ဖေဖော်ဝါရီ ၁၆ ရက်သည် တစ်ဆက်စပ်တည်း ရုံးပိတ်ရက်ဖြစ်သဖြင့် ဘဏ်များအားလုံး ပိတ်ထားမည်ဖြစ်ပြီး အစားထိုးရုံးတက်ရက်ဖြစ်သည့် ဖေဖော်ဝါရီ ၂၁ ရက် (စနေနေ့) ၌ ဘဏ်များအားလုံး ပြန်ဖွင့်မည်

ဖေဖော်ဝါရီ ၁၆ ရက်သည် တစ်ဆက်စပ်တည်း ရုံးပိတ်ရက်ဖြစ်သဖြင့် ဘဏ်များအားလုံး ပိတ်ထားမည်ဖြစ်ပြီး အစားထိုးရုံးတက်ရက်ဖြစ်သည့် ဖေဖော်ဝါရီ ၂၁ ရက် (စနေနေ့) ၌ ဘဏ်များအားလုံး ပြန်ဖွင့်မည်ဖြစ်ကြောင်း မြန်မာနိုင်ငံတော်ဗဟိုဘဏ်၏ ကြေညာချက်အရ သိရသည်။
လွှဲပြောင်းနိုင်သော စာချုပ်စာတမ်းများ အက်ဥပဒေအရ ၂၀ ၂၆ ခုနှစ်၊ ဖေဖော်ဝါရီ ၁၄ ရက်နှင့် ၁၅ ရက် (စနေ၊ တနင်္ဂနွေနေ့) သည် အစိုးရရုံးပိတ်ရက်များ ဖြစ်ပြီး အများပြည်သူအလုပ်ပိတ်ရက်ဖြစ်သည့် ၁၇ ရက် (တရုတ်နှစ်သစ်ကူးနေ့) ကြားရှိ ဖေဖော်ဝါရီ ၁၆ ရက်ကို တစ်ဆက်စပ်တည်း ရုံးဖိတ်ရက်ဖြစ်သဖြင့် ဘဏ်များအားလုံး ပိတ်ထားလိမ့်မည်ဖြစ်ကြောင်းနှင့် ၂၀၂၆ ခုနှစ်၊ ဖေဖော်ဝါရီ ၂၁ ရက် (စနေနေ့) သည် အစားထိုးရုံးတက်ရက်ဖြစ်ပါသဖြင့် ဘဏ်များအားလုံး ဖွင့်မည်ဖြစ်ကြောင်း မြန်မာနိုင်ငံတော်ဗဟိုဘဏ်က ကြေညာသည်။

လာမည့် ၂၀၂၆ ခုနှစ် ပညာသင်နှစ်တွင် အလယ်တန်း၌ စက်မှု၊ စိုက်ပျိုး၊ မွေးမြူရေးဘာသာရပ်များ ထည့်သွင်းသင်ကြားမည်ဖြစ်၍ သင်ရိုးများ အချိန်မီရေးဆွဲရန် ပညာရေးဝန်ကြီး ပြောကြား

လာမည့် ၂၀၂၆ ခုနှစ် ပညာသင်နှစ် ဇွန်လမှစတင်၍ အလယ်တန်းတွင် စက်မှု၊ စိုက်ပျိုး၊ မွေးမြူရေးဘာသာရပ်များ ထည့်သွင်းသင်ကြားမည်ဖြစ်၍ သင်ရိုးများ အချိန်မီရေးဆွဲရန် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာချောချောစိန်က ပြောကြားသည်။
ဖေဖော်ဝါရီ ၂ ရက်က နေပြည်တော် ပညာရေးဝန်ကြီးဌာန ရုံးအမှတ်(၁၃) အစည်းအဝေးခန်းမ၌ ကျင်းပသည့် စက်မှု၊ စိုက်ပျိုး၊ မွေးမြူရေးဘာသာရပ်များ သင်ကြားရေးလုပ်ငန်းညှိနှိုင်းအစည်းအဝေးတွင် ၎င်းက ထိုသို့ပြောကြားခဲ့ခြင်းဖြစ်သည်။
ပြည်ထောင်စုဝန်ကြီး ဒေါက်တာချောချောစိန်က နိုင်ငံတော်အကြီးအကဲ၏ လမ်းညွှန်ချက်အရ အလယ်တန်းများတွင် စက်မှု၊ စိုက်ပျိုး၊ မွေးမြူ ရေးဘာသာရပ်များ ထည့်သွင်းသင်ကြားပေးရန်ဖြစ်ကြောင်း၊ သို့ဖြစ်၍ လာမည့် ၂၀၂၆ ခုနှစ် ပညာသင်နှစ် ဇွန်လမှစတင်၍ အလယ်တန်းတွင် စက်မှု၊ စိုက်ပျိုး၊ မွေးမြူရေးဘာသာရပ်များ ထည့်သွင်းသင်ကြားပေးနိုင်ရန်၊ သင်ရိုးများ အချိန်မီရေးဆွဲရန်၊ သင်ကြားမည့် ဆရာ ဆရာမများနှင့် ဆင့်ပွားသင်တန်းများ ဆက်လက်ပေးရန်နှင့် သင်ကြားမည့်အချိန်များ သတ်မှတ်နိုင်ရန် ဆွေးနွေးကြစေလိုကြောင်း ပြောကြားသည်။
အလားတူ လာမည့်ပညာသင်နှစ်တွင် Grade-12 ၏ သင်ရိုးညွှန်းတမ်းများကို ပြန်လည်ရေးဆွဲရမည်ဖြစ်ရာ သက်ဆိုင်ရာဝန်ကြီးဌာန အသီးသီး၏ပေါင်းစပ် ညှိနှိုင်းမှုဖြင့် ဆွေးနွေးသွားမည်ဖြစ်ကြောင်းလည်း ပြည်ထောင်စုဝန်ကြီးက ပြောကြားခဲ့သည်။

ရန်ကုန်-မန္တလေးအမြန်လမ်းတွင် မြစန္ဒာခရီးသည်တင်ယာဉ် အင်ဂျင်ခန်းအပူလွန်ကဲပြီး မီးလောင်မှုဖြစ်ပွား

ရန်ကုန်-မန္တလေးအမြန်လမ်းတွင် မြစန္ဒာခရီးသည်တင်ယာဉ် အင်ဂျင်ခန်းအပူလွန်ကဲပြီး မီးလောင်မှုဖြစ်ပွားကြောင်း မြန်မာနိုင်ငံမီးသတ်တပ်ဖွဲ့မှ သိရသည်။
ဖြစ်စဉ်မှာ ဖေဖော်ဝါရီ ၄ ရက် နံနက် ၅ နာရီခွဲခန့်တွင် မန္တလေးတိုင်းဒေသကြီး၊ ပျော်ဘွယ်မြို့နယ်၊ ပေပင်လေးကျေးရွာ၊ ရန်ကုန်-မန္တလေးအမြန်လမ်းမကြီး၊ မိုင်တိုင် အမှတ်(၂၆၀/၃)ဖာလုံ အနီးတွင် မြစန္ဒာ ခရီးသည်တင်ယာဉ်သည် နောက်အင်ဂျင်ခန်း အပူလွန်ကဲပြီး မီးလောင်မှုဖြစ်ပွားကြောင်း သိရသည်။
အဆိုပါမီးလောင်မှုနေရာသို့ ပေပင်လေးအမြန်မီးသတ်စခန်းမှ မီးငြှိမ်းသတ်ယာဉ် တစ်စီး၊ မီးသတ်ရေသယ်ယာဉ် တစ်စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၁၅ မိနစ်ခန့်အကြာတွင် မီးငြိမ်းခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

အက်ပ်စတိန်းအမှုအတွက် ကလင်တန်ဇနီးမောင်နှံ သက်သေထွက်ဆိုမည်
-----------------------------------------
လိင်ပိုင်းဆိုင်ရာ ကျူးလွန်မှုတွေနဲ့ ထောင်ဒဏ်ကျခံနေစဉ်မှာ သေဆုံးသွားခဲ့သူ ဂျက်ဖရီ အက်ပ်စတိန်းနဲ့ ပတ်သက် ပြီး လွှတ်တော်စုံစမ်းစစ်ဆေးရေးမှာ အမေရိကန်သမ္မတဟောင်း ဘီလ်ကလင်တန်နဲ့ ဇနီးဖြစ်သူ နိုင်ငံခြားရေး ဝန်ကြီးဟောင်း ဟီလာရီကလင်တန်တို့က သက်သေထွက်ဆိုဖို့ သဘောတူညီလိုက်ပြီဖြစ်တယ်လို့ ဖေဖော်ဝါရီလ ၃ ရက်က CNN သတင်းမှာ ဖော်ပြထားပါတယ်။ ဒီသဘောတူညီချက်ဟာ လွှတ်တော်ကြီးကြပ်ရေးကော်မတီ ဆင့်ခေါ်မှုကို ငြင်းဆန်ခဲ့တဲ့ ကလင်တန်ဇနီးမောင်နှံကို "လွှတ်တော်ကို မထီမဲ့မြင်ပြုမှု"နဲ့ အရေးယူနိုင်ရေး မဲခွဲ ဆုံးဖြတ်ဖို့ ရက်ပိုင်းအလိုမှာ ထွက်ပေါ်လာတာ ဖြစ်ပါတယ်။
တကယ်လို့ သက်သေထွက်ဆိုဖြစ်ရင် ၁၉၈၃ ခုနှစ်မှာ သမ္မတ ဂျရယ်ဖို့ဒ် သက်သေထွက်ဆိုခဲ့ပြီးနောက်ပိုင်း ပထမ ဆုံးအကြိမ် လွှတ်တော်ကော်မတီရှေ့မှောက် ရောက်ရှိလာတဲ့ သမ္မတဟောင်း ဖြစ်လာမှာပါ။ ဘီလ်ကလင်တန်ဟာ ၂၀၁၉ ခုနှစ်က ထောင်တွင်းမှာ သေဆုံးခဲ့သူ အက်ပ်စတိန်းနဲ့ ရင်းနှီးကျွမ်းဝင်မှု ရှိခဲ့ပေမဲ့ အက်ပ်စတိန်းရဲ့ လိင်ပိုင်း ဆိုင်ရာ ကျူးလွန်မှုတွေကို မသိရှိကြောင်းနဲ့ လွန်ခဲ့တဲ့ နှစ်ပေါင်း ၂၀ ကတည်းက အဆက်အသွယ် ဖြတ်တောက်ခဲ့ ကြောင်း ငြင်းဆိုထားပါတယ်။ ဒါပေမဲ့ အက်ပ်စတိန်းရဲ့ ကိုယ်ပိုင်လေယာဉ် မှတ်တမ်းတွေအရ ကလင်တန်ဟာ ၂၀၀၂ နဲ့ ၂၀၀၃ ခုနှစ်တွေအတွင်း လေယာဉ်(၄)ကြိမ် လိုက်ပါစီးနင်းခဲ့ပြီး နေအိမ်မှာ အတူရှိနေတဲ့ ဓာတ်ပုံ မှတ်တမ်းတချို့ ထွက်ပေါ်ထားတာ ဖြစ်ပါတယ်။

ငြိမ်းချမ်းရေးလမ်းလျှောက်ရဟန်းတော်များ ရက်ပေါင်း(၁၀၁)ရက် စံချိန်ချိုး
----------------------------------------
ဗုဒ္ဓဘာသာရဟန်းတော်အဖွဲ့တစ်ဖွဲ့ဟာ ကမ္ဘာမှာ "ငြိမ်းချမ်းရေး၊ မေတ္တာကရုဏာနဲ့ ကရုဏာ" အကြောင်း အသိ ပညာပေးဖို့အတွက် မိုင် ၂၃၀၀ ရှည်လျားတဲ့ ငြိမ်းချမ်းရေးလမ်းလျှောက်ပွဲမှာ ပါဝင်ခဲ့ကြပြီး စံချိန်ချိုးခဲ့ကြတယ်လို့ CNBC သတင်းမှာ ဖော်ပြထားပါတယ်။ တက္ကဆက်ပြည်နယ်၊ ဖို့ဝါ့သ်မြို့ကနေ ဝါရှင်တန်ဒီစီ (Washington.DC) အထိ မိုင်ပေါင်းများစွာ ခြေကျင်ကြွချီတော်မူနေကြတဲ့ ဓမ္မစေတီ ဆရာတော်ဘုရားတွေရဲ့ "ငြိမ်းချမ်းရေး လမ်း လျှောက်ခရီးစဉ်"ဟာ ဖေဖော်ဝါရီ ၂ ရက်မှာ ဗာဂျီးနီးယားပြည်နယ်ကို ရောက်ရှိလာပြီး ရက်ပေါင်း (၁၀၁) ရက် တိတိ ပြည့်မြောက်တဲ့နေ့ ဖြစ်ပါတယ်။
ဗာဂျီးနီးယားပြည်နယ် ဘုရင်ခံ အဘီဂေးလ် စပန်ဘာဂါနဲ့ ရစ်ခ်ျမွန် မြို့တော်ဝန် ဒန်နီ အာဗူလာတို့ကိုယ်တိုင် ဆရာတော်တွေကို မြို့အဝင်မှာ ဦးခိုက်ကြိုဆိုခဲ့ကြပြီး ဘုရင်ခံက (ဖေဖော်ဝါရီ ၂ ရက်)နေ့ကို ဗာဂျီးနီးယားပြည်နယ်ရဲ့ "Walk for Peace Day" (ငြိမ်းချမ်းရေး လမ်းလျှောက်နေ့) အဖြစ် တရားဝင် ဂုဏ်ပြုသတ်မှတ်ပေးလိုက်တယ်လို့ သိရပါတယ်။
ငြိမ်းချမ်းရေးလမ်းလျှောက် ရဟန်းတော် ၁၈ ပါးဟာ သုံးလကြာ ခရီးစဉ်အတွင်း ဘယ်သောအခါမှ လှဲလျောင်းခြင်း မပြုတဲ့ ဗုဒ္ဓဘာသာဓလေ့ကို လိုက်နာကြပြီး ဖိနပ်မပါဘဲ လမ်းလျှောက်နေကြတာပါ။ ငြိမ်းချမ်းရေးလမ်းလျှောက် ပွဲကို ဦးဆောင်နေတဲ့ ရဟန်းတော် ပဉ္ညကာရ ဦးဆောင်မှုနဲ့ ဝါရှင်တန်ဒီစီကို ဦးတည်နေစဉ် အဖွဲ့ဝင်တစ်ပါးမှ ပြင်းထန်တဲ့ ဒဏ်ရာရရှိတာမျိုးမရှိဘဲ ကျော်လွှားနိုင်ခဲ့တာ ဖြစ်ပါတယ်။ ရဟန်းတော်တွေဟာ အောက်တိုဘာ ၂၆ ရက်ကစပြီး တက္ကဆက်ပြည်နယ်၊ ဖို့ဝါ့သ်မြို့ရှိ ဗီယက်နမ်ဗုဒ္ဓဘာသာ ဘုရားကျောင်းတစ်ခုကနေ စတင်ထွက်ခွာ ခဲ့တာဖြစ်ပြီး လူဝီစီယားနား၊ မစ္စစ္စပီနဲ့ အလာဘားမားပြည်နယ်တို့ကို ဖြတ်သန်းခဲ့ကြပြီး ဖြစ်ပါတယ်။

Me : ၂၀၂၆ မှာဘ ၀ တက်လမ်းအတွက် ကြိုးစားရမယ် ၂၀၂၆ ကငါ့နှ,စ်ပဲ
Also me in February :

ပြည်ထောင်စုအတိုင်ပင်ခံကောင်စီဥပဒေ ပြဋ္ဌာန်း
-------------------
ပြည်ထောင်စုအတိုင်ပင်ခံကောင်စီဥပဒေကို ပြဋ္ဌာန်းလိုက်တယ်လို့ အမျိုးသားကာကွယ်ရေးနှင့်လုံခြုံရေးကောင်စီ က ဖေဖော်ဝါရီလ ၃ ရက် ရက်စွဲနဲ့ ထုတ်ပြန်ပါတယ်။
အမျိုးသားကာကွယ်ရေးနှင့်လုံခြုံရေးကောင်စီဟာ ဖွဲ့စည်းပုံအခြေခံဥပဒေပုဒ်မ ၄၂၇ အရ ပြည်ထောင်စုလွှတ် တော်၏ ဥပဒေပြုခွင့်အာဏာကို ကျင့်သုံးကာ စစ်မှန်၍ စည်းကမ်းပြည့်ဝသည့် ပါတီစုံဒီမိုကရေစီစနစ်ခိုင်မာရေး၊ ဒီမိုကရေစီနှင့်ဖက်ဒရယ်စနစ်ကို အခြေခံသည့် ပြည်ထောင်စုတည်ဆောက်ရေး၊ တိုင်းပြည်ဝပြောရေး၊ စားရေ ရိက္ခာပေါများရေး စတဲ့ ရည်ရွယ်ချက်တွေနဲ့ ဒီဥပဒေကို ပြဋ္ဌာန်းတာဖြစ်တယ်လို့ ဆိုပါတယ်။
ပြည်ထောင်စုအတိုင်ပင်ခံကောင်စီရဲ့ သက်တမ်းဟာ နိုင်ငံတော်သမ္မတရဲ့ သက်တမ်းအတိုင်းဖြစ်ပါတယ်။
မြန်မာနိုင်ငံတော်ဖွဲ့စည်းပုံအခြေခံဥပဒေက အာဏာခွဲဝေအပ်နှင်းထားတဲ့ အုပ်ချုပ်ရေးအာဏာနဲ့ တရားစီရင်ရေး အာဏာတို့ကို မထိခိုက်စေဘဲ ဒီဥပဒေရဲ့ ရည်ရွယ်ချက်တွေနဲ့အညီ ပြည်ထောင်စုရဲ့ လုံခြုံရေးနဲ့ တရားဥပဒေစိုးမိုး ရေးဆိုင်ရာကိစ္စရပ်တွေ၊ နိုင်ငံတကာဆက်ဆံရေးဆိုင်ရာကိစ္စရပ်တွေ၊ ငြိမ်းချမ်းရေးဆိုင်ရာကိစ္စရပ်တွေ၊ ဥပဒေ ပြဋ္ဌာန်းရေးဆိုင်ရာကိစ္စရပ်တွေကို အကြံပေးတာ၊ ညှိနှိုင်းဆောင်ရွက်တာတွေကို ပြုလုပ်နိုင်ဖို့အတွက် ကောင်စီကို ဖွဲ့စည်းဖို့ နိုင်ငံတော်သမ္မတကို အခွင့်အာဏာအပ်နှင်းထားတယ်လို့လည်း အဲဒီဥပဒေမှာ ဖော်ပြပါရှိပါတယ်။
ဒါ့အပြင် နိုင်ငံတော်သမ္မတဟာ သင့်လျော်တဲ့ပုဂ္ဂိုလ်တွေနဲ့ ဥက္ကဋ္ဌနဲ့ အတွင်းရေးမှူးကို သတ်မှတ်ပေးရမှာဖြစ်ပြီး ပုဒ်မ ၄ ပါ ကိစ္စရပ်တွေနဲ့စပ်လျဉ်းပြီး ကောင်စီရဲ့တာဝန်နဲ့လုပ်ပိုင်ခွင့်တွေကို သတ်မှတ်ပေးရမှာ ဖြစ်ပါတယ်။
ပြည်ထောင်စုအစိုးရအဖွဲ့ဟာ ကောင်စီဝင်တွေရဲ့ လစဉ်ချီးမြှင့်ငွေ၊ စရိတ်၊ အဆောင်အယောင်နဲ့ ခံစားခွင့်တွေကို သတ်မှတ်ပေးရမှာဖြစ်ပြီး ကောင်စီရဲ့ရုံးလုပ်ငန်းတွေအတွက် နိုင်ငံတော်သမ္မတရုံးက စီစဉ်ဆောင်ရွက်ပေးရမယ် လို့ ဆိုပါတယ်။
နိုင်ငံတော်သမ္မတရုံးက ပြည်ထောင်စုအတိုင်ပင်ခံကောင်စီဥပဒေပါ ပြဋ္ဌာန်းချက်တွေကို အကောင်အထည်ဖော် ဆောင်နိုင်ဖို့အတွက် လိုအပ်တဲ့နည်းဥပဒေ၊ အမိန့်၊ အမိန့်ကြော်ငြာစာနဲ့ ညွှန်ကြားချက်တို့ကိုလည်း ထုတ်ပြန်နိုင် တယ်လို့ ဖော်ပြပါရှိပါတယ်။

ပြည်သူဆန္ဒကို လေးစားလိုက်နာဆောင်ရွက်ရန် ဗိုလ်ချုပ်မှူးကြီး ပြောကြား
-------------------------------------------------
နိုင်ငံတော်အစိုးရအနေနဲ့ ပြည်သူတွေရဲ့ဆန္ဒကို လေးစားရမှာဖြစ်ပြီး ပြည်သူတွေရဲ့ လိုလားချက်တွေအတိုင်း မှန်မှန်ကန်ကန်နဲ့ ဆောင်ရွက်သွားဖို့ လိုတယ်လို့ နိုင်ငံတော်လုံခြုံရေးနှင့်အေးချမ်းသာယာရေးကော်မရှင်ဥက္ကဋ္ဌ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်က ပြောပါတယ်။
ဖေဖော်ဝါရီ ၃ ရက်က နိုင်ငံတော် ကာကွယ်ရေးတက္ကသိုလ်က နည်းပြအရာရှိကြီးတွေနဲ့ သင်တန်းသား အရာရှိကြီး တွေကို Video Conferencing နဲ့ အမှာစကား ပြောကြားရာမှာ အခုလို ထည့်သွင်း ပြောကြားခဲ့တာပါ။
ရွေးကောက်ပွဲနဲ့ ပတ်သက်လို့ ပြီးခဲ့တဲ့ ဒီဇင်ဘာ ၂၈ ရက်က စတင်ပြီး အပိုင်း ၃ ပိုင်းခွဲ ကျင်းပပြုလုပ်ခဲ့ရာ ကျင်းပ တဲ့ မြို့နယ်တွေ အားလုံးမှာ ရာနှုန်းပြည့် ကျင်းပနိုင်ခဲ့တယ်လို့ ဗိုလ်ချုပ်မှူးကြီး မင်းအောင်လှိုင်က ပြောပါတယ်။
ဒါ့အပြင် ပါတီစုံ ဒီမိုကရေစီနိုင်ငံတစ်ခုအနေနဲ့ တပ်မတော်အနေနဲ့လည်း ပါတီစုံ ဒီမိုကရေစီလမ်းကြောင်းပေါ်မှာ ခိုင်ခိုင် မာမာ လျှောက်လှမ်းနိုင်ရေး ဆောင်ရွက်ခြင်းပင် ဖြစ်တယ်လို့ ဆိုပါတယ်။
ရွေးကောက်ပွဲမှာ ဆန္ဒမဲပေးသူ ၁၃ ဒသမ ၁၄ သန်း ရှိပြီး ရာခိုင်နှုန်းအနေနဲ့ ၅၄ ရာခိုင်နှုန်းကျော် ရှိခဲ့ကာ ပြည်သူ တွေအနေနဲ့ ရွေးကောက်ပွဲ ကျင်းပချိန်မှာ စိတ်ပါဝင်စားစွာ ဆောင်ရွက်ခဲ့ကြတာကို ကြည့်မယ်ဆိုရင် ပြည်သူတွေ အနေနဲ့ ဒီမိုကရေစီလမ်းကြောင်းပေါ်မှာ လျှောက်လှမ်းလိုတာနဲ့ နိုင်ငံတော်အစိုးရရဲ့ လုပ်ဆောင်ချက်အပေါ် ယုံကြည်မှု ရှိတာတွေကို တွေ့ရတယ်လို့လည်း ဗိုလ်ချုပ်မှူးကြီး မင်းအောင်လှိုင်က ပြောကြားခဲ့ပါတယ်။
တွေ့ဆုံပွဲကိုတော့ ကော်မရှင် ဒုတိယဥက္ကဋ္ဌ ဒုတိယတပ်မတော်ကာကွယ်ရေး ဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူးကြီး စိုးဝင်း၊ ကော်မရှင် အတွင်းရေးမှူး ဗိုလ်ချုပ်ကြီး ရဲဝင်းဦး၊ ကော်မရှင် အဖွဲဝင် ညှိနှိုင်းကွပ်ကဲရေးမှူး(ကြည်း၊ ရေ၊ လေ) ဗိုလ်ချုပ်ကြီး ကျော်စွာလင်းနဲ့ အဆင့်မြင့် တပ်မတော်အရာရှိကြီးတွေ တက်ရောက်ကြပြီး ကော်မရှင်အဖွဲဝင် နိုင်ငံတော်ဝန်ကြီးချုပ် ဦးညိုစော၊ အမျိုးသားကာကွယ်ရေးနှင့် လုံခြုံရေး ကောင်စီ အမှုဆောင်ချုပ် ဦးအောင်လင်းဒွေး၊ ပြည်ထောင်စုဝန်ကြီးတွေနဲ့ ပြည်ထောင်စုအဆင့် ပုဂ္ဂိုလ်တွေ တက်ရောက်ခဲ့ကြပါတယ်။

အမေရိကန်ဒေါ်လာ ၂၈ သန်း ဗဟိုဘဏ် ရောင်းချပေးမည်
----------------------------
နိုင်ငံခြားငွေကြေးဈေးကွက်မှာ စက်သုံးဆီလုပ်ငန်းရှင်တွေအတွက် အမေရိကန်ဒေါ်လာ ၂၈ သန်း ရောင်းချပေး သွားမယ်လို့ မြန်မာနိုင်ငံတော်ဗဟိုဘဏ်က ဖေဖော်ဝါရီ ၃ ရက်မှာ ထုတ်ပြန်ပါတယ်။
အလားတူ ဖေဖော်ဝါရီ ၃ ရက်မှာပဲ ဗဟိုဘဏ်က CMP ကုမ္ပဏီတွေဆီက ဝယ်ယူထားတဲ့နိုင်ငံခြားငွေတွေထဲက အမေရိကန်ဒေါ်လာ ခြောင်သိန်းကိုးသောင်းကျော်ကိုလည်း စားသုံးဆီတင်သွင်းတဲ့ကုမ္ပဏီတွေကို FX Market Online Trading Platform ကနေ ရောင်းချခဲ့တယ်လို့ ဆိုပါတယ်။
FX Market Online Trading Platform ကနေ ဖေဖော်ဝါရီ ၃ ရက်မှာ စားသုံးဆီက ၄ ရာခိုင်နှုန်း၊ စက်သုံးဆီက ၅၉ ရာခိုင်နှုန်း၊ ဆေးဝါးနဲ့ဆေးဝါးကုန်ကြမ်းပစ္စည်းက ၃ ရာခိုင်နှုန်း၊ ဓာတ်မြေဩဇာက ၁ ရာခိုင်နှုန်း၊ စက်မှုကုန်ကြမ်း က ၂ ရာခိုင်နှုန်း၊ ကားနဲ့ဆိုင်ကယ်အပိုပစ္စည်းက ၅ ရာခိုင်နှုန်း၊ စားသုံးကုန်စည်က ၅ ရာခိုင်နှုန်း၊ အီလက်ထရောနစ် ပစ္စည်းတွေက ၂ ရာခိုင်နှုန်း၊ တခြားကုန်ပစ္စည်းတွေနဲ့ Non Trade Transation တွေက ၁၉ ရာခိုင်နှုန်း နိုင်ငံခြားငွေ တွေ အသီးသီး ဝယ်ယူရရှိခဲ့တယ်လို့ သိရပါတယ်။
ဖေဖော်ဝါရီ ၃ ရက် FX Market Online Trading Platform မှာ အရောင်းအဝယ်ပြုလုပ်တဲ့ ဈေးနှုန်းက အမေရိ ကန် တစ်ဒေါ်လာ ကျပ် ၃၆၅၄ ၊ တရုတ် တစ်ယွမ် ၅၅၇ ကျပ် နဲ့ ထိုင်းတစ်ဘတ် ကျပ် ၁၂၄ ဒသမ ၉၀ ကျပ် ဖြစ်တယ်လို့ သိရပါတယ်။
အခု ၂၀၂၅-၂၀၂၆ ဘဏ္ဍာနှစ် ဇန်နဝါရီလ ၁၅ ရက်အထိ ၉ လကျော်အတွင်း နိုင်ငံခြားငွေကြေးဈေးကွက်ထဲမှာ အမေရိကန်ဒေါ်လာ ၃ ဘီလီယံကျော် ရောင်းချထားပြီးဖြစ်တယ်လို့လည်း မြန်မာနိုင်ငံတော်ဗဟိုဘဏ်ရဲ့ အချက်အလက်တွေအရ သိရပါတယ်။

နိုင်ငံသားများ၏ပုဂ္ဂိုလ်ဆိုင်ရာလွတ်လပ်မှုကို ကာကွယ်ပေးရေးဥပဒေကို ပြင်ဆင်ပြဋ္ဌာန်း
-------------------------------------
အမျိုးသားကာကွယ်ရေးနှင့်လုံခြုံရေးကောင်စီက နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံ ခြုံမှုကို ကာကွယ်ပေးရေးဥပဒေကို ပြင်ဆင်တဲ့ဥပဒေကို ပြဋ္ဌာန်းလိုက်တယ်လို့ ဖေဖော်ဝါရီလ ၃ ရက် ရက်စွဲနဲ့ ထုတ်ပြန်ပါတယ်။
အမျိုးသားကာကွယ်ရေးနှင့်လုံခြုံရေးကောင်စီဟာ ဖွဲ့စည်းပုံအခြေခံဥပဒေပုဒ်မ ၄၂၇ အရ ပြည်ထောင်စု လွှတ်တော်၏ ဥပဒေပြုခွင့်အာဏာကို ကျင့်သုံးပြီး ဒီဥပဒေကိုပြဋ္ဌာန်းလိုက်တာပါ။
ပြင်ဆင်ပြဋ္ဌာန်းလိုက်တဲ့ဥပဒေအရ နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေး ဥပဒေ ပုဒ်မ ၅ ၊ ပုဒ်မခွဲ (ခ)ကို ပုဂ္ဂိုလ်တစ်ဦးဦးရဲ့ နေအိမ်နဲ့ နေအိမ်အဖြစ် အသုံးပြုသောအခန်း၊ အဆောက်အအုံ ဒါမှမဟုတ် ပရဝဏ်နဲ့ ပရဝဏ်အတွင်းရှိ အဆောက်အအုံတွေအတွင်းကို တည်ဆဲဥပဒေ တစ်ရပ် ရပ်အရ ဝင်ရောက် ရှာဖွေတာ၊ သိမ်းဆည်းတာ ဒါမှမဟုတ် သူတစ်ဦးဦးအား ရှာဖွေတာ၊ ဖမ်းဆီးတာ ပြုလုပ်လိုရင် နိုင်ငံတော် ကာကွယ်ရေး၊ လုံခြုံရေးနဲ့ အများပြည်သူအေးချမ်းသာယာရေးအတွက် အရေးကြီးလိုအပ်ချက်မှတစ်ပါး သက်ဆိုင်ရာ ရပ်ကွက် ဒါမှမဟုတ် ကျေးရွာအုပ်စုရှိ အုပ်ချုပ်ရေးမှူးဖြစ်စေ၊ ကျေးရွာတာဝန်ခံ ဒါမှမဟုတ် ရာအိမ် မှူးဖြစ်စေ တစ်ဦးဦး အပါအဝင် အနည်းဆုံးသက်သေနှစ်ဦးနဲ့အတူ ဆောင်ရွက်ရမယ်ဆိုတာနဲ့ အစားထိုးရမယ်လို့ ဖော်ပြထားပါတယ်။
ဒါ့အပြင် နိုင်ငံသားများ၏ ပုဂ္ဂိုလ်ဆိုင်ရာလွတ်လပ်မှုနှင့် ပုဂ္ဂိုလ်ဆိုင်ရာလုံခြုံမှုကို ကာကွယ်ပေးရေးဥပဒေ ပုဒ်မ ၈ ခြေဆင်း ကိုလည်း နိုင်ငံတော်ကာကွယ်ရေး ၊ လုံခြုံရေးနှင့် အများပြည်သူအေးချမ်းသာယာရေး အလို့ငှာ ဥပဒေနဲ့ အညီ တာဝန်အရဆောင်ရွက်ရတဲ့ တာဝန်နဲ့လုပ်ပိုင်ခွင့်ရှိသူမှအပ မည်သူမျှ တည်ဆဲဥပဒေနဲ့အညီ ခွင့်ပြုမိန့် / ခွင့်ပြုချက် ဒါမှမဟုတ် ဝရမ်းတစ်စုံတစ်ရာ မရှိဘဲဖြစ်စေ နိုင်ငံတော်သမ္မတ ဒါမှမဟုတ် ပြည်ထောင်စုအစိုးရအဖွဲ့ ရဲ့ ခွင့်ပြုချက် မရှိဘဲဖြစ်စေ ဆိုတာနဲ့အစားထိုးရမယ်လို့ ဖော်ပြထားပါတယ်။