေ့တိုင်း မပျက်မကွက် လေ့ကျင့်နေတဲ့သူအတွက် ပွဲတွေ ခပ်စိပ်စိပ်ထိုးချင်တာက မထူးဆန်းပါဘူး။ သူ့ကို (ပန်တိုဂျာ) ပထမပွဲတုန်းကလည်း အမှောက်သိပ်ပြီးပြီ။ အခုလည်း ထပ်ပြီး အမှောက်သိပ်ဦးမှာ။ (၃) ချီအတွင်း အလဲထိုးမယ်။ ပထမပွဲတုန်းကလည်း (၃) ချီအတွင်း အလဲထိုးမယ်လို့ ကျွန်တော် ပြောခဲ့ပါတယ်။ အခုလည်း ဒီအတိုင်းပဲ"ဆိုပြီး ပြောကြားခဲ့တာ ဖြစ်ပါတယ်။
UFC ပရိုမိုးရှင်းဟာ UFC-331 ပြိုင်ပွဲကို လာမယ့်စက်တင်ဘာ ၁၉ ရက် (မြန်မာစံတော်ချိန် စက်တင်ဘာ ၂၀) အမေရိကန်နိုင်ငံ၊ ကယ်လီဖိုးနီးယားပြည်နယ်၊ လော့စ်အိန်ဂျလိစ်မြို့ရှိ Cryptocom Arena မှာ ကျင်းပပြုလုပ်သွားမှာဖြစ်ပါတယ်။ ပြိုင်ပွဲမှာ တွဲဆိုင်းပေါင်း ၁၃ ဆိုင်း ထည့်သွင်းထားပြီး ချင်းတိုင်းရင်းသား မြန်မာဖိုက်တာ ဂျိုရှုအာဗန်နဲ့ ဘရာဇီးဖိုက်တာ အလက်ဇန္ဒားပန်တိုဂျာတို့ရဲ့ မကျေပွဲကို Main Event (အဓိကခေါင်ပွဲ) အဖြစ် ထည့်သွင်းထားကြောင်း သိရပါတယ်။
ယခုပွဲမှာ ချင်းတိုင်းရင်းသား မြန်မာဖိုက်တာ ဂျိုရှုအာဗန်အတွက် ဖလိုင်းဝိတ်တန်း ချန်ပီယံခါးပတ်ရယူပြီးနောက် ဒုတိယမြောက် ချန်ပီယံကာကွယ်ပွဲ ထိုးသတ်ရခြင်းဖြစ်ကြောင်း သိရပါတယ်။ ဂျိုရှုအာဗန်နဲ့ ပန်တိုဂျာတို့ဟာ ပြီးခဲ့တဲ့ ၂၀၂၅ ခုနှစ် ဒီဇင်ဘာအတွင်းက ပထမဆုံးအကြိမ်တွေ့ဆုံခဲ့ပြီး ပထမအချီ စက္ကန့်ပိုင်းအတွင်းမှာတင် ဂျိုရှုအာဗန်က အလဲထိုးနဲ့ အနိုင်ရှိခဲ့ပြီး ဖလိုင်းဝိတ်တန်း ချန်ပီယံခါးပတ်ကို ပထမဆုံးရရှိခဲ့ပါတယ်။ အဲဒီပွဲမှာ ဂျိုရှုအာဗန်က စိန်ခေါ်သူဖြစ်ဖြစ်ပြီး ဘရာဇီးဖိုက်တာ ပန်တိုဂျာက ဖလိုင်းဝိတ်တန်း ချန်ပီယံဖြစ်ပါတယ်။ အဲဒီပွဲမှာ ပထမအချီ စက္ကန့်ပိုင်းမှာတင် ဂျိုရှုအာဗန်ရဲ့ တွန်းထိုးလိုက်မှုကြောင့် ပန်တိုဂျာမှာ ပြုတ်ကျခဲ့ပြီး လက်မောင်းမှာ ဒဏ်ရာရရှိသွားခဲ့လို့ ဆက်မထိုးသတ်နိုင်သောကြောင့် ဂျိုရှုအာဗန်က အနိုင်ရရှိကာ ချန်ပီယံဖြစ်သွားခြင်းဖြစ်ပါတယ်။
ဒါကြောင့် UFC ပရိုမိုးရှင်းဟာ ဖလိုင်းဝိတ်တန်းချန်ပီယံဟောင်း ပန်တိုဂျာအား အခွင့်အရေး ပြန်ပေးတဲ့အနေနဲ့ ချန်ပီယံခါးပတ် ပြန်လည်စိန်ခေါ်ခွင့်ပေးကာ ဂျိုရှုအာဗန်နဲ့ ပွဲပြန်တည်ပေးခဲ့ခြင်းဖြစ်ကြောင်း သိရပါတယ်။ ချန်ပီယံဟောင်း ပန်တိုဂျာဟာ ဂျိုရှုအာဗန်အား ရှုံးနိမ့်ပြီးနောက် ပွဲထိုးသတ်ရသေးခြင်း မရှိသေးပဲ လေ့ကျင့်မှုများသာ ပြုလုပ်နေခြင်းဖြစ်ပါတယ်။ ဂျိုရှုအာဗန်ကတော့ ပန်တိုဂျာကို အနိုင်ရရှိပြီး ချန်ပီယံခါးပတ်ရရှိပြီးနောက် ပထမဆုံးချန်ပီယံကာကွယ်ပွဲအဖြစ် ပြီးခဲ့တဲ့မေလအတွင်းက ဂျပန်ဖိုက်တာ တက်ဆူရိုတိုင်ရာနဲ့ ယှဉ်ပြိုင်ထိုးသတ်ခဲ့ရာ နောက်ဆုံးအချီဖြစ်တဲ့ ငါးချီမြောက်မှာ ဒိုင်ပွဲရပ် အနိုင်ရရှိခဲ့ပါတယ်။

ရတနာပုံက အီတလီနောက်ခံလူ ဖိလစ်ပီဖာရေဇီနဲ့ ရှမ်းယူနိုက်တက်က ကျော်မင်းဦးကို ခေါ်ယူ

MNL ကလပ်အသင်းများဖြစ်တဲ့ ရတနာပုံအသင်းက အီတလီနောက်ခံလူ ဖိလစ်ပီဖာရေဇီနဲ့ ရှမ်းယူနိုက်တက်အသင်းက မြန်မာ့လက်ရွေးစင် ကွင်းလယ်ကစားသမား ကျော်မင်းဦးတို့ကို ခေါ်ယူလိုက်ကြောင်း သိရပါတယ်။
ရတနာပုံအသင်းဟာ လာမယ့်ရာသီအတွက် (၆) ဦးမြောက် ပြည်ပကစားသမားအဖြစ် အသက် (၂၅) နှစ်ရှိ အီတလီနောက်ခံလူ ဖိလစ်ပီဖာရေဇီကို အပြီးသတ်ခေါ်ယူနိုင်ခဲ့ပြီဖြစ်ကြောင်း သိရပါတယ်။ ဖာရေဇီဟာ ဗဟိုခံစစ်နေရာတွင်သာမက ညာနောက်ခံနေရာနဲ့ ကွင်းလယ်ခံစစ်နေရာများမှာပါ ကစားနိုင်သူဖြစ်ပါတယ်။ ဖာရေဇီဟာ ရတနာပုံအသင်းမတိုင်ခင် အီတလီစီးရီး- D ကလပ် အေအက်စ်ဆာဆေးအသင်းမှာ နောက်ဆုံးကစားထားပါတယ်။ ဖာရေဇီဟာ ဘရာဇီး၊ ဂျာမနီ၊ ပေါ်တူဂီ၊ သြစကြီးယား၊ အီတလီကလပ်အသင်းများစွာတွင် ကစားခဲ့သူဖြစ်ပြီး ပထမဆုံး အာရှကလပ်အသင်းအနေနဲ့ ရတနာပုံအသင်းထံမှာ လာရောက်ကစားခြင်းဖြစ်ပါတယ်။ ရတနာပုံအသင်းဟာ ဘရာဇီးကစားသမား နှစ်ဦး၊ ဂီနီ၊ ဂါနာ၊ ဂျပန်၊ အီတလီကစားသမား တစ်ဦးစီ ခေါ်ယူထားပါတယ်။
ရှမ်းယူနိုက်တက်အသင်းဟာ မြန်မာ့လက်ရွေးစင် ကွင်းလယ်ကစားသမား ကျော်မင်းဦးကို ခေါ်ယူနိုင်ခဲ့ပြီ ဖြစ်ပါတယ်။ ရှမ်းယူနိုက်တတက်အသင်းအနေနဲ့ ကျော်မင်းဦးမတိုင်ခင် မြန်မာ့လက်ရွေးစင် ကွင်းလယ်ကစားသမား လွင်မိုးအောင်ကိုလည်း ခေါ်ယူထားပါတယ်။

ရိုဒရီအတွက် မန်စီးတီးနဲ့ ဘာစီလိုနာ ယူရို(၇၆.၅)သန်းနဲ့ သဘောတူညီမှုရရှိ

စပိန်ကွင်းလယ်ကစားသမား ရိုဒရီအတွက် မန်စီးတီးနဲ့ ဘာစီလိုနာတို့ ပြောင်းရွှေ့ကြေး ယူရို(၇၆.၅)သန်းနဲ့ သဘောတူညီမှုရရှိသွားပြီဖြစ်ကြောင်း သိရပါတယ်။
နှစ်ဖက်အသင်းက ရိုဒရီရဲ့အပြောင်းအရွှေ့ကို အတည်ပြုကြေညာခြင်းမရှိသေးပေမဲ့ ခိုင်မာတဲ့ သတင်းရင်းမြစ်တွေက ပြောကြားခဲ့ခြင်းဖြစ်ကြောင်း ESPN က ဖော်ပြခဲ့ပါတယ်။
ဘာစီလိုနာအသင်းက ရိုဒရီအတွက် ကနဦးပြောင်းရွှေ့ကြေး ယူရိုသန်း(၆၀)နဲ့ Add-ons ကြေး ယူရို(၁၆.၅)သန်း ပေးချေရမှာဖြစ်ကြောင်းလည်း သိရပါတယ်။
ဘာစီလိုနာအသင်းက ရိုဒရီ(၃၀ နှစ်)ကို (၄)နှစ်စာချုပ်ချုပ်ဆိုဖို့ ပြီးခဲ့တဲ့ရက်သတ္တပတ်ကတည်းက သဘောတူညီမှုရရှိထားခဲ့ပေမဲ့ ဘာစီလိုနာအသင်းကို (၃)ကြိမ်အထိ ကမ်းလှမ်းပြီးမှ ပြောင်းရွှေ့ကြေးအတွက် သဘောတူညီမှု ရယူနိုင်ခဲ့တာပါ။
ဘာစီလိုနာအသင်းက ယိုအန်ဂမ်ပါဖလားပွဲ ယှဉ်ပြိုင်ကစားမယ့် ဗုဒ္ဓဟူးနေ့မတိုင်ခင် ရိုဒရီကို အသင်းရဲ့ ကစားသမားသစ်အဖြစ် မိတ်ဆက်ပေးဖွယ်ရှိကြောင်း သိရပါတယ်။
ဘာစီလိုနာအသင်းက နွေရာသီအပြောင်းအရွှေ့စျေးကွက်မပိတ်ခင် တိုက်စစ်မှူးတစ်ဦး ခေါ်ယူဖို့ ဆက်လက်ကြိုးပမ်းနေဆဲဖြစ်ကြောင်း သိရပါတယ်။