ရွေးကောက်ပွဲဆိုင်ရာ လုပ်ငန်းစဉ်များအားလုံး အလွဲအမှားမရှိ တိတိကျကျနှင့် အချိန်ကိုက်ဖြစ်စေရေး တာဝန်ရှိသူအားလုံးက ပူးပေါင်းကူညီဆောင်ရွက်ပေးကြရန် UEC ဥက္ကဋ္ဌ တိုက်တွန်း

ရွေးကောက်ပွဲ အောင်မြင်စွာ ကျင်းပနိုင်ရေးသည် ရွေးကောက်ပွဲနေ့ မဲပေးခြင်းတစ်ခုတည်းမဟုတ်ဘဲ မဲစာရင်းများ ပြည့်စုံမှန်ကန်ရေး၊ ကြိုတင်မဲများ ဥပဒေနှင့်အညီ စနစ်တကျဆောင်ရွက်နိုင်ရေး၊ ရွေးကောက်ပွဲနေ့တွင် မဲပေးစက်များဖြင့် သက်ဆိုင်ရာ မဲရုံများတွင် မဲဆန္ဒရှင်ပြည်သူများ အဆင်ပြေချောမွေ့စွာ မဲပေးနိုင်ရေးစသည်တို့ကို ဟန်ချက်ညီမျှတစွာ ဆောင်ရွက်နိုင်ရမည်ဖြစ်ကြောင်း ပြည်ထောင်စုရွေးကောက်ပွဲ‌ ကော်မရှင် ( UEC) ဥက္ကဌ ဦးသန်းစိုးက ပြောသည်။

ထို့ကြောင့် ရွေးကောက်ပွဲဆိုင်ရာ လုပ်ငန်းစဉ်များအားလုံး အလွဲအမှားမရှိ တိတိကျကျနှင့် အချိန်ကိုက်ဖြစ်စေရန် တာဝန်ရှိသူအားလုံးက ပူးပေါင်းကူညီဆောင်ရွက်ပေးကြရန်လည်း ဦးသန်းစိုး ကပြောသည်။

ယမန်နေ့က ကျင်းပသည့် ရွေးကောက်ပွဲအောင်မြင်စွာကျင်းပနိုင်ရေးအတွက် လုပ်ငန်းညိနှိုင်းအစည်းအဝေး၌ ပြည်ထောင်စုရွေးကောက်ပွဲ‌ကော်မရှင် ( UEC) ဥက္ကဌ ဦးသန်းစိုးက အထက်ပါအတိုင်းပြောကြားခဲ့ခြင်း ဖြစ်သည်။

ထို့ပြင် ရွေးကောက်ပွဲအတွက် လိုအပ်သည့် မဲပေးစက်များကို သက်ဆိုင်ရာ တိုင်းဒေသကြီးနှင့် ပြည်နယ်များသို့ သတ်မှတ်ထားသည့် အရေအတွက်များအတိုင်း ဖြန့်ခွဲပို့ဆောင်ထားပြီးဖြစ်၍ မဲပေးစက်များကို မထိခို-က်စေရန်၊ မပျ-က်စီးစေရန် စနစ်တကျ သိုလှောင်သိမ်းဆည်းထားကြရန်လည်း လိုအပ်ကြောင်း ပြောကြားထားသည်။

ရွေးကောက်ပွဲအပိုင်း တစ်ပိုင်းနှင့်တစ်ပိုင်းအကြား ရွှေ့ပြောင်းရာတွင် အပိုင်းလိုက်ရွှေ့ပြောင်းမည့်စီမံချက်(Move Plan)၊ ဖြန့်ခွဲမည့်အစီအစဉ်၊ နည်းပညာအထောက်အကူပြုအဖွဲ့များက မဲပေးစက်များနှင့်စပ်လျဉ်း၍ အသေးစိတ်ဆောင်ရွက်ကြမည့် အစီအစဉ်များကို တင်ပြကြရန်နှင့် အပိုင်းလိုက် သယ်ယူရွှေ့ပြောင်းရန်အတွက် ရန်ပုံငွေများကို သုံးစွဲရာတွင် အလေအလွင့်မရှိစေရေး စနစ်တကျစိစစ်ဆောင်ရွက်ကြရလည်း လိုအပ်ကြောင်း သိရသည်။

လာမည်ရွေးကောက်ပွဲကို အပိုင်း(၃)ပိုင်းဖြင့်ကျင်းပမည်ဖြစ်ပြီး အပိုင်း(၁)ကို ဒီဇင်ဘာ(၂၈)ရက်နေ့၌ စတင်ကျင်းပမည်ဖြစ်ကြောင်း ပြည်ထောင်စုရွေးကောက်ပွဲကော်မရှင် အသိပေးထားသည်။

စစ်ရှောင်ကာလ ကြာမြင့်လာလို့ ဖားကန့်ကျေးရွာ ၁၃ ရွာမှ စစ်ရှောင်တွေ စာနပ်ရိက္ခာ အကြပ်အတည်း ပိုဆိုးလာ

ဖားကန့်ဒေသရှိ ကျေးရွာပေါင်း ၁၃ ရွာမှ စစ်ရှောင်နေကြရတဲ့ ဒေသခံတွေမှာ နေရပ်စွန့်ခွာပြီး စစ်ဘေးတိမ်း ရှောင်နေရတာ ငါးလကျော်တဲ့အထိ ကြာမြင့်လာပြီ ဖြစ်တာကြောင့် စားနပ်ရိက္ခာ အကြပ်အတည်း ပိုဆိုးလာတယ်လို့ စစ်ရှောင်ကူညီသူတွေက ပြောပါတယ်။

စစ်ရှောင်ရတဲ့ ကာလကြာမြင့် လာတာကြောင့် စစ်ရှောင်စခန်းတွေမှာ စားနပ်ရိက္ခာ အကူအညီတွေ ၊ ကျန်းမာရေးအတွက် ဆေးဝါးတွေ အပါအဝင် စတဲ့အကူအညီတွေ လိုအပ်မှုရှိလာ နေတာဖြစ်တယ်လို့ သိရပါတယ်။

စစ်ရှောင်တွေကို ပုံမှန် ကူညီသူ ပေးနေသူတွေ အနေနဲ့ လက်ရှိဖြစ်နေတဲ့ ဖားကန့်ဒေသ စစ်ရေး အခြေအနေကြောင့် အကူအညီ ထောက်ပံ့မှုတွေ လျော့လာတဲ့အတွက် လိုအပ်ချက်တွေ ရှိလာနေတာဖြစ်တယ်လို့ သိရပါတယ် ။

" စစ်ရှောင်စခန်းတွေက မြို့ပေါ်မှာတော့ သိပ် မရှိဘူး ။ မှော်တွေထဲမှာ အများဆုံးရှိတယ် ။ စစ်ရှောင်စခန်းတွေမှာ ဆန်ဆီဆား လိုအပ်ချက် ရှိလာတယ် ။ပုံမှန် ကူညီနေကြသူတွေ ကလည်း သိပ်မကူညီနိုင် တော့ဘူး ။အခုဖားကန့်က လုပ်ငန်းလည်း ကောင်းကောင်း သိပ်မလုပ်ရဘူး ဖြစ်နေကြတာဆိုတော့လေ ။ " လို့ စစ်ရှောင်အရေး ကူညီပေးနေသူက ပြောပါတယ် ။

စစ်ရှောင်တွေကတော့ မှော်မောင်းလျှံ ၊ တောင်ပြိုရွာ ၊ မော်ဝမ်းကြီး ၊ မှော်ဝမ်းလေး၊ ရှရော်ခရွာ ၊ မျောက်ဖြူရွာ ၊ မနရွာ ၊ ဆွတ်ငိုင်ယန်ရွာ ၊ ဗလခရွာ ၊ သောင်းချိုရွာ ၊ အမှိုက်ပုံ ၊ဆန်းကြွယ် ၊မှော်တောင်း ကျေးရွာတွေက ဒေသခံအများစု စစ်ရှောင်နေကြရတာဖြစ်တယ်လို့သိရပါတယ်။

ပြီးခဲတဲ့ မေလ နောက်ဆုံးပတ်လောက် ကတည်းက ဖားကန့်ဒေသမှာ တိုက်ပွဲတွေ ဖြစ်ပွားခဲ့တာကြောင့် ဇွန်လလောက်မှစပြီး ကျေးရွာဒေသခံတွေဟာ တဖြေးဖြေးနဲ့ နေရပ်စွန့်ခွာကာ စစ်ဘေးရှောင်ခဲ့ကြရတာ ဖြစ်တယ်လို့ သိရပါတယ် ။

" ရှိတဲ့ပိုင်ဆိုင်မှုလေး ယူပြီး ဆိုင်ကယ်နဲ့ ရှောင်ကြတာရှိတယ် ။ကားတွေနဲ့ရှိတယ်။ တချို့ မတတ်နိုင်သူတွေကျတော့ စစ်ဘေးရှောင်စခန်းမှာ နေကြတာပေါ့ ။ အခြေအနေကောင်းရင် အိမ်ပြန်မယ်ဆိုတဲ့သူက များတယ်။ ကိုယ့်အိမ်ကိုယ်ပြန်ပြီး လုပ်ကိုင်စားချင်ကြတာပါ ။ စစ်ရှောင်က တသောင်းကျော်လောက်ရှိတယ် " လို့ သူက ထပ်မံပြောပါတယ်။

စစ်ရှောင်စခန်း နေထိုင်သူတွေမှာ အခက်အခဲတွေ ကြုံတွေ့နေရသလို ဖားကန့်မြို့ပေါ် ၊ မြစ်ကြီးနား ၊ မိုးကောင်း ၊ မိုးညှင်း ဘက်ကို စစ်ရှောင်သွားသူ တွေမှာလည်း အခက်အခဲတွေ ရှိနေတယ်လို့ သိရပါတယ်။

" မှော်ဝမ်းကြီး နဲ့ မှော်ဝမ်းလေး ကနေဆိုရင် ထွက်လာကြတာ ခုလ ၁၆ ရက်ဆိုရင် ငါးလပြည့်ပြီ ။အိမ်ငှားနေနေရတယ် ။မြစ်ကြီးနားမှာ အိမ်ငှားနေတယ် ။ အိမ်ငှားခတွေက ပုံမှန်ထက်ပို တောင်းတော့ အဆင်မပြေဘူးပေါ့။ ဒုက္ခရောက်လို့ စစ်ရှောင်ရသူတွေပါ ။ အိမ်ငှားခ ကိုလျှော့မပေးရင်တောင် ပုံမှန်နူန်းလောက်ပဲ တောင်းစေချင်တယ် ။ " လို့ စစ်ရှောင် တယောက်က ပြောပါတယ် ။

ဖားကန့် ဒေသမှာ ဖြစ်ပွားခဲ့တဲ့ မေလ နောက်ဆုံးပတ်မှ နိုဝင်ဘာလ ၁၁ ရက် အထိ တိုက်ပွဲအကြားမှာ လူထိခိုက် ဒဏ်ရာရရှိမှု ၊ သေဆုံးမှုတွေ ရှိခဲ့တဲ့အပြင် နေအိမ်အဆောက်အဦ တွေလည်း ထိခိုက်ပျက်စီးမှု ရှိခဲ့တယ် လို့သိရပါတယ်။

လက်ရှိလည်း ဖားကန့်ဒေသမှာ စစ်ရေးအခြေအနေ ရှုပ်ထွေးနေပြီး တိုက်ပွဲဖြစ်ပွားကာ လက်နက်ကြီး လက်နက်ငယ် ပစ်ခတ်မှုအပြင် လေကြောင်း တိုက်ခိုက်မှု တွေပါရှိ နေတာဖြစ် တယ်လို့သိရပါတယ်။

ဖားကန့်ဒေသက ရွေးကောက်ပွဲ ကျင်းပမယ့် မြို့နယ်တွေထဲမှာ ပါဝင်တဲ့အတွက် ရွေးကောက်ပွဲကာလ မတိုင်မီမှာ အစိုးရတပ်က ဖားကန့်ဒေသကို အပြည့်အဝ ပြန်လည်ထိန်းချုပ် နိုင်ဖို့အတွက် စစ်အင်အား တိုးမြှင့်ပြီး အပြင်းအထန်ထိုးစစ်ဆင် တိုက်ခိုက်နေတာ ဖြစ်တယ်လို့ သိရပါတယ်။

ဖားကန့်ဒေသမှာ တိုက်ပွဲတွေ ဖြစ်ပွားမှုရှိနေပေမယ့် ဖားကန့် - မန္တလေး လမ်းကြောင်း သွားလာလို့ရနေသေးတယ်လို့ သိရပါတယ်။

လိင်အကြမ်းဖက်မှုကြောင့် တရားရင်ဆိုင်လာရတော့မယ့် ယူနိုက်တက်
========================

ယူနိုက်တက်ဟာ ကလပ်တွင် ဝတ်စုံမန်နေဂျာ၊ ကွင်းထိန်းသိမ်းရေးတို့အဖြစ် တာဝန်ထမ်းဆောင်ခဲ့သူတစ်ဦးမှာ သမိုင်းတွင်မယ့် လိင်အကြမ်းဖက်မှု ပြုလုပ်ခဲ့မှုနှင့်အတူ တရားရင်ဆိုင်လာရတော့မှာလည်း ဖြစ်ပါတယ်။

ကလပ်ရဲ့ Cliff လေ့ကျင့်ရေးကွင်းတွင် ၁၉၈၀ ခုနှစ်များတွင် တာဝန်ထမ်းဆောင်ခဲ့တဲ့ ဘီလီဝတ်အမည်ရှိ လူတစ်ဦးက အထက်ပါအမှုများကို ကျူးလွန်ခဲ့တာပါ။ ယင်းလူဟာလည်း ၂၀၀၉ ခုနှစ်ကတည်းက ကွယ်လွန်သွားခဲ့ပြီး ဖြစ်ပါတယ်။

ဒါပေမယ့် အရပ်သားတစ်ဦးက ဘီလီဝတ်ရဲ့ လိင်အကြမ်းဖက်မှု ခံခဲ့ရပြီး ကလပ်ဘက် တစုံတရာအကာအကွယ်ပေးခဲ့ခြင်း မရှိကြောင်း မရှိကြောင်း တရားစွဲဆိုလာခဲ့တာလည်း ဖြစ်ပါတယ်။

BBC က ယူနိုက်တက်ကို ယင်းအမှုနှင့်ပတ်သက်ပြီး မေးမြန်းလာချိန်မှာ တစုံတရာ ဖြေကြားခြင်း မရှိပါဘူး။

ယင်းအမှုကို ကိုင်တွယ်နေတဲ့ Simpson Millar ဥပဒေရေးရာကုမ္ပဏီရဲ့ ရှေ့နေများက ဥပဒေရေးရာကြောင့် တရားလိုရဲ့ အမည်ကို ဖော်ထုတ်သွားခဲ့ခြင်း မရှိတာပါ။

ဒါ့အပြင် ရှေ့နေတို့က ယူနိုက်တက်မှာ အမှုရဲ့ တရားဥပဒေလုပ်ငန်းစဉ်တွင် ပူးပေါင်း ပါဝင် လုပ်ဆောင်ရန်လည်း ငြင်းဆိုထားကြောင်းလည်း စွပ်စွဲထားပါတယ်။

ယူနိုက်တက်လေ့ကျင့်ရေးကွင်းတွင် တာဝန်ထမ်းဆောင်ခဲ့တဲ့ ဝတ်ဟာ ယင်းလိင်အကြမ်းဖက်မှုကြောင့် ၁၉၈၉ ခုနှစ်တွင် ကလပ်တွင်း အရေးယူခြင်းခံခဲ့ရပြီးလည်း ဖြစ်ပါတယ်။

ယခု တရားလိုဟာ လိင်အကြမ်းဖက်မှု ခံခဲ့ရပြီးနောက် ကလပ်ဘက်က တစုံတရာ ဂရုစိုက်မှု ပြုလုပ်ပေးရန် ပျက်ကွက်မှုနှင့်အတူ ယူနိုက်တက်ကို တရားစွဲဆိုမှု ပြုလုပ်လာတာပါ။

ယနေ့ ရွှေဈေးနဲ့ နိုင်ငံခြားငွေလဲနှုန်းများ

(နိုဝင်ဘာ - ၁၄ ရက်၊ နံနက် ၁၀ နာရီ)

#ရွှေဈေး

-ကမ္ဘာ့ရွှေဈေး
တအောင်စ ၄၂၀၇ ဒေါ်လာ

ရန်ကုန်တိုင်းရွှေလုပ်ငန်းရှင်များအသင်း (YGEA) ရဲ့ရွှေစျေးကွက် အဖွင့်ဈေးနှုန်း

- အကယ်ဒမီ မီးလင်းရွှေ တကျပ်သား
၅၉၈၀၀၀၀ ကျပ်

ပြင်ပ အရောင်းအဝယ်ဖြစ်တဲ့ ရွှေဈေးနှုန်း

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၈၅၀၀၀၀ ကျပ်
ဝယ်ဈေး ၈၈၁၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၈၄၅၀၀၀၀ ကျပ်
ဝယ်ဈေး ၈၄၁၀၀၀၀ ကျပ်

* စနစ်သစ်
(၁ိ - ၁၆.၃၂၉၃၂၅ ဂရမ် = ၁၂၀ ရွေး)

-အခေါက်ရွှေ တကျပ်သား (ပြင်ပဈေးကွက်)
ရောင်းဈေး ၈၇၃၀၀၀၀ ကျပ်
ဝယ်ဈေး ၈၆၉၀၀၀၀ ကျပ်

-၁၅ ပဲရည် တကျပ်သား
ရောင်းဈေး ၈၃၃၀၀၀၀ ကျပ်
ဝယ်ဈေး ၈၂၉၀၀၀၀ ကျပ်

“လက်ရှိ ရွှေဈေးကွက်အတွင်း ဈေးနှုန်းအတက်အကျ မငြိမ်သေးတဲ့အတွက် ရောင်းမှား၊ ဝယ်မှား မဖြစ်ဖို့ သတိပြုစေလိုပါတယ်။”

(ရွှေဈေးနှုန်းများ အချိန်နှင့်အမျှ ပြောင်းလဲနိုင်သည်။)

#နိုင်ငံခြားငွေလဲလှယ်နှုန်း

-မြန်မာနိုင်ငံတော်ဗဟိုဘဏ် ရည်ညွှန်းငွေလဲနှုန်း
အမေရိကန် တဒေါ်လာ - ၃၆၄၅ ကျပ်

ပြင်ပပေါက်စျေး

-အမေရိကန်ဒေါ်လာ‌
ရောင်းဈေး - ၄၀၇၀ ကျပ်
ဝယ်ဈေး - ၃၉၇၀ ကျပ်

-စင်္ကာပူဒေါ်လာ
ရောင်းဈေး - ၃၁၂၅ ကျပ်
ဝယ်ဈေး - ၃၀၅၀ ကျပ်

-ယူရို
ရောင်းဈေး - ၄၇၃၅ ကျပ်
ဝယ်ဈေး - ၄၆၁၅ ကျပ်

-ထိုင်းဘတ်
ရောင်းဈေး - ၁၂၅.၇၉ ကျပ်
ဝယ်ဈေး - ၁၂၂.၇ ကျပ်

-မလေးရှားရင်းဂစ်
ရောင်းဈေး - ၉၈၄ ကျပ်
ဝယ်ဈေး - ၉၆၀ ကျပ်

-တရုတ်ယွမ်
ရောင်းဈေး - ၅၇၃ ကျပ်
ဝယ်ဈေး - ၅၅၉ ကျပ်

-ဂျပန်ယန်း
ရောင်းဈေး - ၂၆.၃၂ ကျပ်
ဝယ်ဈေး - ၂၅.၆၇ ကျပ်

-အိန္ဒိယရူပီး
ရောင်းဈေး - ၄၅.၇၇ ကျပ်
ဝယ်ဈေး - ၄၄.၆၅ ကျပ်

-ကိုရီးယားဝမ်
ရောင်းဈေး - ၂.၇၉ ကျပ်
ဝယ်ဈေး - ၂.၇၂ ကျပ်

-စတာလင်ပေါင်
ရောင်းဈေး - ၅၃၄၅ ကျပ်
ဝယ်ဈေး - ၅၂၁၅ ကျပ်

-ဩစတြေးလျဒေါ်လာ
ရောင်းဈေး - ၂၆၆၃ ကျပ်
ဝယ်ဈေး - ၂၅၉၇ ကျပ်

-ကနေဒါဒေါ်လာ
ရောင်းဈေး - ၂၉၀၂ ကျပ်
ဝယ်ဈေး - ၂၈၃၁ ကျပ်

-ဟောင်ကောင်ဒေါ်လာ
ရောင်းဈေး - ၅၂၄ ကျပ်
ဝယ်ဈေး - ၅၁၁ ကျပ်

-ယူအေအီး
ရောင်းဈေး - ၁၁၀၈ ကျပ်
ဝယ်ဈေး - ၁၀၈၀ ကျပ်

ငွေလဲနှုန်းများ အချိန်နှင့်အမျှ ပြောင်းလဲနိုင်သည်။

***သတ်မှတ်ဈေးအတိုင်း အရောင်းအဝယ်မလုပ်ပါက အရေးယူခံရနိုင်သည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီ
***********************************

🇲🇲 ရည်ညွှန်းလက်လီဈေးနှုန်းများ
💢ရန်ကုန်မြို့
💢မန္တလေးမြို့
💢နေပြည်တော်
💢တိုင်းဒေသကြီး/ ပြည်နယ်မြို့တော်များ

အမေရိကန်နိုင်ငံသားများကို လိမ်လည်သည့် လူကုန်ကူးခံရသူများဖြင့် လုပ်ကိုင်နေသော လိမ်လည်မှုစင်တာများကို လုပ်ကိုင်နေသည်ဟု စွပ်စွဲချက်ဖြင့် မြန်မာလက်နက်ကိုင်အဖွဲ့ Democratic Karen Benevolent Army (DKBA)နှင့် ထိုင်းကုမ္ပဏီ Trans Asia International Holding Group Thailand Co., Ltd., မြန်မာကုမ္ပဏီ Troth Star Co., Ltd. တို့ကို အမေရိကန် ဘဏ္ဍာရေးဝန်ကြီးဌာန၏ နိုင်ငံခြားပိုင်ဆိုင်မှုထိန်းချုပ်ရေးရုံး Office of Foreign Assets Control (OFAC) မှ ဗုဒ္ဓဟူးနေ့တွင် ပိတ်ဆို့အရေးယူမှုများ ချမှတ်သည်။

ကရင်ပြည်နယ်၊ မြဝတီအနီးတွင်တည်ရှိသော Taishang Center ကို DKBA ထိန်းချုပ်နယ်မြေတွင် လည်ပတ်နေသော အဓိကလိမ်လည်စင်တာအဖြစ် OFAC က ဖော်ထုတ်သတ်မှတ်ခဲ့သည်။ ၎င်းကို DKBA ဗိုလ်မှူးချုပ် စိုင်းကျော်လှက တရုတ်ရာဇဝတ်သားရင်းနှီးမြှုပ်နှံသူများအတွက် ရှေ့ထွက်သူအဖြစ် ဆောင်ရွက်သော Trans Asia နှင့် ပူးပေါင်း၍ တည်ထောင်ခဲ့သည်ဟု ဆိုသည်။


တဦးချင်းအရ ပိတ်ဆို့အရေးယူသည့် စာရင်းတွင် Trans Asia မှ ထိုင်းနိုင်ငံသား Chamu Sawang (Chamnarn Sawang)၊ DKBA မှ စောစတီး၊ စောစိန်ဝင်း၊ စောဆန်းအောင်၊ စိုင်းကျော်လှ တို့ပါဝင်သည်။


#guide4u

Excel မှာ ဒသမဂဏန်းတွေ ပေါင်းနည်း။
Excel မှာ ဒသမဂဏန်းတွေ (ဥပမာ - 67.890, 560.00 ကို အောက်ပါနည်းလမ်းတွေနဲ့ လွယ်ကူစွာ ပေါင်းနိုင်ပါတယ်။
၁။ SUM ဖြင့် အလိုအလျောက်ပေါင်းနည်း။
အလွယ်ဆုံးနည်းလမ်းဖြစ်ပြီး SUM function ကို အသုံးပြုပါမယ်။
📌 ဥပမာ:
- A1 မှာ 67.890
- A2 မှာ 560.000
- A3 မှာ ရလဒ်ရဖို့ =SUM(A1:A2) လို့ရိုက်ထည့်ပါ။
- ရလဒ်: 627.890
၂။ (+) Operator ဖြင့် တိုက်ရိုက်ပေါင်းနည်း။
တစ်ကြောင်းချင်းစီ ပေါင်းချင်ရင် + သင်္ကေတကို အသုံးပြုနိုင်ပါတယ်။
📌 ဥပမာ:
- =A1 + A2 လို့ရိုက်ထည့်ပါက 627.890 ရပါမယ်။
၃။ ဒသမနေရာများကို ထိန်းချုပ်နည်း။
Excel မှာ ဒသမဂဏန်းတွေကို လိုအပ်သလို အနီးစပ်ဆုံးယူနိုင်ပါတယ်။
(က) ROUND ဖြင့် ဒသမ ၂ နေရာအထိ ယူနည်း
=ROUND(SUM(A1:A2), 2) ➔ ရလဒ်: 627.89
(ခ) ROUNDUP ဖြင့် အထက်နားချုပ်နည်း။
=ROUNDUP(SUM(A1:A2), 1) ➔ ရလဒ်: 627.9
(ဂ) ROUNDDOWN ဖြင့် အောက်နားချုပ်နည်း။
=ROUNDDOWN(SUM(A1:A2), ➔ ရလဒ်: 627
၄။ Format Cells ဖြင့် ဒသမဂဏန်းပြသမှုကို ပြင်နည်း။
ဒသမဂဏန်းတွေကို လိုချင်တဲ့ပုံစံနဲ့ ပြချင်ရင်:
1. ဆဲလ်တွေကို Select လုပ်ပါ (Ctrl + ကလစ်နှိပ်ပြီး ရွေးနိုင်ပါတယ်)
2. Right-click > Format Cells (သို့) Ctrl + 1 နှိပ်ပါ
3. Number tab မှာ Decimal places ကို ပြင်ပါ (ဥပမာ - 3 ထားရင် 67.890 လို့ပြမယ်)
📌 သတိထားရန် ⚠️
- Excel က ဒသမဂဏန်းတွေကို တိကျစွာ တွက်ပေးသော်လည်း Floating Point Error (ဥပမာ - 0.1 + 0.2 = 0.30000000000000004) ဖြစ်တတ်ပါတယ်။
- တိကျမှုလိုအပ်ရင် ROUND သုံးပါ။
ဒီနည်းလမ်းတွေနဲ့ Excel မှာ ဒသမဂဏန်းတွေကို လွယ်လွယ်ကူကူ ပေါင်းနိုင်ပါလိမ့်မယ်! 😊

ကျောက်ဖြူမှာ ကျေးရွာပေါင်း ၁၅ ရွာထက်မနည်း စစ်ရှောင်နေရ

ရခိုင်ပြည်နယ်၊ ကျောက်ဖြူမြို့နယ်မှာ ပြင်းထန်လာတဲ့ စစ်ရေး အခြေအနေတွေကြောင့် ကျေးရွာပေါင်း ၁၅ ရွာထက်မနည်း စစ်ဘေး တိမ်းရှောင်နေရတယ်လို့ ကူညီပေးနေသူတွေဆီက သိရပါတယ်။
ကျောက်ဖြူမြို့နယ်မှာ အစိုးတပ်နဲ့ AA တို့ တိုက်ပွဲ ဖြစ်ပွားနေတာဖြစ်ပြီး နေ့စဉ်ရက်ဆက် ဆိုသလို လေကြောင်း တိုက်ခိုက်မှုနဲ့ လက်နက်ကြီး ပစ်ခတ်မှုတွေ ရှိနေတဲ့အတွက် ဒေသခံတွေ တိမ်းရှောင်နေရတာ ဖြစ်တယ်လို့ သိရပါတယ်။
“စစ်ရေးအခြေအနေ ပိုတင်းမာလာလေ၊ စစ်ရှောင် အရေအတွက်က တိုးလာလေလေပါပဲ။ ငွေကြေး တတ်နိုင်တဲ့ သူတွေကတော့ တခြားမြို့တွေ၊ ရွာတွေကို ရှောင်သွားကြတယ်။ ငွေကြေး မတတ်နိုင်တဲ့ သူတွေကတော့ ဘေးလွတ်မယ်ထင်တဲ့ တော၊ တောင်တွေထဲမှာပဲ ဖြစ်သလို နေနေကြတယ်။ သူတို့အတွက် လိုအပ်နေတာတွေကတော့ အများကြီးပါ။ အခြေခံ လိုအပ်ချက်ကတော့ စားနပ်ရိက္ခာပါ။ အဓိက ကတော့ ဆန်လိုတယ်။ နေရေးထိုင်ရေး အတွက်လည်း အမိုးအကာတွေ လိုတယ်။ တိုက်ပွဲက ရေရှည် သွားနေမယ့်ပုံဆိုတော့ အဓိက ကတော့ စားရေးသောက်ရေးပါပဲ။ တဖြည်းဖြည်း ခက်ခဲလာကြပြီ။ ကူနိုင်တဲ့ အလှူ‌ရှင်တွေလည်း နည်းလာပြီ” လို့ ကူညီပေးနေသူက ပြောပါတယ်။
လက်ရှိ တိုက်ပွဲဖြစ်နေတာဟာ ချောင်းဝနဲ့ သိုင်းချောင်းဘက်မှာဖြစ်ပြီး အစိုးရတပ်ဘက်က ‌ကြည်း၊ ရေ၊ လေ ဘက်ပေါင်းစုံကနေ ထိုးစစ်ဆင်နေတာ ဖြစ်တယ်လို့ သူက ပြောပါတယ်။
အစိုးရတပ်အနေနဲ့ ကျောက်ဖြူမြို့နယ်မှာ ရွေးကောက်ပွဲ ကျင်းပဖို့ ရည်ရွယ်ထားတာဖြစ်ပြီး နယ်မြေစိုးမိုးမှု ပိုမိုရရှိနိုင်ဖို့ ပြီးခဲ့တဲ့ နိုဝင်ဘာ ၈ ရက်နေ့ကတည်းက မြို့ဝန်းကျင်မှာ နယ်မြေရှင်းလင်းရေး လုပ်ဆောင်နေတာကြောင့် AA နဲ့ တိုက်ပွဲ ပြင်းထန်နေတာ ဖြစ်တယ်လို့ ဆိုပါတယ်။
ဒါကြောင့် ကျောက်ဖြူမြို့နယ်အတွင်းက ချောင်းဖျား၊ ချောင်းဝ၊ ဂေါ်တူ၊ ပျားတဲတောင်၊ သရက်တော၊ ကျောက်ပျောက်၊ သိုင်းချောင်း၊ ကုလာဘာ၊ ဇိုင်းချောင်း၊ မင်းပြင်၊ ပြင်ရှည် အစရှိတဲ့ ကျေးရွာတွေအပါအဝင် ရွာပေါင်း ၁၅ ရွာဝန်းကျင်က ဒေသခံတွေ ဘေးလွတ်ရာကို တိမ်းရှောင်နေရဝာ ဖြစ်တယ်လို့ သိရပါတယ်။
လက်ရှိ ကျောက်ဖြူတိုက်ပွဲမှာ အစိုးရတပ်ဘက်က နေဗီ၊ လေကြောင်း၊ ဒရုန်း တိုက်ခိုက်မှုတွေ ပြုလုပ်နေသလို ကျောက်ဖြူမှာရှိတဲ့ ရဲတပ်ရင်း (ရတခ - ၃၂) ဘက်ကိုလည်း ရေကြောင်းကနေ အင်အား အဆက်မပြတ် ဖြည့်တင်းနေတယ်လို့ စစ်ရေး သတင်းရင်းမြစ် တယောက်က ပြောပါတယ်။
“တိုက်ပွဲက ရှေ့လျှောက်လည်း ပိုပြီး ပြင်းထန်လာနိုင်တယ်။ ဘာလို့လဲဆို တဖက် ရှမ်းမြောက်ဘက်မှာ အပစ်ရပ်ထားနိုင်တာ ဖြစ်တဲ့အတွက် စစ်ဘောင်က ကျဥ်းလာပြီ။ ဆိုတော့ ဒီအခွင့်အရေးကို ရခိုင်ဘက်မှာ ပိုပြီး အသုံးချလာမယ့် သဘော ရှိနေတယ်” လို့ သူက ပြောပါတယ်။
လက်ရှိ ကျောက်ဖြူမြို့ရဲ့ စစ်ရေးအခြေအနေနဲ့ ပတ်သက်လို့ အစိုးရ တာဝန်ရှိသူတွေရဲ့ ဒီကနေ့ နိုဝင်ဘာ ၁၂ ရက်၊ ထုတ်ပြန်ချက်မှာ ကျောက်ဖြူမြို့နယ်၊ သိုင်းချောင်းကျေးရွာ တိုက်ပွဲမှ AA အဖွဲ့ရဲ့ မှတ်တမ်းစာအုပ် တအုပ်ကို အရေးကြီးတဲ့ သက်သေခံ ပစ္စည်းအဖြစ် သိမ်းဆည်းရမိခဲ့တယ်လို့ အသိပေးထားပါတယ်။
အဲဒီ မှတ်တမ်းစာအုပ်မှာ ပါရှိတဲ့ စစ်ရေးဆိုင်ရာ စာရွက်စာတမ်းတွေနဲ့ ကွင်းဆင်းစစ်ဆေးမှုတွေအရ AA အနေနဲ့ ရခိုင်ပြည်နယ်အတွင်း ၎င်းတို့ရဲ့ လှုပ်ရှားမှုတွေကို ပိုမို အင်အား ဖြည့်တင်းနိုင်ဖို့အတွက် စစ်ဒေသ သုံးခု ဖွဲ့စည်းထားတာကို တွေ့ရှိရတယ်လို့ ထုတ်ပြန်ချက်မှာ ဖော်ပြထားပါတယ်။
အဲဒီ စစ်ဒေသ သုံးခုကတော့ အယ်လ်ဖာစစ်ဒေသ (ပလက်ဝမြို့နယ်မှ ကျောက်တော်မြို့နယ်အထိ)၊ နိုဗာစစ်ဒေသ (စစ်တွေမြို့နဲ့ အနီးတဝိုက် မြို့နယ်တွေ) နဲ့ ဘီလ်တာစစ်ဒေသ ကျောက်ဖြူမြို့နယ် အပါအဝင် ရခိုင်တောင်ပိုင်းဒေသတို့ ဖြစ်တယ်လို့ ဆိုပါတယ်။
အဲဒီ စစ်ဒေသ တခုစီရဲ့အောက်မှာ AA တပ်မဟာ သုံးခုခန့်စီ ပါဝင်ကာ စုစုပေါင်း တပ်မဟာ ၁၀ ခုခန့်အထိ ဖွဲ့စည်းထားနိုင်တယ်လို့ ခန့်မှန်းရပြီး ဒါဟာ AA အဖွဲ့ရဲ့ စစ်ရေးအရ ကြီးထွားလာမှုနဲ့ ဒေသတွင်းမှာ ခြေကုပ်ရယူနိုင်ဖို့ ကြိုးပမ်းနေမှုကို ရှင်းလင်းစွာ ပြသနေတယ်လို့ ဆိုပါတယ်။
ဒါပေမယ့်လည်း AA ရဲ့ ဗဟိုဌာနချုပ်ဟာ လိုင်ဇာဒေသမှာသာ အခြေစိုက်နေဆဲ ဖြစ်တဲ့အပြင် ၎င်းတို့ဟာ ပြင်ပအဖွဲ့အစည်းရဲ့ ထိန်းချုပ်မှုအောက်မှာ လှုပ်ရှားနေဆဲဖြစ်တာကို ထပ်လောင်း အတည်ပြုနိုင်တယ်လို့ အစိုးရတပ်ရဲ့ ထုတ်ပြန်ချက်မှာ ရေးသားထားပါတယ်။
AA ဘက်ကတော့ ကျောက်ဖြူမြို့ အပါအဝင် လက်ရှိ ရခိုင်ပြည်နယ်အတွင်း စစ်ရေး အခြေအနေတွေနဲ့ ပတ်သက်လို့ သတင်းထုတ်ပြန်ထားခြင်း မရှိသေးပါဘူး။

မုံးကိုးမှာ အမျိုးသားသုံးဦးကို ကိုးကန့်တပ်ဖွဲ့ကသေဒဏ်စီရင်

မုံးကိုးမြို့နယ်အတွင်း လူသတ်မှု ကျူးလွန်ခဲ့တယ်ဆိုတဲ့ အမျိုးသား ငါးဦးကို ကိုးကန့်တပ်ဖွဲ့က လူမြင်ကွင်းမှာ ထုတ်ပြပြီး အဲဒီထဲက သုံးဦးကို သေဒဏ်စီရင်လိုက်တယ်လို့ ဒေသခံတွေက ပြောပါတယ်။
နိုဝင်ဘာ ၁၁ ရက်နေ့ မနက်ပိုင်းမှာ မုံးကိုးမြို့ ဘောလုံးကွင်းထဲ ဒေသခံတွေကို ဆင့်ခေါ်ပြီး စီရင်ချက်တွေကို ဖတ်ပြခဲ့တယ်လို့ မုံးကိုးမြို့ခံတွေက ပြောပါတယ်။
“ လူတိုင်းသွားကြည့်လို့ရတယ်။ သူတို့ခေါ်ပြတာပေါ့။ သေဒဏ်ချတဲ့လူသုံး ယောက်ကို တစ်ခါတည်း ခေါ်သွားပြီးပစ်သတ်လိုက်တာ၊ ကျန်တဲ့သူတွေတော့ သူတို့ပြန် ခေါ်သွားတယ်”လို့ မုံးကိုးမြို့ခံတယောက်က ပြောပါတယ်။
သေဒဏ်ချခံရတဲ့အမျိုးသားတွေဟာ သက်လတ်ပိုင်းအရွယ်တွေဖြစ်ပြီး မုံးကိုးမြို့ မှာ လူသတ်မှုကျူးလွန်ခဲ့လို့ အခုလိုသေဒဏ်ချတာ ဖြစ်တယ်လို့ ကိုးကန့်တပ်ဖွဲ့ဝင်တွေဘက်က ဖတ်ပြသွားတယ်လို့ မုံးကိုးမြို့ခံတွေကပြော ပါတယ်။
နစ်ရှည်ထောင်ဒဏ်ချခံရတဲ့ အမျိုးသားနှစ်ယောက်ထဲမှာ အသက် ၁၇အရွယ် ကလေးတ ယောက် ပါတယ်လို့ ဆိုပါတယ်။
“ ကလေးတယောက်က လူသတ်တာ အသက်မပြည့်သေးလို့ ဆိုပြီး သူ့ကို ထောင် ဆယ့်လေးနှစ်ချလိုက်တာ” လို့ မုံးကိုးမြို့ခံ နောက် တယောက်က ပြောပါတယ်။
အသက် ၆နှစ် အရွယ် ကလေးငယ်ကို အဓမ္မမှု ကျုးလွန်ခဲ့တဲ့ အမျိုးသား တယောက် ကိုတော့ ထောင်ဒဏ် ၁၀နှစ်ချခဲ့တယ်လို့ ဒေသခံတွေက ပြောပါတယ်။
ပြီးခဲ့တဲ့ စက်တင်ဘာလ တုန်းကလည်း သိန္နီမြို့မှာ ရာဇဝတ်မှု ကျူးလွန်တယ်လို့ စွပ်စွဲခံရသူ ခုနှစ်ဦးကို ကိုးကန့်တပ်ဖွဲ့က အများရှေ့မှာ သေဒဏ်နဲ့ နှစ်ရှည် ထောင်ဒဏ်တွေ ချခဲ့ပါတယ်။
ရာဇဝတ်မှု ကျူးလွန်သူတွေကို အခုလို နှစ်ရှည်ထောင်ဒဏ်တွေချတာဟာ ဒေသတွင်း တရားဥပဒေစိုးမိုးရေးအတွက်ဖြစ်ပြီး ယခုတကြိမ်နဲ့ဆို ငါးကြိမ်ရှိပြီလို့ ကိုးကန့်တပ်ဖွဲ့ဘက်က ထုတ်ပြန်ထားပါတယ်။
EUအပါအဝင် လူအခွင့်အရေးဆိုင်ရာ လေ့လာစောင့်ကြည့်နေသူတွေက တော့ ကိုးကန့်တပ်ဖွဲ့ရဲ့အခုလို သေဒဏ်စီရင်တဲ့ လုပ်ရပ် အပေါ် ကန့်ကွက်ကြောင်း ထုတ်ပြန်ထားပါတယ်။

ကမ္ဘောဒီးယားနယ်စပ်မှာ ထိုင်းစစ်တပ်ရဲ့ပစ်ခတ်မှု အရပ်သားတယောက်သေပြီး သုံးယောက်ဒဏ်ရာရ

ထိုင်းစစ်တပ်ဟာ နယ်စပ်မှာ ပစ်ခတ်မှုတွေ လုပ်ဆောင်ခဲ့တာကြောင့် အရပ်သားတယောက် သေဆုံးပြီး သုံးယောက်ဒဏ်ရာရရှိခဲ့တယ်လို့ ကမ္ဘောဒီးယားကာကွယ်ရေးဝန်ကြီးဌာနက ပြောပါတယ်။
တိုက်ခိုက်မှုဟာ နိုင်ငံတကာလူသားချင်း စာနာထောက်ထားမှုဥပဒေကို ချိုးဖောက်တာလို့ ကမ္ဘောဒီးယားဝန်ကြီးချုပ် ဟွန်မာနက်က ရှုတ်ချထားပြီး လွတ်လပ်တဲ့ စုံစမ်းစစ်ဆေးမှုတခုပြုလုပ်ဖို့ တောင်းဆိုလိုက်ပါတယ်။
ထိုင်းစစ်တပ်ကတော့ ကမ္ဘောဒီးယားစစ်သားတွေရဲ့ သေနတ်ပစ်ခတ်မှုကို တုံ့ပြန်တဲ့အနေနဲ့ သတိပေးပစ်ခတ်ခဲပ့တာလို့ ဆိုပါတယ်။ နှစ်နိုင်ငံဟာ ဇူလိုင်လမှာ နယ်စပ်ပဋိပက္ခတွေဖြစ်ပွားပြီးနောက် အမေရိကန်သမ္မတ ဒေါ်နယ်ထရန့်နဲ့ အာဆီယံကြားဝင်စေ့စပ်မှုနဲ့အတူ ပြီးခဲ့တဲ့ လက ငြိမ်းချမ်းရေး သဘောတူညီချက်တရပ်ကို လက်မှတ်ရေးထိုးခဲ့ပါတယ်။
ဒါပေမယ့်လည်း ပြီးခဲ့တဲ့ တနင်္လာနေ့က နယ်စပ်အနီးမှာ မြေမြှုပ်မိုင်းပေါက်ကွဲမှုကြောင့် ထိုင်းစစ်သားတွေ ဒဏ်ရာရရှိပြီးနောက် ငြိမ်းချမ်းရေးသဘောတူညီချက် အကောင်အထည်ဖော်မှုကို ရပ်ဆိုင်းထားမယ်လို့ ထိုင်းအစိုးရက ထုတ်ပြန်ခဲ့ပါတယ်။
ဒီကိစ္စနဲ့ပတ်သက်ပြီး ကမ္ဘောဒီးယားအနေနဲ့ တရားဝင်တောင်းပန်ဖို့ ထိုင်းက တောင်းဆိုထားပါတယ်။ မြေမြုပ်မိုင်းအသစ်တွေကို နယ်စပ်မှာ ထောင်ထားတယ်လို့ ထိုင်းဘက်က စွပ်စွဲထားပေမယ့် ကမ္ဘောဒီးယားကတော့ ငြင်းဆိုထားပါတယ်။
အရှေ့တောင်အာရှ အိမ်နီးချင်း ထိုင်းနဲ့ ကမ္ဘောဒီးယားတို့ဟာ သူတို့ရဲ့ ၈၁၇ ကီလိုမီတာ ရှည်လျားတဲ့ နယ်နိမိတ်တလျှောက်က နေရာတွေအပေါ် ပိုင်ဆိုင်မှုနဲ့ပတ်သက်ပြီး ကာလရှည်ကြာ အငြင်းပွားနေကြပါတယ်။