ချန်ပီယံလိဂ်မှ အက်သလက်တီကိုထွက်ရပြီးနောက် ယူအီးအက်ဖ်အေအား ဘက်လိုက်ဆုံးဖြတ်တယ်လို့ မက်ဒရစ်မြို့တော်ဝန် စွပ်စွဲလာ
=====================

အာဆင်နယ်ဟာ နှစ်ပေါင်း ၂၀ အတွင်း ပထမဆုံးအကြိမ်အဖြစ် ချန်ပီယံလိဂ်ဗိုလ်လုပွဲသို့ တက်ရောက်သွားခဲ့ပြီ ဖြစ်ပါတယ်။
ဒါပေမဲ့ အာဆင်နယ်ရဲ့ အက်သလက်တီကိုနိုင်ပွဲက မက်ဒရစ်မှာ မပြီးနိုင် မစီးနိုင် ဖြစ်နေတုန်း ဖြစ်ပါတယ်။
မက်ဒရစ်မြို့တော်ဝန်ဟိုဆေးလူးဝစ်မာတီနက်ဇ်အယ်မိုင်ဒါက အာဆင်နယ်အား ဗိုလ်လုပွဲသို့ တက်ရောက်စေရန် ယူအီးအက်ဖ်အေက ဇာတ်ညွှန်းရေးသား စီစဉ်ထားပြီး ဖြစ်ကြောင်း ပြောကြားလာပါတယ်။
အာဆင်နယ်ဟာ အင်္ဂါနေ့တုန်းက အက်သလက်တီကိုအား ဘူကာယိုဆာကာရဲ့ တစ်လုံးတည်းသော အနိုင်ဂိုးဖြင့် အနိုင်ရရှိပြီးနောက် နှစ်ကျော့ပေါင်းရလဒ် ၂-၁ ဖြင့် အနိုင်ရကာ ဗိုလ်လုပွဲသို့ တက်သွားခဲ့ပါတယ်။
အာဆင်နယ်ဟာ မေလ ၃၀ ရက်နေ့ ဘူဒါပတ်စ်ချန်ပီယံလိဂ်ဗိုလ်လုပွဲတွင် ပီအက်စ်ဂျီနှင့် ရင်ဆိုင်ကစားရပါမယ်။
ဒါပေမဲ့ မက်ဒရစ်မြို့တော်ဝန်က "ဟုတ်ပြီ၊ ကြည့်လိုက်။ ကျွန်တော်က အာဆင်နယ်နဲ့ ရင်ဆိုင်ခဲ့ရတယ်ပဲ ထင်ခဲ့တာ။ မဟုတ်ပါဘူး။ ကျုပ်တို့ ယူအီးအက်ဖ်အေနဲ့ရင်ဆိုင်ခဲ့ရတာပါ။ ယူအီးအက်ဖ်အေက အက်သလက်တီကိုမက်ဒရစ်ကို ချန်ပီယံလိဂ်ဗိုလ်လုပွဲသို့ မတက်ရောက်စေချင်ပါဘူး။ စပိန်နဲ့ ဂျာမနီက ချန်ပီယံလိဂ်ဝင်ခွင့် ပဥ္စမနေရာအတွက် တိုက်ပွဲဝင်နေချိန်မှာ ဂျာမန်ဒိုင်ကို ခန့်လိုက်တယ်ဆိုကတည်းက နားမလည်နိုင်အောင် ဖြစ်ရတယ်"လို့ ပြောကြားသွားပါတယ်။
ဆက်လက်ပြီး မက်ဒရစ်မြို့တော်ဝန်က "ဒီလို ခန့်တာ ယူအီးအက်ဖ်အေအပြင် ဘယ်သူများ သိမှာလဲ။ ဘယ်သူများ အဓိကဒိုင်လူကြီးနေရာနဲ့ VAR ဒိင်နေရာတို့မှာ ဂျာမန်ကို ခန့်အပ်ဖို့ စဉ်းစားမှာလဲ။ မနေ့က ကစားတဲ့ပွဲက ဒိုင်လူကြီးရဲ့ ဆိုးရွားမှုကြောင့် မဟုတ်ပါဘူး။ ကျုပ်အမြင်ပြောရရင် အက်သလက်တီကိုမက်ဒရစ်ကို ထိခိုက်အောင် လုပ်ဖို့ ကြိုတင်ကြံစည်ဆုံးဖြတ်မှုကြောင့်ပါ"လို့ ပြောကြားသွားပါတယ်။
အင်္ဂါနေ့ညတုန်းက အမ်းမရိတ်ကွင်းတွင် ကစားတဲ့ ချန်ပီယံလိဂ်ပွဲစဉ်တွင် ရီကာဒိုကာလာဖီအိုရီက ပင်နယ်တီ ဧရိယာအတွင်းတွင် ဂူလီယာနိုဆီမြွန်နီအား ပြစ်ဒဏ်ကျူးလွန်ခဲ့ပေမဲ့လည်း ဒိင်လူကြီးက ဆီမြွန်နီမှာ လူကျွံနေတယ်ဆိုပြီး ပင်နယ်တီ မပေးခဲ့ပါဘူး။
ဒါ့အပြင် မက်ဒရစ်မြို့တော်ဝန်က "ပင်နယ်တီ ရှင်းရှင်းလင်းလင်း ဖြစ်နေချိန်မှာ ဂူလီယာနို လူကျွံတယ်ဆိုတာ ဘာလို့ ရုပ်သံက ပြန်မပြခဲ့တာလဲ။ နောက်ပိုင်း ဆိုရှယ်မီဒီယာမှာ တွေ့တော့မှ လူကျွံဘော ဖြစ်မနေဘူး။ သူက ကိုယ့်ကွင်းဘက်ခြမ်းကနေ ထွက်လာတာ။ ဒီပွဲက ရုပ်သံကင်မရာတွေ အများကြီးရှိနေတဲ့ ပွဲပါ။ ဘာလို့ လူကျွံဘော ဖြစ်မဖြစ်ကို မပြနိုင်ရတာလဲ။ ဘာကြောင့်လဲဆိုတော့ လူကျွံ ဖြစ်မနေလို့ပါ။ ဒါကို သူတို့က မဝန်ခံဘူး"လို့ ဆိုသွားကာ ယူအီးအက်ဖ်အေက အက်သလက်တီကိုအား ချန်ပီယံလိဂ်မှ ထွက်ရအောင် ကြိုတင်ကြံစည် လုပ်ဆောင်ထားတယ်လို့ စွပ်စွဲသွားပါတယ်။
အဆိုပါပွဲစဉ်တွင် ကာလာဖီအိုရီက အန်တိုနီဂရက်ဇ်မန်းအား တက်နင်းတဲ့ ဖြစ်စဉ်တွင်လည်း ဒိုင်လူကြီးက ပင်နယ်တီ မပေးဘဲ ယင်းဖြစ်စဉ်မတိုင်မီ အဖြစ်အပျက်အတွက် ပြစ်ဒဏ်ဘောသာ ပေးခဲ့ပါတယ်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
*************************************************
🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

ဘာလုပ်ရတာ ကြိုက်လဲ ?
ငါ :

လှတပတလေးများ ၀တ်ထားရင် ဘယ်သူနဲ့မှ မတွေ့ဘူး စုတ်တိစုတ်ပျက် ၀တ်ထားရင်ကျ မနက်က တွေ့လိုက်တယ်တဲ့

“အဂတိနှင့် မဆင်မခြင်စီမံမှုကြောင့် နိုင်ငံတော် ဘီလီယံချီဆုံးရှုံးခဲ့ဟု ဆို”

ယခင်ဒီမိုကရေစီဒုတိယအစိုးရသက်တမ်းကာလအ တွင်း နိုင်ငံတော်နှင့်ပြည်ထောင်စုအဆင့်တာဝန်ရှိသူ များ၏ မဆင်မခြင်မှုများကြောင့် နိုင်ငံတော်မှ အမေရိကန်ဒေါ်လာ(၁၃)သန်းကျော်နှင့် ငွေကျပ်(၂၂၆)ဘီလီယံကျော်ဆုံးရှုံးခဲ့ရသည်ဟု နိုင်ငံတော်သမ္မတက မေ ၆ ရက်ကကျင်းပသည့် ပြည်ထောင်စုအစိုးရအဖွဲ့အစည်း အဝေးတွင် ပြောကြားခဲ့ခြင်းဖြစ်သည်။
" နိုင်ငံတော်ကနစ်နာဆုံးရှုံးခဲ့ရတဲ့ ငွေကြေးပမာဏအ နေနဲ့ဆိုရင် အမေရိကန်ဒေါ်လာ(၁၃ ဒသမ ၃၄၄)သန်းနဲ့ ငွေကျပ်(၂၂၆ ဒသမ ၁၀၇)ဘီလီယံဖြစ်ပါတယ်။ ဒါ့ကြောင့် အဲဒီလိုမဖြစ်စေဖို့အတွက် မိမိတို့အနေနဲ့ လုပ် ငန်းဆောင်ရွက်မှုအားလုံးကို လုပ်ထုံးလုပ်နည်းနဲ့အညီစဉ်းစားဆင်ခြင်ဆောင်ရွက်ရပါမယ်"ဟု နိုင်ငံတော်သမ္မတက ပြောသည်။
နိုင်ငံ့ဝန်ထမ်းများအနေဖြင့် အဂတိတရားကင်းစွာ နိုင်ငံ တော်မှပေးအပ်ထားသည့်တာဝန်များကို ကျေပွန်အောင်ထမ်းဆောင်ကာ နိုင်ငံတော်နှင့် ပြည်သူတို့၏အ ကျိုးကိုဖော်ဆောင်ပေးရမည်ဖြစ်ကာ အဂတိလိုက်စားမှုများကြောင့် နိုင်ငံတော်အနေဖြင့် များစွာဆုံးရှုံးနစ်နာရနိုင်၍ အဂတိမှုများနှင့် အရေးယူရသည်များမဖြစ်ရန်လိုသည်ဟု ပြောသည်။
ထို့ကြောင့် အဂတိလိုက်စားမှုများမရှိစေရေးအတွက် ပြည်ထောင်စုအဆင့်၊ တိုင်းနှင့် ပြည်နယ်အဆင့်အလိုက်ကြပ်မတ်ထိန်းသိမ်းရန်လိုသည်ဟု နိုင်ငံတော်သမ္မတက မှာကြားခဲ့သည်။

၂၀၂၆-၂၀၂၇ ပညာသင်နှစ်တွင် ကော့ကရိတ်မြို့နယ် ၌ အခြေခံပညာစာသင်ကျောင်း(၁၆၄)ကျောင်းဖွင့်လှစ်ရန်ပြင်ဆင်နေ

လာမည့် ဇွန်လတွင်စတင်မည့် ၂၀၂၆-၂၀၂၇ ပညာသင်နှစ်တွင် ကရင်ပြည်နယ်၊ ကော့ကရိတ်မြို့နယ်၌ အ ခြေခံပညာစာသင်ကျောင်း(၁၆၄)ကျောင်းဖွင့်လှစ်ရန် ကြိုတင်ပြင်ဆင်မှုများပြုလုပ်လျက်ရှိကြောင်း သိရသည်။
စစ်ရေးပဋိပက္ခများ၊ အချိန်ကြာမြင့်စွာဖွင့်လှစ်နိုင်ခြင်းမရှိသည့် စာသင်ကျောင်းများတွင် ပျက်စီးမှုများ၊ ကျောင်းဝင်းများအတွင်း ခြုံနွယ်များ၊ အမှိုက်သရိုက်များကို လုံခြုံရေးအဖွဲ့ဝင်များနှင့် ဌာနဆိုင်ရာအဖွဲ့အစည်းများပူးပေါင်း၍ ပြုပြင်ရှင်းလင်းခြင်းများကို ဆောင်ရွက်လျက်ရှိကြောင်း သိရသည်။
" စစ်ရေးပဋိပက္ခတွေဖြစ်တဲ့အချိန်မှာ ကော့ကရိတ်မြို့ပေါ်က စာသင်ကျောင်း(၁၀)ကျောင်းလောက်ဘဲဖွင့်နိုင်တယ်။ ကျေးရွာတွေက ကလေးတွေဆိုရင် သူတို့စစ်ရှောင်နေရတဲ့နေရာဒေသတွေမှာ ပြည်နယ်အစိုးရကစစ်ဘေးရှောင်ကျောင်းသားတွေ ကျောင်းတက်နိုင်အောင်သက်ဆိုင်ရာပညာရေးဌာနနဲ့ချိတ်ဆက်ထားပေးတယ်။ အဲ့ဒီမှာတက်ကြရတယ်"ဟု ကော့ကရိတ်မြို့နယ်ပြည် သူ့လွှတ်တော်ကိုယ်စားလှယ်ဒေါ်ခင်နီနီအောင်က ပြော သည်။
ထို့ပြင် ကော့ကရိတ်မြို့နယ်တွင် ပြန်လည်ဝင်ရောက်နေထိုင်သူများပြားလာခြင်း၊ ဆရာ၊ ဆရာမများအား အခြား မြို့နယ်များသို့ တွဲဖက်တာဝန်ပေးထားရာမှ မြို့ နယ်၌သာပြန်လည်တာဝန်ထမ်းဆောင်စေခြင်းတို့ကြောင့် လာမည့် ၂၀၂၆-၂၀၂၇ ပညာသင်နှစ်၌ ကော့ကရိတ်မြို့နယ်၌ ကျောင်းဖွင့်နိုင်မှုများမည်ဖြစ်ကာ တက်ရောက်မည့်ကျောင်းသား၊ ကျောင်းသူဦးရေလည်းအများအပြားရှိနေကြောင်း သိရသည်။
ယခုအချိန်၌ ကော့ကရိတ်မြို့နယ်မှာ ပြန်လည်တည် ငြိမ်လာပြီဖြစ်၍ မြို့ပေါ်နှင့် ကျေးရွာများရှိ အခြေခံပ ညာစာသင်ကျောင်း(၃၀၀)ကျောင်းအနက် (၁၆၄) ကျောင်းကို ၂၀၂၆-၂၀၂၇ ပညာသင်နှစ်တွင်ပြန်လည်ဖွင့်လှစ်ရန်ဆောင်ရွက်လျက်ရှိပြီး ယင်း ကျောင်းများ၌ ကျောင်းသား၊ ကျောင်းသူ(၂၀,၀၃၆)ဦးကျော်တက်ရောက်မည်ဖြစ်ကြောင်း သိရသည်။

တစ်နိုင်ငံလုံးအတိုင်းအတာဖြင့် သူနာပြု -သားဖွားဒီပလိုမာ နောက်ဆုံးနှစ် လက်မှတ်ရစာမေးပွဲများ ကျင်းပ

ကျန်းမာရေးဝန်ကြီးဌာန၊ ကျန်းမာရေးလူ့စွမ်းအားအရင်းအမြစ်ဦးစီးဌာနအောက်ရှိ သူနာပြုနှင့် သားဖွားသင်တန်းကျောင်းများ၏ (၃) နှစ်သင်တန်း နောက်ဆုံးနှစ် လက်မှတ်ရစာမေးပွဲ (National Compre hensive Examination) ကို ယနေ့တွင် တစ်ပြိုင်နက်တည်း စတင်ကျင်းပနေပြီဖြစ်ကြောင်း သိရသည်။
အဆိုပါ စာမေးပွဲအတွင်း တစ်နိုင်ငံလုံးအတိုင်းအတာဖြင့် သင်တန်းသား/သူ စုစုပေါင်း (၁,၄၆၇) ဦး၊ တိုင်းဒေသကြီးနှင့် ပြည်နယ်အသီးသီးရှိ စာစစ်ဌာန (၂၂) ဌာနဖွင့်လှစ်ပညာသင်ကြားနေပြီး
သင်တန်းသားများမှာ ၂၀၂၃ ပညာသင်နှစ်တွင် တက်ရောက်သင်ကြားနေသူများ ဖြစ်ကြောင်း သိရသည်။
စာမေးပွဲကို အပိုင်းနှစ်ပိုင်းခွဲ၍ စစ်ဆေးသွားမည်ဖြစ်ရာ ရေးဖြေစာမေးပွဲကို မေလ (၆) ရက်မှ (၁၂) ရက်နေ့အထိလည်းကောင်း၊ လက်တွေ့နှုတ်ဖြေ စာမေးပွဲကို မေလ (၁၃) ရက်မှ (၁၅) ရက်နေ့အထိလည်းကောင်း ဖြေဆိုကြရမည်ဖြစ်သည်။
ယင်း စာမေးပွဲကို အောင်မြင်စွာ ဖြေဆိုပြီးစီးသူများသည် မိမိတို့သက်ဆိုင်ရာ တိုင်းဒေသကြီးနှင့် ပြည်နယ်များရှိ ပြည်သူ့ဆေးရုံများနှင့် ကျန်းမာရေးဌာနများတွင် တာဝန်ထမ်းဆောင်ကြမည်ဖြစ်‌ေကြာင်း သိရသည်။
ယနေ့ စာမေးပွဲသို့ ကျန်းမာရေးလူ့စွမ်း အားအရင်းအမြစ်ဦးစီးဌာန၊ ညွှန်ကြား ရေးမှူးချုပ်နှင့် တာဝန်ရှိသူများသည် နေပြည်တော်ကောင်စီနယ်မြေရှိ သူနာပြုသိပ္ပံစာစစ်ဌာန သို့ သွားရောက်၍ စာမေး ပွဲကျင်းပနေမှုအ ခြေအနေများကို ကြည့် ရှုစစ်ဆေးခဲ့ကြကြောင်းသိရသည်။
ထို့ကြောင့် မကြာမီကာလအတွင်း ပြည်သူလူထု၏ ကျန်းမာရေးစောင့်ရှောက်မှုကဏ္ဍတွင် အရည်အချင်းပြည့်ဝသည့် သူနာပြုနှင့် သားဖွားဆရာမ အင်အားသစ်များ ထပ်မံတိုးပွားလာတော့မည် ဖြစ်သည်။

အီလွန်မတ်စ်၏ xAI ကုမ္ပဏီ က SpaceX နှင့် ပူးပေါင်းမည်

အမေရိကန်လုပ်ငန်းရှင် အီလွန်မတ်စ်က ၎င်း၏ ဉာဏ်ရည်တုနည်းပညာကုမ္ပဏီဖြစ်သော xAI သည် သီးခြားကုမ္ပဏီတစ်ခုအဖြစ် ဆက်လက်လည်ပတ်တော့မည်မဟုတ်ကြောင်း ဗုဒ္ဓဟူးနေ့တွင် ပြောကြားခဲ့သည်။
“xAI ကို သီးခြားကုမ္ပဏီအဖြစ်ကနေ ဖျက်သိမ်းသွားမှာဖြစ်ပြီး SpaceXAI အနေနဲ့ပဲ ရှိပါတော့မယ်၊ ဒါဟာ SpaceX ကနေ ထွက်ပေါ်လာမယ့် AI ထုတ်ကုန်တွေ ဖြစ်လာမှာပါ” ဟု xAI ၏ စီးပွားရေးပြန်လည်ဖွဲ့စည်းမှုနှင့် ပတ်သက်သည့် ပို့စ်တစ်ခုကို တုံ့ပြန်ရာတွင် မတ်စ်က လူမှုကွန်ရက် X ပေါ်၌ ရေးသားခဲ့သည်။
ဗုဒ္ဓဟူးနေ့တွင် xAI ၏ ဝက်ဘ်ဆိုက်ပေါ်၌ “SpaceXAI” အမည်ဖြင့် ထုတ်ပြန်သော ကြေညာချက်တစ်ခုတွင် ကုမ္ပဏီအနေဖြင့် အမေရိကန် AI ကုမ္ပဏီတစ်ခုဖြစ်သည့် Anthropic နှင့် သဘောတူညီချက်တစ်ရပ် ကို လက်မှတ်ရေးထိုးခဲ့ကြောင်း ဖော်ပြထားသည်။ အဆိုပါသဘောတူညီချက်မှာ ကမ္ဘာ့အကြီးဆုံးနှင့် အမြန်ဆုံး အသုံးပြုနိုင်သော AI စူပါကွန်ပျူတာများအနက် တစ်ခုဖြစ်သည့် Colossus 1 ကို အသုံးပြုခွင့်ရရှိရန် ဖြစ်သည်။
xAI ကုမ္ပဏီကို အီလွန်မတ်စ်က ၂၀၂၃ ခုနှစ်တွင် တည်ထောင်ခဲ့ပြီး Grok ဟုခေါ်သော AI chatbot အပါအဝင် ထုတ်ကုန်များကို ထုတ်လုပ်ခဲ့သည်။ SpaceX အနေဖြင့် xAI ကို ဝယ်ယူလိုက်ပြီဖြစ်ကြောင်း ကုမ္ပဏီဝဘ်ဆိုက်တွင် ဖေဖော်ဝါရီလကတည်းက ဖော်ပြခဲ့ပြီးဖြစ်သည်။

TikTok က ထိုင်း၌ ဒေါ်လာ ၂၅ ဘီလျံ ရင်းနှီးမြှုပ်နှံမည်

ထိုင်းနိုင်ငံ ရင်းနှီးမြှုပ်နှံမှုဘုတ်အဖွဲ့ (ဘီအိုအိုင်) သည် စုစုပေါင်းတန်ဖိုး ဘတ် ၉၅၈ ဘီလျံ(အမေရိကန်ဒေါ်လာ ၂၉ ဘီလျံ) တန်ဖိုးရှိသော အဓိကစီမံကိန်းကြီး ၆ ခုကို ဗုဒ္ဓဟူးနေ့တွင် အတည်ပြုပေးခဲ့ကြောင်း သတင်းထုတ်ပြန်ခဲ့သည်။
အဆိုပါ အတည်ပြုချက်များတွင် TikTok ၏ ထိုင်းနိုင်ငံတွင်း လုပ်ငန်းခွဲက ဆောင်ရွက်မည့် ဘတ် ၈၄၂ ဘီလျံ (အမေရိကန်ဒေါ်လာ ၂၅ ဘီလျံခန့်) တန်ဖိုးရှိ အကြီးစား ဒေတာအခြေခံအဆောက်အဦတိုးချဲ့ရေးစီမံကိန်းလည်း ပါဝင်ကြောင်း ဘီအိုအိုင်I ၏ သတင်းထုတ်ပြန်ချက်အရ သိရသည်။
“ဒီစီမံကိန်းဟာ ဘန်ကောက်၊ စမွတ်ပရာကန်နဲ့ ချချိုးဆောင်ပြည်နယ်တွေတစ်လျှောက်မှာ ဆာဗာအသစ်တွေ တပ်ဆင်တာ၊ ဒေတာသိမ်းဆည်းမှုနဲ့ လုပ်ဆောင်မှု အခြေခံအဆောက်အဦတွေကို တိုးချဲ့တာတွေ ပြုလုပ်သွားမှာပါ။ ဒါဟာ များပြားတိုးပွါးလာတဲ့ ဒစ်ဂျစ်တယ်ဝန်ဆောင်မှု လိုအပ်ချက်တွေကို ဖြည့်ဆည်းပေးမှာဖြစ်သလို ဒေသတွင်း ဒစ်ဂျစ်တယ်အခြေခံအဆောက်အဦပိုင်းမှာ ထိုင်းနိုင်ငံရဲ့ အခန်းကဏ္ဍကိုလည်း ပိုမိုခိုင်မာစေမှာဖြစ်ပါတယ်” ဟု ဘီအိုအိုင်က ဆိုသည်။
တရုတ်နိုင်ငံ ByteDance ကုမ္ပဏီပိုင် TikTok သည် ပြီးခဲ့သည့်နှစ်က ဒေတာစင်တာများအတွက် ငါးနှစ်အတွင်း ဒေါ်လာ ၈.၈ ဘီလျံ ရင်းနှီးမြှုပ်နှံမည်ဟု ပြောကြားခဲ့ဖူးသည်။
အခြေခံအဆောက်အဦပိုင်း ရင်းနှီးမြှုပ်နှံမှုအပြင် TikTok အနေဖြင့် ထိုင်းလုပ်ငန်းရှင်များအတွက် စီးပွားရေးအခွင့်အလမ်းသစ်များကို ဖန်တီးပေးရန်နှင့် ဒစ်ဂျစ်တယ်ကျွမ်းကျင်လုပ်သားများ ပေါ်ထွက်လာစေရန်အတွက် ဒစ်ဂျစ်တယ်အသိပညာပေးခြင်းနှင့် အီးကောမတ်စ် သင်ရိုးညွှန်းတမ်းများကို ဖော်ဆောင်ပေးရန်လည်း ကတိပြုထားကြောင်း သိရသည်။
TikTok ကို ကမ္ဘာတစ်ဝန်းတွင် အသုံးပြုသူ ၂ ဘီလျံကျော်ရှိပြီး အရှေ့တောင်အာရှတွင် အသုံးပြုသူ ၃၆၈ သန်းနှင့် စီးပွားရေးလုပ်ငန်းသုံး အသုံးပြုသူ ၁၅ သန်းကျော်ရှိသော ကမ္ဘာလုံးဆိုင်ရာ ဗီဒီယို အတိုနှင့် လူမှုကွန်ရက် ကူးသန်းရောင်းဝယ်ရေး ပလက်ဖောင်းတစ်ခုဖြစ်သည်။
TikTok သည် ၎င်း၏ ထိုင်းနိုင်ငံလုပ်ငန်းခွဲဖြစ်သော TikTok Technologies ကုမ္ပဏီ ကို ၂၀၂၁ ခုနှစ်တွင် ဒေသတွင်းလုပ်ငန်းလည်ပတ်ရေးရုံးအဖြစ် စတင်တည်ထောင်ခဲ့ခြင်းဖြစ်သည်။
ဘီအိုအိုင် ၏ အစီရင်ခံစာအရ ၂၀၂၆ ခုနှစ် ပထမသုံးလပတ်အတွင်း ရင်းနှီးမြှုပ်နှံမှု လျှောက်ထားလွှာများမှာ ယခင်နှစ်ကာလတူထက် ၂.၄ ဆခန့် မြင့်တက်လာပြီး စုစုပေါင်း ဘတ် ၁ ထရီလျံကျော်အထိ ရှိနေကြောင်း သိရသည်။ ယင်းမှာ အထူးသဖြင့် ဉာဏ်ရည်တု (အေအိုင်) နည်းပညာ တိုးတက်လာမှုနှင့်အတူ ဒစ်ဂျစ်တယ်နှင့် အီလက်ထရွန်နစ်ကဏ္ဍရှိ စီမံကိန်းကြီးများကြောင့် ဖြစ်သည်ဟု ဆိုသည်။